 |
البارت 9✨
منار بخوف: الحقيني يا خديجه مش عارفه اتصرف
خديجه بقلق: اهدي بس..حصل ايه؟!
منار: بابا قالي بعد النتيجه لازم اقابل العريس
خديجه: هي دي نصيبه يا هبله
منار: ايوه طبعا
ما انتي عارفه إني بحب اخوكي
خديجه بهزار: انا عارفه وامك عارفه سعيده جارتكم عارفه واخويا لأ
منار: طب والحل إيه بقا
ده انا بحاول المحله كتييير وهو ولا كأنه هنا
خديجه: انا قرءت كتاب قبل كده اسمه الذكاء العاطفي
اخويا بقا بلا فخر عنده غباء عاطفي
منار: يا وقعتك السودا يا منار
بتحبي واحد عنده غباء مش عند حد
خديجه: راعي إنك بتتكلمي علي اخويا هاااا
منار: حاضر هشتم في سري
قوليلي بقا اعمل ايه
خديجه: هقولك بقا علي حته خطه هتجيب من الآخر... بس تنفذي الكلام بالحرف
منار: اه طبعاً
وفضلنا نتكلم واقولها الخطه ومفاتيح عبدالله وربنا يسامحني بقا وتجيب نتيجه معاه
قفلت معاها وعملت كوبايه شاي وطلعت البلكونه شويه
زين: بتحبي الشاي اكتر ولا القهوه
خديجه بإستغراب: إيه ده انت رجعت بدري ليه
زين: خصلت الشغل اللي عندي وجيت
خديجه: اممم، لاحظت إنك مش بتقعد علي القهوه كتير
زين: دي حقيقه.. وخصوصاً إن محمد صاحبي مسافر
خديجه: يرجع بسلامه
زين: عاوز اسألك علي حاجه بس متستغربيش
خديجه: اسأل
زين: انتي تعرفي اميره صحبتك دي من امته
خديجه: من اولي جامعه
زين: بتحبيها؟
يعني هي البيست فريند بتاعتك زي ما بيقولو؟؟
سكت دقيقه وسرحت في سؤاله إللي دايما بهرب من الإجابة عليه حتي قدام نفسي
خديجه: لأ مش البيست فريند.. انا معنديش صديقه قريبه مني اصلا
زين: ازاي!!! ملكيش صحاب؟؟
خديجة بشبه ابتسامه: عندي زمايل كتير اوي وعندي ناس هما بيقولو اننا اصدقاء
لكن هم موجودين وقت الهزار والفرح غير كده بكون لوحدي ومفيش حد اقوله عن حالي اللي بجد مش إللي دايما بخير
زين: وطبعا اميره من الناس اللي بيتقول انكم اصدقاء
خديجه: اه... مع بعض في الجامعه و
بسمعها لما بتحب تتكلم عن حاجه... لكن هي أصلا متعرفش عن حياتي اي حاجه
زين: صدق إللي قال أن صاحب الكل مش صاحب حد
خديجه: عارف أنا مش زعلانه إني معنديش صديقه مقربه وكده... لانها بتكون رزق
واكيد ربنا شايلي رزقي في حاجه تانيه
زين بهزار: طب ما تخلينا صحاب
انا صحاب جدع والله حتي اسألي عبدالله
خديجه بهزار: خليني أفكر الأول
زين: تفكري ايييه ده انا كلي مميزات يابنتي
هتلاقي منين صحاب يخرجك ويسمعك ويجبلك قهوه
خديجه بضحك: لا ياعم دي بتكون حلاوه البدايات بس
انا عارفه الحركات دي
زين: خلاص انا غلطان إني كنت هخرجك قبل ضغط المذاكره
خديجه بفرحه: بجد بجد!!!
