 |
البارت السادس قدري الاسود بجد ميرسي ليكم ولدعمكم ليا ممكن الادمن تقبل البارت علشان انزل اللى بعده بسرعه
_لسه بلم هدومي علشان امشي انا محتاجه حضن ماما ع الرغم اني عمري ماجربته كنت محتاجه اقولها قد ايه انا موجوعه ونفسي اقولها
لكن لسه داخله لقيت حاتم نايم ع السرير وتعبان اوي
رحمه بخضه: حاتم ف ايه مالك
حاتم: انا كويس
لكن قربت منه لقيت سخن اوي وجسمه تعبان
حاتم قوم مالك يابني ف ايه تعبت كدا ازاي بس
_حاتم: مش عارفه والله بس انا كويس متقلقيش
_انا بتوتر وخضه كويس ايه وانت مش قادر تتحرك من مكانك كدا احنا لازم نتصل بدكتور
حاتم بتعب: اتصلي ب بابا لو انتي عايزه تمشي
_انت عبيط امشي فين واسيبك كدا مقدرش طبعا انا هفضل معاك
حاتم بضحكه خفيفه: قولي اني ماهونتش عليكي علشان بتحبني
_لا علشان انت جوزي بس
حاتم: طيب حقك عليا والله ماقصد اخضك كدا
_طيب بطل رغي وامسك القمادات دي لحد ماتصل بالدكتور
_وبالفعل جه الدكتور لكن قال ان حاتم لازم يرتاح وياخد العلاج دا ويعمل فحص شامل وتحاليل لكن حاتم رفض يعمل
_طيب قولي السبب اللى مخليك رافض انك تعمل التحاليل
حاتم بربكه: قولتلك اما اخف انا هنزل اعملها لوحدي وخلاص قفلي ع الموضوع دا وزعق
_انا بعياط: بس انا خايفه عليك ياحاتم انا ماليش غيرك
حاتم: حاضر والله هنزل لكن مش دلوقتي وكفايه عياط علشان بتبقي حلوه اوي وانتي بتعيطي
_نعم ببقي حلوه وانا بعيط بس
حاتم: لا ياعمري بتبقي حلوه ع طول
عدا خمس ايام حاتم كان قاعدههم ف البيت بياخد البرشام تبع الفيروس وعلاج النزله
_حاتم ياعمري انت ليه بتاخد البرشام دا رغم ان مفيش علاقه بتحصل يعني تقدر متاخدهوش الفتره دي
حاتم بتوتر:لا لازم يتاخد كل يوم علشان اخف ياحبيبتي ويبقي عندنا اطفال
_يارب ياحاتم انا نفسي ابقي ام اوي
------------
احمد:الو وحشتيني
مي:والله وحشتك بعد اسبوع جاي دلوقتي تقولي وحشتيني بعد اي تفتكر اني هسامحك ولا هعرف اغفرلك
احمد:حقك عليا والله بس انت مش فاهمه حاجه
مي:اه فهمني فهمني ليه قليت مني قدامك مامتك ولا كاني ماليش لازمه ف حياتك
احمد:يعني عايزاني اقول ل ماما ايه اقولها دي حبيبتي وجايه عندي انت فاهمه كانت هتبصلك ازاي
مي:كانت هتبصلي ازاي انت فاهم هي دلوقتي شيفاني ازاي شيفاني بنت وحشه رايحه لصاحبي المكتب
احمد:بس انتي ماشوفتيش ماما كانت بتكلمك ولا بتبصلك ازاي امي ست كبيره وفلاحه ياست
مي:ايوه انا اعمل ايه هبقي مرات ابنها ازاي هي مش متقبلاني من دلوقتي
احمد:مي مي سيبك من كل دا ف حاجه مهمه لازم اقولها
مي:خير قول ف ايه
احمد بضحكه:وحشتيني وكنتي قمر انهارده
مي:انا مش بتثبت بالكلام دا ولا هقولك وانت كمان وحشتني
احمد:طيب بالذمه مش وحشتك
مي:اه وعايزه اشوفك
احمد:موافق تعالي اعزميني.بكره
مي بضحكه:اعزمك مش مكسوف وانت بتقولها
وبالفعل عزمته ع افخم واكبر مطعم ف اليكس
مي:احمد غمض عيونك
احمد:ليه خير
مي:مش هبوسك من بقك يعني بس هات ايدك
كنت جيباله ساعه فخمه مطليه بالدهب
احمد بفرحه:واو تجنن دي لمين
مي:دي لواحد كنت رايحه البنك اديهالك فطردني
احمد:تسلم ايدك ياقلبي بجد حلوه اوي
مي:احمد انت مش ناوي تجبلي اي هديه
احمد:حاضر هبقي اجبلك
