 |
.:اعااااااا
الظابط هارون:يا فتاح يا عليم يا رزاق يا كريم خير
عروسه بفستانها الابيض داخله وبتعيط ووراها واحد متبهدل
هارون:أهدى يا عروسه وقوليلى ايه حصل
البنت:اعااااااا
هارون بزعيق:بس بطلى زف"ت عياط
البنت بعياط اكتر:اعاااااا انتى كمان بتزعقلى اعااااا.
هارون مسح وشه بزهق:طيب أهدى (نادى بصوت عالى) يا شويش عزت
عزت:تمام يا فندم
هارون:هات للمدام مايه تشرب
الراجل:يا حضره الظابط انا
البنت بانيهار:كداب اعااااا
هارون:باااااس اشربى مايه هسمعك الاول بس اتهد'ى قصدى أهدى
البنت هديت شويه:يرضيك يرضيك يعنى إلى حصل ده فيا ده انا لسه متجوزه انهارده بابا إدانة ليه امانه وهو يعمل فيا كده ده بهدلنى
هارون:علم ايه مع انى اشكو فى موضوع بهدلك ده انا شايف أنه هو إلى متبهدل
البنت بعياط:انت مش مصدقة عشان ست صح اعااااااا انتو كده يا رجاله دائما بتقفو فى صف بعض لكن احنا لينا ربنا اعااااااا احنا لينا ربنا اخى اهئ اعاااااا.
هارون مسك دماغه:اه يا دماغى يا شويش
عزت:تمام يا فندم
هارون بعصبية:اسمعى يا مدام لو متكلمنيش على طول شايفه الشويش ده هخليه يبيتك فى التخشيبه انهارده
البنت:خلاص خلاص بص يا حضرت الظابط الراجل ده يشهد ربنا انى بحبه واتجوزته عشان انسان محترم وابن ناس لكن لكن اعاااا
هارون:يا إلى الصابرين كملى كملى يا مدام خلصينا
البنت:مش عارفه اقول مش عارفه
هارون😒:نعم
البنت:طب ممكن اكتبها
هارون:يا شويش
عزت كاتم ضحكته:تمام يا فندم
جاب ورقه وقلم واداها ليها
البنت مسكتهم وهارون بيبص بفارغ الصبر عايز يعرف فى ايه لقاها بتخبى
هارون:يا صبر ايووووب
كتبت كده بالحرف واديته لهارون (حاول يغ**تصبنى)
هارون حس بنفسه بيتشل
عزت:هارون باشا انت كويس
الراجل:شوفتى عملتى ايه يا حضره الظابط
البنت بعياط:اعااااااا انقذنى يا حضره الظابط
هارون: باااااس اسكتوا لاما انتو الاتنين هتباتو فى التخشيبه
هارون بص للبنت وبعدين بص الراجل:عارف انت ممكن يحصلك ايه عشان متجوز قاصر
البنت بزعيق:ايه ايه قاصر ايه
الراجل ضحك
هارون:تتكلمى عدل يا بت
البنت:بت أما تبتك متنساش نفسك
هارون بسخرية وهو بيكلم الشويش:ديه بتقولى منساش نفسى انت سمعت يا شويش
عزت:أهدى يا باشا أهدى طيش شباب
هارون بصوت عالى وهو بيخبط على المكتب:اسمك ايه يا بت
دخلت أسيل فى الوقت ده بعصبية
اسيل:متعليش صوتك يا حضره الظابط
هارون:وديه مين ديه كمان
البنت:بس بس
هارون:ايه قطه إلى دخلت
أسيل حضنت البنت: متقلقيش يا حبيبتى انا جمبك وانت متعليش صوتك على اختى سامع.
هارون بيحاول يهدى:مين حضرتك
أسيل:انا المحاميه اسيل الغيث وانا جيت عشان ارفع قضيه خ'لع ده وحش مش انسان
الراجل:لا والله والله لا
هارون:أهدى يا استاذ أهدى لما نشوف
هارون لأسيل:انتى عارفه اختك بتشتكى من ايه
أسيل:اكيد عندها أسبابها واحنا لازم نحترمها ونديها حقها زى اى ست ليها حقوق فى البلد وله مسمعتش عن حقوق المرأة.
هارون ابتسم بسخرية:اديها يا شويش الورقه الى فيها الشكوى بتاعت المدام
عزت بضحك مكتوم:اتفضلى يا مدام
أسيل إخدتها بغضب:انسه (بصيت فى الورقه وشهقت جامد وحطيت إيديها على بقها)
هارون بسخرية:ها خلاص عرفتى ايه الشكوى لسه عايزه ترفعى قضيه
أسيل:ساره ازاى كده
ساره عيطت
أسيل راحت للراجل بغضب:وانت انت حسابك عسير
الراجل بسخريه:عصير
أسيل:انا مش هرفع قضيه خ'لع بس انا هرفع قضيه تحر"ش.
هارون برق بصدمه:ايه!!!
استووووب
#وقعنى_ظبوطه
#البارت_التانى
بقلمى منار مجدى
أسيل:ايه مش سامع
دخلت ست كبيره
فريده:فى ايه يا أسيل
هارون:بقولك ايه يا شويش فكرنى بكره اقدم طلب نقلى من هنا
الشويش ضحك
هارون:اضحك اضحك مانا حياتى بقيت مهزله
أسيل:انت انت
هارون:بتكلمينى انا
أسيل:ايوه اعمل واجبك يا حضره الظابط واحبسه يالا
فريده مسكتها:عايزاه يحبس جوز اختك يا بت
أسيل:انتى مش فاهمه حاجه يا ماما ده ذىب بشرى مش بنى أدم
فريده:ليه كل ده مش ده إلى كنتى بتحبيه يا ساره عايزاه يتحبس
ساره:احسن يستاهل حد قاله يتح'مرش بيا
فريده بصدمه:ايه
هارون:ايه هترفعى قضيه انتى كمان
فريده ضحكت:احنا اسفين على الازعاج يا حضره الظابط معلش انا إلى غلطانه كان المفروض اشرحلها بس نسيت
هارون ابتسم:لا مفيش مشكله خالص
أسيل:ايه يا ماما احنا هنسكتله وله ايه لا انتى علمائنا منسكتش عن حقنا ابدا
هارون:ما الراجل كان بياخد حقه برضو
أسيل:حقك ككسر حقه حق ايه وبتاع ايه
هارون بضحك:بقولك ايه يا انسه لما تكبرى هتفهمى
أسيل قربت منه بغضب:انت قصدك انى مش بفهم
هارون لاحظ لون عينيها الزيتى :اها
أسيل بغضب:كمان بتأكد كلامك قصدك انى مش بفهم
قعدت على الكرسى وبقيت تعيط
هارون حط أيده على ودانه:لا خلاص مش مستحمل
فريده ضحكت غصب عنها:احنا اسفين بجد اسفين
فريده:يالا قدامى كلكم
ساره:بس يا ماما مش هحبسه
الراجل إلى اسمه شريف جوزها:اهون عليكى يا ساره
ساره بصوت واطى:انا حذرتك وانت مسمعتش الكلام عجبك كده
شريف:طيب متزعليش هستناكى لما تبقى جاهزه
ساره:جاهزه ايه يا قليل الادب يا سا'فل
شريف مسكها من قفاها:ما خلاص بقا يا بت انتى
ساره:خلاص يا كبير متزعلش
فريده بابتسامه:بسم الله ماشاء الله عليهم عصافير
أسيل:غربان
هارون:اجبلكم شويه عصاير عشان اليوم يكمل
شريف:لا خلاص يا حضره الظابط يالا يا حبيبتى
ساره:يالا يا حياتى
خرجو وفريده خرجت وراهم
هارون:ها مش خارجه انتى كمان
أسيل:طبعا خارجه بس هرجع تانى (علت صوتها)واحذر منى بقا
سابته ومشيت
هارون:مين البت ديه
تانى يوم كانت أسيل فى المحكمه واقفه مع صاحبتها.
