 |
خادمتي ولكن
التعريف بالشخصيات + البارت الاول
💗💗💗💙💙💙💚💚💚💚💚
تعريف بأبطال الروايه......
روان فتاه عشرينه العمر فى أخر سنه تجاره انجلش .... طموحه وذكيه ومطيوره والا بياجى فى دماغها بتعمله .... لا تستحى من ظروفهم الماديه الصاعبه .... تعشق والدتها التى تتحمل كثيرا من أجلهم ....وهى منيره ربة منزل زوجه لرجل يحبها ويعشقها ويعشق ابنتيه ... ولكن بخيل جدا ... وحاول كثيرا التخلص من بخله ولكنه غالب على حياته وطباعه .... وابنته الكبيره ريم فى منتصف العشرين من عمرها ... خلصت معهد وتعمل فى احدى المصانع ارضاء لوالدها ..... يربط بينها وبين جار طفولتهم محمد قصة حب .... ولكن بخل والدها يقف حاجز بينهم .....
أصدقاء روان هدى ونور
هدى .... بنوته هاديه ولكن تعيش الجنون مع اصدقائها .... وحيده أمها وتعيش هى والدتها بمفرهم بعد وفاة ابوها .....
أما نور .... فهى أخت لولدين ومكتوب كتبها على مؤمن ابن عمها الذى ينتظر ها حتى تكمل تعليها بفارغ الصبررررر حتى يتزوجها ....
***************
مروان شاب فى الثلاثين من عمره صارم جدا لابعد الحدود فى شغله .... يمسك مجموعة شريكات ومصانع المجد للاجهزه المنزليه بعد وفاة والده ووالدته بحادث ... وله أخ واحد يعمل معه ايضااا ولكن بطباع مختلفه تماما عكسه فى كل شئ ... وهو مازن فى السابعه والعشرين من عمره ...
له صديق واحد وهو شريف ويسافر كثيرا لظروف عمله وهو من عمر مروان وطباعه نفس طباع مازن ....
*****************
روان : ريم ياريم
ريم بنوم : عايزا ايه على الصبح سبينى انام شويه قبل معاد الشغل
روان : لا بقولك ايه ابوكى عاملها معايا زى كل سنه وخدت منه فلوس السكن بالعافيه .... ولا فلوس موصلات ولا أكل ولا مصاريف الكليه ولا حتى تصوير ملازم مهمه ... انا تعبت بقى .... حتى محاولاتى انى أقعد فى سكن الجامعه فشل مفيش فايده
ريم : اتعدلت ... حيلك ..حيلك ...موشح كل سنه ......هاتى جزمتى من تحت السرير ... انتى عارفه لازم أهربهم قبل ما ابوكى يشوفهم .......قولتلك أشتغلى وانتى بتدرسى هناك وكدا كدا ابوكى مش شايفك ولا ها ياخد حاجه منك
روان : 😂😂 مهرابهم فى الجزمه دا لو قفشنا ها يودينا المعتقل .......هو انتى فاكره انى بمشى نفسى بفلوسك دى ما بتكفيش أسبوع يا بنتى وطبعا بشتغل ومفيش شغلانه أستمريت فيها أسبوع الا لما أضرب صاحب الشغل وامشى من قلة أدبهم ... قوليلى أعمل ايه انا ....
ريم : 😂😂 حد قالك تبقى جميله كدا وتغريهم ....
روان : ما انتى مزه اهووو واحل منى ... اشمعنا انا يعنى
ريم : ومين قالك ان محدش دايقنى بس انا عملت لكل واحد حد وصدرت التناحه والوش الخشب فا فقدو الامل فيا ....... خدى يا ستى كفايه دول
روان باستها : كفايه يا قمر يارب تتجوزى محمد ويسعدكم
ريم بزعل : هو طول ما ابوكى ورانا ها نتجوز مانتى شايفه عايز يجوزنى لخناشيررر عشان الفلوس بيبعنى بالرخيص وقافل بابه فى وش محمد ...
روان : خليكى مصره على موقفك لحد ما يزهق ويجوزكو لبعض ..... انتى عارفه ابوكى بيحبنا بس نقول ايه بقى نصيبنا هى الحاجه الوحيده السيئه الا فيه ... الفلوس بس واحنا صغيرين عمره ماكان كدا
ريم : يارب يا روان انا تعبت انا وهو ..... جهز الشقه ومش ها يكلفه حاجه .... انا كمان بحبه وعارفه انه طيب بس أقول ايه عايز يستفيد من جواز بنته ازاى دا
روان : ربنا يهديه يا حبيبتى معلش .. أستحملى
ريم : انا عندى 25 سنه يا روان ها استحمل لحد أمتى قوليلى
منيره : صباح الخيررر يا حبايبى بترغووو فى ايه على الصبح كدا
روان : مفيش يا ست الكل وصباح العسل والجمال والقلب الا كله حب و....
ريم : اه مسلكه امورك ما بتضعيش وقت
منيره : ربنا ما يحرمنى منكم ... خدى يا روان الفلوس دى
روان باستغراب : منين دى يا ماما ... اوعى تكونى سرقتى فتحى ها يقيم علينا الحد
ريم : 😂😂😂 امك بقت حراميه
منيره : 😂😂😂 ....لا الحمد لله ياروان متخافيش ... برغم ظروفنا وحياتنا الصعبه زى ما ربتكم نعيش وما نمدش ايدينا لحد ولا على فلوس غيرنا ... حتى لو فلوس أبوكم عمر أمكم ما تعمل كدا .......
روان : يالهوووى انتى زعلتى يامنيره .... انا عارفه انك عمرك ما تعمليها لو ها تموتى من الجوع ... وبتبوسها حقك عليا انا أسفه
منيره : مش زعلانه يا حبيبتى عارفه انك بتهزرى كان نفسى تعيشو أحسن من كدا .... بس دا نصيبنا ... دى فلوس السلسه الا جدتك الله يرحمها ادتهلى بعتها امبارح عشانكووو معلش لو معايا أكتر مش ها أستخسر فيكو انتى محتاجه مصاريف الكليه .... غير مصاريفك التانيه اهو دول يسدو على الاقل مصاريف كليتك
روان بزعل : ليه ياماما السلسه دى عزيزه عليكى تبعيها عشانى
ريم : ياماما انا ادتها فلوس ارجوكى رجعيها تانى ارجوكى
منيره : يابنتى هى مش أغلى من راحتكووو .. اختك محتاجه لكل قرش واحنا بعيد عنها ... خدى وبطلى انتى وهى ...
روان : حضنتها جامد ... والله ياماما لازم أعوضك عن دا كلووو ها أنسيكى الفقر والهم يا حبيبتى ....
منيره : هششش ابوكى جه وجاب الفطااار ياله انا ها اطلع أجهزه .....
كلهم طلعووو وقاعدين يفطرو مع بعض ..... فى طبق فول واحد ...
ريم : يابابا هات باقية الرغيف انا جعانه
فتحى : لا كفايه عليكى كدا ها تبقى زى العجله ومش ها نعرف نجوزك
روان : وانا يافتحى ... انا جعانه وها اسافر ادينى بقية الرغيف بتاعى
فتحى : ضربها على راسها فتحى يا أم لسان طويل دانتى لهفه لوحدك 100 جنيه ...وبيطول فيها قوووى . 100 جنيه يا مفتريه فلستينى كان لازم تتنيلى وتخشى كليه ... اتعلمى من أختك خدت معهد سنتين وبتشتغل وتساعدنا فى البيت ...
روان : بقولك ايه يا فتحى انا مش زى أختى هبله .... كفايه انى ما دخلتش الكليه الا انا عايزاها وخلتنى حولت من علمى لأدبى ... كفايه الا انت عامله فينا بتنتقم مننا بعد كدا ها نشم الأكل .....
منيره : كاتمه الضحكه بالعافيه وريم بتضحك بصوت عالى
فتحى : بتضحكى على ايه يا جزمه ... وانا بشممكو الاكل يا أم لسان طويل ... دانتو بتاكلو فى لحمى كل يوم فطار وغدا وعشا ... وهات .. هات ... ايه ماعندموش دم ولا بتحسووو ..... ومره واحده ضرب روان على ايديها سيبى يا بنت بطلى أكل كتره بيعمل دهون وامراض
ريم : هى كلت غير نص رغيف يا بابا سبها تاكل
فتحى : لا كفايه قومووو ياله وسيبو بقية الفول دا للعشااا وانتى قومى غورى مش لهفتى ال100 جنيه
روان : قامت خدت شنطتها وحاجتها الا محتاجها وسلمت على أهلها وبدأت رحلتها ......
***********************
***********************
مروان : خد شاور وطالع من الحمام فى اوضته
مازن : داخل من غير ما يخبط على أخوه وبيقوله ... انا قولتلك 50 مره هات لنا خدامه فى البيت مش كل يوم انزل من غير فطار وانا الل بحضر كل حاجه لنفسى
مروان : مش انت الا بتطفشهم بقلة أدبك ... أعملك ايه يعنى ومش عايز رجاله لازم بنات
مازن : أعمل ايه بحبهم بموت فى قربهم وهما بيموتو فيا وفى حلاوتى .... بيخلووو لحياتى معنى .... مش ذنبى انك ما بتتأثرش وجبله
مروان : جبله طب غور برا خلينى البس وفى ظرف 5 دقايق تكون جاهز فاهم
مازن : يابنى عنست وعايزنى أعنس جمبك الشقه دمها تقيل من غيرهم .... و اومر .. اومر ... ياحبيبى غلط على صحتك
مروان : ال5 دقايق قربت تخلص ووقعتك ها تبقى سودا ..
مازن : جرى على برا وهو بيقول مفترى حد مسلطه عليا دا نشفلى حياتى كلها اهئ اهئ حتى السكراتريه فى الشركه جايبهم رجاله ناقصه هى ....
مروان : بيضحك على صوت أخوه العالى وهو بيسمعه الكلام ومستمتع جدا .... لان أخوه بيحبب الستات جدا وهو نفسه يخليه يبعد عن الطريق دا لانه بيعمل مشاكل كتيرر... وبيخاف عليه منهم . .....
مازن : انا جاااهز ......
مروان بجديه : اتفضل قدامى ونزلو راحووو الشركه .......
ايمن : حمدالله على السلامه يا فندم
مروان : الله يسلمك جهزتلى اوراق المناقصه الجديده
ايمن : ايوا يا مروان بيه جهزتها وعلى مكتب سعتك
مازن : هو محمد مجاش انهارده يا ايمن
ايمن : ايوا يا مازن بيه مراته تعبانه جدا ومقدرش يجى
مروان : يعنى ساعته قاعد جمب مراته فى البيت
مازن : خلاص يا مروان غصب عنه البنيه تعبانه يعمل ايه يعنى
مروان بصرامه : مين الا وافق له على الاجازه
ايمن : محسن يا فندن
مروان: ابعتهولى حالا واتفضل روح شوف شغلك
ايمن بتوتر : حاضر ... حاضر .... وطلع جرى
مازن : حرام عليك يا عدو الانسانيه بيقولك الراجل مراته تعبانه يرميها والا يطلقها عشان خاطرك
مروان : انا محبش الاهمااال والدلع لها امها .... اختها ... الجيران ... مش سعت الباشا .... وروح انت كمان على شغلك ما تزهقنيش .... ياله ....
مازن : يا ياساتر انا مش عارف مين الا ها تطيق تتجوز واحد زيك .... دا أمها والجيران .. داعين عليها وسابه وراح مكتبه قبل ما يتجنن من اخوه .....
مروان ؛ ايه يامحسن بقيت صاحب شركه وبتاخد قرارت تخص الا بيشتغلو هنا بالنيابه عنى
محسن : انا أسف يا مروان بيه ... بس مراته ملهاش اى حد هنا وتعبانه فا الاصول يبقى جمبها احنا بنى ادمين بردووو
مروان : وانا يا سيدى ما بفهمش فى الاصول ولا بنى ادم
محسن : العفو يا مروان بيه انت ابن أصول .... وراجل يعتمد عليه
مروان : خبط بأيده على المكتب .... انت عارف كويس انى ما بحبش الكلام دا فى الشغل ...واه يا سيدى انا مش بنى ادم فى شغلى والاجازات الاستثنائيه بالذات لازم تاخد موافقتى عليها .... واتفضل دا أخر انذار ليك وله هو كمان
محسن : حاضر يا مروان بيه وخرج من قدامه وهو مخنوق ومدايق من طريقته التعسفيه فى الشغل .... عكس أخوه تماما .....
