 |
البارت الرابع
خادمتي ولكن
💗💗💗💗💙💙💙💙💙💙💚💚💚💚💚💚
روان وصلت العماره وطالعه جرى .... ومره واحده خبطت فى حد جامد قدام باب الشقه ..... ولسا بتبصله وهو بيبص لها .... وقعت أغمى عليها ....
مروان : مسكها بين ايديه .... أنسه ... يا أنسه .... فتح الشقه وشالها نيمها على الكنبه وفى لحظه قرب من وشها جامد وريحتها لخبطته .... اتعدل بسرعه ... وبيحاول يفوق فيها ... جاب البرفن بتاعه وبدء يفوقها بيه ....
روان : اتعدلت وبتبص له بكسوف .... وبتقوله انا أسفه ...
مروان بأبتسامه ولا يهمك .... كنتى طالعه فوق ...
روان بأرتباك : اه كنت طالعه لطنط حكمت ... أصلها صاحبة ماما .... فا قولت اعدى اطمن عليها ....
مروان : وهو قاعد جمبها على الكنبه ... طنط حكمت ابنها سامح خدها تقعد عنده ... بقالها اسبوعين ... انا سلمت عليها وهى ماشيه .....
روان بتتعدل : بجد طيب ممكن أقوم عشان أمشى ...
مروان : ازاى طيب ... أستنى أشربى حاجه انا مش لوحدى وبينادى على ... قمر ... ياقمر ..... وقام ودور عليها .... مش لاقيها .... ممكن تكون البنت خرجت تجيب طلبات للبيت ...
روان بأرتباك : طيب انا لازم أمشى بعد اذنك ....
مروان مسك ايديها بسرعه عشان ما تخرجش : هو مش عارف عمل كدا ازاى وهى بصاله ومتنحه وهو مركز جوا عنيها حاسس انه شاف العيون دى كتيررر ... لا متاكد .... احممم أنا أسف مش قصدى والله ... انا ها اعمل حاجه تشربيها وما تكسفنيش .... وبردو ما تقلقيش ... فى بنت بتشتغل هنا زمانها جايه
روان : بصاله وساكته تماما .....
مروان سمح لنفسه تانى : يمسك ايديها ويقعدها حاسس ان كيانه كله اتلخبط ... وبيتصرف كأنه عارفها او عايز يعرفها ويقرب منها وراح جاب الكتب الا كانت معاها من على الباب وشنطه كانت فى ايده وقفله ..... وبيبص فيهم .... أسمك روان وبتدرسى تجاره انجلش واخر سنه ليكى
روان هزت راسها : بمعنى اه
مروان : طيب تمام ربنا معاكى ..... وسابها ودخل المطبخ وهو مبسوط مش عارف ليه .... وكمان متلخبط .... عمل اتنين قهوه وخرج ... ملقاااش حد ... حط القهوه على الترابيزه وقعد بإهمال على الكنبه الا كانت نايمه عليها وأستنشق ريحة البرفن بتاعها وقرب بوشه من الخداديه جااامد يستنشقه أكتر ..... ومره واحده ابتسم ....
روان نزلت تحت بسرعه عند ...هانم . . وبتقول لها ... فين حاجتى الا حاطها هنا احطياتى
هانم : جوا تعالى .... ودخلت غيرت و جهزت نفسها ... وخدت خضار بتاع هانم وطالعه عل فوق ..... فتحت ودخلت لقت مروان نايم عل الكنبه مكانها ومبتسم .........مروان بيه بتعمل ايه هنا بدرى كدا ....
مروان : انتى كنتى فين
روان : كنت بجيب طلبات يا بيه ... فى حاجه ... ولمين القهوه دى
مروان : لا مفيش .... ودى ياستى عملتها ليا عندك مانع
روان : غلط على صحتك كل دا .... أعملك حاجه تاكلها ....
مروان قام : لا انا تعبان وها ادخل اريح شويه .....
روان بلهمفه : مالك فيك ايه ....
مروان : مالك انتى مش على بعضك ليه ....
روان : ابدا يا بيه قلقت عليك بلاش ....
مروان : طيب ادخلى حضرالى الحمام وطلعى ليا البجامه ... بسرعه ... عشان انا فاصل ومصدع ...
روان دخلت طلعت له البجامه .... حضرت الحمام ... وهى خارجه فى حاجه تانيه يا بيه
مروان : أعمليلى حاجه دافيه أشربها لو سمحتى يا قمر ...
روان : عنيه يا بيه .... وخرجت وهو دخل خد شاور ولبس البجامه ونام على السرير وهو ساند ضهره ...
روان خبطت على الباب وهو قال لها ادخلى ....
مروان : انا قولت حاجه أشربها بس ...
روان : يا بيه انت نزلت الصبح من غير فطار ... وكمان شارب قهوتك على الريق ... كل السندوتش دا ... وبعدين أشرب اليانسون ها يهدى أعصابك وتنام ......
مروان : طيب هاتى .... شكرا يا قمر ....
روان : على ايه يا بيه ....
مروان : على كل حاجه .... واخده بالك من كل حاجه ومش بتزهقى من طلباتنا انا وأخويا ... وشريف كمان .... الا بقى مقيم هنا معانا ...
روان : دا شغلى يا بيه ما تشكرنيش عليه ...
مروان : طيب هاتى الشنطه الا عندك دى وخوديها ليكى
روان بفرحه : هى فيها ايه دى وجريت عليها لقتها برفن.....
مروان : دا ياستى الا قولتلك ها اجبهولك حاجه كدا على ذوقى معلش نسيته بس اول ما افتكرت جبته ..... وروحى بقى حضرى الاكل قبل ما البلوتين يرجعوو ..... وياكولنا احنا
روان : 😂😂 ماشى ... وقربت عليه غطته زى الاطفال وشالت الصنيه وطفت النور وقفلت الباب وهى مبسوطه ..... وزعلانه فى نفس الوقت .... مبسوطه انه جميل قوى من جواه وبيتعامل بأنسانيه .... وكمان من نظرات الاعجاب لروان مش لقمر .... دى بالنسبه له حاجه ودى حاجه ..... زهقت من كتر التفكيررر ودخلت عملت الاكل ......
******************
شريف : ما اتصلتش على مروان اطمنت عليه
مازن : اتصلت وقمر ردت وقالتلى نايم
شريف : طيب ها ناخد الحسابات معانا نسهر عليها انهارده
مازن : انا مش عارف مروان مصمم نراجعها ليه وعشان ايه
شريف : أكيد شاكك فى حاجه والا ماكنش أصر اننا ناخدها نراجعها معانا ........
محمد سكرتير مازن : فى واحده بره عايزا مروان بيه
مازن : مين دى ....
محمد : بتقول ان اسمها شاهى
مازن : دخلها يا محمد ....
شاهى : مازن ازيك وقربت وباسته ..... انت كمان ياشريف هنا ... وقربت باسته ....... فين مروان
مازن : مروان روح عشان تعبان شويه ....
شاهى بلهفه : ماله ... طيب ياله نروح له ....
مازن : مش عايز مشاكل مع مروان يا شاهى انتى عارفه انه ما بيحبش كدا .....
شريف : لا وايه بعد ما أشتغلتى مع رضا البنهاوى .... ها تعملى فيها الوديعه المحبه ....
شاهى : انا عارفه طبعا انه زعلان منى عشان أشتغلت مع رضااا بس غصب عنى .... وعشان أثبت حسن نيتى أنا جيباله كل أخباره ....
شريف : أخبار ايه
شاهى : ابلغها لمروان بنفسى ..... ودا شرط ...
مازن : انتى مصممه تعملى مشاكل
شاهى : بعد الا ها يعرفه منى ... مش ها يزعل صدقنى ...ياله بقى وماسكه مازن من ايده وبتشده على برا ....
مازن شد ايده : اهدى فى اوارق لازم اجبها ....
شريف : ياله انا جبت كل حاجه ... واتحركو رايحين لمروان مع بعض .......
*******************
سامح : ايه ياماما عامله مشاكل مع راندا ليه
حكمت : انا محبوسه فى الاوضه دى من يوم جبتنى هنا غصب ..... ها أعمل ايه لها وانا بين اربع حيطان
سامح : أعملك ايه يعنى وانا جايلى واحده عامله فيها هانم .... واكتشف انها خدامه عندك ... وانتى صارفه فلوسك عليها ... وكمان الهانم جايلى الشغل ... عشان تعملى فضيحه ...
