مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

Part1✌❤

قنا _2019 م

(بيت كبير عائلة ال قناوي )

صابر : يلا ياحج هنتأخر. 

مصطفى : جاي ياصابر ....... اه روح انت ي علي المصنع وسالم يروح المزرعة ....يلا انا ماشي .

نواره : ابوي ....مصطفى استنى ....كده تمشي من غير ما تشوفني .

مصطفى: اه وانا بجول ايه ناجصني .... صباح النور يانوارتي .

نواره بإبتسامه  : صباح الورد ي جلب نواره.

سالم بصوت منخفض مليئ حقد : شايف البت اهي دي اللى حاسس إن أبوك كاتبلها كل حاجة .

صابر بغضب حاول كاتمه : يلا يابوي عاد هنتأخر على اشغالنا عاوزين نخلص جبل معاد بليل .

نواره : مش هتفطر يابوي ؟

مصطفى بحنان : لا يابتي ورايا شغل كتير هفطر ف المكتب .

صابر بغضب شديد: خلاص ي بت كفاية دلع ماسخ.

مصطفى بصوت مرتفع مخيف: صابر ...

نواره : خلاص يابوي انا فعلا عوجتكم زيادة .

مصطفى: عشان خاطرك المره دي ..... يلا .

__________________________________

(بيت كبير عائلة العلاميه )

حازم بصوت مرتفع : زييين .... يازيييين.

كريمة : في ايه ياحازم ياولدي صوتك عالي.. جوي وجع الطير من ع الشجر .

حازم بقلة صبر : ولدك اللى هيموتني ناجص عمر م الصبح وانا برن عليه ومبيردش ورانا شغل كتير ي حجة وفي موضوع عايزة فيه مهم جوي ...

زين بخطوات واثقة وبصوت رجولي رخيم ممتلئ بالسخرية : صوتك عالي ي بن غريب لو مكنتش بن خالي وصاحب عمري كنت دفنتك حي .

كريمة بإبتسامه دافئة : كنت فين ياولدي من بدري اكده؟

انحنى زين يطبع قبلة على يدها وجبينها : كنت في المخزن واجف مع العمال وهما بينزلوا الطلبيه الجديده وجيت ف ايه ؟

حازم : طب ما انا كنت برن عليك من بدري يازين عبر اللى جابوني يا جدع؟

زين بسخرية : نسيته .... بس ليه كل دا عاد لو مرتي مستنياني عشان افطر معاها مش هتعمل كل دا عشان توصلي ..

حازم : وه... كده عاد شايفة ياحجة ابنك بس اجول ايه ...انا غلطان اني خايف على مالك وسمعتك وابن جزمة عشان بعد دا كله بردك هشتغل معاك .

كريمة محاولة كتم ضحكتها: كفاية عاد انت وهو انتوا مش صغار عديتوا التلاتين ولسه كيف اللى عندهم عشر سنين حسن عجله اكبر منكم .

زين : وانا مالي هو اللى عامل مشكلة من الصبح ... شغل وصاحيله من الفجر ... وسمعه بتتحاكه بيها البلد هو اللى بيجول كلام كيف شكله .

حازم : ياريت كل حاجة كيفي واسكان ع السمعة فكانت بتتحاكه بيها البلد دلوجتي بجت ..

زين وتحولت نظراته من المزاح الى جديه مرعبة : بجت.... بجت ايه ياحازم .

حازم وقد تدارك كلامه وتسرعة : مفيش حاجة اه نستني اللى ج....

زين وبنبره أشد قسوه : ماله سمعتنا ياود خالي ؟

لعن حازم تحت انفاسه لغبائه وتهوره لكن لا مفر والا سوف يسوء الحال اكثر : النهارده في معاد بين عيله عطوه و الجبالي بسبب الارض ايها ..... و وكل كبار العيل هتحضر الحج كامل كلف عامر يلف عليهم بيت بيت .

زين : اممم..اختصر

حازم وقد تملكه الرعب من الماثل امامه : البلد كلها ملهاش سيره غير حفيد رضوان اللى رجع وعامل كبير وبيقولوا ان انت واكل حج اخواتك ف الورث و..وعامر داير بيجول ان الحج كامل جاله ميجيج لينا لان احنا بجينا عيله من غير كبير أو بمعنى اصح كبيران جدي رضوان مات ..

كريمة بعصبية : وه مين اللى استجرا واتكلم على كبير العلاميه اكده و....

زين بهدوء مميت : مش هتحضري فطار ياحجة لبنك وابن اخوكي عايزاه يجول علينا بخله .

كريمة بخوف من غضبه وعواقب هذا : زين ياولدي ا....

زين :يلا ياحجة نادي سيدة خليها تحضر الفطار وتصحي الباجي وانا وحازم جاعدين ف المكتب لحد ما تخلصوا وتنادوا علينا يلا ياحازم .

اولاها زين ظهره ...

كريمة : زين هتعمل ايه ياولدي ؟

زين وارتسم على ثغرة ابتسامة : كل خير متخافيش. 

