 |
اسكريبت كامل
_ هاااه يا دكتورة ايه الاخبار ؟؟
_ للأسف الولد مش باينلو ملامح.
_ ازاى يعنى مش فاهمة…
_ انتو قرايب ؟؟
_ اااهه احنا ولاد عم .
_ انا اسفه بس بس
_ بس ايه يا دكتورة…
_ الولد مشوه .
سمعت الكلمة دى قلبى وجعنى … بصيت لجاسر و بعدها بصيت للدكتورة .
_ اااا يعنى يعنى ايه الولد مشوه .. ؟؟؟
_ طبعا انتو سامعين عن جواز القرايب وللأسف الولد دلوقتى مش.وه وممكن كمان يطلع بمشاكل عقلية .
_ ممكن يا دكتورة تفهمينى اكتر .. ما كان فى الاول كويس وانتى قولتيلى ان الولد كويس ومفهيوش حاجة …
_ ايوة كان فى الشهور الاولى كانت كل التحاليل كويسة جدا بس مع دخول فى الشهر الخامس كان بدأت اجزاء الطفل تكبر وللاسف كبرت مع تشوهات فى الجسم ومنقدرش نستبعد انو ممكن يكون فى مشاكل عقلية …
فعلا الكلام ده نزل عليا زى السهم انى طفلى يطلع مش.وه ..
بعدها جاسر اتكلم .. _ وانتى تنصحينا بإيه يا دكتورة؟
_ الإجه.اض..
_ ايييييه … لاطبعا مستحيل مش بعد كل ده وأموته .
_ انا اسفة يا مدام بس انتى لازم تجه.ضيه لانو اصلا الحمل مش هيكمل ولو حتى كمل هيطلع الطفل ضعيف جدا ولما هيكبر هيأثر على نفسيتو … لازم تجهضى
بعدها مشينا وروحنا البيت وانا منهارة ومش مستوعبة فعلا حاجة صعبة جدا انك تعرفى ان طفلك الاول هيطلع مش.وه … لاحظت ان جاسر كان ساكت طول الوقت ومتكلمش …قلت بدموع :
_ انت ساكت ليه ؟
اقول ايه يا جميلة ؟
_ قول اى حاجة هون عليا حتى قول حاجة متفضلش ساكت كده …
وقال بكل هدوء بردو … جاسر من الاشخاص الهادية إللى مش بتتعصب بسرعة ومش بتبين حزنها قدام حد ولكن دى حاجة تخلى الواحد عايز يقتل نفسه ..
_ جميلة .. قلت وانا حاسه بنار جوايا ..
_ نعم …_ انتى طالق ..
ن صدمت صد.مة كبيرة مكنتش مصدقة انو ممكن يطلقنى .. ده اكيد مش حقيقى ..
_ انت انت بتقول ايه يا جاسر هو اللى انا سمعته صح ..
_ ايوة صح يا جميلة دلوقتى انتى هتجهضى مش هتجهضى ده مش هاممنى تقدرى تلمى هدومك وتمشى وورقة طلاقك هتوصلك قريب .بجد انصدمت ان جاسر ممكن يعمل كده والحب اللى كان مابينا احنا مجوزين عن حب يعنى كل ده راح …. وهو سابنى فى ديقتى دى وبيطلقنى ….
رحت لميت شنطة هدومى وكنت همشى لقيته قال ..
_ استنى هوصلك ..
_ لا شكرا هروح لوحدى ..
لقيته برقلى وقال :
_ انا قلت هوصلك يعنى هوصلك .
استسلمت وركبت معاه طول الطريق كنت ساكته وكانت دموعى بتنزل بصمت .
وصلت بيتى وهو مشى علطول طبعا مسلمتش من اسئلة اهلى قولتلهم على كل حاجة اقعدوا جمبى وهدونى تقريبا من غير اهلى مكننش عارفة هعمل ايه .
اهلى حاولوا يكلموا جاسر واتجمعوا فى كذا اجتماع عائلى يشوفوا الموضوع وانا كنت وقتها عملت العملية وإجهضت الولد فعلا انهارت انى فى الأخر بقتل روح بس انا مكنتش عارفة اعمل حاجة غير كده ..