*************
روان : السلام عليكم
صاحبة السكن : وعليكم السلام ورحمة الله وبركاته ... حمدالله على السلامه
روان : الله يسلم حضرتك اتفضلى ال100 جنيه ايجااار الشهر اهوووو
صاحبة السكن : لا يا حبيبتى الايجار غلى بقى 200 جنيه
روان بشهقه : 200 ليه يا ست فردوس احنا 3 بنات فى كل اوضه ها تاخدى فى الاوضه 600 جنيه
فردوس : أعمل ايه حكم القووى ابنى كان عايز 300 وانا بالعافيه خلتهم 200 معلش يا بنتى غصب عنى ...
روان بزعل : بس انا مش ها أقدر ادفع ليكى كل شهر 200
فردوس : روحى يا حبيبتى سكن الجامعه بتعتك
روان : ياريت مش نافع بردو ... حظى كدا أعمل ايه
فردوس : وانا أعمل ايه مش بأيدى
روان : طيب اتفضل خدى 100 جنيه دى نص شهر واول ما نص الشهر يخلص أكون جبتلك ال100 التانيه
فردوس : هاتى يا حبيبتى ولو اتاخرتى يوم واحد تفضى مكانك لغيرك
روان بغيظ : حاضر ....وسابتها وطلعت وهى بتقول وليه مفتريه . .. عايزا تكوش على الدنيا وفتحت ودخلت ...
ازيكم يا بنات
كلهم الله يسلمك .... ودخلت اوضتها .....
نور : حمدالله على السلامه شكلك قابلتى الحيزبونه
روان : دى أم اربعه واربعين .... ما بتغلبش ....
هدى : 😂😂😂 الوليه دى فاكرانا وارثين ..
روان : اعمل ايه انا الفلوس الا معايا يا دوب موصلات أسبوووع وأكل أسبوعين وادفع المصاريف ....
نور : مش عارفه والله يا بنتى انتى لازم تشتغلى
هدى : انتى دفعتى لها فلوس الايجار
روان : نص شهر بس
نور : خلاص من هنا لحد نص الشهر ما يخلص ربنا يحلها .....
روان : يارب .....
نور : وحشتينا يا رورو
روان : وانتو أكتر والله أخيرا الاحازه خلصت يا هدى ... هدى حبيبه قلبى وبتخن فى صوتها
نور وهدى : 😂😂😂😂
هدى : أخيرا يا حبى ..... وها نرجع للهم والمذاكره تانى مالها الانتخه والبلطجه على امك فى البيت .... قاعده رايقه أكل وشرب وفرجه على التليفزيون وانترنت .... عايزين ايه تانى فى حياتنا غيررر العريس المنتظرر
روان : انتظرى لحد ما تعفنى وويلاقوكى شبه السعلووه جاتك نيله
نور : انا بقى خلاص ها أخلص من هنا واتجوز انا ومؤمن من هنا ... حيححححح .. حبيبى وروحى وعقلى ... بقى جوزى وكتبنا الكتاب ....
روان : حيححححح مين يا بايره ..... لمى الدور معاكى بنات عفيفات شريفات فى الاوضه واحده نفسها تتجوز والتانيه طالعه معااش مبكررر وكله من أم اربعه واربعين الهى تتوكس البعيده ....
هدى ونور : 😂😂😂
هدى : بقولك ايه غيرى بسرعه وتعالى كدا سمعينا حاجه على زوقك ....
نور : اه والنبى يا رورو ... وحشنا صوتك
روان : لا انا مش فى المود انتى وهى وسبونى فى حالى ....
**************
مر ال15 يوم سريعاااا على الجميع ....
سيد : حارس العماره التى يقيم فيها مروان ومازن...... هى عايزا ايه الست حكمت يا هانم
هانم : مش عارفه والله يا سيد ... هى بعتت مع العيال وهما بيطلعو لها الخضار وقالت لهم خلى ابوكم يطلعلى
سيد : طيب تعالى نطلع لها انا وانتى .... وطلعووو ....
حكمت : ادخل يا سيد انت ومراتك ....
سيد : خير يا ست حكمت ..
حكمت : خير ان شاء الله انت عارف انى مش قادره أقعد لوحدى تااانى ..... ومحتاجه حد معايا ... عملت اعلان .. وواحده كلمتنى وقالتلى انها جايه انهارده أخر النهار .... فا انا عايزكو تبقو معايا ولو وافقت تشتغل ... تفهموها كل حاجه .... ومراتك تاخد بالها مننا فى الاول وتفتحو عنيكو عشان انا مش جيباها عن طريق مكتب ... لانهم بيطلبو مرتب عالى قوى........
هانم : عنيه يا ست حكمت الا انتى عايزاه ها نعمله
سيد : ما احنا بناخد بالنا منك لازمتها ايه المصاريف احنا قصرنا معاكى
حكمت : لا سيد كتر خيرك انت ومراتك بس انا محتاجه واحده تقعد معايا وتخلى بالها منى انا تعبانه والوحده تعبانى أكتر
سيد : الف سلامه عليكى يا ست حكمت .... حاضر اول ما توصل ها اجبها واطلعلك ... هى أسمها ايه
حكمت : استنى انا كتبته فى ورقه جمب التليفون .. اهووو اسمها روان
هانم : تأمرينا بحاجه تانيه
حكمت : الف شكر ... وقامو نزلو على تحت .....
****************
هدى : انتى اتجننتى
روان : ملهاااش اى حل تانى انا محتاجه سكن ومحتاجه أكل وفلوس موصلات ومحتاجه ملازم وبلاوى .... الست مسنه وقاعده لوحدها اروح أقعد معاها وارعايها واخد مرتب اعرف أتعلم بيه .... ماعنديش اى أستعداد اتخرج السنه دى من غير تقدير عالى .....
نور ؛ يعنى الحل تشتغلى خدامه
روان : انا مش خدامه انا ها اراعى ست كبيره محتاجه المساعده ... وحتى لو خدامه الشغل مش عيب
هدى : يابنتى دورى على أى شغل تانى
روان : انتى لفيتى معايا كام مره هاااه قوليلى عملنا ايه نروح ونرجع زى خبيتها .... دا غير قلة الادب الا شوفتيها بنفسك .... كفايه بقى واوعى كدا خلينى أخلص لم حاجتى الحايزبونه ها تلاقيها طالعه دلوقتى عشان تتاكد انى مشيت يا اديها الفلوس ...
هدى ونور حضنوها جامد وبيقولو لها معلش ان شاء الله ربنا ها يعوضك عن دا كله
روان : يابت انتى وهى انا زعلانه عشان بس ها أسيبكووو مش اكتر .... بس ها أشوفكم فى الكليه .... ياله أشوف وشكم على خيرر وسابتهم ومشيت .... وصلت العماره وبتسئل على الست حكمت
هانم : انتى مين يا حبيبتى وعايزاها ليه
روان : انا جايه أشتغل عندها
هانم : يالهوى يا ولاه دانتى شكلك متعلمه وقمررر ايه يابنتى الا رامكى على الشغلانه دى
روان : بأبتسامه الدنيا الا رامتنى ... هاااه ها تدلينى عليها والا ها تقفليها فى وشى
هانم : لا ياحببتى ربنا يفتح فى وشك الابواب المقفوله كلها ... والنبى ارتحتلك وحبيتك
روان : وانا كمان .....أسمك ايه بقى
هانم : هانم
روان : ماشى يا هانم ياله بينا
هانم : يا سيد ... سيد ... تعالى الست روان وصلت
سيد بصدمه : أهلا وسهلا وطالع معاهم وهو مش فاهم القمر دى جايه تعمل ايه هنا بشكلها دا ....
حكمت : اتفضلووو .... انتى روان
روان : ايوا يا فندم انا
حكمت : بس انتى صغيره وكمان
روان : انا اسفه انى ها أقطعك فى الكلام .... بس انا محتاجه للشغل دا جدا ... وبعد اذنك يعنى انا فى اخر سنه تجاره انجلش ولازم احضر كل محاضرتى .... واجيلك على طول وطلباتك كلها اوامر ومش ها أقصر معاكى
حكمت بزعل على البنت : ماعنديش اى مانع ... وانتى اعتبرى نفسك قاعده مع والدتك .... مش شغاله عندى .... وريها الاوضه الا ها تقعد فيها يا هانم ....
هانم : حاضر يا ست حكمت
روان ؛ طيب حضرتك يعنى انا اسفه كنت عايزا أسئل على
حكمت بفهم : بصى يا بنتى ... انتى مقيمه معايا هنا أكل وشرب والا انتى محتاجه .... دا بيتك ... اما المرتب معلش مش ها أقدر ادفع أكتر من الفين جنيه
روان بفرحه : حلوين قوى انا مش عايزا أكتر من كدا .....
حكمت : طيب قومى دخلى حاكتك دى وخلى هانم تفهمك كل حاجه ..... وانت يا سيد لو روان احتاجت اى حاجه أعملهلها على طول
سيد : أمرك يا ست هانم
روان وهى فى الاوضه لوحدها : ماشاء الله ايه الجمال دا .... انا ها أعيش هنا .... وبعدين سهمت وفكرت فى امها واخواتها ... وازاى ابوها حارمهم من كل حاجه .. ووصلهم للوضع دا .... قامت رصت هدومها وحاجتها كلها ... وغيرت وطلعت لحكمت الا قاعده منتظراها ونفسها تعرف حكايتها ايه
روان : ايوا بقى يا ست الكل ... بالظبط كدا قدامى ساعه والاكل يكون جاااهز وبعدين نشوف الا بعده ...
حكمت بأبتسامه : ها أجى اساعدك
روان : بصى مش ها أكذب عليكى انا فاشله فى موضوع الاكل بس بتعلم بسرعه قوليلى أعمل ايه وانا اعمله على طول
حكمت : لا دانتى شكلك حالتك حاله ياله قدامى ... ها تتعلمى أكلى كله فاهمه
روان : تمام يا فندم اتفضلى وانا فى ديلك
حكمت : 😂😂😂 ياله ... ودخلت معاااه وكل يوم تتعلم حاجه شكل وحكمت فرحانه ان روان بتتعلم بسرعه وشاطره فى كل حاجه ومريحاها وبتاخد بالها منها جدا .....
روان : هاااه ايه رايك طمنينى
حكمت : لا دانتى بقيتى أشطر منى والاكل يجنن
روان : بترفع ايديها وتنزلها وبتقول yes
حكمت : 😂😂😂 انا الاصل بردو
روان : طبعا يا جميل ... بقول يا حوحو
حكمت : قولى صدعى حوحو ....
روان : مش دى صور اولادك
حكمت بقهر : ايوا وصورهم
روان : هما فين
حكمت : بنتى اتجوزت وسافرت ونسيتنى ولا كأن لها أم وابنى ..... مشغول مع مراته ... الا اعتبرتنى ضرتها وحرمتنى منه ومن ولاده .... ما طمرش فيهم تعبى عليهم ولا بطنى الا شالتهم
روان بزعل عليها هى ما تستاهلش كدا : معلش يا جميل ... انتى عارفه الدنيا مشاغل وأكيد شغلهم وعيالهم لهايهم
حكمت : انتى بتبررى لهم تقصيرهم فى حقى انا لو ميته ها يرحو يزور قبرى مش يسبونى كدا وانا كبيره وتعبانه من غير سؤال حتى .... حتى احفادى اتحرمت منهم ....بيبقى نفسى ادعى عليهم .... بس مابقدرش يا بنتى بخاف يحصل لهم حاجه .... انا مسامحهم بس يسئلو عليا واشوف احفادى
روان حضنتها : ودموعها نازله ها يرجعو وها تعيشى وسطيهم ما تزعليش نفسك كدا .... عشان خاطرى
حكمت : مسكت وشها بين ايديها ودموعها نازله ... عشان خاطرك مسامحهم وها اسامحهم ... كان نفسى تبقى بنتى بجد ... بقالك شهر .. واخده بالك منى وماليه عليا البيت ... انا بشكر ربنا انه بعتك ليااا
روان بابتسامه ... انتى كدا بتضحكى علياا .. انتى وعدتينى ها نخرج انهارده ونخربها ... وبتحرك راسها والا ايه يا جميل
حكمت : ضحكت بس كدا .... ها نخربها ... خدى دول الاول ... دا مرتبك .... اول مرتب ليكى ...
