 |
Part5...6...7_8_9_10
مصطفى بحزن: لسه بتبكي ؟
ليلى : لسه .
علي بلوم : الله يجازي اللى كان السبب .
ليلى : علي .
مصطفى: سيبيه ياليلى واطلعي انتي لنواره حاولي تهديها .
علي بسخرية : ايوه اطلعلها وحاولي تقنعيها تتجوز واحد متعرفوش .
صعدت ليلى متوجه لغرفة نواره .
علي : يابوي فكر شوي دي نواره نواره جلبك ليه تعمل كده ؟
مصطفى: مش انت كنت بتتمنى نواره تتجوز واحد كيف زين اهه هتتجوز ايه اللى اتغير ؟
علي : كنت بس هى تكون رايده حابه مش غصب .
مصطفى بعصبية: وانت اللى كنت شوفت مرتك انت لحد الفرح مجعدش غير ٣ مرات معاها .
علي : ٣ مرات بس لو انا مكنتش عايز او هى كنا فشكلنا الحكايه لكن انت حططها ادام الأمر الواقع هتتجوزه وافجت او لا .
مصطفى: هو دا اللى هيعرف يحميها.
علي : يحميها ...يابوي زين شديد جوي ونواره كيف الطير كيف عمرك شوفت طير يتحط في جفص مع اسد .
مصطفى: خلص الكلام جوم غير خلجاتك وانزل نصلي المغرب ونرجع عشان الناس اللى جايه دي .
علي بضجر: امرك ياحج .
___________________________________
ليلى : افتحي يانواره انا ليلى اختك حبيبتك افتحي متخوفنيش عليكي .
فتحت نواره الباب وعند رأيتها لليلى ارتمت بين ذراعيها واجهشت في البكاء .
نواره ببكاء وشهقات: شو....فتي يا ل...ليلى اب ...ي ..عععايز يعمل فياا ايه ايه.
ليلى : تعالي جوه .
دلف كل من نواره وليلى للغرفة .
ليلى : يانواره اجعدي معاه انتي لو مش عايزة خلاص.
نواره : ابوي بيجول هتجوزه حتى لو مش عاجبني ليه بيعمل كده عمره ما غصبني على حاجة يجي دلوجتي في موضوع مصيري زي ده ويغصبني .
ليلى : استهدي بالله يانواره وجومي اجهزي الناس جايه متصغريش ابوكي عاد .
نواره : مش هتفرج شوفته ولا لأ حتى هو مش مهم يشوفني .
ليلى بقلق: نواره مالك بتجفلي عينك كدا ليه؟
نواره : سيبني خدت حبايه منوم .
ليلى: نامي .
____________________________________
ليلى: جهزت ياعلي ؟
علي : ايوه خلصت نواره جهزت ؟
ليلى: خدت حبايه منوم ونامت.
علي بإستغرب : كيف ده ؟ والناس اللى تحت هنعمل ايه كيف تسيبيها تاخد الحبايه ياليلى اه انا مش موافج بس لازم تكون موجودة .
ليلى : كده احسن حتى لو مخديتهاش مكنش هينفع تنزل شكلها تعبان جوي وشها منفغ من كتر العياط و كيف اللى واخده سلميه على راسها .
علي بضيق : انا غاير عشان لو جعدت اكتر من كده هرتكب جناية .
ليلى : هتروح فين وابوك لو سأل ؟
علي : جوليلوا غار في داهيه عايزاني احضر بيعت اختي .
هرول علي خارج المنزل يشعر بالجحيم في قلبه حزنا على اخته وغضب تملئة الحيره بسبب والده .
____________________________________
مصطفى : ليلى فين ؟
ليلى بإرتباك: علي ..علي في شغل مهم .
مصطفى: شغل ايه دا صلينا المغرب وجولتله يتسنى راح فين؟
سالم : خلاص يابوي مش هتفرج احنا موجودين روحي يابت ياصباح خالي نواره تجهز .
ليلى بتسرع : لا ...جصدي نواره تعبانة خدت منوم ونامت .
صابر بغضب : كيف ده حاولوا تفوجوها و...
مصطفى: خلاص سيبيها نايمة .
جمال : ياحج زين بيه واهلة جم واجفين على البوابة.
مصطفى: يلا نستجبلهم.
خرج كل من مصطفى وصابر وسالم لستقبالهم.
مصطفى : يامرحب يامرحب البر الغربي نور .
غريب : البر الغربي منور بأهله ياحج.
صابر : اتفضلوا مش هنفضل واجفين هنيه.
دلفوا جميعا للداخل .
مصطفى: صباح الضيافه ..تشربوا ايه؟
زين : معلش هنخلص الموضوع اللى جينه عليه وبعدين نضايف ونشرب.
مصطفى: اللى تحبه يازين.
زين : احنا جايين النهارده عشان نطلب ايد بتك ليا واي حاجة هتأمر بيها مجابه بإذن الله .
مصطفى: وانا مش هلاجي احسن منك لبتي يازين.
زين : على خيرت الله .
غريب : خلاص طالما اتفجنا يبجى خير بر عاجله الجمعة اللى بعد الجايه كتب الكتاب والدخلة.
حازم بهمس لزين : البس ابوي لبسك عشان تبجى تجيبه.
مصطفى بصدمة: مش جريب يعني لسه بدري جوي .
احمد : ياحج طالما كل جاهز خلاص لاحنا لسه هنجهز بيت ولا انتم هتشوروهه يبجى بلاش تأخير الحاجات دي لازم ترمح فيها.
مصطفى: بس الوجت النهارده الخميس يعني سبع تيام على الفرح بس .
زين : بإذن الله كل حاجة هتكون جاهزة.
صابر : يبجى على خيرت الله انا معاهم يابوي بلاها تأخير .
مصطفى: اللى فيه الخير ربنا هيجدمه.
غريب : يبجى على بركة الله مبروك يازين .
اومأ زين لمباركاتهم واستأذنوا للذهاب.
_____________________________________
كريمة بقلق : ها ياولدي عملت ايه ؟
احمد بفرحة : كتب الكتاب والدخلة يوم الجمعة .
كريمة بفرحة : جد يازين الكلام اللى اخوك بيجوله دا .
وين بإبتسامه: ايوه ياحجه.
كريمة : زغرطي يا سيدة وتجولي لمنصور الفجر احسن عازبه وتدبح وتتوزع على أهل البلد كلها .
احمد : مالوش لزوم يامه الفرح بعد يومين .
كريمة : والله ابدا دي غير بتوع الفرح ومن يوم الحد هنكلم الطباخ وهنبتدي وكل من يوم الحد .
عمرو بحقد : لييه هتوكلي الناس ست ايام .
كريمة : دا فرح زين حسن علام مش اي حد عجبالك ياعمرو انت وملك والحج افرح بيكم .
انحنى زين طابع قبله على راحت كريمة : ربنا يطول في عمرك ياحجة وتحضري فرح احفاد احفادك.
كريمة : وه هعيش كل السنين دي؟
زين : واكتر بإذن الله امال فين ملك ؟
مريم : نامت كيف البجرة تاكل وتنام مبتعملش حاجة تاني في حياتها غير كده .
زين : طب انا هطلع ارتاح تصبحوا على خير .
صعد زين الدرج واتجه الى غرفته وماكاد ان يفتح الباب اللى ان اتاه صوت اوقفه.
هبه بحزن : العروسه حلوة .
زفر زين بملل والتفت لهبه: عايزة ايه ياهبه؟
هبه : فيها ايه احسن مني يازين ؟
زين : روحي اوضتك عيب تجفي كده يلا.
هبه : زي....
زين بغضب : يلا .
_______________________________________
(يوم الخميس)
سعاد : الحجني ياحج انا فاض بيا من بتك خلاص.
مصطفى بضجر من حديثها: مالها نواره ؟
سعاد بصوت منخفض مليئ بالغضب : بتك مش عايزة حد يجرب منها الماشطة معاها جوه وليلى وصباح محدش جادر عليها كل محد يجربلها تصرخ والنهارده الخميس عايزين نخلص كل حاجة جبل بكرا يادوب تبجى واجفه على التزيين بس.
