 |
#عشقت_حبيب_صديقتي
#البارت_السابع والثامن
أدهم قام من مكانه وطلع جري علي شهد
_انتي بتهزري! قوليلي انك بتهزري وبتعملي فيا مقلب علشان خونتك وبتفوقيني
شهد: لأ مش بهزر علي خطيبي فعلاً انا أستاهل حد أحسن منك مش واحد خاين
أدهم: شهد أبوس ايدك متعمليش كدا والله ندمت وعمرها ماتتكرر وسبتها عشانك
شهد: تقدر تروحلها انا مش مسكاك وخلص الكلام لحد كدا علشان علوة بيغير
أدهم مشي وراح البيت متعصب وحالته حاله
الام: مالك يا ادهم متعصب كدا لي ياحبيبي حصل ايه
أدهم: مالي؟؟؟؟؟ ماليش مفيش حاجه
الام: واضح اهو حتي من كلامك ان في حاجه معصباك عالاخر
أدهم: قولت مفييييييش سيبوني في حااالي انا هتخمد
سلمى بترن علي أدهم...
سلمى: شوفت يا أدهم دا أكبر دليل انها عمرها ماحبتك حتي لو كنت انت غلطان اللي بيحب بيسامح دي واحدة بياعة متستاهلكش
أدهم: تعرفي تسكتي عشان انتي السبب في كل اللي انا فيه دا!!
سلمى: طب اهدي هبعتلك اللوكيشن وتجيلي عايزة أتكلم معاك
بعتتله اللوكيشن وراح
سلمى: اهلا يا ادهم عامل اي
أدهم: زفت
سلمى: اهدي كدا علي نفسك علشان اعصابك صدقني بتتلكك عشان تروح لعلي واهو شوفت الموضوع جه ببساطة ازاي وافقت بدون تردد اكنهم بيحبو بعض بقالهم سنين
أدهم: بقولك اي سيبك من كل الكلام ده انا لازم ارجعلها حتي لو هقتل علي دا خالص
سلمى: وتودي نفسك في داهيه؟ اعقل كدا مش كلام دا
أدهم: اووووووف
سلمى: أدهم انا بحبك والله وبتمني انك تكون ليا من زمان هيا اتخطبت وسابتك ودلوقتي في ف ايدك اللي بيحبك وبيتمناك
أدهم: مش هعرف انساها
سلمى حطت ايدها علي كتفه: أنا هخليك تنسي يا أدهم دا انت سيد الرجالة اي بنت تتمناك
أدهم: ماشى ياسلمى
سلمى لقيت فونها بيرن ردت..
_حضرتك الانسة سلمى؟
سلمى: ايوة انا
_عمر أخد برشام وانتحر تعالي شوفيه لاخر مرة
سلمى: انتي مين
_أنا اخته ياسلمى مش انتي سلمى برضو اللي كان بيحبها وانتحر بسببك!
سلمى معرفتش تتكلم وقفلت ومبقتش قادرة
تنطق
أدهم: مين دي
سلمى بتوتر: دي دي واحده صحبتي تعبانه اوي في البيت لازم امشي ضروري.. هكلمك بعدين وافهمك
وقامت روحت ومبقتش عارفه تعمل اي
أدهم قاعد شغال يبعت ل شهد علي الواتساب ومفيش رد وفجأه اتفاجئ ببلوك من شهد
قعد يرن عليها ومش بترد.
بعد شوية ردت
شهد: عايز اي
أدهم: عايزك
شهد: مبقاش ينفع روح للسنيورة بتاعتك اللي خونتني عشانها خليها تنفعك
أدهم: انا عارف اني غلطت بس ارجوكي سامحيني مش هقدر اعيش من غيرك
شهد قفلت ف وشه
أدهم قرر انه لازم يرجع لشهد بأي طريقه حتي لو هيقتل علي
وفجأه..
يتبع...
#عشقت_حبيب_صديقتي
#البارت_الثامن
أدهم قرر انه لازم يرجع لشهد بأي طريقه حتي لو هيقتل علي.
وفجأة قام جاب سكينة من المطبخ وحطها في جمبه وغطاها بالجاكيت ونزل..
لقي شهد منزلة بوست علي الفيس ان النهاردة حفلة خطوبتها ل علي
اتعصب أكتر ورغبته في قتل علي بتزيد أكتر وأكتر
راح لبيت شهد لقا ناس كتير في الحفلة ابتدي يخاف ويقول لنفسه اكيد هتمسك وهروح في داهية قرر انه يرجع في قراره لقتل على عالاقل مؤقتاً
لقي سلمى في الحفلة قرب منها..