_________________________________

 

سعاد بنبرة ممتلئه بالحقد والكراهية : نواااره ...انتي يا هبابة .

نواره ببرود ولامبالاة : نعم يامرت ابوي عاوزة حاجة .

سعاد : عاوزة غورتك يابعيده المهم فزي جومي ساعدي الخدم ف شغل كتير .

نواره بنفس البرود : تؤ ...لا .

سعاد بغضب : يعنى ايه سمعيني كدا تاني جولتي ايه  ؟

نواره بصوت مرتفع:لا ....لاجولت لا انا هنا زي زيك لو انتي مرت مصطفى الجناوي فانا بته نواره مصطفى الجناوي ومحدش ليه كلمه على غيره هو وعلي اخوي بس  انا استحملت ٢٥ سنه كل حاجة منك انتي وعيالك وحتى مرتباتهم لك لحد هنا وكل واحد يحط حد ليه عشان انا مابدخلش ابوي ف اي حاجة من اللى بتحصلي بس وكتاب الله اولعها ونارها مش هتطول غيرك انتي وعيالك. 

سعاد بصدمة : ماشي يابت الإسكندرنية فوريكس مين ست البيت ..

ذهبت سعاد وهي تتوعد لنواره بجحيم .

ليلى بعتاب: ليه اكده يانواره ليه عاد كنتي رفضتي من غير كل دا دلوجتي تسحب وتكلم صابر وهو يجي و...

نوارة بحزن وعينان ممتلئه بالدموع: سكتي ليه ياليلى جوليها يضربني .....(تنهدت واكملت بإبتسامه حزينه )..وايه الجديد هيزيد كام جلم على كام ضربة حازم عادي فات من دا كتير .

ليلى بانفعال : وليه ليه متجوليش لبوك انتي عارفة كويس انه ممكن يولعها زي مجولتي .

نواره: جلبي مش مطاوعني غير اني مش ناجصة كره كفاية يلا غيري الموضوع بجولك انا هطلع اغير لحد ما تأمني الباب الوراني .

ليلى : والله مش خايفة اكتر من اللى انتي بتعمليه دا .

نواره بمزاح: هون هون يلا .. هى ساعة واحده يلا .

ماشي انبي  انا حاسة ان قره عيني علوه شاكك ف كل حاجة .

__________________________________  

كريمة : سيدة نادي على زين وحازم .

سيدة : امرك يا حجة ..

كريمة : اه جيته..يلا عشان ابن اخوي ميجولش ان احنا بخله. 

حازم : طول عمرك كريمة ياكرملة ماتيجبي بوسة .

زين : ولا ..

حازم : ايه امك حلوه ..

كريمة بضحك: بس كفاية سيدة اندهي الباجي .

جلس زين على رأس الطاوله وبجاوركريمة يقابلها حازم ...

زين بصوت لم يسمعة اللى حازم : امي حلوه يابن ال..

حازم : اوعى يازين امي ميته اوعى تغلط فيها ...

زين بغيظ: كيااااااد .

حازم : مش جوانا تروح لدكتور نسا يشوف حكاية الهرمونات دي..

زين بإبتسامه جانبية ساخره : مستني لما تعدي الشهور الأولى عشان نعرف نوع الجنين اللى ف بطنك .

نظروا لبعضهم البعض وانفجروا ضاحكين..

عمرو : صباح الخير .

زين : مش لابس ليه ؟؟

عمرو :طب رد الصباح .

زين بنفاذ صبر : صباح النور ...ها مش لابس ليه ؟

عمرو ببرود : مش هروح الشغل .

اومأ زين رأسه بطريقة ساخرة ثم حرك يده على ذقنه كطريقة للتحكم بغضبة :ليه ؟

عمرو : مفيش بس شغل النهاردة كله على بعضة نص ساعة يبقى ملهاش لزمة اروح .

زين : خمس دجايج ولجيك لابس وتروح شغلك وتشوف ايه وراك وتمشي وقت مالشغل يخلص يعني الساعة ٢ مفهوم 

 عمرو بغيظ: تمام ...

_____________________________

يتبع....

⚽️🇪🇬🏆

Part2..

 كريمة : عمرو تعالى كل حاجة ياولدي .

عمرو ونظراته موجه لزين : لا انا ماشي مش هاكل .

كريمة بإعتراض : بس ياول....

زين بهدوء : مع الف سلامة ياعمرو ساعة وهتلاقيني عندك..

تأفأف عمرو وذهب يلعن داخلة ...

كريمة بلوم : ليه كده يازين اخوك صغير حن عليه ليه الجسوة  دي .

زين بحنيه امسك يدها وقبلها : متشغليش بالك انتي .

حازم : انا همشي هستناك ف المكتب .

كريمة : كمل واكلك ياولدي .

حازم : اكتر من كده هبجى كيف ابوي كرشي بيسبجني .

محمد : ومالوا ابوك .

التف حازم لمصدر الصوت وما ان تحقق من المتحدث احتضنه : كيفك ياخوي بجالي كتير ماشوفتكش  .

محمد : لا وانت بتسأل جوي انا كل يوم عند ابوك انت اللى فينك .

