 |
قدري الاسود البارت الاول
مالك ياماما جايه من برا قلبه وشك ليه ايه حصل
ماما: مانتي اللى مسمعاني الكلام من اللى يسوي ولا ميسواش
رحمه: انا ياماما ليه في ايه
ماما: كل يوم الجران تسألني رحمه بنتك مفيش حد اتقدملها ياناري يابنتي دي كبرت وبقت فرصتها قليله قلبي عندك انا بقيت بتعاير بيكي انك عانس
رحمه ودموعها نزلت غصب عنها: هو دا اللى مزعلك ياماما انا مسميش عانس انا اسمي اتأخرت انا لسه نصيبي مجاش ياماما انا مش كبيره وايه يعنى عندي28سنه
ماما: خليكي انتي حافظه البوقين دول اللى بتسمعيهملي كل يوم
_سبت ماما ونزلت وانا بفكر ازاي ماما بتتكلم معايا كدا المفروض تراعي مشاعري شويه انا تاخيري دا مش بايدي دا نصيب ولسه مجاش كنت شارده اوي وفجأة اتكعبلت وكنت هقع
_مش تفتحي يااستاذه وانتي ماشيه ايه التخلف دا
رحمه: تخلف مين ياعم اسكت بدل مقل منك واطلع زهقي عليك
_عم كمان انتي شيفاني واقف بشحت عالم متخلفه صح
_ولسه هرد عليه واعرفه مقامه لقيت مي صاحبتي بتحط ايدها ع بوقي
مي: احنا اسفين ياسطا مكنتش تقصد تبهدلك البدله كدا اسفين للمره التانيه
_لا يانسه من غير اسف ياريت تعلمي صاحبتك احترام الرد زيك
______
مي: مالك يارحمه شكلك معيطه ف ايه
رحمه بصوت مخنوق: انا تعبت يا مي تعبت اوي بجد
مي وهي بتحاول تحتوي رحمه: قولي بس حصل ايه احكي
رحمه: هو تأخيري ف الجواز دا بايدنا ولا احنا اللى اخترنا كدا كل حاجه نصيب انا تعبت من نظره المجتمع ليا من كلمه انتي عانس او شوفولها شيخ يفك النحس انا بقيت بحس اني وحشه ليه مفيش ولا عريس اتقدملي لحد دلوقتي
مي بتنهيده: ياقلبي انتي ست البنات كلها بس دا نصيب والله وبعدين فكي كدا وبطلي تعكنني ع نفسك
رحمه بضحكه مصطنعه: هو احمد جاي من المنوفية انهارده؟!
مي بفرحه: اه واخيرا بعد غياب شهر هشوفه انا فرحانه اوي احمد مش بس البيست فريند دا بقي اكتر من كدا بحسه ابني
رحمه بغمزه؛ شكلك هتحبيه والله
مي: ياختي اسكتي احب مين دا قدي حد يحب واحد قده بس سيبك انتي هتيجي معايا نقابل احمد انهارده
رحمه: لا مش قادره انهارده خليها وقت تاني
مي:وقت تاني ايه انهارده عيد ميلاد احمد تعالي احتفلي معانا
رحمه:لا ماليش نفس روحي انبسطي انتي
_____
وفعلا رجعت البيت بعد يوم نكد وعياط وشغل كنت محتاجه افصل من الضغط حبه نمت وانا بفكر يارتي هفضل فى الضغط النفسي كدا كتير
______
مي: ايه ياستاذ كل التأخير دا
احمد: مواصلات والله انتي عارفه ان مشوار من المنوفية لسكندريه كبير والمواصلات
مي: ع فكره انا زهقت لوحدي هنا
احمد: ع فكره انتي حلوه اوي انهارده
مي: نعم انهارده بس
احمد: لا انهارده حلوه علشان وحشتيني اوي
مي: طب غمض عيونك بقي