زين بضحك: بجد بجد
خديجه بصوت واطي: ليلتك مش هتعدي لو رجعت في كلامك
زين: سمعتك علي فكره
خديجه بهزار: وانا قاصده علي فكره
_______________________________
كريمه ام منار: مالك متوتره كده ليه
منار: النتيجه هتطلع النهارده وقلقانه اوي
كريمه: اهدي كده وخير بإذن الله
وكملت بهزار:
لو جبتي تقدير وحش لمي هدومك وروحي عند عمتك بقا لحد ابوكي ما ينسي
منار: انا مشوفتش دعم اكتر من كده بصراحه.... ادعليلي انجح صافي يا ماما الله يكرمك
كريمه: ماشي
قومي بقا خلصي المواعين وانشري الغسيل
منار: دي ضرايب الدعوه يعني ولا إيه
كريمه: قومي بدل ما اوريكي الضرايب إللي بجد هااا
قومت خصلت اللي طبلته مني بكرامتي وعلشان مفكرش في النتيجه كتير
بعد شويه دخلت علي الموقع ولقيت اني نجحت الحمدلله وفلت منيهم وعملت فرح في البيت
كريمه: يابنتي صدعتيني بقا وفري شويه ل نجاح اخر السنه
منار: لأ انا مش هأجل فرحتي
هاتي الكيكه اللي عملتيهالي دي اكملها
كريمه: دي انتي خلصتيها لوحدك
مبروك وخصلنا بقا كفايه ازعاج
مش عارفه ايه الناس اللي مش بتقدر فرحه الواحد دي.... ده كفايه الأهانه بتاعت زقنه الامتحانات يا جماعه
منار: اتفضل الشاي يابابا
علي فكره انا نجحت
علي: امك قالتلي
وانتي اتصلتي بيا قولتيلي وقولتلك مبروك في اييه بقا
منار: انا لو كنت جبت ملحق كنت هتفكرني كل شويه برضو صح..صح قول قول
علي بضحك: انتي عاوزه ايه من الآخر
منار: بصراحه يا بابا مش عاوزه العريس ده
انا مش عاوزه اسافر واكون لوحدي.. وكمان احنا جيران وانا شوفته كذا مره ومفيش اي قبول ناحيته يا بابا
علي بهدوء: خلاص يا منار مش هضغط عليكي.... مفيش جواز بالغصب وطالما مفيش قبول يبقا كل شيء قسمه ونصيب
ده الناس بتتجوز برضاهم و بيطلقو بعد سنه او اقل كمان
ما بالك بقا لو مفيش قبول اصلا؟؟؟
ردها فرحني وحسسني بلأمان وان مش اي واحد هيجي عنده شغل وشقه أهلي هيوفقو وخلاص لأ فيه حاجات اهم مليون مره من الفلوس والشقه
واحنا قاعدين بنتكلم عمتي وعبدالله جُم زياره لينا
سميره: مبروك يا منار
منار بإبتسامة: الله يبارك فيكي يا عمتو
عبدالله: مبارك، وعقبال التخرج
منار بلا مبالاه: تسلم
هروح اعملكم حاجه تشروبها
دخلت وعملتلهم عصير ومعملتش ل عبدالله النسكافيه بتاعه زي كل مره لان ده مشروبه المفضل
عبدالله: هتنزلي الكليه امته
منار: بكرا
اه صح يا عمتو الخياطه خلصت الهدوم بتاعك
تعمدت اني أرد علي قد السؤال وانشغل بكلام مع الموجدين كلهم ومركزش معاه وموجهش اي سؤال ليه
سميره: بتكلمي خديجه تتطمني عليه؟
منار: اه طبعاً... كلمتها انهارده كمان
عبدالله: هي هتنزل الكليه بكرا؟
منار: لأ بعد بكرا
في العادي اول ما بتيجي سيره خديجه بفضل اتكلم ومبفصلش واقوله حصل ايه واسأله عن حاجات خاصه بيها كنت بحب اشوف لمعه عيونه لما بيتكلم عنها
بس بسبب خطه خديجه معملتش كده انهارده
________________________________
زين: صباح الخير
خديجه: صباح النور
كنت هخبط عليك قبل ما انزل
زين: تحبي اوصلك في طريقي
خديجه: لأ شكرا مش عاوزه اعطلك
زين: طيب سلام..خلي بالك من نفسك
خديجه لنفسها: طب اعزم شويه... قولي والله لازم اوصلك وانا اقولك ماشي علشان حلفت، مفيش چنتله خااالص
دخلت ظبطت الطرحه تاني واخدت الشنطه ونزلت
زين: كل ده بتقفلي باب الشقه!!!!!
خديجه بإستغراب: إيه ده انت كنت مستنيني؟؟
زين: اومال فاكرني هسيبك تروحي لوحدك بجد!!