حازم : اعمل ايه ف البيه اللى شاريني .

زين بحزن مصطنع: تؤ ..تؤ انا يابن خالي دا انت ناجص تجوله اني بطفي السجاير في ودانك .

حازم : والله انا خايف تدخل عليا ف يوم وفإيدك فرج بتاع فيلم الكرنك  .

محمد بضحك : بس بس خلاص ..اه صح مزعل ابوك ليه؟

كريمة : انت مزعل اخوي .

حازم :والله ولا كلمته هو اللى عايز يجوزني واحده شبة منصور اجبهاله من كل نحيه اجوله يابوي مينفعش مش هعرف دا انا جمر ونص بنات البلد هتموت عليا مش سامع وكل اللى على لسانه هتتجوز هتتجوز   .

زين بسخرية : هيموتوا عليك اه .

حازم : انا ماشي .

زين :افطر يا محمد امال فين مريم وملك ؟

ملك : انا هنا ياقوم.

انحنت لتقبل وجنتي اخاها هامسه بأذن :  الله يسامحك هبه طول الليل جاعدة معايا تتكلم عنيك وايه اللى بيعجبة وايه اللى بيكرهه واشي ايه واشي ايه خلت دماغي اكبر من دماغ عمي منصور طب ارهنك انها هتلبس اصفر هههه اصلي جولتلها انك بتحب الاصفر .

زين بضحكه: اصفر ...

هبه بترجي: بجولك ايه يازين متتجوازها ينوبك فيا ثواب اه مردهاش لعدوي بس دي هتبجى خدمة انسانيه .

زين : طب بزمتك مش كفاية علينا مرات اخوكي يبجى هى واختها حرام كتير يبت ابوي كتير  .

هبه بضحك : عندك حج انا هاكل احسن متأخرة على الجامعة جوي .

________________________________

سعاد بحزن مصطنع:  ايه اللى جابك بدري ياصابر وفين ابوك؟

صابر : خلصت اللى ورايه وابوي جاي بعد شوية ..في ايه مالك يامه شكلك زعلان ؟

وفاء بخبث : امك اتهزجت ومن مين بت لسه طلعة من البيضة .

صابر بغضب عارم : مين بت *** اللى عملت كدا  وكلمتك نص كلمه واحده من الحريم ولا الخدم ؟

سعاد : لا ياولدي مش حد من الحريم ولا الخدم .

صابر بنفاذ صبر : امااال مين ؟

جلست وفاء بجانب سعاد وهى ترتسم ملامح الحزن على وجهها: نواره هزجت امك وعلت صوتها عليها وبهدلتها اخر بهدله .

صابر بعيون تتطاير شرار : نهارها اسود ...نوااااره ...نوااااااره 

(ف الطابق الثاني )

ليلى بخوف : جالك الموت يا تارك الصلاة عجبك كده اهو هيساوي وشك بالأرض ..... نواره انتي رايحة فين ؟

نواره : هنزل عايز يضربني يضربني. 

ليلى : انتي مجنونة استني وانا هتصل بعلي استني التلفون كان هنا ....يوووه فينك نواره بصي ف.....نواره هموتك ليه نزلتي .

نواره وهى تدب بخطواتها من على الدرج : نعم ياخوي تديني .

تلقط نواره صفعة داميه ما ان وقفت أمام صابر : بتعلي صوتك على امي .

واكمل صفعاته حتى كادت تفقد الوعي.

هرولت ليلى من أعلى الدرج : نواره ابعد عنها هتموتها بعد نواره فوجي نو...اهههههه  .

وفاء ممسكه بشعر ليلى من الخلف : اخ واخته ملكيش دعوه بيهم خليكي ف نفسك وهو هيربيها .

اكمل صابر تعنيفة لنواره بأبشع الطرق امام النظرات الشماتة و الكارهه  والنظرات الضعيفة الباكيه .

علي بذهول وصدمة من المنظر :صابر انت اتجننت بعد  نواره نواره جومي دي تستحمل جلم من بتوعك .

صابر  : سيبها تولع لو اطول اكسر رجبتها هكسرها و. ....

علي بنظرات مرعبة : خدي نواره واطلع فوج ياليلى .

صابر : هتفضل كده لحد ما اتكيف من ضربي ليها .

علي بغضب: انت اتجننت فعلا وعايز اللى يعجلك. 

صابر بإستهزاء : هتعمل ايه انشالله ...هتضرب اخوك شجيجك عشان بت الاس...

علي : اختي وبتي عشان نواره نور عيني خدي نواره ياليلى ولبسيها هدمها المستشفى قبل مابوي يجي.

مصطفى: وابوك جه في ايه هو كل يوم خناج مع اخواتك ليه ياعلي صغي..... 

جحظت عينه من هول المنظر نوارته وصغيرته بحالة مزرية .

مصطفى بصدمة: نواره...

حول نظرة لصابر الذي شحب وجهه وكان هذا حال الباقي .

علي : ابوي خلاص هناخد نواره ونوديها للدكتور عزت و..

مصطفى: اشششش....

