 |
البارت 3 ✨
زين: دي مراتي
خديجه: مرات مين!!!! يخربيتك متجوزني انا وهي؟؟؟
ده انت تطلقني دلوقتي يا بتاع انت
زين بنرفزه: اتكلمي عدل احسنلك
خديجه: انت فاكرني غبلانه وهاديه!!!
والله افتح دماغك وانزل ابلغ إنك كنت بتتهجم عليا والقانون يجبلي حقي
__اهدي بس ده زين بيحب يهزر كده
خديجه: يهزر ايه؟؟ هو ده يعرف الهزار والضحك اصلا
وبعدين انتي بتدافعي عنه ليه؟
__يمكن علشان اخته مثلاً!!
خديجه: اخته!!!!!
بصتله بصدمه: دي اختك بجد؟
زين: اه يام لسان ونص
__انا ياسمين اخته
تعالي بس ارتاحي كده واهدي
خديجه: القمر والكيوت دي اختك إزاي!!!
زين: ما عبدالله اخوكي هادي وعاقل وانا مقولتليش ده اخوكي إزاي
خديجه: اه اقنعتني
ياسمين: مشاء الله قط وفار اتجوز
لأ دي بيان عليها جوازه فل إن شاء الله
خديجه: والقمر دي هتقعد معانا ع طول صح؟
ياسمين: لأ طبعاً
انا كنت برتب الشقه وحضرتلكم كام اكله كده وهمشي
زين: طب حتي اقعدي انهارده معانا
ياسمين: لأ مش هينفع
انت عارف معتز مش هيرضي
خديجه: لا ولله مينفعش لازم تقعدي معانا انهارده... يارب اخوكي ي.......
زين بتحذير: ايييه انتي هتدعي عليا يا حبيبتي ولا ايه
خديجه: لأ طبعاً هو انا اقدر
ده كنت هقولها يارب اخوكي يحج
زين: اه بحسب
خديجه: لا متحسبش
اقعدي معانا انهارده بس
ياسمين: علشان خاطرك هقعد معاكي
يلا ادخلو ارتاحو شويه
دخلو الاوضه وهو رزع الباب
زين: اااه فلتي من ايدي انهارده
خديجه: هه انت فاكرني خايفه منك ولا إيه
زين: قلبك جامد يعنى!!
خديجه: قلب اسد
زين: اطلع يا ركس من تحت السرير
خوفت جدا وطلعت اجري ووقفت وراه
يخربيتك انت مربي كلب في الاوضه
زين بضحك: فين قلب الأسد
ودور عبده موته إللي انتي كنتي فيه
خديجه: ده برضو ميمنعش اني بخاف من الكلاب
زين: طيب انا هدخل الحمام اغير هدومي وانتي غيري براحتك وقوليلي لما تخلص
خديجه: تمام... اتفضل ادخل
اخد هدومه ودخل وانا طلعت بيچامه بكم روز ولميت شعري ولبست بندانه
خديجه: يلا اخرج انا خلصت
زين: اخيراااا... ده انا افتكرتك نستيني
خديجه: انا هنام شويه بقا علشان ارتاح
زين: اه طبعا ترتاحي... اصل خالتي إللي كانت نايمه في العربيه طول الطريق
خديجه: مكنتش مرتاحه برضو
زين: انتي بتعملي ايه؟
خديجه: باخد مخده وبطانيه علشان انام علي الكنبه
قرب مني وخدهم وقال بهدوء: لأ انا اللي هنام علي الكنبه
انا مش قليل الذوق علشان انام علي السرير واسيبك تنامي علي الكنبه
خديجه: احم احم شكراً
استغربت انه معنادش معايا ومعلقش اني مغطيه شعري برضو
طفي النور علشان ينام
خديجه: زين زززين
زين بخضه: إيه في إيه
خديجه: افتح النور بالله عليك مش بعرف انام في الضلمه
زين: هي ليله كحلي انا عارف
اهو ياستي فتحت النور لما نشوف اخرتها
فتح النور وفضلت اتقلب ومش عارفه انام
خديجه: انت نمت؟
زين: اه نمت
خديجه: اومال بترد عليا إزاي
زين: من الحلم
خديجه: عاوزه اسألك سؤال
زين: امممممم
خديجه: اسمها قولي او إتفضلي
قام قعد وبصلي وحد ايده علي خده: اتفضلي يا خديجه هانم
خديجه: ايوه كده
كنت عاوزه اعرف انت وافقت علي الجوزاه ليه رغم اننا مش طايقين بعض
