 |
ـ عايزني اتجوز واحد لمجرد أني اكون آلة للاطفال و الناس كلها عارفة انه متجوز و بيعشق مراتة؟!.
ــ وفيها أي الشرع محلل اربعة.
ــ بس أنا مقبلش على نفسي كده.
ــ هيكون الأفضل لينا وليكي يا وتين.
وتين: انتَ بتقول أي عايز تبيعني عشان مصلحتك وتقولي الأفضل لينا وليكم.
ــ انا أسف بس ده لازم يحصل او هنفضل طول عمرنا كده.
وتين: انا راضية يا مازن بس متتخلاش عني انا اختك.
مازن: مش هقدر اتخلى عنك يا وتين أنتِ اختي وكل ما أملك في الحياة، بس انتِ تستاهلي تعيشي عيشة كويسة.
وتين: متقررش انتَ عني يا مازن انا عايزة افضل طول عمري اعيش معاك ومش هشتكي ابدًا بس بالله عليك خليني جمبك.
مازن: انا أسف بس انا خلاص اتفقت مع الناس.
" وتين: بنت في عمر ال21
من أسرة بسيطة تعيش في الارياف هي واخوها بعد وفاة والديها
ومازن اخوها يريد تزويجها حتى يطمئن عليها وعلى حياتها "
ـــــــــــــــــــــــــــــــــــــــــــــــــــــــــــــــ
"على الناحية الأخرى في بيت جميل يدل علية الفخامة والثراء "
ــ اهو يا أمي هنفذ اللي انتِ عوزاة و هتجوز.
ــ انا مش عايزة غير أشوفك سعيد ومبسوط في حياتك وعايزة اشوف اولادك قبل ما أموت.
ــ بعد الشر عليكي يا ماما، بس انتِ عارفة أني بحب حور ومقدرش اعيش من غيرها.
ــ وانا مقولتلقش سيبهاا انتَ بس هتتجوز وهي هتكون معاك برضوا.
يوسف: ماشي يا ماما ماااشي.
ليلى: ماشي يا حبيبي انا اتفقت مع اهل البنت وهنروح النهاردة.
يوسف: ربنا يقدم اللي فية الخير.
ــــــــــــــــــــــــــــــــــــــــــــــــــــــــــــ
في أحد الغرف. "
"بنت في ال 25 من عمرها تتحدث في الهاتف وهي تبكي "
حور: والله يا ماما هيتجوز عليا خلاص طنط اقتعته.
ــ اهدي يا حبيبتي.
حور: اهدى أي يا ماما وجوزي هيتجوز عليا.
ــ يا حور الشرع حلل اربعة يا بنتي.
حور: بس انا مقدرش اشوف يوسف مع حد تاني غيري مقدرش انا اموت.
ــ بعد الشر عليكي يا حبيبتي شوية وقت وهتتعودي.
حور: اتعود؟
سلام يا ماما.
"أغلقت الهاتف مع والدتها وهي تبكي بشدة".
وتتذكر ذلك اليوم المنحوس التي فعلت بة الحادثة وتندب حظها على ما حدث" ٠
يوسف: هتفضلي تبكي كتير؟
حور: عايزني اعمل أي يا يوسف وانتَ هتتجوز عليا؟
يوسف: متعمليش حاجة يا حور.
حور: يوسف ارجوك متتجوزش انا مقدرش هموت مقدرش اشوفك مع واحدة غيري.
يوسف: ولا أنا أقدر اتخيل نفسي مع غيرك يا حور انا بحبك اووي
حور: وانا بعشقك والله طالما بتحبني عايز تتجوز عليا لي؟.
يوسف: انا مش عايز اتجوز عليكي بس انا بنفذ رغبة أمي.
حور ببكاء شديد: ماشي يا يوسف ربنا يتمم على خير.
"ضمها لصدرة بشدة وهي تعلقت باحضانة وبكائها يزداد "
يوسف: خلاص يا حوري اهدي يا روحي بس كفاية.
حور: مش قادرة يا يوسف مش قادرة.
يوسف: انا مش هبعد عنك هفضل معاكِ وليكِ علطول انا مقدرش اتخيل حياتي من غيرك.
حور: لا أنتَ أكيد هتحبها هي اكتر صح ومش هتحبني انا عشان انا مش هجبلك عيال بس هي هتكون ام عيالك.
يوسف: عمرري ما فكرت في حاجة زي دي انا بحبك انا مش هتفرق معايا الأطفال اهم حاجة وجودك جمبي.
حور: اوعدني متسبنيش.
