مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ♥️

-انا خو*نتك يا هديل 

قالهالي رامي فجأة ...بصتله فمسك أيدي وقال :

-والله يا حبيبتي ضعفت ..مكنتش عايز اعمل كده بس انتي الفترة اللي فاتت كنتي بتتجاهلي مكالماتي كلها وبتعامليني وحش ولقيتها اهتمت وضعفت ...

-انت خو*نتني بعد خطوبتنا بأسبوع يا رامي انت ليه واطي كده طب استني شهرين يا اخي اكون لحقت انكد عليك وساعتها هلتمسلك العذر واقول خا*نني بسبب نكدي ...لكن أنا ملحقتش انكد عليك ...

بصلي بدهشة وقال:

-يعني انتي مش زعلانة اني خو*نتك ... زعلانة بس انك ملحقتيش تنكدي عليا 

-ايوة أنا زعلانة لاني منكدتش عليك لكن إذا كان علي الخيا*نة أمرها سهل ...اصلك معذور يا بني البنات الايام دي بقا كلهم مزز كل واحدة فيهم احلي من التانية تقولشي عرض ازياء ...ده انا بحس اني راجل وسطيهم جايبينلي احباط ...

ضحك رامي عليا فقولتله :

-قولي يا اخويا خو*نتني مع مين عايزة اطمن علي خطيبي أن ذوقه حلو 

-متعرفيهاش 

-طب معاك صورة ليها ...

-ايوة 

وبسرعة طلع موبايله ووراني صورتها علي الاكونت بتاعها 

-الله انت لسه بتكلمها ؟!!

ارتبك وقال:

-لو حابة اني اعملها بلوك أنا تحت امرك .

-لا يا اخويا وعلي ايه 

بصيت علي صورتها وصفرت :

-ايه الصاروخ ده بس انا اعرف الصواريخ بتروح الفضاء اول مرة اشوف صاروخ علي الأرض 

-عجبتك يا هديل 

-اووي اوووي ليك حق تخو*ني معاها ده انا بالنسبالها واحد صاحبك ....البت بتلمع ما شاء الله تجيب لبنات حوا  كلها اكتئاب من كتر جمالها...

اديتله الموبايل وقولت:

-بصراحة يا رامي أنا لو كنت راجل كنت هخ*ون خطيبتي برضه عشانها ...

-بس أنا بحبك انتي يا هديل بجد ...ومبسوط انك سامحتيني

-سامحتك ...

صرخت وقومت من علي الكرسي والناس اللي في الكافية بصوا عليا ...

-مالك يا هديل

-مالي في جيبي يا حيلتها تخو*ني وعايزاني اسامحك يا عر*ة الرجالة 

-مالك يا هديل انتي ملبوسة ولا ايه ؟؟

مسكت كوباية الميا وكبتها عليه وقولت:

-علاقتنا انتهت وشبكتك هتجيك النهاردة علي الجذمة ... !!!

وبعدين سبته ومشيت ...بصراحة كنت فرحانة اوووي ان أخيرا. اتخلصت منه ....

....

-انتي مفترية يا هديل...

قالتها صاحبتي وهي بتضحك جامد واحنا في المول

-هو اللي خانني يا حجة

-طبعا وانتي ما صدقتي لقيتيها حجة عشان تخلصي منه 

-حصل ...ده كان غتت اووووي يا مريم ابويا هو اللي ضغط عليا لما فقد الامل فيا اهو الاستاذ خا*نني 

-ما ابوكي برضه عنده حق يا هديل...انتي لازم تتجوزي ...انتي داخلة علي التلاتين يا ماما وجالك عرسان كتيرة وانتي طفشتيهم خلاص اتلمي واتجوزي بدل ما تبقي لوحدك زي النسناسة كده 

بصتلها وقولت:

-انتي فاكرة اني هتجوز واحد جده وخلاص ...لا يا عمري أنا لما اتجوز هتجوز الراجل اللي يدق ليه قلبي من أول مرة ...رجل يخطفني من النظرة الأولى ...فجأة سكت خالص ونبض قلبي وانا بشوفه قدامي ...الراجل اللي رسماه في خيالي بالضبط 

-لقيته 

-لقيتي ايه ...

مردتش عليها ومشيت ناحيته ...

-يا هديل !!

نادت عليا صاحبتي 

وقفت أنا قدام الشاب ده وابتسمت ليه ...بصلي ببرود وقال:

-الله يسهلك معيش فكة

-انا مش شحاتة يا عم انت 

-اومال عايزة ايه 

-اتجوزك!!!

يتبع

الجزء التاني♥️شكرا علي تفاعلكم السكر ♥️بقلم سولييه نصار♥️

-انتي هبلة 

-لا أنا دايبة في حبك ....