اتجه مصطفى اللى مكتبة ولم يمر زمن وخرج .

صابر بخوف وتوتر: اابوي والله علت صوتها على امي وكان هتمد يدها عليها واههههههه.

علت صرخات صابر بعد إطلاق الرصاص على كف يده الأيمن..

سعاد بزعر: ولدي اتجنيت يامصطفى تضرب رصاص على ابنك عشان بت الإسكندرنية. 

مصطفى بهدوء: لبسي نواره ياليلى ..

انحنى طابع قبله على جبين نواره ....نواره التى تبكي بصمت وعيناها على يد اخيها .

سعاد بغل: طب خد ابن.....

مصطفى: طلاج تلاته متعدي على زمتي ثانية واحمد ربنا اني مجبتهاش ف جلبه جهز العربية ياعلي .

علي : أوامرك يابوي .

_____________________________

حازم : زين اللى طلبته جهز .

زين : تمام فاضل اد ايه ؟

حازم : هو المفروض بعد العشا .

زين وهو يتطلع الى ساعته السوداء المطليه بالذهب الخالص التى أكملت اللوحه فكان يرتدي جلباب بالون الاسود وعبائه بنفس اللون وحذاء ايضا بالون الاسود الذي أعطاه هيبة وهالة مرعبة : فاضل ساعة اللى ربع تعالى نتمشى لحد الجامع نصلي ونروح مشوارنا .

كريمة : مشاء الله ربنا يحفظكم من كل عين شوفتك ومصلتش على النبي .

زين وحازم : عليه الصلاة و السلام. 

زين : ياحجة فين احمد ؟

كريمة : مش عارفة حتى سحر وهبه مش ف البيت .

زين بغضب مكتوم : ما انا جايله يجهز على المغرب هنروح مشوار مهم  .

حازم : خلاص يازين مش وجته ورانا اشغال .

_____________________________

مصطفى: ها يا دكتور في اي كسر او حاجة خطر عليها .

عزت : لا بس اديها الشمال اتجذعت و الكدامات اللي ف وشها وجسمها هتاخد شوية وقت لحد ما تروح ... احم .

مصطفى: علي خد خيتك ومرتك وصلهم واتأكد أن نواره ف سريرها وابجى حصلني على المعاد ف بيت الحج كامل .

اومأ علي بطاعة...

مصطفى: هااا اديني مشيتهم في حاجة خطر يا دكتور ؟

عزت : احم ... مش عارف اقولك ايه ياحج انت عارف معزتك عندي انت ونواره اللى باعتبارها اكتر من بنتي حد غيركم الموضوع مكنش هيمشي من غير محضر  .

مصطفى: عارف ودا العشم .

عزت : انا عارف نواره من وهى ف ثانوي يعني قول تلاته ثانوي وسبعة جامعة عشر سنين شايف بنت بتتعرض لكل أنواع الضغط اللى كفيله تأديها للانتحار انت فاكر ان بنتك اول مره تضرب لا بس الفرق انها كانت لسه عندها أمل انهم يتغيروا معاها اسكان اخواتها صابر وسالم ولامراتتهم ولا حتي....المدام بس المره دي انا شوفت في عنيها نظره تخوف بنتك في اي لحظة ممكن تتخلى عن حياتها ... ارجوك ابعدها عنهم لو عايز بنتك تكمل اللى باقي من عمرها مرتاحة ابعدها .

دار بينهم حديث طويل علم فيه مصطفى مأساة ابنته __________________________________

التفاعل وحش جدا

الناس اللي بتعمل تم مش اقل من عشر ملصقات لوصولك لباقي الأجزاء

Part3...4

(بيت كامل العزايزي )

كامل: احم ..بسم الله الكل هنا ؟

مصطفى: ابدأ ياحج كامل الكل هنا .

عثمان : الحج ياحج كامل .

كامل : في ايه ياعثمان.

عثمان: زين علام حفيد رضوان بيه برا .

كامل بإستغراب: وفيها ايه خليه يجي .

عثمان :ياحج دا جي بأسطول عربيات ورجالة ووسلاح كأنه رايح حرب .

كامل بتعصب : كيف دا ؟ مفيش احترام بعد كده نشوف حكايته تعالى معايا ياحج مصطفي نشوف الموضوع دا.

حازم : احنا اللى جينا .

اكمل: ايه اللى انت بتعمله دا ياود حسن . 

زين ببرود مخيف وهو يقترب من كامل : ود حسن بس تربيه رضوان .

شحب وجه كامل وكل الحضور ماعدا مصطفى وعلي فقد كانوا منبهرين من تصرفه الجرئ.

كامل : وينفع تخش بيوت الناس بالطريجة دي يابن الاصول. 

زين بإبتسامه جانبية: مكنتش عامل حسابي اجي بيوت الناس كنت معدي انا وحازم ولجينا لمه سألت جالولي في معاد وكل عيل البلد موجودة ..كيف كل العيل موجودة واحنا مش موجودين ؟.. حتى حازم جالي انهم مش مجدرينا بس جولتله لا  احنا مش محتاجين حد يجولنا تعالوا فجيت اكيد مش هتعملوا معاد واكبر عيله في البلد مش موجودة  .