حكمت : روان جاتلك ....
سامح : .....
حكمت : روان الا بتقول عليها خدامه دى فى كلية تجاره انجلش أخر سنه لها .... وعمرها ما أستغلتنى ابدا ... ظروفها هى الا حكمت عليها تشتغل عندى ... تاخد بالها منى . . مش خدامه .... يابنى انا مش ها أشحتك أنت وأختك .... وبدموع انا لو أعرف ان ابوك الله يرحمه كان ها يسبنى وحيده من بعده كدا كنت دعيت يومى يبقى قبل يومه .... بس هو كمان سابنى .....الله يسامحك أنت واختك انا مستاهلش منكم كدا .... اطلع لمراتك لتعمل مشكله انك قعدت معايا .... روح الله يسهلكم
سامح : ياماما انا
حكمت : ماما ايه وانتى حابسنى وبشوف ولادك بمعاد ومراتك بتتمنلى الموت ..... أطلع واقفل باب المعتقل كويس عشان ماخرجش براه .....
سامح : يعنى أعمل ايه ياماما طيب
حكمت : رجعنى ... لشقتى وانسانى يابنى زى ما كنت ناسينى وانا مسامحك انت واختك .... والله مسامحكم
سامح : انا أسف يا ماما .... انتى عارفه انه غصب عنى .... وبيوطى على ايديها يبوسها
حكمت : حطت ايدها على راسه ..... وحشتنى يا سامح .... ووحشتنى نجلا أختك .... روحنى شقتى وابقى تعالى اطمن على أمك ....
سامح : اترمى فى حضنها .... سامحينى ياماما .... وعشان خاطرى خليكى معايا شويه ..... وبعدين ها اروحك حاضر
حكمت : والله مسامحك .... وحاضر يا حبيبى ها أستنى عشان خاطر حبايبى ياسر ويارا ....
راندا دخلت : الله على وصلة الحب والغرام .... بقولك طهقتنى فى عيشتى وانتى مرمى فى حضنها ....
سامح قام : طيب تعالى يا حبيبتى ها أقولك ....
راندا : بلا حبيبتك بلا زفت ..... انت ايه ياخى ...
سامح : راندا لو سمحتى تعالى وشدها ومشى من قدام مامته الا مقهوره على حال ابنها .....
****************
مازن : فتح باب الشقه وبينادى على قمر .... بس مش موجوده .... شاهى دخلت على طول على اوضة مروان ......... ودخلت لقته نايم .... قربت منه وبتصحيه بطريقه مقززه .....
مروان بيفتح عينه : واتعدل بسرعه ... انتى ايه الا جابك هنا ....
شاهى : اول ماعرفت انك تعبان جتلك ايه مش ها تحن بقى ....
مروان : اطلعى برا وقولتك قبل كدا ... ماتجيش الشقه .... دى تانى .... وانت يا زفت انت وهو جايبنها وجاين .... فين قمر
مازن : مش موجوده
شاهى : مين قمر دى كمان
مروان : انتى مالك ... اتفضلى اطلعى برا الاوضه ...
شاهى : جايبلك أخبار رضا البنهاوى ....
مروان : حد قالك انى مشغلك جاسوسه عنده
شاهى : حتى لو عرفت انه من اسبوعين باعتلك جاسوسه وبتنقلو كل أخباركم .... بس انا معرفش هى مين الصراحه ...
روان رجعت من برا .... وفتحت ولقت مازن وشريف قاعدين على الكنبه برا ..... انتو ايه الا مقعدكم زى العوازل كدا ... وكمان راجعين بدرى ليه .... مروان بيه جراله حاجه .. ما تنطق انت وهو ..
مازن : انتى مديانا فرصه .... اهدى .... مروان عنده ضيفه جوا ....
روان : نعم يا أخويا ضيفه فى اوضة النوم .....
شريف : 😂😂😂😂 ايوا ... احنا ما بنضيعش وقت ...
روان : جريت على اوضة مروان والغيره بتنهشها من جواها ......
مروان : قمر خدى الانسه وصليها لباب الشقه ...
شاهى اتعدلت وبتلف تشوف قمر دى .... اعاااا يا مامى وبتترمى فى حضن مروان .... ايه دى يا مروان
مروان بيبعدها عنه .....
روان : ايه يا حلوووه ..... مش عجباكى والا أكون مش عجباكى .... وانتى ايه الا يدخلك اوضة نوم واحد عاذب وايه قميص النوم الا انتى لابسه دا يابت ..... يالا يا حلوه هواينا
شاهى : ايه دا يا مروان ازاى تسمح للمقرفه دى تكلمنى كدا .... دا انا ها ارجع من منظرها ....
مروان : ........
روان : ياله بقى عشان تلحقى ترجعى برا .... وماسكها من ايديها بتطلعها برا ... تحت نظرات مروان الا ساكت تماما .... وكمان مازن وشريف الا خايفين من رد فعل مروان ....... وزقتها بغل وقفلت باب الشقه تحت توعد شاهى لهم ... ومشيت وهى بتدخن .....
مازن : طربقتيها كنتى اديها رشتين غرام الافاعى 😂😂😂 عشان نخلص منها للابد
شريف : والا رشتين الحربايه 😂😂😂 وتبقى كملت وتتحول على كل لون ....
روان : هو دا الا باخدو منكم ..... ودخلت لمروان
مروان : وهو نايم لف وشه لها ... كنتى فين بقيتى بتخرجى كتيرررر
روان : كنت بجبلك حاجه للصداع الا عندك يا مروان بيه وقربت منه وبتديلو برشامه مسكنه وصبت له كوباية المايه
مروان : هاتى جت فى وقتها .... انتى ربنا بعتك لينا هديه
روان : ربنا يخليك ويكرمك .....كمل نومك .... وبتغطيه
مروان : قولى للاتنين الا برا دول مش عايز أسمع نفسهم ..... واقفلى الباب وانتى خارجه
روان : حاضر ..... وخرجت لهم .....
مازن : قمر عملتى الاكل ....
روان : ايوا
شريف : طب ايه ... يا جميل مش ها تاكلينا ... احنا بقينا مدمين لأكلك ومشروباتك .... الجامده
روان : لا مش ها تاكلو غير لما مروان بيه يقوم يتغدى .... وبيقول لكم ما يسمعش صوت نفس حد فيكم ... وبتبرق وبتقولهم فاهمين
مازن : فاهمين يا قمر .... انصرفى .... انصرفى يخربيت الا يزعلك .... 😂😂😂
روان : ها اجهزلك البجامه وحمامك .... وانت كمان ....
شريف : مش عارفين من غيرك كنا عملنا ايه .... انصرفى على رأى مازن ...... وقامو خدو الشاور وغيرو وقعدو براحتهم .... بيراجعو الحسابات ......
روان : انا عملت حاجه تشربوها .... اتفضلو وسيبو الا فى ايديكم دا .....
مازن : طيب أستنى شويه الموضوع شكله ها ياخد وقت .... ودى حسابات وحاجات تخنق ....
شريف : بصراحه أخوك أختار أكتر اتنين شاطرين فى الحسابات .... وبيقول لهم راجعوووو ... شكلها فيها سهره للصبح ....
روان : أشربو دول وانا ها اساعدكم .... انا شاطره فى الحسابات قوى ... قوى ..
مازن وشريف انتبهوووو ..... دا الا هو ازاى يعنى .... انتى متعلمه أصلا
روان : امال جاهله طبعا متعلمه .... ومعايا دبلون تجاره
مازن : دبلون .... وبتقوليها بكل فخرررر
روان : دا كانو ممساكينى حسابات بيتنا كلها ..... تيجى ايه حسابات البيت والا ..لوازم كل واحده فينا فى الكلام الفارغ دهوه .... هااااه
شريف : 😂😂😂😂
مازن : حسابات بيتكم ..... وبعياط مصطنع اهئ اهئ ... انا مش عارف ها أستحملك والا أستحمل أخوياااا ... انتى طلعتى هبله كمان وانا الا بقول شاطره والبريمووو فى كل حاجه ..... انصرفى .... انصرفى ... وبيشاور بايده ....خدى يا بت
روان : عايز ايه مش قولتلى انصرفى انت الخسران وربنا .....