احمد: ٠ايه دا هتبوسبني ولا ايه لا انا ابن ناس محترم
مي: احترم نفسك انهارده ايه
احمد: الخميس يابنتي مالك
مي: خفه انهارده 10/11 يعنى عيد ميلادك
احمد: يااه انتي فاكره عيد ميلادي بجد انتي احلي اخت ف حياتي مش بس صاحبتي حجزتي كل المكان دا علشاني انا
بجد انا بحبك ومن زمان
مي: قولت ايه ونفسي اكمل عمري معاكي
احمد: قولت انك اجدع اخت
مي؛ لا اخر جمله اتقالت
احمد: ماقولتش حاجه
مي: لا انت قولت بحبك
احمد: اديكي سمعتي اهو
وفعلا كان مجيأك لي كان يشفي جروح قلبي نعم لقد بدأت حياتي من تلك اللحظه
_____
مي بفرحه: رحمه رحمه
رحمه: خير يارب ف ايه
مي: قالي بحبك قالي بحبك والله
رحمه: ياااه واخيرا ياقلبي قولتلك انه بيحبك
___
عدا اليوم وانا فرحانه اوي بيها لكن اليوم حصل فيه معجزه مكنتش متوقعه معايا
يتبع
#قدري_الاسود
#للكاتبه_غاده_رجب
قدري الاسود البارت التاني
لسه هدخل من باب البيت لقيت صوت ماما وبابا عالي جدا لقيتهم بيتكلموا عني وقف اسمع بدون قصد
ماما: يعني بجد والنبي متقدم عريس لرحمه انت متاكد
بابا: اه والله واحد قالي انه جايب عريس لرحمه بالليل وانه اكبر مهندس معماري ف البلد
ماما: والمهندس دا بص لرحمه ع ايه طيب هو عارف سنها عارف انها عانس ولا هييجي يتفاجئ
بابا: عارف ياعيده عارف عنها كل حاجه
ماما: أخيراً هنخلص منها ومن كلام الناس
_السلام عليكم
ولسه هدخل اوضتي لقيت ماما
وعليكم السلام ياختي جهزي نفسك اخيرا عقدتك هتتفك متقدملك عريس
_اه سمعت الكلام وانا داخله
ماما: طيب يلا جهزي نفسك علشان جايين بالليل
___
وبالفعل جه الليل ولقيت الكل بيجهز نفسه وبيجهزوا الحاجات انا مكنتش حاسه بحاجه ولا بفرحه ولا بزعل اللى هو عادي يعني مش فرحه البنات اللى ف سن العشرين ولا زعل البنات اللى وصلوا لسن اليأس
فوقت من شرودي ع صوت مي ورحاب اختي
رحاب: انتي لسه مالبستيش العريس جه بره
رحمه بشعور اللامبالاة: بلبس اهو الا قوليلي يارحاب العريس كبير صح
رحاب بتحاول تحبي زعلها: بصراحه هو كبير وجايب ابنه معاه ابنه قدك كدا بس قمور اوي
مي وهي بتحاول تطمني: بس سنه مش باين عليه والله قمر يابت مز كدا دا حتي شبهه احمد
_كنت حاسه اني هموت من التوتر اصلي اول مره اتحط ف الموقف دا اول مره يتقدملي عريس طلعت وانا عارفه انه كبير وانه متجوز كنت خايفه اوي دخلت وانا باصه ف الارض وشي مترفعش
___
السلام عليكم ورحمة الله
عمي: ايه القمر دا يابختك ياعم حاتم
بابا: ربنا يخليك ياحج انت الخير والبركه
_كنت لسه مارفعتش وشي ليهم ماهي جوازه والخلاص علشان
اريح ماما ولسه برفع راسي لقيت ف وشي كارثه لقيت نفس الشخص اللى كنت متخانقه معاه من يومين ابن الراجل اللى جاي يخطبني يانهار اسود بصتله بقرف
_انت ايه جايبك هنا؟!