يوسف: اوعدك يا كل حياتي أني مش هقدر استغنى عنك ولا اسيبك ابدًا
ـــــــــــــــــــــــــــــــــــــــــــــــــــــــــــــــ
وتين: يا مازن ارجوك.
مازن: وتين خلاص خلص الكلام مش عايز اسمع كلام تاني.
وتين: ليي ليي بتعمل فيا كده.
مازن: هنفضل نحكي كتير يا وتين قومي جهزي نفسك عشان الناس هيجوا كمان شوية.
وتين: أنا بكرهك يا مازن بكرهك جدًا.
مازن: قومي يا وتين يلا
زوجة زوجي الأول
ــــــــــــــــــــــــــــــــــــــــــــــــــــــــــــــ
يتبع
ــ هو انتوا مفيش عندكم احساس خالص عايزيني اروح معاكم انتوا متعرفوش جرح قلبي سيبوني في حالي بليز.
ليلى: اي يا حور مش عايزة تشوفي جوزك مبسوط مش عايزاه يكون مرتاح في حياتة ويتجوز ويكون أب متكونيش انانية يا حور.
حور: انانية؟
انا انانية يا طنط؟
ليلى: ايوا طالما مش بتفكري غير في نفسك تكوني انانية طبعًا.
حور: خلاص يا طنط اللي تشوفية انا هعملة
ليلى: ايوا كده يا بنتي ربنا يكرمك روحي جهزي نفسك و قولي لِ يوسف يجهز نفسة هو كمان.
حور: حاضر يا طنط.
"وتركتها حور وهي تحبس دموعها من الهطول"
ـــــــــــــــــــــــــــــــــــــــــــــــــــــــــــــــ
مازن: خلصتي يا وتين الناس على وصول؟
وتين: مش هلبس يا مازن وقولتلك اني مش موافقة ومش هوافق بس.
مازن بزعيق: خلصي يا وتين عشان انا جبت اخري منك يلا قومي البسي وبطلي العند اللي فيكي.
وتين: لا يا مازن مش هبطل عند وشوف مين بقى اللي هيلبس.
"اقترب منها مازن وامسك يدها بقوة "
مازن: يلا يا وتين زي الشاطرة خمس دقايق والاقيكي لابسة مفهووووووم؟
وتين: لاا انا مش بخاف علفكرا.
مازن: وتيييييييين.
وتين: حاضر بس عشان تكون عارف انا مش خايفة انا بحترمك بس.
مازن: ماشي يا وتين يلا من وشي.
ـــــــــــــــــــــــــــــــــــــــــــــــــــــــــــــــ
حور بدموع محبوسة: يلا يا يوسف طنط بتقولك جهز نفسك.
يوسف: طب لي الدموع دي يا قلبي؟
حور بتهرب: مفيش بس باين في حاجة دخلت في عيني.
يوسف: والله هتكدبي عليا على اساس اني معرفكيش صح؟.
حور: عايز اي يا يوسف.
يوسف: عايزة اعرف حبيبة قلب يوسف مالها بتعيط لية.
حور: حبيبة قلب يوسف بتعيط عشان خلاص معادتش حبيبة قلبة بعد النهاردة هيسيبها ويتجوز عليها.
يوسف: ومين قال ان يوسف يقدر يعيش من غير حوريتة.
حور: خلاص يا يوسف بالله عليك روح البس عشان طنط هتقول اني بعطلك.
يوسف: كل حاجة تولع يا حبيبتي بس اهم حاجة انتِ.
حور بعتاب: وانا بحبك اووي بس انا هونت عليك وهتتجوز عليا.
يوسف: خلاص يا حوريتي انتِ عارفة انا هتجوز لي متقعديش تأنبي فيا كل شوية.
حور: صح انا اسفة
" وتركتة وذهبت إلى الحمام "
يوسف: هووف يااربي اعمل اي.
ـــــــــــــــــــــــــــــــــــــــــــــــــــــــــــــــ
مازن: ايوا كده زي القمر.
وتين: وانا بكر#هك برضوا يا مازن.
مازن: شكرًا يا قلبي وانا بحبك اوي.
وتين: مازن ارجوك ابعد عني انتَ معدتش اخويا من بعد ما هتجوز مش عايزة اشوفك ابدًا.
مازن: ماشي يا وتين لما تتجوزي ابقى يحلها الف حلال.
وتين: نينينينيني ابعد عني عشان انا مش طايقة نفسي.
"وبعد القليل من الوقت آتى يوسف و والدته و زوجتة"
مازن: شرفتونا يا جماعة اتفضلوا.
ليلى: شكرًا يا بني انتَ طبعًا عارف احنا جايين لي.