لحد دلوقتى ملقتش سبب مقنع من اللى جاسر عمله ومفيش غير هو سبب واحد انو خايف انو ميخلفش او يخلف طفل مشوه… وعدت تلات شهور العدة وهو ماردنيش ليه .. حسيت بوجع كبيير اووى فى قلبى هو ليه عمل كده معقول مكنش بيحبنى …
بعدها بكام يوم لقيت واحد اتقدملى وده كان جمال كان متقدملى اكتر من مرة قبل جوازى بس انا رفضت عشان بحب جاسر بس انا المرة دي وافقت عليه عشان أحاول انسى جاسر حتى واللى عمله واحاول ابدأ حياة جديدة بس لقيت جاسر اتصل عليا يومها
,,,,,
الجزء_الثاني 👇👇
لقيت جاسر اتصل عليا يومها..
_ حضرتك وافقتى ليه ؟؟
_ قصدك ايه؟
_ انتى فاهمة قصدى كويس يا جميلة وافقتى عليه ليه ؟
_ وانت عايزاني ارفضه يعنى .
_ ااهه يا جميلة عايزك ترفضيه .
_ انا معدتش فهماك يا جاسر تتطلقنى وفى الأخر تقولى كده انا فعلا مش فاهماك ..
_ مش مهم تفهمينى يا جميلة اعرفى بس حاجة واحدة بس انك لو مبقتيش ليا مش هتبقى لحد غيري .. من الافضل ليكى توقفي الخطوبة دى وإلا هاجى اوقفها انا سلام..
وبعدها قفل مش هو اللى طلقنى ليه دلوقتى بيقولى كده طب مدام بيحبنى ليه طلقنى انا مش فاهمة ..( مانتى هبلة عشان كده مش فاهمة 🙂😹 )
وبعدها حددنا موعد خطوبتى مع جمال بصراحة خفت شوية من جاسر هو مجنون ويعملها بس حبيت اعرف هو هيعمل ايه.. احم عايزة احكيلكم عن نفسى انا جميلة عندى 26 سنة ومتخرجة من كلية تربية بس مشتغلتش بعدها وجاسر عنده 35 سنة وهو قمر بصراحة عيونه رصاصى وطويل وشعرة اسود وبيشتغل مهندش وكنا بنحب بعض من واحنا صغيرين واتجوزنا واول ما جاسر عرف انى حامل فرح جداا بس للاسف عشان احنا ولاد عم ده اللى حصل ... وهو طلقنى عشان السبب ده ..
جااهه موعد خطوبتى مع جمال وكنا عملينها على الديق كده مش كبيرة اوى وانا فعلا مكنتش حاسه بإي حاجة غير انى خلاص خسرت انا فعلا مش بحب جمال بس هحاول احبه لانه هيكون جوزى ... لبست فستان سماوي طويل عليه طرحة بيضة مشجرة .. وبصيت لنفسى فى المراية شكلى مكنش زى شكلى فى خطوبتى مع جاسر كان شكلى احلى من كده ماما اخدتنى ورحت للمكان اللى فيها الخطوبة وكان حديقة فى بيتنا احنا بيتنا كبير وهو بيت عائلى اصلا فكانت الحديقة دى متزوقة بشكل خورااافى بالورد الابيض وجميلة اووى ..
جيت لقيت جمال قاعد وبصلى بصة إعجاب تمنيت لحظتها يكون ده جاسر بس للاسف مكنش هو رحت عنده وقال ..
_ بجد احلى عروسة فى الكون ..
ابتسمت بخجل وقلت :
_ شكرا .
_ ماشى شكرا شكرا يلا ياستى نلبس الدبل ولا ايه رأيك؟
_ يلا ...
قبل مانكمل ونروح مكان القعدة لقينا النور الموجود كله طفى وونور البيت طفى وكل حاجة بقت عتمة وكان يومها مقيش قمر حتى ( سبحان الله صدفة يا جدعان صدفة 😹😹) لقيت حد بيشدنى وشالنى وانا بصوت حط حاجة على وشى واغمى عليا .. مفوقتش غير وانا على سرير لوحدى فى اوضة كبيرة معرفهاش ......
بصيت جمبى لقيت جاسر قاعد على الكرسى..