زين: تفتكري اناوافقت ليه؟
خديجه: علشان تعند معايا او تحدي
زين: ايه شغل العيال ده
يعني انا مهندس 28 سنه ليا شخصيه وحياتي الخاصه اللي كونتها بيعد عن اهلي هتجوزك لمجرد العند؟؟؟
خديجه: اومال ايه؟
زين: انا زمان كنت عاوز احققك حلمي واهلي كانو معترضين بس انا اصريت وسافرت رغم زعل امي
خديجه:بس هي دلوقتي فخوره بيك
زين: اه فعلاً
بس زمان كانت عاوزني افضل جنبها وشايفه ان الشهاده دي ملهاش لازمه
خديجه بحزن: زي أمي دلوقتي
زين: بالظبط كده
وعلشان عبدالله كان دايما بيكلمني عنك وعن حبك للتعليم وتحقيق حلمك ف انا قررت اساعدك لأنك مش هتقدري تعبدي عن امك غصب عنها
خديجه: بابا الله يرحمه كان مقويني
زين: كان بيحبك اووي
كان دايما بيكلم ابويا عليكي وكان طالع بيكي السما... خليكي قد ثقته وحققي حلمه
كلامه زود شغفي لتحقيق حلمي وحلم ابويا وسرحت في الذكريات والاحلام ونمت
صحيت الساعه 8 بليل وهو كان نايم....افتكرت الطريقه اللي صحاني بيها في العربيه وقررت اخد حقي
قفلت نور الاوضه وحطيت الفون جنب ودنه علي فيديو واحده بتصوت جامد
زين بخضه: إيه ده فيه ايه
حصل ايه؟؟؟؟
اي الضلمه دي
خديجه بضحك: ارد علي انهي سؤال
زين: ياشيخه حسبي الله
هتقطعيلي الخلف
خديجه بضحك: بواحده بواحده
زين: انا قاعد مع بنت اختي!!!!
خديجه: اه صح تعال نشوف اختك
زين: يلا
جوعتي؟؟
خديجه: بصراحه جوعت
زين: وانا كمان والله
خرجنا لقينا ياسمين واقفه بتعمل شاي
زين: مساء الخير ي ياسمينتي
ياسمين: صح النوم يا عريس
هحضر حاجه تاكلها
خديجه: تعبتي نفسك والله
ياسمين: انا متعوده اجيله كل اسبوع احضرله شويه أكل لأنه مش بيعرف او بمعني اصح بيبهدل الدنيا
خديجه: ايه ده هو كمان بيحرق الأكل
ياسمين بضحك: ده حتي البيض بيحرقه
هي حضرت الأكل واحنا واقفين نتكلم ونهزر
ياسمين: اقعدو كلو بقا وانا هتفرج علي المسلسل بتاعي
زين: يلا اقعدي
خديجه: شكله حلو اوي وطعمه احلي
زين: وانتي بقا بتعرفي تعملي الأكل
خديجه: سيبك من الحاجات الهامشيه دي
انا بعرف اعمل قهوه حكااااايه
زين: دي بقا اهم حاجه
بيتكلم بهزار شويه وجد شويه ووجوده مش تقيل..... واخته هاديه وجميله وللأسف تاني مشيت ياسمين مشيت وفضلنا أنا وهو
زين: صباح الخير انا عندي ميتنج مهم ولازم انزل دلوقتي
خديجه: في اي براحه بتتكلم بسرعه كده ليه
زين: بقولك متأخر
متفتحيش الباب لحد....سلام
نزل بسرعه وفضلت في البيت لوحدي قلقت شويه بس شغلت نفسي بترويق البيت وتحضير الأكل
والساعه 3 ليقته بيفتح الباب
زين: مساء الخير
خديجه:انت جيت بدري و ياللهوي
زين: في ايه...اي الريحه دي
يخربيتك المطبخ بيولع
خديجه: يختااااي الطاسه في الفرن
زين: هتو_لعي فينا من اول يوم
دخلت لقيت صنيه البيتزا عباره فحم حجاره فحم والله
زين: شغل العيال ده مينفعش انا مش هعرف اعيش كده ولا هكون مطمن
وفتح باب الشقه ونزل ورزع الباب وراه
خوفت منه جدا... عينه كانت بطلع نار من العصبيه ف اخدت قراري وهنفذه
بعد ساعتين
زين: خديجه يا خديجه
اي الهدوء ده هي نامت ولا إيه
دخلت المطبخ لقيته نضيف دخلت الاوضه مكنتش موجوده ولا شنطها كمان موجوده!!!