شعر مصطفى بالدماء تتصاعد الى رأسه لمجرد تخيله ابنته تتزين لرجل حتى لو كان زوجها لكنه تمالك نفسه.
مصطفى: خرجي كل الحريم اللى جوه عايز اتكلم معاها.
سعاد : يلا يامره انتي وهى الحج عايز يتكلم مع بته.
دلف مصطفى لغرفة ابنته واغلق الباب خلفة .
مصطفى: نواره.
ما ان سمعته نواره اجهشت في البكاء وخارت قواها لتجلس على الارض .
نواره : مش عايزة اتجوزه ٠
امسك مصطفى بيد نواره واوقفها .
مصطفى وهو يعانقها: دموعك بتحش جلبي ياجلبي .
نواره وهى تتشبث به : مش عايزة خايفة جوي خايفة والنبي وجف الجوازة لو بتحبني والنبي.
مصطفى: مش هجدر ياحبه عيني كل حاجة حصلت خلاص عايز اجولك كلمتين يانواره اجعدي .
نواره : كلمتين ايه خلاص كل حاجة انتهت .
مصطفى: عمري ماحكتلك انا كيف حبيت امك طول عمري بحكيلك عن جمالها طيبه جلبها اخلاجها بس عمري ماحكيتلك عن حبي ليها مش عايزة تعرفي انا هعتبر السكوت علامة الرضا جدك أمرني اني اتجوز سعاد بت عمي صابر عمي كان لسه ميت جدك مستكفاش بالي ورثه لا كان عايز كل حاجة وبردوا كان خايف لو اتجوزت حد غريب يدخل في شغلنا وارضينا المشتركة بينا وبين عمي اتجوزت سعاد وخلفت صابر وسالم وعلي وفي يوم جدك بعتني انا و عمك ابنوب اسكندريه عشان نستلم بضاعه من المينا كان في واحد مستنينا هناك اول ماخلصنا اللى ورانا جالنا تعالوا ناكل في مطعم على الشط وافجنا و روحنا وانا بابص على البحر لجيت ..
نواره : لجيت ايه؟
مصطفى بلهفة: لجيت حورية ملاك ماشي ع الشط .
نواره بإندماج : دي امي ؟
مصطفى: ايوه امك اللى هزت جلبي .
نواره : كمل وبعد مالجيتها ماشيه ع الشط عملت ايه؟
مصطفى: زي مجولت لجيت واحدة ماشيه ع الشط لابسه فستان ابيض وشعرها بلون الصخر طويل زي شعرك ولمعته تسحرك طاير وراها وشمس الغروب جايه على عنيها العسلي منوراها فضلت متنح مش مصدج اللى انا شايفة في كده روحتلها وضربتني كف .
نواره بصدمة: كف؟!
مصطفى: ابوي عاش ومات مارفعش ايده عليا وامك ادتني كف لا وايه كف مخبرين .
نواره: وانت سكت؟
مصطفى بإبتسامه: واعمل ايه ؟ دا كلوا عشان بصتلها وجولتلها انتي جميلة جوي اه ياعزيزة فضلت وراها اسبوع التاني التالت لحد ماتعبت بس موجفتش لحد ماوافجت تتكلم معايا اتجابلنا واتكلمنا كل يومين اتحجج لجدك عشان اروح اسكندريه وجيه يوم وجولتلها انا رايدك وعايز اتجوزك
فرحت جوي هى كانت وحيدة مكنش ليها غير امها.
نواره : كلهم بيجولوا انها اتجوزتك عشان فلوسك.
مصطفى: امك اتجوزتني وهى متعرفش اني غني انا كنت نفهمها اني عامل غلبان من العمال اللى بيجوا من الصعيد يدوروا على شغل .
نواره : بس انت كده كدبت عليها.
مصطفى: كنت عايز اتأكد من مشاعرها غير اني كنت خايف لو عرفت اني متجوز تسيبني اتجوزتها مكنش يعرف غير ابنوب ٣ شهور احلى ٣ شهور في حياتي بس الحلو ما بيكملش جدك عرف وخيرني بين فلوسه وولادي وسعاد وجبليهم رضاه وعزيزة .
نواره : وسيبتها؟
مصطفى: كيف تسيبها حد يسيب روحه بس في كل اللى جدك جالهولي مفرجش معايا غير ولادي علي كان لسه اربع سنين امك كانت جلبي بس ولادي كنت هبجى اناني لو اخترت فرحتي على حزنهم وافجت غصب عني وكنت رايح اجولها اني مش هجدر اكمل معاها اول مدخلت الشجه جريت عليا زي الاطفال وهى مبسوطة وجالتلي انا حامل اكني اول مره اسمعها جايز عشان مصدجت لجيت سبب عشان ارتبط بيها اكتر جدك كان بيحب العيال جوي كان عايز العيله تكبر روحت لجدك وجولتله انها حامل جالي هاتها اتصلت بأبنوب وخليته يجيبهاو..
نواره : ثانيه انت ازاي جنعتها بموضوع كذبك عليها وجوازك ده.
حك مصطفى مؤخرة عنقة: جنعتها بطريجتي.
تصاعدت الدماء في وجنتي نواره ما ان استوعبت.
اكمل مصطفى مغير الحديث: ٧ شهور ونورتي دنيتي بصيت على امك وبصيتلك سبحان الله عملت ايه ف دنيتي عشان ربنا يرزجني بحوريتين من الجنه عمك ابنوب كان هيتجنن ويسميكي مريم بس انا جولت لا نواره زي مانورت حياتي بدر كان ف أيدي وجمر نايم على فرشتي بس جدك منبسطش بخلفة البت و...خلاص اتكلمنا كتير .
نواره بطفوله: لا انا عايزة اعرف الباجي.
مصطفى: هه ماشي في سبوعك عملت حاجات معملتهاش لخواتك دبايح و..وناس بتجول مواويل عملت مولد مش سبوع مع ان مكنش فيه حد بيفرح بالبنات بس انا كنت فرحان جوي جدك كان مستكتر الفرحة عليا خالى الدايه تديها حجنه هوا بعد ماجدك مات جت الست كانت مريضة بالكبد تجريبا و هتموت حكيتلي على كل حاجة ااااه اه سعتها اخواتك كانوا كبروا جوي مجدرتش اعمل حاجة لسعاد وجدك مات ماتبكيش عاد مبجولش كده عشان تبكي اسمعيني يانواره لو لفيتي الدنيا كلها مش هتلاجي حد يحبك ويخاف عليكي جدي عشان كده مش عايز اسيبك لوحدك لازم اطمن عليكي اللى خالى صابر يضربك وانا عايش هيعمل ايه لما اموت.
نواره ببكاء: بعد الشر عليك متجولش الكلام ده.
مصطفى: دي سنه الحياة زين جوي وهيجوا اكتر هيصونك ويحافظ عليكي اسمعي الكلام يانوارتي وخشي في حضن ابوكي .
ارتمت بين ذراعيه متشبثة به كأنه الحياة .
مصطفى بلوم : اه يابت عزيزة اتوحشت حضنك ياجاسية اسبوع اسبوع كامل اه ليلى صباح تعالوا انا هطلع .
قبل مقدمة رأسها بحنيه وحب وخرج ليتركم .
ليلى : هاا يانواره؟
نواره بقوة : يلا ياخالة انا جهزة هنعمل ايه؟
_____________________________
يتبع....
Part6..
(فجر يوم الجمعة)
كريمة : سبحان الله والحمد لله ولا اله إلا الله والله اكبر س .
زين : ياحجة فاضيه؟
كريمة بإبتسامه حنونه: تعالى ياعريس .
زين بسخرية : عريس!!
كريمة : واحلى عريس كمان .
زين : عريس مشفش عروسته.
كريمة : بكرا تشوفها .
اراح زين رأسه على ساق كريمة تارك يديها تتوغل بين غصلاته الفحميه الكثيفة غالق عينيه.
كريمة بقلق : مالك ياجلبي؟
زين: تعبت جوي يامه في حياتي تفتكري هرتاح هيجيلي يوم وارتاح باجي الخلج.