روان بفرحه : الشهر عدى بسرعه طيب خلي الفلوس انتى مش مخليانى محتاجه حاجه حتى فلوس موصلات الجامعه وفرتيها عليا .... وبتخلى السواق بتاعك يوصلنى
حكمت : دا حقك والمفروض تاخدى أكتر من كدا انا الضحكه مابقتش بتفارقنى من ساعة ما شوفتك ... خدى ياله اتبسطى بأول مرتب ليكى
روان باستها : ممكن انزل يا جميل نصايه وارجعلك
حكمت : راحه فين
روان : ها أجيب طقمين واروش بقى .... ياااه اخيرا
حكمت : تعالى انتى جسمك من جسم نجلا بنتى عندى لها هدوم كتير جديده كنت بجبها لها على امل انها تجيلى وتزورنى وادهالها
روان : لا اكيد ها تجيلك كفايه الا بتعمليه ليا
حكمت : والله ماحد لابسهم غيرك ... وياستى لو جت ها أخليكى انتى الا تجبلها على ذوقك الحلووو ... ما تقلقيش انا عامله حسابهم عشان لو موت يلاقو حاجه غير الشقه يورثوها
روان : بعد الشر عنك ربنا يخليكى لهم
حكمت : مسكتها من ايديها ودخلت بيها الاوضه بتاعت بنتها الا قفلاها وفتحت الدولاب وروان اتفاجئت بكمية الهدوم وجمالها .... ايه رايك بقى ... وخدى دول كمان كام ساعه ونضارتين شمس ....
روان بعياط : انا مستاهلش دا كله لا يمكن أخدهم
حكمت : انا ها ابقى مبسوطه لو شوفتهم عليكى .... وبطلى غلبه بقى ياله قيسى الهدوم وعيشى حياتك ....
روان : ربنا يخليكى يا أحسن حكمت فى الدنيا
حكمت : 😂😂 ماشى يا ستى ....
روان : بتقيس طقم ورا طقم وهى مبسوطه ومش مصدقه نفسها ......
*****************
مازن : حد يطرد الصارخ يا مفترى
مروان : أنت مش ها تجبها البررر اعمل ايه عشان اتوبك عنهم
مازن : بعد الشررر اتوب ليه دول أجمل حاجه فى الدنيا
مروان؛ خلاص اتجوز واتلم ....
مازن : لسا ملقتش لتخطف قلبى ... وبتسهرنى الليالى
مروان : يا راجل دانت بتحب على روحك
مازن : 😂😂😂😂 ...تعالى انت معدوم الخبره وانا ها افهمك
مروان : وانت بقى خبره
لؤى : طبعا يابنى ... بص البنات دى الفاكهه .... الحلويات ... حاجه كدا بتخلى لحياتك طعم ولون مختلف ..... اما الحب بقى .... فا دا محتاج الا تخطفك وتسهرك الليالى وتجننك كدا ... طول الوقت مش قادر تفكر غير فيها ... وبتتمنى قربها .... ترغى معاها كتيررر .... دى بتكمل الا ناقصك .و
مروان: خلاص ها تقول شعررر خليك انت فى احلامك دى ... بس خف .... وشوف شغلك
مازن : هو كله شغل انت ايه يابنى متبرمج
مروان: بالظبط كدا بطل لماضه واشتغل بدال ما انت مضيع وقتى ووقتك ... وروح شوف شغل المصنع ... والطلبيه الجديده ... عامله ايه
مازن : حاضر يا سيدى امرى لله بس الله يخليك انا زهقت من سيد شوف واحده كدا تخلى لحياتنا طعم
مروان: ها اشوف بس بطل حركاتك
مازن : حاضر .... حاضر ... ومشى من قدامه ... وبيقول بصوت واطى الواحد يعيش ازاى من غير حركات ...مجنون دا والا ايه 😂😂😂
*********
ريم : اه انا تعبت من شغل الزفت دا
منيره : معلش يا حبيبتى ربنا معاكى
فتحى : فين المرتب مش انهارده القبض
ريم : يابابا انا محتاجه فلوس سبهوملى
فتحى : يا سلام وانا اعمل ايه أقطع نفسى عليكووو هاتى يا بت
ريم : طيب انت ها توافق على جوازى من محمد امتى
فتحى : انتى عايزا تتجوزى المعفن دا انا عايز اجوزك واحد مريش
ريم : وانا مش ها اتجوز غيره جهز شقته ومش ها يخليك تجيبلى حاجه عايز ايه تانى
منيره : وافق يا فتحى بنتك بقى عندها25 سنه حرام عليك
فتحى : حرمت عليكم عيشتكم وتعبى فيها وصرفى عليها مين يعوضنى عنه
ريم : منا شغاله بقالى 5 سنين وكل شهر بتاخد مرتبى فى ايه تانى
فتحى : انتى بتعايرنى بمرتبك
ريم بعياط : عشان خاطرى يابابا انا بحب محمد وهو بيحبنى سبنى اشوف حياتى ....
فتحى : يابت انا بحبك وعايز أسعدك وتسعدينا معاكى ....
ريم ودموعها مش عايزا تقف : وانا كمان بحبكوووو وبحب محمد عايز تحرمنى منه عشان الفلوس ... يابابا لو ادونى فلوس الدنيا كلها عشان أستغنى عنكو لا يمكن ها اوافق ابدا ليه عايز تبعنى للعايز يدفع أكتر ... انا بنتك واول فرحتك ... ما تعملش فيا كدا
منيره : بدموع وحرقه على بنتها : يا فتحى انت حرمتنا من كل حاجه الا حبك .... اوعى تعمل فى حبايبك كدا
فتحى : انا بقيت وحش دلوقتى ... طيب يا ريم انا موافق عشان ما تقوليش ابويا غصبنى عل الجواز من غير محمد وفرق بينى وبينه .....
ريم بفرحه : قامت اترمت فى حضنه ربنا يخليك لينا يا بابا وما يحرمنا منك
منيره : ربنا يسعدك يا حبيبتى روحى فرحى محمد اجرى وشوفيه ها يجى امتى .....
ريم لسا بتقوم ....
فتحى : خدى يابت ها تاخدينى فى دوكه فين المرتب المحروس ها يجى يلاقى البيت فاضى
ريم: خد يابابا ... اتفضل وقامت عشان تفرح محمد
****************
محمد : بجد يا ريم أخيرا يا حبيبتى
ريم : الحمد لله ربنا عالم بينا يا محمد
محمد : اخيرا ها يتقفل علينا باب واحد .... وعد منى اسعدك واخليكى مش محتاجه لحد
ريم : انا متاكده يا محمد احنا مش حبايب وبس لا احنا جيران ومتربين مع بعض وعارفه اد ايه انت طيب وبتراعى الا حواليك .... ربنا ما يحرمنى منك .....
محمد : فرحتى روان
ريم : لسا ها افرحها هات تليفونك اكلم نور صاحبتها واقولها .... وبتكلمها
نور : الحمد لله ياريم .... انتى عامله ايه واخباركم ايه
ريم : كله تمام خلاص ها نتجوز انا ومحمد يا نووور فين روان افرحها
نور : فهمت ان روان مقالتش لهم حاجه ...الف مبررروك ياحبيبتى ...... بصى خدى الرقم دا كلميه عليه ...... وقفلت معاها
ريم : ممكن اعمل مكالمه تانيه
محمد : 😂😂😂😂 انتى تعملى الا انتى عايزاه .... اول حاجه ها اعملها ها اجبلك تليفون يا حبيبتى ....
ريم : بفرحه طيب هات واتصلت على اختها ...
روان : الله يسلمك يا حبيبتى عامله ايه وكلكم عاملين ايه
ريم : ابوكى وافق على جوازى يا روان باركيلى يا بت مش ها تنزلى بقى
روان : بفرحه مبررروك يا حبيبتى ربنا يتملك على خيررر .... انا بشتغل يا ريم ودا رقم الشغل وها احاول استأذن وانزلك يا حبيبتى ها اجبلك حاجات حلوه قوووى معايا
ريم : ربنا معاكى .... خلى بالك على نفسك
محمد : انزلى بسرعه
روان : اسرع من البرق يا جوزى أختى يا عسل
محمد : عقبالك يا عفريته
روان : لا .... انا يابنى ها اطلع عينهم واختار وانا حاطه رجل على رجل .....
محمد : من حق الجميل يدلع ...... واتشرطى كمان وانا فى ضهرك ......
روان : عارفه يا كبيررررر ادخل انت العيله برجلك اليمين بس وانا اتشرط براحتى
محمد : ماشى يالمضه ياله ها نستنى رجوعك .... سلام ...
***********
روان : شوفت يا جميل انتى وشك عليا حلوووو ازاى
حكمت : فرحينى طيب
روان : اختى الا حكتلك عنها خلاص ها تتجوز محمد .....
حكمت : بجد بابكى وافق .....
روان : بجد الحمد لله البت كانت خلاص ها تعنس وتقع فى اربيزانا 😂😂😂
حكمت : وانتى بقى ها تخلصى تعليمك وتتجوزى
روان : بصراحه انا مش فى دماغى جواز والكلام الفارغ دا ..... مش عايزا أعيش تعيسه ..... عايزا ابقى مستقله محدش بيتحكم فياااا وبيزلنى با اللقمه الا ها ياكلهلى ..... مش عايزا واحد يقولى اهلك ابوكى ... امك .... انتى مش راحه ...مش جايه ... ها تمشى على مزاجى .... ووووووو مبيبطلوووش .... على ايه بقى ..... ها أشتغل واعمل الا نفسى فيه .... واخلى ماما واخواتى مش محتاجين حاجه من حد ..... نفسى فى كتيررر قوووى ....
حكمت : الدنيا مش عقد كدا يا حبيبتى والراجل مش وحش قوى كدا .... طبعك الا ها يغلب على عيشتك معاااه وشخصيتك هى الا ها تتحكم فى اذا كنت ها تعيشى مبسوطه والا تعيسه وتابعه لغيرك ..... وانتى شكلك كدا على كلامك معايااا بنيتى صورة الجواز والراجل بشكل عام من حياتك الشخصيه ..... وحياة مامتك وبابكى ودا غلط لانه ها يأثر على شخصيتك وحياتك فيما بعد
روان : ما انكرش الصراحع ان جزء من كلامى من وضعنا احنا وحياتنا ..... بس بابا مش وحش غير فى الفلوس وبس .... بيحبنا جدا وبيخاف علينا وبيحب ماما بس هو عنده مشكله او مرض أسمه بخل .... انا معتبراه مريض .... وبخاف اعيش او اعانى من الا أمى عاشته وعانت منه
حكمت : ما تفكريش كتيررر وعيشى حياتك وحبى واتحبى وادرسى الا قدامك وركزى وفوتى بعض التافهات.... وخلى ليكى شخصيه
روان : مش عايز أشغل تفكيرى من دلوقتى لما يجى وقتها يا جميل كلامك دا هو الا ها اعمل بيه . ... ماشى
حكمت : بمناسبه الكلام الجميل دا بقى والمناسبه الحلوه دى خدى لاختك كام طقم لها هديه وتعالى نجيب لها ميكب وبرفن حلووو كدا وكام حاجه عليهم
روان : انتى كدا بتحرجينى وكمان انا متقله فى المصاريف قوى عليكى
حكمت : انتى لو فلبينيه او من اى دوله او حتى جايلى عن طريق مكتب .... مرتبك ها يبقى مش اقل من 6 الاف جنيه .... وبردو بيتعمل معاهم اكتر من الا بعمله وكل الا ادتهولك من البيت يعنى مش عبئ علياا .... ابدا انا الا مقصره ..... بس والله اعتبرتك بنتى واكتر مش بتشتغلى عندى فاهمه
روان : فاهمه يا جميل .... ياله نخرج بقى .... عايزا ابسطك واخليكى تشوفى الدنيا من جديد .....
حكمت : بأبتسامه ياله يا حبيبتى .......
*******************
مروان : محسن لو سمحت عايزا الحسابات الا تخص ميزانية طلبية الاجهزه الا بنصنعها الجديده
محسن : حاضر يا مروان بيه فى حاجه تانيه ....
مروان : لا روح انت ..... وانت يا ايمن جهز نفسك عشان ها نروح المصنع مع بعض .... عايز اشوف الوضع بقى ايه دلوقتى
ايمن : حاضر يا فندم ..... كنت عايزا اطلب من حضرتك طلب
مروان : عايزا ايه ....
