 |
الحب في ثلاجة الموتي
الجزء الثالث
للكاتبة..حنان حسن
بعدما صدمتي حضرة الضابط
بالكلام الي قالهولي
واتهمني باني بنتحل شخصية هيام اختي
الي مانت محروقة
فضلت ادافع عن نفسي
واقولة...
ازاي الكلام ده؟
انا متاكدة اني انا سوزان
والي ماتت هي هيام
ورجعت سالتة
وقلت..
وبعدين لما حضرتك
بتقول ...
اني انا هيام
امال مين الي كانت مدفونة جنبي في المقبرة؟
رد الضابط
وقالي...
مهو احنا كمان...
عايزين نعرف
اجابة السؤال ده؟
عشان كده ..
امرنا با اخراج الجثة
الي اتدفنت في المقبرة يوم الحريق... وتشريحها
عشان نعرف... جثة مين الي ادفنت ؟
في اللخظة دي
حطيت ايدي علي راسي
وانا بحاول استوعب الي بسمعة
لان الصداع الي كان في راسي
خلاني مش مركزة
وخصوصا... اني لقيت الظابط بدء يعاملني
علي اني متهمة ..ومجرمة
وبقي يوجهلي الاتهامات
وانا بحاول ادافع عن نفسي
لكن هو مكنش مصدقني
وفضل يهددني...
انه هيستعمل معايا العنف
لو معترفتش بالحقيقة
وفي اللخظة دي
انهرت بالعياط
وقولتلة...
اقسملك اني من يوم ما خرجت من المقبرة ..
وانا نسيت كل حاجة
يعني مش فاكرة اي حاجة حصلتلي
قبل الليلة الي حصلت فيها الحريق
رد الضابط بغضب
وقالي..
بلاش تكدبي عليا تاني احسنلك
لانك لسه حكيالي
قصة حياتك...
وظروف جوازك انتي واختك قبل الحريق
قلت...
صدقني حضرتك
كل الي حكيتهولك عرفتة من عزة بنت عمي
وعشان كده
حكيتلك وانا فاكرة ان الي قالتهولي عزة حقيقة
وان دي قصتي فعلا
فا بصلي الضابط بغيظ
وسالني
وقالي..
عايزة تفهميني انك فقدتي الذاكرة؟
ماشي همشي معاكي للاخر
لكن...
تقدري تقوليلي
ايه الي خلي اهلك بعدما حرجوكي من المقبرة
يعتقدوا انك سوزان؟
ا
وازاي امك ..و بنتك... وجوزك
ماخدوش بالهم
انك هيام؟
مش سوزان؟
قلت...يا فندم عزة قالتلي..
انها في اليوم الي حصلت فيه الحريقة
و قبل ما تاخد مني الولاد... وتروح تطعمهم
قالت... انها كانت سايبة سوزان
وهي بتاخد دش في الحمام
...وهيام هي الي كانت في وسط الحريق
يعني هيام استحالة كانت هتتنقذ
لانها كانت وسط النار
عشان كدة
الكل اعتقد...
اني انا سوزان
وبعدين امي معرفتنيش بعد الحريقة
لان ايامها اصابتها صدمة بسبب الي حصل لبناتها
ومكنتش حاسة بالدنيا
وبنتي نهي سنها صغير
ومكنتش مدركة ايه الي حصل اصلا
اما بالنسبة لعمرو جوزي ...
فا كان مسافر
واول يوم يوصل من السفر كان النهاردة
ده غير ان الشبة بيني وبين تؤامي
كان تقريبا متطابق
ولو انا فعلا هيام زي ما حضرتك بتقول...
يبقي اكيد انا فقدت الذاكرة
وفي اللحظة دي
لقيتني انهرت بالبكاء
وفضلت اعيط واتوسل للضابط عشان يصدقني
وقلتلة
اقسملك اني قولتلك الحقيقة
ومكدبتش علي حضرتك في اي حاجة
بعد ما خلصت توضيح... وشرح للضابط
وانا منهارة بالعياط
بصيت لقيتة ....سكت شوية
ورجع يولع سيجارة جديدة
واخد منها نفس طويل
بدون ما يعلق
في الوقت ده ...
دخل عسكري بشوية اوراق
حطهم ادام الضالط
وبعدما الضابط بص في الورق الي قدامة
لقيتة رفع عينة من علي الاوراق...
