 |
_خلاص كفايه تعليم لحد كده هو انتي هتعملي بشهاده ايه يعني
خديجه: يعني يرضيكي اضيع كل سنين التعب والمذاكره دي علي الفاضي
_اه يرضيني
خديجه: يا أمي مينفعش والله... يعني ام-وت نفسي
_ لأ اتجوزي زين
خديجه: طب ما انا همو-ت نفسي برضو
_ااه انتي واخده علي دلع ابوكي الله يرحمه انا بقا معنديش الدلع ده
خديجه: يعني اتجوز واحد ابوه كان بيقول عليه عصبي ومغرور واهم حاجه عنده هي نفسه وبس
_اقعدي معاه وبعد كده اتكلمي
خديجه: وبعد كده تجبريني عليه برضو صح؟؟
_بت انتي شكل قعدتك في القاهره نسيتك عاداتنا وتقاليدنا
معندناش بنات تسافر لوحدها حتي لو هتقعدي من الجامعه دي خاااالص
خديجه بنرفزه: حاضر حاضر هقعد معاه
_ ايوه كده حطي عقلك في راسك واعقلي
شهر واحد قلب كل حياتي من بنت بتدرس في كليه صحافه واعلام وكل اللي هي عاوزه ابوها بيجبهولها ومدلعه
ل بنت مستقلبها بيضيع وملهوش ملامح منغير ابوها وسندها إللي راح في غمضه عين في حادثه عربيه
منار: ها هتعملي ايه
خديجه: هقابله وافهمه ظروفي واني رافضه الجواز واني لو وافقت لازم يساعدني ويقبل اني اكمل دراستي
منار: طب افرض رفض دراستك؟؟؟
خديجه: يبقا علي الله حكايتي ومستقلبي ضاع
منار: طب هو شافك وعارفك ولا لأ
خديجه: معرفش بس تقريبآ كده امي وامه هما السبب
منار: طب وعبدالله اخوكي رائيه ايه؟
خديجه: لسه معرفش لما اشوف الاستاذ ده بكرا هبقا اقرر هعمل ايه
_ يلا قومي ياهانم علشان تساعدني قبل ما الضيوف يجو
خديجه: ياماما انتي بتعمليني كده ليه ده انا بنتك
_ علشان ابوكي دلعك واتعودتي علي الطبطبه وده مينفعش في الدنيا دي
خديجه: يعني القسوه اللي هتنفع
_انتي لسه هتردي عليا قومي خلصي
تجاهلت معاملتها ليا لأني متعوده عليها وساعدتها ودخلت جهزت نفسي بسرعه
خديجه: عبدالله انا عاوزه اقولك حاجه
عبدالله: طب مش دلوقتي يا ديجا علشان زين صاحبي معايا برا
خديجه: طيب دخلو وانا هعملكم حاجه تشربوها لحد ما عتريس ده يجي
عبدالله: اه قصدك العريس
خديجه بضحك: لأ عتريس لايقه عليه
دخل مع صحابه حاجه طول بعرض وشياكه كده تقريبا مش من البلد
عبدالله: شوفيه يشرب ايه لحد ما ارد علي التليفون
خديجه: حضرتك تشرب ايه
__قهوه ساده
كلمت نفسها بصوت واطي ساده ليه قاعد في عزا
__لأ مش قاعد في عزا بس انا بحبه كده
خديجه بإحراج: احم بعد اذنك
عملت القهوه وعبدالله بيتكلم في التليفون ده لو بيحكي قصه حياته كان خلص
خديجه: اتفضل
__شكرا
لسه هخرج ليقته بيقولي: عبدالله قالي انك رافضي العريس رغم انك مشوفتيهوش صح؟
خديجه: اه صح
__ ليه؟
خديجه: هو والده كان صاحب بابا الله يرحمه
__ تمام فين المشكله
خديجه: المشكله بقا ان والده بيقول عليه عصبي وعنيد وشايف نفسه اوي
__يعني ايه شايف نفسه
خديجه: يعني مغرور كده واهم حاجه عنده هي مصلحته علشان كده سافر وساب ابوه واخواته وارضهم
__يمكن كان عاوز يبني نفسه ويكون حاجه مختلفه
خديجه: لأ لأ ده حتي دمه تقيل ومحدش بيحبه ورخم كده
__يااااه وانتي عرفتي كل ده من قبل ما تشوفيه
خديجه: اصل جارتنا قالتلي عنه برضو
__ وانتي هبله كده بتسمعي كلام اي حد وتصدقيه
خديجه بعصبيه: ايه قله الذوق دي
علي صوته شويه__ ما انتي اللي تمشي ورا كلام الناس منغير ما تحكمي عقلك
خديجه بعصبيه: وانت مالك انت بتدافع عنه ليه
عبدلله جه علي صوتنا: ايه ياجماعه بتزعقو ليه
ما انا قولتلك براحه عليه يا زين
خديجه بصدمه: ميييين!!
