 |
اسكريبت كامل
فلانتين بيفوت وانت يا قلبي ملكش كتكوت.
ده بوست نزلته ع الفيس عشان اعبر بيه عن مدي وحدتي ف الحياة دي وبعدين لقيت دينا صحبتي بترن
دينا: ايه يا بنتي الي منزلاه ده فضـحا*نا دايما كده
نور: ايه يا دينا الله مانا محدش معبرني والله حرام كده
دينا: طيب ثانيه انتي محدش معبرك انا مال امي عملالي منشن ليه
نور: الله مش صحبتي يا بنتي
دينا: صاحبتك اه بس انا عندي خطيشبي قرة عيني
نور: دينا انتي صحبة مش جدعة علي فكرة
دينا: منا عارفه يحبيبتي سلام بقي عشان خطيبي جاي يفسحني ومتشوقه اشوف الهديه بتاعته خليكي انتي قاعدة زي خيبتها كدة
نور:سلام يا دينا يا وا*طيه وانا هعرف احتفل بطريقتي
ــــــــــــــــــــــــــــــــــــــــــــــــــــ بقلم الاء جابر
نور:هابي فلانتين داي يا ماما
ـ هابي ايه يا عين امك
نور:فلانتين داي يعني عيد الحب يا حجه
ـ يا شيخة حبك بر*ص يلا يا موكو*سه اغسلي المواعين دي
نور:يا ماما ايه ده يعني مش هتجيبي هديه لبابا ولا ايه
ـ احنا كبرنا ع الحاجات دي وبعدين ده حرام
نور: ايه يا ماما ما انتي لسه شباب اهو بصي بقي انا هعملك خطه جميله ترجع قصه حبكم من جديد
ـ والنبي انتي فاضيه يا بنتي وعقلك لاسع
نور: استني بس ده انا جوايا فراغ عاطفي وهطلعه عليكم النهاردة
ودخلت الاوضة لبست دريس اسود وطرحة حمرة وطلعت
ـ الله الله ومتشيكة كده ورايحة فين بقي
نور:رايحه انفذ الخطه يا ماما
ـ والمواعين الي جوه دي يا عين امك
نور:يعني انا اقولك انقذ قصه حبك وانتي تقوليلي المواعين والله عيب عليكي
ــــــــــــــــــــــــــ بقلم الاء جابر
نزلت راحت محل ورد وخدت ورد احمر وكتبت جواب معاه
"وإن لكل طيب شبيه، يجمعهما الله على نفس الطريق."❤️
نور:هييح ع الرومانسيه اما اروح لبابا اشغل واعمله مفاجأة بقي
راحت لباباها الشركة الي شغال فيها سألت عليه لقته ف اجتماع راحت المكتب بتاعه تستناه وكانت بتكلم نفسها
نور: يلاهوي يا بت يا نور لو تلاقي فارس احلامك داخل عليكي ب بوكيه ورد قمر زي ده ويركع علي رجله ويقولك احلي ورد لاجمل وردة في حياتي يسلام يا ولاد
فجأة حد بيدخل المكتب وهي ماسكة الورد وراكعه علي رجلها وبيبص بصدمة عليها
فبترفع راسها لفوق وببتفاجئ باللي واقف قدامها بيضحك علي منظرها فبتقوم بسرعه
نور: طبعا لو قلتلك ان الي عملت كدة من شويه مش انا مش هتصدقني صح
