 |
" في صباح يوم جديد استيقظت حور وهي بداخل احضان يوسف نظرت إلية وامتلأت عينيها بالدموع "
حور: انا زعلانة منك اوي عشان عايز تتجوز عليا يا يوسف.
يوسف: متهيطيش يا قلب يوسف وبعدين انا قولتلك أني مش هتجوز صح ولا لا.
حور: صح بس طنط ليلىٰ مش هترضىٰ وهتخليك تتجوز برضوا.
يوسف: خلاص يا حوريتي الكلام خلص وانا لو أي حصل مش هتجوز.
حور: ياريت يا يوسف لو بتحبني بجد هتحارب عشاني ومش هتتجوز.
يوسف: وانا بعشقك أكتر مما تتخيلي يا حوريتي و قولتلك مليون مرة أني مقدرش المس واحدة غيرك اصلًا صح ولا غلط.
حور: صح بس انتَ وافقت انك تتجوز صح ولا غلط....
يوسف: صح بس انا وافقت عشان ماما مش أكتر.
حور! بس برضوا وافقت يا يوسف بس انا زعلانة منك جامد.
يوسف: ويوسف ميقدرش على زعل حوريتة ابدًا.....
حور: لا بس أنتَ زعلتها يبقى تصالحها زي ما زعلتها...
يوسف: وانا عيوني لحوريتي اللي تؤمر بيه طبعًا.
حور: وانا مش عايزة حاجة في الدنيا غير انك تفضل جنبي ومتسبنيش ابدًا.
يوسف: ودي حاجة اكيده يوسف ميقدرش يبعد عن حوريتة..
حور: بعشقها...
يوسف: أي هي؟
حور: بعشقك حوريتي وهي طالعة من بوقك.
يوسف: وانا بعشقك انتِ.
ـــــــــــــــــــــــــــــــــــــــــــــــــــــــــــــــ
سعاد: يا مازن يا بني اختك صغيرة والف مين يتمناها اشمعنا عايز تجوزها لواحد متجوز؟
مازن: والله يا خالتو يوسف معندهوش عيوب ومهندس قد الدنيا ويقدر يفتح بيتين مفيهاش حاجة.
سعاد: بس انتَ كده بتظلم وتين يا يوسف حرام عليك يا بني مينفعش كده.
مازن: انا عايز اعرف يا خالتو بظلمها فين بقى؟
سعاد: بتظلمها في انك هتجوزها لواحد متجوز.
مازن: هتكون مبسوطة مع يوسف وانا متأكد من كده.
سعاد: وأي اللي مخليك متأكد يا يوسف ما يمكن يطلع مش كويس.
مازن: خالتو متحاوليش تقنعيني لو سمحت خلاص انا اخدت قرار.
سما: مازن انتَ اتغيرت كده لي حرام عليك اللي عايز تعملة في اختك وانتَ عارف انها ملهاش غيرك.
مازن: انا مش عارف الكل مطلعني انا اللي غلطان لي انا معملتش حاجة غلط عشان الحوار ده كلة.
سما: خليك كده يا مازن أنتَ اللي هتندم.
مازن: لو سمحت يا سما متدخليش هي اختى ومحدش هيعرف مصلحتها قدي.
سما: ماشي يا مازن شكرًا جدًا يا أبن خالتي.
ـــــــــــــــــــــــــــــــــــــــــــــــــــــــــــــــ
مازن: بقى رايحة تشكي لخالتك يا وتين انتِ فاكرة ان في حد هيقدر يرجعني عم قراري تبقي غلطانة يا وتين.
وتين: وانا مشكيتش لحد يا مازن وانتَ عارف كده
مازن: ماشي يا وتين انتِ جبتي اخري معاكِ علفكرا.
وتين: وانا بكر*هك يا مازن عمري ما اتخيلت منك كده ابدًا وعمري ما اتخيلت أني اكر*ه حد قد ما بقيت بكر*هك.
"صفعها مازن صفعة قوية علىٰ وجهها"
مازن بزعيق: اخرسي.. اخرسي يا وتين مش عايز اسمع صوتك تاني.
" وتين اتصدمت و امتلأت عينيها بالدموع ولم تتحدث اكتفت بالنظر إلية نظرات تحمل الخيبة والوجع والعتاب وتركتة وذهبت لغرفتها "
ـــــــــــــــــــــــــــــــــــــــــــــــــــــــــــــــ
يوسف: ماما يا ماما.
