مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-انتي كد*ابة محمود مش كدة هو بيحبني ومستحيل يخو*نني ...

قولتها وانا بعيط للبنت اللي بتكملني علي الفيس ...بعتتلي ايموجن ضحك ...كانت بتتريق عليا ...بتسخر مني وبعدين بعتتلي رسالة وقالت:

-هبعتلك حاجة وقوليلي بقا ازاي محمود بيحبك ...

قعدت ثواني وانا علي اعصابي عشان اعرف هتبعت ايه ....فجأة بعتت...فتحت الماسنجر بخوف واللي شوفته صدمني حرفيا ...كان هو متصور معاها ...ماسك ايديها ومبسوط ...دموعي نزلت وانا ببص للصورة بتاعته وهو مبسوط ...

-ها يا حبيبتي اتاكدتي أنه بيحبك واظن انك عارفة أن الصورة جديدة ومش بتبلي عليه ولا حاجة 

بعتتلي الرسالة ووقتها انفجرت في العياط ومقدرتش ارد حتي عليها ...ارد اقول ايه ...طلع بيلعب بيا بيتسلي وانا اللي حبيته اكتر من حياتي ...وقفت جمبه ...ده حتي خارج معاها بالطقم اللي اختارتهوله ...غمضت عيني وانا بفتكر سذاجتي معاه 

فلاش باك 

-ما تختاريلي طقم كده علي ذوقك يا بيبة أنا بثق في ذوقك اووي 

جاتلي رسالة علي الواتس من محمود  ....قلبي دق جامد وابتسمت بكسوف وبعتله:

-يعني انت معترف اني ذوقي حلو ...

رد علطول :

-طبعا يا حياتي ...كفاية انك اختارتيني وده يدل أن ذوقك يجنن 

ضحكت ووشي احمر وانا ببعتله:

-ايه الغرو*ر  ده بس 

بعتلي وقال:

-مش غر*ور ثقة بس يالا بقا اختاري معايا حاجة ...

-حاضر يا سيدي 

بعتله الرسالة وانا بفكر بعدين رنيت عليه عشان أقوله اللي اتوصلتله ...ورد عليا 

-ها يا بيبة فكرتي 

قالها بصوته الجذاب ... ابتسمت وقولت:

-الازرق بيليق عليك اوووي ...البس السويت تيشرت الازرق والبنطلون الجينز والشوز الابيض ....

-طيب اقفلي دلوقتي وهلبسهم واصور نفسي وابعتلك الصورة 

-ماشي يا عم 

..

واستنيت شوية لحد ما فعلا بعتلي الصورة ..بصيت ليها بلهفة وقلبي بيدق جامد  لما شوفته نسيت كل حاجة وانا ببص لشكله ...لما تحب حد لدرجة كبيرة زي حبي لمحمود هتشوفه اجمل انسان في العالم ..

- ها يا بنتي روحتي فين 

بعتلي الرسالة مع ايموجي ضحكة ...

فوقت من خيالي وانا ببص عليه كويس وفجأة لاقيته لابس الساعة بتاعتي اللي جبتهالوا هدية ...ابتسمت وبعتله :

-انت لابس الساعة بتاعتي 

-عايز اقولك أن من وقت ما جيبتهالي مخلعتهاش اصلها غالية اووي♥️

ابتسمت بحب وقولت:

-شكلك زي القمر قولي بقا رايح فين 

بعتلي بعد ثواني أنه رايح فرح صديق ليه وقبل ما اقفل معاه اتفقنا نتقابل يوم الخميس ده بعد المحاضرة بتاعتي في الأكاديمية

..

باك 

خرجت من شرودي وانا بعيط جامد وقلبي وج*عني ...ليه يعمل كده فيا ...ليه هو كان الحاجة الوحيدة اللي بتفرحني ...ده انا حكيتله علي كل حاجة ...حكيتله ازاي عيلتي اللي من دمي اذو*ني وجه هو كمل عليا ...أنا كنت فاكراه العوض ليا ...فاكراه  هو اللي هيبعدني عن اللي بيأذ*يني اتاري هو كمان غر*س سك*ينة في قلبي ...

حطيت راسي علي المخدة وفضلت اعيط جامد لحد ما نومت ...

......

جه يوم الميعاد بتاعنا ...

كنت خارجة من الأكاديمية وانا وشي شاحب ...فجأة وقفت ولقيته قدامي وماسك ورد ليا.... قرب مني وابتسم وقال:

-وحشتيني يا بيبة 

محستش بنفسي الا وأيدي بتنزل علي وشه جامد وضر*بته بالقلم وقولت:

-انت طلعت حيو*ان اكتر منهم !