أسيل:فين الستات القويه فين قضايا الخ'لع فين الطلاق ايه خلاص الدنيا خربت ومبقاش فى طلاق.
منه:انتى عايزه الطلاق يزيد
أسيل:امال اقعد من غير شغل
منه ضحكت:قسما بالله مجنونه انا همشى بقا عندى قضيه ماشيه فيها لسرقه
أسيل:روحى يا حتى واعملى فيها المحقق كونان
منه بضحك:مش ده الح'رامى ده الحرام'ى
أسيل ضحكت ومشيت منه
أسيل:وبعدين بقا اما نروح نشوفلنا اى حد نطلقه
أسيل شافت اتنين بيتخانقو
أسيل بفرحه:يا فرج الله
أسيل: مينفعش كده أطلق...... اعااااا
خرج واحد من العربيه بشموخ:انتى يا مجن'ونه عايزه تنتحرى حد يعدى كده من غير ما يشوف الطريق
أسيل بصيت ليه بغضب
الراجل:اوباااا
أسيل:عشان انت اعمى شايف الناس مجانين تعال ياض انا اصلا صاحيه من الصبح واعايزه ارفع قضيه على حد ولقيتك
الراجل بصدمه:ياض لا ادوسك بقا
أسيل:وله وله اعااا
بعدت عن المسار وهو مشى بسرعه:يالا يا جحش
الراجل رجع تانى بالعربيه وقال بصراحه:قولتى ايه
أسيل بتردد:ها هخاف يعنى قولت عليك انك جح جحش
الراجل نزل من العربيه تانى:انتى عارفه انا مين وممكن اعمل فيكى ايه
أسيل:مين يعنى دراكولا وهتشرب من دمى
الراجل:ده انتى يومك اسود
منه جريت:خلاص يا باشا معلش عندى ديه الله يخليك
الراجل:مين ديه يا منه تعرفيها
منه:للأسف صاحبتى بس لاسعه حبتين
أسيل بعصبية:مين ديه إلى لاسعه
منه:معلش يا باشا معلش
أسيل نفخت بضيق وبصيت قدامها وبعدين زقيته وجريت
كان فى ولد بيلعب كوره صغير بس الكوره جت فى نص الطريق وجاى من بعيد عربيه بسرعه وبتزمر جريت أسيل وحضنت الولد ووقعوا على الرصيف والعربيه مشيت بأقصى سرعه لدرجه ان الكوره الكفر فرقعت
أسيل اتعورت فى دراعها بس تجاهلت ده:انت كويس يا حبيبى
الولد كان بيعيط
أسيل:حاجه بتوجعك طيب
مامته جت تجرى:يوسف يوسف انت كويس
أسيل:حضرتك مامته
مامته:ايوه انا اسماء وانتى
أسيل قامت وهى بتعرج:انا أسيل المحاميه
أسماء:تشرفنا يا أسيل متشكره جدا
منه جريت عليها:أسيل انتى كويسه انتى اتعورتى
أسيل:العفو يا أسماء بس خلى بالك من العسل ده باى باى يا عسل
يوسف عملها باى وهو بيعيط
منه سندت أسيل ولفت للراجل:لولا الموقف إلى شوفته كان زمانك فى الباى باى سلام يا زيتونه
أسيل بصدمه:هو قالى يا زيتونه انا زيتونه مين الحل'وف ده
منه بضحك:يا بت اسكتى ده مستشار
أسيل:يا سوادك يا قرمط قولى والله
منه بضحك:كنتى هتروحى بلاش
عند أسماء إلى هى اخت هارون
هارون:اسماء لقيتى يوسف
أسماء:اه الحمدلله الله كان هيعمل حادثه والانسه إلى هناك لحقته
بص هارون بس مشافهاش عشان الدنيا زحمه.
هارون:طيب يالا بينا تعالى اوصلك
أسيل:وقفيلى تاكسى يا منه احسن حاسه انى اليوم اضرب ومفيش انهارده اى قضايا
منه:طيب تعالى
روحت أسيل البيت
فريده:ايه رجعك بدرى يا فقر
أسيل:بدل ما تشوفى بنتك وهى متعوره أخص على ديه امهات
فريده بضحك:يا بت اتلمى تعالى ورينى ايه نيلك كده
أسيل بضحك:كنت بلعب كوره
فريده:يعنى انت صارفه ومكلفه على تعليمك وفى الاخر تنزلى تلعبى كوره وترجعى يخساره فلوسى
أسيل:جرا ايه يا ماما هتزلينا وله ايه اصلا محدش عايز يطلق
فريده:على رأيك الواحده لما بتصدق تتجوز اساسا
أسيل:الا بقولك ايه يا مامتى هو انتى لابسه ومتشيكه كده ورايحه فين
فريده:رايحه لأختك انهارده الصباحيه وله نسيتى
أسيل:طيب استنينى هغير واحة معاكى متسبنيش لوحدى
فريد بضحك:طيب يالا بسرعه
عند ساره
ساره وهى ماسكه طبق عنب وبتاكل منه:يا شريف قوم ماما جايه
شريف بنعاس:سيبنى انام حرام ده انا لسه جاى من القسم امبارح حتى
ساره:يالا يابنى مينفعش يجيو ويلقوك نايم كده عيب
شريف:والله مفيش عيب غير الى بيحصلى ده.
ساره:حد قالك تقل أدبك
شريف:قسما بالله مراتى مش شقط'ك من جامعه الدول انا
ساره:قليل الادب يالا قوم
سابته ومشيت
شريف:خدى يا بت انتى هنا
كانت أسيل بتسوق العربيه ومشغله اغانى عاليه وماشيه
فريده:يا بنتى وطى شويه صدعت
أسيل:الله يا ماما فرفشى كده امال
فريده:حرام عليكى يا بنتى إلى بتعمليه فيا ده
أسيل قفلت الاغانى بضيق ولبست النضاره
فريده:ايه ده بصى مش ده الظابط
أسيل ابتسمت بسخرية:يا ستى.
علت السرعه ومشيت
عند ساره
كانت واقفه بتغسل المواعين فى المطبخ
شريف حضنها من ضهرها:الجميل بيعمل ايه
ساره مسكت السكينه:وقسما بالله هفتح نفوخك لو مش بعدت عني
شريف لفها بابتسامه:واهون عليكى
ساره:هفتحها فاتحه صغيره
شريف قربها من وسطها وقربها ومسك ايديها إلى فيها السكينه:طب ولو مت
ساره بدموع:لا لا متسبنيش
شريف:وهو انا هقدر برضو.
ساره حضنتها وهى بتعيط:انا اسفه عشان قولت هفتح نفوخك
شريف دفن رأسه في رقبتها.
ساره بتوتر:شريف كده نغير رايى
شريف:كدابه
ساره ضحكت :لا لا شريف بغير😂😂😂
شريف شالها:استعنا على الشقا بالله
واخدها ولسه داخلين الاوضه الباب خبط
شريف:ده ايه النحس ده بس يا ربى
أسيل على الباب:ما تفتح يعم الجن
شريف:ده النحس كله جيه عندنا
ساره:أسيل ديه وحشتنى اوى نزلنى بسرعه نزلنى
شريف بضيق نزلها
أسيل:اختى القمر كده تسيبنى معرفتش انام فى الاوضه ن غيرك
فريده:وذنبتنى جنبها طول الليل
شريف:اهلا اهلا
أسيل:اهلا يا شريف اوعى تكون زعلان عشان امبارح ها
شريف:لا عارف
أسيل:متزعلش انت عارف انى مش طايقاك عشان اخدت اختى منى
شريف:عارف عارف
فريده:يخربيت صراحتك يا شيخه
أسيل:شريف عارفنى كويس كان جارنا برضو وله ايه يا سحس
خلص اليوم وكانو ماشين
أسيل وساره بيعيطو وحضنين بعض:اعااااااا
فريده:كفايه كده بقا يا أسيل هنبقا نجيلها بعدين
شريف:ده انا لو واخدها وطفشان مش هتعملى كده
أسيل بدموع:قولتلك متوفقيش بس متقلقيش انا هطل...