رد عليه وهو بيجز علي سنانه: زين المغرور وبتاع مصلحته والرخم يا ذكيه
عبدالله بصلها وهو بيكتم ضحكه علي صدمتها وقالها بصوت واطي هو ده العتريس
خديجه: يا سواد السواد
#يتبع
#موني
قولولي رأيكم
Omnia hatem
البارت 2✨
عبدالله بصلها وهو بيكتم ضحكه علي صدمتها وقالها بصوت واطي هو ده العتريس
خديجه: يا سواد السواد
عبدالله: شوفي هتصلحي اللي عملتيه ده إزاي بقا
خديجه: احم إحم نورتنا يا استاذ زين
زين: استاذ إيه بقا ما انتي كنتي لسه بتقولي عليا رخم وبتاع مصلحتي
خديجه: معلش مكنتش اعرفك
زين بإستفزاز: وقولتي برضو ان دمي تقيل و....
خديجه: ما خلاص بقا انا قولتلك معلش
وانت قولت عليا هبله وانا ساكته اهو
زين: انتي بتعلي صوتك ليه
خديجه: ما انت اللي بتستفزني وبتتأمر عليا
زين: انا قولت من الاول أن الجوازه دي مش هتنفع
قام ووصل عند باب الاوضه
خديجه: انت فاكرني هتحايل عليك ولا إيه
لأ امشي براحتك
زين: يعني انتي مش هامك؟؟؟
خديجه: لأ مش هاممني ده انت حته داخل منغير علبه الجاتو
زين: طب ومستقبلك إللي هيضيع ده عادي!!!
خديجه: مستقبلي يضيع اه لكن كرامتي وكبريائي لأ
بصتله بتحدي وكملت كلامها: وبعدين بصراحه كده انت مش قدي
زين بعصبيه: مش قد مين؟؟
ده انتي شبر ونص
خديجه: اه انت مش قد تفكيري ولا عنادي ومش هتقدر تستحملني..انت صوت وبس
زين بعناد: طب ايه رأيك بقا اني هكمل الجوازه دي عند فيكي
خديجه: هه كلام علي الفاضي
حتي لو اتجوزتني هترضي تخليني اكمل تعليم؟؟
زين:..............