مازن : انتى عندك اخوات ...
روان : بايديها الاتنين فى وشه 10 بنات غيررررى فى عين العدو
شريف : اههههههههههههههههه مش قادر ههههههه
مازن : يادى النصيبه ..... 10 كاورث غيرك .... وطبعين ... والا دهانين دوكو زيك كدا
روان : ايه دوكا دا يا بيه
مازن : ميكب يعنى بيحطو ميكب والا بيكلوه زيك .... 😂😂😂😂
روان : وانا فهمت دوكا . . لما ها افهم الا انت بتقول عليه دا ميكلب
مازن : هو قسما بالله ابن كلب .... ودخل لعب فى وشك وشلفطوووو .... الا انتى مهبباه فى شفايفك وعيونك والكارثه الا أسمها خدودك وزعانف السمك الا اسمها حواجبك 😂😂😂😂😂
روان : 😂😂😂 واحد طويل عريض زيك كداهو مش عارف الكحله .... والروجت .....
شريف : نايم على الكنبه وماسك بطنه وبيضحك وموطى صوته عشان مروان .....
مازن : ايوا دول هو انتى بتحطيهم والا بتدهنيهم .....
روان : أصل أمى قالتلى .... يابت يا قمرين .... قولتلها عيونى الاتنين👀...... قالت ... كترى روجت يا بت وكحله ... عشان يجيلك عرسان كتيرر .... كل ما تكترى ... كل ما يكترو ... اصلهم الموكسين ... ما بيشفوش غير الا بتدهن زيى كدا ....
مازن : واخواتك البنات بيدهنو زيك كدا
روان : أكتر يا بيه .... دانا محافظه على جمالى ... وحلاوتى الطبيعيه ههههى...
شريف : انتى عندك ثقه تودى فى داهيه .... جمالك وحلاوتك .... 😂😂😂😂
مازن : انتو عايزين اباااده من الجيش .... لازم يطلع حمله كبيره وعلى بيتكم ويعمل تطهيررر للمنطه ليكون ساب حد ....
روان عشان تجننه : انا اختى جمالات .... اول ما شافها ظابط أد الدنيا ملو هدومه حارب الدنيا عشان يتجوزها .... واتجوزها ومبسوط أخررر انبساط ....
مازن : اه هما معرف عنهم انهم بيضحو عشان خاطر البلد .... فقال يضحى ويجر رجليكم واحده ورا التانيه ويخلص عليكم فى صمت .... ظابط ايه يا هبله .....
روان : ظابط ايقاااع اد الدنيااا
شريف : 😂😂😂😂😂 والنصيبه فى اسمائهم ... هى قمرين واختها جمالات ... مش بياخدو واحده كفايه جمعين كل حاجه حلوه ....
مازن : ايقاااع ... بردو ياعينى الواد ضحى بنفسه . . ياله ممكن تكون جمالات أحلى ....
روان بفخرر : انا أجمل وأحلى اخواتى ... بيقولو عليا ملكة جمال الزريبه وضواحيها ....
مازن : 😂😂😂😂 عارفه نفسك .... انصرفى .... انصرفى يخربيتك ...... ها تجبيلى جلطه مستعجله .....
روان : وانت يا حلوووو الحلوين انت مش ناوى تتهد بقى وتستر نفسك
شريف : 😂😂😂😂😂😂😂
مازن : مين فينا الا يستر نفسه ....واتهد من ايه يا بت ......
روان : تتجوز واحده تلمك بدال ما بتعاكسنى فى الراحه والجايه .... وانا بخاف على نفسى ....
مازن : انا بعاكسك .... يخربيتك .... وكمان خايفه على نفسك منى .... اهااااا ياما ..... ادعى عليه .... اخاف يتعب أكتر ماهو تعبان .... بس اقول ايه .... والله بتصعبى عليا احيانا ... هى لو شايفه الا احنا شايفينه كانت انتحرت .....
روان : بقولك ايه يا سى مازن .....
مازن : نعمين
روان : حب واتحب .... انت كبرت فى السن وشعرك قرب يشيب والحق نفسك واتجوز .... عشان تخلف عيلين يبقو هما ضهرك وسندك فى الدنيا .....
شريف : 😂😂😂😂 مازن أصغر منى ومن مروان ب4 سنين ... دى عندها حول بجد
مازن : حسستينى انى ماشى بتسند .... وكل ما ابص فى مرايه أغنى .... ببص لروحى فجأه ... لقتنى كبرت فجأه ... تعبت من المفجاااه .. وقمر فوقتنى ......
روان : أسمع منى ... انا عايزا مصلحتك ...
مازن : ايه ها تجوزينى واحده من اخواتك العشرا وبيفرد ايده الاتنين فى وشها زى ما عملت ...
روان : واجوزك واحده من اخواتى ليه ان شاء الله اتجوزك انا واكسب فيك ثواب ....
شريف : 😂😂😂😂😂 يالهووووى
مازن : انتى حاطه عينك عليا يالا تتشكى غورى يابت وبيزوقها ... جامد
روان : اسمعنى بس
مازن : بيزقها أكتر .... من انهارده لا ليكى دعوه بيا ولا انا ليا دعوه بيكى ... انا مخاصمك ...... 😂😂😂😂
روان : مشيت من قدامه ودخلت المطبخ .... وبتضحك بهستريه وكاتمه صوتها بالعافيه ........
😂😂😂😂😂😂😂
*************************
محمد : اتاخرتى ليه كدا .....
ريم : معلش يا حبيبى ....
محمد : امتى نتجوز ونخلص بقى من حوار الشغل دا وتقعدى معززه مكرمه فى بيتك
ريم : كلها شهرين يا محمد هانت .... طنط عامله ايه ... و محمود و دعاء ....
محمد : الحمد لله كلهم بخيررى ما تيجى تتغدى معانا انهارده ها يتبسطو قوى
ريم : انت عارف بابا مش ها يوووافق ....
محمد : ما تقوليلوش حاجه ... ومش ها يشوفنا ... واتحججى بأى حاجه على التأخير ...
ريم : انت ها تبقى راضى ومبسوط لو عملت كدا .... انا لا يمكن طبعا اعمل حاجه من ورا بابا وماما ..... وعلى فكره بابا عارف من قبل ما نتخطب ان انت بتوصلنى للبيت كل يوم بعد الشغل ..... برغم المشاكل الا جاتلى من ورا الموضوع دا .... بس ماحبتش ابدا حد يقوله بنتك بتعمل وتسوى من وراك وبدون علمه ..... عشان يبقى واثق فيااا ... ومهما اتقال ما يصدقش غيرى ....
محمد : كل دا عشان بقولك تعالى اتغدى عندنا .... ياستى انا كمان بثق فيكى جدا
ريم : لو وافقتك على الا بتقوله ... ثقتك ها تتهز فيا ....
محمد : خلاص يا رورو فوكيها .... تعالى نجيب ساندوتشين نضربهم واحنا ماشين .... حلوه اللغه دى ..
ريم : 😂😂😂 حلوه ... احب التيك اوى انا ....
محمد : روان عامله ايه
ريم : والله صعبانه عليا ..... مصممه تكمل على حساب صحتها ومجهودها ما بين مذاكره وشغل .... شالت الهم بدرى .... كل ما تكلمنا تقول لنا انها مبسوطه وشغلها تمام .. وبتذاكر .. كويس ....
محمد : هى شغاله ايه ....
ريم : عند واحده ماسكه حسابات شغلها ... بتقول كبيره فى السن وقاعده لوحدها ...
محمد : ربنا معاها ... اختك طموحه وذكيه .... وها توصل بسرعه .... ما تقلقيش عليها .....
ريم : يارب تحقق الا نفسها فيه ....
********************
هدى : الحمد لله ياماما .... انا كويسه وانتى عامله ايه طمنينى عليكى
فاطمه : انا كويسه يا قلب أمك .... مش ها تيجى بقى تقعدى معايا شويه ....
هدى : ها اجى يا حبيبتى بس شويه كداا .... خلى بالك على نفسك ... ماشى ... سلام
فاطمه : مع السلامه ربنا معاكى .....
