 |
part11
الاء: مش سارة بتشتغل ف مكان كويس
أميمه: أيوه
الاء: بس مش عايزين حاجه تانى بخطه مننا نلبس سارة أكبر مصيبه
سيبيلى انا الطلعه دى بكره هروح مكان الشغل وهشوف اعمل أى
أميمه: تمام.
ــــــــــــــــــــــــــــــــــــــــــــــ
سارة: ماما
نرمين عايزة اى
سارة: مش عايزة حاجه بس انا قلقانه اوى عليكى الساعه داخله على 2
نرمين: وانتى مالك روحى نامى بقى
سارة: خلاص يماما انا خايفه بس
نرمين: لايختى متخافيش ومتوجعيش دماغى
سارة: تصبحى ع خير
ثم قالت بتوتر انا داخله انام متقلقيش حقك عليا يابنتى
سارة حضنتها انا من غيرك مسواش اى حاجه يماما
نرمين يالابقى نامى
سارة حاضر
لتدخل نرمين لتريح عقلها الذى اشبه بتالف من كثرة التفكير
ليرن الهاتف مرة اخرى وتقوم بفزع
وتضع يدها على قلبها استر يارب
الو..
الشخص المجهول: هو أنتِ كنت نايمه ولا اى
نرمين: بدموع انت عايز منى اى
الشخص المجهول باين عليكى عايزة تنامى مش كفايه نوم السنين الفاتت دى
نرمين: بقولك انت: عايز اى
الشخص المجهول: لا أنت عارفه انا عايز اى ع العموم انا اسف ع الازعاج يا نرمين هانم
تصبحى على خير ده لو كان خير فعلا عليكى
وقفل الفون
نرمين: يارب اقف معايا فالمحنه دى
انا مش هعرف انام ابدا طول ما الزفت ده بينطلى كل شويه
انا لازم اعرف مين هو مش نرمين التذل من واحد زى ده
فى صباح اليوم التالى..
أنتصار: يالا يا ولاد الأكل جاهز
ريناد: بابتسامه صباح الفل ياست الفل
انتصار: يسعدلى صباحك يابنتى وربنا يبارك فيكِ
ريناد: اللهم
انتصار: اجرى صحى اخوكى ياكل قبل ما الاكل يبرد
أحمد: انا صحيت اهو
انتصار صباح الخير يبنى
احمد صباح النور
ريناد يالا يماما نفطر بسرعه علشان عايزة اجيب شوية حاجات كده لزوم الفرح
احمد: بضيق مش لما يتم على خير الاول
ريناد: هيتم انا صليت استخارة ومؤمن شاب محترم مش هلاقى ف اخلاقه ابدا
احمد: وأمه بقى
انتصار: هنقعد نرغى والاكل يبرد
احمد: ماهو أنتِ السبب
ريناد: ف اى يا احمد خلاص بقى انت بقيت حاجه صعبه بجد وكلامك مش لطيف مع ماما
أنتصار بإحراج: انا كلت من شويه هروح انشر الغسيل
ريناد: لا يماما ما اكلتيش انتِ كُنت لسه هتمسكى رغيف العيش
انتصار: خلاص بقى هروح انشر الغسيل واروق الشقه على بال ما أنتِ تفطرى وتلبسى عشان ننزل وتجيبى الانتِ عايزاه
احمد: لا ما فيش نزول غير لما اعرف اى سر المليون جنيه
أنتصار: حاضر يابنى كل بس أنت الاول
ريناد: خف رخامه بقى.
ــــــــــــــــــــــــــ
سارة انا رايحه الشغل يماما عايزة حاجه
نرمين لا ياحبيبتى خلى بالك من نفسك
سارة حاضر يماما سلام
فالشركه.......
سارة بزعيق انتِ يا أستاذة الورق ده مخلصش ليه
مى: حضرتك أنتِ مقولتليش ليه
مكنتش اعرف بجد
سارة: يعنى أى مكنتيش تعرفى امال انتِ لازمتك اى
مش مية مرة اقولك تعيدى الاوراق ورايا ولو ف حاجه ناقصه تكمليه ده كلو مستند الفاضى مهنش عليكى حتى تكلفى نفسك وتبصى
مى: انا اسفه
سارة: اعمل اى بكلمة اسفه دلوقتى لو اتكررت تانى هخلى مدير الشركه يرفضك
مى: لا عشان خاطرى لا ده انا بصرف على اخواتى
سارة: يبقى تحترمى نفسك
واطلعى برا شوفى هتعملى اى
مى: حاضر
سارة: اى الصوت ده مين برا
الاء: جريت اوف كانت هتكشفنى
سارة انتى لسه واقفه اطلعى بقولك
مى: حاضر
سارة اقفلى الباب
مى: تمام
الاء: بس بس
مى: انتِ بتنادى عليا
الاء: ايوه
مى: نعم
الاء: انا جديدة هنا وسارة دى معملتها وحشه اوى معايا
مى: وانا كمان بصراحه حاجه فظيعه كده
الاء: طيب اى رأيك ناخد حقنا بما يرضى الله
مى: ازى بقى...
يتبع
الواقع
رأيكم................