ورجع يبصلي تاني
وهو بياخد نفس تاني من السيجارة
وبعدما طلع غيظة مع الدخان بتاع السيجارة
لقيتة هز راسة
وهو بيقولي...
ماشي يا هيام
انا ممكن احاول اصدقك
وهصدق ان الحادثة الي حصلتلك يوم الحريق ...
ونومك في المقبرة
اتسببولك في صدمة خلتك فقدتي الذاكرة
واعتقدتي بالخطأ انك سوزان
بس بشرط
قلت..شرط ايه؟
رد الضابط
وقال...تساعديني
قلت...
اساعدك ازاي؟
قال....
قبل ما اقولك هتساعديني ازاي
هقولك علي خبر حلو
قلت...خبر ايه؟
قال...لما رجال المباحث فرغوا الكاميرات
الي في القهوة الي تحت بيتكم
شافوا الولد والبنت ولادكم...
وهما ماشيين مع واحدة ست منتقبة
وركبوا معاها عربية ملاكي
ولحسن الحظ اننا قدرنا نحصل علي رقم العربية
وقدرنا كمان نتتبع خط سير العربية
ووصلنا للمكان الي فيه الولاد
والمكان ده ...
كان عبارة عن جراج صغير
مقفول...
ولما روحنا وهاجمنا الحراج
لقينا الولاد
وجيبنا الولاد بالفعل
لكن للاسف...
ملقناش اي حد في المكان غير الولاد
حتي العربية طلعت مسروقة...
وصاحبها...كان عامل محضر بسرقتها
يعني مقدرناش نتوصل للي خطف الولاد
بعدما سمعت الي قالهولي
الضابط
حمدت ربنا ان الولاد رجعوا اخيرا
وسالتة
قلت...يعني الولاد كويسين؟
ومحدش عمل فيهم حاجة؟
رد الضابط
وقالي...
الوااد زي الفل
وسالني الضابط
وقالي..
بس مش غريبة ان الولاد
يمشوا مع الي خطفهم عادي كده بدون ما يعيطوا ولا يصوتوا؟
قلت... حضرتك تقصد ان الي خطفهم حد مش غريب؟
او حد هما يعرفوه؟
رد الضابط
وقالي...
تفتكري مين الي ممكن يكون خطفهم؟
قلت.. طالما حضرتك معتقد ان الي خطفهم حد مش غريب عنهم
يبقي حضرتك شاكك في عزة .. او شاكك فيا ...او في مكرم؟
رد الضابط
وقالي..استحالة تكون عزة ليها يد في الموضوع ده
لان عزة اتعرضت لمحاولة قتل
وواخدة خبطة علي دماغها مميتة
وواضح ان الي ضربها كان قاصد يقتلها
وطبعا مش معقول مكرم يعمل في اختة كده
قلت...
يعني حضرتك بتشك فيا انا
رد الضابط
وقالي...لا
في اللحظة دي
بصيت للضابط
وقلت
بصراحة انا دماغي هنجت
ومبقتش قادرة افكر
فا رد حضرة الضابط
وسالني
وقال ...
المهم يعني
موافقة تساعديني ولا لا؟
قلت...
طبعا موافقة
بس ايه نوع المساعدة الي حضرتك عايزها مني؟
قال...
احنا مش هنقول لحد انك هيام
ولا هنعرف حد انك...
فاقدة الذاكرة
يعني...
هتفضلي زي منتي ادام الجميع
(سوزان)
قلت..
طيب بعد اذنك يعني
ممكن افهم ليه؟
رد الضابط
وقالي ...
عمليات الخطف الي حصلت لابوكي ....وامك ....والولاد الصغييرين
ومحاولة قتل عزة
خلتني اشك
ان الحريقة الي حصلت في بيتكم
كانت بفعل فاعل
وبما انك مش فاكرة حاجة
من الي حصلت قبل الحريقة
يبقي اكيد في حد قاصد انه يتخلص من عيلتكم كلها
وتقريبا الحد ده هو (عمرو )جوز اختك
بصيت للضابط بتعجب
وقلت.. استحالة طبعا يكون عمرو
لان عمرو كان مسافر
رد الضابط
وقالي.. مهو ده الي مشككني فيه...
