 |
نور العمر
كانت واقفه وبتشاور للعربيات عشان تقف
: لا بقا دا اي اليوم الفقر دا مفيش ولا عربيه فاضيه كلو مليان مليان اعمل اي دلوقتي كدا هتاخر
شافت عربيه جايه
: يارب افرجها علينا دا انا غلبانه
شاورت واخيرا العربيه وقفت : لولولوي اخيرا
السواق : يلا ي انسه في مكان ورا بسرعه
لسه هتدخل الشنطه بتاعتها خبطت في وش واحد : انا اسفه
بتلف خبطت في وش واحد تاني : في اي ي جماعه ما تبعدو وشكو
الناس بصت ليها بستغراب وهي شافت المكان الي هتقعد فيه كان جنب شاب حاطط الهاند فري وبيقرا كتاب
هي لنفسها : يختي هادي وقمور وحلاوه احمم اعقلي ي بت
قعدت جنبه وهو حتي مبصش ليها كان في عالم تاني
وهي كانت بتبص ليه وبتحاول تقرا معاه في الكتاب وطلعت عصير ولسه بتفتحو وقع علي رجله وعلي الكتاب
: نهاراسوح
هو بصلها بغضب : انتي غ*بيه اي الي عملتي دا
: دا دا دا عصير (ابتسمت ومددت ايديها الي فيها العصير ليه)
هو بصلها بغضب وكويس انو كان لابس بنطلون اسود وقفل الكتاب وحطه في الشنطه وبقا باصص من شباك العربيه
: ونعمه ي كابتن ما كان قصدي اسفه
بصلها : حصل خير ي انسه
: لا احلف انك مسامحني
: والله مسامحك
: مش حساها احلف تاني
: ما خلاص ي حجه قولنا خلاص
ابتسمت : ماشي اسمي نور
ابتسم : وانا عمر
نور تليفونها رن : عايزه اي ي وليه
……..
نور : بس بس والله جايه في الطريق اهو
…….
نور بصوت عالي : مكنش فيه عربيات اطير يعني(ولاحظت صوتها وكل الي في العربيه بصلو ليها) منك لله اقفلي
وقفلت في وشها
السواق : الاجره ي كباتن
نور ابتسمت : ممكن انا ادفع كاتعويض عن الي حصل
عمر : لا لا حصل خير (وطلع الفلوس من جيبه)
نور : ياخي والله ابدا انا الي هدفع
عمر : ي انسه مينفعش قولتلك سمحتك وخلاص
نور : والله والله تاني لادفع ميصحش انا بنت أصول برضو
عمر بنفاذ صبر : تمام يستي
نور مسكت شنطتها واتصدمت لما…..
#يتبع
البارت 2❤️❤️
(طبعا كلكو فكرتو انها مش معاها فلوس او نسيتها بس انا ضحكت عليكوا 😂)
نور مسكت شنطتها واتصدمت وافتكرت انها نسيت حاجه مهمه طلعت الفلوس بسرعه وادتها للسواق : وقف العربيه بسرعه
السواق : في اي ي انسه
نور : وقف الله يكرمك ي عمو السواق نسيت حاجه مهمه
عمر : اقف يسطا
والعربيه وقفت ونزلت نور وهي بتجري
عمر اتنهد : اخيراا
مشيت العربيه تاني وعمر حط الهاند فري وبقا باصص من الشباك وبعد فتره نزل من العربيه
وتليفونه رن
عمر ببتسامه : الو ي حبيبتي
كارما بغ*ضب : انت فين ي استاذ اتاخرت لي
عمر : طب قوليلي حمدلله علي سلامتك حتي
كارما : حمدلله علي سلامتك حتي هاا يلا تعالي بسرعه بقا ي عمر
عمر : حاضر ي كارما 5 دقايق وهكون عندك
كارما بسعاده : ماشي ي حبيبي
وقفل معاها
عمر افتكر نور : يا ترا حصل معاها اي ولي نزلت من العربيه بالسرعه دي (استوعب كلامه) انت مالك انت