_ جاسر انت بتعمل ايه هنا وانا فين وجايبنى هنا ليه ؟؟؟
كان ساكت ومتحركش وبعد لحظات لقيته قام وقرب منى اوى وقال بصوت انا عمرى ما سمعته منه قبل كده ..
_ مش انا قلتلك وقفي الخطوبة كملتيها ليه ؟؟
خفت من نبرة صوته وقربه منى بعدت عنه وقلت بجرأه مش عارفة جبتها منين :
_ وانت مين اصلا عشان اوقف خطوبتى عشانك. ؟؟
لقيته قرت اكتر وراح لودانى وهمس وقال بدفئ :
_ جوزك ..
بعدت عنه وقمت من السرير ووقفت ..
_ متقربش تانى منى بالشكل ده لانك مش جوزى انت طليقى انت طلقتنى واحنا دلوقتى غرباء ..
_ لا وعلى ايه يا حبيبتى كل حاجة جاهزة المأذون والشهود وكل حاجة مش ناقص غير العروسة ..
_ انت بتقول ايه انا مش فاهمة
قال وهو بيبص فى عينى:
_ هتجوزك يا جميلة الجميلات..
_ هو ايه الهبل ده تتجوزنى ايه انتى طلقتنى قبل تلات شهور وقلت بكل برودة دم انى مش هماك تيجى دلوقتى ببرودة اعصابك دى وتقولى انك هتتجوزنى .. انا بجد معتش عارفة افهمك يا جاسر ..
ابتسم وقال :
_ هتفهمى يا حبيبتى هتفهمى .. بس قبل ده قومى اجهزى يلا .
_ أجهز لايه؟؟
_ اجهزى عشان كتب كتابنا يا قمر ..
_ لا ده انت اتجننت بقى كتب كتاب ايه انا مستحيل اتجوزك يا جاسر بعد اللى عملته .
_ كل اللى انا عملته ده كان عشانك انتى يا جميلة .
زعقت فيه وقلت بدموع:
_ عشانى عشانى انك تتطلقنى وتسيبنى وتقول انى مش هماك .
_ ااهه يا جميلة عشانك وسيبتك عشانك هتفهمى كل حاجة بعدين اجهزى يلا عشان هجوزك اذا كان برضاكى أو غصب عنك ... بعدها مشى وقفل الباب وراه .
لا ده ايه الهبل ده يعنى يطلقنى وبعدها عايز يجوزنى تانى وسابنى عشانى طب ازاى كده وانا كنت هموت فى بعده اكيد فى حاجة غلط .... لقيت على الكنبة اللى فى الاوضة فستان ترقوازى ( واللهى ماعرف اللون ده لون ايه بس هو اكيد لون حلو🙂😹😹) فستان ترقوازى ومزين بالفراشات الصغيرة وكان هادئ وجميل .. انا كنت لسه بفستان الخطوبة، بجد مش عارفة اعمل ايه انا فى متاهه مابين حبى لجاسر ومابين اللى عمله فيا ..
جاسر دخل عليا لاقنى لسه ملبتسش ولا اتحركت من مكانى ..
_ انتى لسه ملبستيش المأذون بره .
_ انتى مفكرتى انى بالسهولة دى هرجعلك لا يا جاسر بعد اللى عملته ده مستحيل ارجعلك ..
لقيته ضغط على عينه وانا عارفة حركة جاسر دى بيكون متعصب وصابر... ومن جواه عايز يقتل الشخص اللى قدامى يعنى هيكون حب طفوله واربع سنين جواز من غير ما عرف عنه حاجة 🙂..
_ جميلة البسى احسنلك والا عادى جدا اخدك بهدومك دى وهنكتب الكتاب بردو مش هاممنى .. هتلبسى ولا هتجوزى بفساتانك ده .
تمالكت اعصابى عشان انا حاسة انى شبه اللى ماشى فى زفة مش عارف مين العريس ولا العروسة
( عااتى بتحصل🙂😹) سابنى ولبست الفستان غصب عنى بس مش عارفة ليه كنت مبسوطة لانى حاسه ان هو مازال بيحبنى تقريبا والله اعلم ... اخدنى ونزلت وانا مش طايقة نفسى حاسة انى غبية مش عارفة ليه المهم المأذون كان قاعد هو واتنين معرفهمش وانا وجاسر .... بدأوا فى كتب الكتاب و بعدها
_ موافقة يا عروسة
_ لا مش موافقة
لقيت جاسر بصلى وبعدها شدني فى أوضة من الاوض ..