نور : انا صعبان عليا مامتك قوووى وهى قاعده لوحدها .... كدا
هدى : الجيران مش سايبنها لوحدها .... والبت روكا بنت طنط حنان... بتبات معاها ....
نور : كويس والله ... ان لسا فى جيران واخده بالها من بعض وبيسألو ويودو بعض كدا
هدى : يابنتى دايما احس ان الناس دى أهلى .... عوضونا عن غياب ابويا وعن اهلنا .... الا ماعرفش عنهم حاجه كل الا اعرفه من أمى معلش يابنتى مشغولين ... حياتهم ... عيالهم ...اصلهم قاعدين بعيد عننا قوى وانا مش قادره اودهم وازورهم ..... وهكذا .....
نور : بقولك ايه يا مزه .... انتى فاكره لو اهلك لازقين فيكى ها يسألو عليكى وكل يوم يا انتى عندهم يا هما عندك .... دا وهم .. كبيررر يا حبيبتى .... دلوقتى الاهل أكتر ناس بتكره بعض ... وما بيحبوش الخير لبعض ....ابدا ..... وكل يوم مشكله شكل ..... حبل الموده اتقطع من زمان ... ايام جدى وجدك .... لما كانت الناس دى بتود من قلبها وبتعمل دا بمحبه ..... لما كان كل واحد بيحب الخير للتانى وراضى با إلا فى ايده .... لما كانت الستات ما بتدخلش بين الاخوات وكل واحده عارفه حدودها ..... وبردو لما كان فى ناس فاهمه الدين وبطبقه صح .... صلة الرحم .... والنبى وصى على سابع جار ....
هدى : الدنيا مش وحشه قوى كدا يا نور
نور : لا وحشه يا هدى .... انا ومؤمن بنعانى من الخلافات الا بين ابويا وعمى ... وعمامى وعماتى .... عشان الورث والقرف .... والستات الا كلامهم مش بيخلص .... وعشان فى واحد طماااع وعايزا ياخد أكتر من حقه والتانى عايزين يجو على حقه ... وعشان الحلو عملوه وحش بسبب غيرتهم من بعض .... والوحش عملوه حلوووو عشان .... كتيرر يابنتى ... اقولك احمدى ربنا انك ملكيش أهل معكننين عليكو حياتكو ..... الغريب بقى يحبلك الخير أكتر منهم
هدى : انا الحمد لله بشوف عكس الا بتقوليه دا ....
نور : عشان بتشوفيه من براااا .... جوا البيوت حاجه وبراااها حاجه .... صدقينى .....
هدى : ربنا يهدى الحال يارب ..... انا وحشتنى قعدت روان ومقالبها ... قوى .... الشقه هنا ماكنتش بتبطل ضحك
نور : وانا كمان ..... ياريتنى كنت اقدر اساعدها .... ومخليهاااش تعمل الا هى عملته دا ....
هدى : ما اتوقعتش ابدا انها تحبه بالسرعه دى .... كان كل الا فى دماغها مذاكره ومستقبلها وبس .....
نور : مبهوره بالشخصيه .... الا لمستها فيه عن قرب .... ممكن يكون اعجاب ويعدى عااادى .... دى كانت مطلعه عين شباب الكليه ... ومحدش قدر عليها ... ابدا
هدى : لا بس بتحب بجد ... البنت على طول مسهمه وأكلها قل قوى .... وكل تفكيرها انها ترجع بسرعه على هناااك ... ما بنلحقش نقعد معاها .....
نور : انتى متخيله يا بنتى ان واحد زى مروان صاحب أكبر شريكات الاجهزه فى مصر والعالم العربى .... ها يبص لخدامه عنده .... صعب قوى يا هدى ...حتى لو يابنتى .... الناس دى اسمها نجوم المجتمع ..... يعنى يوم ما يفكر يتجوز .... ها يبقى بنت وزير .... بنت واحد منهم .... هى لعبت بالنار .... واهى بدئت تحرقها .... المفروض تنسحب من حياتهم من دلوقتى ..... قبل ما يكشفوها ....
هدى : انتى ها تقلقينى عليها ليه ....
نور : انا ميته من القلق عليها .... هى تستاهل كل خيررر بتعانى من كل حاجه فى حياتها وبتقاوم دايما ..... نهايته بقى ... الا ربنا عايزه ها يكون .......
**********************
روان داخله لمروان تتطمن عليه طاول فى النوم قوووى .... قربت منه وبتصحيه براحه .....
مروان : فتح عيونه .... فى حاجه يا قمررررر
روان : معاد الغدا عدى من زمان .... وانا خايفه على الاتنين الا برا دول ها يجرالهم حاجه
مروان : هههههه طيب ما تحطلهم ياكلووو
روان : من غيرك والله ماهم دايقينه ..... قوم سعتك على ما أحضر السفره .....
مروان : انا مليش نفس
روان : من يوم ما دخلت البيت دا يا بيه عمرى ما شفتك كدا .... معلش انا عارفه انى مش قد مقامك انى اسألك مالك .....
مروان : انتى يا قمر اسألى على الا انتى عايزه .... كفايه انك انضف من ناس كتيرررى بقابلهم فى حياتى .... عاملين فيها بهوات .... وهما أستغفر الله .....
روان : اد كدا شايل من الناس
مروان : تعبت واتخنقت ساعات حجم المسؤوليه الا انتى شيلاها بتخنقك جدا ...... وبيتعبك .... ساعات بسئل نفسى ليه انا واخويا بقينا لوحدنا بسرعه ليه كدا .... وليه انا اتحمل عبئ دا كله لوحدى .... وعبئ ان شريكات والدى لازم تفضل زى ما هى واحسن ..... ودا يحاربنى ودا يحاربنى ....
روان : إحمد ربنا .... انك مش محتاج لحد .... وان ابوك الله يرحمه سابك وانت اد المسؤوليه ما ضعتش بين الرجلين .... وما تعترضش على أمر ربنا .... لكل أجل كتاب .... دى اعمار ملناش ايد فيها .... قوم خليك قوى مهما كانت الظروف ضدك .... اتحكم فيها انت ... اوعى تخليها هى الا تتحكم فيك ......
مروان بأبتسامه : ساعات بحس انك فاهمه أكتر مننا .... وبتستهبلى علينا ..... تعرفى انا حبيت وجودك جداا هنا .... خليتى للشقه دى روح ماكنتش موجوده فيها قبل كدا ....
روان : ياسى مروان مش معنى انى فقيره انى مش فاهمه او شغاله عندك او عند غيرك انى مش متعلمه ....
مروان : انتى متعلمه يا قمر
روان : ايون معايا دبلووون تجاره
مروان : 😂😂😂😂 دبلووون وعلى كدا بقى بتفهمى فى الحسابات .... والا واخداها بالبركه
روان : بفهم وربنا بفهم .....
مروان : طيب قومى جهزى السفره على ما أقوم ياله ....
روان : عنيا أنت تأمر .... وقامت جرى تحت نظرات مروان .... الا عيونها مجنناه حاسس انها نفس عيون روان الا شافها الصبح وركز فيهم قوووى .. وطريقة كلامها وطبيعتها الغربيه ....
مازن : يابت يخربيتك ... زلتينا ..... ميت من الجوع انا وشريف ....
روان : 5 دقايق والاكل يكون جاااهز ....
شريف : رضيت عنا بنت سلطح ملطح باشا ....
مازن : بيتخن صوته يا صلاة النبى ....
روان حضرت السفره وقعدو اتغدو مع بعض ..... وخلصو وعملت لهم مشروباتهم المفضله .... مروان انضم ليهم ....
مروان : ورينى انت وهو وصلتو لفين .....
مازن : اتفضل ادى الورق الا عملته ... وشريف وانا كمان اهووو ....
مروان : بس كدا ايه الفشل الا انتو فيه دا
مازن نعملك ايه يعنى .... احنا ملناااش فى الحسابات .... هات محاسب تانى ياعم يراجعلك ....
مروان : لا نراجعهم بنفسنا .... فى لعب فى الحسابات دى ..... كبيررر وعشان كدا أصريت انى اجبهم هنا .. .. خدى يا قمرر تعالى أما أشوف الدبلون جايب نتيجه معاكى والا كلام .... راحعيلى الميزانيه دى كدا ....
