 |
Part11...
زين وانفاسه تضرب عنق نواره: كملي ..
نواره بصوت متحشرج : زين .
زين : اشششششش .
نواره بخوف: زين انت بتخوفني بعد .
زين : ليه ...ليه خايفة مني ؟
نواره : وحيات حبيبك ال...
قاطعها زين : ردي علي ليه خايفة ؟
هزت رأسها بالرفض .
زين : ردي .
لفت رأسها لتقابل عيناها عيناه وهي على نفس الحالة
مد يده ليحرك ابهامه على شفتيها وامال برأسه نحوها
زين : خابره انا عندي كام سنه ؟
هزت رأسها بالرفض .
زين : ٣٢ سنه كبير صح ؟
-----------
زين : من وانا عندي عشر سنين عملت كل حاجة غلط ممكن تتخيليها الحاجة الوحيدة اللى معملتهاش هى اني انام مع واحده .
جحظت نواره عيناها من حديثة والخوف ينهشها لكنها
لم تقدر على اسكات لسانها : مسمهاش انا مع واحده اسمها ازني .
ابتسم زين بسخرية : بجولك عملت كل حاجة غلط هتفرج معايا .......ازني ولا لا !
نواره : جالولي انك بتصلي كيف بتجابل ربنا وانت عامل حاجات غلط كتير كيف مابتجول ؟
زين : مانمتش مع واحده مع اني اجدر فلوس وعندي اللى يجيبلي بدل الواحده الف صحة والحمدلله وشكل اه كويس برأيك ايه اللى يمنعني ؟
نواره : معرفش.
زين : جدي كان بيجول الفرج بين الانسان والحيوان ان دا بيتحكم في غرايزة عشت عمري كله محافظ على نفسي عشان اول واحده المسها تكون مرتي حلالي ولما جه اليوم دا منعتيني بس صدجيني مش فارج معايا كل اللى فارج انك تكدبي على اكتر حاجة اكرهها هى الكدب .
نواره بدموع : مكدبتش عليك .
زين : رابع كدبه ليه كده متعرفيش ان اللى بيكدب بيدخل النار هاا؟
نواره : بعد عني ؟
ابتعد زين وامسك يدها ساحبا ايها خلفة للسرير.
نواره بخوف : هتعمل ايه؟ زين والله مش هكدب تاني خلاص و....
زين : بس مش هعمل حاجة اجعدي عايز اتحدد معاكي.
نواره بإستغراب: تتحدد معاي في ايه ؟
جلس زين بجوارها : انا خابر ان كل حاجة جت طوالي اتجوزنا في اسبوع حتى مشفناش بعض هصدجك واجول انا مش رايداني عشان متعرفنيش و.
نواره بحزن : زين انا جولتلك لو عايز حجك الشرعى انا مش همنعك ب....
زين بعصبيه : مش زين رضوان كبير العلاميه اللى يلمس واحده غصب وبعدين انتي كنتي هتفضحيني عشان مسكت يدك وجعدتك على السرير .
نواره : طب انت متعصب ليه دلوجتي ؟
زين : نواره بالله سبيني اكمل منكرش ان في حاجة شداني ليكي بس عمري ماهغصبك على حاجة بصي احنا هنعيش مع بعض في نفس الاوضة وجدام الناس احنا متجوزين عادي بس بينا نعتبر نفسنا في خطوبة نعرف بعض ونشوف هنكمل ولا .
نواره بفرحة : موافجة ...بس النوم هنام مع بعض؟
زين : لا انتي نامي هنيه وانا هنام بره زي امبارح .
نواره : مش هتتعب من نومه الكنب.
زين بإبتسامة ساخرة : نمت على اوحش من كنب .
نواره : طب انا عندي فكره انت تنام يوم وانايوم.
زين : بس يانواره بس .
اتاه اتصال ليخرج هاتفة ويفتح المكالمة .
(مكلمة )
زين : لحجت اوحشك .
حازم بستفزاز : انتي بتوحشيني يازينة حتى وانتي واجفة معايا.
زين بسخرية : شكلها جتلك وانا مش ناجص .
حازم بإستغراب: هى ايه اللى جاتني؟
زين بخبث : اللى بتيجي كل شهر .
حازم بغضب : زين.... مش مهم انا اتصلت عشان اجولك واد الحج عثمان تعيش انت .
زين : عثمان المنشاوي ؟
حازم : هو هيصلوا عليه في جامع ****
زين : تمام هكون عندك نص ساعة وهكون هناك .
اغلق الخط ليلتفت لنواره .
زين : انا لازم امشي دلوجتي هحضر جنازة واجي طوالي ممكن تنزلي تجعد تحت .
نواره : ليلى هتيجي .
استوى على قدميه وقف قبالتها وانحنى ليقابل وجهها .
نواره بإستغراب : ايه ؟
زين بإبتسامة جانبية : متنسيش اوعاكي حد يعرف بالدار هنيه اوعااكي .
نواره بصدمة : انا تؤتؤ شكلك متعرفنيش انا كيف البير مجولش لحد اي حاجة .
زين بسخرية : ماشي يابير .
نواره بقلق: خلاص روح شوف هتعمل ايه ؟
انحني ليطبع قبله خفيفة على شفاتيها وقد الجمتها الصدمة ليتمالك الاخر نفسه مبتعد عنها قبل فقدانه للسيطرة لكنه انفجر ضاحكا على منظرها عيناها مفتوحة على وسعها وكذلك فمها .... وضعت نواره يدها على فمها .
نواره : انت جليلي الربايه .
زين : تعود بجى تعملي ايه اتعود اي حاجة اعوزها اخدها .
نواره : مش احنا مخطوبين ؟
زين : ممكن تطلعي ؟
نواره : ليه ؟
زين : عايز اغير ...نواره ايه اللى انتي لابساه ده و...
قاطعة وقوف نواره وخروجها بثانية ليضحك بصوته كله .
------------------------------
هبه : البيت كله معجب بالست هانم ؟
سحر بإستغراب: البيت كله !
هبه : انتي مخدتيش بالك من نظرات عمرو ليها دا كنه هايكلها .
سحر بسخرية : لا والله ... لا لازم ناخد بالنا .
هبه : مجولتليش هتعملي ايه ؟
سحر : انا مش هعمل حاجة انتي اللى هتعمل .
هبه : كيف ؟
سحر : لازم نستنى لحد ما الفترة دي تعدي زين مش غبي اكيد هيعرف ان احنا السبب ...
هبه : هااا يعني اعمل ايه ؟
سحر : زين فالاخر راجل .
هبه : مانا بجالي سنه بعمل كل حاجة ولا هو هنا .
سحر : اه صح بتعملي كل حاجة عياط وانا بحبك يازين اه .
هبه : ماشي لما نشوف اخرتها .
----------------------------
حازم : اتأخرت ليه ؟
زين : هيبتدوا الصلى يلا ندخل الجامع .
الشيخ عبد العظيم : ياجماعة التكبيرة الاولى نقرأ الفاتحة التكبيرة التانيه نصلي على النبي اللى هى الصلاة الابراهيميه النص التاني من التشهد التكبيرة التالتة ندعيله التكبيرة الرابعة ندعي لنفسنا وللمسلمين .
اتموا الصلاة و الدفن .
حازم : هنمشي ونيجي باليل ولا هنعمل ايه ؟
زين : تعاله نعزيه ونبجى نيجي باليل نجعد شوي في الصوان .
مصطفى بإستغراب : زين انت جيت مِتى ؟
زين : جيت على الصلى سامحنى ياحج لسه عارف من ساعة بس .