حاتم: انتي اللى مين
_يعني انت ف بيتنا وكمان بتسال انا مين ياسبحان الله
حاتم: ماتلمي لسانك شويه بقي
قطع كلامنا صوت عمي وهو بيقول اهدوا كدا انتوا تعرفوا بعض
حاتم: لا ابدأ ياعمو انا معرفش الاشكال دي
_لا راجل ومالها الاشكال دي بقي
عمي: اهدوا بس اهدا ياحازم دي رحمه اللى انت جاي تخطبها
رحمه بستغراب: ٠مين اللى يخطبني هو دا العريس
حاتم: نهار اسود يعني انا هتجوز دي
عمي: اه ياحاتم للاسف
حاتم: خلاص خلاص انا موافق
وبالفعل عدا اليوم وكانوا قرأو الفاتحه وحددوا معاد للشبكه الاسبوع الجاي
بس انا كنت ف حاله من الزهول ليه واحد ف سني وعنده كل الفلوس والمنصب دا ويفكر يتجوز واحده كبيره زيي يعني ليه ماخدتش عيله يتباهي بيها وسط الناس فضلت افكر لحد ماقطعت شرودي صوت مي
مي بفرحه: تفتكري ربنا بيعوضنا بيهم يعني تفتكري احمد وحاتم دول العوض لفرق السن وكدا
_والله منيش عارفه حاجه ولا حاسه بحاجه بس انا قلقانه اوي
مي: تدري ليش انتي قلقانه
_ليه ياذكي اخواتك
مي: لانك فقريه.
_____
وبالفعل جات الخطوبه وحاتم كان بيزود ع كل حاجه يعنى زياده ف الشبكه والدهب زياده ف اللبس زياده ف اي حاجه كان شاريني بشكل مبالغ فيه
_حاتم انت ليه بتعمل معايا كل دا
حاتم بتنهيده: علشان اما نتجوز هقتلك وابيعك اعضاء واكسب فيكي
_بصتله بضحكه كدا لا والله بتكلم بجد
حاتم وهو بيبصلي بضحكه خفيفه: متمشيش معاكي اني بحب اشوفك مبسوطه وكدا
_طيب ليه احنا هنتجوز خلاص شهر بس
حاتم:علشان عايزك معايا العمر كله فمستعجل
___
وبالفعل عشت معاه شهر ف الخطوبه كان احلي شهر يعدي ع اي بنت والله كنت حاسه اني ملكه بجناحات وجه اهم يوم كنت مستنياه من 28سنه يوم مالبس الابيض وابقي عروسه زي البنات
مي: ايه القمر دا مشاء الله أخيراً شوفتك بالابيض
_قلبي يامي والله عقبالك وافرح بيكي قريب
مي بفرحه: انا مش قادره اصدق ان عشره عمري بتتجوز وهتبقي ليها حياه وبيت وهتبعد عني
_اخرصي ياحيوانه مين دي اللي هتبعد عنك دا انا ماليش غيرك
مي مسحت دموعها وحضنتني جامد وعيطت ف حضني
مي:اه صح نسيت اقولك اني عزمت احمد وهو جاي الفرح
_اممممم علشان كده محلويه وشكلك قمر
___
عدا يوم فرحي ع خير كنت حلوه اوي وفرحانه اوي كنت حاسه اني خلاص ملكت الدنيا نعم انا لسه ماتعلقتش جامد ب حاتم بس حاولت احبه هو كان طاير بيا من الفرحه
حاتم:أخيراً بقي ليا اسره واستقر بقي مبروك عليا انتي
_الله يبارك فيكي ياقلبي
حاتم:طيب يلا اخلعي الفستان الكبير اوي دا واللبسي اي حاجه
وبالفعل خلعت ولبست لبس العروسه بقي اشيك لانجري ف الدولاب لكن فجأة جه حاتم يطلب مني اللى محدش يتوقعه انا جالي زهول والله معقول يطلب كدا....