كريمة بدموع ملئت مقلاتيها : سامحني ياولدي مجدرتش على جدك سبتك ليه جدك كان جبروت يازين صحيت يوم مالجتكش سألته فين ولدي رده عليا كان هخليه راجل يشيل العيله خليفة ابوه وجده تهابه الغيلان سنه وشهرين و٢١يوم غايب عن عيني ياضي عيني سامحني.
زين بضيق: في يوم وانا نايم لدغتني عجربة منصور لحجني ساعتها منصور حكى لجدي اني تعبت طبيعي اسخن بعدها دوا سخونه وكانت هتخلص الحكاية بس تعرفي عمل ايه ؟
حركت كريمة رأسها برفض.
زين بضعف : اخلع كل خلجاتي وافضل طول الليل واجف في الصحرة في عز طوبه دا كله عشان سخنت بعد مالدغتني العجربه كيف تسخن الرجالة متعياش انت كبير العلاميه لازم تبجى كيف جدك ابوك طيب عشان كده مات لكن انت لا لازم تكون زيي اخد الرصاصة في يدي اليمين الشمال تكون ماسكة السلاح ...السلاح اللى بجيت بتاجر فيه تصدجي اني خريج حجوج يعني انا رجل قانون .
كريمة ببكاء وشهقات : سامحني.
اعتدل زين في جلسته وحرك إبهامه على وجنتيها يزيل دموعها.
زين : مكنش جايلي نوم جولت اجي اتحدت معاكي شوي ايه اللى جلبها حزن كده ؟... انا هجوم انام ارتاحي شوية بكرا يوم طويل .
خرج زين من غرفة والدته وكل ذكريات الماضي تداهمه ولم يختلف حال كريمة عنه.
________________________________
حازم بعصبية: يازين الوجت راح الجمعة هتتصلى وبعدين حد يبجى فرحة النهارده ونايم كده ؟
زين بنعاس: عايز ايه ياحازم؟
حازم: اصحى ياخي ورانا حاجات كتير يابوي والله شكلك هتكسفنا النهارده.
امسك زين يده وتحدث بسخرية: طب ماتيجي ف ريحي اعمل بروفه.
ابعد حازم يده بغيظ: انا هستناك بره البس وحصلني جال انام ف ريحه.
خرج حازم من غرفة زين تزامنا مع إمساك ملك للمقبض .
حازم بإبتسامه: ملك كيفك ؟
ملك بخجل : بخير ياود خالي انت كيفك بجالي زمن مشفتكش .
حازم بهمس : بخير طول مالجمر بخير .
ملك بإرتباك: هو زين جوه .
حازم : احم ايوه بيلبس انا هستنى زين تحت لما يخرج خاليه يحصلني.
حازم في نفسه : ملك اخت زين اخت صاحبك واخوك فوج.
طرقت ملك على الباب الى ان اتاها صوت زين يسمح لها بالدخول.
ملك بفرحة : العريس العريس العريس صباحك نادي يااحلى عريس في الكون.
زين : صباح الورد ياجلب زين .
ملك بسخرية : بكرا نشوف مين هيبجى جلبك .
زين : مش هجيب اخرك عايزة ايه ؟
ملك : عايزة اجهز الاوضه حريم الجناوي مستنين بره لحد ماتطلع.
زين بإستغرب: تجهزيها؟!
ملك : ايوه نغير الستاير والملايات ونجهز الحمام ونحط خلجات العروسة في الدولاب ونروج الدنيا عريس انت لازم نخلي الاوضة شاعرية .
زين برفعة حاجب : شاعرية جولتيلي .
ملك : ايوه شاعرية.
امسك زين اذنها : وعرفتي منين الكلام دا هااا.
ملك : اه يازين بتوجعني وبعدين امك اللى جالتلي اعمل كده .
زين : انا خارج عايز ارجع .
ملك : مش هعمل حاجة هسيبها زي ماهى و..
زين : اششش ايه بلاعة عايز ارجع الاجي الاوضة شاعرية.
ملك بضحك : امرك ياعريس اه صح حازم مستنيك تحت .
زين : نزله يلا سلام عايزة حاجة .؟
ملك : عازتك العافيه ياوزتي.
________________________________
كريمة : زين .
زين : صباح الخير .
كريمة بضحك: صباحك منور كيف عروستك.
زين : معرفش كيف هصحى اشوف وش تاني غيرك ياجمر لو مكنش ابوي سبج مكنتش سبتك تروحي من يدي .
كريمة : كل بعجلي حلاوة بكرا تعرف ان الوشوش اللى كنت بتصحى عليها دي عفشة وتجول ياريتني اتجوزت من زمان.
حازم : يلا يازين .
زين بملل : هروح اشوف ود اخوكي عملي الردي.
__________________________________
ليلى : كيفك ياعروسه؟
نواره : بخير اللى هتزيني جت.
ليلى : جدامها ساعة وتكون هنيه ...نواره انتي خايفة ؟
نواره : انا مرعوبه ياليلى.
امسكت ليلى يد نواره : انسي يانواره الموضوع فات عليه كتير .
نواره: مش جادره.
ليلى : عارفة الموضوع صعب يعني واحد يتهجم عليكي صعب وعزراكي بس مش هتوجفي حياتك على موضوع فات من زمن .
نواره : انتي مشفتيش اللى انا شوفته ياليلى لولا علي كان عمل حاجات وحشة جوي ودا غصب عني ربالي عجده من اي راجل غريب مابالك من اللى انا هتجوزه اللى بسمعه عنه بس يخليني اشيب.
ليلى : والله الخير كله مستنيكي جايز يطلع شخص كويس انتي عارفة اهل البلد يعملوا من موسى فرعون هدي انتي وكلوا خير تعالى نشوف الفستان دا على زوج قرة عيني .
نواره : انبي ماجيبني ورا غير قرة عينك فينه.
ليلى بإعجاب : وه وه شوفي يانواره حلو كيف انبي زوجك حلو يابو ادم يارتني كنت خليتك تنجي فستاني .
نواره : غريبة اول مره اعرف ان زوج علي اخوي حلو كده.
ليلى بتفاخر: اكيد مش اخترني.
نواره : معشان كده بجول غريبه طول عمر علي اخو زوجه عفش والعينه بينه.
ليلى بصدمة: كده يانواره انا غلطانه دا بدل ما تشكريني دا انا بجالي اسبوع متمرمطة عماله اشتريلك في مكياج وخلجات اشكال والوان انا غلطانة لا وكمان لسه راجه كنت برتب اوضتك .
نواره بفضول: وشل الاوضة دي عامل ايه ؟
ليلى بهيام: بصي اولا دا جصر مشوفتش كيفه في حياتي اوضتك يابت بيت لوحدها بس ياستي الاوضة متجسمة جانبين الجنب الواحد جد اوضتك دي مره ونص بتفتحي الباب تلاجي الجزء الاول دا فيه الحمام وصالون بتلفزيون ليله والجزء التاني بيطل على الجنينة فيه السرير والتسريحة والدلاب واخد ريح بحاله و...
نواره بملل : بس بس شكلهم بيحبه المنظره .
ليلى : انتي اللى فجر .
نواره : المهم انا عايزة اشوف عمار .
ليلى : عمار ايه نواره انسي انك تشوفيه خلاص انتي دالوجتي في بيت غريب بلاش مشاكل انا هكلم الست اشوفها وصلت لفين .
________________________________________
يتبع......
Part7....
نواره ببرائه: هو انا ينفع اطلب منك طلب صغير جوي ياليلى ؟
ليلى : اطلبي عيني .
نواره بإرتباك : عايز اشوف عمار.
ليلى : نواره علي صوتك مش سامعه.
نواره بإبتسامه: عايزة اشوف عمار .
ليلى بعصبية: اتجنيتي عاد النهاردة فرحك والست اللى هتزينيك جايه بعد ساعه وانتي عايزة تشوفي عمار .
نواره بترجي: وحيات حبيبك توافجي هى نص ساعة هشوفه وارجع طوالي واسكان على الناس هلف ملحفه علي وخبي وشي هااا.
ليلى : لا يانواره لا محبكتش تشوفيه هو بجى كويس.
نواره بعيون تهدد بإعصار: عشان خاطري ياليلى ممكن تكون اخر مره اشوفه فيها انا معرفش هعرف اشوفه لما اتجوز ولا لأ .