_ جميلة من الافضل ليكى انك توافقى .
_ شوف بقى يا جاسر لو اتهدت السما على الأرض مش هوافق مش انا اللى تغضبها على حاجة وانا ماشية و عايزة اشوفك توقفنى ... بعدها مشيت من قدامه وهو محاولش يوقفنى غير لما وقفت على باب الشقة ..
_ جميلة استنى عايزة تعرفى انا طلقتك ليه 😥 .....
الجزء_الثالث والاخير 👇👇
لفيت وبصيتله ...
_ طلقتك عشانك وانا شايف لمعة عنيكي على الطفل اللى كان هييجى وكنت فى الاول خايف من ممكن طفل يطلع بأعاقة بس هو حصل شفت انهيارك وحزنك محبتش ده يحصل تانى يا جميلة واشوف الحزن فى عنيكى .
_ هو ده سبب انك طلقتنى يا جاسر .
_ ااهه يا جميلة ولما شوفتك وافقتى على جمال ده مقدرتش افضل واقف بتفرج.
_ انت كنت تقدر وتاخد رأيي احنا كنا تقدر نعدى المحنة دي مع بعض يا جاسر بس بس انت قررت لوحدك قررت ان كل واحد يكمل لوحده وانا اسفة يا استاذ جاسر انا مش هكمل .
بعدها لفيت عشان امشى ..
_ انا عمرى ماهجوزك غصب يا جميلة بس اعطينى فرصة .
لفيتله بدموع...
_ وبالنسبة لجمال ؟
_ هو مهم اووى عندك ..
_ حتى هو كان متقدملى قبل الجواز ومستسلمش واتقدملى بعد ماطلقتنى .. انت اللى اعطيتله الفرصة دى يا جاسر واللى يتخلى عنى مرة يتخلى عنى ميت مرة ..
ملقتش رد منه تقريبا هو دلوقتى عرف غلطته او لا معرفش ...
فتحت الباب ومشيت مسمعتش اي نديه منه طلعت و مكنتش عارفة انا راحة فين ولا حتى انا فين بس اللى يسأل ميتوهش كان المكان اللى اخدنى فيه عمارة بعيدة شوية من بيتنا ركبت تاكسى وروحت بيتنا ..
_ لو سمحت اقف هنا دقيقة وهجبلك الفلوس .
دخلت بقيت كل حاجة زى ما هيا دخلت البيت والزينة لسه متعلقة لقيتهم قاعدين بيبكوا ماما لما شافتنى جرت عليا وحضنتنى ..
_ انتى كنتى فين يا جميلة انا خوفت عليكى اووى ..
_ متخافيش يا ماما انا بخير .. بس حد يطلع يشوف اجرة السواق دى ..
_ سواق ايه يا جميلة انا مش فاهمة حاجة؟
_ الواجل واقف ومستنى ، هفهمك بعدين ..
لقيتهم كلهم قربوا منى وميت سؤال فوق راسى وجاوبت على كل حاجة ايوة مخبتش حاجة هى دى حاجة تتخبى🙂 كانوا عايزين يبلغوا البوليس بالموضوع بس انا رفضت حاجة زى دى لان بعدى عنه عقاب ليه ... بعدها طلعت ارتاح من كل حاجة حصلتلى اليوم ده بس احلى حاجة فى الموضوع هو الفستان الترقوازى 😹😹 (لا دى من عندى انا بهزر يا جدعان 🙂😹)
(وحبيت افرحكو عرفت لون الترقوازى ايه اللى هو ازرق مخضر كده 🙂😹😹 )
بعدها بشهر اتحدد جوازى وكتب الكتاب فى نفس اليوم مع جمال اللى عرفت من اهلى بعدها انو قلب الدنيا عليا وكان بيدور عليا فى كل مكان... ومعرفتش اى حاجة عن جاسر بعدها غير انه اتجوز واكتر من كده مفيش ...
بارك الله لكما وبارك عليكما وجمع بينكما...
_ الف مبروك يا جميلتى ..
_ آلله يبارك فيك .
و بعدها اخدنى فى حضنه وباس راسى بكل حب ..