#قدري_الاسود
#بقلم_غاده_رجب
البارت التالت قدري الاسود
حاتم: ايه القمر دا ياخواتي متجوز نوتلا
_احم احم
حاتم بضحكه: مبروك عليا انتي وقلبك
_مبروك عليا انا
حاتم: طيب ايه
_انا بكسوف وضحكه خفيفه ايه
وفعلا عروسه بقي بس لقيت حاتم بيطلب مني اغرب طلب ممكن يطلب ف الدنيا كنت حاسه وقتها ان فرحتي بتنكسر اي دا انت بتقول ايه وازاي تطلب حاجه زي دي
حاتم بعصبيه: ايه دا كانديوم(واقي ذكري) وهلبسه انا هرتاح كدا
_انا بستغراب: لا اكيد فيه سبب ليه عايز تعمل كدا ودا مش طبيعي
حاتم بغضب شديد: افهمي بقي انا خايف عليكي انا عندي مرض جلدي معدي وخايف اعديكي شبهه الفيروس كدا فاستحملي حبه
_بصتله وفضلت اعيط يعني يوم فرحي كدا يبوظ طيب انت ليه ماقولتش حاجه زي دي قبل الجواز ليه ماقولتش وسبتلي الاختيار اكمل ولا لا انت خدغتني انت طلعت كداب انت ليه عملت كدا وانهرت
حاتم بستعطاف: معلش حقك عليا والله مقصد اصدمك بس انا قولت هحل الوضع بالكانديوم دا لحد مالعلاج يخلص
_نام ياحاتم سبني لوحدي لو سمحت
_______
حاتم: صباح الخير يارحمه
-صباح الخير ياحاتم
حاتم: يلا اغسلي وشك وحطي ميك اب بدل ماانتي شكلك مبهدل كدا علشان مامتك جات بره
_حاضر هقوم اهو احضرلك فطار ولا مش عايز
حاتم بصلي بصه مش مفهومه وسابني وخرج
--------------
ماما: مبروك ياعروسه
_الله يبارك فيكي
ماما بستغراب مالك مش فرحانه ليه كدا
_عادي ياماما مفيش حاجه
ماما: لا والنبي دي مش بنتي حاتم مزعلك ف ايه
_حضنتها وفضلت اعيط تقريبا دي كانت اول مره احضنها كنت اول مره احس باحساس الام كانت حلو اوي قولتلها اني عايزه اطلق
ماما: يامصيبتي ايه حصل بس علشان تطلقي يابنتي احكي
_حكيتلها اللى حصل وانا منهاره مايمكن المرض يكون معدي بس لقيت ماما بتطلب مني اوافق لان مفيش عروسه بتطلق يوم الصباحيه وكمان الراجل مش وحش معاكي دا بيحبك
_عدا حوالي اربع ايام عايشين اخوات لكن لقيت حاتم بيطلب نفس الطلب تاني وبيثبتلي انه المرض دا مش معدي مدام فيه كانديوم لكن ال حصل كان غير متوقع مني...