تقدري تقوليلي..
ازاي واحد يعرف انه مراتة ماتت في الحريق ....
واتدفنت...وصحيت تاني...
وكل ده
وميكلفش نفسة وينزل اجازة يومين من شغلة؟
عشان يشوف الكوارث الي حصلت لام ابنة؟
بصيت للضابط
وقلت...لا مهو......مهو عزة بتقول ...
ان عمرو بيشغل مع ناس صعبة
في التعامل
ومش بياخد اجازة الا بصعوبة
بصلي الضابط
وسالني
وقالي...
امال اشمعني لما مكرم ابن عمك اتصل بيه
وقالة انك عندك اكتئاب
اخد اجازة؟ ونزل فورا
بصراحة سؤال الضابط
كان محرج
ومقدرتش ارد عليه
لكن لقيتة هو بيكمل كلامة
وبيقولي..
في حاجة تاني شككتني في عمرو غير كده
قلت..حاحة ايه؟
قال...
لما رجال المباحث فتشوا الاوضة بتاعة والدك
الي في الروف
علي السطح
لقوا ده
ولقيت الضابط بيقرب مني
ظرف فية ورقة
فسالتة
قلت...ايه ده؟
قال...ده عقد بيع البيت بتاعكم من ابوكي لعمرو
بصيت للعقد
ولقيتني بقول.
غريبة ...
انا اول مره اعرف ان بابا باع البيت لعمرو
رد الضابط
وقالي...
والاغرب...اني لما سالت عمرو
هو كمان
قال انه اول مره يشوف العقد...
ولا حتي كان يعرف عنة حاجة
بعدما سمعت الي قالة الضابط
مسكت العقد وبصيت علي التوقيع الي في خانة البائع
ولقيت التوقيع بتاع بابا فعلا
فا بصيت للضابط
وسالتة
قلت..يعني حضرتك شايف ايه؟
قال..
دلوقتي في احتمال
ان عمرو قرر انه يخلص من الغيلة كلها
عشان يستحوذ علي البيت...
وبعدها ياخد ابنة و يسافر
قلت..معقولة عمرو يطلع بالاخلاق دي؟
رد الضابط
وقال...
في احتمال كبير ...
ان يكون عمرو اخد البيت من ابوكي بالحيلة او بالاكراه
واستغل فرصة...
ان الناس عارفين انه مسافر ..
وان محدش هيشك فيه
واجر شخص يخطف ابوكي او يخلص منه
وبعدها...
فكر يخلص من العيلة كلها
فا كلف حد برضوا وولع في بيتكم
عشان يقتلك انتي... واختك
وطبعا هو فاهم دلوقتي
ان الي نجيت من الموت هي زوحتة (سوزان)
ودي صدمة بالنسبالة
لان مكنش في خطتة انها هتنجي من الموت
ولو صدق ظتي
و الاحتمال ده طلع صح
اكيد عمرو هيحاول يتخلص من زوجتة سوزان
وياخد ابنة ويسافر بعدها
يعني هيحاول يتخلص منك انتي
وساعتها ...
هنقبض عليه متليس ...ونخليه
يعترف
بكل البلاوي الي عملها
عشان كده
احنا مش هنعرف حد انك طلعني هيام
وخصوصا عمرو
وهتفضلي ادام الجميع سوزان زي منتي
لغاية ما نقبض عليه
في اللحظة دي
سالت الضابط
وقلت...طالما حضرتك شاكك في عمرو
ما تقبضوا عليه
من دلوقتي
رد الضابط
وقالي...
عشان اقبض عليه لازم يبقي في ايدي دليل ضدة
وانا كل الي عندي احتمالات وافتراضات
ده غير... ان عمرو كان مسافر
يعني عنده حجة غياب...
وقت وقوع الجرايم الي حصلت
م الاخر
انا لازم امسكة متلبس
في اللحظة دي
بصيت للضابط
وقلت...
بس ازاي هعيش مع عمرو في شقة واحدة
علي اني مراتة ؟
حضرتك فاهم انا اقصد ايه؟
رد الضابط
وقالي..فاهم
وانا هوجدلك الحجة ... الي هتبقي عذر ليكي
انك متقربيش من عمرو ولا تخلية يقربلك
قلت...حجة اية؟
قال...
