الجزء التالت♥️شكرا علي تفاعلكم السكر♥️بقلم سولييه نصار♥️
-ماما
صرخت وانا مصدومة ...لقيتها بتتكلم بصوت تخين وتقول:
-ابعدي ...ابعدي ...لازم ي*موت لازم كلكم تم*وتوا عشان ترضي عني. ...
بكيت وانا عارفة أن عمتي الصغيرة هي اللي عملت كده ...كنت مرعوبة وانا شايفة أن اخويا ممكن ي*موت ...أنا عارفة أن أمي مش في وعيها ...وعارفة أن عمتي سح*رتلها ولبستها. ..قعدت اعيط وانا بقرأ قران في سري ...فجأة اتفزعت وهي بتصرخ بصوت مخ*يف:
-اخرسي متقريش قران هق*تل اخوكي
عينيها بدل ما كانت بيضا بقت حمرا وكأن نا*ر بدأت تطلع منها ....أنا حرفيا اترعبت وحسيت جسمي بيتنفض ...محستش بنفسي الا وانا بنهار علي الأرض. بعيط وانا بقول:
-يارب ...يارب...يارب
فجأة حسيت بهدوء وبعدين حاجة اترزعت جامد علي الأرض ... فتحت عيني ولقيت من وسط دموعي امي واقفة علي الأرض واخويا واقف وهو بيعيط بخوف....جريت علي اخويا وحضنته وبعدين اتصلت بأبويا عشان يجي ....
....
بعد نص ساعة ابويا جه كنت وقتها فوقت امي ونيمتها وقعدت اعيط جامد....مكنتش عارفة اخد نفسي ...بابا جه وقعد جمبي بحزن بصتله وقولت:
-شوفت اللي اخواتك بيعملوه يا بابا ...شوفت ازاي بيأذ*ونا من غير اي سبب ...احنا عملنا ايه ليهم ...مفيش يوم يعدي الا ويعملولي سح*ر فيه ...مض*يعيين فلوسهم ووقتهم بس عشان يأذ*وني ....احنا عملنا ايه ليهم بس ...
وقعدت ابكي جامد ...ابويا سكت ...مكانش عارف يقول ايه حقيقة أن الحوار ده بيحصل كل يوم الق*هر والع*ياط ده كل يوم عمتي ومش عمتي دي بس انا عندي تلاتة والتلاتة من غير مبالغة بيعملولنا سح*ر ...احيانا سح*ر مرسل وأحيانا تاني س*حر مدفون وفي المية ...عايزين يأذ*ونا بأي طريقة ...بيعملوا أس*حار علي حاجات تافهة بس اهم حاجة منكونش مبسوطين ...حاولنا كتير نسيب البيت بس في كل مرة الموضوع يتعقد ....
سيبت ابويا وقومت ...وروحت لماما ...لقيتها نايمة ...دموعي نزلت عليها ...قد ايه هي بتعاني ...هي اكتر واحدة فينا بتعاني عشان هي اكتر واحدة عماتي بيكر*هوها وهي اكتر واحدة بتتأ*ذي من سحر*هم ...رحت وبوستها علي جبينها ولسه همشي مسكت أيدي وهي بتعيط وتقول:
-اسفة يا بنتي...انا مكنتش حاسة بنفسي ..
-عارفة ...
بلعت ريقها وقالت؛
-انتي وداخلة شوفتي عمتك مروة
بصتلها بحيرة وقولت بحذر:
-ايوة ليه ...
-هي اخدت منك حاجة ...
ووقتها فهمت أنها وبتطبطب عليا اخدت مني حاجة ...أنا محجبة بس احيانا شعري عشان طويل بيتفرد ...مرضتش احسس امي كده كده لو عملت حاجة هحس ...بوستها تاني وقولت:
-متفكريش كتير أنا كويسة ...
...
رحت اوضتي غيرت هدومي مسكت موبايلي لقيت عشرين رسالة من محمود ...رسايل بيعتذر فيها وطالب مني أننا نرجع لانه بيحبني ...بهدوء عملتله بلوك ومسحت رقمه من الموبايل بتاعي وفي نفس الوقت اتصلت بالشيخ علي ...ده الشيخ اللي بيساعدنا ...صحيح بيرخم شوية بس اهو هو الوحيد اللي واقف معانا ...وحكيتله كل اللي حصل فجأة وانا بحكي له سكت خالص وحسيت بصداع
-حبيبة روحتي فين
قالها الشيخ علي ...بس انا كنت في دنيا تاني لأن لما غمضت عيني شوفت عمتي الكبيرة صفاء بتدفن عمل ليا في المقبرة ...مكتوب فيه ...المر*ض ...سو*ء المعيشة ...المو*ت!
يتبع
#نفوس_مشوهة
#سولييه_نصار
بنوه مرة تانية أن الاسكريبت مش رعب لاني مبعرفش اكتب رعب اصلا دي قصة قارئة عندي بنقلها بأسلوبي وبس ياريت تدعولها كتير ربنا يحفظها ♥️
الجزء الرابع♥️شكرا علي تفاعلكم السكر♥️بقلم سولييه نصار♥️
-حبيبة ...حبيبة روحتي فين
صر*خ الشيخ في التليفون ...بس التليفون وقع مني وانا حاسة بصداع شديد اووي ...حسيت أن راسي هتنقسم نصين من الو*جع وفجأة الدنيا بقت سو*دا واغمي عليا ....