فريده حطيت إيديها على بقها وشديتها:يالا يا شيخه حرام عليكى انا غلطانه انى دخلتك حقوق ده انا ظلمت العالم يشيخه
شريف بضحك وهو حاطط إيديه على كتف ساره:متقطعيش الجوابات.
ساره بعياط:اعااااا أسيل
شريف:خلاص خلاص هخليها تيجى تانى
أسيل:بمزاجك هو
فريده:يا بنتى خلاص كفايه تعالى بقا
اخدتها ومشيو
بعد عده ايام
منه:وبعدين بقا يا أسيل
أسيل:مش عارفه ده تالت واحد تجيبه وميعجبنيش
منه:انتى اللى طالعه فى العالى
أسيل:امال عايزانى اتجوز اى حد والسلام وله ايه
منه:يا ستى هو الواحد لاقى
أسيل:بصى هما كلهم عايزنى ابطل شغل عايزنى اضيع مجهود وتعبى
منه:مش بدل المرمطه إلى احنا فيها ديه صحيح محكتلكيش انا ماسكه حته قضيه انما ايه من الى قلبك يحبها وخلاص هفوز وهدخل واحد من اللى بيتاجرو فى الس'لاح السج'ن
أسيل:شكلها خطيره اوى
منه:بالظبط مش هتتخيلى كميه رسايل التهديد إلى جاتلى
أسيل:ومش خايفه
منه:لا حاسه انى بعمل حاجه مهمه كده ومبسوطه جدا ومتحمسه.
أسيل:الله يخربيتك ده انا جسمى ملبش
منه ضحكت:وانتى خايفه ليه تعالى يالا عندى جلسه
مشيو
منه:سلام يا سولى
أسيل مسكت جسمها وهى بيترعش:اوووو يا ربى قشعريره
هارون:وده من ايه
أسيل اتفزعت ورجعت لورا:انت انت خضيتنى
هارون ضحك:يا سلام ده انتى تخضى بلد
أسيل بسخريه:هه
هارون:سخيفه قوليلى تعرفى واحده اسمها المحاميه منه سامر
أسيل:ايوه ديه صاحبتى ليه
هارون:ملكيش فيه
أسيل:بار'د
هارون:قولتى ايه
أسيل:ملكش فيه
أسيل جت تعدى الطريق فجأة وقفت قدامها عربيه سوده وهى صوتت لكن هما كانو سرعه لدرجه رشو على وشها حاجه اغمى عليها واتخطفت
هارون بسرعه ركب عربيته ومشى وراهم
استووووووب
وبعدين هنعرف بعدين يا ترى أسيل هتتخطف وله هارون هيلحقها هنعرف البارت الجاى كان
#وقعنى_ظبوطه
#البارت_التالت
بقلمى منار مجدى
فتحت أسيل عينيها لقيت شخص قاعد على كرسى قدامها
أسيل جت تتحرك لقيت نفسها متربطه فى كرسى تانى
أسيل بعصبية:انت يا بتاع انت ليه رابطتى كده انت مش عارف انا مين وله ايه ده انا هودبك فى ستين داهي'ه
ضحك جامد:لو كنت مكانك كنت حطيت لسانى الطويل ده جوه بقى
أسيل:انت استنى طويل يعنى مش كفايه مجر'م لا وقليل الادب كمان ده بدل ما تعتذر وتقولى معلش يا انسه حصل (mistake)
ضحك:هو انتى فاكره نفسك فى فيلم وله ايه
أسيل:ده لو فيلم كان هيبقى فيلم فاش'ل ازاى يجيبو ممثل ف'اشل زيك اكيد الفيلم هيفش'ل يخساره الفلوس
بعصبية مسك شعرها:ما تخرسى بقا
أسيل بوجع وعصبيه:مانت لو راجل مكنتش رفعت ايديك على بنت ايه اهلك معلومكش احترام المرأة
قال بين سنانه:مش لما تبقا مرأه اصلا
أسيل بشهقه:يعنى مش كفايه مجر'م لا وقليل الزوق كمان
بغضب:اكتمى بقا
أسيل:سيب شعرى ياله
وهو بيحركها بعيد:يا بت اتلمى
أسيل:ليه شايفنى متبعتره سيب ياض انت عارف لو ايدى مش متربطه كنت وريتك شغلك وعلمتك الادب يا سا'فل يا منح'رف
بعد عنها يزهق ومسك بكره لزق ولزق بيها بقها
أسيل فضلت تفرك وتعمل أنين
...:اسمعى بقا جائز انتى متعرفنيش شخصيآ بس انتى ماسكه القضيه بتاعتى
أسيل بصيت ليه كده🤨
....:انا سيف الكلانى صاحب اكبر شركه استيراد وتصدير
أسيل لفت عينيها بملل 😒
....:وانا برضو تبع تجاره السل'اح إلى انتى ماسكاها
أسيل برقت كده😧
...:وله انتى ايه رأيك يا منه
أسيل هزيت راسها بسرعه بلاء
سيف بضحكه شريره:ايه فين الشجاعه
أسيل قعدت تتكلم بس مش مفهوم حاجه عشان مكتوم شال سيف اللزقه
أسيل:عشان تعرف انك فا'شل حتى الخط'ف معرفتش تخ'طف صح أنا أسمى المحاميه أسيل تخصص طلاق وخلع هههه مش متخيله منظرك الصراحه ههههه نكته .
سيف بعصبية:انتى كدابه
أسيل:حقيقى والله شوف بقا انت بعت مين يخط'ف بدالك أدى اخرت إلى يخلى حد تانى يعمل شغله ياربى حتى الاجر'ام مش عارفين تعملوه صح ههههه لا بجد مش بتاع إجر'ام بتأج'رم ليه
سيف:يا ضبعععععع
أسيل:ايه ده ضبع حقيقى ليه شغالين فى حديقه حيوان'ات
سيف بزعيق:اخرسى بقا
أسيل:طيب بقولك ايه يا كابتن احنا نعمل اتفاق انت تفكنى وكل واحد يشوف حاله وبص يا سيدى عشان انا قلبى طيب مسامحاك.
سيف ابتسم:وانتى فاكره انى هسيبك يبقا بتحبنى انتى دلوقتى عارفه كل حاجه عنى يعنى يوم ما تطلعى من هنا تتطلعى على القبر .
أسيل بدموع:يعنى ايه هموت اعاااااااااااا هتموتنى اعاااااااا هتهون عليك العشره اعاااااااااااا يا راجل ده احنا عشره خمس دقائق اعاااااااااا.
سيف حط على بقها شريط من اللازق
سيف نفخ بضيق:صدعتينى يا شيخه وانت تعال ورايا
خرج وسابها وهى بتعيط بخوف من الضلمه
أسيل بتخاف من كل حاجه تقريبا من الضلمه والحيوانات كلها وبتخاف من الحشرات والصوت العالى والمناطق المرتفعه بتخليها تدوخ
أسيل غمضت عينيها ودموعها نازله وهى بتترعش من خوفها وبتقول فى نفسها:وبعدين يا أسيل هتموتى ومش هتشوفى ساره وله مامتك تانى حتى شريف الرخ'م حتى مش هتجوز اعااااا يا ريتنى كنت وافقت على اى واحد ماما جابته اهو مكنتش مت عازبه اهئ اهئ.
