 |
#عشقت_حبيب_صديقتي
#البارت_الحادي_عشر
شهد: فاكر سلمى اللي حكيتلك عليها اللي ارتبطت ب أدهم اللي كنت انا وهو مرتبطين؟
علي: اه مالها
شهد: هي دي البنت اللي انت روحتلها
علي: ازاي
شهد: هو اي اللي ازاي.. زي مبقولك كدا بتحاول هي وأدهم متفقين يوقعو بيني وبينك بس انا واثقة فيك
علي: وبعدين
شهد: هنخليهم يصدقو نفسهم ومش هنعرفهم اننا عارفين
علي: عارفه انا عايز اقتله أدهم دا واخلص منه واخلص من البت دي معاه
شهد: وتروح في داهيه؟ لا طبعاً اسمع بس كلامى زي مبقولك اعمل
علي: اللي تشوفية
شهد: هعمل نفسي صدقت وانهم قدرو يوقعو بيني وبينك وانت اي حاجه تحصل تيجي وتقولي
علي: حاضر
شهد فتحت الفيسبوك وكتبت في بوست انها فسخت خطوبتها مع علي
وكل ما حد من أصحابها يسألها كانت تقولهم نصيب!..
♕♕♕♕♕♕♕♕♕♕♕
أدهم شاف البوست ورن على سلمي..
أدهم: ألو سلمى أخبارك
سلمى: الحمدلله كويسة انت عامل ايه
أدهم: الحمدلله كله تمام
سلمى: يارب علطول
أدهم: شهد سابت علي هههههه
سلمى: اي دا بجد
أدهم:طبعا يابنتي ادخلي كدا علي صفحتها وشوفي ياعيني.. ياعلي صعبان عليا هههه
سلمى: أدهم انت هتستفاد اي من كدا مش انت بتحبني ما تشيلها من دماغك خالص
أدهم: نسيت اقولك اني خليتك تعملي كدا ويسيبو بعض علشان ارجعلها
سلمى: نعم! بتقول اي
أدهم: زي مانتي سامعة كدا انا محبتش ولا هحب قدها
سلمى: يعني افهم من كدا انك كنت بتستغل حبي ليك لدرجة تخليني في حضن واحد غريب
أدهم بمكر: حاجه زي كده
سلمى: علفكرة انت مش راجل يا أدهم بجد يعني دي مش صفات رجالة أبدا انت بني أدم زبالة وانا ندمانه اني حبيتك واوعدك مش هتشوف وشي تاني بس هتندم ندم عمرك
وقفلت في وشة..
♕♕♕♕♕♕♕♕♕♕♕
في الخلفية أدهم مع شهد..
أدهم: ألو شهد عاملة اي
شهد: كويسة الحمدلله
أدهم: خير حصل اي شوفتك منزلة بوست بتقولي انك فسختي الخطوبة..
شهد: مفيش ياسيدي البيه كان امبارح نايم في حضن واحدة طلع انسان زبالة وقذر فسخت الخطوبة مش محتاجة يعني؛
أدهم: ايه كمية اللامبالاة اللي فيكي دي
شهد: مش حوار كدا انا واثقة في نفسي وقيمتي كويس اوي وعارفة اني استاهل احسن من كدا وشايفه ان دي حاجه زعلي خسارة فيها هزعل ليه
أدهم: طيب ياشهد عايز أقولك حاجه
شهد: اتفضل
أدهم: انا لسة بحبك وبتمني اننا نرجع حقك عليا اني مكنتش مقدر قيمتك بس سامحيني بجد انا ندمت وعرفت قيمتك كويس
شهد: معلش يا أدهم سيبني اليومين دول مش عايزة افكر في حاجه بعدين هبقي ارد عليك
أدهم فرح وحس ان في احتمالية انه يرجع لشهد قالها: تمام ياشهد بس افتكري اني لسة بحبك ومش هبطل احبك
ومشي
♕♕♕♕♕♕♕♕♕♕
في الخلفية سلمى مع علي
سلمى: مساء الخير يا علي
علي: مساء الورد
سلمى: علي انا عايزة أقولك حاجه بس ياريت تصدقني وتقدرني
علي: اتفضلي
سلمى: أنا سلمى صاحبت شهد اللي كانت خطيبتك
وأدهم اللي كان حبيبها هوا اتفق معايا اني احطلك منوم في العصير ونصورلك الصور دي عشان شهد تسيبك وترجعله ومستعد يقتلك علشان شهد تبقي من نصيبه
بس سامحني عملت كدا غصب عني وساعدته علشان كان معشمني في حبه مكنتش اعرف انه هيخلي بيا كدا
علي: تمام.. ادهم الجربوع دا يتقلني انا
سلمى: دلوقتي انتو سبتو بعض خلاص وهو دلوقتي بيكلمها عشان يرجعو وعايزة اقولك حاجه مش عايزاك تزعل
شهد لسة بتحبو ومش هتحب غيرو وانت خسارة فيها بجد صدقني شهد مش هتحب غير أدهم
علي سكت وابتدي يشك في شهد رغم ان شهد متفقه معاه انهم بيمثلو انهم سابو بعض وفكر انها هتعكس كلامها وتسيبو فعلاً عشان أدهم
علي: في النهاية كل شيء قسمة ونصيب بس انتي ازاي تسمحي انك تبقي في حضن حد غريب مهما كان السبب
سلمى: غصب عني والله مكنتش في وعيي حبي لادهم كان عاميني خالص حرفيا
علي: سلمى انا عايز اقابلك ضروري محتاج اتكلم معاكي
سلمى: انا دلوقتي في الكافيه هبعتلك اللوكيشن وتيجي
بعتتله اللوكيشن...
يتبع...
تعليقات
إرسال تعليق