______
احمد:٠ايه ياهانم اللى انتى لابساه دا
مي:ايه هو مالبس عادي هو
احمد بغضب:البنطلون دا مايتلبسش تاني مهما حصل
مي بستغراب:مالك يااحمد ف ايه البنطلون مش ضيق ولا فيه حاجه انت مكبر الموضوع
احمد بنفس العصبيه:قولت مايتلبس يعني مايتلبسش
مي'ليه اقنعني
احمد:كدا انا فلاح ياست وبغيرعليكي
مي بضحك:والنبي احلي فلاح
كنت حاسه اني فرحانه معروفه يعني ان اول مره ف كل حاجه بتبقي احلي مره يعني اول حب اول اهتمام اوا مره يغير عليا اول كل حاجه كنت حاسه ان احمد دا عوض ربنا ليا
احمد بكسوف:مي انا محتاج حاجه منك ومحرج
مي:محرج ليه هو فيه بينا احراج
احمد وهن بيبص ف الارض انا شكلي نسيت الفلوس والمحفظه ف البيت ومش ادفع فلوس المطعم منين
مي:انت عبيط يابني مفيش بينا فلوس هدفع انا طبعا وبعدين مش انا اكلت معاك يبقي من حقي ادفع
احمد طيب انا عندي طلب تاني انا مش معايا فلوس ارجع المنوفيه بيها
مي بضحكه خبيثه طيب ماتبات عندي
احمد بضحكه الله هو انا اطول دا انا هدلعك
مي:ماتحترم نفسك ياجدع
احمد يابت هدلعك خروج انتي فهمتي غلط دماغك شمال
وبالفعل انا اللى حاسبت ع اليوم ودا كان العادي كنت دايما انا اللى بحاسب لكن المرادي حصلت حاجه اول مره تحصل
#قدري_الاسود
#بقلم_غاده_رجب
قدري الاسود البارت الرابع بشكركم ع التفاعل القمر زيكم دا فممكن متابعه بقي لو سمحتوا
لكن حصل اللى مكنتش متوقعه انه يحصل بعد زن حاتم عليا وفقت ع طلبه دا مكنتش مبسوطه ولا زعلانه اهي كلها عيشه بس كان نفسي اعرف ليه
_معلش ياحاتم هو انت بتعمل كدا معايا علشان مش عايز عيال مني طيب
حاتم بضحكه: لا والله انا نفسي ف عيل منك اوي بس دا غصب عني علشان مرضي وع فكره انا حاسس اني بقيت بحبك
_عدا شهر ع جوازي ولسه ماحستش اني مبسوطه حاتم كان كويس معايا اوي خلاني بدأت اتعلق بيه بس حياتي كانت ممله مفيش شغل ولا خروج كتير فزهق وف يوم كررت اكلم مي علشان نخرج
___
_الو: اذيك يامي عامله اية
مي بفرحه: انا بقيت كويسه اما سمعت صوتك
_حبيبتي يلا نخرج حبه انا زهقانه
مي: وأخيراً دا انا عندي كلام قد كدا ماهصدق اقوله
وبالفعل نزلنا كلنا
_وحشتيني ياجزمه
مي: وانتي والله يانن عيني وحشتيني بس ايه دا انتي خسيتي اوي كدا ليه
_ماهو انتي لو مهتمه كنتي عرفتي لوحدك انا خسيت ليه
مي بفرحه: ٠تبقي حامل صح ايوه بقي وهبقي خالتو جدعه يابت احنا بنكبر هتيلك حته عيل يونسك وتفرحي بيه
_بصتلها بكسره ودموعي نزلت غصب عني وحضنتها جامد: ٠انا نفسي ابقي ام يامي نفسي انا بكبر وفرصتي ف الحمل بتقل انا نفسي اسمع كلمه ياماما اتنهدت وقولتلها انتي عارفه يامي انا اول م ابقي ام هعامل ولادي بطريقه حلوه اوي هحضنهم كل دقيقه هخليهم عندهم ثقه ف نفسهم انا نفسي ابقي ام بجد
مي بستغراب؛: يابنتي متستعجليش والله ربنا هيكرمك زي ماكرمك وعوضك بحاتم
