 |
وصلنا في الفصل اللي فات لغايه ما نور كانت قاعده لاحدها، وفجأة حد كلمها.....
......
عند نور....
نور قاعده بتكلم نفسها: يااه الواحد مستجم كده وهادي، من غير صداع، وأنت يا أستاذ آدم، مبقاش نور لو ما ربيتك من أول وجديد، علشان تعرف مين نور بس.
وفجأة سمعت صوت حد.....
....
في شقة نور وأسوة....
أدهم مع إسراء.
وأسوة مع عمر.
أدهم: مش نتصل على آدم يا عمر.
عمر: سيبهم يحلوا مشاكلهم لوحدهم.
أسوة: بس أنا خايفه على نور من آدم.
عمر: آدم بيحبها بس بيكابر.
إسراء: فعلا يا أسوة بيحبها بس هو اللي بيعاند.
أدهم: واضح إن العند في العيلة كلها.
إسراء: قصدك أي يا شبح.
أدهم: شبح، في واحده متعلمة ومهندسة تقول لجوزها قرة عينها شبح.
إسراء: مش أنا قولت، يبقى فيه.
أدهم: تلااجه.
إسراء: اللهم طولك يا روح.
عمر: بطلوا انتوا الاتنين بقا.
أسوة: أنا مش عارفه أي دا متعرفوش تقعدوا ساكتين.
" نسيبهم شوي الجماعة الهُبل دول ونروح عند نور..."
...
#بقلم_إسراء_علي
...
عند نور ....
نور: طبعا أنا لو حلفتلك إن الموبايل فاصل مش هتصدقني.
آدم: ها وبعدين.
نور: مفيش بعدين.
آدم: نور متعصبنيش.
نور: أنا عملت أي.
آدم: بتعملي لي كده معايا.
نور: وأنت ليه بتتجاهلني، وبتكرهني، وليه اتجوزتني.
آدم: أنا مش بتجاهل حد.
نور: لا بتتجاهلني، ومش بتحبني.
آدم: وطالما عارفه كده لي وافقتي عليا.
نور: وافقت علشان انتقم منك، على كل دمعه نزلتها، وعلى كل حاجه حصلتلي بسببك.
آدم: وانتقمتي.
نور: لا.
آدم: طيب يلا ابدئي انتقامك.
نور: أنت ليه بارد كده.
آدم: تاخدي شوي برود.
نور زاحته وجت تمشي..
نور: اها.
آدم بخضه: لاااا، نوووور.
...
#بقلم_إسراء_علي
...
عند أسوة....
أسوة: نور.
عمر: مالك.
أسوة: حاسه إن نور فيها حاجه، أنا هروح لها.
عمر: هي مع آدم، وبإذن الله هيتصالحوا متقلقيش.
أسوة بقلق: ماشي.
...
نرجع لنور....
..
آدم بقلق: نور حبيبتي متبصيش تحت، خليكي معايا.
نور بعياط: خلاص هموت.
آدم بغضب: متقوليش كده، هتفضلي معايا ونعيش مع بعض يا قلبي.
نور: خلاص سيبني يا آدم، سيبني أموت، بس آخر حاجه عايزاك تعرفها، مهما إن كنت زعلانه منك وعايزه انتقم منك على كل حاجه حصلت معايا، إلا إني بحبك.
آدم بحزن: وأنا برضو، امسكي ايدي كويس بس وأنتِ هتفضلي معاايا.
نور: خلاص يا آدم.
آدم: متقوليش كده.
" طبعا انتو بتقولوا أي اللي حصل مع نور، اللي حصل إن وهي جايه تمشي زاحت آدم، ف وقعت من فوق السطح...."
نور: لاااا، آدم سيبني.
آدم: قلتلك اسكتي.
#ومرة واحده شدها طلعت معاه، وأول ما طلعت حضنهااا.
بعد خمس دقائق...
نور: احم احم.
آدم: أنتِ مراتي على فكرا.
نور: بس أنا هطلق على فكرا.