أدهم: ازيك ياسلمى
سلمى: اهلا يا ادهم اخبارك انت ايه
أدهم بابتسامة: كويس اوي
سلمى: شكلك مبسوط اللي يشوفك النهارده ميشوفكش امبارح وانت مش طايق نفسک
أدهم: ههههه فكرت كتير لقيت نفسي متضايق عالفاضي
سلمى: عقلت يعني
أدهم: جدا
سلمى في سرها: "جيب العواقب سليمة يارب" 😅لانها عارفة لما ادهم بيبقي مبسوط كدا يبقي اكيد في دماغه مصيبة عايز يعملها
أدهم: سلمى انا عايزك في حوار كدا واللي عايزاه عيني ليكي
سلمى: حوار اي دا انشاء الله
أدهم: أنا عايزك تقربي من علي وتبقي قريبة منه لاقرب حد تصاحبيه بصي اخر حاجه
سلمى: عشان سلمى تفتكرني الحرباية رسمي بقي كل ما ترتبط بواحد اشقطه منها ومنظري يبقي زبالة اكتر من كدا
أدهم: هههههههههه يابنت العبيطة اسمعي للآخر انتي مش هتحبيه عارف انك بتحبيني وعشان بتحبيني هتنفذي اللي بقولك عليه
سلمى فكرت انها تنفذ اللي يقوله أدهم من قبل ماتعرف اصلا هو هيطلب اي وتوافق علشان يحبها أكتر..
سلمى: حاضر ياسي أدهم هعمل كل اللي هتطلبه عشان تعرف بس اني بحبك
أدهم: اهو كدا الكلام تعجبيني ياسلمى وانا كمان حبيتك
سلمى: بجد يا أدهم
أدهم: بجد ياقلب أدهم
سلمى: طب الكلام علي ايه
تعالي بس نمشي من هنا هنروح كافية ونتكلم..
______♡___________
راحو الكافية..
أدهم: بصي ياستي
سلمى: اممم اشجيني
أدهم: انتي هتقربي من علي وهتبقو صحاب جدا ومش هقولك هتعملي كدا ازاي انتي عارفه هتقدري تخليه يصاحبك ازاي
سلمى: امممم وبعدين
أدهم: بعد ما تصاحبيه وهتبقو صحاب ويتعود ويبدأ يثق فيكي سعتها هبقي أقولك تعملي ايه وتنفذي بالحرف الواحد.
سلمى: من عيني ياحياتي
أدهم: يلا وريني شطارتك
سلمى طلعت الفون بتاعها وفضلت تدور علي الفيسبوك علي أكونت علي بعد ما عرفت الاسم والصورة من واحدة صحبتها قريبه من شهد.. وبعتتله أدد
علي وافق علي طلب الصداقة..
على: مين حضرتك
سلمى: انا بصراحة واحدة مكسورة اوي ببعت ادد عشوائي للناس وبدخل افضفض وبمشي
علي: لا والله!
سلمى: من فضلك سيبني اطلع اللي جوايا انت مش خسران حاجه😥
صعبت علي علي قالها: اتفضلي
سلمى: انا كنت بحب واحد وكنت مهتمة بيه اوي وعمري ماقصرت معاه وعلطول بقول حاضر ونعم وكنت جمبه قبل كل الناس واتفاجئت انه بيحب صاحبتي😔😔
علي: اهدي طيب انشاء الله في حل
سلمى: لاا مفيش حل انتهت كل حاجه انتهت وكل واحد راح لحاله 😥💔
علي: متزعليش نفسك ربنا اكيد هيعوضك بحد أحسن منه
سلمى: ليه يسيبني انا نقصته ف اي اديتله قلب يتمناه ألف مريض وهوا اداني وجع ميعالجهوش ألف طبيب😔💔
علي: اهدي عشان خاطري مفيش حاجه تستاهل انك تزعلي علشانها كدا فوقي وعيشي حياتك ممكن بعده خير ليكي ودايما ربنا مش بيجيب حاجه وحشة
سلمى: معاك حق بس تعرف انت شخص حنين اوي
علي: بجد؟ اول مرة حد يقولي كدا
سلمى: اكيد طبعا بجد..وشكرا انك سبتني احكي وهونت عليا دلوقتي تقدر تعمل بلوك
علي: لا عادي انتي انسانه محترمة مفيش مشكله مش هعمل بلوك
سلمى: بجد شكرا ليك انا معنديش صحاب ومحتاجه صديق زيك كدا
علي: تحت امرك ياستي في اي وقت انا زي اخوكي وقت ما تحتاجيني هتلاقيني
سلمى: بقولك..
يتبع... انتظروني انشاء الله في البارت التاسع♥
تعليقات
إرسال تعليق