خديجه: انا برضو قولت إنك چينتل مان ومش هتسبني
زين بضحك: لأ كدب علي الصبح هنولع واحنا ماشين
خديجه بهزار: عندك حق والله
هاتلي حاجه اشربها بقا
زين: ده انتي داخله علي طمع بقا
خديجه بهزار: حقي
رفعت صباعي في وشه:
حقي ولا مش حقي
زين: انتي ليكي كل الحقوق يا ديجا
هي مالها بردت كده ليه!!!
هي عينه بتقلب بني فاتح في الشمس كده ليه؟
زين: خديجه انا عاوز اقولك حاجه
خديجه: قول
________________________________
عبدالله: أمي انا عاوز اخطب
سميره: مين
عبدالله..........
#يتبع
البارت 10✨
عبدالله: أمي انا عاوز اخطب
سميره: مين
عبدالله: مفيش في دماغي حد معين دلوقتي... بس انا نويت اني اخطب
سميره: طب اي رائيك اختارلك انا
عبدالله: لا لا انا هاجي اقولك انا عاوز دي
يلا هقوم اشوف شغلي سلام
______________________________
زين: انا عاوز اقولك حاجه
خديجه: قول
زين: اهم حاجه في اي علاقه هي الثقه حتي لو كانت صداقه ف انا عاوزك تثقي فيا
ولو حد قالك اي حاجه عليا او عرفتي اي معلومه قبل ما تشُكي فيا تعالي واجهيني وانا اوعدك اني هقولك الحقيقه مهما كانت
خديجه بإبتسامة: اتفقنا
زين: يلا يا ستي وصلنا اهو
نزلت من العربيه لقيته بينزل معايا
خديجه: إيه ده انت رايح فين
زين: هطلع معاكي
خديجه: ليه؟
زين بهزار: بصراحه عاوز اجرب الأسانسير إللي هنا
ضحكنا ومرضتش اعاند معاه لاني خايفه من الاسانسير اصلا...
خديجه بصوت واطي: انت عرفت إزاي اني بخاف منه
زين بيقلدها بصوت واطي: العصفوره قالتلي
خديجه بهزار: عصافيرك كترو يازين
زين بضحك: اوعي تحسدي بقا وقولي مشاء الله
دي كانت أول مره محسش بخوف ولا افكر الاسانسير هيقع إزاي ولا هيوقف بيا في النص امته... محلقتش افكر أصلا
حضرت الكورس وخلصنا بدري لأن ده اول يوم ولقيت عبدالله بيتصل بيا
عبدالله: وحشتيني ياست البنات
خديجه بضحك: انت بتثبتني قبل ما اتكلم أصلاً علشان عارف اني هعاتبك صح؟؟
عبدالله بضحك: بوفر مجهودك في الكلام
اه صح عاوزه اقولك اني نويت اخطب
خديجه: إيه ده هي بقت بالنيه اليومين دول
عبدالله: اه، يعني حطيت الموضوع في دماغي
خديجه: اممم وياتري حطيت العروسه في دماغك برضو
عبدالله بتوتر: لا لا لسه محطتش حد في دماغي
خديجه: ربنا يدلك علي بنت الحلال
كملت بخبث شويه: ده انا حتي هجيب عريس لمنار
عبدالله بإستغراب: عريس مين!!!!
خديجه: واحده صحبتي اخوها بيشتغل في بنك وبيدور علي عروسه وانا هرشحله منار
عبدالله: لأ مينفعش طبعاً
وكمان منار عاوزه تتجوز وتتسقر في البلد
خديجه: يابني عادي هقولها يمكن تغير رأيها ده الولد شيك وقمر واخلاق وابن ناس محترمه
عبدالله: ياستي شكراً محدش طلب منك عرسان... ركزي في مذاكرتك وبس.. سلام
قفلت معاه وضحكت علي اسلوبه ومضايقته في الاخر: والله فاضلك تكه يابن ابويا وتجي تتحايل عليا علشان اكلمها كمان
فوقت من تفكيري واتصلت ب زين وقولتله إني خلصت وهطلب أوبر واروح
زين: اول ما تركبي اتصلي بيا
وفي النص كده طمنيني ولما تروحي كلميني
خديجه: طب ماتخليك علي التلفيون طول الطريق احسن بقا
ايييييه يازين انا راكبه تاكسي والساعه 3 العصر
زين: علشان انتي عنيده ومش راضيه تستنيني لحد ما اجيلك
خديجه:عارفه انك عندك شغل وانت قدامك ساعه لحد ما تيجي.... وبعدين متقلقش انا جدعه اوي ومش بخاف
زين بهزار: انتي كده قلقتيني اكتر
احسن حاجه انه مراعي ان زمان اخويا مكنش بيسب ايدي في اي مكان وكبرت وبقيت مع بابا الله يرحمه هنا ومكنش بيحب يسبني اروح مكان لوحدي....ف متعودتش اكون لوحدي في مكان منغير امان وده مش صح اوي بس انا خلاص اتعودت
روحت وطمنته وعملت القهوه واتوضيت وصليت وقررت انطلق في الشقه بس كانت مترتبه ومفهاش بهدله فقررت روح شقه زين
خديجه لنفسها: هدخل ارتب الشقه بدل الكركبه إللي اكيد عاملها في الشقه
اخدت الطرحه ومفتاح الشقه ودخلتها وهنا كانت الصدمه!!!!!!
