 |
رواية صغيرتي نور الفصل الرابع والاربعون بقلم هدير
عز الدمنهوري :بتقول ايه ابني انا اتجوز
احد حراس مراد:اه والله ياباشا وقص له كل ما حدث.
عز بغضب :تاااني البنت دي تاني ابني دخل في المشاكل بسببها تاني.
الحارس :تحب نعمل اي حاجه يا باشا
عز الدمنهوري :لا انا اللي هعمل بنفسي ابعتلي بس العنوان اللي انتوا فيه وانا هبقي عندكم من الصبح
أعطاه الحارس العنوان
أغلق عز الدمنهوري الهاتف وهو غاضب بشده.
جلس يفكر ويفكر فيما سيفعله حتى يخرج نور بشكل نهائي من حياة مراد معتقدا انه بذلك يحمي ابنه من آلم العشق والفراق
لمعت عينه بخطة خبيثة توصل لها بعد تفكير عميق
والدة مراد :مالك يا عز شكلك مبسوط كده ليه
عز متصنع الفرحة:مش هتصدقي ابنا مراد اتجوز
والدة مراد:يا نهار ابيض من غير ما يقولنا ولا ياخد رأينا
عز:اهدي اهدي هفهمك
قص لها كل ما يعرفه
والدة مراد:صدق انا كان نفسي البنت دي تكون من نصيب ابني والله فرحتني
عز :وانا كمان فرحت جدا وعلشان كده قررت اني ازورهم بكره ونباركلهم بنفسنا
والدة مراد:فكره جميلة اوي يا عز
عز :طب يلا جهزي الشنط وانا هعمل تليفون احجز بيه على أول طيارة رايحة باريس
فرحت والدة كثيرا لهذه الاخبار ولكنها لا تعلم ماهي نوايا زوجها الحقيقية
في باريس
مراد :كلي يا نور ده الاكل الصحي ليكي.
نور :لا انا زهقت انت عمال تاكلي بيتزا وزنجر وبرجر وانا باكل اكل مسلوق ولا في حتي ملح
هي الناس دي مفيش توابل عندهم ولا اي
ضحك مراد على طريقتها وخفة ظلها
مراد :طب قوليلي حابه تاكلي ايه
نور:امممم بيتزا وبيبسي
مراد :بيتزا ماشي لكن بيبسي مستحيل ولا عايزه تعقدي هنا سنة
نور :خلاص بلاها بيبسي هات البيتزا
مراد :عايزاها ب ايه
نور:اشك انك تلاقي اللي انا عايزاه
مراد :طب جربي
نور:بص عايزاها بالمشروم مع الزنجر مع خضار متغرقة بالجبنة
مراد:بس كده
نور:انا عايزه كل ده في بتزايه واحده يعني مش عايزه واحده بالمشروم ع واحده زنجر لا لا عايزه كل ده في بيتزاية واحده
مراد:طلبك صعب للأسف
نور:خلاص هات بالخضار وخلاص
مراد :تمام
نزل مراد الكافتيريا واستأذن الشيف انه يدخل يعمل البيتزا بنفسه مقابل انه يديله مبلغ معين ووافق فعلا الشيف.
بدأ مراد يعمل البيتزا زي ما نور طلبت بالظبط
جهزت البيتزا وخدها مراد وطلب اتنين عصير وطلع عند نور
نور:ساعة بتجيب البيتزا
مراد :مانا طلبت اتنين جبت لنفسي معاكي
نور:قلوده اوي انت
مراد :اي قلودة دي والله اخد البيتزا وارجع واجبلك اكل المستشفي
نور :بهزر معاك يا عم متبقاش قفوش
مراد:اهو كده
فتحت البيتزا وفرحت جدا لما لاقيت طلبها
نور :دي زي مانا عايزه بالظبط ثم اخذت قطعه وبدأت تاكل.