مازن : انت بتتكلم بجد
شريف : دا جنان
مروان : هى شاطره وذكيه .... وانا بشوفها اد كلامها وفعلا فاهمه والا لاء .....
روان : هات يا بيه .... وهات كمان الاله الكاتبه دى
مازن : 😂😂😂😂😂 اله كاتبه .... والله لتكتبى على جنانى قريب
مروان : 😂😂😂 اسمها اله حاسبه .... خدى اهه ....
روان خدتها وقعدت 10 دقايق لوحدها .... خلصت حسابات الميزانيه فى ورقه تانيه .... ورجعت لمروان تحت نظرات الثنائى الا منتظرين يضحكو عليها .... اتفضل
مروان : لحقتى خلصتيها .... ورينى كد ... وبدء هو يقارن ويراجع .... ولقاها فعلا مظبوطه ومكتوبه بطريقه وخط يجنن ..... وكمان فى فرق 100000 الف جنيه .... زى ماهى كاتبه ......
مروان : باندهاااش انتى متاكده انك دبلوم ....
مازن : انتى مصيبه ما وردتش عليا قبل كدا
شريف : معقول .... بجد يعنى ورقه زى الا انتى عملتيها دى بتاخد نص ساعه معاياااا
روان : اصلى يا بهوات ... أشتغلت بعد ما خلصت الدبلون فى حسابات شركه قبل كدا .... وبعدين أستغنووو عنى لما واحده جت ومعاااه كليه .... وحاولت أشتغل كتيررر بس ماعرفتش .... لحد ماجيت اشتغلت عندكو ....
مروان : بجد برافوووو عليكى ..... تقدرى تخلصى دول فى اد ايه .... وليكى مكفاءه عندى كبيره .....
روان : يوم واحد .... ومش عايزا مكفاءات .... والثنائى دا يقعد ويتعلم .....
مروان : وانا موافق وبردو ليكى مكفاءه
مازن : انا على أخر الزمن اتعلم منها .....
شريف : 😂😂😂😂 قمررر تفوقت على الاستاذ ....
روان : ان كان عجابكوووو ..... وبدئو يراجعووو حسابات الشركه مع بعض .... ومش واخده بالها من مروان الا فعلا بدء يشك فى أمرهاااا .... انها مش بنى ادمه بسيطه او معاها دبلوم زى ما بتقول ....
💗💗💗💗💙💙💙💙💚💚💚💚💚
للمتابعه اترك تعليق
البارت الخامس
خادمتي ولكن
💗💗💗💙💙💙💙💚💚💚💚💚
خلص اليوم بسرعه يا حلوين .... واشرقت شمسهم من جديد ... يا ترى مختلف ليهم ومميز والا العادى والطبيعى بتاعهم
*******************
سيد : خدى الخضااار دا طلعيه فوق للست روان ... والطلبات الا كانت كاتبها كلها .... انا جبتها
هانم : هات ... وطلعت على فوق وبترن الجرس .... روان قامت من على السفره وهى مطبقه يوم كامل من غير نوم .... والشباب كلها أستسلمت ونامت على الكنبه مكانهم ....
هانم : صباح الخير يا ست روان
روان : هششش يا هانم ليسمعوكى ... وبتوطى صوتها ... صباح النور .... دى الطلبات كلها
هانم : ايوا هى ... عايزا حاجه تانيه
روان : لا شكرا تسلمى ... خدى يا هانم
هانم : عيب والله وايه دا كله
روان : خدى وانتى ساكته كفايه تعابكو معاياااا ... يلا سلام
هانم بفرحه : سلام يا ست الستات ونزلت لجوزها تحت ...
مروان بيتعدل ويتمطع مكانه .... وبيتواب ....
روان : صبااح الخير عليك ياسى مروان
مروان ببسمه : صباح الخير يا قمر قمتى من النوم امتى
روان : انا لسا ما نمتش كنت سهرانه على الحسابات عشان أخلصها .... وكلها خلصت الحمد لله ....
مروان : معقول .... وقرب منها جااامد ... انتى متاكده ان معاكى دبلوم
روان بأرتباااك : ايوا ... هو انا مقولتلكش
مروان : لا مقولتيش
روان : انى أشتغلت فى شركه ... واتعلمت كتير من الاستاذ عبدالحميد ... الا كان ماسك الحسابات .... رجل محترم وبيحب يساعد
مروان هز راسه .... طيب ياله جهزى الحمام وصحى البهوات وحضرى الفطااار .... عشان نلحق نروح الشغل ... واه متعمليش أكل ...
روان : ليه يا بيه
مروان : ادخلى نامى .... وريحى يوم .... وانا ها أجيب أكل جاااهز معايااا ماشى
روان ببسمه : ماشى ... بس تعالى الاول ... انت ازاى يا بيه سايب شركتك تتسرق بالمبالغ دى كلها .... الورق دا أنا اختصرته عن المبلغ الا بيسرقوها كل سنه مكتوبه بالتفصيل وفى ايه بالظبط بدال ما تراجع تااانى ....
مروان بتوعد : زى ما اتوقعت بالظبط .... انتى بقى يا ست قمررر ... ها تاخدى منى انهارده 10 الاف جنيه على تعبك واجتهادك .... دا ...
روان : لا يا سى مروان ... قولتلك انا مش عايزا حاجه ... انا
مبسوطه بمرتبى ... وها يكفينى ويفيض منه الحمد لله ...
مروان : انتى قنوعه بس ... حد يقول للمكفاءه لاء ... دا غيرك بيتمانها .... بس بردو ها تاخديها ... دى أقل ما تستحقى بكتيررر وكمان فين مرتبك انتى لسا شوفتى مرتب . .
روان : انت مخلينى محتاجه حاجه .... ربنا يزيدك ....
مروان : بطلى رغى ... ياله خلصى ...
روان : راحت تصحى مازن وشريف ..... وبتقوم فيهم وهما ولا هما هنا ..... جابت ميه وكبتها عليهم الاتنين
مازن : اعااااااا .... انتى عملتى ايه يخربيت جنانك ...
شريف : اعااااا ... يالهوووى الميه ساقعه .... انتى ما بتعرفيش تعاملى بنى ادمين
روان : مش عايز كلام كتير ياله كل واحد يشوف ها يعمل ايه على ما اجهز الفطارر ... وسابتهم ودخلت المطبخ
مازن : انا بدئت أشك .... أكيد انا الا بشتغل عندها ...
شريف : 😂😂😂 والله البت دى أخوك مسلطها علينا
مازن : بيغمض عين ومفتح التانيه وحط ايده على كتف شريف .... وبيقوله تفتكر
شريف بتأكيد : ايوا يابنى .... صدقنى ... دى خطه من مروان ... بيتوبنا بالادب ... وياله بقى قبل ما ناخد برد .... ودخلو كل واحد خد شاور وخرجو كلهم فطرو .... ونزلو راحو الشركه .....
***********
مروان : ايمن ...ابعت رأفت يجيلى حالا
أيمن : حاضر يافندم .....
مروان : بسرعه ....
مازن : طيب راجع يمكن غلطت فى الحسابات يامروان
مروان : لا ... مغلطتش فى حاجه
شريف : أنت واثق فيها كدا ليه ....
مروان : عشان هى تستحق الثقه دى
مازن : طيب مش ها تعرف مين الا زقها رضا البنهاوى علينا .... زى .. ما شاهى بتقول ...
مروان : ها أعرف وها أعصرها عصررر بين ايديااا هى ورضا زفت ... الا يومه قرب ... فتحو عيونكم انتو بس
شريف أكيد واحده من الا اتعينت جداد ....
مروان : التعينات الجديده كلها ماعداش عليها 15 يوم ....
ايمن : رأفت وصل يا فندم
مروان : دخله ....
رافت : صباخ الخير ... عليكم جميعا
مروان : أقعد يا رأفت
رأفت : خير يا مروان بيه ....