انا وقتها مكنتش عارفه هو دا بخل منه ولا هو حريس بس عمره ماجبلي حاجه ولا عمره عزمني انا اللي دايما بدفع وبحاسب اوقات كنت بستغرب ازاي شاب بيخلي البنت اللى تحاسب لكن كنت برجع واقول يمكن مش معاه فلوس يمكن مش بياخد باله من تصرفاته انا بجد مكنتش عارفه افكر لكن ف يوم احمد طلب مني اننا نخرج وبالفعل خرجنا لكن حصل اللى مكنتش اتخيل ان احمد يعمله
#قدري_الاسود
#بقلم_غاده_رجب
قدري الاسود البارت السابع
نزلت ف يوم مع احمد هو طلب اكل كالعاده اكلنا يعني هو جاي من المنوفيه فطبيعي اول حاجه نعملها بناكل لكن اللى حصل مكنش متوقع جه الشيك لقي الحساب 500 اه انا دايما اللى بدفع
احمد: مي معلش ادفعي الحساب علشان نسيت الفلوس ف جيب البنطلون
مي: حاضر يااحمد هدفع ولا يهمك
احمد: ربنا يخليكي ليا
مي فضلت تدور ع الفلوس لكن مالقتش فلوس: نهار اسود يااحمد انا شكلي نسيت الفلوس ف الشطنه التانيه ومش معايا يكمل
احمد بعصبيه: يعني ايه لازم تطمني ع حاجاتك قبل ماتنزلي هنعمل اى دلوقتى انتي غبيه
مي بعياط؛ انت بتزعقلي ليه دلوقتي طيب
احمد: اتصرفي ياهانم
مي: طيب ماتدفع انت لحد مارجع البيت
احمد: مش معايا غير فلوس المواصلات
احمد سابني ومشي لانه قالي هتاخر لو قعدت اكتر من كدا ادفعي وارجعي
فضلت اعيط لاني اول مره اتحط ف الموقف دا لكن قررت اتصرف اتصلت ب رحمه
مي:الو ايوه يارحمه الحقيني بسرعه
رحمه بخضه:ف ايه يامي مالك انتي فين
حكيتلها وانا هعيط لاني اول مره اتحط ف الموقف دا لكن من حظي ان رحمه كانت مسافره عند اهل حاتم
رحمه:طيب اهدي انا هبعتلك فلوس مع رحاب دلوقتي
وبالفعل جات رحاب ونقذت الموقف
رحاب:ع فكره مش راجل
مي بستغراب:هو مين دا
رحاب:الشاب اللى انتي كنتي معاه وسابك وخلع دا مش راجل لانه لو راجل مش هيسيبك ف موقف زي دا
مي وهي بتحاول تداري:لا انا كنت لوحدي محدش كان معايا اصلا
رحاب:اممم هحاول اصدق بس راجي حسابك هو مش راجل ولا بيحبك
سبت رحاب ورجعت البيت اعيط هستيري ليه يااحمد تعمل كدا كل يوم بتثبتلي انك مايعتمدش عليك ف حاجه ولسه بعاتب نفسي لقيت الفون بيرن
احمد:الو عملتي ايه
مي بعصبيه:انت جاي دلوقتي بتسألني عملت ايه طيب كنت استني معايا مش يمكن كان حد ضايقني بكلمه او حاجه انت بجد مخلوق من ايه انت متخلف يابني
احمد:اهدي بس محصلش حاجه وانا عارف انك هتتصرفي
مي:احمد تصبح على خير علشان متعصبش عليك
احمد:هقولك علي حاجه الساعه وقفت مني مش عارفه مالها
مي:اقفل يااحمد وانا اعملها اي دي كمان ابقي انزل هاتلها حجر
احمد:طيب ماتعملي خير وتجيبي انتي الحجر
مي بعصبيه:٠اقفل ياااحمد لو سمحت اقفل
____
سافرنا انا وحاتم عند اهله ف الصعيد هما كانوا ناس طيبين اوي ويتحبوا لكن كانوا مش شبهه حاتم هما كانوا متواضعيين اوي وبيحبوني وانا كنت بحب اروح عندهم اوي
طنط: ايه يارحمه يابنتي مفيش حاجه
رحمه بستغراب: حاجه زي ايه ياطنط
طنط: يعنى انتي مش حامل ولا فيه حاجه جايه ف السكه
رحمه: لا ولله ياطنط مفيش حاجه لسه شويه
طنط. بصت لحاتم كدا ووجهت ليه الكلام يلا يابني شد. حيلك عايزين نفرح بعيالك انت ورحمه
لكن حاتم اتنهد وقال لا مامته اللى عمري مكنت اتخيل اني اسمعه منه قالها اني...