حسيت بإيد بتشيل الحبل وبتفكها
أسيل فتحت عينيها بس الدنيا ضالمه مش شايفه
فكها بسرعه وشدها وخرجو من شباك هو دخل منه
هارون:انتى كويسه
أسيل كانت مدمعه وباصه ليه
هارون اتخض وشال اللزقه:انتى كويسه عملك حاجه
أسيل اترمت فى حضنه وهى بتعيط
هارون طبطب عليها:هو ايه حصل دول بس ساعتين إلى اختفيتى فيهم
أسيل بعياط وشهقات: كان (شهقه) عايز عايز(شهقه) يم'وتنى أهئ اهئ اهئ
هارون:طيب خلاص أهدى انا هخرجك من هنا
أسيل بعدت وهى بتمسح دموعها زى الاطفال: ازاى دلوقتى ومنه منه هو عايزها تقريبا بسبب القضيه إلى ماسكاها هتنقذها هى كمان مش كده
هارون:بس نطلع من هنا
أسيل:تقصد ايه هنخرج زى ما دخلت
هارون:للأسف لا
أسيل:ليه
سيف بضحك وهو بيحاوطهم برجالته والمسدسات كلها متوجهه عليهم
أسيل بدموع:ارجوك قولى اننا هنخرج انا هصدقك
هارون بص ليها وصعبت عليه اوى:متخافيش هنخرج
سيف بضحك:واثق اوى مش كده.
أسيل:انا واثقه فيه على الأقل بيعرف يعمل شغله بنفسه مش زيك
هارون:أسيل اسكتى دلوقتى ممكن
سيف قرب ليها:وانتى فاكره انك هتعرف تخرجى من هنا سواء انتى أو هو
هارون شدها ورا ضهره:خلى كلامك معايا
سيف رفع المسدس على رأس هارون
أسيل مسكت فى دراعه بخوف وخبت وشها
هارون:سيب يا بابا اللعبه إلى فى إيديك ديه انت مش قدها
سيف:هتندم يا هارون
أسيل بصيت فى الارض ومحدش مركز معاها وطيت براحه ومسكت عصايا كانت في الارض
ورفعتها وهى بتصوت بصوت عالى:اعااااا
ضربت سيف على دراعه وقع المسدس بصيلها بغضب ضربته
على رأسه الكل اتلم حواليه
هارون مسك أيديها وجريو
سيف بوجع:وراهم يا بها'يم
هارون بضحك:مكنتش اعرف انك عنيفه كده
أسيل بعياط:هو انا هدخل الس'جن عشان ق'تلته
هارون:لا هو مامتش متخافيش ده قرد
أسيل:بجد
هارون:اه يالا بسرعه اركبى
أسيل:هنروح فين
هارون:مكان آمن انتى مش هينفع ترجعى.
أسيل:ايه
قاطعهم ضرب النار صرخت أسيل
هارون:انزلى تحت
أسيل نزلت وهارون بيسوق وحاطط أيديه على رأسها
أسيل بصيت حواليها وقامت
هارون:بتعملى ايه
أسيل:بحاول انقذنا خليك انت فى السواقه
شديت مرايه الجمب إلى فى العربيه
ضربو نار قريب من أيديها
هارون بصوت عالى:خلى بالك
شديت أسيل المرايا ودخلت ايديها وهى بتتنفس بسرعه:يا رب يا رب يا رب اعاااا
هارون:بس وطى صوتك
أسيل:اسفه الاكشن بيخلينى اتوتر
قامت وقعدت على ركبتها وخرجت راسها والمرايا
هارون:بتعملى ايه هتمو'تى
أسيل ضربت اشعه الشمس فى عين السواق مبقاش شايف وقعد يلف بالعربيه زود هارون السرعه وعرفو يهربو منهم
أسيل حطيت إيديها على قلبها:خلاص خلاص كله تمام كله تمام
هارون بإستغراب:انتى بتتكلمى مين
أسيل بعصبية:اكيد مش انت بهدى نفسى انا مش بحب جو الاكشن ده يا ربى ده انا أخرى قضايا الخ'لع يا رب
هارون ضحك:طيب خلاص أهدى هتبقى كويسه ههه كله هيبقا تمام
أسيل بنرفزه:انت بتضحك على ايه ها احنا كنا هنمو'ت من شويه
هارون:انا متعود على كده
أسيل بدموع:بس انا لا انا مش متعوده انا بخاف من الحاجات ديه بخاف
حطيت إيديها على وشها وعيطت
هارون بزعل: خلاص انا متاسف ياستى مش هضحك عليكى تانى
أسيل نزلت ايديها وبصيت بعيد وهى بتهز راسها
هارون اتنهد
الصمت كان سيد المكان
أسيل:هو احنا رايحين فين
هارون:قولتلك مكان آمن
أسيل:بس احنا رايحين البحر
هارون:ليا مكان في اسكندريه محدش يعرفه غير القريبين منى
أسيل:طيب ومنه وماما وساره وشريف الر'خم مش هشوفهم تانى
هارون ابتسم:بس لفتره صغيره لأن دلوقتى سيف بيدور عليكى ومنه زمان دلوقتى فى حواليها حراسه متقلقيش
أسيل هزيت راسها:بس اوعدنى ماما وساره وشريف مش هيحصلهم حاجه بسببى ماشى
هارون:فى حمايتى انا شخصيا
أسيل ابتسمت وعيونها مدمعه: متشكره جدا
هارون ابتسم:العفو يالا بقا وصلنا
نزلت أسيل كان البيت على البحر والمكان فاضى وهادى بس صوت البحر
هارون:هتفضلى واقفه كتير تعالى يالا
أسيل : ممكن بس سؤال بسيط وحضرتك هتروح فين
هارون:مش هروح حته
أسيل:بس غلط مينفعش بص انا هرجع عند منه وخلاص
هارون:انتى ه'بله يا بنتى اما هو كان عايز منه اساسا
أسيل:بس أصله مش من الأصول يعنى اقعد معاك فى البيت لوحدنا
هارون ابتسم: متقلقيش مش لوحدنا
أسيل:لا متقولش فى واحده حصل معاها نفس إلى حصل معايا عايشه هنا
هارون بضحك:لا مش كده
أسيل:امال ايه
هارون:بنتى عايشه هنا
أسيل بصدمه:ايه انت متجوز.