عثمان : كتر خيرك ياولدي مكنش ليه لازمة مجيك انت لسه عريس .
زين : لا ازاي ... البجيه في حياتك .
عثمان : حياتك البجيه ياولدي .
عز : زين .
التفت زين لمصدر الصوت .
حازم : عز ؟!
عز : كيفك ياحازم الحبايب كلهم هنيه .
حازم بصوت منخفض : عز احنا في عزا مش حمل اي حاجة .
عز : وانا عملت حاجة دا انا ليه حج عندكم كده يازين يبجى فرحك ومتعزمنيش دي بردوا الاصول يازين .
زين بهدوء مرعب : الغجر ليهم اصل .
عزن بغضب اقترب منه محدثا ايها بصوت لم يسمعه اللى زين: عندك حج بس ايه اللى جابك وانت لسه عريس ....العروسة مش حلوة ولا ايه .
زين بنظرة جحيميه وبنبرة ساخرة غاضبة : كيف ام**ك .
عز : اممممم سمعت انها جمر كل الناس بتتحدد عن جمالها حتى بيجولوا انها كيف البطة .
كل شئ حدث بثانية عز تحت ايدي زين الذي تفنن في ضربه كأنه يعيد تشكيل ملامحة اصوات الرجال العالية التي تطلبه بالتوقف .
حازم : خلاص يازين .
مصطفى : زين بيكفياك عاد .
عثمان : احترم جثت ابني اللى تحت التراب .
هنا توقف عن ضربة وبقيت قبضتة عالقة في الهواء .
----------------------------
يتبع....
Part12....
ليلى بصدمة : يعني ملمسكيش ؟
نواره بملل : ايوه ياليلى سألتيني اكتر من ٢٠ مره .
ليلى : هااا وبعدين ؟
نواره بإستغراب : ايه اللى بعدين ؟
ليلى : بعد ما جالك كاننا مخطوبين .
نواره : مفيش ابن خاله اللى اسمه حازم ده اتصل بيه وجاله ان حد مات .
ليلى : واد الحج عثمان شاب الحبايب عمي راح الدفنه المهم بعد ما جاتله المكالمة عمل ايه ؟
نواره بإرتباك : هيكون حصل ايه ؟
ليلى : نواره في حاجة حصلت ... اوعي تكوني بتخبي علي والله اخد على خاطري وماكلمك تاني .
نواره : مفيش ياليلى مفيش .
ليلى : بت مصطفى عليا الطلاج بالتلاتة في حاجة حصلت وانتي مخبية عليا .
اومأت نواره بخجل .
ليلى بخبث : امممم جري ايه اللى حصل ؟
نواره بسرعة : باسني وانا كنت لابسه بدلت الرجص اللى انتي جيباها وكنت برجص وباسني واول ما عمل كده بصتله وجولتله انت عملت كده ليه مش احنا مخطوبين جالي متعودتش مخدش حاجة نفسي فيها وانا كنت ناسيه موضوع اللبس جالي ايه اللى انتي لابساه ده طلعت اجري ودخلت الحمام لحد ماخرج هف.
قالتها في نفس واحد .
ليلى بصدمة : لع .
امأت برأسها عده مرات .
ليلى : طب وانتي حاسيتي بإيه ؟
نواره بخجل : اتكسفت بس .
ليلى : بس ايه ؟
نواره بحزن : افتكرت كل حاجة .
ليلى : فات على الحكاية كتير احنا كنا في تانيه ثانوي فات عليها عشر سنين .
نواره : ازاي انسى بحاول بس مش جادره ليلى كان فاضل ثانية واحده وحياتي تتدمر .
ليلى بحزن: انا هروح اشوفهم وابجى ارجع معاهم .
نواره : هستناكي استني الف حاجة على راسي واوصلك .
ليلى : لا خاليكي انا عارفة الطريج يلا سلام .
خرجت ليلى من الغرفة تاركه خلفها نواره .
Flash back....
نواره بدفاع : بعد عني .
طارق بوقاحة : اسبتي وكل حاجة هتخلص طوالي ونكون لبعض .
انهى كلامه ليأخذ حجابها وربط يدها بحافة السرير وابتعد عنها ليسبت قدميها ايضا وعندما انتهى وقف يتأملها بوقاحة وهي تحاول التملص من الربطات لكنها عند فقدانها للامل اجهشت في البكاء .
نواره : يارب .
جلس طارق بجانبها يمرر يده على خصلات شعرها الفاحم ....قبض عليه بقوة لتتأوه بألم وهو لا يبالي بل اخذ يستنشقه بطريقة مريضة .
طارق بإبتسامة : لما نتجوز عايز عيال كتير وكلهم شبهك جلبهم كيف جلبك ضحكتك روحك اللى تسحر هنعمل فرح كبير تتحاكه بيه البلد كلها وهجيبلك فستان متوجدش جبل كده .
نواره بخوف : انت مريض بعد عنى ابوي و علي لو عملتلي حاجة هيمحوك من على وش الارض .
استواى على قدمية .
طارق : شايفة دي يانوارتي .
اشار لشئ مثبت على الجدار .
طارق : دي ياجلبي كاميره هتصور كل اللى هيحصل .
نواره بصدمة : انت فعلا مريض .
طارق : الا مريض .
نواره : والنبي سيبني .
طارق بحزن : لو معملتش كده مش هتبجي ليا والله يانواره هاولت اشيلك من عجلي بس مش راضيه تطلعي .
نواره : انت مدرس الاهالي بيأمنوك على بناتهم كيف تفكر في امانه .
طارق: انتي غير انتي شدتيني من اول مره شوفتك فيها سكنتي روحي جبل جلبي وعجلي .
انهى كلامه ليتجه اليها انحنى ليشرع في تقبيلها اما هى اخذت تتحرك بعشوائية حتى لا يقبلها وهى تصرخ وتبكي بعنف وماهى اللى ثواني حتى شعرت بثقل وزنة عليها وفجأه انزاح عناها ليظهر وجه علي وهو يتسبب عرقا وعينيه تحمل من الجحيم قسطا ليفك رباطها
.... ارتمت بين احضانه واجهشت في البكاء اخذ يربت على ظهرها وصدره يعلو ويهبط ابعدها عنه ليلتفت للاخر وسدد له عده ضربات بالاضافة للرصاصة التي اصبها به عند دخوله الغرفة ورأيته وهو يحاول اخذ شرف اخته او ابنته كما يدعوها .... اما نواره تكورت بإحدى الزوايه واضعه يدها على اذنيها وقد اسيبت بحالة هستيرية .
علي : ايدك الوسخ*ة دي لمست بتي اه يابن العاي*بة .
تبتعد عنه تاركا اياه غارق في دمائه لينحني جاذبها بين يديه يبعث الطمأنينه في قلبها .
نواره : خ..خد..ني من هننا .
علي : يلا .
امسكت نواره يده : هتعمل ف...فيه اييه ايه ؟
علي : هعرفة كيف يمد يده عليكي .
استندت عليه ليخرجا من ذلك المكان ا...اخرجها من الغرفة ليدلف مره اخرى اخذا الكاميرة واخرج شئ مربع ووضعها على الشرير .
علي : حرام اجتلك هرحمك .
-------------------------------
(بيت كامل العزايزي)
كامل : بجالنا ساعة يازين وانت مش راضي تجول عمل ايه عشان تكسره بالطريجة دي احنا هشناك عنه بالعافيه واه دخل العنايه المتركزة عمل ايه عشان دي هيبجى في جعده وموال .