وقف تاكسي وقاله علي العنوان وبعد فتره وصل قدام عماره وركب الاسانسير وطلع خبط علي باب شقه وفتحت بنت جميله قابتلو ببتسامه وحضنتو
كارما : وحشتني اوووووي
عمر : وانتي كمان ي حبيبتي
كارما : مااامااااا عمر جه
جت الام وفضلت تحضن فيه : وحشتني يبني كدا تغيب سنه كامله
عمر : معلش ي امي كان عندي شغل كتير بس نقلت كل حاجه هنا ومش هسافر تاني
كارما بحماس : طب يلاا قوم بقا عشان نجهز لحفلة عيد ميلادي
الام : خلي اخوكي يرتاح شويه يالي ما عندك د*م
عمر ضحك : مش تعبان ي امي (وبص لكارما) يلا ي ستي
بعد فتره كانت كل حاجه جهزه وصحاب كارما بداو انهم ييجو
: كااااااارماااااااااا
كارما ابتسمت : اخيرا جيتي
: سوري ي بيبي نسيت دي (ورفعت ايديها)
كارما : بيتزا حبيبتي يصحبتي
وجريت عليها حضنتها
عمر كان بيغير هدومه وسمع صوت حس انه سمعو قبل كدا ومش غريب عليه ولما طلع من الاوضه
عمر : انتي
#يتبع
البارت 3❤️
عمر : انتي
نور بصتلو بصدمه : انت
كارما : انتو تعرفو بعض
نور ضحكت : ايوا شوفتو في العربيه ووقعت عليه العصير (وبص ليه بسرعه) بس غصب عني والله
عمر ضحك : حصل خير
نور : ما انت بتضحك اهو يعم المهم اي الي جابك هنا
كارما : احب اعرفك دا اخويا عمر
نور : اخوكي الي كان مسافر
عمر : هو بعينه
نور : طب نورت ي كابتن والله
بقا كل صحاب كارما موجودين وقطعة الكيك
كارما : يلا غني
نور : لا يستي انا بتكسف
كارما : يشيخه! ودا من امتي
نور : اخوكي الحلاوه موجود وهتكسف
كارما : عشان خاطري ي نور وحياتي
نور : خلاص اسكتي
وبدات نور تغني وكل الموجودين انتبهو ليها كان صوتها جميل جدا وعمر ابتسم
كان طول الوقت بيتابعها بعينه ولما بتغيب عيونه بدور عليها لغايت ما تظهر تاني
مامته : مالك ي حبيبي وقف كدا لي
عمر ابتسم : مفيش ي ست الكل
(وسمعو صوت ضحكه عاليا من كارما ونور) هي مين دي ي ماما
مامته ابتسمت : دي نور صحبة اختك اوي وطيبه وجدعه اوي
عمر بصلها وابتسم : ومجنونه اوي
مامته : اي ي حبيبي
عمر اتوتر : لا.. لا حاجه
عدا الوقت وبدا الموجودين يمشو
كارما لنور : هنتقابل بكرا (وكملت بستغراب) انتي هتروحي لوحدك في الوقت دا
نور : ايوا عادي
عمر : احمم عادي ازاي لا طبعا انا هوصلك
كارما : ايوا ي نور خلي عمر يوصلك مش هينفع تمشي لوحدك
الام : خلي بالك منها ي عمر
نور : ي جماعه هو انا راحه حرب دا بيتي في الشارع الي بعدكوا
كارما : ولو ولو.. برضو عمر هيوصلك
وفعلا عمر نزل معاها
عمر : نور
نور وهي بصه قدامها : ارغي
عمر : ارغي؟ ما علينا انتي لي نزلتي من العربيه بالسرعه دي
نور ببتسامه وتلقائيه : عشان عارفه ان كارما بتحب البيتزا وهتفرح اوي لو جبتها
عمر وقف وبصلها وابتسم ولاحظ حاجه بتلمع في ايديها
عمر مسك ايديها : انتي مخطوبه
نور : ايوا
عمر اتصدم :...