الشخص وهو بيكتم ضحكته بالعافيه:لا بصراحه كان اداء هايل
نور: هه منا عارفه
الشخص بيتكلم بجديه:انتي مين ودخلتي هنا ازاي انتي بتاعت الورد صح
نور:ايه بتاعت الورد دي ما تحسن ملافظك يعسل
ـ خلاص يا ستي قوليلي انتي مين
نور:انا نور
وفجأة بيدخل ابوها المكتب فبتجري عليه بسرعه
ـ ايه يا بنتي مالك انتي كويسه
نور:كل سنه وانت طيب يا بابا
ـ بس انا مش عيد ميلادي النهارده يا بنتي
نور:يا بابا يا بابا ركز معايا هابي فلانتين داي شايف ماما رومانسيه ازاي وبعتالك ورد وبتقولك انت حب عمري
كل ده والشخص واقف متابع الحوار وبيضحك علي طريقتها
ـ الله يخربيتك انتي وامك يلا يا بنت الك*لب ع البيت اما اروحلك انتي وامك الفاضيه دي
نور:ايه يا بابا معجبتكش المفاجأة ولا اي
ـ معلش يا استاذ زياد متأسفين ع الازعاج بس بنتي دي عقلها لا'سع شويه
زياد بضحك:لا والله يا عم محمد دي دمها خفيف خالص
نور: شوفت يا بابا دايما ظالمني كدة
ـ روحي ع البيت يلا وحسابك لما ارجع
نور: خلاص يا بابا متبقاش قفوش كده سلام
ــــــــــــــــــــــــــ بقلم الاء جابر
طلعت برة المكتب ورنت ع مامتها
نور: ماما بصي شوفي بنتك عملت ايه عشان تبقي فخورة بيا دايما
ـ عملتي ايه
نور: بابا كان مبهور بالورد لدرجه انه كان عايز يسيب الشغل وييجي معايا من كتر فرحته
ـ بجد عجبه والله دا انتي طلعتي ناصحه يا بت
نور: امال استنيه بقي اما ييجي عشان شكله كدة والله اعلم محضرلك مفاجأه جامدة هتعجبك اوي
ـ بجد تصدقي يا بت غيرت نظرتي فيكي
نور:طبعا يا ماما دا احنا جامدين اوي
ـــــــــــــــــــــــــــ
خلصت المكالمة ورنت ع دينا
دينا: اي يا مفسدة اللذات واالحظات السعيدة خير هو انا مش قيلالك مترنيش عليا يا بت
نور: لقيته
دينا: هو ايه ده
نور: الكتكوت
دينا: كتكوت والله العظيم انتي هبله اقفلي يا بت
نور: قصدي يعني فارس احلامي
دينا: بجد بتهزري فين ده بقي
نور:عند بابا ف الشغل واسمه زياد بس ايه حاجه كده قمر يعني واحلي مني بمراحل قمر كدة تحسيه نازل من السما يلاهوي يا بنتي ولا عيونه يختاااي سحرتني من اول نظرة حلو حلاوه يا بت
فجأة سمعت صوت من ورا :هو حلو بس مش اوي كدة يعني
بصت وراها بصدمة والموبايل وقع منها وووو......
بقلم الاء جابر 🖤🔥
لو لقيت تفاعل كويس هكتبلكم التاني بسرعة.