Fatma Eldmerdash 👑♥️.
part12
ألاء: انا جديده هنا وسارة دى معملتها وحشه اوى معايا
مى: وانا كمان بصراحه حاجه فظيعه
ألاء: طيب أى رأيك ناخد حقنا بما يرضى الله
مى: ازى بقى دى صعبه جدا
الاء: نلبسها مصيبه كده
مى: طيب لما نلبسه مصيبه اى اليرضى ربنا ف كده
الاء: تمام خليها تشتم وتهزق فيكى وتبكى فالاخر بعد أذنك
مى: استنى هنا
الاء: يانعم
مى: مصيبه زى اى
الاء: هى مش مصيبه كبيرة اوى يعنى نقول قرصة ودن خفيفه كده
مى: مش ملاحظه انك بتتكلمى بالغاز
زى قرصة ودن يعنى
الاء: شكلك مخك مقفول وهتتعبينى
مى: طيب ماتفهمينى
الاء: طيب انا استفسر كام حاجه كده المواظفيين هنا بيعاملوها ازى
مى: الحقيقه كل بيعاملها باحترام لانها شديده فالتعامل ومش بتقصر مع حد حتى المدير بيقدرها جدا ده حتى الخزنه فالمكتب عنده عارفه الباسورد بتاعته لان واثق فيها جدا
الاء: كده بدات العبه تحلو
مى: ازى
الاء: هو كل حاجه ازى ازى ماتفتحى بقى معايا
مى: تعرفى انتى فيك شبه كبير اوى منها
الاء: اسكتى قال فيها شبه منى
دلوقتى فالبريك هناخد فلوس الخزنه وهنحطهم عند سارة
مى: ما الكلام سهل مين هيعمل كده
الاء: بت متعصبنيش الله
مى: ماشى نفترض اخدت الفلوس الكاميرات هتجيبنى
الاء: لاف دى عندك حق
مى: طاب اى هنكسر الكاميرات
الاء: مهو عندك مخ اهو امال عاملة نفسك عبيطه ليه
مى: ماخلاص بقى
الاء: سيبينى شويه اخطط بقى ع مزاجى واشوف هنعمل اى
مى: تمام انا فالمكتب العلى اليمين ده
ـــــــــــــــــــــــــــــــــــــــــــــــــــــــــــــــ
أحمد يالا غسيل ونشرتى وفطار واكلتى سمعينا بقى
انتظار: حاضر يابني
لما كنت انت وأختك صغيرنى كنت بشتغل انا ونرمين وسعاد
بس كنت انا اشطر وحده فيهم فالتجارة جه يوم نرمين تعبت وعطتنى بضاعه كبيرة اوى من كل انواع الاقمشه على كذا عربيه كنت لوحدى انا والسواق عشان اوزع البضاعه
بس من نصيبى ان يطلع عليا شويه ناس مش محترمه ضربونى واخدوا البضاعه كلها
نرمين مسكتتش وكانت تطالبنى بحقها
وبما ان مليش سند وقتها ابوكم مات الله يرحموا كان صعب عليا اسدد المبلغ ده سددت جزء صغير جدا بس
وفضلت اشتغل كذا حاجه عشان متبقوش اقل من بيت عمكم الشايفين انهم احسن منكم ف كل حاجه وربنا كرمنى وربيتكم أحسن تربيه وعلمتكم احسن تعليم
يمكن كنت قاسيه ف معاملتى معاكم بس لان كنت بمر بظروف صعبه انى اقوم بدور الاب والام وكل حاجه ليكم ده كان كاسرنى لان مكنتش مدركه كل حاجه وفضلت فترة كبيرة ببذل جهد عشان اعوضكم عن ابوكم
والحمدلله على كل حال يبنى
احمد: بدموع نزل للارض وقبل ايد ورجل أمه
انتصار: لايبنى رجلى لا
احمد: ازى بس يا امى دا انتى يما شلتى عنى حاجات كتير اقل حاجه ف حقك
المفروض كل يوم اصلى ركعتين لله واشكر ربنا عليكى
حقك عليا يا أمى سامحينى لو كنت زعلتك بس موضوع كان صعب فعلا انت عانيتى كتير اوى بس لان غبى مقدرتش كده خالص
ريناد: انتِ احسن أم فالدنيا بجد مش كلام ربنا مايحرمنى منك
انتصار ولا يحرمنى منكم اللهم آمين
احمد: بس يا امى مهما كان تم البضاعه دى متوصلش مليون جنيه زمان كانت الحاجه رخيصه جدا ف حاجه غلط فالموضوع
انتصار: عارفه يبنى بس هى اتكاتر عليا هى وكل الف سوق ومكنتش عارفه اعمل اى.
ـــــــــــــــــــــــ
كانت تجلس نرمين بخوف شديد على الافطار
مؤمن مالك يماما
نرمين: بخوف وفزع ماليش ماليش والله غصب عنى
مؤمن ف اى يا امى مالك كده
نرمين: مافيش شوية صداع بس
مؤمن: هو انت نمتى كويس عنيكى تحتها سواد مش طبيعى من قلة النوم.
نرمين اه نمت
ليدق الهاتف
مؤمن مين يماما
نرمين دى وحده صاحبتى ثانيه بس هدخل الاوضه
الشخص المجهول: من اولها هتتاخرى عليا فالرد
نرمين: اسفه
الشخص المجهول: مش ناويه تردى الحقوق لاصحابها ولا اردها انا بطريقتى...
يتيع..
الواقع
Fatma Eldmerdash 👑♥️.
تعليقات
إرسال تعليق