#يتبع
شكرا علي تفاعلكم القمر😊❤️
البارت 4 ❤️
عمر : انتي مخطوبه؟
نور بصت للخاتم وبعدين بصت لعمر وابتسمت بخ*بث : ايوا
عمر حس بحز*ن : من امتي
نور : اممم مش فكره
وكملت مشي وعمر مشي جنبها وهو هي*طق (ي*حرام😂)
عمر : بتحبيه
نور بصتلو وهي بتمشي : يمكن مش عارفه
عمر بصلها بستغراب : ازاي مش عارفه
كانو وصلو قدام العماره الي ساكنه فيها نور
نور : انا عايزه انام تصبح علي خير
وسبتو ومشيت بسرعه
عمر : نور استني (بس كانت مشيت من قدامه بسرعه )
خبط برجله الارض ب"غل : دا اي الحظ الهباب دا
وبص العماره : يعني انا عمري ما فكرت احب او حتي اعجب بواحده ويوم لما تعجبني بنت تطلع مخطوبه دا ن*حس اي دا بس
ومشي رجع البيت كانت مامته وكارما نامو دخل الاوضه بتاعته واترمي علي السرير من كتر التعب ونام
صحي علي صوت عالي من مامته وكارما
كارما : اتاخرت علي الجامعه اهو
مامتها : انتي الي نايمه زي الق"تيل بصحي فيكي من بدري
كارما : لا مسمحلكيش تقولي عليا ق"تيل
مامتها : وان شالله ما سمحتي انا اقول الي انا عيزاه
كارما حطت ايديها في وس*طها : لولا انك امي وست كبيره كنت رديت عليكي
مامتها قلدتها : اعتبريني مش امك ولا ست كبيره وردي عليا ي محترمه (وكملت بز*عيق) دا الي كان بيعلمو ليكوا في المدارس ي متعلمين ي بتوع المدارس .. يلا ي فاشله
عمر خرج من الاوضه : باااااااس في ايه
كارما : الست دي بتز"عقلي
عمر : الست دي؟؟ والله عندها حق انتي فاشله فعلا
كارما طلعت لسا*نها ليه : ماشي ي اخويا يلا انا ماشيه
مامتها بحنان : مش هتفطري
كارما راحت ليها وباستها من جبينها : لا ي ست الكل هفطر مع نور
عمر : مين الي كانو بيتخانقو دلوقتي دول
كارما : جرحنا بيلم بسرعه ملكش دعوه
عمر ومامتها ضحكوا وهي مشيت
كارما ونور اتقابلو وراحو الجامعه سوا
نور : انا مش عايزه ادخل المحاضره بتاعت الدكتور دا ر"خم وبا"رد
كارما : لا استحملي ي حبيبتي عشان هنسقط في الماده دي انا مش عارفه اي حاجه فيها
نور نف*خت : قدامي يستي اما نشوف اخرتها
عدت ساعتين واخيرا المحاضره خلصت ونور طلعه مش طي"قه نفسها عشان الدكتور زع"قلها لما لقاها مش مركزه
كارما بضحك : خلاص ي نور
نور : يز" عقلي لي ان شاء الله يعلي صوته عليا لي الي ين*قطع لسانه وميعرف يتكلم ولا ينطق تاني دا
كارما ضحكت : ي بنتي حر"ام عليكي احنا من ساعة ما خرجنا من المحاضره وانتي عماله تدعي عليه
نور : نعمممم يختي حر"ام هو اي الي حر"ام والبهدله الي بهدلها ليا جوا دي كانت اي حلال
وقلدتو *الانسه الي نايمه علي نفسها في عندكو سرير في البيت انتي مش جايه الجامعه تنامي صحصحي بدل ما تطلعي برا * ما طلع برا هو هيهددني عاااا حا"رق د"مي البعيد
كارما بقت مش قادره تبطل ضحك ولا قادره تنطق
نور : انا بقولك نكته ولا حاجه ي انسه
كارما كتمت ضحكتها : لا لا يلا نمشي
خرجت نور وكارما من الجامعه وشافو عمر
كارما : عمر بتعمل اي هنا
عمر ببتسامه : جاي اخدكم (وبص لنور) ازيك ي نور
نور ببتسامه : الحمدلله وانت
عمر بص لايديها ملقاش الخاتم استغرب : انا تمام الحمد لله
نور : طب انا همشي ي كارما
عمر بسرعه : لا اكيد هوصلك معانا
كارما : هتمشي تروحي فين يلا ي ماما قدامي
ومشيو هما التلاته وبعد فتره نور وصلت قدام العماره وطلعت لبيتها
عمر بستغراب وبص لكارما : هي نور لي مش لابسه خاتم الخطوبه
كارما : خطوبه ؟! خطوبة اي
عمر : هي مش نور مخطوبه !
كارما :.....
اسفه جدا علي التاخير وشكرا علي تفاعلكم القمر ❤️❤️
البارت 5 والاخير
عمر بستغر"اب وبص لكارما : هي نور لي مش لابسه خاتم الخطوبه
كارما بستغر"اب : خطوبه ؟! خطوبة اي
عمر : هي مش نور مخطوبه !
