 |
البارت التالت (روايه تزوجت معاق واصبحت جيشه الوحيد) ❤️✨
ونزلوا لتحت وقابلوا سفيان واخدهم للمطار وودعهم ورجع هو على باريس
فى ايطاليا
كانت الشركه اللى مسافر عاصم عشان يتمم معاها الصفقه مش راضيه عشان هو ليه حصه قليله اوى فى اسهم الشركه وكان احمد هو اللى متفق معاهم مش عاصم وكانوا عايزين احمد هو اللى يجى وعاصم كان بيموت من الغيظ رغم ان اخوه معاق بس لسه تحت رحمته
عاصم رن على دريه
دريه من باريس شافت الفون باسم عاصم قامت وسندت ع ض*هر راجل نا*يم جنبها
دريه:الو عايز ايه يا عاصم
عاصم:الشركه مش راضيه تتمم الصفقه الا فى وجود احمد
دريه:طيب وانا مالى بتكلمنى ليه
عاصم:عايزك تنزلى مصر وتخلى البت اللى مع احمد تقنعه يعملى توكيل عشان اعرف اخلص الصفقه دى
دريه:طيب ماتنزل انت انا مش هسيب متعتى عشان صفقتك دى
عاصم:مينفعش انزل والا هيلغوا الشغل كله
دريه:طيب وانا هستفاد ايه من كل ده
عاصم:عايزة ايه يا دريه اخلصى
دريه:عايزة10٪ من اسهم شركه الصويفى
عاصم:انتى بتحلمى
دريه:خلاص براحتك يبقى مش هنزل واتصرف انت بقى
وقفلت الفون فى وشه
سفيان:فى ايه يا حبيبتي
دريه:عايزنى انزل مصر اخلى احمد يمضى على توكيل ليه عشان الشركه رافضه ان عاصم ياللى يتمم الصفقه ...تخيل مش راضى يكتبلى اي حاجه مش عارفه اخد حاجه منه
سفيان:اهدى بس يا حبيبتي اتصلى على عاصم وقوليله انك هتسمعى الكلام وهتنزلى مصر
دريه:ايه انت بتقول ايه عايزنى اسيبك وانزل مصر
عاصم:مانتى لما تخلى احمد يعمل توكيل لعاصم وعاصم يحصله حادثه يموت ولا يتشل فيها زى اخوه ساعتها انتى اللى هيبقى ليكي كل حاجه
دريه عجبتها الفكرة وقالتله:خلاص هكلمه واقوله انى نازله بكره
سفيان:لا مش بكره قوليله هتنزلى بس بعد يومين ماحنا عايزين نستمتع بالسفريه دى
دريه بضحك مايصه:اوكى يا بيبى
«««««««««««««««««««««
وبعد عدة ساعات وصلوا المانيا
«««««««««««««««
فى المانيا كان احمد قاعد على السرير لما جاله فون من باريس
احمد:ها يا سفيان ايه الاخبار
سفيان:الخطه ماشيه زى ماحنا عايزين بالظبط والشركه معطله عاصم هناك زى ما اتفقنا
احمد:طيب كويس خليك متابعه كل حاجه لحد ما اعمل العمليه وارجع مصر بس اهم حاجه محدش يرجع قبل مانا ما ارجع سفيان:متخفش كله تحت السيطرة
احمد بضحك:طيب سلام
فى الوقت ده دخل الدكتور
الحوار مترجم
الدكتور: ها مستر احمد جاهز للعمليه
احمد:ايوا جاهز بس حضرتك ضامن العمليه دى
الدكتور:انا بقالى عشر سنين فى المانيا وبعمل العمليه دى وبتنجح بس برضو الاول والاخر ده بفضل ربنا
احمد:وانا واثق فى ربنا وفى حضرتك من بعده
الدكتور:طيب انا هبعت دكتور التخدير عشان يخدرك
احمد:طيب ممكن تبعتلى فريده الاول
الدكتور:حاضر
خرج الدكتور من الاوضه وبعت فريده زى ما طلب احمد
فريده:ها ياحمد كنت عايزنى فى ايه
احمد:كنت عايز اشوفك قبل ما ادخل العمليات ومسك ايدها
فريده حست برعشه فى جسمها بس تجاهلتها وفضلت سايبه ايدها فى ايده وعينها فيها دموع
احمد: مالك
فريده:خايفه عليك
