 |
~انتي طالق ~
لقيت نفسي برود ببرود : في داهيه
قالي : يلا اطلعي برا و مشوفش وشك تاني
قولتله وانا بضحك : انت نسيت نفسك ولا اي دا انت الي تطلع و مشوفش وشك تاني ويلا برا بيتي
قالي : بيت مين انتي هبله
قولتله : انت كاتب البيت و العربيه بي اسمي
هوا بصدمه : لا محصلش انا عمري ما عملت كدا
هي : انا هحكيلك بدل ما تتجنن
————
انا هحكيلكو قصتي انا رحاب متجوزه من ايهاب بقالي سنه و نص جواز صالونات كنت متخيله ان هنحب بعض بعد الجواز بس الي حصل خلاني اكره العيشه معاه و انتقم منه
فلاش بالك
رحاب : الووووو ي ماما عامله اي ي حبيبتي
ام رحاب : تمام الحمد الله ي حبيبتي انتي طمنيني عليكي امبارح كان عيد جوازك الاول جبتي اي لي ايهاب
رحاب بحزن : والله ي امي امبارح كان اسوء يوم عدي عليا
الام بشهقه : ليه ي بنتي اي الي حصل
رحاب بعياط : امبارح كنت رايحه اجيب هديه لي ايهاب شوفته مع بنت و ماشين سوااا و ماسك اديها
الام بحزن علي بنتها : طب وعملتي اي ي بنتي
رحاب : ولا اي حاجه ي ماما بس مش هسيب حقي
الام : متعمليش حاجه تندمي عليها ي رحاب ي بنتي لمي هدومك وتعالي
رحاب بكذب: لا ي امي انا مش هخرب علي نفسي انا هتكلم معاه و هشوف حل الموضوع دا
الام : ربنا يطمن قلبك ي بنتي
رحاب : يارب ي ماما يلا مع السلامه
الام : مع السلامه ي حبيبتي
————
ايهاب : اي ي حبيبتي كنتي مالك امبارح جيت من برا لقيتك زعلانه و مكشره و كنت بكلمك و انتي بتردي ب العافيه
رحاب : معلش ي حبيبي اصل كنت مدايقه من حاجه كدا
ايهاب :حاجه اي
رحاب : حاجه كدا ملهاش لزمه متشغلش بالك بيها
ايهاب : ماشي ي حبيبتي انا هروح الشغل بقي عوزه حاجه
رحاب :لا سلامتك
………بعد شهر من تفكير رحاب و خيانه ايهاب
في يوم من الايام جاء ايهاب من الشغل
ايهاب : مساء الخير ي حبيبتي عامله اي
رحاب : مساء النور تمام الحمد لله
رحاب : اجبلك تتعشاا
ايهاب : لا قومي اعمليلي كوبايه قهوه
رحاب بخبث : اوكي ي حبيبي
راحت رحاب تعمل القهوه و حطت منوم فيها
وبعد ما ايهاب شرب القهوه و نام كانت رحاب مجهزه ورق نقل الملكيه للبيت و العربيه و جابت البصامه
و بصمت علي الورق ب صابعه
وبعد فتره فاق ايهاب من النوم كانت رحاب قاعده جنبه بتلعب في الفون
ايهاب ل رحاب : اه انا مصدع اوي هوا انا نمت امتي
رحاب : انت نايم بقالك فتره انت مش فاكر حاجه ولا اي
ايهاب : لا مش فاكر حاجه بس ما علينا
رحاب : تمام اي رايك اروح عند امي شويه
ايهاب : طيب وانا هقوم اروح مشوار كدا
رحاب : مشوار اي
ايهاب : هقابل واحد صاحبي علي الكافيه
رحاب : اوكي ي حبيبي
ايهاب لبس طاقم شيك اوي و رش البرفيوم الخاص بيه و نزل
في الوقت دا كانت رحاب نزلت وراه من غير ما يشوفها و فضلت تراقبه لحد ما وصلت لمكان الكافيه الي دخل ايهاب فيه
ولقته راح علي طربيزه فيها بنت و سالم عليها و حضنها
وكل دا و رحاب بتصورهم وبعد ما صورتهم راحت عند
مامتها
رحاب بعد ما راحت عند مامتها
رحاب : عامله اي ي ماما
مامت رحاب : تمام ي حبيبتي انتي طمنيني عليكي
رحاب : الحمد الله علي كل حال
مامت رحاب : عاملتي اي مع جوزك
رحاب و حكتلها علي كل حاجه
مامت رحاب : يالهوي ي رحاب انتي مكنتيش كدا ي بنتي اي الي حصلك بقيتي قاسيه كدا ليه
رحاب بعياط : هوا الي غيرني ي ماما هوا الي علم قلبي الجفااا هوا الي خزالني يوم ما كنت فرحانه بيوم عيد جوزنا و كنت رايحه اجيبله هديه و شوفته مع بنت و البنت دي طلعت معاه في الشغل المشكله اني عمري ما قصرت معاه ي ماما و هوا يستاهل الي هيحصل فيه لانه خاين ومش مراعي ربنا فيا
مامت رحاب و اخدتها في حضنها : معلش ي بنتي ربنا يعوضك يارب
رحاب : بس فضلي حاجه و حده بس هعملها و هطلق منه
ام رحاب : حاجه اي ي بنتي
رحاب :…………….
انتو بقي شايفين ان رحاب مأفوره في انتقامها و لا ايهاب يستاهل
اللي عاوز البارت التاني بسرعه يعمل متابعه من هناااااا
بقلم Sara Mazen
البارت التاني من هنااااااا
تعليقات
إرسال تعليق