ليلى بقلق : خمس ثواني وتكون جاهزه هستناكي عند الباب الوراني .
اومأت نواره بإبتسامه ودموع خفيفة.
_____________________________________
حازم: انا هنزل اخلص كل حاجة وحصلك.
زين : طب ماجي معاك .
حازم بملل : بردك يازين انت عريس في عريس يروح الشغل ياخلج عايز كريمة ترمح ورايه وبتجيبها فيه.
زين بضجر: خلاص هحصلك وانت تعالى ورايه .
حازم : ماشي يلا سلام.
____________________________________
نواره بإبتسامه رقيقه: كيفك ياعمار اتوحشتك جوي.
عمار : وانا كمان اتوحشتك بس انتي اتأخرتي جوي المره دي.
نواره بحزن: معلش ظروف المهم انا جيت اطمن عليك في حاجة بتوجعك.
حرك عمار رأسه نافيا: لا مفيش بس متبجيش تتأخري كده تاني .
نواره بحزن: مش هتأخر عليك المهم انا لازم ارجع خالي بالك من نفسك ومن امك.
عزة : كتر خيرك ياست نواره لولاكي كان زماني متمرمطة بيه من مستشفى لمستشفى.
نواره: انا معملتش حاجة عمار جوي واستحمل معايه لحد من نفرح بتمام شفائه واي حاجة معاكي رقمي ورقم دكتور عزت .
عزة : طب استني شوي هعمل لجمه خفيفة ناكل وامشي براحتك.
نواره: معلش لازم امشي يلا سلام ياعمار .
عمار : سلام يامراتي.
نواره: مراتك؟!
عمار : ايوه انا لما هكبر هتجوزك اوعى تتجوزي .
نواره بدموع اخفتها سريعا: هستناك ماتخفش.
__________________________________
زين: خلاص جول للحجة؟
منصور : امرك يابيه في حاجة كمان .
زين بتهكم: ايه؟.
منصور : الناس محملة جوي والدبحتين مش هتكفي والله يابيه كل اللى جه النهاردة من يوم الحد وهما بياكلوه وبرده عايزين .
زين : متزعلش حد كله ياكل لو على العزب كلم احمد خاليه يجيب كمان اتنين ولو احتجت تاني ابجى اطلب منه.
منصور : يدوم عزك يابيه طب وا...
زين : منصور اجفل في حاجة جول للحجة او احمد متكلمنيش انا سايج .
منصور : تحت امرك يابيه توصل بالسلامة.
انزلق الهاتف من يد زين ليلعن حظه ...انحنى ليلتقط الهاتف وما ان رفع رأسه وقعت عيناها على احد يقف امام سيارته والمسافة بينهم لا تتخطى المتر ضغط على مكابح السياره يوقفها سريعا قبل ان تصتدم بالشخص.... زفر زين براحة عند توقفها بمسافة عقلة اصبع ترجل من السياره ليرى حال الشخص الذي اكتشف انها فتاة من ملابسها.
زين : انتي بخير العربية لمستك ؟
_________________
زين : طب فيكي حاجة ردي علي؟
____________________
زين : يابت الناس شايفة عربية جايه عليكي تتصنم جدامها ولا تتحركي.
______________
زين بنفاذ صبر وصوت مرتفع: مش بكلمك انا .
انتفضت الفتاة من صوته .
زين : بصيلي و.....
توقفت الكلمات داخل جوف زين ما ان وقعت عيناها على عسليتيها المليئة بالخوف والذعر والخجل من نظراته لها بقى هكذا حتى شعر بيد احد على كتفه انتبه لنفسه والتفت للصوت الذي يحدثه.
رجل١: في حاجة ياولدي؟
زين : لا بس الس...
التفت زين ولم يجدها واخذت عيناه تجول في المكان تبحث عنها لا أثر لها كأنها جنيه ظهرت واختفت.
رجل٢: بتبص على ايه ؟ لو مفيش حاجة بعد عربيتك عايز اعدي.
اومأ زين متجه لسيارته لكن بنيته مازالت تبحث عن عسليتيها.
________________________________
ليلى بلوم : دا اللى نص ساعة ؟
نواره : حد جه؟
ليلى : لسه الحمد لله كلمت الست جالتلي انها ف اول البلد بعتلها حمد يجيبها .
نواره : الحمد لله .
ليلى بقلق : نواره مالك بتترعشي كدا ليه؟
نواره بإبتسامه: مفيش كنت خايفة لتكون الست جت واتكشفت.
ليلى : تمام غيري خلجاتك وسبحي .
اومأت لها نواره.
______________________________
حربي: يازين بيه يابييييه.
زين بسخط: بتعلي صوتك ليه ؟
حربي بخوف: والله يابيه بنادي عليك بجالي عشر دجايج وانت مش هنا انا اسف .
زفر زين بحنق: عايز ايه ؟
حربي : انا خلصت الجلبيه بتاعتك يابيه تحب تجيسها.
زين : لا تمام اغسلها واكويها .
حازم : كيف ده خش يازين جيسها احسن يكون فيها حاجة.
زين بإستغرب: جيت امتى؟
حازم: لسه جي المهم جوم نشوفها عليك .
زين : مش لازم ه...
حازم : كيف يازين الفرح بعد كام ساعة لازم تجهز يلا.
اقتنع زين واخذ (الجلبيه) ليقيسها وخرج بعد أن انتهى وليته لم يخرج حتى القديسات كانت لتقع في غرامه مع انه لم يرتدي سوى (جلبيه) بسيطة اللى انها زادته هيبة ووسامه .
حازم : مرسومة.
حربي: مشاء الله ربنا يحفظك فعلا الإنسان هو اللى بيدي جيمه للجماش .
زين : مظبوطه.
حازم: بجولك مرسومة عليك تسلم ياحربي.
حربي بفخر : انا معملتش حاجة كيف مجولت زين بيه هو اللى مدي للجماش جيمه .
زين : انا هغير .
حازم بسخرية : طب يارب جلبيتي تطلع كيف زين واللى انا اللى هجطع جيمتك وانت فاهمني .
حربي همس بخوف: هتطلع احسن بإذن الله .
______________________________
صباح بزغريط: بسم الله ماشاء الله ايه الحلاوة دي ياست نواره.
نواره : انتي اللى عنيكي حلوه ياصباح.
صباح بدموع: هتحرم من كلمتك الزينة ياست نواره والله هتجطعي فيا .
ليلى بدموع: بس يابت ماصدجت سكت .
نواره: بس انتوا الاتنين بكفياكي ياليلى بجالك ست ساعات بتبكي .
ليلى بشهقات: مش جادره هتسبييييني اننتي الوحييده اللللى مصبراني على التعابييين اللى هناااه.
علي : ليلى ادخل .
ليلى : تعالي ياقرة عيني احنا لوحدنا.
علي بإندهاش: ايه الحلاوة دي ؟
نواره بخجل : بجد حلوة يا علي ؟
علي بتأكيد: حلوة بس دا انتي عديتي الحلاوة انتي كيف البدر المنور .
ليلى : وه عتحب ف اختك جدامي طب كلمة ريح بيها جلبي.
علي بهمس لم يسمعه غيرها: محبش احب فيكي جدام الناس لما نبجى لوحدنا في اوضتنا هحب فيكي على طريجتي .
ليلى بخجل : اتحشم.
ابتسم علي والتفت للباب الذي دخل منه مصطفى .
مصطفى: كله بره عايز اكلم بتي.
علي : يلا بينا .
انحنى طابع قبله على جبين نواره وخرج معه ليلى وصباح.
نواره: مصطفى.
مصطفى: وانا اجول ليه الجمر مختفي الليله اتريه هنيه .
نواره بحزن : كيفها شكلي كيف شكل امي؟
مصطفى: كانها جعده جدامي بس انتي احلى .
نواره بطفولة: لا هى احلى .
مصطفى بإبتسامه كور وجهها بين يديه: انتوا الاتنين احلى من بعض المهم نواره انتي رايحة بيت جديد وانا متأكد انهم ناس كويسين حافظي عليهم عشان يحافظوا عليكي انا مش عايز منك غير انك تكون نواره بتي اللى الكل يحبها وسامحيني لو غصبت عليكي عايزك تعرفي انت اغلى حد عندي روحي وعجلي لما خلفتك بس حسيت اني اب .
