 |
البارت الخامس 💛🔥💛🔥
ووسط ما فارس ماسك وعد بنته بيبصلها بلهفة وغرقان في تفاصيلها البريئة
جت بنت من ورا حطت السكينة في ضهره
= لو مقولتش اختي فين في خلال دقيقة واحدة البنت اللي في ايدك دي هتتيتم
رفع فارس عينيه وبص لقدام .. وبعد ثواني وطي نزل وعد على السرير ، وبدأ يلف ببطئ لحد مااداها وشه
°°وهنا هنشوف *داليا* أخت كارمن الصغيرة وهنعرف صفاتها مع بعض°°
بعد ما لف بقت السكينة يعتبر في بطنه
داليا : انططططططق وديت اختي فييييين ؟؟؟؟؟
جميلة داخلة بتلطم على وشها : يانهار اسود يانهار اسود بتعملي ااااااايه يامجنونة 😱😱😱
داليا : اللي هيقرب هنا هدب السكينة في قلبه اموته بجد وافش غلي
جميلة : دالياااااا .. بطلي جنان متخلينيش ادب السكينة انا في قلبك واخلص منك دا جوز اختتتتتتك
فارس : اهدي اهدي ياماما وسيبيها
داليا : ههههه جوز اختي اللي دمرلها حياتها في الاول ودلوقتي خاطفها بقي مخبيها قاتلها ياعالم بيعمل فيها ايه صح ؟؟؟؟
بتتك بالسكينة : لو منطقتش حالا وقولتلي اختي فين مش هسمي عليك يافارس
فارس : تصدقي ياداليا .. انا المفروض لو اعرف مكان اختك اقتلها فعلاً
عارفة ليه ؟؟؟
داليا بغيظ : لييه
فارس : عشان بمنتهي البساطة اختك بتحب واحد غيري وياعالم علاقتهم واصلة لفين 😂 لا والجميل في الموضوع إني اول ما بدأت اتوقع الشخص دا اختفى .. سبحان الله !!!
داليا بتبرق ومصدومة .. نزلت السكينة ورجعت بصتله باستغراب
داليا : يعني انت مكفاكش إنك تظهر في حياتنا فجأة بدون اي مقدمات وعشان مصلحتتتتك انت ومصلحة اهلك تدمر حياة اختي وتتجوزها وهي مش عايزاك .. وتفضل سنة كاااملة بتحاول توصلنا انك كويس وبريئ وملااااااك ياعيني وانا في كل مرة كنت ببصلك كان فيه شئ جوايا مش مرتاحلك وساااكتة
وبعد كل دا جاي بتتهمها كمااااان انها شمال وبتحب واحد غيرك ويمكن بتخونك كمان ؟؟
فارس : عشان دي الحقيقة
وقبل ما يكمل الجملة كانت داليا لطشته بالقلم 🔥🔥
داليا بعد القلم مباشرةً : حسك عينك تنطق كلمة تعيب في اختي تاني طول ما انا عايشة ☝🏻
لأن تأكدد إن لو دا حصل تاني انا مش هيبقالي عزيز ولا غالي .. انت فاااااهم ؟؟؟؟؟
فارس لسة واقف على نفس وضع القلم .. عيونه حمرا زي الدم ، وفجأة اتلفت بصلها والشر هينط من عينيه
فارس : القلم دا بالنسبالي غالي اوي .. غالي لدرجة ان عمرك ما هتقدري على تكاليفه
مش هحاسبك عليه دلوقتي مش عشان انا فيا اللي مكفيني ومش فايقلك لا .. عشان انا راجل حكيم وبعرف اوزن الامور
وهطلق ليكي العنان عشان لما حقيقة أختك تتكشف وتعرفي اللي فيها انتي اللي هتضربي نفسك نفس القلم دا
داليا : انت لسسسسة بتقااااوح ياجااااحد
ولسة هتقرب عليه تاني جه وليد وقف بينها وبين فارس
وليد : كفاية كدا
داليا : افندم ؟!!!