زين: يادي الوقعه السودا
#يتبع
#موني
Omnia hatem
البارت 4 ✨
اي الهدوء ده هي نامت ولا إيه
دخلت المطبخ لقيته نضيف دخلت الاوضه مكنتش موجوده ولا شنطها كمان موجوده!!!
زين: يادي الوقعه السودا
هي وصلت ل انها تسيب البيت وتمشي وانا واقف بستوعب الموقف لقيت باب الشقه بيتفتح ومحدش معاه مُفتاح البيت غيري اصلا.... واللي برا بيحاول يفتح ومش عارف
خديجه: اووف هو مش عاوز يتفتح ليه
مسكها من هدومها وهو مندهش: هو انا متجوز حرامي شقق ولا إيه!!! بتعملي اي يا بلوه
خديجه: في اييه مكنش معايا مفتاح وعاوزه انزل
زين بغيظ:يعني ده مُبرر يخليكي تاخدي سكينه وانتي نازله يا ست هااانم
خديجه:اومال اعمل ايه يعنى؟؟
انت مش سايب مفتاح في البيت ولا حتي معايا رقمك
زين: اه عندك حق
بعد كده افتكر ان شنطها مش موجوده
زين: اومال فين الشنط بتاعتك!!!
وكمان انتي مقولتليش نزلتي ليه؟
خديجه: انا نقلت هدومي في اوضه تانيه وقررت اني اعتمد علي نفسي في كُل حاجه حتي الاكل
زين:اممم يعني انتي نزلتي تجيبي حاجات بدل إللي حرقتيها صح؟
خديجه: لأ لأني معرفش الاماكن هنا
انا نزلت اشحن الباقه عشان اتفرج علي فديوهات الأكل واتعلم
زين: استرها عليا يارب
هموت محروق ولا عندي تسمم علشان اكون عامل حسابي بس
خديجه: اتريق اتريق
بكرا تبوس ايدي علشان اعملك الأكل
زين: اه ده في الاحلام
انا هدخل اخلص شويه شغل في الاوضه لحد ما تخلصي
خديجه: تمام وانا هاخد الفون وادخل المطبخ
دخلت وفضلت اقلب في الفديوهات وانا مش محدده هعمل إيه أصلاً لحد ما لقيت وصفه جديده ومختلفه وقررت اعملها
خديجه: زين يا زززززين
زين: اييييه بتنادي عليا من الشارع
خديجه: عاوزه شويه طلبات وبهارات للأكل
زين: طيب قوليلي عاوزه ايه
خديجه: عاوزه زبادي يوناني ولبنه كريمي و 10 جرام لطرخون و موستار
زين: اصبري بس انا مفهمتش غير الزبادي
ايه الحاجات الاخيره دي!!!
خديجه: دي بهارات
زين: بهارات!!!!
هو الفلفل الاسود والكمون قصرو معاكي في حاجه؟؟
خديجه: لا دي حاجات مختلفه وبتدي طعم مختلف
زين:طيب حاضر هسألك عليهم
خديجه: وعاوزه صولجان و.....
زين:ياستي اصبرررري هو الصولجان ده اكل اصلا
خديجه: ده نوع بهارات برضو
زين: بهارات اييه!!! دي وصفه جلب الحبيب ولا وصفه أكل؟
خديجه: هتلاقيه عند العطار برضو
وكمان ربع كليو عرعر
زين بضحك: لأ طالما وصلت ل عرعر ده يبقا اطلعي من المطبخ الله يكرمك
خديجه: يعني انا غلطانه اني عاوزه اعملك اكله مختلفه ومميزه
زين: ياستي انا مش عاوز اكله مختلفه
اعملي بانيه وبطاطس ايه رأيك؟
خديجه: اه والله بحبهم
زين: يبقا يلا نعملها وناكل علشان هموت من الجوع والله
عملنا الاكل وفضلنا نناقر في بعض شويه
زين: تعرفي اني مش بحب الاكل الجاهز والدليفري وكده
خديجه: ازاي؟
هو فيه حد مش بيحب الاكل الجاهز
زين: اه انا
لأن انا كنت بشتغل وبصرف على نفسي ف كنت بحافظ علي فلوسي ف اكيد مش هصرفها علي الاكل الجاهز يعني
خديجه: امممم كنت بتعتمد علي نفسك يعني
زين: لو مكنتش عملت كده مكنتش هنفع في اي حاجه
خلصنا الأكل وتقريبا كل ما يتكلم اكتشف فيه صفه جديده....
