 |
#بقلمي رحمه محمد
#بنت يتيمه
البارت 10
في صباح يوم جديد
غزل فاقت وكان سليم صاحي
سليم ببتسامه : صباح الفلل
غزل ببتسامه : صباح النور
سليم ببتسامه :هقوم اجهز بقا عشان خارج
غزل : هتروح الشركه
سليم : لا
غزل بستغراب : لي
سليم : صباحيه مباركه ي اخت انا لسه عريس
غزل بكسوف وخدودها احمرت : طيب رايح فين
سليم : مشوار كدا وراجع بسرعه
غزل : فين يعنى
سليم : لما اجي هتعرفي
وسبها ودخل الحمام ياخد شور وجهز ومشي
غزل راحت تشوف سميره مامت سليم
لقتها قعده في جنينت الفيلا
غزل وهي بتقرب من سميره : صباح الفل علي ست الكل سرحانه في اي ي قمر
سميره ببتسامه : صباح الخير ي حبيبتى
غزل قعده علي كرسي جنبها : مالك ي خالتو انتى كنتى بتعيطي
سميره ابتسمت : مبسوطه اوي ي غزل مبسوطه عشان سليم واخيرا اتجوز وهشوف عيالو انا بتمناها من زمان وهو كان رافض نهائي بس بسببك سليم اتجوز وفرحني بيه
غزل حضنت سميره : حبيبتي ي خالتو
سميره باستها من جبينها : ربنا يسعدكو
وغزل باست ايديها
سميره ببتسامه : اسيبك بقا انا
غزل :راحه فين وسيباني
سميره : راحه اشوف واحده صحبتي زهقانه من البيت
غزل ضحكت : ماشي خدي بالك من نفسك لحد يعاكسك
سميره بضحك : حد يقدر
وسبتها
وغزل دخلت الفيلا
غزل : اى بقا الملل دا ي بت ي غزل
(بعد تفكير) بس لقتها
دخلت المطبخ وكان في 2 من الخدم
واحده من الخدم ببتسامه : مدام غزل محتاجه حاجه اجبها ليكي
غزل ببتسامه : هو انا عيزه احضر الغدا النهارده ممكن
الخدم بصو لبعض وابتسمو : ممكن اتفضلي
غزل بدات تجهز الغدا بمساعده الخدم
بعد ساعه ونص
غزل وقفه وبتغني
سليم دخل المطبخ وسمعها وخرج الخدم برا المطبخ
سليم : وحشتيني
غزل بخضه وبصت وراها : يالهوى.. ما تكح ياعم
سليم بستغراب : بتعملي اي
غزل ببتسامه وبتشاور علي الاكل : بجهز الاكل وبعمل كيكه بالشكولاته
سليم : طيب لي مقولتيش للخدم يجهزو الى انتى عيزاه
غزل : لا انا بحب اجهز الاكل
سليم : امم
غزل وهي بصه للاكل : كنت فين بقا
سليم :....
غزل ولسه بصه للاكل : سليم
سليم :....
غزل استغربت وبصت للمكان الى كان واقف في سليم لقتو واقف ومبتسم
غزل : انت مش بترد عليا لي
سليم قرب منها وطلع من جيبو علبه وفتحها وقعد علي رجلو في الارض
سليم والعلبه مفتوحه في ايدو : بحبگ ي غزل
غزل : الله ي سليم الخاتم حلو اووي
سليم : طب ما تخدي عشان انا صحتي علي قدي ومش قد القعده دي
غزل ضحكت وخدت الخاتم من سليم
سليم وقف : البسي
غزل مدت اديها : تؤ.. لبسهولي
سليم ابتسم ولبسها الخاتم وحضنها وبسها من خدها
غزل : بحبك
سليم : تؤ تؤ مش كدا
غزل بستغراب : هو اى الي مش كدا
سليم نزل لمستوي غزل وقرب وشو ليها وشاور علي خدو اليمين باصباعه
غزل : ايوا عايز اي
سليم فهم انها بتستعبط : يلا عشان منخلهاش في مكان تاني
غزل قربت منو عشان تبوسو من خدو
جابت الدقيق بتاع الكيكه ورمتو علي وش سليم وجريت