ايمن : كنت محتاج سلفه ضرورى يا فندم عشان مصاريف اولادى بتاعت المدرسه .....
مروان : انت عندك كام عيل
ايمن : عندى اربعه بنتين وولدين ..... البنت الكبيره فى كلية الهندسه والاصغر منها فى اعلام والولدين تؤام فى تانيه ثانويه عامه
مروان : ماشاء الله ربنا يبارك لكم فيهم
ايمن : ربنا يخليك يا فندم
مروان : اعملى ورقه بالمصاريف الا محتاجنها كلها .... وانا عنيا ليك لحد ما يخلصو تعليهم ..... ما تشلش همهم خالص
ايمن بفرحه : ربنا ما يحرمنا منك ابدا ويزيدك
مروان : روح شوف شغلك ياله انت عارف مبحبش الكلام الكتير والكسل وقت الشغل
ايمن : حاضر ... حاضر ... وخرج وهو فى قمة سعادته .....
مازن دخل عليه : اخيرا لقيت حد خارج مبسوط من عندك
مروان : خيرررر عايز ايه
مازن : عندى ليك خبررر حلوو ....
مروان : قول
مازن : طلبيه اكبر من الا ها نسلمها ...... وموافقين على كل شروطنا وبأعلى سعر
مروان : احبك انا كدا
مازن : سهره حلوه بقى عشان خاطر الشغل الجامد دا
مروان : مليش فيها وانت عارف
مازن : عشان خاطرى ما تزعلنيش
مروان : ماشى يا سيدى ها تسهرنى فين ما بروحش كبريهات والكلام الفارغ دا
مازن : ها اسهرك .... سهره عمرك ما ها تنساها ابدا ..... سبلى نفسك ..... وخلصو شغل ومشيو ونزلو قدام عماره وطالع بيه على شقه ......
مروان : انت يازفت اوعى تكون شقه مشبوهه
مازن : ياريتها شقه مشبوهه 😂😂😂 ورن الجرس اهلا بالحبايب والواد الا غايب
شريف : اهلا وحضنه وباسه حضن مروان جامد ودخلو جوا
مروان : انا أخر من يعلم انك رجعت مصر
شريف : منا مأكد على مازن يقولك والراجل جابك اهوووو ماقصرش ....
مازن : يابنى دا واحد مفترى لا بيشكر ولا بيحمد ...... مش شايفنى ببوسك ودا نادر لما تحصل ... يعنى انا كمان لسا شايفك
مروان ؛ هو انا ها اخلص من لسانك
مازن : دا من ظنه الاسود فيا فاكرنى جايبه شقه مشبوهه وفيها مزز....
شريف : 😂😂😂😂
مروان : انت غيرت شقتك والا ايه
شريف : ايوا ...... كدا احسن واوسع ...... انت عارف كل يوم الاسعار بتغلى فا قولت ابيع الشقه واشترى واحده تانيه اكبر عملت توكيل لاخويه وبعهالى واشترى دى ووضبها
مروان : حلوه مبروك عليك ..... ها تسافر تانى والا قاعد
شريف : قاعد عايز اتجوز واستقر هنا
مازن : نويت تتوب ها اعك مع مين انا .... والا جمبك قفل بعيد عنك
شريف : 😂😂😂 اتوب مين دا من ساعه ما كلمتنى .... وانا جهزت للسهره وشاهى ومنال و سهر فى السكه لهنا
مروان : انتو بتهرجووو بقى انا ما صدقت شاهى الزفت دى بعدت عنى ....
شريف : انت لسا مديها الوش الخشب
مازن : يابنى دا مرمط البنيه .... شاهى ملكة جمال العرب
مروان : انا ها أمشى يا تتصل تلغلى معاهم بأى حجه .... انا ما بحبش العك والقرف بتاعك انت وهو .....
شريف : طيب اقعد انت واحشنى يغورو يا عم هدى اعصابك وطلع تليفونه اتصل على شاهى واتحجج انه فى مشوار ضرورى ونزل .
مازن : فقرى وعايز يفقرنا معاه
مروان : الا انتو بتعملوه هو الفقر والقرف بعينه .... انضفو بقى ....
شريف : خلاص بقى فكها ما تقفلش الليله ........
مروان : ناوى تعمل ايه
شريف : انا صفيت كل شغلى برا ..... ولسا مش عارف الصراحه
مروان : مش عارفه تعالى انضم لينا انا محتاجك معايااا وخصوصا ان رضا البنهاوى شادد حيله اوى اليومين دول وبيلعب من تحت لتحت .... وعايز يوقع شركتنا ....
شريف : وانت ساكت ليه
مروان : انا واخد الامور واحده واحده عشان اعلمه درس عمره ما ينساه وكمان انت عارف انا مليش فى شغل الشمال وهو كله على بعضه شمال فى شمال ....
شريف : فتح عينك عليه لان اكيد فى جواسيس تابعه
مازن: اكيد .... المهم ها تبتدى معانا من امتى
شريف : طيب فرصه اراجع نفسى وافكر
مروان : بقولك ايه انت ها تعيش الدور عليا ..... بكرا تكون فى مكتبك الا ها يجهز قبل وصولك فاهم
شريف : بخوف مصطنع : فاهم .. فاهم ...... بدئو قاعدتهم وطلبو اكل دليفرى .... واستمتعو بوقتهم جدا مع بعض .....
**********************
روان رجعت هى وحكمت بعد ما خرجو واتفسحو وعملو شوبنج وجابت لها كل الا نفسها فيه .... وطلعو فوق ....
حكمت : اه فكرتينى بايامى الحلوه .. بس تعبت
روان : لازم تخرجى وتشوفى الدنيا وحلاوتها يا حوحو
حكمت : 😂😂 انا شكلى مش ها ابطل خروج بعد كدا طلعتى عفريته ....
روان : شبيك لبيك .... ياله بقى عشان تغيرى وتاخدى علاجك وتنامى .... بس ممكن اسافر بكرا .... يومين وارجع
حكمت : ممكن يا حبيبتى هو انا ها امنعك عن اهلك ....
روان : انا ها اكلم هانم تاخد بالها منك ماشى
حكمت : ما تقلقيش عليا .......وابقى خلى بالك على نفسك
روان باستها من خدودها .... انت تامر يا جميل ... ياله ياله ....
*****************************
اشرقت شمس يوم جديد .........
نور : هى روان ماجتش ليه انهارده
هدى : مش قولتى ان ريم بابها وافق على جوازها من محمد .... يبقى اكيد سافرت
نور : ايوا صح .... ممكن بردو .... بس ايه روان اتغيرت خالص
هدى : اتغيرت ازاى يعنى ... زى ما هى
نور : يا بت لبسها وحياتها .... ما اتخيلتش ابدا ان الشغل دا ها يعمل فيها كدا كنت خايفه عليها بس الحمد لله
هدى : ربنا بيعوضها بردو ..... تخيلى كدا كانت بتقضى بقية الشهر ازاى مهمله فى اكلها وبتاخدها لحد الكليه كل يوم مشى ...... ولا يمكن تاخد جنيه مننا .....
نور : هى تستاهل كل خير لكل مجتهد نصيب . ... ياله بقى عشان معاد المحاضره التانيه بدء .....
***************
روان : انت تعرف بيت سامح ابن ماما حكمت يا كرم
كرم : طبعا عارفه انا سواق الست حكمت بقالى 10 سنين .... بس بتسألى ليه
روان : كنت عايزا اقابله
كرم : بلاش البيت مراته مبتحبش حد ومعاملتها وحشه وممكن تعمليلو مشاكل
روان : للدرجه دى
كرم : واكتر ...... دى الهانم شافت الويل بعيد عنك وفى الاخر منعتها تشوف عيال ابنها وابنها ...... لو عايزاه ضرورى ممكن نروح له فى شغله .....
روان : خلاص ماشى .... وبعد مرور الوقت كرم وصل شغل سامح ونزل بلغه وطلع معاااه
سامح : افندم مين انتى وعايزانى ليه
روان : اهلا يا استاذ سامح انا روان وبشتغل عند والدة حضرتك
سامح : وبتشتغلى ايه ان شاء الله عند والدت حضرتى ....
روان : قاعده معاها بونسها فى وحدتها وبشوف طالباتها
سامح : الهانم الا قدامى والجمال دا كله شغاله خدامه عند ماما ..... ليه بقى وعشان ايه
روان : بقول لحضرتك ...... خدامه مش خدامه مش فارقه ... انا جايه لحضرتك عشان امك ليها حق عليك انت واختك ..... وحرام بعد العمر دا كله ترموها كدا ولا كأنها عايشه ...... مسألتش نفسك لوجرالها حاجه ها تسامحو نفسكو ازاى ...... والدتك لها حق عليك ومهما كان ظروفك فاد عمره ما يمنعك حتى انك تسئل عليها وتودها .... اتقى ربنا .....
سامح : انتى جايه تدينى درس فى الاخلاق ... انتى مين انتى .... والظاهر انها فعلا خرفت على رأى مراتى ... وشكلك مقشطاها ... ماهو بينضحك عليها من اقل كلمه
💗💗💗💙💙💙💙💚💚💚💚💚
( خادمتي ولكن )
للمتابعه اترك تعليق
البارت الثاني
خادمتي ولكن
💗💗💗💙💙💙💙💚💚💚💚💚💚
روان : انا ما أسمحلكش بولا كلمه زياده .... انا لو عايزا أستغل مامتك فعلا .... عمرى ماكنت فكرت اجيلك فاهم ...
سامح : لو مش بتستغليها تقدرى تقوليلى كرم بيعمل معاكى ايه بالعربيه واللبس والمنظر الا انا شايفه دا ... كله ... كله ذوق أمى .... منين بقى حضرتك خدامتها ومنين جيالى بعربيتها وبمنظرك دا
روان : اظاهر إن أنت واحد معدوم الاحساس وانا غلطت لما جتلك ..... واه مامتك واخده بالها منى فوق ما تتخيل بتعوض حرمنها منكم فيا ..... عايز تروح لها وتستسمحها على تقصيرك فى حقها أنت حر ... مش عايز أنت الخسران عشان مفيش أهم ولا أحسن منهم ومن وجودهم فى الدنيا ... سلام .. ياله يا كرم لو سمحت ... ومشيت ... وهى زعلانه على حكمت وعلى نفسها وتجريحه فيها والتقليل منها ....
كرم : انا لو أعرف انك عايزاه عشان كدا ماكنتش جبتك أبدا
..... ابنها اتغير كتيررر بعد جوازه اتعلم من مراته الجشع وبيخاف يقول لمراته لاء معدوم الشخصيه قدامها ... عشان هى بقت ولية نعمته ومد ايده لها .... وشغلته فى شركة والدها .... فا ملوش كلمه دلوقتى
روان : عمر دا ما كان مبرر ابدا انه يقسى قوى كدا على امه .... دا ربنا عز وجل أمرنا اننا نراعيهم ونحسن اليهم حتى لو كفرو بيه ... انت ايه يا بنى ادم عشان تعمل كدا فيهم .... ربنا يهديهم
كرم : يارب ... شكلك بنت أصول واتربتى وعينك مليانه ... فلوس الدنيا ما بتغيركيش ولا تزغلل عنيكى
روان : الفلوس وسيله ... مهمه اه .. وبنحتاجها جدا .... بس لو حطتها فوق راسك ها توطى ... ولو حطتها تحت رجلك ها تعلى ..... دايما أمى بتقولى كدا .... ودلوقتى انا فهمتها جدا ....
كرم : انا أسف يعنى وانتى ايه الا يخليكى تشتغلى شغلانه زى دى ....
روان : دى زيها زى أى شغل بالنسبه ليا وادام مش بتمس شرفى وكرمتى انا عندى استعداد أشيل زلط عشان ما وطيش راسى لحد زى ما انت بتقول ....