هارون:لا
أسيل😱😱😱😱😱😱
استووووووب ايه هيحصل تانى هنعرف البارت الجاى كان معكم الكاتبه منار مجدى
#وقعنى_ظبوطه
#البارت_الرابع
بقلمى منار مجدى
أسيل سكتت بعد الصدمه إلى حصلت ودخلت وراه
البنت:ما لسه بدرى ياخويا
هارون بضحك:متاخرتش اهو
البنت:اه اسبوع بحاله انما ايه
هارون:مخلاص بقا يا سما
سما:وكمان جايب بنات البيت
أسيل بابتسامه بلهاء😀:اهلا
سما:ديه بتضحك كمان
هارون بضحك:سما ديه أسيل و ى هتفضل معانا هنا فتره لحد ما الدنيا تهدى أو نقبض على سيف
سما:اه سيف تانى تعالى
سما بنت ١٨ سنه هنعرف حكايتها بعدين
سما:تعالى يا حلوه انتى عندك كام سنه
أسيل:انا عندى احم ٢٦ سنه
سما:بجد انا افتكرتك قدى ١٨سنه
أسيل:عشان قصيره شويه صغيرين
سما:صغيرين ايه قولى شويتين تلاته
أسيل:ما بلاش احراج بقا
هارون ضحك:طيب اسيبكم انتو تتعرفو على بعض انا هطلع ارتاح شويه
سما قعدت:وانتى بقا شغاله ايه
أسيل بتوتر:محاميه
سما:اه عشان كده حد قالك تروحى الدورى ورا المجرمين
أسيل:لا والله مش انا انا بس محاميه طلاق وخل'ع بس
سما:امال ايه خلاكى فى خطر
أسيل:اتخط'فت غلط والنبى بلاش اسئله كتير انا حاسه انى فى امتحان ثانوى عام تانى
سما ضحكت:لا مش للدرجه دى اممم انتى جعانه
أسيل:اكيد وديه فيها سؤال
سما:طيب تعالى
دخلو المطبخ سوا
سما فتحت التلاجه وطلعت منها حاجات شورما وبدأت تعملها
أسيل:انا حاسه انى تقلت عليكى حبتين
سما:ده انتى نورتينى عارفه انا بزهق اوى هنا لوحدى وانتى جيتى هنتسلى اوى
أسيل:انتى إلى طيبه لكن لو حد تانى كان زمانه زعلان
سما ابتسمت:انتى عسل الواحد ياخد عليكى
أسيل:شكرا
عملو سندوتشات شاورما واكلو اتعرفو على بعض
أسيل اتاوبت: القاعده معاكى حلوه اوى
سما ابتسمت:انتى عايزه تنامى مش كده
أسيل هزيت راسها بلا على طول
سما:ليه هتفضلى صاحيه كده
أسيل بإحراج:مش هعرف انام هنا
سما:ليه متخافيش مش هناكلك بليل
أسيل:مش خوف منكم لكن انا مبعرفش انام لوحدى
سما بضحك:يا راجل قول كلام غير ده
أسيل ضحكت بإحراج
سما:انتى مش بتهزرى
أسيل:لا
سما:امممم طيب تعالى نامى معايا
أسيل ابتسمت:بجد يعنى مش هضايقك
سما:لا تعالى
قامو وطلعو اوضه سما
أسيل:اوضتك حلوه بس انا كنت محتاجه اخد دش واخده بالك يعنى عشان اتخط'فت وكده
سما:اممم طيب ادخلى الحمام اهو وانا هجيبلك هدوم من عندى
أسيل: متشكره
دخلت أسيل عشان تاخد دش ومعداش غير تلت دقائق وصرخت
سما بخضه: أسيل أسيل فى ايه
أسيل خرجت وهى لابسه تشيرت كبير وطويل نسبيا وطلعت وقفت على السرير:اعاااااا صوصار اعااااا
سما ضحكت بسخرية ودخلت عشان تقتله نعداش دقيقه واحده وخرجت سما كمان بتصرخ: اعااااااا طلع بيطير اعااااا
أسيل وسما حضنو بعض وبقو يصوتو
هارون دخل لقاهم ماسكين بعض وبيصوتو:فى ايه
أسيل:صوصار فى الحمام اعاااااا
سما:وبيطير اعاااااااا
هارون دخل الحمام وبعد اصوات تكسير وتدمير فى الحمام خرج هارون منتصر
هارون:قالته وشديت السيفون
سما نزلت:بجد بطل
أسيل بخوف:متأكد شديت السيفون اصلا الصارصير بتصحى تانى
هارون ابتسم:ايوه متأكد
أسيل نزلت بضحك:الصوصار مات احسن عشان كده متجيش هنا تانى
هارون ضحك
سما:احم أسيل خدى هدوم اهى
أسيل استوعبت ومسكت الوم وجريت على الحمام
سما ضحكت:طيبه اوى
هارون:بجد
سما:عارف انا بفهم فى الناس وهى كويسه وبريئه جدا كمان
هارون:ماشى يا ستى انا داخل انام مش عايز صريخ تانى
سما بضحك:بمزاجك وله ايه
خرجت أسيل بعد فتره وهى محمره ومحرجه
سما:مالك
أسيل: انا بجد غبيه اوى
سما:ليه
أسيل:ازاى مأخدتش بالى زمانه دلوقتى بيقول عليا واحده مش محترمه
سما ضحكت: كل ده عشان شافك وانتى
أسيل بسرعه:متكملهاش
سما:متقلقيش هو مقالش عليكى حاجه
أسيل:ما هو مش هيقول بس اكيد هيفكر
سما:وانت عليه فارق معاكى كده هو مفكرك ايه
أسيل بتوتر:ها لا طبعا مش فارق معايا هو شخصيا يعنى اممم مش عارفه اشرحلك
سما:خلاص متشرحيش يالا ننام
أسيل نامت وهى متوتره جمبها ومحروجه جدا
سما:تصبحى على خير
أسيل:وانتى من أهله
سما قفلت النور
أسيل بخوف:لا لا افتحيه لا افتحيه
فتحت سما النور بسرعه
أسيل بدموع:انا اسفه والله بس مش بعرف انام فى الضلمه
سما:خلاص خلاص أهدى
أسيل عيطت:انا عايزه اروح لماما اهئ اهئ مش هعرف انام من غيرها
سما حضنتها وطبطبت عليها:خلاص خلاص أهدى انا موجوده ماشى
أسيل بعياط:مانا مش هعرف انام من غير ماما ما تحضنى
سما ابتسمت:مش كبرتى على كده
أسيل:اصلى اممم
سما:لو مش عايزه تقوليلى خلاص
أسيل:لا هقولك انا عندى مرض نفسى بخاف من كل حاجه تقريبا ومش بحس بالأمان بسرعه فاهمانى بس انا بتعالج الدكتور قالى اتكلم كتير لما اخاف ده بيقلل نسبه الخوف بحاول والله بس مش عارفه.
سما:خلاص خلاص احنا صحاب من دلوقتى مش هتحسى بأمان معايا
أسيل هزيت راسها
سما اخدتها فى حضنها ونامو وهى بتطبطب عليها
أسيل بضحك:حاسه انك الكبيره مش انا
سما:لكل واحد حكايته انتى حكايتك خليتك صغيره كده وانا حمايتى كبرتنى كده
أسيل:وايه بقا حكايتك
سما:لا ديه كبيره اوى بعدين اقولهالك
أسيل ابتسمت:انتى طيبه اوى
سما:انتى ليه بقيتى كده
أسيل:كنت متعلقه ببابا الله يرحمه جدا وكنت أنا الدلوعه وكده بقا فاهمه مكنتش بثق غير فيه هو وبس ولما ربنا افتكره زى مايكون ملقتش أمان تانى بقيت بخاف من كل حاجه ماما تعبت معايا اوى لحد ما اتعلقت بيها وبأختى ساره الكبيره هههه عارفه لما اتجوزت انا كرهت جوزها اوى عشان اخدها منى وكنت بقوله فى وشه انا مش بطيقك بس انا مبسوطه انها لقيت إلى يحبها بجد.