حازم بسخرية : ولا ايه ياعامر؟

عامر بخوف وتوتر : هاا اكيد.

مصطفى: طب ايه الرجالة والسلاح دا كله ؟

التفت زين لمصدر الصوت : دا العادي حتى لما جدي كان عايش بس هنمشيهم ...حازم .

حازم : تمام .

زين : مشيتهم ياحج يلا نبتدي. 

فضل : مبجاش غير الصغار اللى هيتكلموا في المشاكل .

حازم بإندفاع : احنا مش صغار ي...

زين بهدوء أشار لحازم ليصمت : الله يرحمك ياجدي طول عمري بيجولي في كلام ميتمسحش غير بالدم بس معلش نبتدي ولا .

حازم بحزن مصطنع: ليه كده يازين جلبك الطيب ده هو اللى هيودينا ف داهيه .

فضل بغضب : عاجبك كده ياحج شايف .

كامل بإعجاب : شايف اتفضل يازين عشان نبدأ واتفضل انت كمان ياحج فضل .

فضل : انا معدش في مكان فيه الواد جليل الربايه ده  .

حازم بعصبيه : شكلها ليله مش فايته. 

فضل : كيف تجول كده متعرفش انا مين ؟... انا سيدك وسيد اللى جابوك اسكان انت ولا اللى جانبك ...

زين بنظرات من يراها يقسم انه هالك امسك بالعصا التي يمسكها فضل وبنبره كفحيح الافاعي: مليش اسياد ..سيادي جدي وابوي والاتنين ماتوا ومعنديش مانع ابعتك عندهم تسألهم بنفسك .

كامل : زين احترم البيت اللى انت فيه وحجج عليا اتفضل وياحج فضل لو مش هتحترم اي حد هنيه بابي مفتوح  .

فضل : بتطردني من بيتك ياكامل. 

كامل بغضب : حج كامل انت بتتكلم مع كبير العزايزية.

خرج فضل بغضب من المنزل وبدأ الميعاد بنظرات الإعجاب الموجه لزين خليفة الغول كما كانوا يلقبون جده . 

  ________________________________

علي : زين دا حكاية يابوي .

مصطفى: حفيد الغول عايزة يطلع كيف .

علي : بس باين عليه راجل بصحيح اهو نواره اختي عايزة واحد كيفه .

مصطفى بصدمة: ليه بتقول كده؟

علي بحزن : مش عارف ليه جولت كده .

مصطفى: كيف مش عارف ؟

علي : مالك يابوي والله ماعرف ليه جولت كده هى طلعت مني .

مصطفى: خلاص دوس بنزين عايز اطمن على اختك.

_______________________________

ليلى : علي ليه اتأخرتم ؟

علي بقلق :نواره فيها حاجة ؟

ليلى ببكاء : لا الحمدلله كويسة اديتها منوم ونامت بس انا اللى تعبانة اوي ياعلي والله حاولت احوش عنها بس معرفتش و ...

علي بحنان: اششششش اهدي اهدي ياليلى انا عارف انك بتحبي نواره مش عايز اشوف دمعه في بحري.

ليلى : بحرك؟

كور علي وجهها بين يديه : عيونك بحري اللى بغرج فيه بحر ادفع عمري واعرف سحرالي عند مين يابت العزايزة مخلي جلبي مش شايف غيرك ولا بيسمع غير صوتك .

ليلى بدموع حب : بحبك اوي ياعلي .

علي : قولت مفيش دموع اطلعي فوج وانا هشوف نواره واجيلك. 

ليلى : اه صح فين عمي؟

علي : في الجنينه الخلفية بيكلم حد .

________________________

مصطفى: اعمل ايه ياابنوب؟

ابنوب : مش عارف ياخوي بس عموما انا معاك ف اي قرار هتاخده .

مصطفى: طب سلام انت .

اغلق الخط مع ابنوب واتجه لغرفة نواره فتح مصطفى باب الغرفة  وكانت نائمة لكن اثار العنف تملئ وجهها اقترب منها وقبل مقدمة شعرها .

مصطفى بحزن :حجك عليا انا اللى مجدرتش احميكي واحافظ عليكي سامحيني بس خلاص هعمل اي حاجة بس تكون بخير وف أمان .

_______________________________

ملك : هو بصحيح اللى اتجال عليك يازين ؟

زين : ايه اللى اتجال ؟

كريمة : بس ياملك خالي اخوكي ياكل لجمة . 

ملك إعتراض : استني انتي يا كريمة ... البت ايمان جالتلي ان ابوها بيجول انك وجفت المعاد على رجل وخاليتهم زي الطلاب اللى ف راوضة. 

زين بضحكه: راوضة!!

محمد : وانا كمان سمعت عن الموضوع من الرجالة .

كريمة: كفاية كلام اللى حصل حصل يلا خلصي وروحي جامعتك.

زين : احمد.

احمد : ايه يازين ؟

زين : مش جولتلك امبارح اجهز المغرب .