_هي مي مكنتش عارفه ماقولتش ليها حاجه محبتش اقولها ع الوكسه اللى انا فيها
_اه صح يابت يامي احمد عامل اية مش ناوي ييجي يخطبك بقي
مي بتنهيده: بيقول اول مايستقر ويلا شغل ف بنك محترم هيتقدم طبعا
_طيب وهو عامل اية معاكي
مي: والله هو كويس بس مش فاهمه ماله حاسه انه ابن ماما اوي يعني مابيقدرش يرد عليا قدام مامته او اخته
_ياست عديها المهم انه بيحبك
مي: ودا اللى مطمني يارحمه انه بيحبني وانا واثقه انه ميقدرش يبعد عني
_٠يانهار يامي احنا اتاخرنا جامد حاتم اكيد رجع من الشغل
مي بضحكه: والنبي بقي ليكي راجل يقلق عليكي
وبالفعل رجعت لقيت حاتم رجع البيت
_ايه ياحبيبي هتتغدا ولا اكلت
حاتم بتعب: لا ياقلبى اعملي الغدا لحد مادخل اخد البرشامه
_حاتم انا عندي سؤال فضولي
حاتم: اتفضلي ياست رحمه اسألي
_هو برشام ايه دا وليه بتاخده كل يوم ف نفس المعاد وليه مالوش روشته
حاتم بارتباك: دا دا برسام الفيروس الجلدي وليه باخده ف نفس المعاد علشان اخف وليه مالوش روشته مش عارفه ابقي اسألي اللى صنع الدوا
_طيب انا عايزه اطلب طلب منك
حاتم: دا انتي تؤمري امر
_حاتم ياحبيبي انا نفسي ابقي ام نفسي نفسي احس الاحساس دا
حاتم بعصبيه خفيفه:انا قولت مش هينفع دلوقتي علشانك مش علشاني انا خايف عليكي
_بس ياحبيبي مفيش حاجه يعني ما انا معاك اهو والمرض مانتقلش واكتر من مره الكانديوم بيسرب يعني ومحصلش حاجه
حاتم:اقفلي الموضوع دا لحد ماخف استحملي شويه
_بس انت فهمتني ان كلها كام شهر وتخف
حاتم:معلش العلاج اتأخر شويه كمان
_كنت دايما بحس بحاجه غريبه حاجه مش مفهومه بالنسبالي شعور عمري ماحسيت بيه كنت حاسه احساس العجز انا خلاص مش مستحمله ولكن بعد تعب وعناء كنت قاعده ف يوم وحصلت حاجه حياتي هتتغير 360درجه بسببها حاجه مش متوقعه..
_____
مي بلهفه وفرحه شديده:الو ايوه يااحمد عامل اية
احمد:بخير الحمدلله
مي:عايزه اشوفك حالا
احمد:حالا ازاي هاجي من المنوفيه لحد عندك حالا ازاي
مي بدلع:اتصرف الله اللى شاري ييجي لاخر الدنيا مشي
احمد:طيب ياحبيبي عايزه ايه
مي:لا مش هينفع دي مفاجأة
احمد:طيب ياست مي هاجي بس لو ركبت دلوقتي هوصل عندك الساعه 10وعقبال مارجع تاني هرجع الفجر
مي:اه تعالي وانجز بقي
جه احمد وكنت عامله احلي قعده وحجز كل الكافيه وبلالين ودنيا قمر
احمد:ايه دا كله هو عيد ميلاد مين انهارده
مي بضحكه:هو لازم يبقي فيه عيد ميلاد علشان احتفل بيك
احمد بستغراب بس لازم يبقي ليها مناسبه
مي:طبعا فيه مناسبه انهاردة ابني واخويا وحبيبي وكل ماليا هيبقي محاسب قد الدنيا
احمد:ياختي ما انا محاسب من زمان بس مفيش شغل
مي:مفيش شغل ليه اما جواب التعيين دا بيعمل ايه
احمد:تعيين ايه وجواب مين انطقي
مي:براحه ف ايه دا جواب تعيينك ف اكبر بنك ف كل المنوفيه
احمد:جبتيه ازاي دا احكي
مي:والله انا جبته بعد مرار كبير بس مش مهم المهم انك مبسوط
احمد:دا انا طاير من الفرحه والله