#اسكريبت_الجزء1🔥
#الاء_جابر
#اسكريبت_الجزء2🔥
فجأة سمعت صوت من ورا :هو حلو بس مش اوي كدة يعني
بصت بصدمة وراها لقت بباها وزياد واقفين
نور بتهته: ب بابا
ـ انتي لسه واقفه عندك قدامي علي البيت
نور:بابا انا كنت بتكلم علي زيادة صحبتي واسأل دينا
ـ كدابه وهبلة كمان ياربي صبرني
زياد وهو بيحاول يكتم ضحكته:خلاص حصل خير يا جماعه
نور بصتله بغيظ:ما هو كل ده بسببك يلا يا بابا
ـ قدامي يا اخرة صبري ومعلش يا زياد يا ابني مش قولتلك ان هي لاسعه
زياد: لا ولا يهمك
ــــــــــــــــــــــــــــــــــــــ
ف البيت اول ما دخلوا نور راحت تجري علي اوضتها ابوها جابها من قفاها
ـ خدي هنا الله ياخد*ك يا بعيدة
نور: بابا انا مكنش قصدي سامحني يا ابي
ـ ياربي اعمل فيكي ايه ياريتني كنت وأدتك وانتي صغيرة واستريحت منك يا شيخه
نور: واهون عليك بردو يحاج
ـ من وانتي صغيرة وانتي جيبالي المشاكل ولسانك طويل وساكت لكن وصلت بيكي تعاكسي ابن مدير الشركة وقدامنا كمان ده انتي قليله ادب يا شيخة
نور:والله يا بابا ما كنت اعرف انه ابن مدير الزف*ت الشركة
ـ نور انا بتكلم جد انتي كبرتي علي الحركات دي ولولا اني عارف انك هبله وعبيط*ة كان هيبقي ليا معاكي كلام تاني
نور:خلاص يا بابا حقك عليا مش هعمل كدة تاني
ـ انا خايف عليكي وعايز اشوفك احسن واحده ف الدنيا كمان يلا علي اوضتك اما اشوف امك الهب*لة التانيه دي
مني(والدتها):ايه ده يا حبيبي انت جيت
محمد(والد نور):سلام قول من رب رحيم انتي مين انس ولا ج*ن
مني:ايه الكلام ده مش عارفني ولا ايه فعلا نور قالتلي المكياج هيغيرك
محمد:الله يخربيتك علي بيت نور انتو اتجننتوا ع الاخر البت دي هبلتك ولا اي وبعدين ايه الاخضر الي فوق عينك ده زارعه حديقه
مني:حديقه ايه ده ايشادو يجا*هل وبعدين ايه رأيك في المفاجأة والورد نور قالتلي انك اتبسطت
محمد:صبرني عليهم يارب وسعي كدة انا داخل انام
ــــــــــــــــ
بعد ايام باباها رجع من الشغل
محمد:افرحي يا مني بنتك جايلها عريس
مني:لولولي واخيرا هنخلص منها البت الهبلة دي الا مقولتليش مين ده
محمد:ده ابن مدير الشركة الي المجنونه بنتك كانت بتعاكس فيه الاسبوع الي فات ف الشركة
مني:يبقي نقول مبروك
محمد:اسكتي واياكي تقوليلها ان هو العريس فاهمه
مني:مش المفروض افرحها قدام عاجبها
محمد:لا انا عايز اعلمها الادب اسمعي الي هقولك عليه وتنفذيه
ـــــــــــــــــــــــــــــــــــ
مني:انتي يا زفته يا نور اصحي يموكو*سة
نور:ايه يا ماما ما تسبيني انام
مني:اصحي يا بت جيبالك خبر حلو
نور:ايه عريس صح
مني:ومالك يا بت اتبسطي اوي كده
نور:يوه ايه يا ماما ما كل البنات كده الا قوليلي بقي مين ده
مني:اسمه عاطشف
نور:ايه عاطف لا لااااا مش موافقه
مني:مش موافقه ايه مش كنتي لسه مبسوطه
نور:لا يا ماما مش حساه حتي اسمه مش لايق ع اسمي ارفضوه
مني:ابوكي ادالهم كلمه ولازم تشوفيه جاي النهاردة
نور:وبيشتغل ايه سي عاطشف ده
مني:ده نقاش اد الدنيا