نواره بدموع فشلت في ايقافها: انا بحبك جوي ربنا يديمك في حياتي .
مصطفى: يلا ظبطي حالك وانا هبعت البنات زين على وصول يلا.
قبل جبينها واشتم عبيرها كأنها هواءه.
___________________________________
كريمة : يلا يازين العشه هتدن وانت لسه مجيبتش عروستك.
زين : خلاص جهزت حازم جهز العربيات؟
كريمة بإبتسامه ودموع: جهزهم تعالى ياولدي اجعد .
زين : ايه ياحجة عايزة حاجة ؟
كريمة : لا بس هجريك عشان العين .
زين بإبتسامه: ارجي.
___________________________________
صباح : ست نواره الزفة وصلت وبيكتبه الكتاب.
امسكت نواره يد ليلى .
ليلى : اهدي بصي هنزل الطرحة على وشك ومتخفيش انا هركب معاكي في العربية اهدي .
(في الاسفل)
(المأذون)الشيخ عبدالعظيم : بارك الله لكما وجمع بينكما فى خير .
حازم: مبروك يازين.
علي بسخرية : مبروك يا..يانسيبي.
زين بإبتسامه جانبية: يبارك فيك يانسيبي.
اومأ زين لكل المباركات.
( المأذون)الشيخ عبدالعظيم: بالرفاء والبنين يازين بيه .
زين : الله يبارك فيك حازم .
حازم: عبد العزيز مستنيك بره ياشيخ .
علي: ابوي هطلع اجيب نواره.
مصطفى: خالي بالك منها يازين.
زين: في عيني اطمن عليها .
حازم بهمس : اجهز ياعريس ....زين يازين.
زين : اممممم كنت بتجول ايه ؟
حازم : بجول ايه مالك سرحان من لما كنا عند حربي ؟
زين : مفيش اليوم صعب شوية .
حازم بسخرية : ابتدينا اعذار.
زين : مش هتسكت غير لما اطغك عيار.
سعاد : العروسة جت .
نزلت نواره الدرج لفه ذراعها حول ذراع اخيها ...تعالت الزغاريط ...وقف علي امام زين يتطلع إليه بنظرات تختلف عن سابقها.
علي بنبره حزينه يشوبها الترجي: خالي بالك منها.
زين : متخافش عليها (اقترب منه وهمس في اذنه) اديتها لراجل .
ابتعد عنه واغمض عينه وفتحها بمعنى لا تقلق مد يده لنواره وانتظر عده دقائق حتى مسكت ليلى يدها الاخرى تضغط عليه والتي لحظها زين واستغرب تصرفها قدمت نواره يدها تمسك يده برعشه ...اتجه بها زين الى السياره وسط الزغاريط وإطلاق الرصاص ما ان دخلا السياره تركت يده وقبضت بها على فستانها.
ليلى محاوله تخفيف حده الموقف: مبروك يازين .
زين : الله يبارك فيكي ي...
ليلى بإبتسامه: ليلى مرات علي .
زين : اتشرفت بيكي .
ليلى بدموع: خالي بالك منها .
ابتسم زين لها .
_____________________________________
سيدة : الزفة وصلت ياحجة .
كريمة :يلا نستجبلهم يلا الكل يطلع نستجبلهم.
خرجت كريمة وكل النساء لستقبال نواره لتجلس معهم هذه العادات النساء في المنزل والرجال في الخارج هذه عادات الصعيد عدم الاختلاط بين الجنسين .
كريمة بفرحة عارمة : مرحب مرحب بيتي الجديدة اتفضلوا .
أشار زين وكريمة برأسه بمعنى انه ذاهب للرجال اومأت له كريمة لتأخذ نوار للداخل وتجلسها بين النساء على كرسي بالون الابيض جميل بل يمكن له ان ينافس عرش ملكات العصر الفكتوري.
ملك : نواره انا اخت زين ملك.
نواره : اتشرفت بيكي ياملك.
ملك : مش هترفعي الطرحة دي عايزين نشوف الجمر ونكيد الاعادي.
انهت حديثها بغمزة لتبتسم نواره وتمسك طرفي الوشاح لترفعة .
ملك : نزلي نزلي نزلي.
نواره بذعر: في ايه؟
ملك : الحريم عنهم وحشه بصي شوفي كيف بيبحلجوا فيكي اعوذ الله لازم اخلي امي ترجيكي.
نواره بخجل : مش للدرجة دي ياملك عادي .
كريمة : واكتر كمان يابتي فكريني بكرا ارجيك.
ملك : نواره دي تبجى امي واكيد ام زين اطيب جلب ف الدنيا كلها وام لكل الناس معاده انا بحسها مرات ابوي .
كريمة : جومي ياعملي الردي مش عارفة انا اتهفيت في عجلي وخلفتك ليه .
ملك : انا مالي انتم اللى اتشجيتم وانتوا كبار اتحملوا بجى .
نواره بضحك : خلاص خلاص .
كريمة : جومي يابت اعملي بلجمتك وارجصي حريم الجناوي كسبونا.
___________________________________
(بعد أكثر من ثلاث ساعات)
حازم : مش يلا يازين الساعة داخله على ١٢ ؟
زين : تمام يلا .
مصطفى : ايه خلاص ؟
زين: كفايه كده بجالنى كتير.
مصطفى بغيرة ووجه محتقن: ليه السرعة لسه فيه رجالة جايين .
صابر : خلاص فعلا يابوي الوجت اتأخر.
علي : ولا اتأخر ولا حاجة .
سالم : خد مرتك واطلع يازين.
حازم : يلا يازين اديت خبر لسيدة يلا .
اتجهت زين للداخل ولحق به علي قبل ان يدخل .
علي : زين .
زين بغضب : مالك ياعلي انت مش عايزني ادخل في ليلتي.
علي بعصبية: ايه ادخل دي ؟ المهم انا جاي اجول براحه عليها .
زين : جلولك عليا باكل الناس ولا غشيم عموما ماشي حاجة تاني ولا ادخل.
علي : لا اتفضل.
_______________________________
سيدة : ياحجة زين بيه جاي خلاص الفرح خلص.
كريمة : يلا يانواره .
انزلت نواره الوشاح مره أخرى حتى لا يرى احد دموعها وودعتها ليلى هامسه في اذنها ببعض العبارات لتهدئتها
...دخل زين تحت همسات الناس حوله عن وسامته ورجولته الطاغيه وايضا هناك عيون تتطلع عليه بدموع واخرى بتوعد.
ملك : زين متشيل نواره زي الافلام.
زين : بس ياملك بس.
امسك زين يد نواره وعندها انتفضت كأنها امسكت بكبل كهربا ضغط على يدها بغضب من تصرفها وغربتها بدأ يظن ان والدها اوقعه ليتزوج بمريضة تقدم بها بخطوات واثقة وبالطبع وسط الزغاريط صعدا الدرج ليتجه بها ناحية غرفتها ومع كل هذا لم تتوقف دموع نواره بال زادت خوفا من القادم
فتح لها الباب وأشار لها بالدخول تقدمت بقدمين يرتعشان الى الداخل واتبعها زين مغلق الباب خلفه .
______________________________________
يتبع......
التفاعل بعد كدا اكمل
Part8...
دلف زين يتبع نواره التى اتجهت من طلقاء نفسها للجزء الآخر من الغرفة ...وقفت نواره في منتصف الغرفه تكاد تفقد وعيها من هول الموقف.
زين بإبتسامه جانبية وصوت رجولي: نواره..
انتفضت نواره عند سماع صوته ....ازال زين عمامته وعبائته
واتجه لنواره التى تميل برأسها للارض والوشاح مازال على وجهها يخبأ دموعها التى ابت التوقف ظل يقترب خطوة خطوة وهي في حاله رعب مما يحدث فجأة أحست بشئ يجذبها.
زين وهو يحيط خصرها بيديه والآخر خلف ظهرها لتجذبها اليه : نواره اسمك حلو وبيجول شكل حلو برده .
لاحظ زين رعشه نواره المتزايدة.