وليد : زي ما بقولك .. لحد دلوقتي محدش فينا عارف فارس في دماغه ايه ولا شاف ايه عشان يقول كدا
اهدي واعقلي بقي لان مصحش كدا
سابهم فارس وخرج على برا .. جميلة قعدت على السرير مصدومة من كلام فارس عن كارمن انها بتحب واحد غيره وبتخونه
أمنية اخدت وعد بسرعة اللي بدأت عياط لما سمعت صوتهم بيزعقوا جنبها واتخضت لأنها لسة بيبي عمرها أيام بس .. داليا زقت وليد وخرجت هي كمان من الاوضة
💛💛💛💛💛💛💛💛💛💛💛💛💛💛
فارس نازل على السلم .. صلاح خاله ندهله
طلع وراحله مكتبه اللي جنب اوضته
فارس : ايه ياخالي اتفضل
صلاح : في ايه يافارس .. ايه الكلام اللي سمعته من شوية دا ؟!
فارس : اللي سمعته هي الحقيقة ياخالي للأسف
صلاح : انا مش هسألك ايه اللي حصل عشان تقول الكلام دا ولا هتدخل في خصوصياتك انت ومراتك بس هقولك كلمة واحدة
ساعة ما روحنا نخطب كارمن مكانش الهدف الأساسي إنها تجيبلنا حفيد وانت عارف كدا .. السبب كان أكبر بكتير
وانا مش هسمحلك تيجي بعد دا كله وتبوظ الخير اللي حاولنا نعمله بشك الله أعلم حقيقي ولا لا
انا راجل بعرف ربنا وعندي ابن ومستحملش ان حد ييجي عليه
ولا هستحمل انك تيجي على ولاد الناس يافارس
فارس : حاضر ياخالي
صلاح : المهم دلوقتي قبل ماتعمل اااي حاجة روح ع المكتب الرئيسي للمصانع بتاعتنا عشان فيه مشكلة بين العمال وانا خليت فريد مدير اعمالي يحولهم على المكتب عشان نحل المشكلة دي .. انا عارف ان الوقت مش مناسب يافارس بس احنا داخلين على صفقة كبيرة ومش ناقصين اي عطلة
فارس : حاضر هروح اشوف الموضوع دا
خرج فارس على برا ونزل ركب عربيته في اتجاه المكتب
💛💛💛💛💛💛💛💛💛💛💛💛💛💛
*في بيت مصطفى *
ناهد داخلة على مصطفى اوضة المكتب : ابنك فين يامصطفى ؟؟
مصطفى : يعني ايه !!
ناهد : سؤال واضح زي الشمس
سليم فيييين
مصطفى : معرفش فين .. مالك بتسألي بخضة ليه كدا في ايه
ناهد : فيه أن فارس جوز كارمن كان بيدور عليه النهاردة زي المجنون واكيييد ابنك عمل مصيبة
مصطفى : نعم ياختي .. هو عشان سي فارس بيدور عليه يبقي خلاص عمل مصيبة !!