مروان : أنت عارف انا سايبك فى الشركه دى ليه من يوم ما والدى ما مات
رأفت : هو انا عملت حاجه يا مروان بيه
مروان : قول ما عملتش حاجه .... انت بالذات مريحينك فى الشغل .... وثقه كامله لساعتك .... بس انت تستاهل الثقه دى .... انت عارف انا ممكن أخرجك من هنا على السجن .... بس محبه والدى ليك ها تمنعنى عن دا رغم انك ما تستاهلش .... وعشان حاجه تانيه ... كل مليم انت سمحت لنفسك تاخده وهو مش من حقك ها ترجعه .... كل مليم
رأفت : انا مخدش حاجه .... من امتى بمد ايدى على فلوس الشركه ....
مروان : من زمان .... ودا الا أكتشفته اليومين دول بس ... ومسك الورق الا فى ايده .... دى صور لكل مليم انت مديت ايدك عليه .... قدامك 24 ساعه تردلى فيها فلوس الشركه ... وبصرامه فاهم .....
رأفت : ها ارد دا كله منين ..... انا ... انا ...
مروان : الحراميه الا حواليك وبيساعدوك ... انا عارفهم واحد واحد .... تلمهم كدا وترجعو فلوس الشركه .... وعلى فكره ... عنيا عليكم فوق ما تتخيل ... ومفيش فرصه حتى تهربووو .... لو فى بطن الحوت ها أجبكم ... ياله خد الورق فى ايدك واتفضل ......
رأفت خرج وهو ها يتجنن ايه الا كشفهم دا عمر ما حد شك فيهم ابدا ....
****************
روان وصلت الكليه .... ايه يا بنات ... ياله معاد المحاضره دلوقتى ....
هدى : المحاضره اتلغت ...
روان : ليه ... دانا مطبقه من امبارح وقولت أجى
نور : مطبقه ليه ....
روان : قصت لهم كل حاجه ....
هدى : هو انتى معاكى صور ليهم
روان جابت التليفون الا معاها .... بصى كدا هو التليفون معفن ... بس شغال يعنى الصور ... باينه
هدى : اه ... مين فيهم مازن بقى
روان : دانتى منمره عل الواد ....
هدى : بطلى رخامه ... من كتر ما بتحكى عنهم ... نفسى أشوفه ... بجد ... دمه خفيف قوى ...
روان : هو دا يا ستى ...
هدى : عسل قوى ... انتى ازى مستحمله تعيشى مع التلاته دول فى شقه واحده
روان : 😂😂😂 مانتى لو شوفتى بيعاملونى ازاى ها تعرفى .... يابنتى انا مش مدياهم فرصه يفكرو فى حاجه أصلا .....
هدى : انتى ها تقوليلى
روان : انتى ساكته كدا ليه يا نور
نور : خايفه عليكى .... أخلعى قبل ما تدبسى فى حاجه انتى مش قدها ....
روان : ها يحصل ايه يعنى ....
نور : حصل يا روان وحبتيه .... ودا فى حد ذاته غلط ... وها يخليكى تتنازلى عن كتير قوى ...
روان : خلاص يا نور ... ها شيله من دماغى ... وها احاول ما فكرش فيه تانى ...
نور : طول ما هو قدامك مش ها تقدرى تقاومى احساسك .... الحب بيغلب صاحبه .... ابعدى من دلوقتى ... الناس دى عمرها ما بتشوفنا زى ما بنشوفهم وبنحلم بيهم ... أخرنا نتخيلهم فى روايتنا وبس ....
روان بزعل : كفايه يا نور انتى بقيتى قاسيه قوووى كدا ليه ارحمى ضعفى ... وارحمى الحاجه الا وصلتنى لدا ....
نور : تعالى ارجعى أسمعى الكلام ... ويا ستى ان كان على فلوس السكن ... ها نساعدك فيها ...
روان : انتى شايفه ان أمد ايدى ليكم او لغيركم دا الحل .... لا ينور وفرى حلولك .... انا مش عايزا مساعده من حد .... وها أسيب الشغل الا قلقك دا ... مش عايزاه هو كمان ... عشان انا مش اد المقام .... وسابتهم وقامت وهى بتتقطع من جواها ....
هدى : حرام عليكى ... ليه بتعملى فيها كدا
نور : انا مش وحشه يا هدى والله خايفه عليها .... والله
هدى : مش كدا يا بنتى ... دايما بتحسسيها انها قوليله ... وانه لا يمكن ها يفكر فيها كانها وباء او عدوى .... هى زيها زيهم ... دى الاولى علينا كل سنه .... وجميله .... ايه فقرها بقى عيب فى حقها
نور : هدى انا مقولتش كدا ... انتو مش فاهمين ليه ... انا ها أقوم أحسن ... وقامت ... وفضلت هدى الا زعلت على حال روان والتخبط الا بقت عايشه فيه ......
*****************
منيره : ريم ما تروحيش الشغل انهارده ... انا تعبانه ومش قادره أعمل حاجه ....
ريم : مالك يا ماما ... فيكى ايه
منيره : جسمى كله مكسر ووجعنى قوى ... خليكى يا بنتى ...
ريم : حاضر ياماما .....
منيره : انتى مش ها تعزمى محمد وحماتك على الغدا ... كدا عيب فى حقنا ...
ريم : انتى عارفه بابا .... ورد فعله
منيره : يعنى انتى مش معاكى فلوس تجيبى بيها أكل ... ونعزمهم حتى انهارده وانتى قاعده ....
ريم : أستنى يا ماما ... وراحت جابت الا معاها ... مش معايا غير 200 جنيه بس ....
منيره : طيب حلوين قوى ... روحى بقى قبل ما ابوكى يرجع من الشغل هاتى ........... نعملهم غدا .... وابوكى ها يتاخر أنهارده ... يكونو هما اتغدو ... وخلاصنا ...
ريم : فكره بردو هوا ها أكون جبت الطلبات وانتى روحى لطنط سعاد اعزميها .... ماشى يا جميل ...
منيره : حاضر يا ستى ... ها أخد مسكن ويشتغل واقوم أروح لها ......
ريم : هى روان مش ناويه تنزل تقعد معانا شويه بقت بتوحشنى قوووى ....
منيره : انا قلبى واكلنى على أختك قووى انتى مصدقه حكايه الست الا بتشتغل عندها دى ....
ريم : ياماما ما تخفيش عليها .... انتى عارفه اننا لا يمكن نعمل حاجه غلط أبدا ....
منيره : عارفه ... بس خايفه عليها .... انتى عارفه مطيوره والا بياجى على بالها بتعمله وبتقوله ....
ريم : بس جدعه وبتعرف تحافظ على نفسها ... بنتك ما يتخافش عليها ....
******************
فاطمه : روكا .... يا روكا ...
روكا : نعم يا فطومه..
فاطمه : تعالى عشان نفطررر ياله احنا داخلين على الضهر
روكا : ياله ... انا مستعده لفطارك الجبار ....
فاطمه : هدى وحشتنى قوى .... بس كل يهون فى سبيل تعليمها ..... وانتى ها تخلصى كليتك أمتى ...
روكا : فاضلى سنه كمان وأخد إفراااج ... والحمد لله ...
فاطمه : 😂😂😂 افراج ... للدرجه دى
روكا : اصلك مش فاهمه يا فطوم يا أعسل انت .... الهندسه رخمه ودمها تقيل وكل حاجه فيها تقيله ....
فاطمه : يعنى عايزا لقب المهندسه ايات عبدالله يجى بالساهل كدا .... لازم تتعبى ... وتتعلمى صح ...
روكا : عارفه يا فطوم مش ها أخبى عليكى ... أنا اصلا فاشله ... اه وربنا .. أخرى أتجوز واربى عيالى .. دا لو عرفت اربيهم ...تقريبا كدا هما الا ها يربونى من الاول وجديد ...
فاطمه : 😂😂😂 انتى فظيعه يا روكا .... بس ازاى فاشله .... وبتجيبى تقدير امتياز كل سنه ازاى ....
روكا : انا بركه يا فطوم ... فيا شئ لله .... اعدى على سوكه الشحاته .... واديها ربع جنيه بحاله ....
فاطمه : 😂😂😂 ربع جنيه بتزليها ... يابنتى
روكا : ازلها ليه .... بديها الربع الجنيه و اخد منها لبان .... بيجلها صدمه مستعجله .... فاكرنى هبله وها يخيل عليا دور الشحاته المنكسره .... الا شايله كيس لبان الا يعنى عندها دم .... دا بتعمل فلوس ... على فلوس يا فطومه ....
