 |
#بقلمي رحمه محمد
#روايه بنت يتيمه
البارت 13
غزل : مين فريده
سليم : دي حبيبت اياد
اياد ابتسم : فريده دي حياتي كلها بقالنا سنه مع بعض
غزل ابتسمت وبان حب اياد لفريده فعيونو : ربنا يخليكو لبعض
سليم بتفكير : جاتلي فكرا
غزل واياد: اي هي
سليم ابتسم وبص لاياد : روح هات فريده ونخرج كلنا سوا وغزل تتعرف عليها
غزل بفرحه : ايوا فكره حلوه اووي
اياد : ماشي
اياد قام وقف
سليم : رايح فين يمتخلف
اياد بستغراب : هجيب البت يكابتن
سليم : صبرني يارب رن عليها ي بنى ادم ونروح نجبها ونخرج
اياد : صح انت صح
سليم : الصبر من عندك يارب
غزل واقفه بتضحك عليهم
اياد رن علي فريده وقال ليها تجهز ونص ساعه وهيجي يخدها وهي وافقت
اياد : طيب يلا نمشي
سليم : يلا
قاموا التلاته وسلمو علي سميره ومشيو
سليم رايح يركب عربيتو واياد راح علي عربيتو
غزل بصت ليهم : استنو
الاتنين لفو ليها بستغراب
سليم قرب منها : انتى كويسه ي حبيبتي
غزل ابتسمت : ايوا بس طلما كلنا مع بعض يبقا نركب عربيه واحده
سليم : طيب تعالو في عربيتي
اياد حط ايدو في وسطو : ولي مش عربيتي متشبهش ولا متشبهش
سليم ضحك جامد : اي حاجه يعم
اياد راح لعربية سليم وفتح باب العربيه : طب يلا
غزل بضحك : كان من الاول
سليم بضحك : يلا ي غزل
ركبو عربية سليم ووصلو عند بيت فريده... وفريده نزلت من بتها وركبت العربيه جنب اياد
(سليم كان بيسوق وغزل جنبو واياد وفريده ورا)
*فريده*: بتحب اياد جدا عايشه مع والدتها وباباها توفي من سنه...ملامحه جميله وبريئه جدا عيونها رصاصي نفس عيون اياد وشعرها قصير
اياد ببتسامه وهمس : وحشتيني
فريده بكسوف وهمست : وانت كمان
غزل ببتسامه لفريده : ازيك
فريده ببتسامه : الحمدلله ي غزل.. اياد حكالى عنك انتى وسليم
اياد : عقبالنا لما نتجوز اناوانتي يارب
سليم : مستعجل اوي يخويا
اياد : ايوا ما انت فيوم ومكملتش الليل بتاعو كنت اتجوزت يمفتري (بص لفريده) متيجي نتجوز
فريده اتكسفت وخدودها احمرت
سليم بضحك : السكوت علامة الرضا زغرط يبني
اياد : لولولولوي
غزل : طيب ما انتو مع بعض من سنه لي متجوزتوش
فريده : بسبب وفات بابا
غزل : الله يرحمو
كملو باقي الطريق بفرحه وضحك كتير
وصلو الملاهي ونزلو من العربيه
غزل بفرحه : وصلنا
فريده بفرحه وبتشد ايد اياد : يلا بسرعه
سليم واياد بصو ليهم وبعدين بصو لبعض
اياد : دا باينو هيبقا مرار طافح
سليم : جبنا اطفال معانا
سليم خد غزل واياد اخد فريده...