زين : انتي بخير لو تعبانه جولي ؟
امسك زين طرفي الوشاح ليرفعة لكن نواره ابعدت يده عنها وتراجعت للخلف بأنفاس متقطعة وجسد يرتعش من البكاء الذي زاد وكل ذكرياتها السيئة تداهمها.
Flash back..
نواره ببكاء : لا والنبي ياطارق .
طارق بصوت عالي : فيا ايه عفش عشان ترفضيني بس لا انا هخلي ابوك واخواتك ييجوا راكعيين يبوسه يدي عشان اتجوزك.
نواره: والله مفكش شي عفش انت سيد الرجالة بس انا صغيرة لسه وعايزة اكمل تعليمي وعد وعد والله اخلص ثانوي واتجوزك طوالي.
طارق بإبتسامه سخرية : لا منا مش ضامن عمري .
اقترب طارق بنفس الابتسامة وهو ينزع قميصه ونواره تتراجع للخلف بخوف ودموع تترجاه ان يتوقف لكنه لم يستمع لها ..... امسك حجابها ليزيله عنها وهي تقاوم بكل قوه حتى ضغطت على يده بأسنانها لينفض يده منها ..ابتعد عنها ينظر لها بغضب ارعبتها نظرته وفي اقل من ثانيه تلقط صفعة على وجهها لتقع على الارض انحنى طارق لنفس مستواها جذبها له .
طارق: شايفك مستعجلة على جضاكي وانا هريحك ومش هنضيع وجت .
___________________________________
زين بقلق : اهدي مش هجرب منك بس اهدي.
نواره وهى تتمالك نفسها لتختلق اي عذر يبرر افعالها : انا اسفه مش هجدر ...زين انا اتخطبت وانكتب كتابي في اسبوع كل دا حصل مجدرش انا معرفكش يازين سامحني بس لو انت عايز حجك الشرعي انا انا مش هوجفك.
اومأ زين بوجه خالي من التعابير متجه ناحية الخزانة واخذ ملابس للنوم وغطاء وتوقف وهو لا ينظر لها : الباب جرار ضميهم على بعض والمفتاح على التسريحة.
تركها زين وهي أسرعت لتغلق الباب خلفه وانهارت جالسه على الارض وازالت الوشاح واضعه يدها على فمها حتى لا يسمع زين صوت بكائها العالي وأحداث هذا اليوم لا تترك مخيلتها اما في الخارج زين يتمالك نفسه من المشاعر المبعثرة داخلة من الرغبة والتعصب من تصرفها والخوف عليها ايضا ظل يفكر بزوجته التى لم يرى وجهها حتى الان ويضحك بسخرية ولكن رغم كل هذا اعجب بشجاعتها لن تقدر إمرأة في الصعيد أن تقول لزوجها مثل هذا الكلام
وأيضا جنيته التى ظهرت واختفت بدون سبب لكن يقسم انه وجد الحياة في عيناها نفض هذه الافكار موبخ نفسه على تفكيره بأمرأه بهذه الطريقةوقعى الاثنان في النوم بعد وقت ليس بقصير.
___________________________________
ليلى بنعاس : نام بجى ياعلي بكفياك عمال تتجلب في السرير عايزة ارتاح .
علي : مش جايلي نوم .
اعتدلت ليلى: مالك بس ياعلي؟
علي : يعني هيكونوا بيعملوا ايه ؟
ليلى : دا جوزها ياعلي.!
علي بغضب : طب نامي .
ليلى : علي اللى هيحصل بينهم دا عادي نواره كان هيجلها وجت وتتجوز .
علي بضجر : عارف ياليلى بس في نار جيده جوايه اه الفرج بيني وبين نواره خمس سنين بس بحسها بتي فكرت انها مع راجل دلوجتي و.... نار .
ليلى بضحك: خلاص اهدي يا ...يابو العروسة .
_____________________________________
(الثامنة صباحا)
استيقظت نواره وكانت تنظر للغرفه بتعجب حتى تذكرت كل شئ حدث لها حتى انها نامت على الارض ولم تنزع فستانها .
نواره محدثه نفسها: مالك يانواره اتعودي من هنيه ورايح دا بيتك انا نمت بالفستان .
اتجهت للخزانة واخرجت بعض الثياب لها .
نواره : طب اخرج ولا اعمل ايه ؟ يعني كان لازم الحمام يبجى هناك .
استجمعت نواره قوتها وادارت المفتاح وفتحت الباب لحسن حظها وجدد زين مازال نائم تحركت على اطراف أصابعها حتى لاتيقظه دلفت الى المرحاض اخذت حماما دافئا لتنعش جسدها المرهق بعد انتهائها خرجت بنفس الطريقة ووقفت لتنظر لزين لاول مرة ترى وجه زوجها اقتربت لتتحقق من ملامحة وتبا لوسامته تحرك زين واضعا يده على عينه كادت ان تذهب لكن انتبهت ايده يوجد وشم غريب عليها جمجه على شكل صقر كدا يدها لتلمس الوشم لكن يد زين كانت الأسرع امسك بيدها وجذبها له ليجعلها أسفله وصدره يعلو ويهبط نظر لها وعند وقوع عيناه على عيناها.
زين بصدمة : انتي !
نواره بخوف : انا معملتش حاجة؟
زين: انتي مين وايه اللى جابك هنيه؟
نواره بإستغرب وارتباك: انا نواره .
زين : نواره ...مرتي.
____________________________________
يتبع ... (معلش الفصل قصير بس الفصل الجاي هيكون طويل)
Part9...
زين: نواره ...مرتي؟!
سلط زين عيناه على عيناها هى ام غيرها نفس التفاصيل اللون العسلي اللامع الاخاذ رسمتها العربيه رموشها الطويلة الكثيفة والاهم تلك النظرة الان ايقن انها تلك الفتاة التى اصتدم بها ... اخذت عيناه تجول على سائر وجهها فتبا له اذا كانت وسامته توقع القديسات في الذنب فإن جمالها تغار منه الحوريات
انفها الدقيق وجنتاها الممتلئة المتوردة واكملت شفتيها اللوحة ثبت زين عيناه على شفتيها المكتنزة الوردية
لحظت نواره تجول عين زين لكن تصاعدت الدماء الى وجنتيها عند ثبات نظرته على فمها .
نواره بإرتباك يشوبه الخجل: ممكن تبعد ؟
--------
نواره : زين بعد الوضع مش مريح .
---------
نواره بصوت مرتفع نوعا ما: زين .
عاد زين لوعيه ....تحمحم: بتعالي صوتك ليه عاد؟
نواره بغضب يخفي خجلها وارتباكها: بجالي ساعة عماله اكلم فيك .
زين : عايزة ايه يعني؟
نواره : بعد عايزة اجوم مكبس علي كانك مسكت حرامي .
استوى على قدميه مبتعد عنها ليعطي لها المجال للحركة ... وقفت متجهه للجزء الاخر من الغرفة وكادت انا تصل لكن يد زين اوقفتها .
زين بخبث: انتي كنتي بتعملي ايه جنبي؟
نواره بإرتباك: مفيش بس...
زين : بس ...بس ايه؟
نواره بكذب: انا كنت جاية اصحيك عشان تنام جوه احسن حد يجي ويشوفك كده.
ترك زين يدها بدون كلمه وتركها واتجه للمرحاض لكنه توقف فجأه والتفت لها .
زين ببرود: غيري خلجاتك عشان ننزل .
اومأت نواره ودلف زين للمرحاض .
نواره : زين .
زين : ايه؟
نواره : مش هتاخد خلاجات عشان تلبسهم .
ابتسم زين واغلق الباب .
----------------------------
سحر : بكفياك عاد ياهبه .
هبه ببكاء : مش جادره ياسحر زين اتجوز ...اتجوز غيري.
سحر : اتجوز بس انتي لا .
هبه : جصدك ايه؟
سحر : زين هيبجى راجلك كفايه بكى كيف اللى ميتلها حد وجومي اغسلي وشك .
هبه : ايه البرود اللى انتي فيه ده انتي حتى معملتيش حاجة توجف الجوازة.
سحر بسخرية : تفتكري لو انا اتنطتت زين كان هيرجع عن اللى في دماغة انا اعرف زين من ايام المدرسة قرارة يتنفذ غصب عن الكل .