فاطمه : يابنتى ما تعرفيش ظروفها ايه ....
روكا : انا قولتلك .. ان فيا شئ لله .... مش عارفه ايه الا خلانى مشيت وراها فى يوم ... لحد ما دخلت مكان شبه مهجور وعامل زى العيشه ... ولقيت اتنين حلاليف ... والله يا فطومه ... اد الحيطه ... قاعدين مستنينها .... والوليه الا كانت بطلع الروح ... ولعت سجاره وقاعده معاهم ... وطلعت كيس مليان فلوووس ... قدامهم ... لما حسيت ان حد فيهم ها يشوفنى نفدت بجلدى ....
فاطمه : ايه دا يا روكا ... خافى على نفسك بلاش تهور ... يابنتى .... ممكن يكونو مجرمين يعملو فيكى حاجه ....
روكا : هو انا ها اسيبها سوكه الكلب ...
فاطمه : لا يا ايات ما تقلقنيش عليكى يا بنتى ....
روكا : ما تقلقيش يا فطومه .... انا ها ابلغ عن مكانها ... وفى معاد ما بتمشى ... عشان يقبضو عليها هى والا معاها ...
فاطمه : ربنا يسترها معاكى انتى وهدى ويطمن قلبى عليكووو ..... انتى بقيتى بنتى زيها بالظبط .... مفيش فرق بينكم ...
روكا : وانتى كمان يا فطوم ... خلاص بقيتى حته منى ومحور حياتى .... انتى تجوزينى انا وهدى لاتنين أخوات ... منا فيها يا أخفيها ....
فاطمه : 😂😂😂😂 يجى بس واجوزكو واطمن عليكو وزى ما ها اعمل لهدى ها أعملك انتى كمان ....
روكا : ادها يا جميل ......
*****************
مازن : انا زهقت من الادب الا احنا فيه دا من الشغل للبيت ومن البيت للشغل .... دى حاجه تخنق ...
شريف : طيب ازازتين نروش بيهم ... بطل رخامه يا مروان احنا مش عيال صغيره
مروان : ايه ها ترجعووو تشربو وتسكرو من تانى ... بطلو قرف .... عيب على طولكم .... قدامى انت وهو على فوق ... خلينا ناكل والاكل سخن . ...
مازن : يووواه بقى .... اطلع يا سى زفت ... وانا قولت ها تيجى تخلينى أخلع منه ....
شريف : هو مدينا فرصه نتفس ... اطلع ... اطلع .... وطلعو .. ودخلو الشقه ... هاديه وفاضيه ....
مروان : بيخبط على اوضة روان ..... قمر ... يا قمررر ....
روان بعياط : نعم عايزين ايه ....
مروان : مالك يا قمر انتى بتعيطى ....
روان : لا مش بعيط
مروان : فى ايه طيب اطلعى والا افتحى الباب دا .... انا جبت الاكل ياله عشان ها ناكل مع بعض .... ومازن وشريف واقفين وراه
روان : مش عايزه ... اكل ولا عايزه أطلع ... سبونى فى حالى .....
مروان : مالك يا قمر حد زعلك .... او دايقك ... افتحى وكلمينى ....
روان بعياط أكتر ومتخنه صوتها شويه وهى بتتكلم .... انا زعلانه من نفسى .... وزعلانه من الدنياااا كلها .... سبنى يا مروان بيه فى حالى .... انا ها أمشى مش عايزا أشتغل تانى
مازن : انتى عايزا تسبينا يا قمر اوعى تكونى زعلتى منى ... والله بهزر معاكى .... افتحى الباب .. نتكلم ...
روان : انا حبيتكو أكتر من نفسى ... انتو عندى حاجه كبيره قوى ... انت وسى مروان وسى شريف .... بس انا تعبت ومش عايزا أكمل .... تعبت يا سى مازن من حياتى المعقده ... كنت فاكره انى ممكن أتغلب على كل حاجه ممكن تكسرنى .... بس لاء .... مش قادره حاسه انى بضعف أكترر .... عشان خاطرى سبونى أمشى .... فى غيرى كتيرر... واحسن منى
مروان : افتحى ياقمررر ... وقوليلى ايه الا عمل فيكى كدا ... انتى مش ها تسبينا ولا احنا ها نفرط فيكى ونسيبك
شريف : قمر .... والله كلنا بنحبك .... انتى بجد انسانه مختلفه عن اى واحده مقاضيها ... ومش فارق معاها حاجه ... وكل حاجه بتيجى لها بالساهل ... كفايه انك شاطره .... وواعيه ... وبتعرفى تكسبى الا قدامك ....
روان : طالعه ومن كتر المكياج الا حطه وعياطها ... مفيش ملامح باينه فيها ..... وشكلها يخوف بجد ...
مازن وشريف : اعاااااا
مازن : يخربيتك ... لازم تعيطى ... ها تجبلنا ساكته قلبيه يا ماما ما تعمليش فينا كدا .... 😂😂😂😂
شريف بهزاررر : كولونيااا غرام الافاعى بسرعه ... ها يغمى عليا......
مروان : تعالى يامجنونه ... مالك قوليلى وخدها ورايح يعسل لها وشها ....
روان : لا يا سى مروان أتكسف ...
مروان : سبينى أحضر اللحظه التاريخيه دى ... وانا أغسله بنفسى ... انتى دهانه دوكو يا ماما مش حاطه مكياااج 😂😂😂😂😂
روان : لا يا مروان بيه .... شكلك حاطت عينك عليا وبتستغل الفرصه .... وانا بخاف من الفتنه .... 😂😂😂😂😂
مروان : زقها .... روحى ياقمر الله يسامحك ....
روان : راجعه بتلزق فيه ....وبتقوله ها تيجى تكلم ابويااا امتى .... 😂😂😂😂😂
مروان : زقها تااانى ... انصرفى اكلم مين ... انا توبت الى الله .... عامله الفلم دا كله عشان تدبسينى
روان : انا حاسه انك عينك منى ... اه ... عريس يا امااااى
مازن : 😂😂😂😂 اخى وقع فى المصيده
شريف : 😂😂😂 مروان اتزنق وبيتعمل عليه كماشه
مروان : غورى يا قمر شمتى فيا التيران ....
روان ... سابتهم ودخلت اوضتها وبتظبط نفسها .... ومش عارفه تعمل ايه .... هى تعبت بجد ونور داست على المها قوووى .... مش قادره تفضل معاهم ومش قادره تمشى .... ها تقدر تقاوم والا لاء .... خلصت وطلعت لهم .... وقعدو كلو كلهم لاول مره تقعد وتاكل معاهم .....
مروان : ايه رايك فى الاكله دى بقى .....
روان : تسلم يا سى مروان الاكل جميل ....
مازن : اه مين يشهد للعريس
شريف : قمر 😂😂😂😂 عريس ياااامى
مروان : ياله شيلى الاكل واعملى ليا انا وانتى حاجه نشربها وعقابا للمصيبتين دول ... هما يعملو لنفسهم ...
مازن : ما تحاولش .... انا حبيب قمر بردو ومش ها اهون عليها
شريف : وانا يا قمرين ... يا ضى عيونى الاتنين
روان : سى مروان بس هو الا يقول وانا انفذ ... قوم منك له .... وبتقول بتريقه ... انصرفووو
مروان : 😂😂😂😂 حلوه ....
💗💗💗💗💙💙💙💙💚💚💚💚
للمتابعه اترك تعليق
البارت السادس
خادمتي ولكن
💗💗💗💗💙💙💙💙💙💚💚💚💚💚💚
روان عملت قهوه لها ولمروان .... وراحتله البلكونه .... وقعدو قدام بعض ....
مروان : هاتى ... جاتلى فى وقتها ..... قوليلى بقى مالك وايه الا زعلك كدا ....
روان : مفيش يا سى مروان .... هو انا ممكن اسافر لأهلى شويه ...
مروان : تسافرى اد ايه يعنى ...
روان : يعنى ... أسبوعين ...
مروان : يا مفتريه ... عايزا تسبينا اسبوعين ... انتى بقالك اد ايه معانا ... مكاملتيش 20 يوم .... كملى الشهر ... وروحى اسبوع وارجعى
روان : انا محتاجه اسافر اليومين دول ... اول مره ابعد عن اهلى ... وحشونى .