*عند سليم وغزل
غزل بتشاور علي بيت الرعب : سليم عايزة ادخل بيت الرعب
سليم بتوتر : بلاش يغزل
غزل : لي انت بتخاف
سليم : لا انا بتكلم عليكى
غزل : مش بخاف يبني انا وخده بطولات فيه تعالى بس متخفش
وشدتو وراحت عند البيت
غزل اول ما دخلت البيت... مسكت ايد سليم جامد
سليم : اي ي بطل خوفت
غزل : لا انا بس بطمنك انت
سليم ضحك : لا متخفيش عليا
غزل فضلت تصوت لحد ما خرجت من البيت جري
سليم وراها وبيضحك جامد : مش قادر
غزل بخوف : يماما عااااا
سليم بضحك : احنا خرجنا خلاص انتى لسه بتصوتي
غزل : منكلله انت السبب
سليم ولسه بيضحك : وانا مالى ي لمبي مش انتى الى عملتى فيها بطل
غزل : يعنى انت لازم توافقني
*عند اياد وفريده
فريده : اياد عايزه اركب قطر الموت
اياد : لا
فريده : ونبي ي اياد وحياتي
اياد : ي حبيبتي هتخافي
فريده : لا مش هخاف
اياد : لا ي فريده انا خايف عليكى
فريده شدته : تعال بس
راحو عند اللعبه ولسه هتبدا
اياد : انتى متاكده يفريده
فريده بتحاول تداري خوفها : ولا تقلق بص هبهرك
اياد : ربنا يستر
اللعبه بدات
فريده : عاااااا نزلوناااااااى يالهوى
اياد بيضحك جامد : ي بنتى اهدي فرجتي علينا الناس
فريده : عاااااا نزلنى ي عمو ونبي انا هموت هنا
اياد مش قادر يبطل ضحك
فريده : منكلله ي اياد انت السبب يارتني ما كنت عرفتك عاااااااا
اياد بيضحك : مش انتى الى عايزه تركبي اشربي بقا
فريده : عاااااااا الحقوني منكولله نزلوناااااي
فريده فضلت طول اللعبه تصوت والناس بتتفرج عليها وبتضحك
نزلو من اللعبه فريده دايخه واياد مش مبطل ضحك عليها
فريده : بطل ضحك
اياد بضحك : انا اتبهرت فعلا
فريده : مكنتش اعرف انها صعبه كدا يالهوى
اياد بضحك : عشان تسمعي الكلام
فريده : طيب شوف سليم وغزل فين عشان نقعد مع بعض شويه
اياد : ماشي
اياد رن علي سليم.. واتقبلو كلهم
كانو قعدين الاربعه بيضحكو ويهزرو
غزل وفريده بصوت واحد
غزل : سليم عايزه ايس كريم
فريده : اياد عيزه غزل بنات
سليم واياد ضحكو عليهم : ماشي
قامو مع بعض سليم راح يجيب ايس كريم بالشكولاته لغزل... واياد راح يجيب غزل البنات لفريده
وبعد شويه رجعو.... سليم كان معاه الايس كريم بالشكولاته وبلالين
سليم : الايس كريم اهو وجبت بلالين كمان
غزل ببتسامه : ربنا يخليك ليا
اياد جه وفريده خدت غزل البنات
فريده : تسلم ي كبير
اياد : الله يكرم اصلك
فضلو طول الوقت يضحكوا مع بعض
غزل : سليم هروح اجيب حاجه اشربها
سليم : استنى هروح انا اجبلك
غزل ببتسامه : لا انا هروح خليك انت... تحب اجيب ليكو حاجه
فريده هتتكلم
اياد : هاتي ليها عصير مانجي
فريده ضحكت وسكتت
غزل بضحك : حاضر
غزل بصت لسليم وابتسمت : اجبلك حاجه
سليم بخوف : خليكى وانا هجبلك
غزل ببتسامه : مش هتاخر
غزل مشيت وسليم عينو عليها وحاسس بخوف
سليم وقف : انا هروح ليها
فريده : هي هتروح وتيجي
اياد حس بخوف صحبو : ماشي روح
سليم مشي في الطريق الى مشيت في غزل
سليم : كانت هنا راحت فين
غزل اختفت وسليم خاف جدا عليها
سليم سمع حد بينادي عليه بصوت عالي ركز في الصوت وكانت غزل
سليم بزعيق: غزل
......
#يتبع
شكرا علي تفاعلكم 🖤
تتوقعو حصل اي مع غزل..
#بقلمي رحمه محمد
#روايه بنت يتيمه
البارت 14___15
غزل سابت سليم واياد وفريده ومشيت...
.......: غزل
غزل افتكرت سليم جه وراها..
