مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-هي دي العروسة!!؟

صرخ وائل بخوف اتجمدت مكاني وارتبكت وعيوني بدأت تدمع ....

حاولت والدته أنها تخليه يهدي شوية بس هو قام وقال:

-انا هتجوز التريلا دي ده انا ام*وت ارحم 

قام بابا وزعق وقال:

-تريلا ايه احترم نفسك يا بني ادم انت واطلع برة ...

-ايوة هطلع برة طبعا اومال هتدبس في بنتك دي ...دي مش عايزة عريس دي عايزة ونش يشيلها ...

مسك ابويا فيه فصرخت ومسكت بابا وانا بعيط وبقول :

-خلاص يا بابا سيبه عشان خاطري ...

سابه بابا وحضني جامد وقال:

-متخافيش يا حبيبتي متخافيش ...

طلع وائل هو وأهله ومشيوا وانا بعدها انهارت من البكا ....حضني بابا جامد وقال:

-يا عبيطة مفروض تحمدي ربنا أنه مشي ده واحد مترباش ...بس يا منمن بتو*جعي قلبي يا بنتي ...

بكيت وانا بقول :

-نفسي ابقي زي البنات يا بابا ...نفسي اتجوز وافرح أنا قربت اكمل التلاتين ...

-يا حبيبتي هيجيلك اللي هشيلك جوا عينيه ربك كريم ...بس ثقي فيه ...

مسك وشي وقال :

-يالا اغسلي وشك أنا هنزل واجيبلك الكريب اللي انتي عايزاه ..

حاولت أرفض بس ابويا بحزم رفض ونزل يجيبلي الاكل ...

دخلت اوضتي وانا منها*رة وبعي*ط ...بصيت علي نفسي في المرايا وانا بفتكر كلام العريس ...نظراته ليا وتريقته ...بس هو صح أنا تخينة اووي ...في فترة المراهقة امي تو*فت وده عملي صدمة نفسية وبقيت اكل كتير لحد ما وصلت للوزن ده ...ابويا حاول كتير يلمحلي بس انا مكنتش بسمع الكلام ودلوقتي أنا اللي بعاني ...خلعت حجابي وغيرت هدومي ونومت من غير ما احس ودموعي علي خدي ....

......

تاني يوم صحيت عشان الشغل ...قابلني ابويا وهو زعلان وقال:

-جيبتلك الاكل بس لقيتك نومتي ..

-معلش يا حبيبي كنت تعبانة

مسك أيدي وقال:

،-يا بنتي متزعليش نفسك هيجيلك اللي احسن منه بإذن الله 

ابتسمت بحزن وقولت:

-مظنش ...

روحت الشغل وقابلت سلوي زميلتي فيه اللي كعادة زمايلي كانت بتتن*مر عليا دايما

-ايه يا منمن عملتي ايه مع عريس امبارح ...

سكت ومرضتش ارد عليها 

ابتسمت وقالت:

-تلاقيه هرب زي اللي قبله صح ؟!!

-ممكن تسكتي يا سلوي ...

كانت لسه هتتكلم

دخلت علينا صفية السكرتيرة وقالت:

-استاذ احمد عامل اجتماع وطالبنا فورا ...

اتنهدت سلوي وقالت:

-استاذ احمد ده لولا أني متجوزة كنت مسبتهوش يفلت  من أيدي ...

هزيت راسي بيأس وروحت علي الاجتماع ....دخلت وقعدت في مكاني وانا حاطة عيني في الأرض ...معرفش ليه بس بخجل اني احط عيني في عينه ...لما ببصله بحس بحاجات غريبة بتتحرك جوايا ....حاولت أنكر الشعور ده بس مقدرتش ودلوقتي بقيت متعايشة معاه ....

....

خلص الاجتماع والشغل ولقيت بابا استقبلني بإبتسامة وقال:

-فيه  عريس متقدملك يا لوزة وهيجي النهاردة ..هزيت راسي بإستسلام ..من غير ما اعرف هو مين اصلا ...

.....

جه الليل والعريس جه ...طلعت وانا متوترة وعيني في الأرض اول ما شوفته بهت وقولت بصدمة:

-استاذ احمد ...

بصلي للحظات وقال:

-انسة مني .. انتي ...

بابا بصلي فقولت بصوت واطي:

-بابا ده المدير بتاعي ..

-ايوة مكنتش اعرف ...

ابتسم احمد وقال:

-والحقيقة أنا برضه مكنتش اعرف انا طلبت عروسة والست جميلة هي اللي جابتني هنا ...

حسيت شوية بالتوتر  بس سكتت  ...قعدت معاهم شوية وهما بيتكلموا وقولت في بالي اكيد احمد بيلعن ست جميلة أنها هتلبسه واحدة زيي بس هو اكيد هيعتذر ويمشي عادي ...اصلا ده استاذ احمد الف بنت تتمناه مش هيبص ليا ...