مي:ودي اهم حاجه عندي انك تبقي مبسوط
احمد:ربنا يخليكي ليا
وبالفعل اشتغل احمد ف البنك وكان فرحان واوي لكن كنت حاسه انه بدء يتغير بدء يبقي واحد تاني غير احمد لحد مافي يوم روحتله البنك لقيت صدمه عمري
#قدري_الاسود
#بقلم_غاده_رجب
البارت الخامس قدري الاسود بجد تسلمولي ع تفاعلكم القمر متابعه لو تكرمتوا
_فيه كنت قاعده لقيت رساله جيالي ع الفون ان حاتم تعبان اوي ومحتاجني
نزلت وانا زي الهبله بسرعه اوي مكنتش عارفه اتصرف طيب امشي ازاي انا مش قادره اتحرك من الخضه اه هو حاتم كان عصبي حبه لكني كنت بحبه كنت شايفه هو الوحيد اللى بيعاملني كويس نزلت ركبت تاكسي بسرعه
_فاضي ياسطا
_اه يابنتي اركبي
رحمه بعياط: طيب ممكن توديني المكان دا لو سمحت
_حاضر يابنتي بس اهدي شويه
_بسرعه والنبي ياعمو اصل جوزي تعبان اوي وانا لازم ابقي معاه
_يارب يابنتي يسعدك شكلك بتحبي جوزك اوي
وبالفعل وصلت للمكان وهو المكان دا كان الشركه وانا مكنتش اعرف عنوانها
دخلت بلهفه شديده
_لو سمحت فين حاتم
الموظف: حاتم بيه ف الاستراحه نايم
_وهي فين الاستراحه دي يعني انا عايزه اشوفه
الموظف: هي ف الدور الرابعه بس مش هينفع تشوفيه لكن مش واخده معاد
_معاد ايه وزفت ايه بقولك دا جوزي يعني ادخل ف اي وقت
الموظف: لا يافندم ماينفعش لان كدا انا هترفض
_وسع انت بس كدا من وشي
وبالفعل طلعت جري اشوف حاتم كنت بعيط هستيري كنت مرعوبه عليه سألت ع الاستراحه دي ووصلتلها
لكن لسه هدخل وسمعت صوت ضحكه مايعه كدا جايه من الاوضه
مركزتش اوي لان كان كل همي اساعد جوزي واعرف هو ماله فتحت الباب بسرعه اوي لكني لقيت صدمه عمري لقيت جوزي ف حضن واحده تاني ف حضن بنت غيري
حاتم بتوتر: رحمه انتي ايه جايبك هنا
_معرفتش ارد عليه نزلت جري وانا منهاره من العياط والصويت ازاي جوزي انا يعمل كدا دا انا مستحمله قرفه كله ليه يوصلني لكدا نزلت وانا بجري زي الهبله رجعت البيت لكن من كتر العياط والانهيار اغمي عليا
ماحستش بنفسي غير وانا ف المستشفى وحاتم قاعد جمبي بيعيط
حاتم بندم: انا اسف يارحمه حقك عليا بجد انا غبي والله معرفتش عملت كدا ازاي دي غلطه وانا معترف بيها لكن والله دا كان شغل علشان صفقه تخلص لازم اعمل كدا بس حقك عليا انا اسف ليكي
_انا بعياط اسف ع ايه هو انت دعست رجلي بالغلط ولا اتاخرت ع معاد كان بينا ولا بتعتذر ع اهمالك لا ياحاتم انت كسرتني وكسرت قلبي انا اللى مستحمله اني مبقاش ام مستحمله كل القرف دا مستحمله تعبك وصابره لكن الاقيك بتخوني الاقيك ف حضن واحده غيري الاقيك بتقولها نفس الكلام اللى بتقوله ليا انت متخيل الوجع اللى انا فيه طيب ليه تبعتلي وتقولي تعالي انا تعبان
حاتم بستغراب: اه صح انتي جيتي ازاي وعرفتي العنوان منين
-جيت اما جتلي رساله انك تعبان اوي ومحتاجني نزلت زي الهبله علشان اشوفك مكنتش اعرف ان دي شركتك ياريتني مانزلت ولا شوفت
