 |
الجزء التالت♥️شكرا علي تفاعلكم السكر♥️بقلم سولييه نصار♥️
-انتي عايزة كده فعلا
قالها بهدوء فهزيت راسي وقولت :
-ايوة أنا عايزة اتجوز عشان كلام الناس وانت عشان ابنك أنا هربيلك ابنك بس بشرط ملكش عندي حقوق زوجية
-ماشي حاضر
-ولا تخو*ني كمان
-عيوني
-ولا تتجوز عليا
هز رأسه وقال :
-موافق اي أوامر اخري
هويت راسي وقولت:
-ومتقولش لبابا علي الاتفاق
-اكيد طبعا
ربعت أيدي وقولت:
-وانت عندك شروط
هز رأسه وقال:
-شرطي الوحيد انك تهتمي بإبني مش هجبرك تسيبي شغلك هو كده كده في الفترة الصباحية في الحضانة بس لما تكوني في البيت تهتمي بيه كويس وتصاحبيه...غياب أمه مأثر عليه
-وانا موافقة علي الشرط اتفقنا ...
......
مر يومين وأحمد جه واتقدملي ووافقت واتفقنا أن الفرح هيكون بعد اسبوعين وعملنا خطوبة بسيطة في البيت ...وبعدها كنت بروح الشغل بهدوء ومن غير ما احتك باحمد ....سلوي لما عرفت بإرتباطي بيه كانت هتم*وت من الصدمة وقفت قدامي وقالت:
-البخت للوحشين فعلا ...بقا انتي تتجوزي احمد بيه ...
-شوفي ازاي أيوة هتجوز احمد بيه
هزت راسها بغيظ وضحكت وقالت:
-انا مش عارفة هو بصلك علي ايه ..
لسه هرد جه احمد من ورايا وقال بحزم:
-انسة سلوي انتي جاية هنا تشتغلي ولا تتكلمي إذا كان بتحبي الكلام للدرجادي خلاص ايه رايك نرفدك
-احمد بيه أنا...
-مدام سلوي مني هتبقي مراتي فالافضل تحترميها والا بنفسي هط*ردك فاهمة ...
اتوترت سلوي وهزت رأسها وراحت تكمل شغل ...
.....
مر الاسبوعين وعملنا الفرح لبست الفستان بعد ما احمد وبابا اصروا كان باين عليا الحزن والنكد ....احمد جابلي محمد ابنه عشان اتعامل معاه وبصراحة كان لطيف اووي ...تم الجواز وروحت بيت احمد ...دخلت اوضتي وراح احمد ينوم ابنه ...بصيت لنفسي في المرايا وانا بعيط ...اليوم ده كان مفروض ابقي أسعد واحدة بس انا تعيسة مكنتش اتمني اتجوز كده حلمت دايما اتجوز واحد احبه ويحبني واعيش قصص حب الروايات ...مسحت دموعي وقررت اعيش حياتي وامري لله ...لسه هخلع فستاني لقيت حد خبط علي الباب ودخل ...ببص لقيته احمد ...بصتله بخوف وقولت:
-جاي ليه
لسه هيرد فقولت:
-انت عايز ايه مني ...انسي انك تلمسني انسي ...
-اهدي بس
قالها بتوتر ...روحت جريت وانا ماسكة الفازة وقولت:
-والله لو فكرت تلمسني لاضر*بك بالفازة دي افتح نفوخك
ضحك وقال:
-اهدي بس والله ما هلمسك انا جاي اخد هدومي واطلع انام جمب ابني متقلقيش ....
لسه هرد لقيت محمد دخل وقال بصوت طفولي:
-ممكن انام جمب ماما الجديدة يا بابا ...
قلبي رق وقولت من غير ما احس :
طبعا يا حبيب ماما
وبعدين روحت وحضنته جامد وساعتها قلبي دق بسرعة اول مرة يدق بالطريقة دي ..حسيت فعلا أن ده ابني حسيت اني سخيفة ...
بصيت لأحمد وقولت :
-خلاص انت روح نام في اوضة محمد وهو هينام جمبي ...
بصلي محمد وقال ببراءة:
-خلي بابا ينام جمبنا
ضحك احمد ووشي احمر وحسيت أن نفسي اقطع لساني اني وافقت أنه ينام جمبي ...قال أحمد بخبث :
-ها يا ماما الجديدة هتك*سري بخاطر ابنك من اولها كده!
يتبع
#جميلتي
#سولييه_نصار
الجزء الاخير♥️شكرا لتفاعلكم السكر♥️بقلم سولييه نصار♥️
-اووف
نفخت في سري بس ابتسمت وقولت:
-تعالي يا حبيبي نام جمبي وجيب ابوك معاك ...
بصيت لأحمد بغيظ واخدت هدومي ودخلت الحمام ...
بعد شوية اخدت محمد في حضني واحمد نام علي الطرف التاني من السرير ونومت ...شوية وحسيت بحد بيلمس أيدي فتحت عيني لقيت احمد صاحي وبيحاول يمسك أيدي ضر*بته علي أيده فاتخض بصتله ببرود وقولت؛
-نام بقولك ...
دور وشه من الناحية التانية ونام بسرعة ... ابتسمت أنا ونومت كمان ...