#قددري_الاسود
#بقلم_غاده_رجب
قدري الاسودالبارت الثامن ميرسي ع تفاعلكم ودعمكم القمر متابعه بقي ياقمرات
لقيت حاتم بيقول لمامته ان رحمه عندها مرض كبير ومش هتعرف تخلف دلوقتي واني بتعالج فضلت ابصله بستغراب ازاي يقول كدا ازاي يكذب ع مامته لكن لقيت حماتي بتقول
طنط: يحول الله يابني طيب روح عند اكبر دكاتره وعالجها
حاتم: روحنا ياماما روحنا وبنحاول
طنط: ياحبيبتي يابنتي معلش ان شاء الله ربنا هيرزقك بالذريه الصالحه
انا كنت بعيط وف زهول ازاي حاتم يكذب وليه ماقلش الحقيقه ليه ماقلش انه مريض ومش قادره يخلف وانه عنده مرض جلدي وفيروس خوفت اتكلم او اقول الحقيقه كنت هتجن والله فضلت باصه لحاتم كدا لقيته بيطلب مني انه عايزني ع انفراد
حاتم: انا عارف انك زعلتي وانك اتصدمتي
_بس ليه ماقولتش الحقيقه يعني ليه تخليني وحشه ف نظر طنط
حاتم: ماقلقيش والله محدش هيقدر يكلمك
_بس انا قلبي وجعني منك اوي ياحاتم
حاتم: حقك عليا والله انا هعوضك
وبالفعل عديت الموقف لكن لقيت معامله الكل اتغيرت بقيت بتعامل وكاني انا المذنبه الوحيده اللى ابنهم مستحمل تعبها وانه ميبقاش عنده اطفال وف يوم كنا مقررين اننا نرجع بيتنا لكن سمعت طنط بتكلم حاتم وبتقوله
طنط: بس انت لازم تتجوز يابني دا حقك
حاتم بستغراب: بس ليه اتجوز واتا متجوز ياماما
طنط: تتجوز علشان تجبلنا طفل نلعب بيه نفرح بيه انت ابني الوحيد يعني نفسي اشوفلك عيل يابني
حاتم: بس رحمه مالهاش ذنب ياماما دا مرض غصب عنها
طنط: وانا مش بقولك طلقها انا بقول تتجوز عليها
حاتم: حرام ياماما حطي نفسك مكانها
طنط: انا بحب رحمه اه بس هحب ابنك اكتر ولو معملتش كدا هفضل غضبانه منك
حاتم: بس ياماما
طنط: مفيش بس وكمان مراتك كبرت وفرصتها ف الخلفه قلت اوي
لكن انا قطعت عليهم كلامهم انا اسفه اني سمعتكم غصب عني بس ياحاتم طنط عندها حق ف كل كلمه قالتها وانك لازم تسمع كلامها فعلا ياطنط انتي من حقك تشوفي ولاد ابنك لكن انا هطلق مش هقدر اشوف حاتم مع واحده غيري وعندك حق انا فعلا كبرت وكلها سنه واتنين وفرصتي ف الحمل هتقل انا مش هقدر اقول اكتر من كدا