حاتم: طيب هاتي الرقم اللى بعتلك الرساله وانا هعرف مين
ارجوكي ماتسبينيش انا ماليش غيرك يارحمه والله انتي مراتي وصاحبتي وكل ماليا حقك عليا
وبالفعل خرجت من المستشفي وانا مش عارفه وافكر ولا اعمل ايه لقيتني بسرعه بكلم مي
_الو ايوه يامي
مي: الو ازيك يارحمه عامله اية
_انا كويسه ياحبيبتي بس ماله صوتك ياا مي
مي بعياط: مش مهم المهم انتي مالك طمنيني عليكي صوتك متغير
رحمه: انا موجوعه اوي يامي انا محتاجه اشوفك
مي بقلق: فيه ايه مالك انا جايه حالا
عدا حوالي نص ساعه ولقيت مي عندي لكن اللى شوفته نساني اني كنت تعبانه
رحمه: مالك يامي وماله شكلك كدا احكي ف ايه
مي وهي بتحاول تخبي دموعها: انا ماليش يارحمه انتي اللى فيكي ايه
_حكيتلها اللى حصل وانا بعيط ومنهاره كنت بحكي قد ايه انا اتظلمت وقد ايه كمان انا ماليش حد ولوحدي لكن كان رد مي عليا مختلف
مي: ياااه يارحمه هو عمل كل دا يعني يبقي ف حضن غيرك ويبعتلك رساله
رحمه: بس مش هو اللى بعتها دا رقم غريب
مي: طيب مين ليه مصلحه انك تعرفي حاجه زي دي
رحمه: والله ما انا عارفه حاجه كل اللى اعرفه اني موجوعه اوي اوي ومش عارفه اعمل ايه
مي: هتعرفي تسامحي وتكملي حياتك وتعتبريها نزوه وعدت ولا الموضوع هيفضل ف بالك اصله يفرق هتقدري تنسي ولا لا
رحمه بتنهيده: والله انا مش عارفه بس انا اول مره احس اني ماليش حد كدا انا لوحدي يامي
وحضنتها وفضلت اعيط لكن لقيت مي هي كمان بتعيط بحرقه مسكت ايديها وسألتها
_مالك يامي ف ايه احكي ياحبيبتي
_مي بتنهيده وصوت فيه عياط: انا حاسه ان قلبي وجعني اوي يارحمه انا حاسه اني وحشه اوي ليه الدنيا بتعمل فينا كدا
رحمه بخوف: فيه ايه طيب احكي بهدوء كدا
مي: انا جبت ل احمد شغل وخليته ليه قيمه وسط الناس انا اللى عملته انا كنت السبب ف كل حاجه لكن نزلت ليه الشغل اول امبارح لقيت عنده ناس تصوري قال عني ايه
مي بلهفه: احمد واخيرا جيت عندك البنك
احمد: ازي حضرتك استاذه مي
مي بستغراب: استاذه ايه مالك يااحمد
لكني لقيت بنت وست كبيره قاعدين انا مخدتش بالي منهم والله لقيت الست بتسأل
مين دي يااحمد؟!
كان نفسي يقولها دي حبيبتي دي صاحبه الفضل عليا لكن قالها دي بنت كان شغاله معايا علاقتنا سطحيه
_اما انتي كنتي شغاله معاه وعلاقتكم سطحيه ايه العشم اللى انتي داخله تتكلمي بيه دا
_انا بصيت ل احمد والست وطلعت من المكتب جري وانا بعيط قولت اول مارجع البيت هلاقي احمد بيصالحني وبيقولي اسف لكن من امبارح وهو معملش كدا سابني مع نفسي ولا حتي اتصل بيا يعتذر انا قلبي وجعني اوي يارحمه اوي
حضنتها جامد وقولتلها احنا مالناش حظ والله
مي نزلت من عندي وانا فضلت افكر اني لازم انزل عند ماما اربح اعصابي واشوف هقدر اسامح حاتم ولا لا لكن اللى حصل مكنتش اتخيله انه يحصل....
#قدري_الاسود
#بقلم_غاده_رجب
تعليقات
إرسال تعليق