كرم : ربنا يصلح حالك وحالنا
روان : أمين يارب ..... ممكن بقى تركن هنا نصايه كدا أجيب أكل
كرم : ماشى .... انزل اجبلك الا انتى عايزاه
روان : لا انا ها انزل ... وها اجبلك معايا ماشى
كرم : لا ملوش لزوم
روان : لا دانت مش ها تقدر تأثر عليا ... ها اجيب ليك زى ما ها اجيب لنا ..... وتوصلنى وترجع بسرعه تقعد وسط عيالك ومراتك وتاكلو مع بعض ... ماشى
كرم ببسمه : ماشى طيب خدى الفلوس
روان : انت غلابوى ليه تعبتنى ... ها يجى يوم وتعزمنى ودا اول مرتب ليا .... سبنى افرح بقى وأصرف 😂😂😂
كرم : 😂😂😂 طيب خلاص أصرفى ياستى تعيشى وتصرفى ..... ونزلت جابت الاكل ... ووصلت البيت وكرم نزلها ومشى وهو مبسوط قوى من طيبتها .....
روان : رورو .... يا منيره ..... يا فتحى ......
فتحى : انتى جيتى يا أم لسان طويل ... ايه الريحه دى يابت والشنط دى كلها .....
روان : دا أكل يا فتحى كباب وكفته
ريم : انا سامعه حد بيقول كباب وكفته ... لا وكمان شامه ريحتهم ..... وماشيه ناحية الشنط ....
روان : خدى يا بت سلمى ... انتى وفتحى هجمتو على الشنط ونسيتونى
منيره : بأستغراب منين دا كله يا روان
روان : يا ماما أشتغلت ودا اول قبض ليا الحمد لله .....
فتحى : كل دا بأول قبض .... شغاله رئيسة عصابه ....
روان : 😂😂😂 لا كله بحلال ربنا ...... واحده ست كبيره مسكتنى شغلها بس دى كل الحكايه .... ياله بقى قبل ما الاكل يبرد .... وحطو الاكل وقعدو ياكلوووو وفتحى محلق على الاكل ......
روان : يا فتحى ارحمنا بقى سبنا ناكل براحتنا
فتحى : يابت الاكل يكفينا أسبوع عايزا تلهافيه فى يوم
ريم : بتاخد صوباع كفته براحه وروان بتشاغل ابوها لحد ما خدته ... ومنيره كمان ..... ايه دا ناقص صوباعين يا ولاد المفاجيع .... ولم الاكل وقااام ........
روان : ماما جبتلك عابيتين انما ايه أخر شياكه .... وانتى بقى يا رورو طنط حكمت ظبتتك بعتالك كام طقم خروج وجابتلك جزمتين وميكب وبرفانات .... دى ها تلعب معاكى على الاخر
ريم بفرحه : بجد يا روان
روان : اه والله يا بنتى دى حبيتك من الحكاوى عليكى
منيره : قوليلى الصراحه كل دا منين
روان : والله ياماما حلال والله وزى ما قولتلك أشتغلت عند واحده وبتدينى الفين جنيه وكل الحاجات دى هى الا بعتاها .... ماعدا العابيتين وطقم الخروج بتاع بابا والاكل جبتهم من مرتبى
ريم : وانتى اتبقى ليكى ايه
روان : انا اتبقى ليا كتير قوى فرحتكم دى عندى بالدنيا وعندى حاجات كتير حلوه ما تقلقيش
فتحى : خلصتو رغى ... جايبه ايه يا حبيبتى فى الشنط دى
روان : خد يا أحلى بابا فى الدنيا الطقم دا عشانك ..... .
فتحى : الله يا روان شكرا يا حبيبتى جميل قوى
روان وطت على ايد ابوها باستها : ربنا يخليك لينا يا بابا .... بس والنبى فكها شويه شالله يخليك يا فتحى
فتحى : ضربها عل راسها بهزار انتى عمرك ما بتقولى كلمتين حلوين للاخر
منيره : 😂😂😂 غلابويه ... بس طيبه وحنينه
ريم : قوووى ... ها تقعدى لأمتى
روان : واخده اجازه أسبوع يا جميل كنت جايه يومين ... بس هى قالتلى لا خليكى مع اهلك أسبوع
ريم : طيب تمام قوى ..... محمد جاااى انهارده عشان يتفقو ويقرو الفاتحه ....
روان : مبروك يا حبيبتى ....
**************
مروان : ايمن اول ما تخلصو تجهيز المكتب بلغنى ....
ايمن : حاضر يا فندم ... اى اوامر تانيه ...
مروان : لا روح انت.....
مازن : مروان طلبونى فى المصنع ولازم أمشى اروح لهم دلوقتى
مروان : ليه فى حاجه حصلت ....
مازن : بيقولولى فى عطل فى المصنع ...
مروان : أستنى انا جاااى معاك ... واتحركو الاتنين ... ووصلو المصنع .....
مروان : فى ايه يا عبد الفتاااح ...
عبد الفتاح : مش عارف يا مروان بيه خط الانتاج ... المكن الا فيه كله وقف مره واحده .....
مروان : فين المهندسين وعمال الصيانه المختصين هنا ....
عبدالفتاح : جوا يا فندم شغالين فيه
مازن : ياله يا مروان ندخل لهم ... الطلبيه لازم تتسلم الاسبوع دا .... مش ها ينفع أى تأخير ... ودخلو ليهم جوا
المهندس أحمد : ازى حضرتك يا مروان بيه ... ازى حضرتك يا مازن بيه
مروان ومازن : الحمد لله
مروان : خير يا بشمهندس فى ايه
أحمد : خير ان شاء الله .... المكن سخن جدا عشان ضاغطين عليه قوووى فى الانتاج .... وفصل اتومايتك .... ومش ها ينفع يشتغل دلوقتى
مازن : وهو بيخرج نفسه بصوت عالى .... يعنى الحمد لله مفيش حاجه
أحمد : مفيش غير ان خط الانتاج ها يقف 24 ساعه ...
مروان : بس كدا كتير ... الطلبيه لازم تتسلم أخر الاسبوع ...
أحمد : انا سألت عبد الفتاح وهو بلغنى ان الطلبيه محتاجه يومين بس وها تكمل يعنى مفيش قلق
مازن : يعنى يا عبدالفتاح ها نلحق والا ها تغرقنا
عبدالفتاح : لا ما تقلقش خالص يافندم وادام المهندس أحمد طمنا .... ان شاء الله ها نخلصها قبل معادها بيومين
مروان : تمام قوى كدا يارجاله .... اول ما الطلبيه تخلص ....ها أصرف لكل واحد فيكو نص شهر مكفاءه ....
عمال المصنع بفرحه : ربنا يخليك لينا يا مروان بيه أنت ومازن بيه .....
مرووان ومازن : رجعو الشركه تانى .... ولقو شريف وصل وقاعد فى مكتبه الا جهز .... ودخلو عنده . .
مروان : مبررروك انضمامك لينا
مازن : أخيرا لقيت حد شبهى وها أهيص معاااه
شريف : 😂😂😂 انت ها تقلقو من ناحيتنا ليه ما تلم نفسك ...
مروان : خرابها على ايديكو انتو الاتنين ... شكلى جبته لنفسى .... انا عارف أتوب واحد لما ها اتوب الاتنين
شريف : انا فى الشغل مليش زى
مازن : وانا فى الشغل مليش حد اهئ اهئ ....
مروان : بقولك ايه فى اجتماع بعد 5 دقايق ... وطبعا انت كمان ها تحضره ...... وبيزق مازن وبيقوله ياله على شغلك ....
شريف : هش يابنى انت وهو عايز أكنس وارش .
مازن : 😂😂😂😂 حلو الشغل دا أستمر
مروان : بصلهم وخرج ... ومازن ... طااار وراه عارف طبع أخوه فى الشغل صعب .... وبيقوله ربنا معاااك دانت ها تشوف الويل .......
******************
مر أسبوووع ... والامور كلها تمام لكل الاطراف .... مروان سلم شحنة الاجهزه المطلوبه .... وروان حضرت خطوبة أختها واتبسطتت معاهم كتيرررر..... وشريف اندمج مع مروان ومازن فى الشغل واثبت لمروان انه فعلا فى شغله جاد جدا ...... وسيد وهانم زعلو كتير لما لقو سامح ابن حكمت جه واصر ياخدها معاه ... ونزل حاجات روان كلها عندهم .... بدون علم البنت وحكمت الا كان باين عليها انها مغصوبه على دا ..... وهدى ونور الا واخدنها جد جدا وكمان مش ناسين صاحبتهم و مجهزين لها كل المحاضرات الا فاتتها ...
***************
روان رجعت ووصلت العماره .....
سيد : حمدالله على السلامه يا انسه روان
روان : الله يسلمك يا سيد .... طنط حكمت عامله ايه
سيد : للاسف ابنها جه امبارح وخدها ونزل حاجتك كلها هنا
روان بصدمه : خدها ازاى يعنى .... طيب يعنى كانت كويسه وكدا
سيد : ها تعمل ايه يعنى ....ها تقول لابنها ولاحفادها لاء
روان : لا انا مستغربه ... بس مش مهم .... أكيد ها تبقى مبسوطه مع احفادها ....
هانم : حمدالله على السلامه يا ست روان
روان : ست ايه بس ... روان بس يا هانم
هانم : ها تعملى ايه طيب تعالى ندخل جوا ... ودخلو
روان : الصراحه ياهانم .... مش عارفه وانا خربتها والحمد لله .... وازاى الاقى شغل وابقى مقيمه مع حد طول دراستى ..... مش عارفه
سيد : ما مروان بيه طالب واحده تشتغل وتقيم معاهم بردو يا هانم ...
هانم : يالهوووى يا سيد أنت عايز القمر دا يقعد مع اتنين عذاب ..... لا وايه سى مازن .... ما بيسبش واحده تفلت من تحت ايده .... انما مروان بيه الصراحه ملوش فى الكلام دا ابدا ..... وكمان ست روان متستاهلش ابدا تبقى خدامه ابدا .... الست حكمت قدرتها واعتبرتها زى بنتها ... انما دول .. لا طبعا ...
روان : اتنين رجاله ... وعذاب ... وواحد شقى والتانى لاء .... اه قولتولى ..... بقولك ايه يا هانم ... فين حاجتى الا هنا .....
هانم : قامت جابتهم .... أهم
روان : دخلينى اوضة العيال نصايه بعد اذنك وهاتلى جلبيه من بتاعتك
هانم : بأستغراب عنيه .... اتفضلى .... ودخلتها
روان طلعت بعد نص ساعه ورابطه راسها بإيشرب صغيرررر وملخبطه وشها باحتراف وسمرت بشرتها ...
هانم : اعوذ بالله من الشيطان الرجيم
سيد : يا ساتر يا ساتر ..... ايه دا
روان : 😂😂😂😂😂 ايه رايكم كدا ينفع أشتغل عندهم كدا وبتحول .....
سيد : 😂😂😂😂 انتى كدا ها تسرعيهم .... دا مازن بيه ممكن يجراله حاجه ....
هانم : يالهووى يا ولاه 😂😂😂 دا مازن بيه ممكن يجيلو جلطه .....
روان : منا مش ها اتراجع ابدااا ها أكمل ولازم أكمل ....
هانم : طيب لو وافقو تشتغلى عندهم .... ها تعملى ايه وها تحضرى كليتك ازاى ...... وها تعيشى ازاى معاهم دا لو شوية ميه جت على وشك ها تكشفك
روان : لا ما تقلقيش من دا كله والا انا حاطه دا مش بيتشال غير بكريمات مرطبه ومش بيتأثر بالميه قوووى وتقريبا كدا باين انه طبيعى
سيد : قوى يا ست روان دا أنا خوفت منك
روان : هما بقى بيخرجو أمتى وبيرجعو أمتى وبيشتغلو ايه
هانم : هما رجعو من ساعه ودا معادهم وساعات بيخرجو تانى وخصوصا مازن بيه .... وبيخرجو بدرى جدا لانهم صحاب شركة المجد بتاعت الاجهزه المنزليه ....
روان : حلو قوووى يعنى ها ابقى براحتى وها أعرف اروح الكليه بتاعتى ...... ياله يا سيد أنت وهانم اطلعو بقى قوللهم ولو وافقو أطلع انا ....وسيد وهانم طلعو لهم فوق ....
مروان : خير يا سيد فى حاجه
سيد : حضرتك كنت مبلغ هانم انكو عايزين واحده تشتغل
مروان : لقيتو واحده
هانم : ايوا يا مروان بيه فى واحده ... وموجوده دلوقتى وها تقيم معاكم بنت غلبانه ومنكسره
مروان : طيب هى فين
هانم : ها اناديها ... وبتنادى عليها وروان طالعه وهى قلقانه جدا .... وبتحاول تدارى خوفها وقلقاها دا .....