سليم : ي بنت المجنونه
جري وراها وهي بتجري وبتضحك بصوت عالي ودخلت اوضتها القديمه
سليم دخل وراها وقفل الباب عشان متطلعش
سليم بيقرب من غزل : وقعتي ولا حد سمي عليكى
غزل بترجع لورا : بص هقولك
سليم بيقرب اكتر : قولي
غزل بترجع لورا : هفهمك
سليم بيقرب : فهميني
ولسه هتجري سليم شدها : بقا انتى تبهدليني بالشكل دا
غزل : ما انت الى قليل الادب
سليم : انا قليل الادب... ماشي انا هعرفك مين قليل الادب ي غزل
شالها فجاه وراح بيها نحيت الحمام
غزل فهمت هو هيعمل اي : عاااااااا.. لا ي سليم خلاص ونبي
سليم : ابدا لازم اخد حقي
دخل بيها الحمام ورماها في البانيو وفتح عليها الميه
غزل : عاااااا الميه ساقعه
سليم بضحك : هتتقرر تانى
غزل بصوت عالي : لا مش هتتقرر ولا عايزه ادخل المطبخ تانى
سليم بضحك : هموت من الضحك
غزل : عااااا خلاص طلعني
سليم شالها وطلع بيها من الاوضه كلها وراح اوضتهم وقعدها علي السرير بحنان وراح علي الدولاب بتاعها وطلع ليها لبس
سليم بحنان : يلا غيري هدومك بسرعه عشان متتعبيش
غزل : ماشي اطلع برا
سليم ضم حاجبه : لي
غزل : عشان اغير
سليم ابتسم بخبث : وفيها اي
غزل بصدمه :هو اي الى فيها اي بقولك هغير هدومي ي سليم
سليم بضحك : ماشي انا نازل تحت
غزل اتنهدت : ماشي
سليم فتح بابا الاوضه ولف لغزل : مش عيزانى اساعدك ولا حاجه
غزل رمت اللبس نحيته وهو قفل الباب بسرعه وضحك
غزل ابتسمت : والله مجنون
قامت وغيرت هدومها وفردت شعرها ونزلت لسليم وكان بيقرا كتاب
غزل : انا جيت
سليم قفل الكتاب وبص ليها وابتسم : نورتي
غزل لسه هتقعد
سليم : انتى لسه هتقعدي يلا ي وليه جهزي الغدا
غزل ضحكت : حاضر ي سيدي
راحت علي المطبخ وبتجهز الاكل.. سليم جه من وراها وحضنها
غزل : جاي لي
سليم : جاي اساعدك
غزل : طب يلا خد الاطباق دي
وقاطع كلامها صوت حد بيزعق
..... : سليمممم
#يتبع
شكرا علي تفاعلكوا🖤
#بقلمي رحمه محمد
#روايه بنت يتيمه
البارت 11
سليم جه من وراها وحضنها
غزل : جاي لي
سليم : جاي اساعدك
غزل : طب يلا خد الاطباق دي
وقاطع كلامها صوت حد بيزعق
..... : سليمممم
سليم لف لصوت بستغراب : مريم
مريم بزعيق : انت ازاى واقف مع الخدامه وحضنها كدا
غزل : خدا..
سليم بص ليها بمعني اسكتي
غزل بصت ليه بزعل وحست انو مش عايزها تعرف انها مراتو
سليم ببرود : وانتى مالك
مريم بزعيق : هو اي انا مالي
سليم بغضب : مش معني اني سكت تزيدي فيها ولما تيجي تتكلمي عن مرات سليم السيوفي تتكلمي بحترام
غزل فرحت اوي من كلامو وهو بيدافع عنها وحست بالامان وان هو سند ليها
مريم بصدمه: اي.. مراتك
سليم: ايوا دي مراتي
قرب من غزل وحط ايدو علي كتفها وبص ليها وابتسم
سليم: مدام غزل سليم السيوفي
غزل ابتسمت ليه بحب
مريم بزعيق: وانا
سليم بص ليها: وانتى اي
مريم: انت عارف اني بحبك
سليم: انتي عارفه اني محبتكيش وبردو كنتى بتقربي
مريم: بس..