زين بهدوء: لما تتفجوا على المعاد ابجى كلمني ياحج تعوز مني حاجة .
هم بالوقوف لن يد كامل اوقفته.
كامل بعصبيه : اجعد لسه مخلصتش كلامي حازم شوف صاحبك اللى راسه انشف من الحجر الصوان .
حازم بملل : صدجني ياحج لو عايز يحكي كان اتكلم من بدري فامتحاولش معاه .
زين بإبتسامة ساخرة : اه رد علك صاحبي .
كامل : زين عز مش سهل عارف يعني ايه ؟
ضحك حازم بصوتة كله ام الاخر فقد اكتفى بالنظر لساعته .
حازم : اسف ياحج اسف مش جادر .
اخذ يضحك مره اخرى .
زين : حازم .
وضع حازم يده على فمه .
زين : انا ضربته معترف والكل شاهد خلاص لما يخرج نعمل جاعدة واللى تشوفوه موافج عليه تمام.
كامل : زين ا.....
زين : لازم امشي في ناس جيالي يلا ياحازم .
خرج زين وحازم تاركين كامل .
كامل بغضب : كيف جدك كنت جاعد مع نسخه منه ربنا يستر ربنا يستر .
-----------------------------
سيدة : ست نواره اهلك جم تحت .
نواره : ماشي استنى انزل معاكي ياخاله شكل كويس ولا ؟
سيدة : كيف البدر المنور ياست نواره.
نواره بضيق : ست نواره ست نواره اسمي نواره بس .
سيدة: كيف ده لع المجامات محفوظة .
نواره : والنبي ياخاله متوجعي جلبي اسمي نواره بس ويلا احسن يستعوجونا .
(في الاسفل)
سعاد : اي حاجة نواره تعملها متعجبكيش ابعتيها بس واحنا هن.......
كريمة بقوة : نواره بجد مرت زين علام كبير العلامية مجامها من مجامه ومحدش يستجرى يلمسها حتى لو مين كان .
سعاد بغل: انا جصدي احنا هنرجعها لعجلها وهنفهمها الصح مهما كان دي بتي اللى مجابتهاش بطني .
كريمة بسخرية : امال انتي هتجوليلي انا عارفة معازتها عندك بس نواره خلاص بجدت بتي وتعمل اللى هى عايزاه براحتها على الاخر .
تحكمت ليلى في نفسها حتى لا تضحك : ونواره مش هتلاجي احن منك عليها احنا مطمنين عليها عشان انتي معاها .
كريمة : انتي مرات علي صح .
ليلى بإبتسامة : ايوه ليلى بت الحج كامل العزايزي .
كريمة : علي طيب ومحترم وربنا بيجمع الكويسين مع بعض .
وفاء بغيرة: امال نواره فين ؟
كريمة : انتي مين ؟
وفاء : انا مرات صابر بت الحج عزام الطحاوي .
كريمة بسخرية : بت سميرة اخ على امك كانت هتتجنن وتتجوز حسن بس هو اتجوزني انا .
وفاء: امي اتجوزت سيد الناس .
كريمة : انتي هتجوليلي مش بجولك ياليلى ربنا بيجمع الكويسين مع بعض وبيجمع ولاد الك يلا اه نواره نازله اه.
سعاد : صباحية مباركة يانواره .
نواره : الله يبارك فيكي يامرات ابوي .
كريمة : نواره .
نواره : نعم يامه؟
كريمة : تعالي اجعدي جنبي .
سعاد بغيظ : وارينا الجماشة خالينى نتوكل .
نواره بإستغراب: جماشت ايه ؟
وفاء: الجماشة اللى عليها شرفك يانواره .
زين : شرف مرتي يخصني انا بس .
التفتوا لزين .
كريمة : خلاص ياولدي مش مهم نواره اطلعي هاتيها و....
زين بهدوء مرعب : جولت شرف مرتي يخصني انا بس .
سعاد : بس دي العاداتي ياولدي لازم نتأكد ان كل حاجة تمام .
زين : نوارته البيت بس مش هجدر اجعد معاكم عن اذنكم .
اتجه زين لغرفتة ...
كريمة : جومي يابتي شوفي جوزك وانا هجعد مع الجماعة .
اومأت نواره لتتبع زين ...
--------------------------------
ارتمى على السرير والغضب يأكله وضع يده على عينه .
نواره : زين .
زين : ايه ؟
نواره بخجل : شكرا .
اعتدل زين وبنبره جحيميه : تعالي .
ارجفتها نبرت صوته لترفع رأسها وقد لعنت نفسها على ذلك تقسم انها رأت الشياطين في عينيه تتراقص ليدب الخوف في اوصالها حتى اتاها صوته بنبره اكثر قسوه ورعبا .
زين بنفاذ صبر : مبعدش كلامي .
اخذت قدميها تقودها له لتصبح امامه.... ثانية واحدة لتجد نفسها بين يديه .
زين : حلوة انتي .
نواره بإرتجاف : شكرا .
زين بسخرية : تلاجي كل راجل شافك اتجن .
ضغط على خصرها بقسوة في اخر كلماته .
نواره بدموه وألم : زين انت بتوجعني .
--------------------------------
يتبع .....
Part13....
نواره بدموع وألم : زين انت بتوجعني وكمان بتخوفني انا عملت ايه ؟
ارخى يده قليلا لشعورة بألمها ومد الاخرى ليمررها على وجنتيها .
زين بهدوء : متخفيش .
انزل يده لينزع المشبك (دبوس) الذي يثبت حجابها
لينزاح من على رأسها واقعا على الارض ليتبعه شعرها الاسود اللامع .
زين بهيام : سبحانه .
نواره بخجل : بتبص كده ليه ؟
زين : مش شبه ابوكي انتي؟
نواره بحزن خبأته: شبه امي .
زين : كان عنده حج .
نواره : مين ؟!
زين : ابوكي .
نواره : مش فاهمة ؟
زين : لو كنت مكانه كنت عملت زيه دا لو امك شبهك .
نواره : زين هو انا شكلي كويس ؟؟
زين بسخرية : انتي شايفة ايه ؟
نواره : عاديه زي اي بنت لا انا حلوة ولا انا عفشة .
زين : عاديه ومين جالك كده ؟
تجمعت الدموع داخل مقلاتيها .
نواره : مرات ابوي ومرات صابر وسالم حتى البنات اللى في المدرسة وكمان اللى في الجامعة ... زين انت شايفني ازاي ؟
زين ببرود : عاديه .
اومأت نواره بحزن .
نواره بإبتسامة : انا عارفة اني عاديه يلا الحمد لله ان ربنا خلجني زينة مفيش حد كامل .
زين : زعلتي مني ؟
اومأت نافيه حابسه دموعها .
نواره : لا مز....
زين : خامس كدبه .
نواره بغضب: زين !!
زين ببرود : ايه اللى زعلك ؟؟
نواره : لو شكلي عادي انت مش لازم تجولي كده .
زين بإستغراب : عايزاني اجول ايه ؟
نواره بإرتباك : يعني تجولي كلام حلو .
زين بسخرية : ليه ؟
نواره بخجل و طفولة : المفروض اني مراتك وفي مجام خطيبتك يعني اكون احسن واحدة في عينك .
زين بضحكة رجوليه رنانة جعلتها تزداد توردا : مرتي وفي مجام خطيبتي بتجولي ايه انتي ؟
شعرت بالاحراج بشدة وبتلقائية دفنت رأسها في عنقة تهرب منه لا تعلم انها تزيد الوضع سوء نعم هى تجلس على قدمة وهو يحاوطها بذراعة لكن ان تكون داخل احضانة ؟..... اخذت انفاسها تضرب عنقة لتسير رعشة في جسده غير محببه تبا يقسم انها سوف تجعلة مغتصب تمالك نفسه .
