 |
#حامل_ليلة_الزفاف
بقلم: فاطمة أحمد أبوجلاب
الفصل: الحادي عشر
وابعد تامر أميرة عنه وهو يقول: اسمعي يا بنت عمي انا واسلام دكاتره زي اخوكي وهنفضل طول العمر نشتغل هنا في الصيدليه
ولو مش عاجبك روحي واشربي من ماية البحر اللي انتي رايحه عنده
فهمتي يا عروسه
أميرة ببكاء انتم شياطين استحاله تكونو بني ادمين
تهاني: وانتي اللي ملاك يا عروسه وبعدين انت نسيت يا تامر تعرف أميرة اننا اتخطبنا
اميرة: هتعرفيني انك خدتي شيطان شبهك
اسلام: ممكن تهدي يا أميرة
أميرة: انت تبعد عني خالص انت السبب فكل ده ربنا ينتقم منكم ربنا ياخدكم
اسلام: انا اسف يا أميرة اقسم بالله انا ندمان علي اللي عملته فيكي بس ورحمة والدك لتسامحيني
أميرة: اسامحك... اسامحك علي ايه اسامحكم علي حياتي اللي ضيعته ولا علي طموحي واحلامي اللي دفنتوها
ربنا ينتقم منكم ويحصل فيكم نفس اللي عملتوه فيا
وحاول اسلام ان يمسك با يد أميرة ليهدئها وحينها قامت بصفعه بقوه ودفعه الي الحائط وهي تلقي عليه كل ما تمسك به يدها من جميع انواع الادويه التي توجد امامها
الي ان قالت تهاني: الحقو جوزها واخوها جايين
تامر:ابعد عنها بسرعه يا اسلام
اسلام:اهدي يا أميرة
وحينها دخلا أيمن و يحيى وهما ينظران إلي تصرف أميرة ولا يعلمان ماذا حدث
وأقترب يحيى وهو يقول:ايه اللي حصل يا أميرة
واميرة لم تنصت لاحد وظلت تصرخ علي اسلام وحينها قام يحيى بشد أميرة بقوه ناحيته وهو ينظر داخل عيونها وهو يقول:ايه اللي حصل يا أميرة فهميني حصل ايه
وظلت أميرة تبكي وهي تنظر الي يحيى
ولا تجد كلمات لتعبر عن مدي الاذي التي تعرضت له من هولاء الناس
وقامت بضم يحيى وهي ترتعش وتقول:ممكن نمشي من هنا
يحيى:حاضر هنمشي بس ممكن تهدي
أيمن:هو ايه اللي حصل يا تامر
أميرة مالها فيها ايه
تامر:مش عارف أيه اللي حصل انا و تهاني كنا جوه بنشوف العلاج الجديد
تهاني:اه والله هو ده اللي حصل
أنا جيت علي صوت أميرة وهي بتعيط وبتتخانق مع إسلام
أيمن:انت عملت ايه لاختي يا اسلام وليه كانت بتتخانق معاك
اسلام:ضايقتها وانا مخدتش بالي اني بكسر اخت اخويا وبجرحها
بس والله العظيم مكان قصدي
واقترب اسلام من أميرة مره ثانيه وهو يقول:انا بس نفسي تسمعيني يا أميرة
أميرة ببكاء خليه يبعد عني انا عايزه امشي من هنا
طلعني من هنا يا يحيى
وحينها دفع يحيى بعيداً عن أيمن وهو يقول:ابعد عن مراتي لحد ما أعرف انت عملت ايه في أميرة
وحينها اقترب أيمن وامسك اسلام بقوه وهو يقول:انت عملت ايه يا اسلام في اختي وصلها انها تنهار وتعيط كده
وتدخل تامر قائلاً:معملش حاجه يا ايمن
مأنت عارف هزار اسلام الرخم
يحيى:يلا يا أميرة نطلع من هنا
يلا يا أيمن
أيمن:مش هسيبه لحد مأعرف هو عمل ايه
يحيى:سابه يا أيمن وهنعرف و وقتها اقسم بالله مهسيبه
وهنا أتت والدة أميرة وهي....