قاطعها سليم
سليم بهدوء: مريم انتى الى وجعتي نفسك انا كنت ببعد عنك وانتي كنتي عارفه وبردو كنتي مصممه تقربي مني وانا دلوقتي اتجوزت وبحب مراتي انا عارف انك موجوعه دلوقتي وبجد لو في حاجه اعملها ليكى مش هتاخر بس انا بحب غزل وخترتها
مريم بتحذير: بوعدك اني مش هسبكو ترتاحو ي سليم
بصت لغزل بكره وسبتهم ومشيت
غزل بصت لسليم: مين دي ي سليم
سليم بتنهيد: دي مريم بنت وحده صحبت ماما بتعتبرها اكتر من اختها وعشان كدا قالتلى من وانا صغير اقول ليها خالتو .. ودي بنتها انا عارف ان هي مبتحبنيش انا بس بالنسبه ليها منظر حاجه تفتخر بيها قدام الناس
غزل هزت راسها وسكتت
سليم قرب منها : كنا بنقول اي بقا
غزل بكسوف : ولا حاجه
سليم حضنها وباسها من جبينها برقه: بحبك ي غزل
جت سميره: عيب يواد مش في المطبخ كدا
غزل شهقت وبعدت سليم عنها بسرعه
سليم بص لسميره بغيظ : كان لازم تدخلي دلوقتي يعني
وبص لغزل : وبعدين هو انا شقطك ي مجنونه انتي كمان
سميره بضحك : ابني انحرف يولاه
سليم ضحك : مليش دعوه هي السبب (شاور علي غزل)
غزل ببراءه : والله ما عملت حاجه
سميره بضحك : صدقه ي حبيبتي... اى ريحت الاكل الجميله دي
سليم: بنت اختك هي الى جهزت الاكل النهارده
سميره ببتسامه: تسلم ايدك ي حبيبتي ريحتو تجنن
غزل ببتسامه : طيب يلا روحي اقعدي علي السفره وانا هجيب الاكل
سميره قربت من الاكل : لا هحط الاكل معاكي ي حبيبتي
غزل : لا ي خالتو روحي اقعدي عشان خاطري
سميره ابتسمت : حاضر ي حبيبتي
سميره خرجت من المطبخ وسليم هيخرج وراها غزل وقفتو
غزل : سليم
سليم : ها
غزل : انت رايح فين
سليم بستغراب : هروح اقعد علي السفره
غزل : انت قولت هتساعدني
سليم : انتي صدقتي سلام يختي
غزل برقه : سليم
سليم : علي اخر الزمن هشتغل خدامه
غزل : وحياتي ي سليم
سليم بنفاذ صبر : جوازت اي المهببه دي يارب
غزل بحزن مصطنع : بقا كدا ي سليم حتت طلب مش عايز تعملو ليا اخص عليك الف خصايه
سليم : ياصبر ايوب
قرب من الاكل وجهز مع غزل وهي ابتسمت ليه
غزل بضحك : حبيبي الى بيسمع الكلام
سليم : كلمه كمان وهسيبك وامشي
غزل : خلاص اهو سكت
جهز الاكل وحطو علي السفره
غزل كانت فرحانه وحسه بحب وحنان سليم وخالتها
وخلصو اكل وسميره قامت راحت اوضتها
سليم قام وقف : شويه وجاي
غزل : رايح فين ي كابتن
سليم بستغراب : هعمل تليفون وجاي
غزل : طب ودا (شاورت علي الاطباق)
سليم : ايوا عيزاني اشلهم هما كمان
غزل (بتقلد صوت سليم) : بالظبط
سليم بصدمه : انا بتكلم كدا
غزل بضحك : ايوا
سليم قرب منها : يعني انا بتكلم كدا
غزل بترجع : لا لا مش انت
سليم ضحك : طيب يلا شيلي الاطباق
غزل كشرت : شيل معايا
سليم قرب : لا انا ممكن اشيلك ونطلع علي فوق
غزل جريت راحت علي الاطباق: كدا ي سليم مش تقول انك تعبان اقعد تحب اعملك حاجه كمان
سليم ضحك جامد : لا
سليم لف ومشي
غزل : ربنا علي الظالم
سليم لف ليها : بتقولي حاجه
غزل : لا... لا محصلش
سليم سبها وخرج برا الفيلا
ورن علي اياد
اياد : يهلا
سليم : فينك يبني
اياد : في الشركه وماشي اهو
سليم : انا عارف ان الشغل كتير عليك عشان انا مش موجود
اياد : انت مفتري طول عمرك اصلا
سليم: انا مفتري ي اياد
اياد بضحك : عايز الحقيقه ولا النفاق
سليم : الحقيقه طبعا
اياد : ظالم ومفتري و..