حاتم بزعل: حقك عليا يارحمه انا السبب وشكرا انك ماقولتيش الحقيقه ل ماما
رحمه وهي بتحاول تخبي دموعها: اتجوز ياحاتم يمكن تقدر تخلف
حاتم: اتجوز ازاي وانا العيب مني بسبب مرضي يارحمه
فضلت اعيط لكن وقولت لحاتم اني لازم انزل لدكتور اكشف ويمكن يعرف علاج واني نفسي ابقي ام نفسي احس الاحساس دا لكن لقيت رد حاتم غريب
حاتم بعصبيه جامده: ٠لا يارحمه مفيش دكاتره وانا قولت اني بتعالج اول ماخف هننزل عند الدكتور واقفلي الموضوع دا خالص وياريت ماتفتحيش الموضوع دا تاني
لكن انا اول مره ماسمعش الكلام وانزل للدكتور اصلي نفسي اخلف نفسي اجرب الاحساس دا لكن الدكتور قالي صدمه حياتي...
_______
رحاب:مش تفتح يااخ كدا دلقت القوه عليا
_:معلش ماخدتش بالي منك والله
رحاب:طيب ياشبح ابقي بص قدامك وانت ماشي
_من عيوني حاضر اسف
رحاب:عادي حصل خير
سبته ومشيت دخلت الكافيه كنت رايحه اقابل مي
مي: مالك ياست رحاب مضايفه كدا ليه
رحاب: ابدا مفيش حاجه
مي: والنبي كدابه وشك بيقول في حاجه
رحاب ببتسامه: والله كان فيه حيوان خارج من الكافيه دلق عليا القهوه
مي: اه علشان كدا متعصبه
رحاب: بس هو شكله موز اوي عيونه خضره وابيض بصي اجنبي كدا
مي: اي دا انتي مش مضايقه انه دلق القهوه انتي مضايقه انه مشي من غير ماتتعرفي
رحاب:ياختي اسكتي المهم انتي جيتي بدري ليه
مي:ابدا مفيش كنت مخنوقه فنزلت اقابل احمد شويه
رحاب:ايوه بقي انا نفسي اشوف احمد
مي:بس كدا من عيوني اخليكي تشوفيه وتتعرفي عليه كمان
فضلنا انا ومي نتكلم كتير ورجعنا البيت نمت وصحيت تاني يوم اروح الجامعه وانا ف المواصلات لقيت حد سمج دايس ع الدريس تبعي
_يالله انت تاني لو سمحت انت الدريس
_٠ماله الدريس
رحاب:باخد رايك فيه
_واو حلو اوي
رحاب بعصبيه:انت بتستعبط الدريس انت دايس عليه ياحيوان
وبالفعل نزلت لكن كنت حاسه بشعور غريب ياتري هو دا شعور اي بالظبط قاعدت طول اليوم سرحانه فيه اول مره انشد لحد كدا ياتري دا اللى اسمه حب من اول دلقه...