نور:نعم يا اختي نقاش وانا ف اعلام وده هيمشي مع ده ازاي بقي
مني:الشغل مش عيب وبعدين مش عايزة اصدمك واقولك ان ابوكي كده كده موافق
نور: لا يا ماما والله ازعل متهزروش بقي خلاص مش عايزة عرسان خالص انتي عارفه اصلا انا مش بفكر في الجواز خالص
مني: يا بت علي امك قومي بقي معايا كده نروق
ـــــــــــــــــــــــــــــــــــــــــ
بالليل الوقت الي العريس الي هييجي فيه
نور لنفسها: والله لاطفش امك يا سي عاطف الك*لب ماشي
ـ ادخلي بالعصير دة وخلي عينك ف الارض خليكي محترمه
نور: حاضر
دخلت جوة واتصدمت لما لقت زياد ووالدة سلمت عليهم وقعدت وكانت متوترة
محمد: طيب نسيبهم لوحدهم شويه
زياد كان ماسك كاسه العصير وبيشرب وهي بصاله ومركزة اوي
فجأة زياد كح جامد
زياد: ايه القرف ده حطالي ملح ف العصير
نور: معلش اصلي كنت مفكراك عاطشف
زياد: عاطف مين الله يقرف*ك يا شيخه
نور: انت بتعمل ايه هنا اصلا
زياد: والله يعني مش واكل معاكي ان انا العريس وكده
نور: لا جامد بصراحه قصدي يعني اشمعنا انا بالذات الي اخترتها
زياد: مش عارف بس في حاجه شدتني ليكي مع اني طول عمري شخصيه جد بس حبيت شخصيتك المرحه دي
نور: اه وايه كمان
زياد: لا دي هقولهالك بعدين بقي
محمد: ها يا ولاد ايه الاخبار
نور: انا هصلي استخارة وهبعتلكم الرد مع بابا
ـــــــــــــــــــــــــــــــــــــــــــــــــــــــ
تاني يوم
محمد: ها يا حبيبتي ردك ايه
نور: انا مش موافقه يا بابا
يتبع الجزء الجاي الاخير وعايزة تفاعل كويس زي الاول يقمرات♥
بقلم الاء جابر 🖤🔥
#الاء_جابر
#اسكريبت_الجزء3_والاخير🔥
ـ يعني ايه مش موافقه انتي هبلة يبت
نور: يا بابا انت قولتلي ليكي حرية الاختيار
محمد: والله امال كنتي بتعاكسي ف الراجل ليه وده قمر وحلو حلاوة
نور: احم يا بابا ما هو انا يعني ملحقتش اتعرف عليه وبعدين بيقولي انا اخترتك عشان مرحة ودمك خفيف
مني: امال كنتي عايزاه يقولك ايه يا موكو*سة
نور: يووه محدش فاهمني بقي
محمد: خلاص خلاص انا هروح ابلغهم ان كل شئ قسمه ونصيب
نور: يا بابا بقي ما هو قسمتي ونصيبي
محمد: الله يخربيت ابوكي في ايه يا بت قرفتينا معاكي شويه عايزاه ولما جالك مش عايزاه ودلوقت نرفض تقولي لا يا بابا انا عايزاه انتي هبلة يا بنتي الله يكون في عون الي هياخدك
نور:مالك يا بابا انت عايز تتخلص مني بقي
محمد:بصراحه ايوه انتي قربتي تهبليني انا وامك من افعالك دي
نور:كده يا بابا طب انا موافقه بقي عشان اريحكم مني
مني:عشان تريحينا منك بردو ولا عشان ده قمر وحلو حلاوه
نور:تؤتؤ الاتنين مع بعض
محمد: بقولك ايه انا هدي كلمه للناس بلاش تكسفيني معاهم اكتر من كده وهخليه يجي لوحده النهاردة تتعرفوا علي بعض
نور: ايوا كدا يحج بدأت تفهمني
ـــــــــــــــــــــــــــــــــــــــــــــــ
بالليل جه زياد وقعدوا مع بعض لوحدهم عشان يتعرفوا اكتر
زياد: اتفضلي ده
نور: ايه ده ورد الله انا مش مصدقه دا انت طلعت رومانسي يا واد
زياد: نعم