آدم: اومال أي بحبك دي.
نور: لا ما أنا كنت افتكر نفسي هموت.
آدم: خلينا أولاد انهارده، أنا مش هقدر اعيش من غيرك.
نور: يا راجل، وكان فين الكلام ده من الأول، كنت بتتصرف معايا لي كده.
آدم: مش عارف، بس موت بابا أثر عليا لأني أنا اللي كنت معاه دايما في الشغل وفي كل مكان، ولما اتوفى مكنتش عايز اسيب المكان اللي عيشت فيه اجمل ذكرياتي، بس وصيته كانت إننا ننزل وندور عليكم، بس الصراحه أنا الموضوع مكنش في دماغي وعمر اللي دور عليكم وعرف يوصلكم، بس لما عرفت إن أنتِ وأسوة بنات اعمامنا، فرحت وافتكرت اللي حصل معانا قبل ما أسافر وضحكت على الأيام دي، بس لاقيتك متعجرفة قلت أنا متعجرف أكتر منك، ف اخدت الموضوع عِند مش اكتر، بس حقيقة هقولهالك أنا بحبك من وأنتِ لسه صغيرة.
نور بدموع: ما أنا كان صعب عليا أشوف الشخص اللي خلاني اعيش حاله من اسوء حالاتي وأنا لسه صغيرة واخده بالحضن.
آدم: خلاص ننسى اللي فات.
نور: ننسى.
آدم: صافي يا لبن.
نور: حليب يا قشطة.
آدم: وهالله هالله على الجد.
نور: ما خلاص بقا، ألا صحيح عرفت مكاني منين.
آدم بضحكة: أنا قولت إنك جبانه مش هتقدري تروحي مكان بعيد، وخاصة إنك بتوهي بسرعة، ف قولت أكيد راحت المكان المفضل ليها من طفولتها وهو سطوح البيت.
نور: يا كاشفني أنت.
آدم: يلا ننزل بقا علشان الجماعة اللي تحت زمانهم بيقولوا آدم موت البت.
نور بضحكة: ماشي.
....
#بقلم_إسراء_علي
...
في شقة نور وأسوة...
دخلوا نور وآدم بيضحكوا......
عمر: مين دول، حد يقرصني.
أسوة: بكل رخامه يا عمر.
آدم: رخم اوي صح يا أسوة.
أسوة: ايوه.
عمر: بس يا جميل أنت وهي، ولا اجيب شجرة واتنين لمون.
نور: خلاص يا عمر.
إسراء: افهم من كده إنكم اتصالحتوا.
نور: ايوه.
إسراء: يا فرج الله.
آدم: خلاص يا إسراء بقا، مش عايز أڤوره.
إسراء: ماشي.....
..
تسريع أحداث بقا، طبعا قعدوا فترة البنات كانت في شقة نور، وعمر وآدم كانوا في بيتهم ولأن إسراء أصرت إنها تفضل مع أسوة ونور ف قعدت معاهم، وعدت الأيام ويوم فرحهم كان....
...
نور: أنت فرحه آخرها طرحه ودبله تربط قلبي بيك..
إسراء: يا سيدي على الرومانسي.
نور: إسراء بس بقا، علشان والله متوترة.
إسراء: ماشي.
أسوة: أنا مش مصدقة إن ده يوم فرحنا.
نور: لا صدقي.
أسوة: رب يديم فرحتنا دايما.
...
يوم الفرح بالليل وفي أحسن قاعه...
كانوا نور وأسوة وإسراء مستنين الشباب...
آدم وعمر وأدهم....
آدم لنور: أي القمر ده.
عمر لأسوة: أنتِ ليه جميلة كده.
أدهم لإسراء: أي الجمال ده.
...
#بقلم_إسراء_علي
...
بدأ الفرح وكانوا زي المجانين كل واحد بيرقص هو وعروسته، وكانوا طايرين من الفرح.....
وعلى أغنية أنت فرحه آخرها طرحه، كانوا بيرقصوا سلو...