روان : بتخن صوتها سلام عليكم ازيك يا بيه
مروان : أستغفر الله ..... ايه دا يا بنتى .... انتى متاكده انها يعنى ...... وسكت شويه وبيبص لسيد وهانم الا كاتمين الضحك بالعافيه ......
هانم : مش دا طلبك يا بيه
مروان : مش للدرجه دى يا هانم
هانم : خلاص يا مروان بيه وماسكه روان وماشيه
مروان : بعد ما فكر بسرعه ولقى ان دا أنسب حل لاخوه أستنى ... تعالى يا بت انتى
روان : نعم يا بيه
مروان : دى حاجتك الا معاكى كلها
روان : ايوا يا بيه
مروان : طيب ادخلى
سيد : وافقت تشتغل عندك
مروان : ايوا وافقت ..... وها اجربك لو شاطره ها نكمل معاكى مش شاطره ما نشوفش وشك .... سيد قالك انك ها تاخدى 3 الاف جنيه
روان : ايوا يا بيه وودخلو وقفل الباب فى طالعة مازن من الاوضه
مازن : بصريخ ... اعااااا ونط فوق الكنبه ..... ايه دا يا مروان مين الكائن دا .....
مروان بضحك مش قادر يبطله : دى الشغاله الجديده
مازن : ووشه أحمر من الخضه والديقه ... يخربيتك .... انت أتجننت .... دى ممكن تلبسنا فى اى وقت ... أصرفها ... أصرفها والنبى يا مروان .....
مروان : 😂😂😂😂😂 .... انتى أسمك ايه
روان : قمرين يا بيه
مازن : ينشل فى عينه الاتنين
مروان بأستغراب مين دا يا مازن
مازن : الا سمها قمرين .... دى يسموها بلوتين .... مصيبتين .... عفرتين
روان بضحكه : شالله يخليك يا بيه
مازن : انا بشتمك يا جبله .... يابارده
روان : 😂😂😂 الله يخليك والله كلك زوق يا بيه
مروان من كتر الضحك نام على الكنبه وماسك بطنه بأيده
مازن : الحول بيجى فى العين مش الكلام أنتى عندك حول فى كل حاجه ...... انصرافى يا بنتى مش عايزين حد يشتغل
روان : الله يكرمك ..... يارب .... فين مكانى بقى
مازن : بيبص على مروان لقاه لسا نايم مكانه وبيضحك من قلبه .... نزل وقرب على روان وزقها وقعها فوق مروان .... وبيقول لها هو دا مكانك ..... منك لله يا أخويا
روان وهى فوق مروان الا سكت فجأه وهى بصاله .... وبتقوله يا فضحتى يا فضحتى .....
مروان : زقها فضحتك ايه جاتك نيله .... يا فضحتى انا ... لو شافونى معاكى ها يقولو بيتحرش بأثار مصر ... موميا عمرها عشرتلاف سنه
روان : ليه ان شاء الله وحشه والا وحشه .... دا يوم ما اتولدت جابو الشيخ حسن يقرى عليا قران عشان الحسد ومن جمالى سمونى قمرين
مازن : دا كان جااااى يصرفك ..... خايفين على نفسهم ... يارتهم سمموكى مش سموكى يا بعيده
مروان : 😂😂😂😂..... انتى حطى ايه يا بت انتى ايه الريحه دى
روان بفخر : كولونيا غرام الافاعى
مازن : 😂😂😂😂 أفاعى ...دا بيعملو لها كلونيا .... وكمان مخصوص
مروان : انتى ناقصك أفاعى ..... روحى الله يسهلك
روان : اروح فين يا بيه
مروان : الاوضه بتاعتك قدام عينك اهه .... انصرفى على رأى أخوياااا واخر مره تحطى افاعى فاهمه 😂😂😂😂
روان : حاضر يا بيه .... ودخلت الاوضه وقفلت على نفسها وبتضحك من غير صوووت على منظرهم الاتنين ......
مازن : أنت بتعمل فيا كدا ليه انا أخوك يا مجرم ... اتقى ربنا انا قطعت الخلف ....
مروان : 😂😂😂😂 تستاهل ... انت الا عملت كدا .... انا شايفها مناسبه جدا وشكلها ها تعمر
مازن : منك لله انت عايزنى أصطبح بالخلقه دى وانام عليها ..... دى لازم نخلص عليها وناخد فيها ثواب قبل ما تنتشرررر يا بنى .... دى خطر على مصر واهلها .....
مروان : 😂😂😂😂 انا كدا أطمنت ان انت مش ها تدايقها .......
مازن : رحمتك بيا يارب
روان طلعت من الاوضه : تأمرنى بحاجه يا بيه
مروان : اعملى لينا أكل ..... بتعرفى
روان : بعرف يا بيه .... وشاور لها على المطبخ ودخلت جوا
مازن : يابنى دى ها تجبلنا تسمم .... دى بتحط غرام الافاعى ..... يبقى ها تبخ لنا فى الاكل .... مش خايف على نفسك .....
مروان : 😂😂😂😂😂 يابنى ها يجرالك حاجه .... دا على كدا ها يعدى يومين ها القيك بتكلم نفسك
مازن : اهئ اهئ اهئ اه تعاليلى ياما أبنك بينتقم منى
بعد فتره روان طلعت وبتحط لهم الاكل على السفره بطريقه أدهشتهم الاتنين وواقفين يبصو على الاكل بأستغراب ...
مازن : بيزعق وبيقولها طلعيه .... طلعيه
روان : أطلع مين يا بيه والله ما خدت حاجه
مازن : طلعى العفريت الا انتى مخاويه وعامل الاكل دا ..... لا يمكن السحنه دى تعمل أكل بالمنظر دا ....
مروان : 😂😂😂😂 كفايه يخربيتك.
روان : قربت جااامد على مازن
ومازن بيرجع بخوف لورا : وبيقولها ايه ها تلبسينى .....
روان : شدت ايده وحطت فى ايده معلقه كانت مسكاها ومبرقه له وبتقوله خد كل بيها وسابته ودخلت المطبخ تااانى
مازن : شوفت ..... كانت عايزا تبخ سم الافاعى فى وشى ..... يابنى حرام عليك .... انا مش ها أعرف انام باليل والكائن دا هنا
مروان : 😂😂😂😂😂 مش قااادر يخربيتكم 😂😂😂 ...... اتهد واقعد كل بقى ..... انا اول مره فى حياتى أضحك كدا .....
مازن : قعد وبيقول لمروان طيب ناديها تدوق الاكل انا خايف
مروان : بدء ياكل ومستمتع جدا بطعم الاكل .... وبيقوله مش عايز وش كل بقى .... وبدء ياكل معااااه وعجبه الاكل
مازن : والله ما مصدق ان الكائن دا هو الا عامل الطعامه دى ...... وخلصو الاكل ...... ومروان نادى عليها تيجى تشيل الاكل .......
روان : طلعت لمت السفره ..... وبعدين راحت لهم وهما قاعدين ... . تأمرنى بحاجه تانيه يا مروان بيه
مروان : بقولك ايه ممكن أقولك قمر .... بلاش قمرين دى
روان : بضحكه ممكن يا بيه
مازن : هو بيزغزغك
روان : أصله بيعاكسنى ...... وأمى قالتلى الا يعاكسك أضحكيلو ......
مازن : 😂😂😂😂 البس .... من حفر حفرة لأخيه وقعتلو غرام الافاعى فيه
مروان : 😂😂😂 طيب يا قمر تعرفى تعملى نسكافيه
روان : نكسافيه ..... بعرف يا بيه
مازن : بيحرك ايديه وبيلوى شافيفه .... هو فى نكسه أكتر من الا شايفنها .......
روان عشان تجنن مازن : مسكت ايديها الاتنين وحطتهم على صدرها ..... وبتقوله ... وهى بتهز راسها وبتجز على شافيفها .... وأنت يا حلوووو تشرب ايه ....
مازن : لا بقولك ايه انا محجوز لمراتى المستقبليه ...... اوعى فى حياتك ..... سامعه حياتك .... تفكرى فيا ..... وروحى أجرررى أعمليلى كابتشينوه
روان : واحد نكسافيه ..... وواحد كرابتشينه ..... للحلو سابق سنه ....
مروان : 😂😂😂😂😂 جاااامده والله مبررروك عليك
مازن : كرابتشينه ..... والحلو سابق سنه ... أسترها والنبى يارب ...... وخلصت وجابت لهم المشروبات
مروان : بجد تسلم ايدك الاكل جميل والنسكافيه أجمل ....
روان بفرحه : تسلم يا بيه ... بألف هنا .... وأنت يا حلوووو الكرابتشينه عجبك
مازن : بيشرب فيه ..... لا معجبنيش ..... انصرفى
روان : شالله يخليك فاتح نفسى
مازن بصريخ : أنصرفى .... انصرفى يا شيخه بتفصلينى .....
😂😂😂😂😂😂
********************
ريم : محمد ها تقابلنى وانا خارجه من الشغل بكرا
محمد : أكيد يا حبيبتى لازم أشوفك ......
ريم : ربنا يخليك لياااا
محمد : يارب ..... خدى دول
ريم : ايه دا مش كفايه الا أنت جايبه معاك
محمد : لا مش كفايه أنتى تستاهلى أكتر من كدا بكتيرررر ..... أمسكى الفلوس دى ولو احتاجتى أى حاجه قوليلى فاهمه
ريم ببسمه خجل : شكرا بجد مش محتاجهم الحمد لله .... بعد الحواز أخد الا انا عايزاه
محمد : أمسكى يا ريم ... ودى اخر مره أسمعك تقولى كدا انتى مسؤوله منى دلوقتى وبعد الجواز ...
ريم : خدت الفلوس وشكرته تااانى ...... وقامت حطتلو حلويات من الاجايبها .... ومنيره قاعده معاااه ..... وفتحى برا ......ولسا مجاااش
منيره : معلش عمك فتحى قرص عليك شويه وشايلك كل حاجه
محمد : ما تحمليش هم حاجه يا طنط منيره انا مجهز كل حاجه ومش ناقصنى غير وجودها فى شقتنا .....
منيره : ربنا يسعدكم يارب
محمد : يارب .. انتى محتاجه اى حاجه اعتبرينى ابنك ....
منيره : ربنا يخليك يا حبيبى ... كل الا محتاجاه أشوف بنتى فرحانه ومبسوطه معاااك عل طول
محمد : قولى يارب يا طنط .... فرحنا وسعدتنا بأيده
منيره : يارب يا حبيبى .....
**********************
نور : البت ولا حس ولا خبر بقالها أسبوع
هدى : يا بنتى أكيد مسافره .... ان شاء الله تحضر من بكرا ... المهم انتى ها تعملى ايه ها تسافرى والا قاعده
نور : ها اسافر طبعا ..... مؤمن وحشنى قوى ومش مبطل زن كل شويه فى التليفون
هدى : ايوا يا عم ... عقبالنا .
نور : ما توافقى على عريس من الا بيتقدمولك
هدى : مش وقته يا بنتى وكمان انا عايزا أعيش قصة حب ..... وحيحححح وكدا يعنى
نور : الحب دا أجمل شئ فى الدنياااا والله ....
هدى : كفايه يا بنتى أنتى بتشوقينى أكترررى ليه
نور : بشجعك يا هبله ... انطلقى ... بس مع الا يستحق مش أى حد
هدى : ماشى يا ستى ..... الحايزبونه . كانت عايزا منك ايه
نور : الايجااار ياختى ... بتقولى اتاخرتوووو .... قولتلها ها اسافر أجبلك فلوووس
هدى : خدى من معايا ولما ترجعى ردى ليا الفلوس
نور : اوكى يا مزه ...... اول ما ارجع ها ادهوملك على طول
هدى : خدى يا حبيبتى ......
💗💗💗💙💙💙💙💚💚💚💚
للمتابعه اترك تعليق
البارت الثالث
خادمتي ولكن
💗💗💗💙💙💙💙💚💚💚💚💚💚
سيد : تفتكرى يا هانم الست روان ها تقدر تكمل الا بتعمله دا من غير ما يكشفوها ..
هانم : روان ما يتخافش عليها ... أنت ما شوفتش منظر مروان بيه كان عامل ازاى مابالك بقى بمازن بيه
سيد : 😂😂😂 كان منظره صعب قوى وانا كاتم الضحك بالعافيه
هانم : انا كام نفسى أجرى على تحت ..... وأضحك بعلووو صوتى ....