سليم قاطعه : انا راجل منافق وبحب النفاق اصلا
اياد بضحك : مش ظالم ومش مفتري خالص
سليم : طمنتني... بقولك بقا مريم عرفت اني اتجوزت ومشيت من هنا ومش مطمن ليها عيزك تراقبها كويس لتعمل اي حاجه لغزل
اياد : احكيلي الى حصل
سليم حكي كل الى حصل لاياد
اياد : وانت كنت حضنها فالمطبخ لي ملكوش اوضه تلمكو
سليم: ما تتلم ياض
اياد بضحك: طيب بس متزقش يعم
سليم: يلا اعمل الى قولتلك عليه
اياد: اوكي بااي يعريس
سليم قفل مع اياد وتنهد ودخل الفيلا
سليم بصدمه: غزل....
#يتبع
#بقلمي رحمه محمد
#روايه بنت يتيمه
البارت 12
سليم دخل الفيلا
سليم بصدمه : غزل
شاف غزل قعده بتاكل الكيكه بالشكولاته ومبهدله نفسها
غزل اتخضت : منك لله قطعتلي الخلف
سليم : انتي عملتي في نفسك كدا لي.. انتى طفله يبنتي
غزل : اسكت انا بحب الكيكه دي اوي بتبقا كلها شكولاته
سليم : بس انتى بهدلتي نفسك اوي
غزل اتنهدت: انت متعرفش حكيتي معاها دي حياتي اسكت بقا عشان اعرف اكل
سليم ابتسم وقعد جنبها وجاب منديل
سليم بص علي المنديل وبص علي غزل
سليم رما المنديل : لا دا مش هينفع
غزل بستغراب : رميتو لي
سليم : انا همسحها بطريقتي
وشال غزل
غزل : عااا سليم نزلني عايزه اكل الشكولاته
سليم : تعالى بس نطلع فوق امسحلك الشكولاته دي وشويه وتعالى خديها
*عند اياد
روح بيتو وكلف حد يراقب مريم
سمع تليفونو بيرن وكان الى بيراقب مريم
اياد : في اي
الشخص : اياد بي مريم قعده مع علي
اياد بستغراب : علي
الشخص : هما قدامي اهم
اياد : فين مكانهم
الشخص : في كافي *........
اياد : انا جاي خليك مكانك
الشخص : اياد بي خليك وانا هقرب منهم واحاول اعرف بيخططو لاي بلاش انت تيجي عشان اكيد مريم عرفاك
اياد بتفكير : طيب خليك واعرفلي بيتكلمو في اي باي طريقه
الشخص قفل مع اياد وقرب من الطربيزه بتاعت علي ومريم
*عند علي ومريم
علي : انتي عايزه سليم وانا عايز غزل ها قولتى اي
مريم : بس انا مينفعش اعمل لسليم كدا.. دا لو عرف ممكن يقتلنا
علي : هي دي الطريقه الوحيده الى هترجعو ليكي
مريم بتفكير : سبني افكر شويه
علي ابتسم بخبث : الوقت الى انتي عيزاه
مريم هزت راسها : انا همشي بقا سلام
علي : سلام
مريم اخدت شنطتها ومشيت وعلي فضل معاكنو
علي بعد ما مريم مشيت : لازم ادمرك ي سليم ومفيش طريقه غير اني هاذيك في غزل ... وبعد فتره خرج من الكافي
الشخص سمع كلام مريم وعلي وسمع كلام علي بعد ما مريم مشيت...
خرج من الكافي ورن علي اياد
اياد : اي ي احمد عملت اي
احمد : سمعت....