سما:انتى كمان هتلاقى إلى يحبك بجد
أسيل:لا محدش هيحب واحده بتخاف من ظلها ده غير لسانى إلى عايز قصه انا معترفه بتكلم كتير وساعات كتير مش بيبقا قصدى الكلام الى بقوله بس اعمل ايه بقا هو ده قدرى
سما:اكيد هتلاقى انا واثقه انك هتلاقى يالا بقا ننام عشان مش قادره الصراحه
أسيل ضحكت ونامو
تانى يوم صحيت أسيل كانت سما مش عارفه تنام من النور والشمس وعماله تتقلب وتأفف ابتسمت أسيل بأمتنان وقامت قفلت الستاير وغطيتها كويس وخرجت وقفلت النور قبل ما تقفل الباب ونزلت كان هارون بيحضر فطار
أسيل:صباح الخير
هارون:صباح النور نمتى كويس
أسيل:اه انا نمت كويس بس ياعينى سما معرفتش
هارون:ليه كده
أسيل:سابت النور ليا وتقريبا كده هى مش بتعرف تنام فى النور
هارون:ليه سابت النور
أسيل:عشان انا بخاف من الضلمه احم هو انت بتعمل ايه
هارون:بعمل فطار
أسيل ابتسمت وقعدت على كرسى قدامه:شكل الفطار جميل عارف انا مش بعرف اعمل اكل نهائى ولما يقرر اعمل اكل لاما بح'رق نفسى لاما بو'لع فى البيت
هارون ابتسم:عارفه فى دراسه بتقول أن البنت الى مبتعرفش تطبخ فى بيتها بتبقا اشطر طباخه فى بيت جوزها
أسيل ضحكت:ومين بقا إلى عمل الدراسه ديه
هارون بضحك:والله مانا عارف بس سما بتقولها
أسيل ضحكت:صحيح قولى هو انت عندك كام سنه
هارون برفع حاجب:وده ليه هطلعيلى بطاقه
أسيل:اصل بصراحه مش باين خالص أن عندك بنت وكبيره كده شكلك ميديش خمسين سنه أصله
هارون بصدمه:خمسين سنه
أسيل:لقيتها اكيد عندك أربعين بس مهتم بصحتك صح
هارون:أربعين
أسيل:ايه خمسين
هارون:لا عندى ٢٩ سنه
أسيل:ازاى بقا عندك بنت
هارون:سما مش بنتى بس هى بنت اخويا الكبير المسافر بره فهمتى بس انا بعتبرها بنتى
أسيل:ليه بنتك حفيدتك بقا هههههه
هارون:دمك خفيف اوى
أسيل:احم انا بس كنت بهزر
هارون ابتسم:عارف
أسيل:عارف كل حاجه انت
هارون:بالظبط
أسيل ابتسمت وهى بقا بيعمل الاكل ومركز فيه وفى نفس الوقت أسيل مركزه معاه ومع تفاصيله وملامحه ومبتسمه
نزلت سما وأسيل مش هنا خالص
سما:صباح الخير
هارون:صباح النور
سما:هى مش بترد ليه
هارون بص عليها لقاها سرحانه:مش عارف
شاور قدامها بإيديه فاقت أسيل
هارون ضحك
سما:ايه سرحانه فى ايه
أسيل بإحراج:ها لا مش سرحانه
حسيت بإحراج كبير وفى الموقف ده فضلت الهروب
أسيل:عن أذنكم
خرجت وبصيت للبحر وبقيت مبتسمه وصورته قدامها
أسيل بضحك:لا لا مش معقول لا لا لا.
سما بضحك:بتكلمى مين
أسيل ضحكت وقعدت خالاىض وحطيت إيديها على وشها:مش عارفه مش عارفه ههههه
سما:ديه الحاله صعبه بقا
أسيل بصيت للبحر بجدية:لا لا انسى
سما:هو فى ايه يا أسيل انتى كويسه
أسيل بصيت لسما:سما انا شكلى اتجننت
سما حطيت إيديها على كتفها:حبيبتى انتى مجنونه اساسا
أسيل ضحكت
هارون:الفطار جهز يالا
قامو وقعدو سوا على الاكل
أسيل كانت سرحانه وبتاكل
سما:شكلها حلو وهى سرحانه مش كده بص ازاى مش واخده بالها منا اساسا
هارون:هى شكلها حلو فى كل حالتها
سما بابتسامه:انت وقعت وله ايه
هارون:بطلى هبل وكلى وانتى ساكته
سما خبطت على الترابيزه جامد
أسيل بخضه:ايه فى ايه ضر'ب نار ده
سما بضحك:ده انا لقيتك سرحانه
أسيل ابتسمت:اه الحمدلله
سما:كنتى سرحانه فى ايه
أسيل:وحشتنى ساره اوى
سما:اختك مش كده
هارون:مش هى إلى
أسيل ابتسمت:ايوه حضرتك شوفتها إلى كانت بتعيط وانت مجبتلهاش حقها انا لسه مضايقه من الموضوع
سما:ايه حصل
هارون بضحك:قوليلها ايه حصل
أسيل:تعالى اقولك فى ودنك عشان عيب يسمع
هارون ضحك
أسيل فى ودن سما:كان جوزها بيحاول يعتدى عليها
سما عملت كده 🤭
أسيل:شوفتى قله الادب والاستاذ مرضتش يرفع القضيه شوفتى الظلم يا بنتى متحيرز ليه عشان راجل زيه اصلا هما الستات حقهم ضايع في البلد ديه
سما ضحكت جامد :لا لا مش قادره خلاص كفايه
أسيل 😠:انتى بتضحكى ليه
سما:لا لا مش قادره للدرجه ديه انتى بريئه ينهار بصى هنتفرج سوا على افلام وهخليكى غير كده
هارون:هتفسدك
أسيل بتوتر:لا لا مش بحب اتفرج انا على التليفزيون انا ممكن اسمع اغانى لكن متفرجش لا عيب اصلا التليفزيون كله أخلاقه ضرب'ت
سما ضحكت جامد:ده انتى عسل والله
أسيل😘:حياتى ليكى
هارون بضحك:طيب انا هقوم امشى بقا هاجى بليل متقلقيش يا سما
سما:طالما أسيل معايا يبقا براحتك
هارون خرج للباب بس وقفه
أسيل:استاذ هارون
هارون لف:محتاجه حاجه اجيبها وانا جاى
أسيل:طمنى على ماما وساره وطمنهم عليا زمان ماما تعبانه ومش بتاكل ماشى قولها أسيل كويسه فى أمان ماشى وقول لشريف الر'خم انى مش هتأخر .
هارون:طيب حاضر حاجه كمان
أسيل:لو قولتلك حاجه كمان هتزعل
هارون:لا مش هزعل بس قولى بسرعه
أسيل:ممكن تجيبلى شوكولاته وانت جاى بالبندق ها اوعى تنسى عشان مش باكلها ساده
هارون ابتسم:حاضر حاجه تانى
أسيل:لا شكرا عن أذنك
دخلت تانى وهو ضحك وركب عربيته ومشى
سما:ها عملتى ايه وراجعه منكشحه كده
أسيل:ها معملتش حاجه بس ماما وحشتنى اوى
سما:اه طيب تعالى بقا نرفه عن نفسنا
استووووووب
ايه هيحصل تانى هنعرف البارت الجاى كان معكم الكاتبه منار مجدى
#وقعنى_ظبوطه
#البارت_الخامس
بقلمى منار مجدى
أسيل 🤨:نرفه عن نفسنا ازاى
سما شديتها
بعد فتره
أسيل:هو ده مفهومك عن الترفيه ده ملل خالص مالص
سما:اجمل ربع ساعه هى بتاعت مسك الزبادى بالخيار
أسيل بضحك:ناقص حبتين طماطم ورشه ملح ونبقا طبق سلطه هههه
سما:خليكى كده اتريقى مانتى مش عارفه اهميه الماسك
أسيل شالت الخيار:قومى يا سما ربنا يهديكى قومى وانا هعرفك ازاى البنات بترفه عن نفسها.
وفعلا قامو وغسلو وشهم
سما:بخسارته المسك قولى يا ستى
أسيل:امممم بصى فى كذا حاجه بتفرح اختارى ،واحد نعمل كيكه، اتنين نشغل اغانى ونهيص(وده الى بيرفه عنى شخصيا😂)، تلاته بقا نعمل فشار ونتفرج على مسرحيه العيال كبرت.
سما:عرفى نشغل اغانى ونهيص
أسيل:كنت متاكده تعالى
شغلت اغنيه (٣ دقات)
سما:بس انا مش بعرف ارقص.
أسيل:وله انا هنهبل سوا هههه
مسكت أيديها وبقو بيدوخو وبيغنو مع أبو ويسرا
بعد فتره
قعدو وهو بياخدو نفسهم بصعوبه
سما:تعبت
أسيل:شوفتى كده الواحد يرفه عن نفسه
سما:طيب هنعمل ايه تانى.