سيد : والنبى البنت دى صعبانه عليا ما تستاهلش المرمطه والخدمه فى البيوت .... دا ست حكمت .... كانت مخلياااها بدال ولادها الاتنين والله ....
هانم : والشهاده لله روان كانت بتعاملها أحسن معامله وشايلها فوق راسها .... أنت شوفت الست حكمت صحتها رددت تانى ازاى .... والا الضحكه الا كانت ما بتفارقش وشها
سيد : ربنا معاهم الاتنين بقى .... يمكن الست حكمت ترجع .... والست روان ترجع لها هى كمان ......
******************
أنتهى اليوم سريعاااا .... وأتى يوم جديد بشمس تنير الكون .....
*************
روان : قامت وظبطتت نفسها اول ما سمعت المنبه الا ظابطه زى ما مروان قال لها ..... وطلعت خبطت خبطه خفيفه على اوضه مروان ......
مروان : ايوا خلاص صحيت ....
روان : من ورا الباب ماشى يا بيه ها أصحى مازن بيه واحضر الفطار ..... وراحت تخبط على مازن .... بس مفيش رد ..... خبططت تانى ..... مفيش ..... فتحت الاوضه ودخلت .... لقته متغطى بغطاء خفيف ومغطى وشه ..... قربت منه وشدت الغطا وبعلو صوتها مازن بيه ......
مازن : اتعدل بفزع .... أعااااااا يخربيتك ... انتى بتصحينى والا بتخوفينى .....
روان بكسوف : يا بيه أستر نفسك عيب كدا 😂😂😂
مازن : والله عيب عليكى أنتى .... مش انا الا أستر نفسى ... المفروض انتى .... أنصرفى ... انصرفى يا شيخه قفلتيلى اليوم كله
روان : طالعه وكاتمه الضحكه ودخلت المطبخ .... وسمحت لنفسها تضحك من غير صوت ........ وبتحضر الفطار
مازن : خرج من الاوضه وراح شغل التلفزيون على قناة القرأن الكريم .... ودخل الاوضه تانى وخد شاور ولبس وجهز وطلع لقى مروان قاعد على السفره وروان بتحطلو الفطار
مروان : شكرا يا قمررر لو سمحتى اعملى 2 قهوه مظبوط بسرعه
روان : حاضر .... ودخلت على المطبخ ....
مروان : هو انت الا فاتح على القرأن
مازن : ايوا أنا
مروان : خير نويت تتوب
مازن : احممم وبيوطى صوته .... قولت أفتح قناة القرأن يمكن تنصرف .... وتختفى من حياتنا .....
مروان : 😂😂😂 يابنى عيب عليك اتهد بقى هى عملت ليك حاجه .....
مازن : عملت حاجه ..... قول هى ماعملتش ايه .... دا دى العفريت الا بيخوفوو بيه العيال عشان تنام .. وبيرعبووو بيها الكبار ... عشان تقوم من النوم ..... يابنى انا مانمتش طول الليل ....
مروان : 😂😂😂 والله لو ها نقوم كل يوم بدرى كدا .... شكلى ها أحبها .....
روان : قدمت القهوه ..... تأمرنى بحاجه تانيه
مروان : ايوا شوفى البيت ناقصه ايه وانزلى هاتيه ..... وادى الفلوس الا ممكن تحتاجيها .... وعايز الشقه دى بتلمع ... ماشى ...
روان : حاضررر ولفت لمازن ..... تأمرنى بحاجه يا حلو أنت يا حلوووو
مروان : 😂😂😂😂
مازن : اه وياريت تعملى الا ها أقولك عليه
روان : اتفضل
مازن : دا مش طلب .... دا رجاء .... ارجع ما شوفش وشك ....
روان : امال ايه يا بيه تشوف قفياااا .... أكلمك بضهرى مثلا
مازن : هى الا عندها حول فى الكلام ها تفهمنى ازاى ... اه ... بقولك يعنى تفضلى معانا ما تمشيش ... فهمتى
روان : بتضحك ... انا عارفه ... انك حاطت عينك عليااااا ..... وأنا لا ممكن .... لا ممكن أسيبك وأمشى يا حلو الحلوين أنت ....
مروان : 😂😂😂😂 حلوه لا ممكن دى .... روحى ياله ... وانت يا استاذ هات قهوتك وأشربها فى عربيتك
مازن : متنح لروان .... وبيقول لاخوه .... وانا بقول كدا بردو وخد القهوه وحاجته وطااااار على تحت ....... وبعد فتره وصلو الشركه وكل واحد راح مكتبه .......
شريف دخل على مازن : صباح الخيرررر
مازن : تعالى الحق أخوك .... صاحبك فى الملاعب
شريف بقلق : مالك يالا .... عينك حمرا كدا ليه
مازن : المفترى بينتقم منى .... جايبلى واحده فى بيتنا ... اللهم أحفظنا ..... لا وايه بتحط كولونيا غرام الأفاعى ....وبتصحينى الصبح ... وانا نايم بالعافيه .... كان ناقص تقولى عوووووو ... اه يااانى ومن جرا لشبابك يا مازن ...... والنصيبه حاطه عنيها عليا .. أنت عايز ايه يا حلوووو وبيضم بقه قوووى فى الواو بتاعت الكلمه ..... رايح فين يا حلوووو
شريف : 😂😂😂😂 مش قااادر يخربيتك 😂😂😂😂 ... ودى جبهالك منين دى
مازن بغل : انا لو اعرف اتحدفت من أنهى مصيبه .... كنت خلصت عليهم ونهيت المهزله دى ....
مروان دخل عليهم : واول ماشاف اخوووه قعد يضحك جااامد وشريف بيضحك معااااه
شريف : لا دى اول مره أشوفك بتضحك كدا من زمن ..... أكيد عامل كارثه فى أخوك
مروان : ربنا بعتها عشان يتلم لوحده .....
مازن بيديق عنيه : والله ما ها أفوتهالك ... واخرجووو بقى عايز انااام
شريف : 😂😂😂😂
مروان : 😂😂😂 والله اجبهالك هنا
مازن : منك لله يا بعيد ..... يارب تتجوزها ... يارب
مروان : أخرص .... اتجوز مين ... موميا ....
شريف : لا انا لازم أشوفها .....
مازن بيعيط عياط مصطنع وبيحرك صوباعه وبيقولو بلااااش .... بلااااش .... ها تقطع الخلف .... وها تكره الستات زيى ..... اه ياماااااا ياحبيبتى
******************
روان غيرت هدومها ورجعت لطبيعتها .... ونزلت راحت الكليه بعدهم بساعه ......
هدى : أخيرا شوفنا وشك .....
نور : ايه يا بنتى طيب اتصلى
روان : قعدت معاهم وقصت لهم كل شئ ...... والبنات ماسكين بطنهم من كتر الضحك .....
هدى : 😂😂😂😂 انتى فظيعه يخربيت كدا .... عملتى لهم المهزله الا كنتى بتعمليها فى السكن .... دانتى كنتى بترعيبى البنات باليل بيها
نور : 😂😂😂😂 المدمره حطمتى الواد
روان : دانا عملت فيه عمايل ..... ياله على كلام هانم يستاهل ..... انما التانى الصراحه حيححححح
هدى مسكت دراع نور وحطت راسها عليه .... وبتقول لها الحقى بتقول حيححح
نور : ايوا منا واخده بالى
روان : لا بجد يا بنتى الاتنين احلى من بعض .... حاجات كدا بتاعت سينما .... بس سبحان الله الطباع ملهاااش اى علاقه ببعض
هدى : شوقتينى أشوفهم .... وانتى ازاى كنتى فى نفس العماره وماشوفتهمش قبل كدا
روان : مواعدنا يا بنتى مختلفه تماما .... هما بينزلو بدرى .... وبيرجعو متاخر .... فا ماصدفتش وقابلتهم
نور : وانتى بقى ها تكملى فى الهبل دا .... يابنتى لو شافوكى على حقيقتك وواحد بأخلاق مازن دا أكيد ها يعمل فيكى حاجه .... دا لاعنده حرام ولا عيب
روان : ان شاء الله مش ها اتكشف .....انا محتاجه سكن وفلوس وراحه عشان المذاكره انتو شايفين المواد مكلكعه ازاى .... وعايزا تركيز عالى
هدى : عندك حق بس انتى مجنونه بردو
روان : مش مهم ...... جبتولى المحاضرات
نور : اتفضلى دى كل المحاضرات الا فاتتك ...كل يوم أجبها معايا ..... على أمل اللقاء
روان : شكرا يا نونو ياعسل ...... ياله عشان انا ها أحضر المحاضره دى واطير على الشقه .... ورايا حاجات كتير لازم أخلصها ......... وخلصت ورجعت جابت الا ناقص البيت وروحت ........ جهزت كل حاجه وروقت الشقه .... ودخلت اوضة مروان أخر حاجه وفضلت فيها كتيررر بتتأمل صوره وضحكته الا سرحت فيها وهو نايم على الكنبه واد ايه كان يخطف القلب وبعدين فاقت من شرودها وبتقول لنفسها فوقى انتى بالنسبه له قمر الخدامه .... وانتى الا عملتى فى نفسك كدا ..... وقامت وفعلا الشقه خلتها بتلمع وريحتها تحفه أكتر ما مروان طلب منها ..... ودخلت خدت شاور بسرعه وجابت برفن ريحته غريبه ورجعت نفسها تانى .... وحطت البرفن الا جابته ..........
***************
حكمت : يابنتى انا عملت ايه ... سبيهم يقعدو معايا
راندا : بصى بقى انا وافقت تقعدى معانا عشان سامح قعد يتحايل عليا كتيرررر انما الولاد ملكيش دعوه بيهم .... مش عايزهم يتعلمو أفكارك المتخلفه
حكمت بعياط : والله ها أقعد معاهم بس ... مش ها أعلمهم حاجه
راندا : لا سورى ... ليكى ساعه فى اليوم بس يقعدو معاكى فيها وما تطلعيش من اوضتك .... وأكلك ها يدخلك هنا ... فاهمه ....
حكمت : طيب روحينى شقتى مش عايزا أقعد هنا
راندا : يووواه انتى ست خنقه ... عايزا راحه أكتر من كدا ايه ..... والا أشتاقتى لقعدت الخدامين ... الفضايح الا أنتى عملاها لنا .... أمتى تموتى ونرتاح منك بقى ... اوف منك وخرجت وقفلت عليها باب الاوضه
حكمت : بتعيط بحرقه .... ازاى ابنها يعمل فيها كدا ... ايه الذنب الا هى عملته عشان تلاقى الجفاء دا من ابنها وبنتها ..... قامت اتوضت وبتصلى وبتشكى لربنا قسوتهم .... وبتقوله نفسها تشوف روان ... وحشتها قوى ... ووحشها حنيتها عليها ومراعيتها ليها ...... وبتدعى لها ربنا يكرمها فى حياتها ....
******************
نور بفرحه : مؤمن أنت جيت عشانى
مؤمن : أكيد عشانك يعنى .... وحشتينى وانتى ماعندكيش دم ... ولازقه هنا
نور : والله يا حبيبى كنت ها اسافر بكرا ..... بس أنت سبقت
مؤمن : هاتى صاحبتك وتعالى نتغدى برا ايه رايك وارجعى هاتى حاجتك ونسافر ...
نور : أشقطه أحبك أنا كدا .... يابه يا هدى ها نتغدى برا ... يا فرج الله ....
مؤمن : انتى ها تشحتى يا نور .....
هدى : 😂😂😂😂 لا روحو أنتو وانا ها أجهز الحاجه الا كنتى ها تاخديها معاكى
مؤمن : لا والله لازم تيجى معانا والا اخدها وامشى
نور : ها تطير الغادوه الله يسامحك أخلصى . ...
هدى : طيب خلاص ياله
مؤمن بيدايقهم : ياله دانا ها اعزمكو على كشرى انما ايه
نور : نعم حضرتك .... لا انا اسافر بكرامتى .... كسفتنى قدام البنيه .... أنت لو عصرتنا ها ننزل كشرى
مؤمن : حط ايده حوالين رقبة نور وشدها عليه .... وبيضحك تعالى انا بهزر .... ما صدقتى تتفتحى ....
*******************
فتحى : ياله يا منيره انا جعان .....