زين بنبرة حاول ان تكون طبيعية : نواره بعدي .
ادركت نواره مااقدمت عليه غبيه كما يقولوا ( جت تكحلها عمتها ) .... ابتعدت عنه وتقسم ان حرارتها فاقت الخمسون درجة من شدة خجلها اما هو فكان الحال مماثل الا ان الاسباب مختلفه .
زين لنفسه : انت وعدتها يازين مش هتلمسها اللى لو هى عايزة وعد الرجالة سيف ووعد الصعايدة موت .
نواره : اسفة .
زين ببرود حاول تمثيلة مغير الموضوع حتى لا يتهور ويخيفها منه : مرات زين رضوان كبير العلاميه متتأسفش .
نواره بسخرية: كبير العلامية تبا لتواضعك .
زين : كنا بنجول ايه ؟
اصفر وجه نواره : هنجول ايه نسيت ؟
زين بخبث : كنا بنجول ايه ...امممم يارب اه اه كنا بنجول انك لازم تكوني احلى واحدة في عيني .
ابتسم زين من خجلها تبا اكل مره عليه تحمل هذا العذاب بعينه يود لو يأكلها وهى تشبة حبة الكرز .
زين اقترب لتكون شفتاه بمستوى اذنها : انتي عاديه بين الملايكة مش البشر .
تقابلت عيناهم في نظرة طويلة انفاسهم اختلطت لقربهم الشديد .
نواره : شكرا .
اومأ زين وعيناه مثبتة على عسليتيها .
نواره : على اللى عملته مع مرات ابوي .
نظر لها بإستغراب وهى تنهض اخذت حجابها لتقف امامه تعدل ثيابها .
نواره : ممكن انزل اجعد معاهم ؟
زين بهدوء عكس النيران المندفعة بداخلة من تصرفها الغريب : لا .
نواره : ليه ؟
زين : لو زهجانة افتحي التلفزيون وانا هنام شوية .
نواره : طالما انت هتنام انزل .
زين : متعليش صوت التلفزيون .
-------------------------------
خرج عمرو من احدى الغرف يعدل ثيابه .
حمد بخبث: حلوة .
عمرو بضجر : ولا شفته كاني كنت نايم مع عبدالعزيز .
حمد بتقزز: يادي الجرف ياوداد وداد .
وداد بدلع : امرك ياعمرو بيه .
حمد : انا اللى ندهت مشيفاش ؟
وداد بملل: لا ازاي امرك يا ح..م..د. بيه .
حمد : احنا جايين نعدل مزاجنا ونروج ولا نتعكنن .
وداد : ما عاش ولا كان .
حمد : ازاي مانتي واجفة كيف الجرد اه .
جلست وداد بجانب عمرو وتحدثت بدلع : انا اجدر ازعل سيد الناس عمرها حصلت ياسي عمرو .
عمرو بغرور : خلاص ياحمد مش ذنب وداد المهم وداد عايزين صنف يعدل اللى عكرته بت الكل***ب دي .
وداد : امرك ثواني وتكون عندك .
ذهبت وداد بعدما جعلت عمرو كأنه احد ملوك العالم غبية تعتقد انه يفضلها تحبه حد اللعنه .
حمد : مش خايف احسن زين يعرف ان انت مروحتش الشغل .
عمرو بغضب: مش هيعرف ولو عرف ماهو جاعد في البيت هى حلال ليه وحرام على اللى جابوني .
حمد : اهدى ياصاحبي انا خايف بس عارف جالبت اخوك مبيفرجش معاه اللى جدامة من دمه ولا لا وبعدين زين عريس لسه متجوز امبارح بزمتك ينفع يسيب عروستة ويروح شغل .
عمرو : فكرتني ليه ؟
حمد بإستغراب : فكرتك بمين ؟
عمرو بوقاحة : بالفرس .
حمد : فرس؟؟؟
عمرو : فرسة وشكلها هتتعبني معاها .
---------------------------------
حازم : السعر ده ماينفعش .
كارم : ياحازم بيه انا بخاطر بشغلي عشان اعدي البضاعة عارف لو اتكشفت هيحصل معايه ايه ؟
حازم بلامبالاه: محكمة عسكرية اتهام بالخيانة سجن مش بعيد اعدام .
كارم : اكيد اعدام وانا مش هضحي بعمري عشان شوية فتافيت .
حازم بغضب : كل اللى هتعمله انك هتعدينا اسوان واحنا هنسلك طريجنا بعد كده.
كارم بإصرار : انا قولت اللى عندي راضيين كان بها مش راضيين هبقى اشوف الحكاية دي بعدين .
وضع حازم قدم على الاخرى ورسم على شفتيه ابتسامة وعينيه تتراقص امامها الشياطين .
حازم بهدوء: نبجى نشوف .
-----------------------------
صابر بغضب : واسكتلها ؟
سعاد بحقد : معلش ادينا خلاصنا منها وهى مره مش هتتكرر .
وفاء : عايز امك تعمل ايه ياصابر كان ناجص يطردونا انا وامك .
سالم : مش مهم اهى غارت وارتحنا من الوش .
سعاد : بس اتكتموا ابوك وعلي نازلين .
صابر : رايح فين يابوي ؟
مصطفى بضجر : المفروض بتي اتجوزت امبارح ولو مش هيدايج حد فيكم لازم اطمن عليها .
صابر : هندايج ليه ؟
علي : يلا يابوي بالله مش جادر استنى ثانية كمان .
سالم لنفسه : ياحنين .
سالم : اشمعنى واخد علي هى كمان اختنا وعايزين نطمن عليها .
مصطفى بغضب : يلا ياعلي يلا .
-----------------------------
نواره : زين يازين اوفففف زييييين .
عبس وجه زين من صوتها العالي ليفتح نص عينه تبا حتى غضبها يثيرة .
زين : صوتك عالي .
نواره بغيظ : بجالك خمس ساعات نايم العشا ادنت .
اعتدل زين جالسا .
نواره لنفسها : يخربيت ابوك حتى وانت صاحي .
زين : نواره !!!
نواره : هااا.
زين بخبث : هااا ايه بجالي ساعة بنده .
نواره : الاولى .
زين بإستغراب : اولت ايه ؟
نواره : الكدبه الاول اشمعنى انت تعد ليا وانا لا انت لسه ناده يعني مش بجالك ساعة .
زين بسخرية : تعبير مجازي يادكتور .
نواره : مليش فيه هه انت كدبت .
زين : الاولى الاولى عايزة ايه ؟
نواره : هو ابوي مش هيجي ؟
زين : مش عارف مكلمتهوش ليه ؟
نواره : نسيت الشاحن وفصل .
زين : خدي الشاحن بتاعي .
نواره : تلفونك غير تلفوني المهم اتصل بيهم ي...
اهتز هاتف زين يعلن عن وصول مكلمة .
زين : ابوكي .
نوتره بإندفاع : رد بسرعة واجولك متجلوش نواره هنيه .
اومأ بسخرية .
(مكلمة )
مصطفى : زين كيفك ؟
زين : بخير ياحج انت كيف حالك والجماعة ؟
التصقت نواره به واضعة اذنها على الهاتف لتسمع حديثهم ليبتسم زين من تصرفها الطفولي حقا انه هالك حالتها تتغير كل دقيقة رأى كل الشخصيات بها غضبها اللذيذ هدوئها ورقتها من يراها يقسم انها اميرة من العصر الفكتوري طفولتها وعفويتها و حيائها .