أسيل:كيكه هنعمل كيكه
سما:طب اصبرى اخد نفسى
أسيل قامت بضحك وشديتها:تعالى
دخلو المطبخ
أسيل:اممم نحضر الاول مكونات الكيكه بيض وفانيلا وبكينج بودر و ايه أه دقيق فين الدقيق يا سما
سما:فوق ثوانى هجيب كرسى
أسيل بصيت بسخريه:مش فوق اوى كده انا هطول أن شاء الله
شبت ورفعت ايديها وحاولت تشده مره فى التانيه وقعت عليها
(شهقت جامد)
سما جريت بسرعه عليها بخضه:ايه حصل
اول ما أسيل لفت ليها وهى رافع ايديها وبتكح انفجرت سما ضحك
سما:هههههههه لا مش قادره
أسيل😠😠😠مش تضحكى
سما:مش قادره والله
بصيت أسيل للعلبه بتاعت الدقيق فى الارض لقيت لسه فيها رفعته ورشته بسرعه على سما
سما شهقت وبصيت باسيل بصدمه أسيل مقدرتش تمسك نفسها وبقيت بتضحك عليها سما كمان ضحكت
وصل هارون:انا جيت ايه ده
سما اخدت علبه الدقيق:تعال اقولك ايه ده
أسيل بضحك:ايوه تعال
هارون رجع لورا براحه وبعدين جرى
سما جريت وراه وآسيل وراهم وبتضحك
سما كانت بتجرى بس تعبت:كملى يا أسيل
كملت أسيل وهى بتبص لورا لكن هارون كان وقف يبص على سما
وفى نفس اللحظه إلى لف فيها خبطت فيه أسيل وقعت عليه
أسيل:اى
هارون:انتى ال بتتوجعى كمان
أسيل بصيت ليه وضحكت:بقيت كلك دقيق 😂😂😂
هارون ابتسم:بجد والله
أسيل:اه والنعمه
هارون ضحك:طب بهتقومى وله الموضوع عجبك
أسيل قامت بسرعه وكسوف:انا انا اسفه
هارون:وله يهمك بيحصل بس ايه بهدلكم كده
أسيل: الدقيق وقع عليا
هارون:اممم
أسيل:هشوف سما
مشيت وسابته وهى مبتسمه
سما:بهدلتيه شاطره
أسيل:تعالى يالا نطلع نغير
سما:تعالى
طلعو فعلا وغيرو ونزلو كان هارون كمان غير
أسيل:بتعمل ايه
هارون: بتفرج على التليفزيون
أسيل:اه طب ممكن نتفرج معاك
سما:انتى بتستأذنى اكيد هنقعد وده مش بمزاجه
أسيل ابتسمت
هارون:سمعتيه اقعدى يالا
قعدت أسيل تتفرج
هارون كان مشغل فيلم (twilight)
أسيل مسكت فى دراع سما بخوف
أسيل:ده بقا كل'ب
سما بضحك:مستذئب يا أسيل
أسيل:بس شبه الك'لب الهاسكى
سما:بصى ملكيش دعوه بجايكوب بصى ادوارد حلو ازاى
أسيل بصيت ليه بقرف:شبه ماسك الزبادى
سما:تش فهمك انتى
أسيل:طب على فكره بقا جايكوب احلى منه ها
سما:أسيل كله الا ادوارد
أسيل:ياختى خليكى وبرميل الزبادى إلى انتى عايشه فيه ده
قامت أسيل اصلا بتزهق بسرعه من التليفزيون خرجت بصيت للبحر بابتسامه وقربت ليه بس مش اوى وقعدت على الشط
أسيل ابتسمت لما افتكرت زمان لما كانت تزهق للبحر وتقوله مبخافش منك واول ما الموجه تقرب تجرى بسرعه فى حضن ابوها وامها (كانت هبله زى بالظبط😅)
هارون قعد جمبها:عارفه زمان كنت بخاف من البحر
أسيل بصيت ليه باهتمام
هارون:كنت أقف على الشط وابقا عايز أبين انى مش بخاف لكن مجرد ما اشوف الموج بيقرب منى أجرى بعيد
(تقريبا كده الكل كان كده وهو صغير😅😂)
أسيل ابتسمت:انا كمان كنت كده بس الفرق انك قدرت تتخطى خوفك لكن انا لا.
هارون:هتقدرى تتخطيه
أسيل:الدكتور بيقولى كده برضو هتخطى خوفى بس لما ....
هارون:لما ايه
أسيل:لما القى حد اطمن معاه زى ماكنت بطمن بوجود بابا
هارون:أن شاء الله تلاقيه
أسيل:أن شاء الله
بصيت أسيل قدامها كان منظر جميل البحر والنجوم في السما والقمر كان بدر كان بجد منظر جميل
بصيت لهارون لقيته بيبصلها وبعدين لف وشه قدامه
هارون:المكان هنا حلو مش كده
أسيل:ايوه جميل جدا
هارون:احم
أسيل بصيت ليه لقيت بيقدملها الشوكولاته إلى طلبتها الصبح
أسيل ابتسمت:بجد جبتها انا قولت هطنش الصراحه
هارون:انا غلطان اساسا
أسيل إخدتها بسرعه:لا لا انت عسل اوى بجد شكرا انا بحب الشوكولاته اوى بالذات جلاكسى بالبندق شكرا
هارون ابتسم:العفو يا ستى
أسيل وهى بتفتح الشوكولاته لاحظت انها قالتله انت عسل اوى جت الصله ولسه هتتكلم
هارون قاطعها:عارف انك متقصديش بس انت عفويه بطلعى إلى فى قلبك
أسيل ابتسمت ورجعت فتحت الشوكولاته وقيمتها نصين:عشان انت طيب هتاكل معايا
هارون:بس انا حبتها ليكى
أسيل:هتاخدها انا مش بستاذنك على فكره
هارون😒:لسانك ده
أسيل😅:كمان الشوكولاته كبيره مش هعرف اكلها لوحدى عشان خاطرى خد منى
هارون😏:كده كويس
اخد منها وقعدو يتكلمو شوكولاته وهما بيبصو للبحر
عند سما كانت بتبص عليهم من بعيد ومبتسمه
أسيل:ماما سألت عليا
هارون: متقلقيش انا طمنتها
أسيل:اكيد عيطت مش كده
هارون ابتسم:فعلا وقعدت تقولى هتقعد ازاى لوحدها دى بتخاف من التراب إلى تحت رجلها كانت قلقانه جدا
أسيل ابتسمت بإحراج:يا فضحتك يا قرمط بجد قالت عليا كده المهم انك طمنتها مش كده
هارون: متقلقيش
أسيل:مش قلقانه هه لاول مره انا مش قلقانه عارف انت وجودك بيطمن
هارون ابتسم
أسيل:قصدى يعنى عشان ظابط شايف شغلك صح
هارون:انا فهمتك من الاول
أسيل:وعارف ده معناه ايه
هارون:انى بفهمك
هزيت أسيل راسها بأه
هارون:معناه ايه
أسيل:انك بتفهم
ضحكت أسيل هارون بص ليها كده😒
أسيل:انت مش بتضحك ليه على فكره مضحكه جدا
هارون ابتسم بسخرية
أسيل:الوقت أتأخر مش كده تصبح على خير
هارون:وانتى من أهله
أسيل قامت وهارون بص عليها وهى داخله
أسيل وقفت ولفت وشها وابتسمت وبعدين مشيت تانى
هارون بص قدامه وهو مبتسم
عدى اسبوع كامل وأسيل حبت هارون بجد مبقتش بتخاف من حاجه وهو معاها وده اكدلها انها بتحبه بس خايفه تقوله يكون هو مش بيحبها أما هارون فكان بيجيبلها كل يوم شوكولاته حتى لو هى مطلبتش وبياكلوها سوا على البحر كل يوم وسما بتحاول تقربهم من بعض لأن الاتنين معندين
