 |
البارت التامن 🔥🔥🩸🩸
داليا بصوت عااالي وعياط : الحقووووووني امي انتحرررررت
كارمن : امممممي
أمنية قامت وقفت وبرقت
أمنية بتوتر جامد : ط...طب اعمل ايه دلوقتي افكك ازاي انا ولا اعمل اااايه
كارمن : فكييييييني ياامنية أبوس ايديكي
أمنية : طب افكك ازاااااي فارس لو عرف هيطين عيشتنا وهيخطفك ويخفييييكي😱😱😱
كارمن بعياط : لا لا ياامنية متعمليش فيا كدا والنبي كله إلا أمي بالله عليكي فكيني وخرجيني من هنا
💛💛💛💛💛💛💛💛💛💛💛💛💛💛
في اوضة جميلة ..
جميلة مرمية في الأرض قاطعة شرايين ايديها الاتنين وسايحة في دمها .. داليا جنبها عمالة تصوت وتهز فيها تفوقها زي المجنونة
فاطمة جاية بتجري من برا .. شافت منظر جميلة برقت وعينيها دمعت ومن غير ماتفكر
قطعت حتة قماش كبيييرة من فستانها وبسرعة قسمتها اتنين ، جريت على جميلة وربطت ايديها الاتنين بسرعة عشان توقف النزيف
فارس جاي بيجري من برا : فيه اااااايه
بيبرق لجميلة : يانهار اسوووود .. وسعي ياداليا وسعي
نزل عشان يحاول يشيل جميلة بسررعة
داليا بتزقه وهي بتعيط : انت بتعمل ااااايه ابعد عن امي
فارس بعصبية : بعد اذنننننك ياداليا مش وقتك خاااالص دلوقتي
زقها وشال جميلة جري بيها على برا
سيف وصلاح ووليد داخلين بيجروا : ااايه ياجماعة مالكو
فارس شايلها بيجري بيعا : سيف تعالي انت ووليد بسرعة جهزوا العربية لازم نوديها اقرب مستشفي في اسرع وقت
نزل فارس ووراه سيف ووليد وصلاح خاله وداليا وفاطمة .. ركبوا العربية وساق فارس على اعلي سرعة
💛💛💛💛💛💛💛💛💛💛💛💛💛💛
أمنية بتفك كارمن اللي ميتة من العياط
أمنية : والله انا ما عارفة اللي بعمله دا صح ولا غلط بس الحاجة الوحيدة اللي اعرفها إنك مينفعش متكونيش جنب امك في وقت زي دا
كارمن بعياط : فكي فكي بسرعة ياامنية بالله عليكي لازم اروح اشوف ايه اللي حصل
💛💛💛💛💛💛💛💛💛💛💛💛💛💛
*في بيت مصطفى عم كارمن*
مصطفى قاعد في المكتب بيتكلم في التليفون
مصطفى : يعني ايه مش عارفين توصلولها لحد دلوقتي ؟!!!!!
هو انا مشغل بهايم يابهااااايم
=........
مصطفى : بقولك ايه ياصبحي .. النهار بدأ يشقشق علينا وانا مطبق زي القرود وبردو مش لاقي بشارة
كارمن لو مكانتش عندي ع المغرب بالكتير هقتلكو كلكو بدالها
=.........
مصطفى : اه متأكد تجيبوهالي حية او ميتة واظن كلامي واضح يلا غور في داهية
ناهد واقفة على الباب سامعة المكالمة كلها ومبرقة
ناهد : انت ااااااايه يااخي ، حية او ميتة ايه دا انت خسارة فيك كلمة عم حرام عليييييك
مصطفى بيقوم من ع الكرسي : بقولك اااااايه انا ن
مش ناقصك ولا ناقص زنك انزلي من علي وداني
ناهد : ودانك ايه دا انا هفضحك واوديك في ستين داهيه
وقبل ما تكمل كلامها قام مصطفى وبدأ يضرب فيها زي البهايم وكالعادة 💔💔💔
💛💛💛💛💛💛💛💛💛💛💛💛💛💛
في المستشفي ..
كلهم مترصصين رايحين جايين واعصابهم بايظة ، داليا واقفة منهارة عياط وجنبها وليد بيحاول يهديها
الدكتور خارج : محتاجين نقل دم ضروري جدا للمدام اللي تخصكم
داليا بعياط : في ايه يادكتور هي حالتها خطيرة
الدكتور : للأسف نزفت دم كتير جداااا ولازم يتنقلها دم فوراً
فاطمة : انا فصيلة دمي مطابقة لفصيلتها يادكتور يلا بينا
فارس وسيف بيبصولها باستغراب !!!!!!