ليلىٰ: نعم يا يوسف في أي.
يوسف: عاملة أي يا ست الكل.
ليلىٰ: الحمدلله يا يوسف جيب من الاخر عايز أي.
يوسف: دايمًا فهماني كده.
ليلىٰ: ايوا ويلا اخلص قول عايز أي.
يوسف ببساطة: كنت هقولك يا ستي أني مش هتجوز علىٰ حور.
ليلىٰ: أي اللي بتقولوا يا يوسف ده هو لعب عيال مرة توافق ومرة ترفض.
يوسف: أيوا يا ماما أنا قولت اللي عندي مش هتجوز ابدًا غير وتين.
ليلىٰ: طب اقسم بالله يا يوسف لا انتَ أبني لا اعرفك يا يوسف ان ما اتجوزت وتين وده اخر كلام عندي.
يوسف: أي اللي بتقولية ده يا ماما أنتِ فكرتي في اللي قولتية ده.
ليلىٰ: ايوا يا يوسف وزي ما قولتلك كده ده اخر كلام عندي.
يوسف: ماشي يا ماما وده اخر كلام عندي انا كمان انا عمري ما هتجوز علىٰ حور ابدًا.
ليلىٰ: والله ومبقتش تفرق معاك امك يا يوسف.
يوسف: متقوليش كده يا ماما بس اللي حضرتك بتقولية ده استغلال.
ليلىٰ: استغلال؟!
بقىٰ انا بستغلك عشان عايزة مصلحتك يا يوسف.....
يوسف: فين مصلحتي يا ماما في انك تخربي بيتي.
ليلىٰ: خلاص يا يوسف طالما انت شايف كده.
يوسف: يعني مش هترجعي عن قرارك.؟
ليلىٰ لا يا يوسف
يوسف: وانا كمان مس هرجع عن قراري يا ماما.......
ـــــــــــــــــــــــــــــــــــــــــــــــــــــــــــــــ
حور: مالك يا يوسف متعصب لي؟.
يوسف: مفيش يا حور.
حور: لا فية يا يوسف باين جدًا ان في حاجة.
يوسف: ابعدي عني يا حور لو سمحت.
حور: لا مش هبعد يا يوسف وهتقولي في اي.
يوسف: عايزة تعرفي اي يا حور امي مُصِره انها تجوزني هتتبرىٰ مني لو متجوزتش يا حور هو ده اللي عايزة تعرفية.
حور بصدمة: لا اكيد طنط متقدرش تعمل كده.
يوسف: لا هتعمل يا حور امي وانا عارفها.
حور: وانتَ هتعمل اي يا يوسف.
يوسف: مش عارف يا حور انا تعبان ومش عارف اعمل اي.
اقتربت منه حور واحتضنتة "
حور: كل حاجة وليها حل يا حبيبي اهدىٰ انتَ.
يوسف: انا تعبت بجد يا حور انا مقدرش اعيش من غير امي يا حور هي كل حاجة ليا وفي نفس الوقت مقدرش اعيش من غيرك انتم حياتي اصلًا انا مليش غيركم في الحياة يا حور.
حور: خلاص يا حبيبي اهدىٰ انتَ وربنا هيحلها من عندة صدقني.
يوسف: ونعم بالله بس انا بجد مش عارف اعمل اي.
حور: الحل هيجي لوحدة يا يوسف من عند ربنا.
ـــــــــــــــــــــــــــــــــــــــــــــــــــــــــــــــ
يتبع............
#رواية_زوحة_زوجي.
#البارت_الرابع.
ــ يوسف الحقنييي
يوسف بخضة: في أي مالك؟
حور بعياط: كنت بتكلم أنا وطنط و فجأة وقعت ومش بترد عليا.
يوسف بخوف: مامااا مالك في أي.
حور: بسررعة يا يوسف تعالىٰ نروح المستشفىٰ.
يوسف: مااشي.
" حمل يوسف والدتة بين ذراعية وذهب بها سريعًا إلى سيارتة و بجانبة حور وانطلق سريعًا متجهًا إلىٰ المستشفىٰ."
ـــــــــــــــــــــــــــــــــــــــــــــــــــــــــــــ
ــ وتييييييين أي اللي بتعملية ده.