غزل ابتسمت ولفت : انا مش قولت.......
كملت بصدمه : س...سامر
سامر مبتسم : ايوا سامر
غزل وبترجع لورا : انت بتعمل اي هنا
سامر بيبص لغزل بنظرات غربيه : ليكي وحشه والله.. كدا تسيبي خالتك وتمشي
غزل بغضب : انتو كدبتو عليا وسمعتكو وانتو بتتكلمو وانت كنت عايز.....
غزل سكتت وبصت لسامر بقرف
سامر ضحك : كملي
غزل بغضب : امشي من هنا بدل ما انادي علي.......
سامر قاطعها : اي هتنادي علي سليم السيوفي جوزك
غزل : ايوا هنادي عليه ولو شافك هيقتلك
سامر : ما هو مش هيلحق يشوفني
غزل بتوتر : ت... تقصد اي
سامر شد غزل من اديها جامد وبيمشي
غزل : سبني عاااااا سليم
سليم كان بيدور علي غزل... وسمع صوتها
سليم : غزل
غزل حست بالامان لما شافت سليم جاي عليهم
سليم قرب من سامر وفضل يضرب فيه لغايت ما اغمي عليه
اياد شاف سليم وهو بيجري وراح وراه.. وشاف سليم بيضرب سامر فضل يحاول يبعد سليم عنو
فريده راحت لغزل وحضنتها
سليم قرب من غزل : انا مش قولت انا هروح اجيب وانتى مسمعتيش الكلام افردي كان خدك دلوقتي كنت هعمل اي
غزل عيطت وجريت حضنت سليم
غزل بعياط : دا سامر ابن الست الى ضحكت عليا كان عايز ياخدني ي سليم
سليم بهدوء وحاول يهديها : طيب اهدي انا معاكي متخافيش انا معاكي .. يلا نمشي
سليم بص لاياد... واياد فهم هو عايز اي
اياد بص لفريده : روحي معاهم وانا شويه وجاي.
فريده بخوف : لا تعالى معانا
اياد قرب منها وحضنها وباسها من جبينها
اياد بحنان : متخافيش مش هتاخر وهكلمك كل شويه
فريده هزت راسها بالايجاب ومشيت مع سليم وغزل
راحو ركبو العربيه.. سليم ساق العربيه وغزل وفريده قعدو وراه ومشي
فريده بخوف : واياد
سليم : اياد هيجي ورانا متخافيش
فريده بتوتر : م ماشي
سليم وصل فريده بيتها
سليم : اياد كويس متقلقيش عليه
فريده ابتسمت بخوف : ماشي
سليم : غزل انتى كويسه
فريده ابتسمت : غزل نامت
سليم بص وراه لقاها فعلا نامت ابتسم وسكت
فريده نزلت من العربيه وطلعت بيتها
فريده : حبيبتي ي ماما انتى لسه صاحيه
مامت فريده : انتى عارفه اني مبعرفش انام غير لما اطمن عليكى ي حبيبتي
فريده قربت منها وباستها من جبينها : انا جيت اهو ي حبيبتي كنت مع اياد وسليم ومراتو غزل
مامت فريده : مالك ي حبيبتي قلقانه لي
فريده ابتسمت : انا كويسه ي ماما
مامت فريده : مش هغصب عليكى تحكي يحبيبتي بس ربنا يريحك ليكى قلبك وعقلك
فريده حضنتها : ربنا يخليكي ليا ي ست الكل
*عند سليم وغزل
سليم وصل ودخل الفيلا وهو شايل غزل
سميره جريت عليها : مالها ي سليم هي كويسه
سليم ابتسم : ايوا هي نايمه بس
سميره ابتسمت : طيب يلا طلعها
سليم : انتى اي الى مصحيكي لحد دلوقتي
سميره : كنت مستنيه اطمن عليكوا حسيت ان في حاجه حصلت معاكو