كارما ضحكت : نور مخطوبه مين الي قال كدا
عمر كشر : هي الي قالت
كارما ضحكت : لا مش مخطوبه يبني اكيد كانت بتهزر
عمر : طب واي الخاتم الي كانت لبساه دا
كارما : مش عارفه قصدك علي اي خاتم بس نور بتحب تلبسهم جدا (وضحكت) اكيد كانت بتهزر لما قالت إنها مخطوبه
عمر جز علي سنانه : بتهزر طب تمام
وكملو الإتنين مشي لغايت ما وصلو العماره وطلعو البيت
مامتهم : كويس انكو جيتو يلا عشان نتغدا عشان انا جعانه اوي
كارما : وانا يماما والله جعانه
جهزو الغدا وقعدو ياكلو
عمر : احمم ماما انا عايز اقولك علي حاجه
مامته : قول ي حبيبي
عمر : انا قررت اخطب زي ما انتي عايزه
مامته فرحت جدا : بجد ي عمر
كارما فرحت : هي مين طيب
عمر : نور صحبتك
كارما بفرحه اكبر : احلف
عمر ضحك : اه والله
مامته : زين ما اخترت ي حبيبي نور بنت محترمه وجدعه واهلها محترمين ومبسوطه اوي ليك وهروح لاهلها بكرا
عمر : طب هطلب منك طلب (وبص لكارما ومامته) نور متعرفش ان انا الي متقدم ليها
عدا اليوم وجه يوم جديد كارما ونور راحو الجامعه كان عندهم محاضره واحده خلصوها وروحوا
نور اول ما دخلت البيت
مامتها : جيلك عريس ي انسه
نور : مرفوض ها حاجه تانيه
مامتها ضحكت : ي بنتي انا زه"قت منك وعيزاكي تغو"ري من هنا بقا
نور : قعده علي قلبك ي بيبي (وبصت لباباها) الحاج ابويا دا عايزني صح ي حاج
باباها ضحك : انا اقدر استني عنك
نور جريت عليه وحضنتو : ولا انا اقدر استغني عنك ي بابا
باباها : عشان خاطري ي نور وافقي تشوفي العريس واناومامتك مش هنغ*صب عليكي بس شوفي ي حبيبتي
نور : حاضر ي بابا الي حضرتك عايزه
مامتها : ايوا عشان هو الي قالك وافقتي انما انا لا اخس عليكي
نور ضحك وقامت با"ستها من جبينها : انا ليا غيرك ي ست الكل دا انتي بركة البيت.. يلا هدخل انام شويه
باباها : العريس واهله جايين بلليل
نور كشرت : اي السرعه دي علي العموم ماشي هنام ولما اصحي هجهز باااي
دخلت اوضتها ورنت علي كارما
نور بصوت عالي : الحقيناااااااي
كارما شالت التليفون من علي ودنها بسرعه : نهاراسو*ح (ورجعتو تاني) فييي اي يالي من"ك لله
نور : جايلي عريس ي كرمله
كارما بخ"بث : طب وفيها اي هو اول عريس يعني
نور : لا ما هو مش زي كل مره بابا وماما مصممين اقابله
كارما : طب وانتي هتعملي اي
نور اتنهدت : قولتهم ماشي
كارما ابتسمت : برافو… احممم قصدي برافو انك مش زعلتيهم اهم حاجه رضا الوالدين برضو
نور : طب غو"ري بقي عايزه انام
وقفلت نور في وشها ونامت وبعد فتره صحيت وجهزت وسمعت صوت دوشه برا عرفت انهم وصلو
كارما فتحت الاوضه بتاعتها : انا جيييت
نور : اي دا انتي العريس
كارما ضحكت : عريس اي ي هبله ازاي اسيبك فيوم زي دا يلا جيت اخدك
وطلعت نور مع كارما وشافت مامت كارما وعمر قعدين
نور استغربت وبقت تبص لمامتها وباباها وهي مش فاهمه حاجه
عمر قام وقف : ايوا ايوا انا العريس
نور : انت
عمر قرب منها قدامهم : بصي يستي بصراحه كدا انا معجب بيكي وعرفت انك (وج"ز علي سنانه) مش مخطوبه
نور ضحكت
عمر : تقبلي تتجوزيني ي نور
نور بصت للباباها ومامتها وحست انهم موافقين ورجعت بصت لعمر الي كان منتظر ردها بفارغ الصبر وبصت لكارما الي هزت راسها ليها بالايجاب
نور ببتسامه : اممم موافق
عمر فرح جدا ومامتها ومامته وكارما زغرطوا واتفقوا علي ميعاد الفرح
وتم فرح نور وعمر
وتوته توته خلصت الحدوته 😂❤️
رايكوا بقا
#تمت
#نورالعمر
#بقلمي_رحمه_محمد
تعليقات
إرسال تعليق