احمد : جهزت بس سمر كان عندها معاد مع الدكتور وروحت معاها بس حازم جام بالواجب .

زين بعصبية حاول التحكم بها : معاد دكتور ... خالي سيدة تجبلي الجهوة ع المكتب ياحجة.

وقف زين استأذن وخرج بغضب.

احمد : انا عملت ايه ؟

كريمة : لا مفيش فوت معاد مهم وسيبت اخوك مع كبرات البلد لوحدة وروحت مع السنيورة للدكتور .

ملك : انا همشي.

___________________________________ 

 ابنوب: هتجدر يا مصطفى. 

مصطفى : مفيش حل تاني بنتي بتروح مني .

ابنوب : ربنا معاك.

جمال : وصلنا ياحج .

مصطفى : انزل واستأذن عشان ندخل .

__________________________________

سيدة : زين بيه .

زين : نعم يا سيدة.

سيدة : الحج مصطفى الجناوي برا واجف على البوابة مستني الإذن. 

زين : مصطفى الجناوي وسيبينه على الباب بعدي.

خرج زين للبوابة لستقبال مصطفى.

زين : عوض افتح البوابه ... اهلا نورت المنطقة كلها ياحج مصطفى .

مصطفى: المكان منور بأهله. 

زين : طب اتفضل مش هنفضل واجفين على البوابه.......

تحب نجعد فين .

مصطفى: ياريت ف المكتب الموضوع اللى جايلك فيه مهم جوي يازين.

زين بإستغرب: تمام .... سيدة جهوتك ايه ياحج؟

مصطفى:ساده.

زين: سيدة اتنين ساده...اتفضل .

مصطفى بإرتباك : لو وراك شغل انا ممكن اجيك وجت تاني.

زين: جيتك على راسي ولو ورايا شغل الدنيا افضيلك نفسي.

مصطفى: دا العشم ...الموضوع......

______________________________________

 

علي: كيفك يانوارتي ؟

نواره: بخير الحمدلله ....انت كيفك؟

علي بمزاح وضع رأسه على ساقيها: احسن منك .

نواره بإبتسامه رقيقه ارتسمت على شفتيها لمداعبه اخيها: يارب دايما تكون احسن مني .

علي : ها .. لسه جسمك واجعك؟

نواره : شوية المرهم اللى كتبه دكتور عزت ريحني علي عايزة اسألك على حاجة. 

علي : عايزة ايه ؟

نواره : صابر عامل ايه ؟

علي بغيظ من طيبه نواره : متسأليش ياريت فعلا ابوكي كان جابها ف جلبه وريحنا .

نواره : بعد الشر مهما كان دا اخونا ياعلي متجوليش كده تاني وابوك زودها في ردت فعله .

علي: ابوكي وجفهم عند حدهم مفيش حد هيبصلك بعد كده.

نواره : وانت فاكر ان دا هيبسطني انا اصلا مديجة عشان هما مش راضيين يحبوني كيفك لجيت حاسه اني سبب الحزن ف البيت دا و .

علي: اششششش هيفيدك بإيه حبوكي ولا لأ  انا بحبك وابوكي وليلى وكل البلد بتحبك عمرك مكنتش مصدر حزن يانوارتي دانتي نواره البيت وفرحته بجولك ايه متيجي ف حضني .

ليلى بتمثيل : كده ياقره عيني بجى سيبني مع البوم تحت وانت جاعد مع نواره هنا وكمان بتحضنها شكرا يابن الاصول. 

شدها علي وعانقها بجانب نواره : ارتحتي كده.

ليلى : اه .

علي : اجوم انا احسن حد تاني يخش ويجولي احضني. 

_________________________________

 يتبع......

اللهم اجعل ريان طير من طيور الجنه شفيعاً مجاباً لوالديه

اللهم أعظم به أجورهما وصبر والديه يارب العالمين 🤲

اللهم ارجع محمد سالماً لوالديه وإحفظه وأعطيه قوه التحمل يارب العالمين 🤲

Part4....

مصطفى بحنيه: نوارتي عامله ايه دلوجتي؟

نواره بإبتسامه: ابوي اتفضل واجف على الباب ليه ؟

مصطفى: كبيرتي ياحبيبه ابوكي كيف ادخل من غير استأذن.؟

نواره : كبيرت ماشي عموما الجواب على السؤال بتاع عامله ايه انا بخير الحمد لله انت كنت فين طول النهار  مش في البيت وسألت صباح جالتلي خرج من بدري ؟

مصطفى: روحت كذا مشوار ليه مش جاعدة تحت معاهم حد جالك حاجة ولا بصلك بصه وحشه ؟

نواره : لا والله محدش كلمني انا بس كنت بجرا كتاب دكتور بيحكي عن كل حاجة بتحصله في غرفة العمليات اهو احسن من الجاعده جربت انسى من جلت الاستخدام اللى اتعلمته. 

مصطفى: وه كيف تنسي عايزة مريض ينعش الذاكرة خمس ثواني اضرب جمال رصاصة في دماغه وانتي عالجيه.