بعد الاكل كل واحد فينا دخل نام في اوضه
قومت الساعه 2 اصلي قيام الليل ك العاده وصليت وفضلت قاعده مكاني
زين: احم إحم انتي لسه صاحيه
خديجه: قومت علشان اصلي
زين: بصراحه انا بقالي خمس دقايق واقف وشايفك قاعده وحتي مش بتدعي ف استغربت
خديجه: انا مش بعرف ادعي واقول إللي جوايا....مش بعرف ارتب كلامي ف بكتفي بكلمه يارب
زين: طب ليه مش بتحفظي ادعيه مثلآ
خديجه: كنت زمان بضايق من نفسي علشان مش بعرف ادعي واقول اللي جوايا لحد ما افتكرت الايه دي
"وَأَسِروا قَولكُم أَوِ اجْهَرُوا بِهِ انَّه عَلِيم بِذَاتِ الصدُور أَلَا يَعلَم مَنْ خَلق وهو اللَّطِيفُ الخَبِير "
و بابا كان دايما يقولي حتي لو مدعتيش ولا اتشكيتي فهو كفيل بما اخفيتي، عليم بما اسررتي...." ألا يعلم السر من خلق السر"
زين بإبتسامة: عندك حق
ربنا مطلع علي قلوبنا وعارف اللي بنتمناه منغير ما نقول
خديجه: اه صح انا بكرا هنزل الجامعه علشان ادفع المصاريف واتأكد ان الجامعه قبلت اعتذراي عن دخولي الامتحانات ولا لأ
زين: اه علشان ده كان في نفس وقت وفاه والدك
خديجه: اه
واميره صحبتي قدمتلي ورق تدهور الحاله الصحيه وحاله الوفاه
زين: بإذن الله يكون اتقبل
حس انها خايفه ومش مطمنه ف غير الموضوع: وبعدين انتي هتقعدي معايا سنه ونص مش هستحمل اكتر من كده هااا
خديجه بهزار: هو انت تطول اصلا اني اقعد
معاك
زين: مشوفتش في تواضعك
خديجه: ولا هتشوف والله
ادعيلي بس علشان لو مدخلتش الامتحانات السنه دي ماما هتعمل مني شاورما
دي ممكن تقولي ارجعي البلد كمان
زين: لا لا خير بإذن الله
دخل الاوضه بتاعته وانا قومت انام وظبط المنبه الساعه 10....وتاني يوم صحيت ملقتهوش
خديجه: مشاء الله ده بيقوم لوحده ومش بيفطر كمان ده انا امي دعيالي بقا
جهزت نفسي بسرعه ونزلت الجامعه
خديجه: لو سمحتي انا عاوزه ادفع المصاريف واتأكد ان الجامعه قبلت طلب تأجيل الامتحانات ولا لأ
# قدمتي عذر الشؤون او العميد؟؟
خديجه: اه طبعا
# طب استني شويه
فضلت واقفه نص ساعه وانا متوتره اصلا
# مفيش اي اعذار اتقدمت وف انتي شليتي مواد الترم كله واحتمال تتمنعي من دخول امتحانات الترم التاني ك تأديب
اتصدمت ومكنتش عارفه ارد ولا عارفه افكر ف اتصلت ب زين
زين: اوعي تقوليلي إنك توهتي ولا عملتي مشكله هاا اعترفي
خديجه بحزن: مستقلبي ضاع.........
#يتبع
#موني
Omnia hatem
خديجه هترجع البلد وتستسلم؟ ولا هتغير طريق حلمها!! ولا فيه لسه فيه حل وامل؟
البارت الخامس من هنا
تعليقات
إرسال تعليق