#قدري_الاسود
#بقلم_غاده_رجب
قدري الاسود البارت التاسع
نزلت وانا سرحانه وبفكر ف الشخص اللى كل دقيقه اشوفه دا يانهاري ع ضحكته وصوته كنت شارده وسرحانه فجأة لقيت رحمه بتتصل
رحمه: الو اذيك يارحاب
رحاب: حبيبتي كنت لسه هتصل بيكي
رحمه: القلوب عند بعضها ياقلبي
رحاب: ماله صوتك
رحمه: تعبانه شويه بقولك عايزاكي معايا عند الدكتور
رحاب بخوف: دكتور ليه مالك فيكي ايه طمنيني
رحمه: متقلقيش دا دكتور نسا هروح اكشف ع الحمل
رحاب: ياشيخه تتشل اتخضيت حاضر استني ارجع من الكليه اصلي لسه واصله دلوقتي
رحمه: خلاص خليكي انتي وانا هتصل ب مي تيجي معايا
رحاب: وايه القمصه دي خلاص انا هاجي واسيب الكليه خالص والله
رحمه: يابت انا مش زعلانه وانتي ومي واحد خلاص هتصل ب مي تروح معايا وانتي تعالي ورانا
وبالفعل قغلت مع رحاب واتصلت ب مي
_الو ايوه يامي عامله اية
مي: بخير ياحبيبتي
_بقولك تعالي ليا عند الدكتور دلوقتي
وبالفعل جات نزلت بس اللى حصل كان صدمه اول مادكتور سمع اسم الفيرس قال انه اول مره يسمع عنه وان مفيش مرض بالاسم ولا الاعراض دي
_يعني ايه ي دكتور
الدكتور: يعني زي ماسمعتي مفيش مرض بالاسم دا
بصي انا شاكك ف التصرفات دي ف هاتي اسم البرشام اللى جوزك بياخده دا كدا
_يعني ممكن يكون ايه
الدكتور: متقلقيش بس قوليلي وانت معاه اوقات كان الكاندوم بيتخلع او بيسرب ولا لا
_اه اوقات كان بيتقطع يعني مش دايما وهو قالي ان المرض مش هينتقل بالسرعه دي بس هو كان خايف عليا
الدكتور: ربنا يستر بس اهم حاجه هاتي اسم البرشام دا
_طيب انت شاكك ف اي ي دكتور
الدكتور: شاكك يكون....
______
ممكن اقعد؟؟
رحاب بتوتر: انت تاني
_اه معلش مش لاقي مكان اقعد فيه الكافيه كله مشغول ولقيتك قولت اروح ارخم عليكي م انتي واخده ع كدا
رحاب: صريح اوي حضرتك
_الله وليه حضرتك دي
رحاب: امال اقول ايه حضرتك
_قولي احمد انا اسمي احمد وانتي اسمك اي
_سرحت للحظات الله وكمان اسمه احمد يعني موز وكمان احمد دا انا شكلي هحبك ولا اي فوق من شرودي ع صوت احمد وهو بيقولي مالك سرحتي ف ايه
رحاب: مش سرحانه تقدر تقعد لو حابب
احمد: طيب هقعد من غير ماعرف اسمك ايه
رحاب بعصبيه: ممكن تسكت اشرب قهوتك وانت ساكت
احمد: ع فكره بتبقي حلوه وانتي متعصبه
رحاب: قوم ياستاذ احمد قوم عايزه اقعد لوحدي
احمد بضحكه: اي دا كسفتك ووشك احمر زي البنات
_منكرش ان احمد كان بيعصبني بس كان قمر اوي ودمه خفيف بس غريبه شرب القهوه من غير ماحتي يعزمني
ولسه قاعده معاه لقيت مي بتتصل
_الو ايوه يارحاب
_ايه يامي عامله ايه
مي بزعل: انتي فين
_انا لسه خارجه من الكليه دخلت كافيه اشرب قهوه
مي: طيب تعالي بسرعه لان رحمه تعبانه وبتعيط
رحاب؛: ليه مالها رحمه يامي هي كويسه
مي: اه كويسه بس الدكتور قالها يمكن يكون عندها...