لطمت مريم علي وشها وقالت:

-يا لهووي يا لهووي هتجبيلنا الع*ار يخربيتك !

كان لسه الشاب بيبصلي بغضب وبيقول:

-مش عارف البنات بقت بج*حة كده ازاي ...فين الحياء...فين الادب

-فين رقمك يا اخويا  

هو راسه وقال :

-فعلا بنات بج*حة ...أنا غلطان اني اتكلمت مع اشكالك ...

بعدين سأبني ومشي ...

جريت عليا مريم ومسكتني وقالت:

-يخربيتك بتعملي ايه ....

بصتلها بذهول وقولت :

-وكمان بيتقل ...لا ده أنا هتجوزه وش

وبعدين بدأت ابكي ...

.....

-يا هديل كفاية بقا قط*عتي قلبي 

-لقيت فارس احلامي خلاص يا مريم بس هو مبيحبنيش....كمان مقدرتش اخد رقمه ...

ضحكت مريم وقالت:

-فارس احلام مين يا ماما ده انتي ايه شايفاه النهاردة ...فكك يا هديل هو عشان شكله حلو انتي فاكرة أنك بتحبيه لكن مفيش حب ولا حاجة..

-لا أنا متأكدة انه حب ...

حطيت ايدي علي قلبي وقولت :

-قلبي مدقش كده قبل كده 

ضربت علي كتفها. كملت بخبث:

-وانتي بتحبي وعارفة الكلام ده 

-طيب يختي يالا عشان اروح اتاخرت ...وكمان عشان تجهزي للع*لقة اللي هتخديها من ابوكي يا لمضة ....

-يالا 

.......

روحت البيت وانا بحاول اتسحب عشان ابويا مشوفنيش ...فجأة صرخت لما حسيت ان حد مسكني من قفايا ...

-اه بابا

-اه ابوكي يا روح امك ...

زعق ابويا ومسكني من شعري وقال:

-رامي كلمني وقال علي اللي عملتيه فيه ...حرام عليكي ...انتي ناوية تم*وتيني ناقص عمر 

-بعيد الشر عليك يا حاج.  

-اومال ايه ناوية تعنسي جمبي 

-اسمعني بس !!

-لا مش هسمع ...داخلة علي التلاتين وعاملة نفسك ملكة  جمال وشغالة ترفضي ده وتتنكي علي ده اومال لو كنتي حلوة شوية كنتي عملتي ايه ؟!!!!

-تشكر يا حاج ..

-اخرسي خالص 

-حاضر يا عم ...بس اسمع بقي أنا فسخت الخطوبة ليه ؟!!

-فسختيها ليه يا آخر صبري ...ياللي هت*موتيني ناقص عمر 

-الاستاذ رامي اعترف انه خ*انني

سابني ابويا وقال بصدمة وقال:

خا*نك؟!!

عملت نفسي ببكي وقولت:

-اه خا*نني يا بابا بعد الحب ده كله خا*نني وك*سر قلبي ...ده أنا كنت هن*تحر لولا مريم

-ما تبطلي  دراما يا بت انتي ...ده انتي اتخطبتيله غصب وكنتي بتعامليه أسوأ من الك*لاب ...المهم غوري دلوقتي لحد ما اشوفلك عريس تاني واعملي حسابك مفيش طلوع لمدة اسبوع

-يخربيت الزولم 

-غو*ري يا بت من هنا 

زعق فيا فجريت

 . ...   

بعد اسبوع كنت قاعدة في اوضتي وانا مخ*نوقة ...ابويا نفذ وعده وحبسني ..فجأة تليفوني رن ولقيت مريم 

-ايوة يا زفتة 

-الحقيني يا هديل

قالتها مريم وهي بتبكي

-فيه ايه يا بت 

-ابويا جايبلي عريس النهاردة  ...

-الف مبروك.

-مبروك ايه يا بق*رة انتي أنا بحب ياسر ...ساعديني يا هديل ...عايزاكي تيجي وتقوليلي اطفشة ازاي

-يا سلام انتي جيتي في ملعبي 

.... .

جهزت نفسه ومن غير ما ابويا ياخد باله روحت عند مريم ....

...

-بتعملي ايه هنا

قالها ابو مريم بحذر 

ابتسمت في وشه وقولت:

-جاية اساعد مريم تجهز نفسها يا عمو ...

مريم سحبتني من ايدي لاوضتها .

....

-تعرفي عريس النهاردة 

قولتها لمريم فهزت راسها وقالت:

-لا معرفش اسمه حتي ....

طيب يالا هقولك تعملي ايه 

..

بعد شوية لبست مريم ...سبتها لما سمعت أن الناس جه ...طلعت اشوفهم واتصدمت لما لقيت العريس هو الشاب اللي قابلته في المول وحبيته!!!