مازن: طبعًا ويشرفنا اننا نناسب ناس زيكم.
ليلى: تسلم يا بني ربنا يخليك مش هتنادي العروسة ولا اي.
مازن: لا ازاي هقوم اناديها حالًا.
ـــــــــــــــــــــــــــــــــــــــــــــــــــــــــــــــ
مازن: يلا عشان الناس برة.
وتين: مش هترجع في كلامك برضوا مُصِر على كده.
مازن: ايوا يا وتين ويلا عشان تخرجي دلوقتي ومش عايز اسمع منك ولا كلمة قدام الناس.
وتين: ماشي يا مازن ماشي ياخويا يابن امي وابويا.
ـــــــــــــــــــــــــــــــــــــــــــــــــــــــــــــــ
ليلى: ماشاء الله تبارك الله قمري يا حبيبتي ربنا يحفظك
وتين: شكرًا يا طنط.
ليلى: طب مش هنسيب العرسان مع بعض شوية.
حور بإندفاع: لاااا.
ليلى بتبريقة: في أي يا حور.
حور بدموع: مفيش يا طنط انا اسفة.
مازن: اي دا طنط انا كنت احسب الانسة اخت الاستاذ يوسف.؟
يوسف بغيظ: لا دي المدام.
وتين: وكمان معندكش دم وجايب مراتك معاك انا اعرف اي البجاحة دي.
مازن بزعيق: وتييييين اسكتييي.
وتين: سكتنا ياخويا لما نشوف اخرتها حاضر.
ـــــــــــــــــــــــــــــــــــــــــــــــــــــــــــــــ
وتين: بس من الاخر كده انتَ ترفض انك تتجوزني عشان انا مش عايزة اتجوز مااشي.
يوسف برفعة حاجب: والله المشكلة عند حضرتك يبقى تخرجي انتِ تقولي مش عايزة تتجوزيني.
وتين: لا انا مش هقول مفهوم انتَ اللي هتقول.
يوسف: لا يا اسمك اي المشكلة عندك مش عندي.
وتين: أي اسمك اي دي انا اسمي وتين.
يوسف: مش هتفرق كتير.
وتين: هوف انتَ يعم مش بتحب مراتك عايز تتجوز عليها لي؟.
يوسف: اسبابي الخاصة مش مجبر اقولك.
وتين: ماشي براحتك عنك ما قولت مش هتفرق معايا كتير
ليلى: هاا يا ولاد مبدأيًا مرتاحين لبعض.
يوسف: جدًا يا ماما مرتاحين اووي.
"نظرت له حور نظرة مليئة بالو#جع والكس#رة والع"تاب"
يتبع.........
#زوجة_زوجي
#البارت_الثاني
#الكاتبة_باسنت_أشرف
ــ لا ده شكلة مجنون اصلًا.
مازن: انا سكتلك كتير يا وتين لكن عيب اللي انتِ بتعملية ده.
وتين: مش عيب يا مازن ارجوك ارجع عن قرارك وانا هوافق على أي عريس يتقدملي إلا ده، ده متجوز انتَ ترضى لأختك انها تتجوز واحد متجوز.
مازن: ايوا يا وتين انا موافق وراضي وانتِ بطلي العند اللي فيكي.
وتين: والنبي يا مازن ما تعمل كده انا اختك ومليش غيرك في الدنيا.
مازن: ملهوش لازمة الكلام ده يا وتين الموضوع انتهىٰ.
وتين بزعيق: لا منتهاش يا مازن وانا قولت اني مش هتجوزه يعني مش هتجوزه.
مازن: مش عايز اتعصب عليكي اتقي شري يا وتين.
وتين: هت*قتل#ي؟
اقتل*ني اهون عندي من اني اتجوز.
مازن: وتين يلا على اوضتك مش عايزة اشوف وشك يلا.
وتين: ماشي يا مازن.
ـــــــــــــــــــــــــــــــــــــــــــــــــــــــــــــــ
يوسف: حور افتحي الباب يا حبيبتي يلا.
حور: عاوز أي يا يوسف ارجوك ابعد عني.
يوسف: افتحي يا حور بالله عليكي لتفتحي.
حور: مش عايزة يا يوسف سيبني لوحدي شوية.
يوسف: لا يا حور هفضل واقف لغاية ما تفتحي.
حور: خلاص يا يوسف خليك بقى الليل كلة.
يوسف: يا حبيبتي عشان خاطري افتحي.
حور: لا برضوا
يوسف: يا حوري انا اسف طب افتحي
حور ببكاء: ياا يوسف ارجوك ابعد عني انا تعبت خلاص ابعد عني عشان انا جبت اخري.