حكي الى سمعو لاياد
اياد : معرفتش تسمع اى الي خططو ليه
احمد : لا ملحقتش اسمع... انا بقول نبلغ سليم بي
اياد : انا هقولو سلام
احمد : سلام
*عند سليم وغزل
غزل في حضن سليم
غزل : سليم
سليم : قلبو
غزل : عايزه اخرج
سليم ببتسامه : عايزه تروحي فين
غزل بفرحه : الملاهي
سليم بستغراب : ملاهي ي غزل
غزل : ايوا وحياتي
سليم : حاضر بكرا اخرجك
غزل : بحبك اوي
سليم ببتسامه : وانا بحبك
*في صباح يوم جديد
غزل صحيت وبصت لسليم وقربت منو بستو من خدو
غزل: اي الصباح القمر دا
سليم ابتسم غصب عنو وهو نايم وفتح عينو : بجد قمر
غزل شهقت وضربتو علي كتفو : انت كنت صاحي من امتي
سليم ضحك : من اول البوسه كدا
غزل قامت من علي السرير : انت رخم اوي
سليم بضحك : طب يلا اجهزي عشان نخرج
وقام ودخل الحمام ياخد شور
غزل قربت من الدولاب بتاعها وطلعت اللبس بتاعها عشان تجهز
غزل : جتلي فكرا
قربت من دولاب سليم وطلعت اللبس بتاعو بنفس اللوان اللبس بتاعها
سليم من وراها : بتعملي اي
غزل اتفزعت ولفت ليه وشهقت (قفلت عيونها): انت طالع كدا لي خد تيشرت اهو
سليم ضحك وخد منها التيشرت ولبسو : خلاص فتحي
غزل فتحت نص عين وبصت لي وبعدين فتحت عيونها
سليم ضحك : انتي احمريتي كدا لي.. وبعدين انتى فتحه الدولاب بتاعي لي
غزل : كنت بطلع ليك لبس شبه لبسي هتلبس دول (ورفعت اللبس بتاع سليم الي معاها) وانا هلبس دول(وشورت علي السرير مكان لبسها )
سليم ابتسم: ماشي هروح اجهز
اخد منها اللبس ودخل الحمام وبعد وقت جهز وخرج
وبعدين نزل يطمن علي مامتو
وغزل دخلت الحمام تاخد شور وبعد فتره جهزت وحطت ميك اب خفيف وفردت شعرها..
سليم نزل وسمع صوت ضحك في المطبخ استغرب وراح في اتجاه المطبخ
شاف اياد وسميره قعدين وبيضحكو
سليم : اياد انت هنا من امتي
اياد بضحك : من شويه
سليم : انت مروحتش الشركه
سميره : تعالى اقعد ي سليم
اياد قام وقف : استنى بس ي سوسو عايز الواد ابنك شويه.. تعالي ي سليم يبني عيزك
خرج اياد من المطبخ وراح للصالون وسليم خرج وراه
اياد : انا رقبت مريم زى ما قولتلي
سليم بتركيز : ايوا واي الى حصل
اياد : احمد رقبها وشافها وهي قعده مع علي و سمع كلامهم بس مسمعش الى اتفقو عليه
سليم : خد بالك منهم كويس مش عايز حاجه تحصل لغزل اهم حاجه
اياد : ماشي يصحبي
سليم : تمام
غزل دخلت عليهم
غزل ببتسامه : ازيك ي اياد
اياد ببتسامه : الحمدلله ي قمر
سليم مسكو من التيشرت : انت بتعاكسها قدامي
اياد بضحك : خلاص هبقا اعكسها من وراك
سليم : متجبرنيش امد ايدي عليك
اياد بص لسليم وبص لغزل : انتو ريحين فين
غزل بفرحه: سليم هيخرجني
اياد بص لسليم
سليم فهم : لا مش هتيجي
اياد بحزن مصطنع : كدا ي سليم دا انا صحبك من زمان
سليم : ولا اعرفك
اياد بص لغزل : شوفي جوزك بيعمل فيه اي
غزل بضحك علي طريقته : خلاص مش تزعل
اياد : انت قلبك قاسي
غزل بضحك : اوي اوي
اياد طبل علي الطرابيزه : انت مش بتحس
غزل بضحك : كدا وكدا
اياد : لولولولولولوي
سليم : بااااس يخربيتك (بص لغزل) احزمك وترقصي انتى كمان
اياد : ايوا يلا
غزل ضحكت جامد
سليم بص لغزل : لو سمعت صوتك تاني مفيش خروج
غزل حاولت تكتم ضحكتها: اهو خلاص
اياد بحزن مصطنع : يعني مش هتاخدني معاك
سليم : لا
اياد وقف : انا اروح اخرج مع فريده مش عايز منكو حاجه
غزل: مين فريده
.......
#يتبع
تكملة الروايه من هناااا
تعليقات
إرسال تعليق