نواره بضحك : لا بلاش المساعده اللى تودي في داهيه دي. 

مصطفى: انتي حره انا كنت عايز اساعد مع اني خايف اطخه تجي في دماغه وترد فيا. 

نواره بضحك هستيري : بصراحة كل اما اشوفه افتكر الجلجاس سبحان الله هو احنا دلوجتي بنتنمر صح .

مصطفى بصدمة مصطنعه: احنا لا لا كيف تجول كده احنا بس يعني اممممممم بصراحة بنتنمر .

نواره : والله حاسه من كتر التنمر اللى بتنمره هخلف سلحفة .

مصطفى بحزن: بكرا تتجوزي واحد يحبك وتخلفي بدل العيل عشره وكلهم هيكونوا كيفك زي الجمر ليله تمامه. 

نواره بمزاج: وه ليكون عندك عريس عموما اللى يجي جوله متجوزاني.

مصطفى: متجوزاني لا دا كلام كبير عايز جاعده تكون دماغي فيها رايجه انا هرتاح شوية يلا كملي جرايه. 

هم مصطفى بالخروج. 

نواره: مصطفى. 

مصطفى: ايه ؟

نواره: انا جاي اطلب ايد بتك.

مصطفى: متجوزاني.

نواره : شاطر يلا نوم الهنا.

___________________________________

( مصنع مهجور )

حازم : اتأخرت ليه ؟

زين : مصطفى الجناوي كان عايزني في موضوع.

حازم بإستغرب: مصطفى الجناوي ليه؟

زين وهو ينزع قميصه: بعدين ... المهم جبتوه.؟

حازم: هو جوه. 

زين : دخلتله. 

حازم : لو دخلت كنت هموته. 

زين بابتسامة جانبية ساخره: طب تعالى نتسلى شوية بجالي كتير مشوفتش دم  .

دلف كل من زين وحازم الى غرفة محكمة. 

حازم : ميرو اتأخرنا مردتش اخش عليك لوحدي 

عامر بخوف ورعشه دبت في اوصاله: والله يازين بيه ماجولت حاجة انا انا بس نفذت اللى اتأمرت بيه سماح والنبي .  

وقف زين امام طاولة مليئة بالأسلحة وتحدث بهدوء مرعب : لسانك....لسانك اللى جايبك ورا ياغجري .

انهى كلامه وامسك سكين حاده واقترب منه.

حازم : زيفير لسانك زيفير .

امسك زين فكه وضغط عليه بقوه وبنبره كفاحيح الافاعي: افتح عينك .

ما كان عليه الا تنفيذ الأمر وفتح عيناه وأقسم داخله انه هالك فقد رأى الجحيم في عيناي زين رأى موته : والله والله ياز......

زين: اششششش عشان انا خير وبحب اساعد الناس هجدملك خدمة هتشكرني عليها هخلصك من همك وسبب وجوعك في المشاكل. 

حازم : هرجع اجولك جلبك الطيب دا يازين هيوديك في داهيه. 

زين : معلش عامر حبيب هو اه غجري ومالوش اصل بس بردوا حبيب وغالي ..... افتح خشمك .

عامر ببكاء: زين بيه وال...

زين بابتسامة: افتح .

خرجت صرخه متألمه.

حازم : شوفت حصلك حاجة شكه دبوس بطل بجى صراخ كيف الحريم بس مطلعش لسانك بس اللى زيفير كمان دمك زيفير .

زين: انا ماشي خلص انت الباجي.

____________________________________

 

عبدالعزيز: زين بيه الملف دا فيه كل المعلومات بس معرفتش اجيب ولا صوره تأمرني بحاجة تاني .

زين: لا سيب الملف هنا ورح عند منصور .

عبد العزيز: ربنا يديم عزك يازين بيه.

خرج عبدالعزيز وامسك زين بالملف وبدأ في قرأته. 

زين : نواره ... دكتور ...٢٥ سنه فرج سبع سنين....

قرأ زين الملف بتمعن شديد وكل حرف يزداد حيره واستغراب .

امسك زين الهاتف واتاه الرد ما ان ضغط على الرقم .

مصطفى بتوتر : هاا رأيك.

زين : بكرا الساعة ٨ بعد العشا هكون عندك انا وخوي. 

مصطفى: تنور بيتي يازين. 

Flash back..

زين : اتفضل جهوتك ياحج.

مصطفى: الفضل لله ياولدي المهم الموضوع اللى جايك فيه .

زين : معاك ياحج كمل .

مصطفى بإرتباك: انا مش هلف ولا ادور زين انا عايزك تتجوز بتي نواره .

زين بصدمة: أتجوز بتك؟

مصطفى بحزن: انا جاي عشان اطلب منك تتجوز بتي عارف انها غريبه بس انا هعمل اي حاجة تخلي بتي في امان .

زين: وليه انا ؟

مصطفى: عشان انت اللى هتحميها. 