.....
تاني يوم
صحيت وجهزت محمد عشان الحضانة ...عملتله الاكل اللي بيحبه ولبست هدومي ...
احمد صحي وقال :
-هخلي السواق يوديه
هزيت راسي وقولت :
-لا مفيش داعي أنا هوديه
-انتي
قالها بصدمة فهزيت راسي وقولت:
-كمان هقعد معاه هناك عايزة اشوف نظام الحضانة وهل هي آمنة كفاية ولا لا وتعامل المدرسين ازاي وكده .... وكمان هاخد إجازة طويلة شوية من الشغل عشان اضبط اموري مع محمد وأحاول أخرجه شوية وكده ...
بصلي احمد وسكت ...اتوترت وقولت:
-بتبصلي كده ليه
قرب مني وباس.دماغي ..أتوسعت عيني بصدمة ..بعد هو وقال بإمتنان :
-شكرا علي اللي بتعمليه مع محمد
قلبي قعد يدق جامد يا دي النيلة قلبي بقا يدق للولد وأبوه...قلب مهز*ق بصحيح طم*عان في اللي مش ملكه ...مسكت ايد محمد ومشيت ...
......
مرت الايام وانا بعامل محمد كأنه ابني بالضبط...بلعب معاه وبذاكرله وكنت فرحانة اوووي ...فرحانة كلمة قليلة كنت طايرة من الفرحة ...ازاي أم تسيب ولد بالجمال والبراءة دي ...ازاي تبيعه عشان الفلوس ...ده انا قعدت معاه ايام واتعلقت اوووي بيه وحبيته ...كنا في يوم بنلعب استغماية...كنت رابطة عيني وبجري ورا محمد وبضحك وهو بيضحك كمان
و
من بعيد كان واقف احمد بيبص عليهم وهو مبتسم بحب وبيفكر ازاي مني قلبت حياته جنة بالشكل ده وخلت ابنه يضحك تاني ...مش ابنه بس ...احمد حب الحياة بسببها ...بسبب جمالها وشقاوتها للاسف هي عندها جمال مش شايفاه وبسبب كده هي مخلياه بعيد عنها ...بس خلاص قرر النهاردة يتكلم معاها ولو حصل ايه !!
.....
نومت محمد في اوضته وكان أحمد لسه مجاش ...روحت أوضتي ودخلت اخد شاور طلعت واتخضيت لما لقيت احمد في الأوضة
-فين حاجة
-حابب اتكلم معاكي ...
قعدت علي السرير وقولت بحذر:
-خير يا احمد فيه ايه ؟!!
-مني أنا بحبك
بصتله وانا مصدومة وقولت:
-انت بتهزر صح
هز رأسه وقال:
-ده اللي حصل ...
قومت وقولت:
-انت بتقول كده عشان اديك حقوقك الزوجية
قام وقال بهدوء:
-لو كنت عاوزها هاخدها ومش انتي اللي هتمنعيني أنا بحاول اتفهمك بس يا مني بقولك اهو أنا بحبك وعايز أعيش حياة طبيعية معاكي نخلف سوا ونربي ...عايزاكي تعوضيني علي اللي حصلي وانا اعوضك عن الاذ*ي اللي الناس سببتهولك!
دموعي نزلت وقولت:
-وبعدين تكتشف أن مش أنا فتاة احلامك وتطلقني وتتجوز الاحلي مني
-انا لو مكنتش ناوي اعيش معاكي مكنتش اتجوزتك ..أنا عايزك انتي افهمي ...
هزيت راسي وانا بعيط ..قرب وحضنني وقال:
-اديني فرصة واحدة بس اثبتلك ...فرصة واحدة
غمضت عيني وحضنته كمان وكانت دي موافقة مني اني اجرب ...اجرب اتحب
....
وفعلا احمد طلع قد وعده وعيشني بسعادة ...كنت سعيدة معاه ولأول مرة احس الحياة بتضحك ليا ...
اخدنا خطوة أننا نخلف بس للاسف لما روحنا الدكتور قالنا اني عندي تكيس علي المبايض بسبب السمنة المفرطة عشان كده انا وهو اخدت قرار اني اخس ...اشتركت في جيم وتابعت مع دكتورة تغذية وبعد سنة وصلت للوزن المثالي
....
بعد سنتين ونص من جوازي بأحمد ....
-مبروك يا حبيبتي
قالها آحمد وهو بيبوس راسي وانا ماسكة ببنتي الصغيرة فريدة بعد ما خلفتها ...ابتسمت ليه بسعادة ...كنت فرحانة اووي أن ربنا بيكرمني بالطريقة دي ...قرب محمد مني وقال:
-ممكن اشيلها يا ماما
-لا يا حبيبي عشان لسه صغيرة بس ممكن تبوسها
-ماشي
باسها محمد وقالي :
-انا هحميها دايما ...
ضحكت وانا ببوسه وبحضنه حضننا احمد كمان وقال:
-انا بحبكم♥️
بصتله بحب فقال:
-بحبك يا جميلتي ♥️
-وانا كمان♥️♥️
تمت
#جميلتي
#سولييه_نصار
تعليقات
إرسال تعليق