نور لآدم: أنا مش مصدقه إني خلاص بقيت معاك.
آدم: لا صدقي يا قلبي.
نور: ربنا يديمك في حياتي.
...
عند إسراء..
إسراء: تعرف أي أكتر حاجه مفرحاني.
أدهم: أي هي.
إسراء: إني عرفت العرسان هما بيقولوا أي وهما بيرقصوا.
أدهم: يخربيت فصلانك يا شيخه، أنا قولت هتقول إني معاها.
إسراء بضحكة: وأكيد إنك معايا يا ادهومي.
أدهم: شكلنا هنتطلق دلوقتي يا قلب ادهومك.
إسراء: عيب عليك يا غالي.
أدهم: غالي، أنا هسيبلك الفرح..
...
عند أسوة...
عمر: مش مصدق إنك معايا وبين ايديا كمان يا أسوة، أنا بحبك اوي.
أسوة: وأنا كمان.
عمر: طيب قوليها.
أسوة: أي هي.
عمر: أنتِ عارفه أنا قصدي أي.
أسوة: بحبك.
عمر: يا أحلى كلمه سمعتها في حياتي.
..
وخلص اليوم بفرحه للكل....
....
بعد ست سنين.....
في ڤلة واسعة...
صوت دوشة مالي البيت، أصوات اطفال، وأصوات كُبار، بيت مليان بالدفئ والحب، وصوت الدوشة بيزيد، باين كده عيد ميلاد أحدهم....
...
عند نور....
نور وآدم بقى عندهم...
حور 3سنين
و عُدي 4
..
أسوة وعمر بقى عندهم..
أسيل سنتين
رولا سنتين
آسر 4 سنين
...
إسراء وأدهم بقى عندهم..
يوسف 4سنين.
...
#بقلم_إسراء_علي
...
في عيد ميلاد حور..
الكل متجمع وبيغنوا..
..: Happy birthday to you Happy birthday to you Happy birthday Happy birthday Happy birthday Hoor Happy birthday to you Sana Helwa ya Hoor Sana Helwa ya Hoor.
آسر: كل سنه وأنتِ يا حور، عقبال لما تكبري كتير.
حور: وأنت طيب يا أسورة.
يوسف: كل سنه وأنتِ طيبه يا حور يا عسل.
حور: وأنت طيب يا يوثف.
آسر: حور متقوليش لحد وأنت طيب غيري.
حور: ماثي يا آسر مث هكلم حد غيرك.
آدم: ما تلم إبنك يا عمر، طالع زيك من وهو صغير.
عمر: طالع نمس لابوه أنت مالك، خليه يشقط البت.
آدم: يخربيتك.
نور: أنا بنتي مهرها غالي.
أسوة: على أي يا أختِ.
نور: لا يا اختي ده البنت قمر، الدور والباقي على إبنك السا**فل ده.
إسراء: اسكتي يا أسوة، أنا هاخد حور ليوسف أبني.
أسوة: طيب اسكتي طيب.
وفجأة اتكلم يوسف..
يوسف: لا أنا هتجوز آسيل.
أدهم: الله عليك يا ابني يا حبيبي.
إسراء: سبحان الله الواد طالع لخاله.
آدم بضحكة: والله عندك حق.
أنا: العيال الصغيرة بيحبوا بعض من وهما صغيرين، ده إحنا مكناش أطفال 😂😂.
.....
" باااس وبكده تنتهي حكايتنا، أتمنى إنها تكون عجبتكم، المغزي منها إننا منقفش على غلطة لحد في حياتنا، خلوا الحياة تمشي ومتزعلوش من بعض على حاجات مش مستاهلة، حبوا بعض يا جماعة وعيشوا كل يوم كأنه آخر يوم في حياتكم، محدش عارف في أي بكرا".
....
#الفصل_الرابع_والعشرون_والأخير.
#الخاتمة.
#نور_الآدم.
#إسراء_علي_مصطفى.
تعليقات
إرسال تعليق