وتين: ابعد عني يا مازن مش انتَ قرفت مني ومن عيشتي معاك انا هريحك من وجودي في الدنيا دي كلها.
مازن: اهدي يا وتين أي الهبل ده؟!
وتين: متحاولش تقنعني أنا هريحك من وجودي ومش هتجوز برضوا.
مازن: ماشي يا وتين بس هاتي البتاعة اللي في ايدك دي.
وتين: لا انتَ هتضحك عليا عشان انتَ بقيت بتكرهني اصلًا صح فعشان كده عايز تجوزني انا بقيت حِمل تقيل اووي عليك صح.
مازن: متقوليش كده يا وتين انتِ عمرك ما تكوني حِمل ابدًا عليا بس انا عايز اطمن عليكي واشوفك متجوزة ومرتاحة مع حد بيحبك و يقدرك.
وتين: وانتَ شايف كده إنك تجوزني لواحد متجوز وانا كده هعيش مرتاحة؟!
مازن: ايوا يا وتين صدقيني محدش هيفكر في مصلحتك غيري انتِ مش بس أختي انتِ بنتي اللي ربيتها على ايدي يا وتين.
وتين: لا عشان انتَ بتسبتني وبتضحك عليا يا مازن.
مازن: مقدرش اضحك عليكي يا عيون مازن وصدقيني هتكوني مبسوطة وبعدين يا ستي لو زعلك انا اللي هقف في وشة.
وتين: خلاص يا مازن انتَ مقتنع بكده انا موافقة ومش هتكلم تاني بس محدش هيتأذي في الموضوع ده غيري في الجوازة دي كلها محدش هيتظلم غيري الكل هيكون مبسوط بس انا الوحيدة اللي هتتظلم وعمري ما هسامح حد فيكم يا مازن.
ـــــــــــــــــــــــــــــــــــــــــــــــــــــــــــــــ
الدكتور: متقلقش يا استاذ والدة حضرتك بخير بس الضغط عندها عالي جدًا ياريت ترتاح ومتزعلش لأن في سن حضرتها غلط عليها جدًا.
يوسف: تمام شكرًا جدًا يا دكتور.
الدكتور: العفو ده واجبي.
" وذهب الدكتور واقترب يوسف من حور وامسك ذراعها بقوة "
يوسف: انتِ اللي كنتِ مع ماما قولتيلها أي يا حور؟
حور: مقولتش حاجة يا يوسف بس انا كنت بقولها ان هي متزعلش منك وهي قالتلي انك لازم تتجوز روحت انا قولتلها....
يوسف: قولتيي أي يا حور ردييييي؟.
حور: قولتلها ان هي بتتعامل بأنانية وقولتلها كمان ان هي لو كانت مكاني مكنتش هتوافق ان جوزهاا يتجوز عليها.
يوسف بعصبية: وانتِ ازااي تقوليلها كده يا حور ازاااااي مكنتش متوقع منك الكلام ده دي ست كبيرة قد والدتك ازاي تقوليها كده.
حور: أنا اسفة واللهِ مكنتش أعرف ان هي هتتعب والكلام خرج معايا لوحده لأنها عصبتني جامد أنا اسفة.....
يوسف: خلاص يا حور تقدري تمشي دلوقت.
حور: يوسف........
يوسف: حور لو سمحتِ امشي دلوقت عشان مفقدش اعصابي عليكي.
حور: خلاص انا ماشية ما هي كل حاجة بتطلع حور الغلطانة مع انك مسمعتش الكلام اللي والدتك قالتهولي بس ازاي حور هي اللي غلطانة برضوا ما هي حور بقت الشماعة اللي بتعلقوا عليها اخطائكم.
يوسف: واللهِ!
حور: انا ماشية عشان قرفت بجد.
ـــــــــــــــــــــــــــــــــــــــــــــــــــــــــــــــ
ــ مليش فية قولتلك مشوار مهم ولازم اخرج.....
مازن: نعرف نبطل عناد شوية ونقول رايحين فين يا كده يا مفيش خروج.
وتين: مش هقولك يا مازن رايحة فين وهخرج برضوا عشان تكون عارف هخرج يعني هخرج.
مازن: وانا قولت مفيش خروج غير لما اعرف رايحة فين.
وتين: وانتَ مالك انا اخرج واروح في المكان اللي يعجبني.
مازن: بقيتي عنيدة اووي وانا قرفت منك.