انتي تفهمي الكل ان كلام دميانة سليم وصح الصح
وان روح هيام لبساكي فعلا
وبتؤمرك بالابتعاد عن المكان الي عمرو موجود فيه...
وانا كمان هحذر عمرو منك وهفهمة
انك حاولتي تقتلي نفسك... وتقتلي ابنك
قبل كده اكتر من مره
عشان يفهم انك مريضة نفسيا
وانتي طبعا ...
لو تطلب الامر
هتتتصرفي وتبعدية عنك
بذكاء الانثي... وهتعرفي تخلعي منه
حتي لو اضطريتي تعملي فيها مجنونة
ومتخافيش
انا هبقي قريب منك...
ومتابع كل الي بيحصل
لحظة بلحظة
وسالني الضايط
وقالي
ها ؟ جاهزة؟
قلت...
جاهزة؟
قلت...ايوه جاهزة
رظ الضابط
وقالي...
سيبي رقمك... ومتتصليش بيا انتي خالص
وانا هبقي ارن عليكي
لما اعوز اعرف منك معلومة ..
او اقولك حاجة
قلت حاضر
وبالفعل...
سييت رقمي
وخرجنا كلنا من القسم
بعدما استلمنا اياد ...ونهي بنتي
وطبعا الضابط اتكلم مع عمرو لوحده
وفهمة ان موت هيام اختي ...والحادثة الي حصلتلي
اتسببوا في تعبي نفسيا ...
وفهمة كمان...
اني حاولت الانتحار
وحاولت قتل ابني قبل كده
وحذرة... انه ياخد بالة علي ابنة مني
و يتعامل معايا بحذر نظرا لخطورة حالتي
المهم...
بعدما خرجنا من القسم
ركبنا كلنا العربية بتاعة مكرم
واثناء ما كنا رايحين علي البيت
انا.. و مكرم... وعمرو ...والولاد
سمعت مكرم وعمروا وهما بيستجوبوا الولاد
عن شكل الست الي خطفتهم؟
وطبعا الولاد قالو...ا انهم مشفوش وشها...
يعني ميعرفوهاش
وفضلت ساكتة طول الطريق
وانا بسمعلهم
وبقيت ببص لمكرم جوزي الي فاهم اني مت في الحريق
وببص لبنتي الي مش قادرة اروح معاها لشقتي....
وانيمها في حضني
وفضلت كمان ...
ابص لعمرو الي مكنتش عارفة ان كان متهم ولا بريئ؟
المهم..
روحت معاهم
بدون ما اعرف اي حد فيهم
ايه الي حصلي جوه ...
عند الضابط
ولا الاتفاق الي اتفق معايا عليه
وبعدما رجعنا البيت
مكرم سابنا وراح لشقتة
واخد بنته معاه
ودخلت انا مع عمرو شقتة
وطبعا كان معانا اياد ابنة
وبمجرد ما دخلنا لشقتنا
لقيت عمرو بيبتسم
وهو بيقول ...
يا سلام..
.مفيش اجمل من ان الواحد يرجع لبيتة تاني...
ويعيش بين اسرتة
وبصلنا عمرو بحنية
وقال ..وحشتوني
وطبعا عمرو مكتفاش بكدة وبس
لا...
دنا اتفاجئت بعمرو بعدما باس اياد ...وحضنة
بيفتح دراعاتة تاني
وجاي عليا عشان يحضني
فا غمزتلة ...
وانا بشاور علي اياد
وكأني بفهمة
انه ياجل العواطف الجياشة دي شوية ...
علي ما الواد ينام
فا ابتسم عمرو ...
واخد اياد في حضنة
وقالة ..
ياااه ....الوقت اتاخر ...
وانت سهرت كتير يا اياد
اتفضل بقي عشان تنام
ياصاحبي
في اللخظة دي
انتهزت الفرصة...
واخدت اياد من ايده
وقلت...احنا هندخل ننام يا بابا
يلا قول تصبح علي خير
يا بابا
وبعدما عمرو حضن اياد ...وباسة
اخدت اياد ودخلت اوضة الاطفال
وقفلت الباب من جوه
وقررت اني هنام في اوضة اياد
لكن بعد شوية
لقيت باب الاوضة بيخبط
وسمعت صوت عمرو
وهو بيقولي...