_ انا اسعد انسان فى الدنيا .
ابتسمت بخجل .. ومردتش ...
_ هتفضلى سكته كتير كده ...
_ اقول ايه ؟
_ لا ولا حاجة..
روحنا بيتنا الجديد ودخلنا ..
_ تعالى عايز احكيلك حاجة .
مسك ايدى وقعدنى على الكنبة وهو قعد جنبى ..
_ تعرفى انا بحبك من امتى ؟
هزيت راسى بلا ..
_ حبيتك من سبع سنين من قبل ماتتجوزى وانتى اصلا مكنتيش شايفة قدامك غير جاسر جاسر وبس كنت بموت فى اليوم الف مرة ولما سمعت بجوازك منه حسيت بوجع كبير فى قلبى حسيت انى خلاص هموت من بعدك بعد مااتجوزتى قلت لنفسى انى هنساكى بس مقدرتش مقدرتش ابداا يا جميلة ..
_ واستنيت كل ده ومتجوزتش ليه؟
لقيته ابتسم واتنهد بسعادة..
_ الحمد الله الحمد الله انى مجوزتش .
ابتسمت من جوايا وقلت ..
_ للدرجادى ؟
حط ايده على وشى وقال بحنو :
_ واكتر كمان.. تعرفى ان مبسوط قد ايه ..
ابتسمت :
_ قد ايه ؟
لقيته ضحك وقال ..
_ قد البحر وسمكاته قد السماء ونجومها ..
ضحكت..
_ بتمنى يا جميلة تحبينى زى مابحبك .
بصيت حواليا بتحيير مصطنع ..
_ امم يمكن اما فعلا حبيتك .
بصلى بصدمة..
_ يعنى انتى بتحبيني؟
_ لسه اكيد حبك هيكبر فى قلبى..
لقيته قام وشالنى ولف بيا وقعد يضحك .
( بدي اتجوز جمال ذا الحين 🙂😹 )
بعد تلات سنين ..
_ جنان تعالى كفاية لعب بقى ..
_ يا ماما كمان شوية .
_ لا كفاية يلا نمشى عشان منتأخرش .
_ بس يا ماما .
_ خلاص بقى يا جيجي عشان اجبلك شوكلاته.
_ لا انا عايزة العب كمان .
_ جناان قولت تعالى يلا..
عيطت :
_ لو بابا كان هنا كان زمانه لعبنى .
_ بس بابا مش هنا يا جنان دلوقتى فى ماما.
_ لا انا عايزة باابا هو فييين ؟؟
_ يا جنان بقى قولتلك بابا مش هنا ..
عيطت اكتر ...
_ لااا انا عايزة بابا انا عايزاااااه .
_ ايته ايته بنتى القمر بتسأل عليا ..
راحت لحضنه ..
_ كنت فين يا استاذ .
رفع ايده وقال بضحك ..
_ واللهى يا سيادة القاضى كنت فى الشغل .
ضحكت على طريقته ..
_ ماشى ماشى هصدقك .
_ لازم تصدقينى على فكرة انا زى جوزك بردو .
ركبنا العربية عشان نروح كنا قاعدين ساكتين وجنان نامت من اللعب طول النهار ...
_ جمال .
_ نعم يا احلى ست فى الكون.
_ على فكرة كنت تقدر تقول نعم وخلاص.
_ نعم .
_ نعم الله عليكى يا حبيبى .
_ في ايه يا جميلة عايزة تقولى ايه ؟
سكت شوية ..
_ جمال .
_ نعم .
_ نعم الله عليك يا حبيبى .
بصلى بضيق ومردش .
_ جماال..
_ ......
_ ماترودش عليها يا بابا هى رخمة اصلا ..
_ جنان ينفع تقولى كده لمامتك حبيبتك .
و بعدها نامت تانى ..
_ دى ايه اللى تنام بسرعة دى .
_ تلاقيها تعبانة من اللعب .
_ اممم جمال .
_ هيييييم .
_ بحبك..
لقيته بصلى وابتسم ..
_ كل ده عشان دي وانا كمان بعشقك مش بحبك بس يا قلب جماال .
تمت بفضل الله 🦋 ..
...........
Rami Mohamed
تعليقات
إرسال تعليق