هبه : اهه اديكي بتجولي كيف هتخليه يتجوزني ؟
سحر : كل حاجة بأونها بتبجى زينة جومي اخسلي وشك والبسي حاجة حلوة كده وحطي كريم ولا اي حاجة وحصليني على تحت عشان نبارك للعرسان .
هبه : وكمان عايزاني اباركله؟
سحر : امال تباركي وتنبسطي كمان يلا حصليني.
----------------------------
(مكلمة تلفونية )
نواره : وانتم هتيجه امتى ؟
ليلى : كمان شوية بس علي يصحى وهجيلك.
نواره بإستغراب: علي لسه نايم عمرها ماحصلت!
ليلى : تعبني امبارح للفجر عمال يتجلب في السرير ياترى ريعملوا ايه نواره اختي مش هتعمل اي حاجة غلط زين شديد ونواره مش هتجدر عليه حاسس بتي مش بخير طب لو هى عايزاني دلوجتى .
نواره بدموع وإبتسامه : عمل كل ده ؟
ليلى : دا فرهدني امبارح اكتر من ست مرات اجيبه من على الباب عايز يجيلك .
نواره : حبيبي خلاص استني لما يصحى وابجى تعالي .
ليلى بخبث: اكيد لازم اجي في حاجات كتير هتتجال.
نواره بخجل : ابه عليكي اجفلي ياليلى اجفلي.
اغلقت نواره الهاتف .
نواره : واحدة جليلت رباية .
زين : لو اعرف ان ابوكي هيجوزني واحدة معروضة كنت فكرت في الجوازة دي .
غضبت نواره لترفع رأسها .
نواره : انا معرو...
صدمت نواره من المنظر زين يوليها ظهرة ولا يرتدي سوى منشفة تلتف حول جزئة السفلى فقط ...اخفضت نواره رأسها على الفور واولته ظهرها.
نواره : انت ...انت كيف يعني ....اوففف .
زين بسخرية : جمعي كلامك الاول .
نواره : كيف تخرج كده ؟.
زين : عايزاني اخرج كيف ؟
نواره : لابس.
زين : وكيف هلبس وانا معيش خلاجات ؟
نواره : مانا جولتلك تاخد معاك .
زين : مش متعود البس في الحمام .
نواره بغيظ : لازم تتعود في حد معاك دلوجتى في الاوضه .
زين : والحد دا مش غريب انتي مرتي .
نواره : حتى لو .
زين : خلاص لفي انا لبست .
التفتت نواره .
زين : يلا .....اه متجوليش لحد على اللى حصل هنيه امبارح اللى يسألك اتصرفي واهربي منه او اعملي نفسك مكسوفة ومترديش ماشي .
نواره : ماشي .
------------------------------
ملك : امه زين نزل زغرطي ياسيدة .
كريمة : صباحية مباركة يااجمل عرسان .
انحنى زين ليطبع قلبه على يد والدته ونظر لنواره واعطاها اشارة لتفعل مثله .
كريمة : صباحية مباركة يانواره .
نواره : شكرا .
ملك بشقاوة : صباحية مبارك يابو ملك .
زين : ابو ملك ؟!
ملك : ايه هو انت لو خلفت بت مش هتسمي ملك ولا ايه؟ لا ازعل انت هتسمي ملك ومليكة وملوك وملاك ولو جبت واد هتسمية مالك .
كريمة : بس بس هو احنا طايجينى واحده لما يجيبلي ارطة .
ملك : يارب بس يطلعوا تمني ولا حتي تلات تربع حلاوتي .
حازم : صباحية مباركة يا....ياواد عمتي .
زين : جيت امته؟
حازم : لسه محتاجين امضتك الشغل واجف .
زين : تمام .
ما حازم هامسا لزين : زين بيجولوا البنت لو جرست العروسة في رجبتها تحصلها في جمعتها طب والرجالة بيعملوا ايه ؟
زين : اجولك ومتزعلش ؟
حازم : لا مش هزعل .
زين : طب تعالى المكتب .
حازم : ليه ؟
زين هجولك بيعملوا ايه ؟
------------------------------
يتبع....
اتفاعلوا ب 20 ملصق
التفاعل وحش جدا
Part10...
كريمة : خلاص انتوا روحوا المكتب وانا هاخد نواره ونجعد في الجنينه الورانيه .
ملك : اجي معاكم .
كريمة : لا انتي روحي شوفي عمرو صاحية .
سحر : اه دا انا كنت لسه هسألك عليكم نزلين بدري يعني ؟
حازم : بدري من عمرك الساعة عشره وي .
سحر بوقاحة: ومالوا انا واحمد صحينا جرب العصر المفرود عرسان .
ابتسم زين بسخرية لاحظتها هبه .
سحر : المهم انا كنت بسأل عليكم عشان اصبح صباحية مباركة يانواره انا سحر مرت احمد اخو زين الكبير .
اومأت نواره بإبتسامه رقيقه .
سحر بخبث يغلفه حقد : صباحية مباركة يازين .
زين بنبره لم يفهمها اللى سحر وحازم : الله يباك فيكي .....يامرت اخوي .
هبه : صباحية مباركة يازين .
التفتوا جميعن لهبه.
زين : عجبالك يلا ياحازم .
كريمة : يلا حتى احنا يانواره مفيش هوا في البيت ملك ابجى خالي سيدة تفتح الشبابيك والبيبان البيت عايز يتهوا .
----------------------------
كريمة : هاا يانواره السرايا عجبك ؟
نواره بإبتسامة رقيقه: اكيد عجبتني .
كريمة : اماال انا حاسه انها مش عجباكي ليه؟
نواره : لا مش كده بس انا مبحبش الحاجة يبجى مبالغ فيها يعني كل ماكانت بسيطة كل ماجمالها زاد .
كريمة : انتي طيبة جوي يانواره.
نواره : واش عرفك مش جايز ان بضحك عليكي وبمثل الطيبة ؟
كريمة بإبتسامة : لا الابيض اللى في راسي دا جه بعد مر جابلت ناس بعددهم وانت جلبك ابيض من الجشطة .
نواره بخجل : مش عارفة اجولك ايه ؟
كريمة بدموع : زين ربنا بيعوضة بيكي ف خالي بالك منه يانواره واسكان عليه انا عارفة ابني هيحبك وانتي كمان هتحبيه .
نواره بقلق: طب ليه عتبكي في حاجة تعباكي؟
كريمة : جلبي ...جلبي تاعبني يانواره بس انتي اللى هتدويه .
نواره بإستغراب : كيف مش فاهمة؟
كريمة : بعدين ابجى اجولك المهم في كلمتين مهمين لازم تعرفيهم .
نواره : اتفضلي يا ...
امسكت كريمة يد نواره وبنبره حنونة : نواره جوليلي يامه ربنا رزجني بتلت ولاد وبنتين وانا عرفة انك اتحرمتي من حنان الام ومرات ابوكي معرفتش تعوضك بس الايام هتعوضك انا ليه طلب عندك ...انا عايزة اكملهم نص دستة .
نواره : كيف ؟
كريمة : ربنا رزجني بتلت ولاد وبنتين بس انا طماعة وعايزة اجفلهم عايزاكي بتي يانواره .
ترقرقت الدموع في عسليتيها .
نواره : شكرا .
هطلت الدموع على وجنتيها .
كريمة بتأثر : ياحبه عيني يابتي بس اهدي كده وكوني جويه وعد مني العمر اللى اعيشه متنزلش دمعة من عيونك واوعاكي تشكريني تاني مفيش بت تشكر امها فاهمة جومي اغسلي وشك وظبطي طرحتك وانزل عشان تفطري يلا.
نواره : اول مره حد يحضني كده ابوي وعلى حضنهم بحس فيه بالامان بس حضنك حسيت فيه بالدفه .
كريمة : اتعودي على كده عشان عمري ماهسيبك في ام تفوت بتها وبعدين كلي بعجلي حلاوة عايزه تفهميني ان حضني احسن من حضن زين .
نواره يخجل : انا هطلع اظبط حالي يلا .
هرولت نواره مبتعدة عن كريمة وصوت ضحكتها .