سليم : احنا كويسين ي سوسو يلا روحي نامي
سميره بحنان وباست غزل من جبينها : اوعي تزعلها ي سليم كفايه الى هي عشتو ي حبيبي
سليم بص لغزل : عمري ما هزعلها ي ماما
سميره ابتسمت : وانا واثقه فيك ي حبيبي
سميره سبتهم وراحت اوضتها وسليم طلع بغزل اوضتهم
ونيمها علي السرير... وراح نحيت الدولاب بتاعو وطلع لبس ودخل الحمام
بعد فتره خرج سليم من الحمام وقرب من غزل وهي لسه نايمه
سليم بخوف : لو كان حصل حاجه ليكى كنت هعمل اي ي غزل خوفتيني عليكي اوي كنت هموت لما اختفيتي من قدامي كنت تايه انا اسف اني زعقت ليكي ي حبيبتي
ونام جنبها وخدها فحضنو جامد
سليم : اوعي تعملي فيه كدا تاني ي غزل مش هستحمل صدقيني انتي بقيتي كل حياتي
وقاطع كلامو صوت رساله علي تليفونو وفتحها وشافها وابتسم
*عند اياد
واقف تحت بيت فريده ورن عليها... فريده ردت بسرعه
فريده بخوف : انت فين وبرن عليك مش بترد لي ولي سبتنا ومش جيت معانا خلتني هموت من الخوف عليك
اياد ابتسم : انا كويس ي حبيبتي
فريده بعياط : انا خوفت عليك اوي ي اياد
اياد : طيب انزلي
فريده بستغراب : انزل فين
اياد ببتسامه : انا تحت البيت انزلي
فريده بصدمه : لا مش هينفع ي امشي
اياد باصرار : انزلي لطلعلك ي فريده
فريده بخوف : لا ي اياد امشي عشان خاطري
اياد : ماشي همشي سلام
فريده : ايا...
اياد قفل معاها
فريده : اوف بقا هو زعل اهو طيب ما انا كنت هعمل اي مينفعش انزل دلوقتي الساعه 1بلليل
اياد : وانا طلعت
فريده : عااااا
اياد قرب منها بسرعه وكتم صوتها : يخربيتك هتفضحيني
فريده بصدمه : انت طلعت ازاى
مامت فريده خبطت علي بابا الاوضه
مامت فريده : فريده حبيبتي انتى كويسه
اياد بيخبط علي وشو بايدو : يفضحتك ي اياد يفضحتك
فريده كتمت ضحكتها : ايوا ي ماما انا كويسه
مامت فريده : كنتي بتصوتي لي
فريده : اصلي ش..شوفت صرصار
مامت فريده بستغراب : صرصار؟. فين دا
فريده : في البلكونه ي ماما
مامت فريده : طيب تصبحي علي خير
مامات فريده مشيت
فريده بضحك : انت بتعمل اي هنا
اياد بيقرب منها : بطمن علي حبيبي
فريده بتوتر : طيب انت بتقرب لي
اياد بيقرب اكتر : عشان تسمعيني
فريده بترجع : لا انا بسمع كويس من بعيد
اياد شدها ليه وحضنها : تعالى بس
فريده عيونها دمعت : خوفت عليك اوي ي اياد
اياد بيمسح دموعها : اهدي محصلش حاجه
فريده : مين الى كان عايز ياخد غزل دا ولي انت فضلت ومش مشيت معانا وبرن عليك مش بترد
اياد : شششش انا كويس
فريده بدموع : انا مش هستني اني اخسرك زي بابا ي اياد انا مش هستحمل
اياد ابتسم : وحياتي عندك بطلي عياط وانا معاكي اهو وعمري ما هبعد عنك
فريده اتنهدت براحه: وعد
اياد حضنها اكتر : وعد
*في صباح يوم جديد
غزل صحيت كانت لسه بلبسها وسليم مش جنبها
غزل بخوف : سليم......