مصطفى : كلهم بخير .
زين : يدوم .
مصطفى : عليا وعليك ياولدي .
ابتعدت نواره بحزن لاحظة زين ليتفاجأ بها تأخذ الهاتف من يده .
نواره بغضب وجسد يرتعش : خلاص نسيتني مش مكلف نفسك حتى تسأل عليا شكرا ارتحت تمام جوي تمام شكرا يامصطفى ما انا كمالت عدد انا اساسا مليش غير علي هو حبيبي يلا روح شوفلك واحدة غير مخلاص انت رميت طوبتي وارتحت ماشي والله العظيم اقسم بالله ماشي هه والله لما تجيلي هه .
اعطت الهاتف لزين بعيون دامعة .
مصطفى : انا بليتك صح ؟
زين بصدمة : معروضة .
مصطفى : انا جاي في الطريق بس في كمين هعوج شوي .
زين : توصل بالسلامة وانا في انتظارك .
اغلق الخط ليتجه للمرحاض ليجدها جالسه على احدى المقاعد ضامة قدمها لصدرها دموعها تنزل بصمت اقترب منها ليقف امامها واضع يده في جيوب بنطالة المنزلي .
زين : نواره .
نواره : نسيني مسألش عليا .
انحنى زين ليكون بمستواها مد يده يمسح دموعها .
زين بنبرة دافئة: عمره ماهينساكي مشوفتش اب بيحب بته كيف ابوكي .
نواره : بجد ؟!
زين : جد الجد ابوكي جي بعد شوية غيري وانا هتوضى واصلي اللى فاتني وننزل ماشي .
اومأت نواره بإبتسامة رقيقة ثانية واتاهم صوت طرقات على الباب طرقات ضعيفة لكن زين علم هاوية الطارق
استوى على قدميه ليتقدم من الباب محرك المقبض للاسفل ليفتح الباب ويظهر هذا الصغير بهذا العبوس المحبب للقلب والعين .
زين : حسن .
حسن بعبوس طفولي : لسه فاكر ؟
التقطة ليستقر بين ذراعيه .
زين : كيف انساك انا ؟
حسن: من ساعت ماتجوزت وانت نسيني .
رفع زين احدى حاجبية : من ساعت ماتجوزت الفرح كان امبارح ياحسن .
حسن : اتغيرت ياخال اتغيرت .
زين : طب مش عايز تشوف العروسة ولا؟
حسن : ولا ايه لا عايز اشوفها .
انزله والتفت لنواره التى تتابع المشهد من البداية اخذ يتقدم منها ويمسك بيد حسن ... حسن ذاك الطفل تعبير وجه عندما وقعت عيناه على نواره توقف القلب من كثرة الضحك .
زين :حسن ود اختي مريم .
جلست نواره لتفتح يدها لحسن محتضنه اياه تبا هى تعشق الاطفال حتى انها تخصصت في طب الاطفال .
نواره بإبتسامة رقيقة : حسن اسمك حلو زيك انا نواره حسن مالك ؟
حسن : ايه ده مش جليل انت بردوا ياخال انتي جميلة اوي .
انهى كلامة بغمزة .
زين بغضب مصطنع : ولاه انت بتعاكس مراتي نهارك اسود .
حسن بخوف :ياخال اهدى بعدين نهار ايه اللى هتخليه اسود دا احنا العِشا مش كفاية بتكدبوا عليا .
زين :كدبنا ؟
حسن : ايوه كدبتوا كل دا مفهمني ان اللى تحت دول ستات وطلعنا جعدين مع غفر .
زين : يعني امك مش عجباك ؟
حسن : مش جصدي انت عايز توجعني ف الغلط وخلاص انا جصدي ان هما حلوين بس نواره احلى بكتير نواره بجولك .
نواره :ايه ؟
حسن : تعرف الشكشك ؟
نواره بإستغراب :ايه ؟!
حسن : قلبظ بجنية .
انهى حديثة واضع قبلة سريعة على وجنتها هاربا بعدها من زين لترتمي نواره على الاريكة من كثرة الضحك .
------------------------------
يتبع...
Part14....
زين بهدوء مرعب : زيادة .
حازم بغضب : حاولت معاه ابن الجزم**ة عاوز زيادة بروح ام**ه .
زين : حدد معاه معاد بكرا .
حازم : احدد بس انت هتعمل ايه ؟
زين مغير الموضوع : عملت ايه في موضوع نواره ؟
زفر حازم بملل: نفسي اجولك سؤال وترد عليه مفيش يومين بالكتير وكل حاجة تبجى عندك .
زين : بكرا .
حازم بذهول : كيف جالولك عليا ساحر الصبر من عندك يارب هتعمل ايه مع الزفت اللى في المخزن ابن الك**لب هو اللى طلع اسرار اخر شحنة للحكمه لولا عندنا معارف في الاداره كنا رحنا في داهية .
زين ببرود : بكرا هيبجى يوم طويل جوي يلا الجماعة مستنين برا .
-----------------------------
احمد : ياحجة في موضوع عايز افتحك فيه واهل البيت كلهم موجودين .
كريمة : موضوع ايه؟
حازم بمزاح : السلام عليكم .
محمد : جيت مِتى ؟
حازم : محدش يتوقعني ياخوي اتاخر عايز اجعد .
جلس حازم بجوار محمد وزين على مقعدة المعتاد وبجواره نواره وكريمة .
نوراه : هوا فين حسن ؟
مريم : نام نوم الظالم عبادة بجاله اسبوع بيتحجج بالفرح ومرحش المدرسة .
حازم : الواد دا نبغة زي عمه .
كريمة : ياريت يكون نصك .
حازم : تصدجي بالله لو مش خايف يتعمل علينا جزء تاني من العشق الممنوع كنت خدتك وهربت .
احمد بضحك : يخرب عاجلك ناسيتني كنت هاجول ايه .
ملك : ادينا كلنا متجمعين .
احمد : سالم زيدان .
زين : ماله ؟
احمد : طلب يد ملك .
ملك بجدية : وانا مش عايزة .
احمد : ليه سالم الف من تتمناه ؟
ملك : خاليه يشوف واحدة من الالف انا لع .
كريمة : ردي على اخوكي عدل .
ملك : تمام انا مش عايزة اتجوز .
سحر بخبث: ليه ياملك تميتي ٢٣ سنه واخر سنه ليكي في الجامعة رافضة ليه ؟
ملك بعصبية : ملكيش دعوة .
هبه : يعني سحر غلطانة انها بتوعيك ؟
ملك : ياستي خاليها توفر النصايح ليكي .
هبه بإرتباك : انا لسه مجاليش حد كويس .
ملك بدموع : زين شوفهم طب جولي انتي حاجة يانواره .
امسك يدها وتحدثت نواره : محدش يجر يجوزك غصب لو مش عايزاه خلاص .
احمد بغضب : لا بجى في إنه .
ملك : جصدك ايه ؟
استوى على قدمية ليتقدم منها امسك بمعصمها بشدة ليوقفها وسط انفعال الجميع وهدوء زين او كما يقولون بروده القاتل .
احمد بغضب : لتكوني بتكلمي حد ؟
حازم بعصبية : بعد يا احمد سيبهى من مِتى بنمد يدينا على ...
احمد : نمد لو كانت فاج...
زين ببرود : اوعك ... اوعك تنطجها .