يتبع
#حامل_ليلة_الزفاف
بقلم: فاطمة أحمد أبوجلاب
الفصل الثاني عشر..
أيمن: مش هسيبه لحد مأعرف هو عمل ايه في أميرة
يحيى: سايبه يا أيمن وهنعرف و وقتها أقسم بالله مهسيبه
وهنا أتت والدة أميرة وهي تقول: ايه اللي حصل يا ايمن انتم بتتخانقو ليه
واميرة فيا ايه يا يحيى
يحيى: أميرة مفهاش حاجه بس تعبانه شويه
ويلا عشان نطلع من هنا
وخرج يحيى وهو يضم أميرة وهي تبكي وقام بمساعدتها في ركوب العربه
والدة أميرة: ايه اللي حصل لبنتي يا يحيى
ليه بتعيط
يحيى: مفهاش حاجه يا أمي
احنا هنتحرك عشان كده هتأخر علي معادي لشغلي هناك
والدة أميرة: يحيى بنتي امانه معاك خد بالك منها
يحيى: مش محتاجه توصيني علي مراتي يا ام اميرة
ومتخافيش أميرة جوه عيني
أيمن: خد بالكم من نفسكم
وانا هعرف ايه سبب الخناقه ده واقولك
يحيى: ماشي يا أيمن
يلا مع السلامه
وبعد رحيل أميرة و يحي خرج اسلام من الصيدليه وهو غاضب ولم يوقفه كلام
أيمن وهو يقول له: استنا يا اسلام
اسلام اسلاممم
والدة أميرة: هو ايه اللي حصل يا أيمن هو انت واسلام متخانقين
أيمن: مفيش حاجه انا بس عايز اكلمه في موضوع
والدة أميرة: انت رايح فين
أيمن: هروح اتكلم مع اسلام
والدة أميرة: أمشي اطلع قدامي علي البيت
أيمن: اطلع فين يا ماما انا عندي شغل ورايا الف حاجه هعملها
والدة أميرة: مش هتعمل حاجه غير لما تحكيلي ايه اللي حصل في الصيدليه
أيمن: بقولك ايه يا ست الكل انتي مش هتعملنا غدا انهارده
والدة أميرة: هو مال الأكل واللي انا بكلمك فيه
أيمن: اصل انا جعان ومستني الغدا من الصبح
والدة أميرة: يا رب ارحمني من الواد ده
يبني احكيلي ايه اللي حصل
أيمن: هو انتي مشغلني عصفوره عندك يا ماما
والدة أميرة: انت ولد قليل الادب ومتربتش
أيمن: طيب خلاص متزعليش
بصي يا ماما انتي اطلعي جهزي الغدا واحنا بنتغدا هحكيلك ايه اللي حصل
والدة أميرة: ماشي يا طفس يلا روح الصيدليه
أيمن: ماشي يا ماما وخدي بالك من نفسك وانتي طالعه البيت واوعي حد يعاكسك
والدة أميرة: يلا يا واد علي شغلك
أيمن: ماشي يا ماما
و ذهب أيمن الي الصيدليه وعندما وجد تهاني مع تامر قال: الله يا نور يا دكتور تامر
احنا بقي نقفل الصيدليه ونفتح كافتريا عشان تقعد براحتك انت والست هانم
تامر: فيه ايه يا أيمن هو ايه اللي حصل لكل ده
أيمن: لاء محصلش حاجه بس انا مبحبش الدلع في مكان الشغل
تهاني:طيب بعد اذنكم انا همشي
عشان عندي بورفات هعملها علي برنامجي الجديد
أيمن:ايه ده هي تهاني اللي سقطت سنتين في اعلام هتقدم برنامج
تهاني:ايوه هقدم نفس البرنامج اللي اختك كانت هتقدمه قبل ما تتخطب
أيمن: طيب مبروك بس متنسيش انك منجحتيش غير...
يتبع...
تعليقات
إرسال تعليق