خديجه:ايه ده!!! ده مفيش كوبايه مرميه في الارض
حتي السرير بتاعه مترتب وهدومه متعلقه
صفه انه معتمد علي نفسه في كل حاجه حتي اكله وترتيب الشقه دي من الحاجات الحلوه جدا.... هو مش محتاج واحده علشان تخدمه وتشوف طلباته وخلاص لأ
عرفت انه بيحب النظام والترتيب...
خديجه: طب اعمله اي اكله سريعه لحد ما يجي.... وقبل ما اكمل تفكيري لقيته بيفتح باب البيت
بصيت عليه لقيته مش زي العاده وشكله مضايق من حاجه، قعد علي الكنبه وطلع الفون واتصل بحد
زين: والله عرفت قيمتك اكتر لما بعدت عني
#..............
زين: عارف ان غصب عنك...بس انا كنت محتاجلك اليومين دول جنبي
#.........
ابتسم وقال: والله الساعتين اللي كنت بقعدهم معاك كانو بيهونو عليا كل المشاكل
اليوم منغير هزارك وكلامك ناقصه حاجه يصاحبي...... هترجع امته يا محمد
#........
زين: اسبوع واحد مفيش غيره فااهم
محوشلك حاجات كتير اوي عاوز اقولهالك
قفل معاه وكل ده وانا واقفه مكاني منغير ما يحس بيا
خديجه: للدرجادي غيابه مقصر فيك
زين بخضه: بسم الله الرحمن الرحيم
ده انتي اللي هتخلي غيابي يقصر فيه للأبد
خديجه بضحك: انت اتخضيت؟؟
زين: انتي كمان مستغربه!!!
انتي هنا من امته اصلا
خديجه: يااااه من بدري
زين: طب قولي اي حاجه... اكسري كوبايه حتي... هتجبيلي شلل حرام عليكي
خديجه: خلاص ياعم انا غلطانه اني كنت هعملك حاجه تاكلها
زين بهزار: تسلم إيدك مقدماً
بس اي رأيك نطلب أكل من برا
خديجه: بس انت مبتحبوهش
زين:بس بحب البيتزا.... ها اي رأيك؟
خديجه بسعاده: نطلب بيتزا طبعاً مفيش اي اعتراض
هروح اجيب حاجه كده واجيلك تاني
دخلت شقتي وأنا عارفه انه مضايق او عنده مشكله ومش عاوز يبن ده قدامي... فكرت افرحه ازاي واعوضه عن غياب صاحبه
خديجه: وحشتيني ي ياسمين
ياسمين: وانتي وزين وحشتوني والله
خديجه: طب إيه رأيك تيجي انتي وحمزه عندنا انهارده!!!
بصي مفيش مجال للأعتراض انا قررت خلاص
ياسمين بضحك: وانا هنفذ القرار طبعآ
خديجه: يبقا اتفقنا
وانا مش هقول ل زين وهخليها مفاجأة
ياسمين: حلو اوي كده
وانا مش هتأخر
غيرت هدومي ودخلت حضرت عاصير وحلويات في شقتي وهو قاعد جوا
بعتلي مسدچ
"هي الشقه بعيده اوي كده؟؟"
خديجه: "اه والمواصلات زحمه"
دخلت الشقه كان بيتفرج علي التليفزيون
زين: يابنتي يلا انا جعاااان
خديجه:باس باااس الجيران سمعت
الباب خبط وروحت افتح كأني معرفش مين برا
ياسمين: مسااااااااء الخيييييير
زين بفرحه: ياسمين!!!!