خديجه: شوفت بقا انك مش قد تفكيري وراجعي ومعاك شهاده علي الفاضي
زين بتحدي: طب انا موافق
مش علشان سواد عيونك لأ
علشان اعرفك مين هو زين الشناوي
خديجه: الايام هي إللي هتحكم بينا وبكرا تشوف العيون السود دول هيعملو فيك ايه
قومت دخلت اوضتي وانا باخد نفسي بسرعه ومش عارفه ازاي اتكلمت معاه بالتحدي والعند ده
منار: ها عملتي ايه؟
خديجه: خليته يوافق
منار: بجد!!!!! إزاي
خديجه: بالعند وتقريبا كده اللي جاي حزن الحزن
منار بضحك: لأ اجمدي كده ده انتي لسه في البدايه
__ جهزي نفسك زين اتفق مع اخوكي ان كتب كتابك الخميس الجاي
خديجه: ايه ده بالسرعه دي
__ اه علشان تسافري وانتي علي ذمته
منار بصوت واطي: امك مبتضيعش وقت
خديجه: تقريبا كده لقيتني علي باب جامع
الاسبوع جري بسرعه وفجاء لقيت انهارده الخميس وهبقا مرات العتريس ده
خديجه: انا خايفه اوي
منار: مانتي لازم تخافي بعضلاته دي
خديجه: انتي بتخوفيني زياده ولا بتهديني
منار: انا بقول الواقع
وبعدين انتي بلسانك ده هتودي نفسك في داهيه
خديجه: طب ابقي تعالي زوريني بقا
منار: فين؟
خديجه بهزار: في الداهيه
منار: اااه ده انتي ناويه تشلي الراجل بقا
المأذون وصل واحسن وقت بيكون في حياه اي بنت كان اصعب وقت عدا عليا وخصوصا وبابا مش معايا
"بارك الله لكم وبارك عليكم وجمع بينكم في خير"
الزغاريط عليت وكله بيحضن ويبارك وانا في دنيا تانيه اصلا
زين: مبروك يا حرم زين الشناوي
خديجه: ابعد شويه بس علشان النفس وكورونا وكده
زين بصوت واطي: طب افرضي وشك واتكلمي عدل بدل ما احضنك ومحدش هيقدر يقولي حاجه
خديجه: طب ابقا جرب كده علشان اندمك
قرب خطوه وبقا قصادها
خديجه: اثبت مكانك بدل ما اضرب الدبوس المصدي ده في دراعك وانت حر بقا
زين: صبرك عليا يابنت مهدي
__ الف مبروك يا عرايس...خلي بالك منها يا زين
زين: اه طبعا في عنيا
احنا لازم نسافر دلوقتي انا مجهز كل حاجه
__ وانا جهزت كل حاجه زي مانت قولتلي امبارح
خديجه: ايه ده هنمشي بالسرعه دي
زين: اومال عاوزه تفضلي قاعده مع امك هنا؟؟؟
كان نفسي اكون زي باقي البنات واقوله اه بس أمي طريقتها صعبه معايا وعمري ما شوفت منها الحنيه اللي كنت بسمع عنها
خديجه: لأ مش عاوزه اقعد
انا هطلع اجيب حاجتي
حطيت الشنط في العربيه وقعدت جنبه وهو هيسوق
زين: تقعدي هنا مسمعش صوتك لحد ما نوصل
خديجه: انا لو عاوزه اتكلم محدش هيمنعني علي فكره
بس انا عاوزه انام
زين: يبقا احسن برضو
خديجه: سوق عدل بقا ومتصحنيش غير لما نوصل
فعلاً محستش بالطريق وفضلت نايمه لحد ما وصلنا
زين: خديجه خديجااااااااه
خديجه بخضه: ايه حصل ايه حادثه!!!!!
زين بضحك: حادثه ايه احنا وصلنا
خديجه: ياشيخ حرام عليك خضتني
زين: اومال فين الاستنرونج اللي كانت بتتكلم من شويه
خديجه: في حد يصحي حد كده اصلا
زين: اه انا
خديجه: مااااشي بس متزعلش بقا بعد كده
زين: طب يلا بس علشان نطلع
نزلنا الشنط وطلعهم مع البواب وانا شيلت شنطه وطلعت
_ حمدلله علي السلامة يا حبيبي
زين: الله يسلمك يا حبيبتي
خديجه بصدمه: ايه ده!!!
مين دي
زين: دي مراتي
خديجه:..................
#يتبع
لتكملة الروايه عمل متابعه من هنا
البارت الثالث والرابع من هنا
تعليقات
إرسال تعليق