#قدري_الاسود
#بقلم_غاده_رجب
قدري الاسود البارت العاشر تالت بارت انهارده اهو
_عرفت صدمه عمري الدكتور قالي يمكن يكون اعراض ايدز يمكن ازاي حاتم ممكن يفكر انه يدمر حياتي بالشكل دا لا طبعا دا جوزي وحبيبي استحاله يعمل فيا كدا نزلت من عند الدكتور وانا ف زهول وصدمه قالي لازم اجبله اسم البرشام اللى حاتم بياخده بس اجيب اسم البرشام ازاي وهو شايله وانا عمري ماشوفته رجعت البيت وانا بفكر ازاي هعمل كدا رجعت وكان معايا رحاب ومي فضلوا حبه وبعدها مشيوا اول ماجه حاتم
حاتم باستغراب: مال شكلك عامل كدا ليه شكلك معيطه مالك
_لا ابدا مفيش حاجه اتغديت ولا اجبلك تتغدا
حاتم: غدا ايه دلوقتي مالك طمنيني عليكي الاول
_قولت مفيش حاجه الله
حاتم بهدوء: اشششش طيب تعالي ف حضني بس واسكتي كدا
شدني ليه لكن كان اول مره احس اني مش عايزه ابقي ف حضنه انا كنت ف صدمه زقيته كدا وخرجت من حضنه قعدت ع السرير
حاتم بعصبيه: ف ايه بقي مالك الله انتي متغيره
_معلش تعبانه شويه
حاتم بخضه شديده: تعبانه ازاي لازم ننزل لدكتور دلوقتي
_لا لا مفيش حاجه مستاهله انا هنام حبه وهبقي كويسه
حاتم بلطف: ماشي ياحبيبي
_حاتم سابني وخرج وانا قعدت افكر اجيب البرشام ازاي وفجأة عيوني جات ع محفظه حاتم كان سايبها ع المكتب جريت عليها فتحتها انا عارفه انه بيشيل اي حاجه فيها لسه بفتحها لقيت شريط البرشام فرحت اوي قولت اصوره بسرعه لكن لسه بصور لقيت حاتم
حاتم: بتعملي ايه عندك
_انا بتوتر وقلق كنت كنت بدور ع برشام صداع علشان تعبانه
حاتم: صداع ايه اوعي تكوني اخدتي من البرشام دا
_اه صح ياحاتم هو دا برشام الفيرس
حاتم: اه هو اوعي تكوني اخدتي منه بقي
_لا ياحبيبي ماخدتش
عدا اليوم وانا بدعي ربنا انه ميبقاش هو البرشام وانه يطلع برشام فيرس فعلا نمت صحيت تاني يوم ع الدكتور
الدكتور: انتي متاكده ان دا هو البرشام
_اه والله يادكتور هو
الدكتور: ياخبر دا اقوي برشام دا برشام من الدرجه الاولي لعلاج الايدز
_نعم يعني ايه يادكتور
الدكتور: يعني جوزك عنده ايدز
خدي العنوان دا وانزلي اسألي هو عنده من امتي دا اسم المكان اللى بيجيب منه العلاج
_سبت الدكتور وانا بعيط بس ازاي حاتم ممكن يعمل كدا نزلت من عند الدكتور وانا ف صدمه عمري لكن لقيت مي بتتصل قولتلها ع المكان ونزلت معايا دخلت المستشفى لقيت دكتور سألته اصرف العلاج دا منين
_لو سمحت كنت عايزه اسال عن مريض عند حضرتك علشان اصرفله العلاج
الدكتور: قولي اسمه ثلاثي طيب
_اسمه حاتم ابراهيم علي
فضل يدور ع الاسم كنت بدعي يكون مش موجود لكن حصلت مفاجأة مكنتش متوقعه
_______
احمد: ع فكره ياانسه
رحاب: يانهار اسود انت تاني
احمد: انا عايز اتكلم معاكي
رحاب بدون اهتمام: اتكلم عايز ايه
احمد: لسه برضو مش عاوزه تقولي اسمك ايه
رحاب: ياعم انت مالك وبعدين اسمي رحاب
احمد بضحكه: يانهار اسود ع القمر اسمك حلو اوي ياروبا
رحاب بضحكه خفيفه: عرفت منين اني بحب دلع روبا
احمد: انا مبعرفش انا بحس وبس وبعدين انا عايز اقولك اني معجب بيكي من اول يوم شوفتك فيه من اول دلقه قهوه بينا انا مكنتش بشوفك صدفه انا كنت برتبها بقلبي تعرفي انا شكلي حبيتك
رحاب: قولت ايه
احمد: قولت انا شكلي حبيتك
بس عندي شرط
رحاب بستغراب شديد: شرط ايه دا
احمد: علاقتنا تفضل بينا لحد ماتحبيني مش عايز حد يعرف
رحاب: ودا ليه بقي
احمد: علشان..
#قدري_الاسود
#بقلم_غاده_رجب
تعليقات
إرسال تعليق