احمد فرح لما قالت انها خايفه عليه
احمد:متخفيش دى بيسطه وان شاء الله هخرج منها بالسلامه
*فريده حبت تغير الموضوع*
فريدة بضحك: اه ولما تقوم بالسلامه ان شاء الله هتكتبلى الشيك اللى على بياض
احمد:اقوم بس وانا هديكى اللى انتى عايزاه
فريدة: كل اللى عايزاه تقوم بالسلامه
وفى اللحظه دى دخل الدكتور ومعاه دكتور التخدير
الدكتور: يلا يا مستر احمد
قربت فريده من احمد فى حركه جريئه وباست جبهته وقالت: ان شاء الله هترجع زى الاول وأحسن
وخدوا الدكاتره احمد وباسوا فريده فى الاوضه
عدت ساعه والتانيه والتالته وعده ساعات على احمد وهو جوه لسه مخرجش وفريده فى اوضه تانيه غير بتاعت احمد قاعده بتصلى وتدعى م بتمل ولا بتكل ودعاء مسحوب بالعياط لحد ما الفون بتاع الاوضه رن
فريده: الو
الدكتور: تعالى يا مدام فريده مستر احمد خرج
فريده بفرحه: حاضر جايه
وراحت فريده لاوضه احمد لقيت احمد نايم والدكتور معاه لحد مهى تيجي
فريده: يا دكتور هو كويس
الدكتور: ايوا
فريده: طيب العمليه نجحت
الدكتور: مش هنعرف غير لما يفوق بعد اذنك
فريده: اتفضل
وقعدت فريده على الكرسى اللى فى الاوضه وفضلت تعيط وتدعى انه يقوملها بالسلامه والعمليه تنجح وفضلت على الحال ده لحد نهار تانى يوم وهى بتعيط وتدعى لحد ما جه همس من وراها
احمد:فريده
فريده بصت ناحيه الصوت لقيت احمد واقف وراها
فريده:ايه ده احمد انت واقف قدامى بجد ولا انا دماغى فوت من كتر مانا مشغوله بيك احمد ضحك وقال:لا واقف قدامك بجد
فريده:طيب ياحمد انا هغمض واعد لحد تلاته لو انا بيتهيألي انك قومت ارجع للسرير تانى عشان متجنش ولو انت قمت بصحيح خليك واقف
وفعلاً غمضت عينها واعدت لحد تلاته وفتحت عينها بس لقيت احمد شايلها من على الارض
فريده: انت طويل ولا انا اللى قصيره اوى
ضحك احمد على كلامها
وفى اللحظه دى دخل الدكتور
الدكتور:الف مبروك يا مستر احمد
احمد نزل فريده وفريده اتكسفت
احمد:الله يبارك فيك يا دكتور
الدكتور:طيب ممكن ترجع على السرير عشان اكشف عليك اطمن
ورجع احمد للسرير وبعد ما خلص الدكتور كشف
الدكتور: كده خلاص حمدلله ع سلامتك ده كله بفضل ربنا وبفضل دعوات مدام فريده
فى الوقت ده فريده اتكسفت وبصت فى الارض
الدكتور: انا هكتبلك على شويه تمارين وادويه عشان رجلك ترجع لليونه بتاعتها تاني بس اهم حاجه تهتم بالمواعيد
احمد: حاضر يا دكتور
الدكتور:بعد انكوا
فريده:اتفضل
خرج الدكتور
احمد: كنتى بتدعيلي من قلبك
فريده:كل كلمه كانت طالعه من قلبى
احمد:كنتى خايفه عليا
فريده:طبعا مش انت جوزى
فون احمد ترن ترن
احمد:الو يا سفيان
سفيان:ها ياحمد عامل ايه
احمد:الحمدلله العمليه نجحت يا سفيان
سغيان بفرحه:الف مبروك يا حبيبي
احمد:الله يبارك فيك انا راجع مصر النهارده
سفيان:ترجع بالسلامة
وووووووووووو
Stop.
البارت خلص نشوفكوا فى بارت جديد ان شاء الله ☺️💙
اللي عاوز الرابع يعمل متابعه من هنا
#يتبع..
#تزوجت معاق واصبحت جيشه الوحيد❤️✨
#بقلم شهد الشيخ☁️💙
البارت الرابع من هنا
تعليقات
إرسال تعليق