حبيبتي انا مستنيكي
اوعي تنامي
جنب اياد
في بادئ الامر قررت اني اتجاهلة
لكن شوية
و لقيتة عمال يخبط تاني
وبيقولي ..
ايه يا قلبي
هو انا موحشتكيش
فا قلت في نفسي
يادي النيلة ما تهدي بقي يا عم الزنان
وتروح تتخمد
وبرضوا مردتش عليه
لكن عمرو منمش
و فضل يخبط طول الليل
وقلت لنفسي....
اكيد كمان شوية هيتعب ويروح ينام
لكن برضوا محصلش
ولما لقيتة مش عايز يجيبها لبر
فا قلت ...
لازم اخد معاه موقف حاسم ...
يخليه ينسي الي في دماغة ده خالص
وافتكرت كلام حضرة الضابط
لما قالي...
لو تطلب الامر
اعملي فيها مجنونة
فا عملت نفسي بتكلم مع حد معايا في الاوضة
وفضلت اضحك بصوت عالي
واقول...
لا لا مينفعش كده يا هيام...
خدي حمدي واخرجوا من هنا
وخلي بالك
انا جوزي قاعد بره
وشوية ورجعت اضحك تاني
واقول...
لالا احترم تفسك يا حمدي
عيب يا حمتتتي
شيل ايدك ..
عيب كده يا حمتي
طبعا كان واضح ان عمرو سمعني
لانة بدء يخبط علي الباب بقوة
وهو بيسالني بغضب
وقال...انتي بتتكلمي مع مين ؟
افتحي وكلميني؟
في اللحظة دي
قمت وفتحت الباب
ولقيت عمرو دخل يبص في الاوضة
وبعدما شاف اني لوحدي...
وشاف اياد ابنة رايح في النوم
سالني
قال.. انتي كنتي بتتكلمي مع مين في الموبيل؟
قلت...موبيل ايه؟
ان البعض الظن اثم
الموبيل بتاعي عندك بره في الصالة
فا رد عمرو وهو مستغرب
وسالني
وقال..حبيبتي انا سمعتك وانتي بتتكلمي مع حد
ابتسمت
وقلت...ايوه كنت بتكلم مع هيام وضيوفها
بصلي عمرو باستغراب
وسالني
وقال ...هيام مين؟
فا شاورت علي المخدة الي علي السرير
وقلت...
هيام الي قاعدة ادامك دي
مسك عمرو المخدة...
وبصلي بشفقة
وقالي ...
انتي مسمية المخدة دي علي اسم هيام اختك؟
قلت ...مخدة ايه يبني؟
دي هيام اختي بشحمها ...ولحمها
والي جنبها ده حمدي
صاحبها
وقف عمرو يبصلي وهو مش مستوعب انا بقول ايه؟
لكن انا لما لقيت عمرو متنحلي
صرخت فيه
وقلت..انت هتقف تبصلي
مد ايدك سلم علي الراجل
قال..راجل مين؟
قلت..حمتتي
فضل عمر ساكت شوية
وهو عمال يبصلي بزهول
وبعدها قالي..
حبيبتي هيام اختك ماتت الله يرحمها...
اطبيلها الرحمة
قلت...يادي النيلة
هيام مين الي ماتت؟
امال مين الي واقفة ادامك دي؟
ما هيام ادامك اهيه يبني...
وبالامارة...
في ايدها طبق بليلة
بصلي عمرو
وقالي...بليلة؟
قلت...ايوه تصدق هيام جابت لنفسها طبق بليلة؟
ومجبتش حاجة لحمدي؟
وقبل ما يرد عليا عمرو
اخدت فوطة من الدولاب
وانا بقول....
والنبي يا عمرو اقعد معاهم
علي ما اخد شاور
وياريت تعمل شاي لحمدي
فضل عمرو واقف متنحلي
وهو واقف متصلب
في مكانة
وهو بيحاول يفهم انا جرالي ايه؟
وانا طبعا مدتلوش فرصة يتكلم معايا
لاني خرجت من اوضة اياد ورحت علي الحمام
وانا عمالة اهزر مع هيام وحمدي
ودخلت الحمام وقفلت علي نفسي شوية
وفضلت اضحك بصوت عالي
واقول...
