 |
معتز لعشق: أي رأيك نطلب ورد لزين
عشق سابت الملعقة من ايديها وبصت عليهم ولكن بصت بعدها علي مالك وقالت : لاء
زين بزعل : ليه
عشق قدام الكل لان الكل عارف الحقيقة : عشان كلها ايام ونطلع من البيت دا
رشا : متدخليش اللي بينك وبين مالك بين دول ي عشق
عشق بجمود خوفا علي مصلحة اختها: وانا مش هبقي مرتاحة وهي هنا بينكوا
معتز بزعل: شكرا ي عشق
عشق : مش قصدي ي عمي بس اللي انا شوفته كتير هنا
مالك كان بينظر ليها ومتابع كلامها
زين: صدقيني هحافظ عليها انا مش زي مالك
مالك : هو أي اللي مش زي مالك ي زين
زين بجمود : انت عمرك ما هتحب عمرك ما هتعرف تحافظ علي االي بين ايدك ولا هتعرف قيمة قلبك غير لما تتوجع
عشق وهي واقفة وطالعه لفوق: عندك حق ي زين
زين طلع ورا عشق : عشق عشق
عشق : انا قولت لاء ي زين
زين وهو باين في عيونه الصدق: صدقيني والله عمري ما هجرحها او ازعلها بلاش تخديني انا وهي في الرجلين
عشق بجمود : احنا من الاول ملناش مكان هنا ثم هي ممكن تكون مبتحبكش
زين بغباء وبسرعه: بالعكس هي بتحبني وانا طالبها منك عشان اثبت حبي ليها
عشق برفع حاجب: الله الله الهانم قاعدة تحب وسايبة حالها
بقلم مروة موسي
زين بتوسل : عشق لو سمحتي وافقي والله انتي لو عاوزة اشتري بيت لينا وابعد من هنا موافق
لو عاوزة اتنازل عن كل حقوقي مقابل حق قلبي لورد موافق
انا مستعد اعمل اي حاجة
معتز من وراهم: وافقي ي عشق وساعتها انا اللي هكون في الوش
رشا : حبهم باين في عيونهم بلاش تقفي في طريقهم
عشق : انا عمري ما وقفت في طريق اختي بالعكس انا اللي بحاول اوفر ليها كل الطرق المتاحة
انا هنا ومذلولة بسبب غلطة هي عملتها
وبصت لمالك
مالك : عشق لو كان اللي بينا كره بس اللي بينهم حب واللي ميقدرش يتحكم في القلب دا مش ملكه
عشق بوجع لأنها اتعودت علي وجوده معاها : عندك حق القلب دا محدش يقدر يتحكم فيه
مالك بوجع اكبر : انتي في يوم هتتحبي وتحبي وساعتها هتعرفي
ورد كانت واقفة
عشق لورد : رايك اي
ورد بثقة في اختها: اللي هتقولي عليه هيمشي
عشق : بتحبيه
ورد :......
عشق عرفت الرد من سكوت اختها
عشق اتنهدت: بصي ي ورد انا هسيبك انتي تقرري حياتك انا اظن انا لحد كدا واتشكر علي اللي عملته وانا مستحيل أقف في طريقك عشان أقف قدام قلبك
وعشان متجيش يوم تلوميني فيه انا هسيبك تجربي حظك وتحددي قرارك من تجربتك دي
زين بفرح: يعني انتي موافقة
عشق عشان عارفه ان زين بيحبها من مساعدته معاه لورد وعارفة ان مختلف تماماً عن مالك بس كل خوفها وجودها في البيت
عشق بارتياح وخبث: انا موافقة عشان عمي يعتبر والدها وهو اللي قدامي
معتز : متقلقيش ي عشق هتكون في عيونا
رشا: ربنا يخليكوا لبعض ي عيال
زين بفرح وهو رايح يحضنها : شوفتي ي وردتي هتبقي ليا
عشق : استني رايح فين انت هتحضنها واحنا واقفين ومن غير كتب كتاب كمان
زين بضحك : علي اساس انها اول مرة
عشق برفع حاجب لأختها
ورد بتوتر: هو هو اللي اقصد يعني
عشق حاولت تداري توتر اختها
عشق : طيب ربنا يصلح حالكوا
والكل خرج وهو سعيد بسبب المناسبة دي
مالك لعشق: ليه كنتي خايفه
عشق : وأي اللي ميخلنيش اخاف من وجودك في حياتنا
مالك: للدرجة دي انا ي عشق جانب وحش في حياتك
عشق : وانا شوفت منك اي الحلو ي مالك
مالك : كفاية انك حاجة حلوة في حياتي
ازدادت ضربات قلبها بسرعه وكذلك مالك
عشق بتوتر: تسلم
مالك بيحاول يتجرأ شوية لانه فعلا خلاها تعيش ايام صعبه معاه وبيحاول يرضي قلبه قبل ما يرضيها: ممكن تفضلي في حياتي شوية..