فى الحاضر الساعه ١٢ بعد نص الليل
أسيل رايحه جايه وبتبص على الباب كل شويه
سما وهى بتتفرج على التلفزيون:ما تقعدى بقا خايلتينى
أسيل قعدت وهى بتحرك رجلها بتوتر وبتبص على الباب
سما نفخت بضيق:وبعدين بقا
أسيل:مش كده أتأخر كل يوم بيجى١١ الساعه بقيت ١٢ ونص تفتكرى أتأخر ليه
سما:معرفش بس عادى هو اصلا معظم الوقت مش بيبات هنا ده يتحسد بقاله اسبوع بينام فى البيت
أسيل:مش عارفه ليه حاسه ان فى حاجه غلط حصلت
سما اتاوبت:لا متقلقيش عليه انا هقوم بقا انام هتنامى
أسيل:لا روحى انتى وانا هستنى شويه
سما قامت:براحتك تصبحى على خير
أسيل:وانتى من أهله
طلعت سما وأسيل قعدت على الكنبه وحضنت نفسها وهى كل شويه تبص على الباب والساعه
أسيل فضلت اكتر من ساعه مستنيه لدرجه بقيت بتنام وهى قاعده لحد ما الباب اتفتح
قامت أسيل بسرعه
هارون دخل بس مشى خطوه واحده وبعدين وقع على الأرض
أسيل جريت عليه وقومته
لقيت فى دم فى وشه ورجله بتنزف جامد
أسيل بدموع:ايه حصل ايه حصلك
هارون ابتسم بوجع:بس متقلقيش انا كويس بس ياعينى اروح اوضتى
أسيل:رجلك رجلك بتطلع دم كتير لازم تروح مستشفى
هارون: متقلقيش انا متعود بس ودينى اوضتى
حاول يقوم وأسيل ساعدته وحطيت دراعه على كتفها وحضنته وبقيت تسنده وتطلعه اوضته وهى بتعيط
هارون:اه
أسيل بدموع:اسفه اسفه براحه اهو براحه
هارون:انا كويس بطلى عياط
أسيل بنرفزه:بطل تقول كويس انت مش شايف نفسك
هارون ضحك بوجع: خلاص مش قادر اضحك
أسيل نفخت بضيق وسط دموعها لحد ما دخلته اوضته وقعدته على السرير
أسيل بعدت وبقيت تبص حواليها بتوتر
هارون كان بيبصلها بإستغراب
أسيل خرجت ودخلت وهى بتجرى وقعت في الأرض وقامت تانى وهى بتعيط.
هارون:ينفع تهدى شويه
أسيل بنرفزه ودموع:اسكت خالص ينفع بنرفزنى
هارون:طب راعى انى متبهدل
أسيل:وده الى مسكتنى
أسيل بصيت على رجله بخوف:ديه ديه فيها
هارون ابتسم:رصاصه
أسيل:انت بتضحك على ايه ها ياربى اعمل ايه دلوقتى انا
هارون:انا هقولك بس هاتى سكينه وولاعه
أسيل قامت بسرعه وقعت تانى:يوووه
هارون ضحك
أسيل بصيت ليه بغضب
هارون اتكتم وبص بعيد
أسيل قامت وخرجت جائت السكينه وهى بتمسكها عورت نفسها بس ماهتمتش جابت ولاعه وطلعت بسرعه
أسيل قعدت:اهم جبتهم
هارون:هناك فى الدرج ده هتلاقى علبه فيها قطن وشاش
أسيل راحت وجبتها وقعدت تانى
أسيل:ها اساعدك ازاى
هارون:سخنى السكينه بالولاعه جامد
أسيل سخنت السكينه
أسيل:اهى سخنت
هارون: دلوقتى طلعة بيها الرصاصه.
أسيل بصيت ليه بصدمه:لا لا مش هقدر
هارون:اسمعى انا لو كنت بجد قادر مكنتش خليتك تعملى كده بس انا بجد مش قادر ومحتاج مساعدتك مش هتساعدينى
أسيل بصيت على رجله بدموع:بس انا
هارون: خايفه
أسيل هزيت راسها بلا:بس مش عايزه اوجعك
هارون:انتى مش بتعرفى توجعى حد اصلا
أسيل ابتسمت وسط دموعها:هحاول
هارون:لحظه لحظه
حط حته قماشه فى بقه
أسيل:جاهز
هارون هز رأسه وأسيل سخنت السكينه كويس وبراحه قربتها لرجله واول ما لمست السكينه رجله هارون شد عصبه
أسيل عيطت وهى بتشيلها:انا اسفه اسفه
فضلت تعتذر لحد ما الرصاصه خرجت
أسيل بعياط:انا اسفه اسفه وجعتك صح
هارون شال القماشه من بقه:خلاص أهدى انا كويس وانتى موجعتنيش
أسيل بصيت ليه:بجد
هارون:ايوه بس انتى لسه مخلصتيش
أسيل:فى رصاص تانى
هارون:لا متقلقيش بس لازم نلف الجرح
أسيل:اه صح صح ثوانى
هارون:هتعرفى
أسيل:اه متقلقش
هارون ابتسم:مش قلقان
أسيل كانت بتعقم الجرح وهى بتعيط لحد ما خلصت
وهارون سند رأسه وغمض عينيه بتعب واتنهد
رجع فتح عينيه لما حس بالقطنه على وشه
أسيل بتوتر:و وشك متعور
هارون هز رأسه
أسيل كملت ودموعها نازله غصب عنها وملامحها كلها خوف وقلق عليه باين عليها اوى
هارون رفع أيده وهو مبتسم ومسح دموعها
أسيل بصيت فى عينيه لقيته مبتسم ابتسمت وحركت شعرها ورا ودنها وكملت وقامت:احم دلوقتى هتقدر تغير هدومك إلى مليانه د*م ديه
هارون بتفكير:امممم سؤال مهم بس سهله انتى تساعدينى
أسيل 😳:ها
هارون:ايه هتسبينى كده وانا متصاب
أسيل:بس يعنى
هارون:خلاص طالما مش عايزه
أسيل:لا عايزه احم احم قصدى هساعدك
هارون ابتسم:طيب الهدوم هناك فى الدولاب
أسيل اتحركت بتوتر:ياربى خليك معايا
اتنهد وطلعت هدوم وقربت عنده
هارون فتح زراير القميص لفت أسيل وشها بسرعه
هارون بضحك:المفروض هتساعدينى كده
أسيل:هساعدك هساعدك
هارون ابتسم وأسيل لفت وهى مغمضه عينيها وقربت عنده
هارون:هتساعدينى ازاى وانت مش شايفه
أسيل فتحت عينيها براحه:هعرف ممكن تسكت
هارون:طيب سكت
أسيل غمضت عين واحده وقلعته القميص براحه ولبسته التانى
هارون:متشكر جدا كده ناقص
أسيل قامت بسرعه:لا مش ناقص تانى خلاص مش هقدر اساعدك تانى انا اسفه
هارون بضحك:انا كنت هقول اتعدل وانام
أسيل بصيت ليه بضيق عين وساعدته:كده خلاص.
هارون:كده متشكر جدا
أسيل:تصبح على خير
هارون:وانتى من أهله.
أسيل ابتسمت وخرجت وقفلت النور
هارون بص للسقف وابتسم ونام.
أسيل خرجت وحطيت إيديها على قلبها وهى بتبتسم دخلت الاوضه واخدت دش وخرجت حضنت سما ونامت.
تانى يوم صحيت سما على صوت تكسير فى المطبخ
سما يخضع:ايه ده ايه الصوت ده استر يا رب
استووووووب خلص البارت كان معكم الكاتبه منار مجدى
تكملة الروايه من هناااااااا
تعليقات
إرسال تعليق