احمد بتوتر : زين مش شايف انا خايف يكون حد ضاحك علي.....
زين : بعد يدك عنها .
سيدة بخوف : زين بيه الحج مصطفى برا .
استوى على قدمية لستقبل مصطفى مار بجوار ملك التى اجهشت في البكاء ليطبع قبلة دافئة على جبينها .
زين : اطلعي اوضتك .
اومأت له بطاعة .
نواره : ممكن اطلع معاها .
زين : مريم خدي اختك .
مريم : يلا ياملك .
اخذت مريم ملك واتجه زين للخارج .
كريمة بقوة : حصليهم ياسحر انتي واختك .
تحركت سحر ومعها هبه وتوقفت امام نواره لتتحدث بسخرية .
سحر بإبتسامة شامته : تصبحي على خير ياوش السعد .
كريمة : تعالي يابتي اجعدي في ريحي .
محمد بهمس : حازم مالك وجف رجليك اللى بتهزها دي .
حازم بضيق : مفيش حاجة اديجت مالي حصل بس .
رفع عينيه لتتقابل مع عينا كريمة ادرك ان تصرفاته فضحته ليلعن ذاته بنفس الوقت الذي دخل به زين معه مصطفى وعلي .
زين : اتفضل ياحج اتفضل ياعلي .
مصطفى : يزيد فضلك ياولدي .
هبت نواره لتقف امامهم ارتمت بين ذراعي والدها .
نواره : اتوحشتك .
مصطفى : انا اللى اتوحشتك يانوارتي ودنيتي وكل حاجة مع اني منسيتش اللى جولتيه .
نواره : كنت مخنوقة وعايزه ابكي اول يوم مشفكش عارفة زين انك متنسنيش .
علي : ملناش ف الحب جانب ولا ايه ؟
ابتعدت عن مصطفى لتقابل ذراعي اخيها المفتوحه لها لتعانقة .
نواره : بسعادة انت الحب كلوا .
كريمة : اتفضلوا ياجماعة مش هتفضلوا واجفين كده.
جلسا كل من زين ومصطفى وعلي بجانبه نواره .
مصطفى : كيفك ياست الناس .
كريمة بإبتسامة : بصحة وخير ياحج نحمده.
علي : يدوم ياحجة .
كريمة : عليا وعليك ياوالدي .
احمد : نورتنا ياحج .
اومأ مصطفى : انت محمد واد غريب الكبير صح.
محمد : ايوه انا ودا حازم.
مصطفى : عارف حازم كيف ياحازم ...حازم ؟
حازم : اممم كنت بتجولي حاجة ياحج ؟
مصطفى : كيفك دماغك فين ؟
حازم : بخير بس المشاغل .
ظلوا يتسامرون مره بالحديث عن العمل ومره عن احوال البلد وعن طفوله نواره وعلي بعد مده نهض مصطفى وعلي واستأذنوا بالمغادرة و نواره التي تحاول إخفاء دموعها .
تنهد حازم واقفا : انا همشي يازين عايز حاجة ؟
زين : لا .
حازم : تصبحوا على خير .
كريمة :وانا هطلع وانتوا يلا كل واحد على اوضته .
اتجهوا لغرفهم تاركين زين ونواره .
نواره بإرتباك : هو ينفع اشوف ملك ؟
زين : بكرا هتلاجيها نامت يلا احنا كمان ننام .
صعد زين تاركا نواره في بهو البيت .
عمرو : تؤتؤ ينفع يطلع ويسيب الجمر دا اخوي جاسي جوي جوي .
التفتت له لتذعر من حالته شعره غير مرتب وكذلك ثيابه وعينيه حمراء كالدماء ورغم المسافة بينهم اللى ان رائحته الكريهه وصلت لها لتنظر له بشمئزاز وتغير وجهتها تريد المغادرة اللى ان يديه منعتها لتنظر له بغضب من جرأته.
نواره بصوت منخفض: اتجنيت كيف تلمسني بعد .
عمرو بسُكر : ولو مبعدتش .؟
نواره : ايه الجرف ده انت مش في واعيك بعد .
عمرو : اممم انا وزين واحد وانا صغير غادت كل اللعب بتاعته مش هيزعل لو خدتك هااا .
نواره بخوف : سبني والنبي ياعمرو .
عمرو بإبتسامة واسعة : اسمي حلو من شفايفك .
ازاحته نواره بكل قوتها وفرت من امامه تقسم انها لم تكمل الدقيقة حتى اصبحت في الغرفة وضعت يدها على قلبها عندما سمعت صوت من المرحاض يعني ان زين بالداخل دلفت للجزء الاخر من الغرفة اخذت ملابس مريحة تتكون من بنطال وستره بالون الزيتي وفردت شعرها ليأتيها صوته اتجهت ناحيه الباب لتفتحه .
نواره : اسفة كنت بغير .
زين لنفسه : بتصعبيها جوي يابت مصطفى .
زين : الغطا والمخدة .
نواره : ثانية .
التفتت لينحني زين يتطلع عليها بخبث .
نواره : تحب تنام انت هنيه ؟
اعتدل زين ليردف : معنديش مانع .
وقفت امامه نواره وهى تحمل الغطاء والوساده .
نواره بإبتسامة : تمام انا هطلع برا تص...
زين : لا ما انا لو هنام هنيه هتنامي معايا .
نواره بصدمة : كيف عاد لا مانامش معاك .
اخذ زين الغطاء والوسادة من يدها .
زين : خشي نامي الله يرضى عنك يانواره .
------------------------------
(المستشفى )
فرحة بدموع : ياولدي جولتلك ابعد عن زين …زين مش سهل بكفاياك .
عز بعصبيه : يعن ايه مش سهل كيف عايزاني اسكت بعد اللى عاملة فيا دا خلاني ممسحة بين الناس وانا مش هسكت ويبجى يشوف الغجري هيجيبة راكع على رجليه.
فرحة بخوف : ياولدي زين المرة دي سابك المرة الجاية مش هيسكت اللى لما يطلع بروحك لازم تنسى اللى فات انا مليش غيرك ياحبة جلبي .
رمقها عز بنظرة غاضبة من حديثها وخوفها من زين.
عز لنفسه : بكرا اخليك تمشي ف البلد موطي راسك يازين دا لو عرفت تمشي ف البلد.
-------------------------------
(مصنع مهجور )
ظهر حازم بحالة مرعبة كأنه كان يسبح في بحر دماء يجلس على مقعد خشبي تبا لقلبه لم يتحمل غضبة اتى ليفرغة في جسد هذا الخائن الذي اشفق عليه حقا كان حتى الشياطين تشفق عليه من مظهره .
طاهر : حازم بيه نفكه شكله هيموت .
حازم : ولع سجارة .
طاهر بإستغراب : تحت امرك .
اخذ حازم منه (السجارة) ليتقدم من الجثة الهامدة المعلقة امامه .
حازم : ربنا بيحبك عشان انا اللى جيتلك مش زين .
سيد بشبه فقدان للوعي : والله يابيه هددوني انهم هيحبسوا مرتي وامي مجدرتش ماجلهمش ارحمني .
حازم : ربنا بس اللى بيرحم لكن انا عبد كفاية عليك كده ادعي يمكن ربنا يستجيب وياخدك جبل مازين يجيلك ويتفنن .
انها كلامة احتضنت (السجارة ) شفاتيه ليكمل طريقة للخارج .
-------------------------------
نواره بصدمة : يعني جدك كتب كل حاجة لزين ؟
ملك : ايوه كل حاجة .