منيره : حاضر وحطت الاكل ونادت على ريم الا مش مبطله رغى مع محمد فى التليفون من ساعة ما جابهوله ....
ريم : حاضر ياماما ..... سلام يا حمودى
محمد : سلام يا قلب حمودى ..... وطعلت قعدت عشان تتغدى معاهم ......
فتحى : يابنتى كتر الرغى وحش ....
ريم : حاضر يابابا .... بقولك ايه يا جميل .....
فتحى : عايزا ايه
ريم : فى كدا شوية حاجات محتاجه أجبها فى لبس البيت
فتحى : خلى المحروس يجبهملك .....
ريم : ازاى يعنى يابابا هو فى غير هدومى بس الا ها نجبها كمان عايزو هو يجبهم
منيره : ايوا يا فتحى عيب نطلب يجيب هدوم البيت كمان
فتحى : عيب ليه هى مش ها تلبسهمله ....
ريم : عشان خاطرى يابابا ... ازاى مش ها تحبلى حاجه خالص .... ها أبقى زعلانه ومدايقه ....
فتحى : انتى بتستغلى حبى ليكى ....
ريم : لا والله يابابا .... بس صدقنى ها اتبسط قوووى لو انت الا جبتهم .... انت ابويا حبيبى ...
منيره : ما تكسفاهاااش عشان خاطرى يا فتحى .... انا ما بطلبش منك حاجه ...
فتحى : خلاص يا منيره .... حاضررر عشان خاطرك أنتى
منيره قربت عليه : وحضنته ربنا يخليك لينا يا حبيبى
فتحى بزعل : ويخليكو ليا يارب .... ما تزعليش منى يا منيره
منيره : مش زعلانه .... ومسكت لقمه أكلتهالووو .... ربنا يهديك ....
ريم : يعيش فتحى حبيبى الملاين
فتحى : كلى واطمنى ضحكتووو عليااات بردووو
*******************
شريف : انا جاااى معاكو لازم أشوف التحفه الاثريه دى ....
مروان : تعالى ومش عايز قلة ادب ماتنسوش انها بنى ادمه زينا وبتحس بردو
مازن : دى بتحس ... يا مفترررى .... ياله يابنى عشان تاخد الصدمه مره واحده ..... وروحو ومروان بيفتح الباب .... بس مفيش غير الهدوء التام ....
مازن ماسك ايد شريف : وداخل بيتسحب على جوا .... سمع صوت جميل قوى جاااى من المطبخ .... وداخل براحه ومروان بيضحك على منظرهم الاتتين
مازن : واقف متنح هو وشريف على باب المطبخ ومش عاملين أى رد فعل وبيسمعووو روان الا مندمجه قوووى وهى بتشطب فى مواعين المطبخ مكان عمايل الاكل .... وبتغنى بصوت جميل عكس الا بتتكلم بيه تماما ...
روان حست بحركه وراها وبتلف .....
شريف : اعاااااا يخربيتك .... انتى ايه
مازن : 😂😂😂😂
روان : بتخن صوتها شويه ودا مين دا كمان ....
مازن : دا صاحبنا شريف .....
روان : أهلا يا بيه
شريف : ولا أهلا ولا سهلااااا انا ماشى .... دا بقى بيت الرعب ....
مروان : 😂😂😂😂😂
روان : والله ابدا يا بيه دا انا عامله غدا يستاهل بوقك ....
شريف : وانا أكله ازاى بعد ما شوفتك
روان بأستعباط : شالله يخليك يا بيه .... انا عارفه ان جمالى فتاااك 😂😂
مازن ومرون نامو جمب بعض على الكنبه وبيضحكووو بصتهم كله وماسكين بطنهم ......
شريف : لا حول ولا قوة إلا بالله .....ايه الريحه الغريبه دى .... اوعى يكون دى كولونيا غرام الافاعى بتاعتك .....
روان : بتضحك .... لا يا بيه ..... دى كولونيا الحربايه .... انما ايه حاجه كدا فله
شريف : غرام الافاعى .... والحربايه .....
مازن : خارجه من بيت الزواحف
مروان : 😂😂😂😂 اه 😂 مش قاادر .....
روان : قربت عليه وقعدت جمبه ......
مروان : بيبص لها بأستغراب وترقب هو ومازن وشريف .... وبيقول لها ايه ..... فى ايه
روان : هو أنت مبسوط عشان حطتلك كولونيا الحربايه ....
مازن قام جمب شريف وهلكانين من الضحك من منظر مروان .....
مروان : بصى انا ها أجبلك البرفن الا ممكن تحطيه وبلاش المعفن الا بتتعاملى معاااه ماشى .... وبلاش تفهمينى غلط
روان : ماشى يا بيه الا ياجى منك كله حلوووو
مروان : قومى بقى واخر مره تقعدى جمبى فاهمه
روان بزعل : حاضر يا بيه وسابته ودخلت المطبخ تانى من غير ما تكلم حد فيهم تااانى
مازن : والله شكلها ها تقع فى اربيزك يا مفترى ....
شريف : ايه إلا أنت عملته دااااا الله يسامحك
مروان سابهم ودخل المطبخ لما حس انها زعلت ..... قمر
روان : نعم يا بيه
مروان : ما تزعليش يعنى عشان زعقتلك
روان : مش زعلانه يا بيه ..... انا تحت أمرك ومليش حق انى أزعل ....
مروان : لا يا قمر ليكى حق ..... بس يعنى بطلى عاميلك دى ..
روان : حاضر يا بيه ....... اتفضل روح غيررر وانا ها أحط الاكل على طول .....
مروان : ماشى .... على فكره الشقه بقت حلوه قوى تسلم ايدك شكلك شاطره وها تريحينا كتيرررر
روان : شكرا يا بيه ..... انا جهزت ليك حمامك .... ومازن بيه كمان ..... وهدوم البيت جاهزه
مروان خرج وهو مبسوط ..... من بساطتها .... واد ايه بتاخد بالها من كل التفاصيل .... وشاطره فعلا ... والاهم ان أخوه أتلم جداااا ...... وبقو بيضحكو من قلبهم طول الوقت .....
شريف : هو الاكل نظامه ايه
مازن بعد ماخرج من اوضته : يابنى كل حاجه فيها حلوووه حتى صوتها طلع ساحرررر ماعدا وشها الا بيفصلك عن كل حاجه ورد فعلها الصادم ...
شريف : أما نشوف ....
روان : اتفضلو يا بهوات الاكل جاهز
كلهم قعد ياكلووو ومستمتعين جدا ....
شريف : معقول التنسيق دا وطعم الاكل من تحت ايديها ....
مروان : مش واخد بالك من الشقه .... بصو كدا الا متعلق هناك دا .... جديد ... والفازات دى جديده ..... والورد دا
مازن : الصراحه زوقها حلووو وبتفهم ... بس فى نفسها طالعه من بيت الزواحف ...
شريف : 😂😂😂😂 ايوا ... صح
مروان : قمر ... تعالى لمى السفره ....
قمر عملت ليهم اتنين نسكافيه وواحد كابتشينو وخرجت حطتهم عل ترابيزه الانتريه ..... وراحت شالت الاكل ....
شريف هى عرفت منين انى بشرب نسكافيه بعد الاكل
مروان : انا قولتلها .....
مازن : بيولع سيجاره .... روان قربت عليه وشدتها منه .... خطر على صحتك يا حلوووو..... وكمان على صحة الا حواليك
مازن : انتى مالك يابنتى ... والله انتى الا خطر على صحتى ... انا مش عارف يوم ما ابطل سجاير ابطلها رعب منك
روان بصوت عالى : بقولك ايه لو شوفتك بتشرب سجايرر مش ها أسكتلك فاهم ..... ما بتخافش على نفسك ... خاف على الا معاك .....
شريف مدارى السجاره بأيده .... ومروان بيضحك عليهم الاتنين وسايبها عشان هو طلب منهم كتيررر فعلا يبطلوها ....
مازن : كدا كتيررر دى بتهددنى كمان
روان : برقت عنيها جامد وقربت منه ..... وبتخن صوتها جااامد وبتقوله ... بتقول ايه يا حلووو سابق سنك
مازن :بخوف من منظرها انا ... هو انا فتحت بقى .. ..
شريف : السجاره لسعت صوباعه... وبيحطها وبيمسك صوباعه الا أتلسع ...
روان : هو انت كمان بتشرب سجاير
شريف : لا انا خلاص بطلتها .......
مروان : بيبص لروان وبيضحك 😂😂😂وبيقول لها كدا تمام قوى ... روحى انتى .......
شريف : بجد بغض النظر عن أى حاجه بتعملها .... كله حلو ... بس كدا ضغط نفسى وعصبى ..... البنت شكلها يخوف بجد .... لا وايه دى واكله صوباااع الروج مش حاطه .. يخربيتها
مازن : 😂😂😂 هى فاهمه الميكب غلط .... شوفت الزعانف الا طالعه من حواجبها
مروان : 😂😂😂 الا البرفانات الا بتستخدمها .... مصيبه .... احنا لازم نلحقها قبل ما تبوظ الرئه .....
مازن : البركه فيك ..... اتبسط .....
*************
مر أسبوعين والامور كلها مستقره عند الكل ماعدا مازن الا كل يوم بيقوم من النوم على طريقة روان .....ونوعا ما بدء يندمج معاها هو ومروان ويحبو وجودها الا موفر ومسهل كل حاجه لهم ........ وحكمت الا بتعانى من جفاء مرات ابنها وابنها ....... ونور الا سافرت ورجعت تاانى وطبعا يوميا هى وهدى بيستنو روان تحكى لهم عن الثنائى الا عايشه معاهم .......... ومحمد الا مش مصدق نفسه ان حب عمره كلها شهرين ويتجوز وتنور حياته على طول ...... وفتحى الا ها يتجنن من مصاريف ملابس ريم الا بيدفعها وهو بيبكى بالدموع انه وافق .......
*****************
فتحى : يا بت كفايه يخربيتك
ريم : يابابا لسا ....
منيره : لو سمحتى هاتى دا كمان
فتحى : يا منيره عيب .... بنتك بتخربها
منيره : مش نجيب الا ناقصها
فتحى : كل دا ناقص .... كفايه يا مجرمين
ريم : طيب ممكن تشوفى حساب دول
البنت : الحساب كله 3500
فتحى : بينهج جامد ... يالهووووى ... قلبى ... قلبى
منيره : مالك يا فتحى دا لسا ها نجيب
فتحى : والله منا جايب ..... خلاص ....
ريم : طيب هات الفلوس
فتحى : بيعدهم براحه ... وبيعيط عياط مصطنع .... خدى ..... حسبى الله
ريم : هات بقى وبتشدهم منه
***********************
نور : ايه ها تمشى بدرى بردو
روان : لا قاعده انا مش ورايا حاجه ها أخلص كل المحاضرات ... وأمشى
هدى : طيب ايه رايك نتغدى مع بعض برا
روان : مش عايزا مليش نفس .....
نور : مالك يا روان
روان بعياط : حبيته يا نور .... ومش عارفه أعمل ايه .... وليه ورطتى نفسك كدا ...
هدى : مين فيهم
روان : مروان الكبيرررر ..... بيبقى نفسى أقرب ....أكشف حققتى .... بس مش قادره .... هما مش بيتعاملو معايا غير انى الخدامه بتاعتهم
نور : قولتك الا بتعمليه دا غلط وبتنزلى من نفسك
هدى : بطلى بقى يا نور هى ناقصاكى ..... وخدتها فى حضنها بس يا حبيبتى ..... ربنا يقرب بينكم .......
نور : انتى هبله بتعشميها بإيه ..... لا يمكن ها يفكر فيها حتى .... عارفه يعنى ايه صاحب شريكات المجد .... ويطلع يقول أتجوزت الخدامه بتاعتى .......
روان اتخنقت جدا : انا ماشيه .... مش ها أحضر حاجه وسابتهم وجريت .....
هدى : ليه كدا
نور : دى الحقيقه ..... مكانها مش الخدمه فى البيوت ..... مكانها فى حسابات الشركه عنده ..... انتو مش عايزين تفهمونى ليه
هدى : ماكنتيش قسيتى عليها كدا حرام عليكى .... دى مجروحه قوى .....
نور بزعل : ربنا معاها .... وهو على الاقل يفهم ويقدر دا
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💙💙💙💙💚💚💚💚💚
للمتابعه اترك تعليق
تعليقات
إرسال تعليق