يتبع

#نفوس_مشوهة

#سولييه_نصار

ستوووب الاسكريبت ده هيطول معانا شوية يا سكاكر قد يخيل ليكم أن القصة بتتلخص في حبيبة ومحمود لكن لا التقيل جاي ورا ...القصة دي حقيقة لقارئة معانا هنا فبتمني محدش يش*تم ولا يج*رح في الشخصية ♥️

الجزء التاني♥️شكرا علي تفاعلكم السكر♥️بقلم سولييه نصار♥️

-حبيبة

قالها وهو مصدوم ...كانت دموعي نازلة وانا ببصلة بو*جع ....بصلي هو ومش فاهم حاجة ...بس انا مشيت ومعبرتهوش ..

مشيت وانا بمسح دموعي وحاسة اني هم*وت ...أنا كنت فاكراه العوض ...فاكراه هيعوضني عن اللي حصلي واللي بيحصلي ...بنيت معاه في خيالي احلام ...كنت مستنية بفارغ الصبر اليوم اللي هنتجوز فيه عشان يبعدني عن عيلتي ...اللي مقدرش اقول عليهم اصلا عيلة ...نقدر نقول ناس من سلالة الشي*طان ...عمرهم ما حبوني...دايما بيأذ*وني نفسيا وجسديا ...حتي اني حسيت اني هتجنن بسببهم  أو همو*ت حتي ومن وسط الس*واد اللي كان في حياتي جه محمود عشان يمسك أيدي ويطلعني بس اتاريه هو اللي رماني في الن*ار بإيديه ...

صرخت وانا بحس بحد بيمسك أيدي ...بصيت لقيت عربية كانت هتخ*بطني وحد شدني ...بصيت لقيت محمود. ...عينيا كانت حمرا من الدموع وقولت:

-ابعد بدل ما اصرخ وألم عليك أمة لا اله الا الله يا محمود ...سيبني خلاص اللي بيننا انتهي ...

ولسه همشي تاني ...مسك أيدي وقال بعصبية :

-لا مش هسيبك ...أنا من حقي اعرف ايه اللي حصل ...ايه اللي مخليكي متضايقة مني ...مش فاهم كنا من يومين بنتكلم كويس  ..ايه حصلك النهاردة يعني 

-اتجننت ...ارتحت يالا بقا سيبني في حالي 

-لا مش هسيبك ... انطقي مالك أنا عملت ايه؟!!

خرجت موبايلي بعصبية وخرجت صورته هو والبنت وقولت:

-اتفضل يا استاذ عكك بقي بيوصلي اول بأول...

اتصدم واتوتر وهو باصص للصورة  وقال:

-حبيبة أنا 

-انت حقي*ر ...

-اخرسي 

قالها بغضب وبعدين كمل :

-انتي مش خطيبتي ولا مراتي عشان تحاسبيني 

ضحكت بو*جع وقولت :

-فعلا  انسان حقير لأن وسط الس*واد اللي انا عايشة فيه ورغم أن حكيتلك قد ايه انا اتأ*ذيت في حياتي انت كمان قررت تأذ*يني ...بس خلاص. اللي بيننا أنا بنهيه مش عاوز اشوف وشك تاني ....

مأدتلهوش فرصة يرد وجريت وانا ببكي ...كنت ببكي غبا*ئي ...إذا كان عيلتي اذت*ني يبقي هو هيكون كويس معايا ازاي أمنتله ...قعدت الوم نفسي لحد ما وصلت للبيت ...دخلت ووقفت فجأة لما شوفت عمتي الصغيرة  مروة اللي أنا كنت دايما بناديلها ابليس بسبب اللي بتعمله معانا ...ابتسمت بش*ر  وهي بتشوف دموعي وقالت:

-سابك صح ...

رفعت راسي وقولت:

-جواسي*سك مبقوش ليهم فايدة يا عمتي لاني انا اللي سبته ...

وعديت من جمبها...طبطبت عليا وابتسمت ...حسيت جسمي اترعش ... روحت جريت علي شقتنا اللي فوق بما اننا ساكنين في بيت عيلة ...وقفت لحظة قدام الباب وانا حاسة بحاجة تقيلة علي صدري ...مكنتش قادرة اخد نفسي وحسيت بحضور قوي لحاجة أنا عارفاها كويس ...يوووه بدأنا...دخلت وانا مستعدة للي هشوفه ...بس اللي شوفته فاق توقعاتي المرة دي ...شوفت امي ناكشة شعرها عينيها بيضا تماما مفيهاش سواد ...مبتسمة ابتسامة مرعبة وحاطة سكي*نة علي رقبة اخويا  الصغير!!!

يتبع

#نفوس_مشوهة

#سولييه_نصار

تكملة الروايه من هنااااااا