نور بخجل: قصدي يعني متشكرة
زياد: ايدا دا انتي طلعتي بتتكسفي زي البنات اهو
نور: نعم ياعنيا اما انت فاكرني ايه يعني
زياد: الله يخربيت عوكل الي طلع مرة واحده ده
نور: معلش ما انت الي عصبتني الاول
زياد: خلاص سماح المرادي
نور: اشرب العصير طيب
زياد: لا لا مش عايز لتكوني حطالي فيه شطه المرادي ولا حاجه
نور بضحك: يوه متبقاش قفوش بقي مفهوش حاجه والله
زياد: طيب الحمد لله
نور: انا حابه اعرف بجد يعني ايه الي خلاك اخترتني انا
زياد: بصراحه مش عارف بس في حاجه شدتني ليكي من اول ما شوفتك حاولت كتير اتغاضي عنها وممشيش وراها لكن لقتها بتشدني ليكي اكتر بالرغم ان ده مش من طبعيتي واني شخص جاد جدا لكن معاكي انتي حسستيني اني المفروض اضحك واعيش الحياة بدأت اراقبك وادخل اكونتك علي الفيس كل شويه واتابع بوستاتك وكلامك مع اصحابك واتعرف علي شخصيتك اكتر وبدأت اتابع الاماكن الي بتروحيها واراقبك من بعيد
نور: ياااه كل ده طول عمري نفسي حد يحاول علشاني انا بجد مش مصدقه نفسي انا مبسوطه اوي
زياد: انا الي مبسوط اني لقيت حد زيك صحي الحاجه الحلوة الي جوايا وحرك مشاعري تجاهك
نور: بس انت هتقدر تستحملني
زياد: هستحملك
نور: ومش هتضايق من تصرفاتي الهبله
زياد:انا حبيتك من تصرفاتك دي
نور:ومش هتزعقلي لما ايدا استني انت قولت حبتني
زياد: فين ده
نور:انت قولت انك حبتني من تصرفاتي
زياد:طب وايه الجديد ما انا بحبك فعلا
نور:لا لا براحه عليا كده مش مصدقه بجد القمر ده بيحبني انا بس انا عندي شرط عشان اوافق عليك
زياد:اشرطي زي ما انتي عايزة
نور:انت لازم تنتقب
زياد:نعم انتي اكيد مجنونه
نور:شوفت بقي انك هتتعصب عليا من اولها اهو
زياد:ما هو بجد انتي افكارك مجنونه انتي شيفاني واحده ست عشان البس نقاب يعني
نور:ما انا بصراحه مش حابه حد يشوف القمر ده غيري
زياد بضحك:وبعدين بقي
نور: هتعرف تحميني
زياد: انتي ليكي اعداء ولا عليكي طار ولا حاجه
نور بضحك: لا والله دا انا غلبانه هتقدر تحميني بقي
زياد: هشيلك جوا عيوني
نور: طب و
محمد: ها يا ولاد ايه الاخبار
زياد: كله تمام يا عمي
محمد: ها يا نور
نور بخجل: تمام يا بابا
محمد: اي يا بت الخجل ده من امتي
نور: يا بابا بقي الله
زياد: عمي انا عايز نكتب الكتاب بسرعه ومش شايف في داعي للتأخير انا هجيب بابا بكرة عشان نتفق علي كل حاجه
ــــــــــــــــــــــــــــــــ
بعد فترة تم الاتفاق علي الخطوبة وكتبوا الكتاب يوم الخطوبة
بعد ما المأذون قال كلمته الشهيرة جري عليها حضنها وهمسلها
"وكنتِ انتِ النور لقلبي بعد ايامه العجاف". بقلم الاء جابر🖤
نور: كان يوم حبك اجمل صدفه بجد
زياد:وكل ايامك الجاية هتكون جميلة زيك
نور:وانا واثقه من ده طول ما انا معاك
انتهت
مش علشان اخر بارت ملاقيش تفاعل بجد شكرا علي تفاعلكم وكومنتاتكم القمر دي وعايزة اقولكوا خليكوا فاكرني بقي عشان هكون معاكم الفترة الجايه في كتابات جديدة
بقلم الاء جابر🖤🔥
#الاء_جابر
تعليقات
إرسال تعليق