نور:الله تسلم بجد ايد الشيف اللي عملها اهي البيتزا دي عمري ما هنساها ابدا
مراد :عجبتك بجد
نور:انت عندك شك انها تجنن
مراد:لا حلوه
نور :حلوه بس قول تحفة ولا انت غيران من الشيف
فرح مراد انها اعجبتها البيتزا
ظل مراد يراقبها وهي تأكل
خلصت نور البيتزا بتاعتها ومراد عامل نفسه بياكل نور بصت عليه لاقيت ازيد من نص البيتزا في العلبة لسه
مراد واخد باله منها بس عامل نفسه بياكل
قامت نور قعدت جمب مراد
نور :مراد انت شبعت
مراد بضحكة حاول يخفيها :لا لسه باكل
نور:طب انا هساعدك علشان تشبع وقامت واخده من قدامه قطعة بيتزا
مراد :يا نصابة
نور :انا قولت اساعدك بس ياعم متفهمنيش صح
فضلوا ياكلوا لحد ما فضل قطعة واحدة
مراد مسكها
مراد:يلا يا شاطرة الاكل خلص
نور:هات قطمة طيب
مراد بضحك :قطمة واحده بس
مراد أكلها قطمة والبيتزا في ايده وهو خد قطمة فضلوا كده لحد ما خلصت
مراد:اول مره اخد بالي انك بتاكلي كتير كده
نور :قول ما شاء الله
مراد :ماشاء الله خايفه من الحسد ياختي
نور :طبعا فين العصير خلينا نهضم الاكل.
مراد:كمان عصير
وصلوا اهل مراد الي المستشفى
الفصل الخامس والأربعون بقلم هدير احمد
في هذه اللحظة وصلوا اهل مراد الي المستشفي
عز الدمنهوري :لاحد حراس مراد غرفتهم فين
دلهم احد الحراس علي الغرفة
دخل اهل مراد الي الغرفة بدون اذن
وتفاجئوا عندما وجدوهم نائمين
كانوا نايمين علي الكنبة ونور ساندها دماغها علي كتف مراد
والدة مراد :تعالي نخرج دلوقتي وسيبهم نايمين
عز :لا ابني وحشني وعايز اسلم عليه
والدة مراد :طب ما هو واحشني انا كمان وخلاص اتطمنا عليه وزي الفل اهو
تعالي بقي متبقاش رخم
عز اغلق الباب بقوة حتي يوقظهم وبالفعل استيقظ مراد وانتبه لنور النائمة علي كتفه فحملها برفق ووضعها علي السرير لترتاح ثم خرج من الغرفة
ليتفاجئ بابيه امامه
مراد بدهشه :بابا ماما
احتضنته والدته
والدة مراد :وحشني يا حبيبي عامل ايه
مراد :انا كويس بس خير ايه اللي جابكم
بابا امورك بخير في مصر صح
عز الدمنهوري:اطمن يابني بخير انا بس عرفت اللي حصل معاك الفتره الاخيره فقولنا نيجي نطمن عليك ونبارك
رأي مراد السعادة علي وجه ابيه وامه فلم يشاء ان يحزنهم ويقول لهم حقيقة زواجه بنور
فكان يتمني بداخله ان يتحول هذا الزواج الي واقع
مراد :طيب يابابا هخلي حد يوصلكم لبيتنا علشان ترتاحوا
عز الدمنهوري:احنا كده كده كنا رايحين بس قولنا نطمن عليك الاول
سلملي علي نور كتير ومتزعلهاش يا مراد
مراد :حاضر يابابا الله يسلمك
والدة مراد :وانا كمان يا مراد
مراد :من عيوني يا ست الكل
انصرف اهل مراد ولا احد يعلم ما الذي يخطط له والد مراد فهو لا يحب نور ولا يريدها
اذا لماذا يتصرف بكل هذا الود
دخل مراد عند نور وقعد علي الكنبه يقلب في تليفونه لحد ما غلبه النوم ونام
مر اسبوع علي هذا الحال وكانوا اهل مراد يعاملون نور بكل ود ومحبه ونور سعيدة جدا معهم وتتمني الا تتركهم ابدا
عز الدمنهوري:نور هتخرج النهاردة ان شاء الله يا حبيبي
مراد :اه يابابا هروح دلوقتي واخلص كل الورق ونسافر بكره ان شاء الله
عز الدمنهوري:تمام يا حبيبي
ذهب مراد متجهًا الي المستشفي
عز الدمنهوري متحدثًا مع احدهم علي الهاتف:ابعت الفيديو
مجهول :اوامرك ياباشا
عز الدمنهوري :الشريحة تتفتت مليون حتة والتليفون يتخفي من علي وش الارض
مجهول:حصل ياباشا
اغلق عز الدمنهوري الهاتف
عز:كده اقدر ارجع مصر مع ابني مراد وبكده اكون انقذته من وجع مكنش هيقدر عليه
جاء لمراد رسالة من رقم غير مسجل عنده ففتح الفيديو وتفاجئ بشده مما شاهد
تعليقات
إرسال تعليق