......
صحيت بعد فترة لقيت الدنيا ليلت...ياااه أنا أغمي عليا الفترة دي كلها ...عمتي قررت تأذ*يني تاني ...يارب امتي الموال ده هيخلص ...امتي أنا عملتلهم ايه لده كله بس ...مسكت تليفوني لقيت اكتر من عشر اتصالات من الشيخ ...اتنهدت واتصلت بيه وحكيتله علي اللي شوفته ...هو عارف من زمان اني بقدر اشوف اللي بيعملوه فينا ...هداني وقرألي شوية قران وقالي علي حاجات اعملها قبل ما انام ووعدني أنه هيتصرف ....قفلت معاه وروحت اخدت شاور وصليت الفروض اللي فاتتني وقريت قران وعملت اللي قالي الشيخ عليه.. ونومت زي القت*يلة مدرتش بحاجة اللي حصل الايام دي خلاني تعبانة اوووي مش قادرة اصدق ان الحاجات دي بتحصل معايا وانا لسه متماسكة ...بس دايما بحس أن ربنا واقف جمبي وبيساعدني ...أنا عارفة أن ده ابت*لاء من ربنا وانا قررت استحمله للآخر ...قررت مخليش خوفي يتحكم فيا قررت احا*ربهم وادافع عن عيلتي ...مش هاسمح ليهم يأذ*ونا ...
.........
تاني يوم ...
صحيت ولبست ونزلت عشان اروح الأكاديمية وانا ونازلة قابلت عمتي مروة ...ابتسمت في وشي وقالت:
-سمعتك بتص*رخي امبارح خير يا حبيبتي ...
بصتلها بتريقة وقولت:
-كل خير يا عمتي ...كان فيه فار جر*بان افتكر أنه ممكن يأذ*ينا بس احنا معانا ربنا ....
وشها احمر من الغضب وقالت ببرود:
-ماشي يا حبيبة ...
-سلام .
قولتها بتريقة ومشيت ...كنت عارفة أن كلمتي مش هتعدي بسهولة وأنها هتأ*ذيني بس مبقاش يهمني خلاص ...اتعودت ...
روحت الأكاديمية وحضرت محاضراتي كلها وانا دماغي مشتتة بالرؤية اللي شوفتها امبارح بس حاولت مخافش لاني بثق في الشيخ ده وهو قالي هيخلصني ....وعشان اطمن اكتر هتصل بيه هو بعد ما اطلع من المحاضرة ...خلصت المحاضرة اخيرا وطلعت ومسكت الموبايل علشان ابن علي الشيخ ...اتجمدت في مكاني وانا بشوف محمود ....وشي احمر من الغضب ...قرب مني وقال:
-بيبة ابوس ايديكي اديني فرصة بس اتكلم معاكي ...سامحيني المرة دي ومش هتحصل تاني والله ...
-غ*ور من وشي ...
-يا بيبة أنا
-هتمشي يا محمود ولا ألم عليك أمة لا اله الا الله ...روح الله يهديك مش عايزة مشاكل أنا فيا اللي مكفيني. ...
بعدين سبته ومشيت ....
اتصلت بالشيخ اللي طمني ...وروحت علي البيت...وقبل ما اوصل جالي صداع وغمضت عيني جامد شوفت امي بتصرخ بصوت مخ*يف وبابا ماسكها ...فوقت بسرعة ورميت شنطتي وجريت علي بيتنا ولقيت فعلا امي بتصرخ جامد وابويا ماسكها واخويا بعيط ...دموعي نزلت وجالي صداع تاني وشوفت أن مرات عمي المرة دي اللي بعتتلنا حاجة ...
-حبيبة ...حبيبة
ابويا كان بيصرخ عشان اساعده بس انا كنت في عالم تاني ...وش مرات عمي اختفي واغمي عليا ...فجأة صحيت ولقيت نفسي في مكان زي المق*برة ...مشيت بخوف ووقفت متجمدة في مكاني وانا بشوف مرات عمي بتبكي وبتص*رخ ...قربت منها لقيتها بتحك في جسمها جامد لحد ما جلدها بقا يقع ...خوفت ورجعت وانا وراجعة اتخبطت في حاجة ضخمة ...وقعت علي الارض وبصيت لقيت عمتي الكبيرة زي ما تكون اتحجرت كده وبقت ضخمة وشكلها يخوف...كانت دموعها بتنزل وهي بتقول بصوت واطي :
-سامحيني...سامحيني
رجعت لورا وانا ببكي ..وقومت عشان أجري لقيت عمتي مروة الصغيرة قدامي ...بقت رفيعة زي عود القصب ووشها اس*ود كأنه محر*وق وبتقول:
-الن*ار بتحر*قني ...سامحيني!
يتبع
تعليقات
إرسال تعليق