.......#بقلمي رحمه محمد
#روايه بنت يتيمه
البارت 15
*في صباح يوم جديد
غزل كانت لسه بلبسها الي خرجت بيه وسليم مكنش جنبها
غزل بخوف : سليم
قامت غير لبسها ونزلت من اوضتها.. شافت سميره قاعده في الصالون
قربت منها : خالتو هو فين سليم
سميره ببتسامه : صباح الفل.. سليم قال انو رايح مشوار وراجع مش هيتاخر
غزل : طب لي مش صحاني وقالي
سميره : محبش يقلقك
غزل : هو اي الي حصل معايا امبارح انا مش فكرا غير اني كنت في العربيه
سميره ضحكت : نمتي
غزل : نمت؟
سميره بضحك : ايوا نمتي في العربيه وسليم شالك وطلعك الاوضه
غزل ضحكت : نمت كتير اوي
سميره : شكلك كنتي تعبانه.. يلا ي حبيبتي قومي افطري
غزل : مليش مزاج ي خالتو
سميره باصرار : لا ي غزل مينفعش قومي افطري يحبيبتي
غزل : حاضر
*عند سليم في المخزن
سليم بيضرب سامر بقوه
سليم بغضب : ايدك دي هقطعهالك عشان لمستها بس
وضربو بالبوكس جامد
اياد بضحك : يبني اهدي بقا
سليم : متقوليش اهدي
اياد بضحك : الواد هيموت
سليم بعد عن سامر
اياد بضحك : اهدي بقا كدا
سامر بتعب من الضرب : هي الي كانت بتوقعني هي الى قالتلى عايزه تيجي معايا واول ما شافتك صوتت
اياد : يبني اتكتم هيموتك
سليم قرب من سامر : عيد كدا تاني
اياد بضحك : البس ي سوسو
سامر خاف من نظرات سليم وسكت
سليم بزعيق : عيد الى قولتو
سامر بخوف : لا مقولتش حاجه
اياد ضحك اكتر : هموت
سليم تليفونو رن وكانت غزل... خرج برا المخزن
سليم : الو ي حبيبتي
غزل بخوف : انت فين ي سليم
سليم : اهدي ي حبيبتي انا في مشوار مع اياد وراجع
غزل اتنهد : طيب هترجع امتى
سليم ابتسم : وحشتك
غزل : بطل رخامه انت فين
سليم كشر : يعني موحشتكيش
غزل ابتسمت : انت بتوحشني وانت معايا ي سليم شوف بقا وانت بعيد
سليم ابتسم : بحبك
غزل : وانا بحبك
اياد جه من ورا سليم : تيراراررا
سليم : سلام ي حبيبي دلوقتي ونص ساعه وجاي
اياد : سلام ي غزولا
سليم قفل مع غزل وبص لاياد
سليم : غزولا
اياد : ايوا
سليم بصدمه : انت بدلع مراتي قدامي وبتبجح كمان
اياد ابتسم : ايوا عادي
سليم : اياد هضربك
اياد : خلاص هبقا ادلعها من وراك
سليم : يصبر ايوب
اياد : ايوب ماتت ي سولوم ادعيلو بالرحمه
سليم : خفه.. يلا انا همشي عشان غزل قلقانه
اياد : ابي سليم
سليم بصدمه : ابي.؟
اياد : انا عايز اتجوز ي ابي
سليم حط ايدو علي كتف اياد : بص ي اياد يبني انا عشت وشوفت كتير اوي وانا من نظري انك متنفعش في الجواز
اياد ضحك علي طريقة سليم : لا هنفع متقلقش
سليم : طيب ما تتجوز
اياد: ايوا ما انا عيزك تيجي معايا انت وغزل وسميره
سليم : اديني سبب واحد يخليني اعمل كدا عشانك
اياد : مش هقرفك كل شويه ومش هفضل ارن عليك
سليم بتفكير : انت صح
اياد : خلاص اخر الاسبوع نروح لمامت فريده
سليم ببتسامه : ماشي
عدا الاسبوع وجه اليوم الى هيروحو في لمامت فريده
(في الاسانسير)
سليم : فين الورد او الشكولاته الى هتدخل بيها علي الناس
اياد بستغراب : اعمل بيهم اي
سليم : انت مجبتش حاجه بجد
اياد : هو كان لازم اجيب