زين بستغراب: هحميها من ايه؟

مصطفى: من أخواتها...متستغربش نواره تبجى بتي من واحده غير بت عمي جصدي ام صابر وسالم وعلي اسكان على علي هو بيحبها بس صابر وسالم لا امهم مكرهاهم فيها وانا كبيرت رجلي ولجبر عايز اطمن عليها جبل ما موت يعني نواره هتكون امانه في رجبتك تجبلها حجها تحافظ عليهاوانا متأكد انك هتصونها. 

زين: انا اسف بس انا هستفاد ايه ؟

مصطفى: نسب ... عيلة الجناوي اكبر عيلة في البر الغربي كله 

حاجة هتسبتك وسط الناس وهتديك جوه اكتر .

زين: وتفتكر انا محتاجها. 

مصطفى: اكيد انت عارف انك محتاجها بس ممكن ترفض وكأن حاجة محصلتش و...

زين: هرد عليك النهارده بس اديني وجت .

مصطفى: هستناك استأذن انا .

_____________________________________

مصطفى: صباح .

صباح بإحترام: امرك يابيه.

مصطفى: نادي كل اللى في البيت خليهم يجوا على تحت بما فيهم نواره.

اومأت صباح وهرولت لتنفيذ الأوامر وترجل مصطفى الى الأسفل للانتظار .

علي : خير يابوي في حاجة؟

مصطفى: اجعد ياعلى انت ومرتك.

دخل كل من سعاد وصابر وسالم وزوجاتهم وفاء و رغدة. 

سعاد : خير ؟

تجاهلها مصطفى وانتظر قدوم نواره ولم يمر سوا بعض الثواني ودلفت نواره وما ان وقعت عيناها عليهم صارت قشعريرة خوف في جسدها بالكامل .

مصطفى: نواره تعالي جنبي .

علي : ها يابوي كلنا هنه ايه الموضوع.

 مصطفى: نواره جيلها عريس وانا موفج هو هيجي بكرا الساعة ٨ .

نواره بصدمة: عريس ايه ؟ انا مش عايزة اتجوز .

علي: اهدي بس يا نواره نفهم عريس مين دا يابوي ؟

مصطفى: زين علام وزي ماجولت هيجي بكرا وانا موافج .

نواره : بس انا مش موافجه انا معرفوش .

مصطفى: وعايزة تعرفيه كيف نواره احنا صعايدة واللى انت بتجوليه دا عيب .

نواره بدموع: ومش عيب اتجوز واحد معرفوش. 

مصطفى: هتعرفيه بعدين كل واحد على اوضته وبكرا كل حاجة تبجى جهزة.

نهض مصطفى متجها لغرفته. 

نواره ببكاء: علي مش عايزة .

علي : اهدي ياحبه عيني انا هطلع اشوفة.

سعاد : اهي غوره هنرتاح من منظرك العفش.

صابر: ابوي وافج على العريس وهو مبيرجعش في كلامه شكلنا هنروح فعلنا يلا يا وفاء .

___________________________________

كريمة: ايه ياولدي ليه مجمعنا؟

زين بهدوء : انا هتجوز .

عمرو : كيف يعني ؟

زين : هما بيتجوزو كيف ياود ابوي.

ملك : مين العروسة ؟ ومِتى خدت القرار ده؟

زين : اخدت القرار دا من فترة وكتب الكتاب والدخلة هبجى احددهم.. 

سمر وهبه بفرحة اعتقاداً ان هبه هى العروس.

سمر بفرحة لم تستطيع إخفائها: والعروسة مش هتلاجي احسن منك دي ه..

زين وهو يعلم بما يدور في ذهنها : امااال بس بردوا انا مش هلاجي احسن من بنت مصطفى الجناوي. 

ملك بفرحة : نواره .

كريمة : تعرفيها ياملك؟

ملك : ألا اعرفها دي ملاك كانت معايا في المدرسة جمال وادب ودم كيف السكر والمدرسة كلها كانت بتحبها حتى افتكر انها دخلت طب .

كريمة بفرحة : وانت كلمت ابوها؟

زين : كلمته وهو مستني بكرا الساعة ٨ لو اخوي الكبير معندوش معاد ينفع يجي معايا .

احمد بفرحة : اكيد دا يوم الهنا يوم ما شوفك عريس.

زين : تمام خلاص كل واحد يجوم ينام .

حسن : يازين .

مريم : ايه يازين دي هو بيلعب معاك ؟

زين : بس يامريم انا وهو صحاب عايز ايه ياحسن.

حسن : العروسة حلوه .

انهى كلامه بغمزة .

زين: معرفش بس من الكلام اللى سمعته انها حلوة .

حسن : بكرا نشوف .

ذهب كل واحد الى غرفتة وبقى زين وحازم .

زين : تعالى بوسني بتبص كدا ليه؟

حازم : هو دا الموضوع اللى كلمك فيه مصطفى الجناوي. 

زين بضجر: عايز ايه ؟ هتفيدك بإيه الاجابه ؟ بس عموما هو دا الموضوع .

حازم : يبجى مبروك ياود عمتي انا همشي تصبح على خير .

زين : هتيجي معانا انت وابوك متنساش تجوله. 

_______________________________

يتبع....

تكملة الروايه من هنااااااااا