اي المفاجأة الحلوه دي
حمزه جه من وارها: طب بالنسبه ليا مش مفجأه ولا إيه
زين بضحك: والله انت احلي مفاجأة ياحمزه
ياسمين بضحك: انا بغير علي فكره هااا
خديجه بهزار: اومال انا أقول إيه بقاا
قعدنا وجبت العصير والحلويات واتكلمنا وهزارنا والفرحه كانت باينه في عينه
خديجه: إيه رأيكم نعلب لعبه حلوه؟؟
ياسمين: اه ياريت علشان هما بيتكلمو في الشغل والكوره وسايبنا
خديجه: ايوه صح ركزو معانا
انا وياسمين فريق وانتم فريق
زين: ماشي موافقين
خديجه: ايه اكتر حاجه انتو بتستغربو لما بنقولها...او كلمه بتتضايقو منها
حمزه: لازم ابدء انا الأول
١.. بستغرب لما اقولها هقعد علي القهوه وتقولي ايه الفرق بين القهوة والبيت!!!
2.. بستغرب لما تقولي انت قاعد ساكت ليه!!!!
ياشيخ حرام عليكي ده انا مصدع من كتر الكلام في الشغل
زين: اااه ويا سلام بقا لما تسألها مالك 100 مره وتقولك مفيش
حمزه بضحك: وبعد تقولك انت مش مهتم علشان مسألتش 101
خديجه: اييه في ايييه براحه
سبولنا فرصه نرد حتي
ياسمين: عندك حق يا ديجا
وبعدين انا بقولك متقعدتش علي القهوه كتير علشان بحب اقعد معاك وقت اكبر
خديجه: وكمان مش بنقول من أول سؤال زعلانين ليه علشان نحس ب اهتمامكم مثلا
ياسمين: ايوه قدرو زعلانا شويه
حمزه: ياستي انتي زعلك فوق راسي والله
ياسمين بضحك: خلاص كده نخش علي السؤال اللي بعده
خديجه: اي الحاجه اللي مكنتش تتوقع انك تعملها بعد الجواز عملتها
حمزه: مكنتش متوقع اني امسك كتاب
كنت بكره الروايات والقصص جدا
خديجه: ودلوقتي؟؟
حمزه: دلوقتي انا حافظم اصلا
بدءت معايا من ارض زيكولا لحد قصص الروايات العاديه
ياسمين: بصراحه كنت بحب احكيله جدا
حمزه: وانا بحب اسمعها جدا
حافظ كل الروايات
اللي البطل بيكون بيضر*ب البطله ويخطفها وبعد كده يحبها
والبطل الغني جدااا اللي بيحب السكرتيره
خديجه بضحك: مشاء الله ده انت حافظ كله
حمزه: وزودي كمان البطل اللي بيتخانقو عليه البنات
زين: انا بقا مكنتش متوقع اني هركز في التفاصيل ولا الهوايات بتاعت حد
ده حتي اتعودت اظبط مواعيد نومي مع مواعيدها
اتعلمت اضحك واهزر في كل الأوقات علشان تحب وجودي اكتر
سرحت في كلامه وابتسمت وافتكرت كل مواقفه... انا مش بحب وجوده علشان هو بيهزر لأ انا بحب وجوده علشان كل حاجه فيه فضلت افكر ومركزتش مع كلامهم اوي
ياسمين: احنا لازم نمشي بقا علشان حمزه عنده شغل الصبح
زين: فرحت جدا بزيارتكم والله
سلمنا عليهم ومشيو وانا دخلت الم الحاجات
زين بإبتسامة: انتي اللي اتصلتي عليها صح؟
خديجه: بصراحه اه
زين: ليه؟
خديجه: علشان عارفه إنك مضايق وعندك مشاكل في الشغل وبرضو عارفه إنك بتحبها جداً
زين: طيب وعارفه إني بحبك ولا لأ؟؟
خديجه..........
#يتبع اللي عاوز الباقي يعمل متابعه من هنا
البارت 11من هنا
تعليقات
إرسال تعليق