ليه يعني نبي
ناهد : انا وانت عارفين كويس ان سليم ابننا مجنون وممكن يعمل اي حاجة مجنونة .. واللي مزود البلى طين انك ابوه ومقويه ع الغلط
مصطفى : بقولك ايه ياناهد انتي فاضلك معايا تكة ها .. عدي أيامك ولايميها كدا احسنلك
ناهد : الايمها ؟؟
ماشي يامصطفى هلايمها .. بس ورحمة ابويا وامي يوم ما هعرف ان انت ولا ابنك حاولت بس مجرد محاول انكو تأذوا كارمن او حد من عيلتها هكون انا اول واحدة توديكوا في داهية
خلصت كلامها وخرجت من الأوضة
بعد ما خرجت بدقايق ومصطفى اتأكد انها دخلت اوضتها وقفلت الباب .. مسك تليفونه واتصل بسليم
مصطفى : انت فين يازفت 😡
سليم : في ايه يابابا
مصطفى : اتنيلت هببت ايه ياسليم
سليم : مش هينفع اكلمك دلوقتي يابابا عشان في مليون حوار والدنيا بايظة .. المهم في حاجة ولا ايه
مصطفى : اه فيه .. فيه إني خاطرت بحاجات كتير اوووي لأجل رغباتك وهواك وحطيت نفسي في وضع منيل مع كارمن ولو كانت قالت كنت أنا وانت هنروح في ٦٠٠ داهية .. وبعد دا كله لو عملت اي غلطة عشان تكملها بغبائك انا هسلمك للشر بأيدي انت فاهم ؟؟
سليم : ماشي ياحج اللي تشوفه
مصطفى : سلام
💛💛💛💛💛💛💛💛💛💛💛💛💛💛
*في بيت الحر*
تحديداً في الجنينة
داليا نزلت وخارجة علي الجنينة عشان تخرج من البوابة .. فجأة حد شدها ورا حيطة
لسة هتصوت كتم بوقها .. الشخص دا يبقى وليد "ابن خال فارس"
فتحت عينيها وبتبصله بغضب
وليد وحاطط ايده على بوقها : انا آسف ياحبيبتي .. كان لازم اعمل كدا عشان أنقذ الموقف
داليا بتزقه : تنقذ الموقف بأنك تكسفني قدامهم ؟؟
وليد : انا مكانش قصدي اكسفك انا بس قولت افوقك قبل ماتعكي زيادة واحنا لسة مش عارفين حقيقة الموضوع .. عموماً حقك عليا ياستي متزعليش
داليا : حقي عليك !! اختي مختفية بقالها كذا يوم والدنيا مقلوبة وبنتها تتولد متلاقيش ام وهو رايح جاي بمنتهههههي البساطة ولما اسأله يقل ادبه ويتهمها زور
وبعد كل دا حقي عليك انت
بص ياوليد .. مش معنى إني مرتبطة بيك إني ممكن اتنازل في حق أختي لأجل إني مزعلش ابن عمتك .. وانت بقي واقف في صفه وعايز تدافع عنه دي حاجة تخصك لما يبقى عقلك يرجع لراسك نبقي نتكلم
سابته ومشيت .. وقف وليد حط ايده على دماغه
وليد : فيها اسبوع نكد بقي اللقطة دي 😒
💛💛💛💛💛💛💛💛💛💛💛💛💛💛
وصل فارس المكتب ودخل قعد .. السكرتيرة دخلتله
السكرتيره : تحب أدخل العمال دلوقتي يااستاذ فارس ولا حضرتك قاعد شوية ؟
فارس : لا متدخليهومش دلوقتي هعمل كام حاجة الاول
السكرتيره : طب فيه واحدة حابة تقابل حضرتك ضروري
فارس : واحدة مين ؟
السكرتيره : مش عارفة والله يااستاذ
فارس : تمام دخليها على ماابص ع الملفات دي
خرجت السكرتيره .. فارس مسك الملفات وبدأ يبص عليها
كل ما يحاول يركز في الكلام والعقود يفتكر حاجة شكل .. يقلب الصفحة ويحاول في اللي بعدها نفس الكلام
يسيب الملف ويمسك واحد غيره ... يفتكر حاجة جديدة
قفل الملف بعصبية ورماه من ايده وولع سجاره .. اخد منها نفس وحط ايده على المكتب وسند عليها دماغه
فارس : انت فين يابابا تشوف اللي إبنك وصله .. لو كنت عايش مكانش زماني بعاني من كل دا
ع الأقل اوي كنت هحط راسي على كتفك واقولك اللي جوايا وانت اكتر واحد هتفهمني
بنت داخلة المكتب ببطئ
البنت : مش ضروري باباك هو الوحيد اللي هيفهمك .. ممكن حد يبقى ملهوش اي علاقة ولا صلة دم بيك ويفهمك عادي
فارس بيرفع دماغه وبيبصلها : مين ؟؟
بتشد الكرسي اللي قدام المكتب وبتقعد : فاعلة خير
فارس : افندم ؟
فهمت ايه انا كدا 😂
البنت : عابرة سبيل اتكعبلت في سيرتك وفضلت متابعاك ومتابعة تطورات مصانعك اللي خالك وابنه مش عارفين يعملوا فيهم ربع اللي بتعمله .. لحد ما فجأة اكتشفت إنك واقع في كذا مشكلة تخص حياتك الشخصية بقالك كام يوم وبالتالي المصانع اتأثرت بدا حتى عمالها
فارس : ثم ؟؟
بتمد ايديها تسلم عليه : سلمى راشد .. معرفتك تشرفني
فارس بيسلم عليها : أهلا وسهلا ياسلمى
سلمى : اكيد زمانك مستغرب مجيتي من غير مواعيد .. واكيد بردو فيه علامات استفهام كتير بتدور في دماغك ياترى انا مين وعايزة ايه وجاية ليه
فارس : اكيد
سلمى : وعشان كدا انا مش هضيع وقت وهقولك انا جاية ليه ..