ينفع كده يا حمتتي؟
ينفع تيجي ورايا الحمام؟
وفضلت منتظرة في الحمام شوية
لغاية ما عمرو ينام
وبعدها خرجت
لكن اتفاجئت ان عمرو لسة صاحي
واول ما شافني خرجت من الحمام
جه يجري عليا
عشان يطمن... ان كان عقلي ضرب بالكامل؟
ولا لسة في جزء شغال؟
ولقيتة بيسالني
وقالي ...
كنت سامعك وانتي بتكلمي حمدي
هو حمدي كان معاكي في الحمام؟
ايه ده انت بتشك فيا
لا اوعي
اوعي تفهم غلط يا عمرو
احنا مكناش في الحمام لوحدنا انا وحمدي... مصطفي وهيام كانوا معانا
بصلي عمرو بشفقة
وقالي...حبيبتي انا السبب في الي حصلك ده
لو مكنتش سيبتك وسافرت مكنش كل ده جرالك
وشدني عمرو لحضنة
وبعدما ضمني فضل يعيط
وهو بيقولي...حقك عليا...
متخافيش
انا هصلح كل حاجة وهاخدك لاكبر اطباء نفسيين
في اللحظة دي
لقيت نفسي في حضن عمرو
ورجعت احس بالمشاعر الجياشة هتبدء تشتغل تاني
فا كان لازم اغير الموضوع
فا بعدت عمرو عني بسرعة
وانا بصرخ
وبقول.. ينهار اسود
شوفت الي حصل يا عمرو
اتفزع عمرو
وسالني
قال...ايه الي حصل؟
قلت...هيام دلقت البليلة علي السرير
فضل عمرو يبصلي وهو مبرق عنية
ومش لاقي كلام يقولة
فا كملت كلامي عشان اتحجج واروح اوضتي
طبعا مهو مصطفي كان بيلعب في شعرها
وفضلوا يستبهلوا هما الاتنين لغاية ما البليلة اتدلقت
وسع بقي في ليلتكم الطين دي
عشان انا اتقفلت وهدخل انام
وفعلا دخلت اوضة عمرو وقفلت عليا بالترباس ونمت
ولما صحيت الصبح
لقيت ...
عمرو راح نام في اوضة ابنة اياد
وفضلنا علي الوضع ده
وعيشت مع عمرو علي اني مراتة
وطبعا كنت بتلكك
ان اياد عايز يلعب مع نهي بنتي
وكنت بجيب نهي معايا طول الوقت
وحاولت اتعايش مع عمرو واياد
وبمثل دور الام والزوحة
وكنت بشوف طلباتهم بجانب طلبات بتتي
لكن..
اول ما كنت بحس بالمشاعر الجياشة بتاعة عمرو هتشتغل
في ثانية كان بيلاقي هيام... ومصطفي... وحمتتي حوالية
المهم
فضلنا علي كده ومرت الايام
لغاية...
ما عرفنا ان عزة حالتها اتحسنت
فا راح مكرم جابها من المستشفي
وانا طبعا روحتلها شقة مكرم
عشان اقولها حمد ا لله علي السلامة
لكن اتفاجئت بعزة حزينة ومكسورة
وكان باين انها في حاحة مديقاها
فسالتها...
قلت...مالك يا عزة؟
ردت عزة
وقالت...
مكرم اخويا مش عايز ياخدلي حقي
ولا سابني اخد حقي
قلت...مش فاهمة تقصدي ايه؟
ردت عزة
وقالت...
انا قلت لمكرم اخويا
اني شوفت الست المنتقبة وكشفت وشها وهي بتحاول تقتلني
وعرفتة هي مين
فا طلب مني اني مجيبش سيرتها للبوليس
يعني مكرم لا منه خدلي
حقي
ولا ساب البوليس ياخدلي حقي
في اللحظة دي
فضولي اخدني
وسالت عزة
وقلت...
مين الست المنقبة دي
الي حاولت تقتلك وتخطف الولاد؟
ردت عزة
وقالت...
الست دي
واحدة انتي بالذات تعرفيها كويس اوي
قلت...مين هي؟
قالت........
ومش هتصدقوا طلعت مين؟
البارت الرابع من هناااااااا
تعليقات
إرسال تعليق