سليم : يلا نرجع الواد هيشلني
اياد : طب استنى
سليم بستغراب : هتعمل اي
اياد : في سوبر ماركت تحت هنزل اجيب توفي وشبسي وشكولاته من تحت فريده بتحبهم
سليم بصدمه : انت بتتكلم بجد
اياد : اه والله هنزل
سليم : دا بينو هيبقا مرار طافح
غزل بضحك : يالهوي هموت.. خلي ينزل ي سليم
اياد : اهو غزولا موافقه
سليم بص لاياد : اتلم وعدي يومك بدل ما يبقا يوم اسود عليك وعليها وعلي الناس هما كمان
اياد : لا ونبي خلاص سكت اهو
الاسانسير اتفتح قدام شقة فريده
غزل لسه هتطلع من الاسانسير واحد كان هيخبط فيها
الشخص : اسف... اي القمر دا
سليم قرب من الشخص ولسه عيونو علي غزل : مين دي الى قمر
الشخص(شاور علي غزل) : دي
سليم شدو من هدومو ودخل بي الاسانسير.. وفضل يضرب في وبعد وقت سليم خرج من الاسانسير
اياد بضحك : الله يخربيتك
سليم بغضب : يلا ادخل عشان انا علي اخري
غزل : مكنش لي داعي تعمل دا كلو ي سليم
سليم بغضب : واحد بيعاكس مراتي وعيزاني اسكت اركب اريل بالمره
غزل بضحك : طيب اهدي
اياد خبط علي بابا شقة فريده.. ومامتها هي الى فتحت
ورحبت بيهم جدا
مامت فريده : اهلا وسهلا اتفضلو
اياد ببتسامه : اهلا بيكي (شاور علي سليم) دا سليم السيوفي صحبي (وشاور علي غزل) ودي مدام غزل سليم السيوفي
مامت فريده ببتسامه : نورتو
غزل ببتسامه : بنور حضرتك .. فين عروستنا
مامت فريده : في اوضتها.. تعالى ادخلي ليها
غزل ببتسامه : طيب هي فين اوضتها
مامت فريده (شاورت علي الاوضه): دي ي حبيبتي
غزل قامت وراحت الاوضه بتاعت فريده وخبطت
فريده : ادخلي ي ماما
غزل ببتسامه : عروستنا القمر
فريده بفرحه : غزل اتفضلي..بحسبك ماما
غزل ببتسامه : زي القمر
فريده بتوتر : بجد
غزل ببتسامه : والله شكلك يجنن ربنا يحميكي
*برا عند مامت فريده وسليم واياد
سليم : احنا جيين نخطب فريده لاياد
مامت فريده : فريده قالتلى وانا موافقه وهي كمان موافقه
اياد : بس انا عايز اكتب الكتاب اخر الشهر
مامت فريده : بالسرعه دي
سليم ببتسامه : مش بسرعه ولا حاجه عيزين نفرح بيهم
اياد بهمس : كداب عايز تخلص مني
سليم بهمس : اخرس انت مش وقتك
مامت فريده : ناخد راي فريده الاول علي موضوع كتب الكتاب وانا ميهمنيش غير سعادت بنتي
وقامت راحت تجيب فريده
مامت فريده دخلت الاوضه : جهزتي ي حبيبتي
فريده بتوتر : ايوا ي ماما
طيب روحي المطبخ انتى وغزل عشان تقدمي العصير
فريده بتوتر : حاضر
مامت فريده قربت منها وعيونها دمعت : كبرتي ي حبيبتي وبقيتي عروسه زي القمر
فريده حضنت مامتها : ربنا يخليكي ليا ي ست الكل
*برا عند سليم واياد
اياد : فينك ي سميره كان نفسي تكوني موجوده
سليم : كانت عايزه تيجي بس تعبت شويه
اياد : بعد ما نمشي هروح اشوفها
مامت فريده جت : نورتوني ي حبايبي
اياد : البيت منور باهلو ي حماتي
مامت فريده وسليم ضحكو
*عند فريده وغزل في المطبخ
فريده : هعملها ي غزل
غزل : بلاش ي بنتى
فريده باصرار :........
....
#يتبع
تكملة الروايه من هناااااااا
تعليقات
إرسال تعليق