من امتى وهي خيرة بالمنظر دا ؟؟؟؟
💛💛💛💛💛💛💛💛💛💛💛💛💛💛
*في البيت *
أمنية: بصي ياكارمن انا لسة قافلة مع سيف وعرفت عنوان المستشفى اللي راحوها ، دلوقتي احنا عاوزين نشوف طريقة منها تطمني على مامتك ومنها فارس ميعرفش اني خرجتك
كارمن : انا دلوقتي لا فارق معايا فارس ولا غيره انا عايزة اشوف امممممي
أمنية : وفارس عندي وغبي وممكن يعمل فيكي حاجة وقدامهم كلهم
بصي .. انا عرفت هنعمل ايه
💛💛💛💛💛💛💛💛💛💛💛💛💛💛
*بعد ساعة ونص*
*في المستشفي*
فاطمة اتبرعت بالدم وخرجت قعدت جنبهم .. كلهم مازالوا متوترين لأن الدكاترة مانعين الدخول لجميلة تماماً .. أمنية داخلة عليهم من بعيد
أمنية : ايه ياجماعة وصلتوا لايه
سيف : ايه ياحبيبتي ، حاطينها تحت الملاحظة وادينا مستنيين اي جديد
كارمن واقفة ورا حيطة من حيطان الطرقة بعيد بتبص عليهم وبتعيط من خوفها والموقف اللي محطوطة فيه ، مش عايزة تظهر من ناحية عشان فارس ميخطفهاش تاني ويخبيها ، ومن ناحية عشان لو عمها عرف ان الماية رجعت لمجاريها هيحاول يأذي فارس بجد
الدكتور خارج من اوضة جميلة
فارس : ها يادكتور في جديد ؟
الدكتور : والله هي حالتها بدأت تستقر ، بس طبعاً اللي حصل دا عملها مضاعفات كتير نظراً لكبر سنها
فاطمة : يعني الوضع يقلق يادكتور ولا هتتعافي على طول
الدكتور : لا لا مفيش حاجة تقلق بإذن الله وهتبقي زي الفل
كارمن بتغمض عينيها وبتاخد نفسها مجرد ما عرفت إن أمها بقت بخير
داليا بتطلع من جيبها ورقة : شوفت الورقة دي على حوض الحمام قبل ما اخرج على امي واشوفها سايحة في دمها بدقايق
فتحت الورقة وبدأت تقرأ ..
"داليا .. كارمن ، سامحوني ياحبايبي
عارفة إن اللي هعمله دا هيأثر عليكم بشكل كبير ويمكن تكرهوني بعد موتي بس صدقوني انا عملت دا في وقت ميحسش بيا فيه غير ربنا
وقت ادركت فيه إني أم فاشلة ، اه انا فعلاً فاشلة
من يوم موت جوزي الله يرحمه وانا ضعيفة وموقفي سلبي إتجاه كل حاجة عمكم كان بيعملها فيكم ، أشوف ذله واهانته وتحكماته واسكت لمجرد إنه مكان ابوكم واكيد عارف مصلحتكم
بس لما توصل إن كارمن بنتي واول فرحتي تختفي تماما ومبقاش حتي عارفة هي حية ولا ميتة وبردو بسبب قرار مقدرتش أوقفه وادافع عنها فيه يبقي انا مستاهلش أعيش .. سامحوني"
كارمن عينيها اتملت دموع اكتر وهي بتسمع اللي مكتوب في الوقت
كارمن بينها وبين نفسها : انتي اللي لازم تسامحيني ياامي .. بيني وبينك خطوات ومش قادرة أريح قلبك واطفي النار اللي قايدة فيه واطمنك إني عايشة ، حقك عليا ياامي
داليا بتبص لفارس : ها .. قولي رأيك
فارس بيرفع عينيه : رأيي في ايه بالظبط ياداليا
داليا : رأيك في أمي اللي حاولت الانتحار وممكن تموت فيها فعلاااا بسببك
واقف وسطنا عااادي جدا وعامل نفسك قلقان وكأنك بتقتل القتيل وتمشي في جنازته علي رأي المثل
صلاح : داليا
انا عارف إني مقربلكيش حاجة ومش من حقي أحكم عليكي تسكتي بس حقي عليكي كواحد قد ابوكي اقولك إن اللي بتعمليه دا أكبر غلط خصوصاً في الوقت الحرج دا
داليا : وانا المفروض اشوف دا كله بيحصل واتغاضى عنه وعن إحساسي ان فارس هو اللي خاطف اختي المدة دي كلها !!
صلاح : لو ثبت إن فارس هو اللي خاطفها وقتها نعمل اللي انتي عايزاه .. بس اللي حاصل قدامنا إن فارس واقف وسطنا زينا زيه بالظبط
داليا لسة هترد عليه .. فجأة اتلفتت وبصت لوليد اللي باصصلها وساكت تماماً (لوهلة افتكرت إن اللي عايزة ترد عليه دا يبقي أبوه) بصت في الأرض وسكتت
وهما واقفين فارس بيتلفت لقى سلمي (مديرة أعماله الجديدة) جاية عليهم من بعيد
فارس بيتعدل : سلمى !!