نواره بإستغراب : وليه مكتبهاش بإسم احمد ولا عمرو .
ملك : ابوي مات وانا وعمرو صغيرين وعلى حسب ماعرفت ان جدي علم زين كل حاجة خلاه نسخة منه عشان كده ومرضيش يكتب لاحمد عشان طيب مش هينفع يكون كبير عيله ولا مراته .
نواره : انا معرفهاش بس مرتحتش معاها .
ملك : لازم ماترتحيش دي حرباية هى واختها تعرفي اخوي صعبا عليا جوي صعبان على كل البيت .
نواره : ليه ؟
ملك : هو بيحبها وهى بتستغل ده غير انه مش بيخلف عنده عقم حاول يعالجة ومفيش فايده وهى محسساه انها بتعمل معروف عشان لسه جاعدة معاه .
نواره بحزن : ربنا يرزجة زعلتيني المهم انا جيت اطمن عليكي ايه اللفه اللى خدتيني فيها دي .
ملك : عادي انا كل يومين كده احمد عايز يجوزني وانا مش رايده بس امبارح زاودناها تعرفي يانواره انا كل يوم بحمد ربنا انه رزجني بزين هو الوحيد اللى فاهمني تصدجي اني كنت بنام في حضنة لحد ما وصلت ل٢ اعدادي بعدين امي زعجتلي وجالتلي لازم انام لوحدي عشان كبرت .
نواره بإبتسامة : ربنا يديم حبكم لبعض.
ملك : يارب امال هو فين ؟
نواره : مش عارفة صحيت ملجتهوش .
-------------------------------
عبد العزيز : زين بيه الحكومة وصلت .
زين بإبتسامة جانبية ساخرة: اهلا بالحكومة.
--------------
يتبع........
Part15....
عبدالعزيز : زين بيه وصل .
زين : داخله .
حازم بسخرية : الحكومة وصلت .
زين بسخرية : اهلا بالحكومة .
دلف كارم للمكتب ويقسم لو النظرات تقتل لكان مات جالس خلف مكتبة يرمقه بتلك النظرات الجحيمية يمسك بيده سلاحه الخاص المرصع بالذهب الخالص لم يتحدث اشار له بالجلوس .... جلس وقلبه يخفق بقوة من الخوف يجلس مقابلة حازم يرمقة بنظرات ساخره وكأنه يشمت ويقول له انا كنت رحيم تحمل القادم .
كارم بإبتسامة مرتبكه: مبروك على الجواز والله لو اعرف كنت ا....
زين ببرود مرعب : كنت عايز ايه ؟
كارم: انا قولت لاستاذ حازم طلبي .
حازم لسخرية : كوكي زين واحشة صوتك عايز يسمعه جوله كنت عايز ايه .
ضحك كارم بإرتباك ليخفف حده الموقف : لو على كدا ماشي انا كنت عايز زيادة يعني انا بعرض نفسي للخطر عشان امشي شغلكم .
زين بإبتسامة جانبية : تفتكر اللى بتاخده جليل عايز زيادة عن ١٠ ايه ؟
كارم : البحر يحب الزيادة اي حد مكاني هيعمل كدا انا هطلع معاش بعد كام شهر لازم أامن مستقبل عيالي .
حازم : طماع ياكوكي طماع .
زين : وانا موافج عايز زيادة كام ؟
كارم بفرحة : يعني كلك زوق اعتبرها نهاية الخدمة .
زين : نخليها ٢٠ .
حازم بصدمة : زين .
زين : مبحبش استنى كتير .
كارم : موافق اكيد موافق .
زين : تمام هيوصلك ١٠ جبل العملية ١٠بعد .
كارم : طب التفاصيل .
حازم بغيظ : يوم الخميس .
كارم : تمام طب الساعة هعديها من اي كمين التفاصيل دي .
زين ببرود : كل ده هتعرفه جبليها بساعات .
كارم : تمام تمام طب انا استأذن .
خرج كارم بفرحة عارمه .
حازم بغضب : ليه يازين ليه الفلوس مش فارجه معايه بس ليه تخلي ابن العاي**بة يمشي كلمته علينا انا جولتله انت هترفض .
زين : خاليه يفرح يومين الجاي صعب .
حازم بإستغراب : اللى جاي صعب .
اومأ زين بسخرية .
حازم : هتوحشك ياكوكي ... زين كنت عايز اسألك على حاجة .
اراح رأسه على المقعد واغمض عينيه .
زين : اسأل .
حازم بإرتباك : عملت ايه في موضوع امبارح ؟
زين : موضوع ايه ؟
حازم : جصدي موضوع اختك .م..ملك يعني هى بردوا في مجام اختي .
زين : وافجت .
حازم بإستغراب : وافجت على ايه ؟
زين : وافجت على سالم .
حازم بصدمة وتسرع : يعني ايه وافجت ازاي توافج زين انت اللى خاليتها توافج عليه صح ؟
زين بنفس الهدوء : هى اللى وافجت على سالم .
وقف حازم بغضب : اكيد حد غصبها احمد هو احمد انت اكيد مش هتوافج .
رمقة زين بسخرية .
زين : وليه موافجش سالم جدع وهيحافظ عليها .
زفر حازم بغضب : زين دموعها كانت على خدها امبارح كيف هتوافج النهارده .
زين : ايه اللى مدايجك مش فاهم .
حازم بحزن : زي ماجولتلك ملك كيف اختي .
زين : اختك تمام اجعد خالينا نكمل .
حازم : مش جادر صداع هيفجر نفوغي .
زين : خلاص روح .
اتجه حازم للباب ليخرج منه لكنه توقف ليلتفت لزين .
حازم : اه صح متروحش المخزن الواد مات وموضوع نواره بكرا كل حاجة تكون عندك .
اومأ زين له ليخرج الاخر .
---------------------------------
كريمة : ماشي يازين لما تجيلي.
نواره : مالك بس ؟
كريمة : ينفع يسيبك كده لساته عريس بدل ما يستريح شوي يروح الشغل .
سحر بخبث : شكل نواره مش مريحاه .
هبه بضحك : اه صح الناس هتجول ايه لما يعرفوا ان العريس راح شغله من تاني يوم تاني يوم بس .
كريمة : نواره كيف البدر المنور اكيد مشي عشان حاجة مهمه واللى مكنش ساب الجمر .
ابتسمت نواره لدفاع كريمة .
نواره : هى فين ملك ؟
كريمة : طلعت تنام من بدري .
نواره : طب انا هطلع .
كريمة : تصبحي على خير يابتي .
نواره : وانتي من اهلة .
صعدت نواره الدرج متجه لغرفتها لكنها تفاجأت بيد تسحبها وتدخلها احد الغرف .
عمرو : الجمر رايح فين ؟
نواره : انت شكلك اتجنيت والله العظيم لو مابعدت لهصرخ والم عليك البيت كله .
عمرو : وماله صرخي انا واحد جاعد في اوضتي دخلتي علي وانا اتفاجأت بتعملي ايه يامرات اخوي لجيتك بتصوتي وبتلمي اهل البيت انا مش عارف انتي ليه بتعملي كده .
نواره بصدمة : محدش هيصدجك .
عمرو : تفتكري هيصدجوكي انتي نواره انتي هنيه من يومين بس .
نواره : عمرو انا ...
عمرو : الله تصدجي اول مره اعرف ان اسمي حلو عيون عمرو .
نواره : انا مرات اخوك انا مرات زين .
ضغط على خصرها بقوة .
عمرو بغضب : اسمعي انا غير اخوي انا احسن منه الف مره وهيجي اليون اللى هتكوني فيه في حضني معايا على سرير اخوي ...