عشق باستغراب: ليه
.
مالك بيحاول يتصنع موضوع : عشان لو نيرة رجعت
عشق بغيظ: عشان نيرة لو رجعت بس ..
مالك فهم قصد عشق: ايوا هو انتي عاوزة حاجة تانية
عشق بتوتر: لاء
مالك ضحك ضحكة لانه اتأكد من ارتياحها له
مالك : هو ممكن تسامحي حد ضايقك وزعلك كتير ي عشق
عشق بتلقائية: ايوا ....
مالك حس بارتياح وحس ان ممكن تكون الدنيا بيهم حلوة
عدي الايام وعشق بتتحسن ومالك جمبها
ونتيجة ورد خلاص ممكن تطلع في اي وقت
في يوم كانوا قاعدين كلهم
زين لورد : النتيجة شكلها طلعت
ورد بخوف : ربنا يستر
عشق بطمنها: انا فخورة بيكي أياً كان يكون
زين بصوت عالي: مبرووووك بقيتي اشطر معيدة
ورد سجدت لربها وحمدته
عشق كانت عيونها كلها دموع بسبب نجاح اختها
عشق بحنان : عشت وشوفتك احسن الناس انا بجد فخورة بيكي اوي
ورد بعياط وهي تقبل يد اختها: لو مكنتيش فحياتي وقدمتي ليا كل اللي بتعمليه دا مكنش هيبقي ليا اي لزمه
عشق : نجاحك هو نجاحي
ورد : بحبك والله اوي ي عشق
عشق : انا أكتر ي حبيبتي
معتز : بمناسبة الفرحة دي كتب كتاب زين وورد الخميس الجاي
زين هيطير من الفرح : بجد
عشق ؛ مفيش خطوبة؟
مالك بيغمز ليهم: لاء هما اتخطبوا من ساعة ما عرفوا بعض
رشا : خير البر عاجله
عشق : علي بركة الله
فوق عند زين وورد
زين بفرح : انا مش مصدق ي ورد
ورد بخجل: ربتا يفرح قلبك
زين : كفاية انك في قلبي
عند رشا ومعتز
رشا : مبسوطة ان زين وورد هيبقوا لبعض
معتز : العلاقة هتتحسن بينا ويمكن مالك يحب عشق
رشا: يارب علي الاقل هتطمن علي مالك من اللي طمعان فيه
معتز اتنهد : انا فاهم قصدك بس لازم اعزم محمد علي كتب الكتاب
رشا : ايوا دا اخوك ولازم
معتز بالفعل اتصل علي اخوه وعزمه
عند مالك وعشق
مالك : مبروك لورد
عشق بعتاب: يمكن هي لقت اللي يحبها
مالك بعتاب اكبر: مش يمكن لو مكناش اتقابلنا مكنوش هيبقوا لبعض
عشق: تقصد أن احنا السبب
مالك : ايوا
عشق : المهم انهم عاوزين بعض
مالك : عقبالك
عشق لحظت اهتمام مالك بيها : متأكد من كلامك
مالك : ايوا
عشق: ماشي
بعد مرور يومين
تحت الكل كان قاعد
زين لورد : يلا عشان اروح اختار ليكي فستان
مالك : هاجي معاك
زين بضحك وغمز: فضي ليا الجو مسير يومك يجي
عشق بضحك عليهم: انا هاجي انا كمان
زين : مش عاوز انت كمان تيجي ي حج
الكل ضحك وفجأة وجدوااااا أمامهم.....
يتبع
البارت السادس والعشرون
Marwa mosa ✌ ❤
تعليقات
إرسال تعليق