انا اشتغلت حوالي اربع سنين في مجالكم دا لحد ما حصل معايا أزمة مش حابة أتكلم عنها انتهت برفدهم ليا من غير أدنى رحمة
وساعتها زي ماتقول حالي حالة تمرد عام ومبقتش عايزة أرجع اشتغل في المجال دا تاني
بس اللي مكنتش عاملة حسابه ان مصانعكم تلفت انتباهي بالشكل دا .. ويوم ماقررت إني اجي أقدم عندكم قررت اجي لحضرتك على طول من غير اي تضييع وقت مع الhr
فارس : امممم .. وانتي حابة تشتغلي ايه معانا بقي
سلمى : انا عارفة إن ممكن تبقي صعبة شوية وتفاجئك .. بس انا حابة أكون مديرة أعمالك
واللي ممكن تقصر فيه الأيام دي عشان مشاكلك الشخصية انا هسد فيه لحد ما ترجع لحياتك الطبيعية
فارس: اه .. بس انا كفارس مش عايزة مديرة أعمال
سلمى بثقة : لو عرفت واحدة زيي ممكن تقدملك ايه لو كانت مدير أعمالك صدقني فكرتك هتتغير تماماً عن إدارة العمل
بيطفي السجارة وبيسيبها في الطفاية : اااه .. لا كدا هنحتاج نتكلم في تفاصيل اكتر بقي
سلمي بتبتسم : وانا معاك من ساعة لسنة
💛💛💛💛💛💛💛💛💛💛💛💛💛💛
*بعد ساعتين *
فارس نازل من المكتب ورايح الجراج يركب عربيته لقى سيف في وشه
فارس : ايه ياسيف في حاجة ولا ايه
سيف : لا مفيش بس قولت اجيلك نطلع من هنا على كارمن ونشوف ايه حكايتها في اللي قولتهولي
فارس : خليك انا هروح اشوف الحوار دا على طول
سيف : لا مش هيحصل .. من هنا ورايح انا مش هسيبك تمشي خطوة واحدة لوحدك طول ما جواك كم الغضب دا كله
فارس : ماشي
ركبوا عربية فارس وبدأوا يتحركوا ..
بعد ساعة بالظبط وصلوا المكان اللي سايب فيه كارمن ... حط المفتاح في الباب وفتح
داخل فارس الاوضة ووراه سيف .. وكانت الصدمة
بص يمين وشمال ملقاش كارمن .. رفع عينه وبص على شباك الاوضة لقاه مكسور 💥💥💥💥
💛💛💛💛💛💛💛💛💛💛💛💛💛
تفتكروا راحت فين .. او راحت لمين ؟؟؟
وياترى هيكون ايه رد فعل فارس في الوقت دا !!
اللي عاوز يعرف يعمل متابعه من هنااااا بسرعة
تفاعلوااااا ❤️❤️❤️❤️❤️🔥🔥🔥🔥🔥
البارت السادس من هنااااا
ياريت الباقي
ردحذف