يتبع

الجزء التالت♥️شكرا علي تفاعلكم السكر♥️ بقلم سولييه نصار♥️

-بتخو*نيني يا مريم 

صرخت في وش مريم فاتنفضت وهي بتحط الميكب وقالت:

-مالك يا بت العبيطة انتي

-هتتجوزي فارس احلامي ...كل اعدا*ئك خا*نوك يا ريتشارد 

-اسمها كل حلفاءك خا*نوك يا هبلة...اتضبطي كده وقولي مالك صرعتيني ...

شدتها من ايدها وقولت :

-تعالي يا اختي هوريكي 

....

-اتفضلي اهو اللي هتتجوزيه يطلع حبيب صاحبتك

-يا بت حبيبك منين يخربيتك فوقي من الوهم ده 

-من دلوقتي عينك منه ...خلاص هتاخديه مني ...

-لا يختي خديه مش عايزاه أنا بحب ياسر وجيياكي هنا عشان تطفشيه 

-طب جوزهولي والنبي والنبي 

-يا ستي خديه

-اطلع أنا أقابله بدالك 

-انتي عبيطة يا بت انتي ...

مسكت ايديها وقالت:

-يا روما أنا صاحبتك 

-هديل انتي خلاص اتجننتي صح ...ازاي تطلعي انتي يعني ...رد فعل ابويا هيكون ايه ...الله يسترك أنا مش عايزة مشاكل. ..ابوكي آخره يح*بسك لكن ابويا ممكن فعليا يق*تلني ...أنا هطفش العريس بمعرفتي ...

-وانا هاجي معاكي

-يخربيتك اتقلي شوية!!

-لاحسن يعجبك وتسرقيه مني 

ضحكت مريم وقالت:

-تعجبني يا هديل ثقتك فيا ...يالا يا آخر صبري ربنا يستر ...

اول ما طلعنا  بصلي وحسيته بهت للحظة ...وبعدين قام وقال؛

-دي بتعمل ايه هنا 

-مالك يا احمد 

قالتها والدته 

ابتسمت وقولت بكسوف :

-انا العروسة 

-ايه 

قالها أحمد وأبو مريم في نفس الوقت ...ضربتني مريم وقالت بصوت واطي:

-يخربيتك اتهدي شوية منك لله يا بعيدة هتشر*دينا معاكي ...

ضحكت وانا بحاول إداري علي اللي حصل وقولت:

-بهزر يا جماعة انتوا ايه مبتهزروش خليكم فريش احنا في رحلة ...روما هي العروسة ....

اتنهد احمد براحة وقال:

-الحمدلله مش ناقصة عته....

قعدت مريم جمب ابوها وهي حاطة عينيها في الأرض فقرب ابوها منها وقال:

-انا مش قايلك متمشيش مع البنت المجنونة دي تاني ...يا بنتي ده ابوها هي*موت قريب بسببها...

سكتت مريم بتوتر ....كنت أنا مبتسمة وانا ببص عليه ...زي القمر الله يحفظه مفيهوش غلطة غير أنه مش جوزي قرة عيني ...هو كل شوية كان بيبصلي وينفخ بضيق ...وكمان بيتقل اهو ده اللي اتجوزه. أنا مطمنة أنه مش هيدلق زي الجردل علي اي تاء مربوطة. ...

-هديل....هديل ...بت يا هديل 

صرخ ابو مريم فيا ...اتفزعت وقولت:

-نعم يا عمو ...

-بقالي ساعة بنادي عليكي ...يالا 

-يالا فين ...

غمض ابو مريم عينيه بغضب وقال:

-يالا يا حبيبتي نسيب احمد ومريم  لوحديهم عشان يتكلموا شوية 

-لا 

-ايه هو اللي لا 

حطت مريم أيدها علي وشها فقولت بسرعة:

-اقصد اني عايزة اقعد معاهم 

-ليه إن شاء الله 

-ميصحش يا عمي ...هقعد كمحرم

-اووف...يارب الصبر من عندك ...

ابتسم ومسك أيدي وقال:

-يالا يا حبيبتي ربنا يشفيكي 

-هقعد مؤدب والله 

-يالا يا بت 

خر*ست خالص وروحت معاه ...

.....

سبناهم لوحدهم ...واول ما طلعوا احمد خد نفس وقال:

-بت  مج*نونة ربنا يعين اللي هيتجوزها 

ومسك كوباية المية ولسه بيشرب ...صرخت مريم وقالت:

-انا بحب واحد تاني غيرك ومجبورة عليك ...ايه رايك تخليني اتجوزه وانا اجوزك هديل صحبتي دي بتمو*ت فيك ...

بخ احمد المية من بوقه وبصلها بصدمة وقال:

-افنددددم !!!

يتبع

#حبيبتي_مجنونة

#سولييه_نصار

تكملة سكريبت من هنااااا