 |
علقتوا زينة رمضان عندكوا في البيت ولا لأ
رد بتوتر باين علهي وهو ماسكالموبايل وبيكتب على الكيبورد وبيبعتلها رسالة
عماد : اه اه علقناها
سارة : طب وريني شكلها
اتوتر اوي وبسرعة عمل سيرش في جوجل وجاب صورة كأنها على الطبيعة وبعتها ليها
سارة : اي طولت لي
عماد : معلش اخويا مكنش راضي يقعد عشان اعرف اصورها
سارة : ماشي حلوين اوي احنا لسا هنعلقهم
عماد : اه ماشي
سارة : اي رايك ننزل نتقابل
عماد ك اه طبعا امتى
سارة : بعد الفطار في الكافيه المفضل بتاعي
عماد : ماشي
وقفل الموبايل وهو فرحان وبعدين افتكر وقام بسرعة خد اسيتون من بتاع اخته ومناديل وراح قعد في اوضته وقفل على نفسه وبدأ يمسح ايده من عند العرق ويمسح جامد اوي لغاية م اختوا دلخت عليه
مريم : انت بتمسح الصليب من على ايدك
عماد : اصل...
#لقد_كان_كذب
#عائشة_نصر
اول فصل من الرواية صغنون لو عجبكوا هنزل التاني
مريم : إنت بتمسح الصليب من على إيدك
عماد : شش بابا هيسمعك أصل رايح أقابل بنت بحبها وهي مسلمة ومتعرفش إني مسيحي وخايف تعرف بحبها أوي يا مريم
مريم : تقوم تمسح الصليب
عماد : يا بنتي لما اجي هرسمه تاني أنا كدا كدا عندي حساسية ومش عامله وش*****م
مريم : أنا ملش دعوة باللي بيحصل دا إنت حر أنا خارجة
عماد : قام لبس وجهز ولسا رايح ينزل لقا فونه جايلة مسدج
فتح الفون لقاها بعتاله مسدج بتقوله انها تعبت ومش هتقدر تنزل
عماد : ألف سلامة مش مشكلة خير
سارة : معلش بقى تتعوض
عماد : أنا بس كنت متحمس أشوفك
سارة : أها وأنا يلا مش مشكلة مرة تانية
عدا اليوم على عماد وهو متحير يفكر ب عقله ويستحمل وجع قلبه ولا يفكر ب قلبه ويخسر كتير أوي
تاني يوم الصبح عماد صحي على فونه بيرن من الماسنجر
سارة : قووم عشان تلحق تصلي الضهر
عماد : قومت أهو يستي هننزل النهاردة
سارة : أه قبل الفطار نفطر سوا برا بقى
عند سارة كانت قاعدة بتكلم عماد ومبسوطة قلبها بيدق جامد أوي راحت قالت ل مامتها إنها هتنزل تفطر مع زميل لها في الجامعة مامتها عارضت ولكن قالتلها تاخد أختها الصغيرة معاها وسارة وافقت
بليل في الكافيه عماد قاعد مستني سارة أول ما جت شاورا لبعض وراحتله
عماد : دي أختك
شارة : أه ماما قالتلي أخدها معايا يلا ي مايا روحي العبي في الالعاب
مشت مايا وسارة قعدت وعماد قصادها
سارة : عماد أنا عايزة أقولك حاجة
عماد : أه وأنا كمان
سارة : طب يلا واحد...إتنين
عماد : أنا مسيحي..
سارة : أنا بحبك
يتبع.
#عائشة_نصر
#لقد_كان_كذب
الفصل الثاني معلش قصير بس عشان مش مركزة والصيام وكدا
عماد : أنا مسيحي..
سارة : أنا بحبك
عم الصمت المكان
سارة : يا عماد بقى مش أنا قولتلك معتش تهزر معايا كدا
عماد شمر كمه ووراها الصليب
سارة جسمها ارتجف وبدأت تتأتأ في الكلام
سارة : إنت بتتكلم جد
عماد: أنا أسف إني مقولتش من الأول
سارة : مينفعش أعرفك تاني معتش تتصل بيا
عماد : أستني بس أكيد في حل
سارة : لاا مفييييش أوعى معتش تكلمني تاني أبدا
سارة روحت بيتها وعملت بلوك ل عماد من كل حاجة وعماد كان طول الوقت بيحاول يوصلها من اكونتات تانية ورقم اخته بس هي مبتردش على حد خالص
بعد سنة
كان ماسك موبايله ونايم على السرير وفاتح فيسبوك وبيقلب فيه لقا فيديو ل عروسة بترقص مع جوزها بطريقة مرحة اتفرج على الفيديو وكان بيضحك على لطافتهم لغاية ما لمح وشها كشر ورجع ابتسم وضحك وقال
عماد : ربنا يوفقها وحسس على الدبلة اللي في إيده مكان خطوبته
تمت
أنا مكتبتش ف الرواية حاجة وحشة خالص لا وفي ناسكتير قالت ان نهايتها معروفة انه هيسيب دينه لكن مفيش حاجة من دي حصلت هما فرضوا النهاية ديوقالوا اني بكتب في الفتنة وحاجات تانية وحشة واتكلموا عني بسوء وانا مش مسامحة في رمضان اهو عموما انا خلصتها بسرعة عشان خاطر اكتم الناس اللي شتم*تني يا رب تكون حلوة دي مجرد هدف بسيط كدا يعلمنا أنه أولا مينفعش بنت ترد على اي حد يبعتلها من اي نوع سوشيال ميديا
مينفعش يبقى في حب بين اتنين من دينتين مختلفين الا لو البنت مسيحية والولد مسلم دا عادي
وبقول تاني انا مش كاتبة انه عادي بنت ترد على اي حد يبعتلها بالعكس كل حاجة جت على دماغاها عشان ردت على ولد وكدبت على مامتها وقابلته يا رب تعجبكو
#عائشة_نصر
#لقد_كان_كذب
تعليقات
إرسال تعليق