يوسف: اهدي يا حياتي انا اسف والله انا اسف اهدي انتِ بس.
حور: لا يا يوسف مش ههدى و بالله عليك سيبني لوحدي شوية.
ليلىٰ: في اي يا يوسف مراتك صوتها عالي كده لي أي اللي حصل.
يوسف: مفيش يا ماما.
ليلىٰ: لا فية يا يوسف مالهاا حور.
حور: للأسف يا طنط انا فعلًا انانية ايوا انا انانية عشان بحب يوسف بحب جوزي صح انانية غلطتي الوحيدة ان عندي مشكلة في الخلفة حاجة غصب عني بتعاقبوني على حاجة ملييش ذنب فيها لي حرام
"فتحت حور الباب وهي منهارة تمامًا و يوسف و والدتة ينظرون لها بصدمة شديدة"
"اقترب منها يوسف وجاء ليحتضنها فدفعتة حور وهي تبكي و بكاؤها يزداد"
حور بانهيار: ابعد عني يا يوسف ابعد عني عشان انا تعبت وجبت اخري ابعد عني ارجوك.
يوسف: لا مس هبعد يا حور مقدرش اشوفك في الحالة دي وابعد يا حور افهمي انتِ روحي انا مقدرش ابعد عنك افهمي كده
حور: مش هفهم يا يوسف عايزني افهم أي اكتر من انك هتتجوز عليا.
يوسف: خلاص اهدي صدقيني اهدي ارجوك وانا مش هتجوز بس اهدي.
ليلىٰ: أي اللي انتَ بتقولوا ده يوسف
يوسف: خلاص يا ماما ارجوكِ اسكتي انا حياتي كلها خربت انا اهم حاجة في حياتي هي حور.
" انهىٰ حديثة واقترب من حور وحملها وهي تعلقت باحضانة و مازالت تبكي وهو يشدد على احضانها "
ـــــــــــــــــــــــــــــــــــــــــــــــــــــــــــــــ
"داخل غرفة"
يوسف بدموع: بالله عليكي لتهدي يا حور لو بتحبيني اهدي يا حياتي.
حور: متسبنيش ابدًا يا يوسف انا بحبك اوي ومقدرش اعيش من غيرك ابدًا
يوسف: والله العظيم وانا بعشقك يا حور انتِ حياتي كلها صدقيني انا مقدرش استغنىٰ عنك يا روح الروح.
حور: خلاص يبقى متتجوزش عليا يا يوسف والله مش هستحمل أن واحدة تانية تقرب منك والله ما هستحمل ولا اقدر اتخيل انك تلمس واحده غيري.
يوسف: اطمني يا حوريتي انا مش هتجوز أنا ليكي انتِ وبس يوسف لِحور و حور لِيوسف.
حور: وحور بتعشق يوسف.
يوسف: ويوسف بيعشق حور.
ـــــــــــــــــــــــــــــــــــــــــــــــــــــــــــــــ
سما بزهول : انا مش مصدقة أن مازن يعمل كده بجد!
وتين ببكاء: ولا انا مش متخيلة ابدًا أن مازن كده كان دايمًا سندي وضهري في الحياة كان ليا الاب والاخ وكل حاجة كنت لما بخاف بجري على حضنة حتى لما كان بيزعل مني كنت برضوا بترمي في حضنة كان ليا كل حاجة مش متخيلة ولا عارفة هو موافق لي مش فاهمة حاجة بجد.
سما بحزن على ابنة خالتها: خلاص يا وتين اهدي يا حبيبتي وانا هكلم ماما تكلم مازن.
وتين: ملوش داعي الكلام لأن مازن مبقاش فارق معاه حد دلوقت.
سما: ربنا يصلح الحال يا حبيبتي وماما اكيد هتقنعة.
وتين: يارب يا سما عشان انا مش عايزة اتجوز الشخص ده ابدًا دول مش ناس ده جايب مراتة التانية معاه هو في جرح مشاعر وكده.
سما: اهدي يا حبيبتي وكل حاجة هتكون بخير ربنا دايمًا عندة الخير لينا ولو ده المكتوب صدقيني هيكون لمصلحتك.
وتين: ونعم بالله
ــــــــــــــــــــــــــــــــــــــــــــــــــــــــــــــ
يتبع............
#زوجة_زوجي
#البارت_الثالث
#الكاتبة_باسنت_أشرف
" تفاعل و كومنتات كتير "واعملوا متابعه علشان يوصلكم باقي الروايه متابعه من هنا
تعليقات
إرسال تعليق