لم ينهي كلامة بسبب تلاقيه صفعة ازاحته عنها بغضب ليسقط على الارض يطلعها بغضب .
نواره : اوعاك تيجي في طريجي تاني صدجني مش هيعجبك اللى زين هيعمله فيك ولو مصدجوش حديدي انا ليه اهل .
انهت كلامها لتخرج من غرفته .
عمرو : ماشي يابت مصطفى بس ماله احب الصعب ورحمة ابوي لجيبك تحت رجلي ووريني سي زين هيعمل ايه .
---------------------------------
حازم بغضب : غوري من وشي .
اخذ يحطم كل مايقابله بغضب وتلك الفتاة منكمشة حول نفسها على السرير خائفه منه ليفتح الباب وتدلف منه وداد بصدمة .
وداد : في ايه ؟
هرولت الفتاة لتختبأ خلفها .
الفتاة ١ بخوف: معملتش حاجة ياست وداد احنا كنا تمام ولسه هيقرب مني لقيته قام زي الاسد و...
امسك حازم بعض خصلات من شعرها بقوة .
حازم : مش قولت ياروح ام***ك غوري من وشي ايه مواجفك .
ابعدته عنها وداد لتأمرها بالذهاب سريعا .
وداد : يا استاذ مينفعش كدا انت هنا عشان نروقوك فك كدا .
حازم : اسمعي ياواليه عايز اي حاجة مالي بتديها للمعتيه اللى بره دول مش عايز اشوف جدامي .
وداد : اومرك بس كل حاجة بتمن .
اخرج حازم حزمة نقود ورماها على الارض واتجه للسرير ليرتمي عليه ويمض عينيه الالم يكاد يفتك به قلبه يألمه بشدة انحنت وداد لتمسك بالنقود بذهول رفعت نظرها لتقابل هذا ... تبا كتله الرجولة الماثل امامها لم تراها قد افاقت على صوته الرجولي الغاضب .
حازم : انجزي مش وجت تتأملي في .
وداد : انت مين اول مره تجيلي صح ؟
اعتدل حازم : انتي عايزة ايه فلوس وخدتي هاتيلي طلبي ولو عايزة زيادة هديكي .
اتجهت ناحيته بغنج واخذت تمرر يدها على صدره العاري لكنه مسك معصم يدها بقوة المتها .
حازم بشمئزاز: بجرف منكم تجيبيلي طلبي وهغور واوعي تفكري اللى بتعمليه دا هيفرج معايا .
وداد بدموع : اومرك الحاجة هتكون عندك احسن صنف عندي للبهوات اللى زيك بس .
انهت كلامها لتخرج .
------------------------------
كريمة : الورد هل الورد هل .
زين بضحك : خبرك ايه ياكريمة ؟
كريمة : ينفع تسيب مرتك من تاني يوم جاي البيت يابن حسن الساعة ١ .
زين : غصب عني والله اللى مصحيك لحد دلوجتي ؟
كريمة : مجاليش نوم جولت استناك اصحي سيدة تجهزلك الوكل ؟
زين : لا كلت في المكتب عايز انام بس نواره نامت .
كريمةبخبث: طلعت من العشا بس مش عارفة نامت ولا لا .
زين بسخرية : طب يلا ياحجة ننام .
اخذ زين يد والدته وصعدوا الدرج وسط ضحكاتهم انحنى زين طابع قبلة على يد والدته وعلى جبينها.
كريمة : تصبح على خير ياعيني .
زين : وانتي من اهلة .
اتجه لغرفته اخر الممر دلف للغرفة بتعب ليذهب للمرحاض لكنه وقف بصدمه عند رؤيته لنواره ساجده تبكي بحرقة وشهقاتها تزداد ظلت على هذا الوضع اكثر من ١٠ دقائق حتى انهت صلاتها ليرتخي جسدها على الارض ضامع نفسها كالجنين لم تشعر به في الغرفة لكنها ذعرت عندما احست بيدين ترفعها عن الارض نظرت له بعينيها المليئه بالدموع لم ينظر لها فقد اتجه بها للسرير واضعا ايها برفق اولاها ظهره ليتجه للخزانه مخرج منها ثياب مريحة وذهب للمرحاض وسط استغرابها من تصرفة ارخت جسدها على السرير دموعها تنزل بصمت حتى شعرت بيديه تلتف حول خصرها .
زين : مالك ؟
نواره بخجل : ممكن ت ....
زين : مالك يانواره حد زعلك ؟
التفتت له ليأخذها بين احضانه يمرر ابهامه على وجنتيها .
نواره بشهقات وبكاء ازداد : اول م..مره تجيييلي اول مر.....
زين بقلق : اششششش اهدي مين اللى اول مره تجيلك ؟
نواره : اممي امي حلمت بيها لأول مره .
زين : اهدي هو كان عفش ؟
نواره : مش عارفة ؟
زين : لو عايزة تحكي انا سامعك .
نواره : كانت واجفة على الشط لابسه فستان فرحي انا معرفش شكلها بس هى شبهي بس شعرها كيف مجالي ابوي وعندها حسنة فوج شفايفها مدت يدها ليه جريت عليها خدتني في حضنها وفضلنا جاعدين على الشط لحد الغروب ..
زين بفضول : وبعدين ؟
نواره : جامت وسابتني حولت احصلها بس كني مشلوله وانت جيت .
زين : انا ؟!
نواره : ايوه مسك يدي وجومتني و...ويعني .
زين : كملي يانواره .
نواره بخجل وهمس : انت كنت عايز تبوسني .
ابتسم زين بخبث : وماله وبعدين ؟
نواره : ملحجتش في حاجة كيف الحنش جرصتني بس انت اللى اتحولت كان شكلك يخوف اوي يازين .
زين : متخفيش دي كلها هلاوس نامي وانا هطلع انام برا لو عوزتي حاجة اديني صوت .
نواره : ماشي شكرا .
زين : لا شكر على واجب ياباشا تصبحي على خير .
نواره بإبتسامة : تصبح على جنه .
--------------------------------
ملك بذعر : انت مين بعد عني ب امممممممم .
وضع يده على فمها واعتلاها ليدفن رأسه بعنقها .
حازم بسكر : وافجتي ؟
ابعد يده لتنظر له بصدمه عندما واضحت لها الرؤيه في الظلام .
ملك بصدمه : حازم ؟!
انحنى ليلتهم شفتيها في قبله عنيفة ليبتعد عنها لشعوره بحاجاتها للهواء امسك فكها بقوه .
حازم بغضب : وافجتي هااا سالم عاجبك .
ملك ببكاء حاد : حازم والنبي بعد لو حد عرف ان انت هنيه هيجتلونا والنبي ب....
حازم : وافجتي ؟
ملك : وافجت على ايه حازم انت مش في واعيك بعد انت بتخوفني .
انحنى ليغرس انفه في شعرها يستنشقه وكأنه الهواء الذي يتنفسه .
حازم بحزن : اوعاكي تجبلي ياملك ورحمة امي اولعها انتي ملكي بتاعتي انا بس انا غلطان اني سبتك كل ده بس خلاص هتكوني ملكي جريب اوي .
انهى كلامه ليطبع قبلة اخرى لكنها تختلف حملت كل مشاعرة ابتعد هنا ليجدها تغمض عينيها .
حازم بهمس : الباجي هخليه بعد الجواز .
--------------------------------
يتبع......
تكملة الروايه من هنااااااااااا
تعليقات
إرسال تعليق