وتين: مشحوار انا حرة اعمل اللي يريحني.
مازن: على جوا يلا يا وتين
وتين: لا يا مازن مش علىٰ جوا وهخرج برضوا.
مازن: لما نشوف هتخرجي ازاي يا وتين.
وتين ببساطة: هخرج من الباب يعني هخرج منين.
مازن: لا وكمان بقيتي مستفزة.
وتين: مش حاجة جديدة شكرًا.
مازن: وباردة.
وتين: خلااص ما قولنا شكرًا يلا سلام.
مازن: خدي هنا يا بت رايحة فين؟
وتين: انتَ يا بني مش بتفهم ما قولتلك رايحة مشوار.
مازن: غوري يا وتين بس لو فكرتي تلعبي عليا هقت*لك.
وتين: عادي مش بخاف يلا بااي.
مازن: بااي ؛ ربنا يستر
ـــــــــــــــــــــــــــــــــــــــــــــــــــــــــــــــ
ــ حمدلله على السلامة يا ماما
ليلىٰ: انا زعلانة منك ابعد عني.
يوسف: وانا مقدرش علىٰ زعلك يا ست الكل
ليلىٰ: والله جاي تثبتني ما انتَ خلاص ظهرت علىٰ حقيقتك وقولت اني مش فارقة معاك.
يوسف: الله يا ماما عايزة تقوليني كلام انا مقولتهوش.
ليلىٰ: مقولتهوش بس كان باين.
يوسف: خلاص متزعليش يا لولا حقك علىٰ قلبي.
ليلىٰ: يعني خلاص موافق تتجوز وتين.
يوسف بتنهيدة: ******
ـــــــــــــــــــــــــــــــــــــــــــــــــــــــــــــــ
وتين: انا جيت اهو في اي
يتبع...........
#رواية_زوجة_زوجي
#البارت_الخامس
#الكاتبة_باسنت_أشرف
ــــــــــــــــــــــــــــــــــــــــــــــــــــــــــــــ
ياترىٰ وتين قابلت مين
ويوسف هيوافق ولا لا
ـــــــــــــــــــــــــــــــــــــــــــــــــــــــــــــــ
"تفاعل و 10 كومنتات عايزة ريتش عالي
ادام الله دعمكم لي . "
وتين: اديني جيت اهو في أي؟
حور: أنا اسف أني طلبت اقابلك بس كان لازم اقابلك ضروري.
وتين: عادي ولا يهمك اتفضلي قولي اللي جبتيني علشانة.
حور: متتجوزيش يوسف.
وتين: ده شيء مش جديد لأني رافضة الجواز من يوسف بس الظروف اقوىٰ مني.
حور: حياتنا احنا التلاتة هتخرب.
وتين: عارفة أي الجديد؟!
حور: يوسف بيحبني وانا بحبة وانتِ هتكوني الدخيلة اللي بينا.
وتين: عارفة بس مش بأيدي حاجة اعملها.
حور: لا بأيدك ترفضي الجوازة دي لي تظلمي نفسك!.
وتين: هو انتِ فاكرة أني مرفضتش انا رفضت كتير بس رأيي ملهوش اهمية.
حور: هتتعبي.
وتين: قولتلك عارفة بس مش بأيدي حاجة اعملها ارفضي انتِ.
حور: رفضت بس والدتة مُصِرة...
وتين: اثبتي على رأيك وهو لو بيحبك مش هيتجوزني...
حور: هو بيحبني وانا كمان بحبة بس احنا الاتنين مش بأيدنا حاجة نعملها...
وتين: لا بأيدكم كتيير وانتِ اكتر واحدة تقدر تعمل اطلبي الطلاق وهو لو بيحبك هيرفض عشان تفضلي معاه..
حور: مش عايزة اشوفة ضعيف عشان بحبة.......
وتين: فين الضعف في كده عايزة افهم؟!
حور: أنا هكون بَخيرُّة بيني وبين والدتة.
وتين: مش عارفة اقولك أي.....
حور: متقوليش حاجة هتقولي أي..
وتين: مفيش حاجة تتقال بس حقك عليا لأني رافضة بس هنعمل اي الظروق اقوىٰ مننا...
حور: عن اذنك..
وتين: اتفضلي.
ـــــــــــــــــــــــــــــــــــــــــــــــــــــــــــــــ
سما: فين وتين؟
مازن: وتين خرجت يا سما اتفضلي.