---------------------------
زين : في حاجة تاني عايز امضي عليها ؟
حازم : لا كده خلاصنا ياعريس .
زين: ايه عريس اللى ماسك فيها من اسبوع دي ؟
حازم بخبث : مش انت عريس ولا ايه ؟
زين بتحذير : حازم !
حازم بسخرية : ايه عملت ايه انا دلوجتي انا بس عايز اطمن على ود عمتي .
زين بغيظ : لا اطمن .
حازم بجدية : مالك يازين انت فيك حاجة ؟
زين : مالي يعني مش خلصت يلا شوف شغلك .
حازم بإصرار : زين ورحمة امي ماهمشي غير لما اعرف مالك ؟
زفر زين من عند حازم لكنه يشعر بلاضطراب لذلك سرد له زين تفاصيل الليله بدون الدخول في خصوصيته .
----------------------------
خرجت نواره من الغرفة بعد ضبط كل شئ.. وفي طريقها للنزول اصتدمت بعمرو الذي انزلق منه الهاتف كأثر للاصتدام.
عمرو : مش تفتحي .
نواره : انت اللى خبط فيه .
عمرو : وان....
نواره : ايه بتبص كده ليه ؟
عمرو بذهول : انتي مين ؟
نواره : نواره مرات زين انت مين؟
عمرو بغيظ : مرات زين جولتيلي انا عمرو اخوه .
اومأت نواره وتجاوزته لتهبط للاسفل ...التفت عمرو وانحنى لتمره عيناه على سائر جسدها.
عمرو بوقاحة : احب الكرفي .
هبه بغيظ : عجبتك ؟
التفت عمرو لهبه .
عمرو : طول عمر زين بيجع واجف .
هبه : فيها ايه عشان تتهبلوا عليها ؟
عمرو : خلاص شوفي نصيبك بره زين بح طار.
هبه : زين ليه ولو اتجوز بدل الواحده الف في الاخر هيكون ليه ؟
عمرو بسخرية : عجبني اسرارك .
--------------------------
زين : وبس كده .
حازم : طول عمرك راجل يازين انت عملت الصح بس بردوا يازين مش جايز كانت خايفة يعني لو حولت معاها ممكن تلين كل البنات بيبجوا كده في الاول .
زين : لا ياحازم كنت هوافجك بس اللى حصل امبارح مكنتش افعال واحده خايفة من التجربه او مكسوفة .
حازم : امال ايه؟
زين : مش عارف بس في حاجة وراها عايزك تعرفها ياحازم عاوزك تجبلي جرارها من يوم والدتها .
حازم: طب ماعبدالعزيز جابلك اخبارها.
زين : عبدالعزيز جاب اللى الناس عارفاه انا عايز اعرف كل حاجة .
حازم : ماشي بس انت اسمع مني وحاول معاها .
زين : بإذن الله و...
نواره : زين .
حازم : تصدج بالله انا اول مره اعرف ان اسمك حلو كده يازين .
زين : اتلم يازفت .
حازم: مجدرش الم نفسي وانا شايف الجمال دا كله .
زين بنفاذ صبر : شكلك عايز تروح لابوك برصاصة في جلبك .
حازم : عاجبك كده يانواره ؟
ابتسمت نواره بخجل من حديثهم .
حازم : ضحكت يعني جالبها مال و...
اخرج زين مسدسه ووضعه على المكتب وعيناه تخرج حمم .
زين : عايزة حاجة يانواره؟
نواره بإرتباك: الاكل جهز جيت اندهكم .
استوى حازم على قدميه .
حازم : طب انا همشي عشان اودي الورج ده .
زين : استنى كل حاجة وابجى امشى .
حازم بخبث : شبعت لما شفت الجمر دا انت جبل .
انهى كلامة ليخرج بسرعة البرق من الغرفة خوفا من رده فعل زين .
ضحكت نواره من كل قلبها على الموقف ولم تشعر بزين الواقف امامها يتأمل ضحكتها توقفت عند ملاحظتها لهذا ....امسك زين يدها جاذبها له لتصتدم بصدره العريض.
زين : عجبك كلامة .
هزت نواره رأسها بطفوليه .
زين : طب بتضحكي ليه ؟
نواره بخوف : الموقف مضحك بس .
زين : تمام بس لو شوفت اوسمعت ان حد كلمك كده وانتي سكتي هتشوفي وش وحش جوي انا سكت لحازم عشان عارف ان هو مبصلكيش اصلا كيف ماتجول بيهزر بس .
نواره : ماشي.
زين: نواره.
نواره : ايه ؟
زين : امبارح الضهر كنتي فين ؟
نواره بإرتباك: هكون فين امبارح كان فرحي اكيد في البيت .
اومأ زين بسخرية وانحنى ليهمس لها .
زين : متجوزين بجالنا ١٦ ساعة كدبتي فيهم ٣مرات رقم قياس يا...مرتي .
نواره : انا مبكدبش .
زين : يلا عشان ميستنوناش .
ترك زين نواره لتهرب مسرعة للخارج اعاد زين حديث حازم .
زين بإبتسامه ساخرة : عندك حج انا جبل .
-----------------------------
كريمة : نواره زين فين؟
زين: انا اه .
كريمة : اجعدي هنيه جنب جوزك يابتي بعد يااحمد خالي مرت اخوك تجعد جنبه .
نواره : ملوش لزوم .
احمد : انا جومت اهه .
كريمة : يلا بسم الله .
مريم بإبتسامة : نواره صباحية مباركة ياجمر انا اخت زين اللى بينه وبين عمرو مريم ودا محمد جوزي وابن خالي .
نواره : امال مين حسن ؟
مريم : ابني ٦ سنين بس زي العسل هو لسانة مترين بس هتحبيه .
نواره بإبتسامة : اكيد هحبه لو زيك .
مريم بتأثر : ايه السكر دي ؟
محمد بضحك : سيبيها تاكل حاجة كفاكي لت .
احمد : مش هتعرف نواره علينا يازين ؟
زفر زين بملل: لا ازاي نواره دا احمد اخوي الكبير انتي اكيد عرفاه وسحر مرته لسه شيفاها الصبح واللى جنبها هبه اختها ملك مريم محمد عمرو .
عمرو بنظرات توحي بالكثير من المعني المقرفة : نورتيني يامرت اخوي انشاء الله هتحبي بيتنى جوي وهتحبينا .
نواره بشمئزاز: اكيد الحمدلله انا هطلع .
كريمة : مكلتيش حاجة يابتي .
نواره : معلش معدتي وجعاني شوية.
صعدت نواره الدرج متجه للغرفة وصلت اليها ودلفت للداخل ظلت تتجول في الغرفة اكثر من نصف ساعة والملل يكاد يفتك بها اتجهت للخزانة وفتحتها لترى ماذا جلبت لها ليلى وصدمت مما رأته ملابس لا ليست ملابس بل قطع قماش تظهر اكثر مما تخفي لعنت بداخلها وفي وسط كل هذا وجدت بدله رقص حمرأ
انفجرت ضاحكة من جنون زوجة اخيها .
نواره : ايه دي ؟ الله يكسفك ياليلى ...اجربها ولا .... لا انا هموت لو مجربتهاش .
ارتدتها نواره وتركت شعرها منسدل ليصل لاسفل ظهرها
ووضعت احمر شفاه وحددت عيناها بالكحل الذي اظهر حده نظراتها واضافت المسكره التي اكملت رسمتها وضغطت على احدى الاغاني الشعبية وبدأت تتمايل بخصرها يمينا ويسارا وترفع شعرها بيدها الاثنان بقيت هكذا حتى شعرت بيدي تحيط خصرها وانفاس تلفحها حتى اتهاها صوتة الرجولي الذي اعطى الاشاره لسائر جسدها لتنتشر به قشعريريه وتتزايد دقات قلبها .
زين بتخدر: كملي .
نواره : ان....انا كنت بشوف الحاجات اللى ليلى جابتهالي ولج...
زين وهو يشتم عبيرها : كملي .
نواره بدموع وصوت متحشرج: زين كفايه .
-------------------------
يتبع.....
تكملة الروايه من هنااااااااااا
تعليقات
إرسال تعليق