سلمى : سلام عليكم
انا عارفة إني جيت في وقت مش مناسب يافارس ومعرفش انتو في المستشفي ليه بس جيت عشان حاجة تخص الشغل
صلاح : مين دي يافارس ؟؟
فارس : دي مديرة أعمالي الجديدة ياخالي
فاطمة بتبصلها وتعبيراتها بتتغير نسبياً .. كارمن بتبصلهم من بعيد باستغراب وبتتسائل من جواها "مين دي ؟"
فارس : طيب تعالي ياسلمى نروح الكافيه وتقوليلي اللي عاوزه تقوليه
💛💛💛💛💛💛💛💛💛💛💛💛💛💛
*في الكافيه بتاع المستشفى*
فارس قاعد وقدامه سلمى
فارس : خير ياسلمي حصل ايه خلاكي تيجي على ملى وشك كدا ؟
سلمى : اللي حصل إني بقالي حوالي يوم كامل بحاول اتأكد من المعلومة اللي قولتهالك لحد ما قررت ابلغك
فيه حد في الإدارة بيحاول يشغل دماغه ويعمل شغل لصالحه من ورا ضهرك
فارس : حد مين وانتي عرفتي الكلام دا ازاي !!
سلمى : الموضوع يطول شرحه ومحتاج قاعدة .. انا جيت بس ابلغك تكلم مدير المصانع يوقف كل الإنتاج اليومين دول بس لحد ما نكتشف الموضوع ونحله
فارس : مكملتيش يومين في الشغل وعرفتي كل الكلام دا 🤔🤔
سلمى : قولتلك قبل كدا لو مكنتش فاهمة في شغلي كويس وعارفة انا بعمل ايه مكنتش غامرت إني أقدم على شغل في سلسلة مصانع الحر مرة واحدة
سلمى بتتكلم وبتحرك ايديها بالصدفة وقعت القهوة على هدوم فارس
فارس اتنطر من مكانه وحاول ينفض القهوة من على هدومه بسرعة
سلمى : يالهوي 😱😱😱
انا آسفة اقسم بالله آسفة يااستاذ فارس مكانش قصدي
فارس : لا لا ولا يهمك انا عارف انه مش قصدك
سلمى : لحظة واحدة بس هطلع وايبس من شنطتي بسرعة وانضفلك القهوة دي
فارس : لا ملوش لزوم انا هروح انضفها في الحمام
سلمى طلعت المنديل : لا لا هتبل نفسك .. انا هنضفهالك
خدت سلمى المنديل المبلل وقرفت من فارس وبدأت تمسحله قميصه بالوايبس .. رفعت ايديها وبدأت تمسح في ياقة قميصه عشان طرطش عليها كمان .. عينيها جت في عينه وبينه وبين وشها اتنين سانتي بالظبط ، فضلوا على الوضع دا كذا ثانية
وفجأة ... 🔥🔥
كارمن داخلة عليهم : وياترى وعد بنتك لما تعرف إنك عملت اللي عملته في أمها وانت نفسك خاين هتشوفك ازاي ؟؟؟
فارس بيلف وشه وبيبص لكارمن بصدمة .. عيونه احمرت من الغضب وملامحه كلها اتغيرت ، وفجأة استجمع نفسه تاني ... قام وقف وابتسم
فارس : هتشوفني راجل عادي جداً مرتاحش مع أمها فراح اتجوز واحدة تانية
كارمن : مش فاهمة ؟؟
فارس : افهمك اكتر ياستي .. أحب اعرفك مبدأياً
دي سلمى مديرة أعمالي ، وخطيبتي المستقبلية
سلمى بتبرق وبتبصله بصدمة
فارس : كنت مستني نخلص كلامنا واطلب ايدك قدام الكافيه كله .. بس للأسف كارمن جت في الوقت الغلط كالعادة ، بس ملحوقة بردو
تقبلي تتجوزيني ياسلمى ؟؟؟
🔥🔥🔥🔥🔥🔥🔥🔥🔥🔥🔥🔥🔥🔥
اللي عاوز البارت التاسع يعمل متابعه من هنااااااا
تفتكروا هيكون ايه رد فعل كارمن في الموقف دا ؟؟؟؟ + قولولي رأيكم في البارت ولو وصل لرقم حلو في التفاعل هطول البارت الجاي جدا واللي هيكون مليان احداث شنيعة ❤️❤️🔥🔥🔥🔥
رائعه
ردحذفرائعه
ردحذففين البارت التاسع
ردحذف