سما: لا خلاص عن ازنك همشي وابقىٰ ارجع في وقت تكون وتين موجودة.
مازن: ادخلي يا سما انتِ هتعيشي عليَّ الدور
سما: دور أي اللي هعيشة عليك؟
مازن: انتِ بقيتي بتعامليني كدَّ لي؟
سما: وانتَ بقيت كدَّ لي؟
مازن: مترديش عليَّ بسؤال يا سما.
سما: لما تلاقي إجابة لِ سؤالي ابقىٰ أنا كمان ادور علىٰ إجابة لسؤالك.
مازن: ماشي يا سما أنتِ حرَّ...
سما: عن اذنك سا مازن وياريت ترجع زي زمان وترجع عن اللي في دماغك.
ـــــــــــــــــــــــــــــــــــــــــــــــــــــــــــــــ
يوسف: طالما دَّ اللي هيريحك يا ماما فأنا موافق.
ليلىٰ: لوووولوووولوووي......
يوسف بخنقة: اهدي يا ماما عشان أنتِ تعبانة
ليلىٰ: مش قادرة اعبرلك عن مدىٰ فرحتي بموافقتك يا يوسف.....
يوسف: يارب دايمًّا مبسوطة وسعيدة يا ماما.....
ليلىٰ: يا حبيبي هفضل سعيدة لما اشوف اولادك بيلعبوا حواليا...
يوسف: بأذن الله يا ماما مفيش حاجة بعيدة عن ربنا....
ليلىٰ ونعم بالله يا حبيبي يلا بقىٰ عشان نرجع بسرعة عشان انا مبسوطة...
يوسف: حاضر يا ماما هروح اشوف الدكتور.....
ليلىٰ: ماشي مليش دعوىٰ انا عايزة ارجع البيت..
يوسف: حاضر يا ماما
ـــــــــــــــــــــــــــــــــــــــــــــــــــــــــــــــ
مازن: شرفتي يا وتين مش ناوية تقولي كنتِ فين برضوا.....
وتين: مكنتش ومش هكون برضوا.....
مازن: ماشي يا وتين..
جهزي نفسك عشان كتب كتابك يعد كام يوم.....
وتين بصدمة: مستعجلين علىٰ أي....
مازن: مش مستعجلين بس هنفضل صابرين على اي.....
وتين: خلاص يا مازن اللي تشوفه مبقتش فارقة.....
مازن: احسن برضوا.....
ـــــــــــــــــــــــــــــــــــــــــــــــــــــــــــــــ
حور: حمدلله على سلامتك يا طنط
ليلىٰ: الله يسلمك يا حور.......
يوسف: ادخلي يا ماما ارتاحي...
ليلىٰ: ارتاح أي بس ده احنا عندنا فرح بعد كام يوم لازم نجهز كل حاجة....
حور بتسأل: فرح مين يا طنط؟
ليلىٰ: سلامتك يا حور هو انتِ نسيتي فرح يوسف يا حبيبتي..
حور: يوسف؟!
ليلىٰ: ايوا يوسف..
ـــــــــــــــــــــــــــــــــــــــــــــــــــــــــــــــ
يوسف: انتِ بتعملي اي..
حور: انتَ شايف أي...
يوسف: شايف إنك بتلمي شنطة هدومك لي بقىٰ.....
حور: وحضرتك مش عارف لي..
يوسف: ايوا فين السبب بقىٰ...
حور: واللهِ؟!..
يوسف: ما تخلصي يا حور....
حور: بلم هدومي يا يوسف عشان ماشية رايحة بيت ابويا.....
يوسف: ايوا لي بقىٰ؟!.....
حور: واللهِ هتعمل نفسك مش عارف!....
يوسف: ايوا يا ستي خديني على قد عقلي وقولي لي بقىٰ.....
حور: عشان هتطلقني يا يوسف....
يوسف بصدمة: أي اللي انتِ بتقولية ده يا حور انتِ اتجننتي....
حور: لا متجننتش يا يوسف هو ده اللي لازم يحصل من الأول......
يوسف: ........................
يتبع................
#رواية_زوجة_زوجي
#البارت_السادس
اللي عاوز باقي الروايه يعمل متابعه من هنا
تكملة الروايه من هناااااااا
تعليقات
إرسال تعليق