بعد شوية قام بابا وطلب أننا نقعد سوا ...

اول ما مشيوا  قولت بتوتر:

-لو حضرتك راف*ضني قول من دلوقتي وبلاش تعشم بابا وعادي أنا اتعودت اصلا ...

بصلي وقال:

-انا مش را*فضك المهم انتي متر*فضنيش بعد اللي هقوله 

اتوترت فقال:

-انا متجوز !!

يتبع

#جميلتي

#سولييه_نصار

الجزء التاني♥️شكرا علي تفاعلكم السكر♥️بقلم سولييه نصار♥️

-ايه متجوز ؟! انت عايز تدخلني علي ضرة 

قولت بصوت مك*سور ووقتها حسيت اني قليلة اوووي 

بصلي بتوتر وقال :

-لا مش ضرة ولا حاجة ...أنا وهي هنتطلق بيننا مشاكل 

-وعايز تتجوزني ليه ...

بص للأرض وقال بتوتر:

-مراتي واحدة مش كويسة بس عشرة خمس سنين اكتشفت انها عاملة اكونتات فيك وبتكلم رجالة عرفت ده بالصدفة وانا مخلف منها ... واجهتها بالموضوع لكن للأسف بيننا طفل ...أنا مش عايز افضحها عشان ابننا عرضت عليها انها تنطلق وتاخد فلوس وهي كده كده مش عايزة الطفل 

-ايوة وانا مالي 

قولتها بقوة ...كان مفروض اتعاطف معاه  بس لا اللي سمعته ضايقني ...يعني ايه مش من حقي أن حد يتجوزني لذاتي يحبني !!!

فرك أيديه بتوتر وقال:

-احنا هنتطلق وهي هتسيب ابني ورافضة حتي تشوفه وهتاخد الفلوس وتمشي ده اخر اتفاقنا فأنا عايز يعني 

-عايز مربية اطفال صح بس بدون أجر 

-يا آنسة أنا ...

قومت وقولت :

-طلبك مرفوض يا استاذ احمد اتفضل امشي ...

وبعدين دخلت اوضتي وسبته وفضلت اعيط ...قلبي كان مك*سور ...بفتكر فرحتي لما عرفت أنه العريس بس اتك*سرت نفسي لما عرفت اني هكون مجرد مربية ...مربية اطفال ..هتحمل مسؤولية ابن مش ابني ويا عالم بعد ما يكبر ابنه يرميني ويتجوز الاحلي مني ...ليه أنا متحبش ...هو انا مستاهلش الحب ؟!

دخل ابويا وحضنني وقال:

-ايه اللي حصل بس 

-انا كر*هت حياتي يا بابا ليه أنا كده ...ليه محدش بيحبني ..ليه 

-انا بحبك. الله يا بنتي ...انتي اغلي حد عندي !

.....

تاني يوم قومت من النوم وانا عينيا منفخة من العياط ...جهزت عشان اروح الشغل ...وقف قدامي بابا وقال:

-بلاش يا بنتي تروحي النهاردة وسيبي شغلي ده ..

بصتله بحزن وقولت:

-شغلي ده هو اللي مصبرني علي اللي أنا عايشاه ...

-طيب افرض طر*دك عشان رفضتيه. 

-لو ط*ردني هشوف شغل تاني اصلا أنا ناوية علي كده فعلا هستمر في الشغل لحد ما الاقي شغل احسن

-اللي يريحك يا بنتي 

.. ...

روحت الشغل وانا بتجنب احمد خالص ..طح*نت نفسي في الشغل وفضل بيا الحال كده ...

مر اسبوعين وجه عيد ميلادي التلاتين  وكنت متضايقة وبعيط طول الليل ومرضتش حتي احتفل بيه كنت بخاف من السن ده اوووي بخاف يعدي ومتجوزش وفعلا حصل ومتجوزتش وعديته ....بابا حاول يخرجني من المود ده بس مقدرش بالعكس قفلت علي نفسي وفضلت اعيط لحد ما حسيت قلبي هيخرج من مكانه. ..

تاني يوم روحت الشغل وعيوني دبلانة قابلتني سلوي وهي مبتسمة وقالت:

-طب سنة وانتي طيبة يا منمن كملتي تلاتين سنة خلاص فرصك في الجواز راحت خالص ...

مسكت دراعها. قعدت اعز فيها وعيوني حمرا من العياط :

-عارفة لو مبطلتيش استفزازك هقت*لك فاهمة  ولا لا

حسيتها خافت مني ...بعدت عنها وروحت ..خلاص فاض بيا وقررت ...دخلت اوضة احمد من غير استئذان وقولت بصوت قوي :

-انا موافقة اتجوزك بس بشرط

-اتفضلي 

-جوازنا يكون صوري !

يتبع

اللي عاوز تكملة الروايه يعمل متابعه من هناااااااا

تكملة الروايه الأخير من هنااااا