مروان : يعنى دا الا مزعلك
روان : ايوا ...
مروان : خلاص ماشى ها تسافرى ... حاجه تانيه ....
روان : لا شكرا ...
مروان : خدى دى الفلوس الا وعدتك بيها ...
روان : لايمكن امد ايدى اخدها .... دا كتيررر قوى
مروان : دا حقك ومش ها نتكلم فيه تانى والا تعتبرى سافرك لاغى .... هاااه قولتى ايه
روان : خلاص ماشى هات ... انا ها اقوم أجهز حاجتى ...
مروان : على طول كدا
روان : لو سمحتلى ياسى مروان ....
مروان : خلاص ياقمر الا يريحك اعمليه .... ايه رايك أجى اوصلك ....
روان : لا مش ها ينفع .... الله يخليك ... مش ها ينفع
مروان : خلاص ... ها ابقى اكلمك أطمن عليكى .... ماشى
روان ببسمه : ماشى ....دخلت اوضتها لمت كل حاجه هى جت بيها..... .... وسابت كل الفلوس الا ادهالها مروان ... ومصروف البيت الا كان معاهاااا كمان فى درج الكمود .... وكانت عامله ورقه مفصله بكل مصاريف البيت ... سابتها هى كمان مع الفلوس... وخدت فلوس نص شهر لها وكتبت ورقه صغيره .... انا أسفه .. أنا خدت حق شغلى هنا نص شهر ودى كل الامانه الا عندى ... ما تنتظرش رجوعى ... .... وخرجت ....
مازن : انتى راحه فين ...
روان : مسافره بلدى كام يوم ارتاااح منك فيهم
مازن : ترتاحى منى يا قمررر أهون عليكى .... مين ها يقولك انصرفى .... يا غرام الافاعى انتى ....
روان : 😂😂😂 الصراحه يا مازن بيه ... محدش ..
شريف : وانا يا قمررر انا أستقريت معاهم هنا عشان خاطرك
روان بضحك : أنت كمان حاطت عينك علياااا
شريف : لا انا نظرى ضعيف ....
مازن ومروان : 😂😂😂😂
روان : أشوف وشكم بخيرر
مروان : ما تتأخيرش عشان ما ازعلش ...
روان : ان شاء الله .... ومشيت ....
ومروان قفل اوضتها .... لحد ما ترجع
***********************
شاهى : نعم ... انا قولتلك كل الا عندى
رضا البنهاوى : اهدى يا ست الحسن والجمااال .... بقى شاهى بجمالها وجسمها الا يهبل مش عارفه توقع واحد زى مروان ...
شاهى : مروان مختلف عنكو ... وعن أخوه حتى ... مفيش واحده بتهز فيه شعره ... بقولك خلى الخدامه بتاعته تهزئنى وتتردنى ... انا كنت بغلى .....
رضااا : أستنى يا قطه ايه حكايه الخدامه دى كمان .... وهى ليها كلمه قوى كدا لدرجه انها تهزئك وتطردك ...
شاهى : حتت بنت جربوعه ... شكلها كله ملخبط بالمكياااج .... تقولى انا ايه الا يدخلك اوضته ... وكمان وتقولى ايه قميص النوم الا انتى لابساه دا ....
رضااا : 😂😂😂😂 لا حلوه ... ودى خدامه من انهى نوع بقى ....
شاهى : مش عارفه يا رضا ...
رضا : أسمها ايه ....
شاهى : قمر ... أل قمر أل ....
رضااا : دا كل الا تعرفيه عنها ...
شاهى : انت مهتم قوى بيها كدا ليه
رضا : عشان يا غبيه ممكن ماتكنش خدامه .... وممكن نستغل وضعها الا بتحكى عنه دا ونخليها هى البنت الا تباعنا ... وبكدا تكسبى ثقته .... فهمتى ... نعرف بقالها اد ايه عندهم ... وهى مين وكل دا .... ذكريااا تجبلى كل حاجه عنها أصلها وفصلها .... وكمان .. ايه مدى العلاقه الا بينها وبين مروان واخوه
شاهى : هما اه مهتمين بيها ودا واضح جدا ... بس لا يمكن يبقى فى علاقه .... البنت شكلها صعب قوووى ... بس 90% منه مكياااج ... ودا انا أعرفه أكتر منكم ....
رضااا : ها نعتبره كارت ويا صابت ... يا خابت يا قطه ... تعالى انتى بعيده كدا ليه قربى ... قربى .. كمان يا حلو
شاهى : بتضحك ضحكه رقيعه .... أكتر من كدا خطر عليك
رضا : وانا أموت فى الخطر ... وبيضحك بصوته كله ....
***************
حكمت : تعالو يا حبايبى
ياسر : نناه ... هى ماما بتعمل معاكى كدا ليه ...
حكمت : ما بتعملش حاجه يا حبيبى .... ملكش دعوه أنت بكلام الكبااار ماشى
ياسر : حاضر يا نانه ...
حكمت : بتحضنه وتبوسه ... قلب نناه من جوا ...
يارا : بس هى بتقول لنا انك وحشه .... وانا بحبك يا نناه ... انتى بجد ها تسبينا وتمشى ....
حكمت بدموع : لا مش ها أسيبكم وها أستحمل شويه كمان عشان خاطركووو .... ماشى
يارا : بتحضنها .... انا بحبك قوى ... أكتر من مامى ... كمان ...
حكمت : وانا بحبكو أكتر من روحى ... كل ما تعرفو تدخللوى ... هنا ... تعالو بسرعه ... أصل بتوحشونى قوووى يا حبايبى ....
ياسر : تعالى نعمل خطه انا وانتى ويارا ...
حكمت : بتضحك بصوت واطى ... وبتقوله ايه ...
ياسر : اول ما مامى وبابى ... ينامو .. احنا نجيلك ونام معاكى وتصحينا قبل ما يقومو ... نروح اوضتنا ... وكدا ماحدش ها يكشفنا ....
حكمت : ايه دا .... انت بتعمل خطط جااامده ... بس ها أقولك حاجه ...
ياسر : قولى يا نناه
حكمت : انت بتعمل خطط حلوووه قوى ... بس ما ينفعش نعمل خطط فى حاجه غلط ... يعنى لما تكبرر... ها تبقى ظابط يجنن وشاطر خالص ... وبيعرف يعمل خطط عشان يقبض على المجرمين ...
يارا : وانا يا نناه ...
حكمت : وانتى كمان يا قلب نناه ....
ياسر : يعنى مش ها نعمل الخطه ....
حكمت : لا لازم تسمع كلام ماما .... وان شاء الله هى ها توافق تقعدو معايا أكتر من كدا ..... خلاص ... أسمع حاضر لنناه وبوسه وحضن كبير كبير
ياسر ويارا ... حضنوها جااامد ومش راضين يقومو من حضنها ... الا مفتقدينه مع أم جشعه بتحب نفسها وبس ..
****************
روان قبل ما تسافر عدت على سامح فى الشغل ....
سامح : فى ايه تانى .. . أمى عندى فى بيتى مع عيالى ..
روان : وانا جايه أشكرك على دا .... وبلغها سلامى وقول لها انها وحشتنى ...
سامح : هو انتى عايزا منها ايه ...
روان : انا مش عايزا منها حاجه ... ليه حضرتك متخيل انى عايزا أستغلها .... والله لاء مش طبعى ... انا حبتها بجد ...
سامح : انا عرفت انك ف أخر سنه تجاره انجلش ... ليه ما أشتغلتيش فى أى مكان يليق بدراستك ...
روان : انت عارف ان وانا فى التعليم شغلى فى أى مكان صعب ... غير المدايقات الا ممكن أتعرض لها ... لما والدتك نزلت أعلان ... قولت أجرب مش أكتر يمكن دا يساعدنى فى دراستى .... وما أحتجش لحد .... ولا ازل نفسى عشان خاطر حد بيمن عليا بفلوسه ....
سامح : انتى قصدك ايه بكلامك دا ....
روان : انا مش قصدى حاجه يا أستاذ سامح .... شكلك أنسان كويس .... وبتحب والدتك ... بس الظروف الا هى واقفه بينكم .... أستاذ سامح الكلام دا بقوله من قلبى ليك .... والدتك لو عايشلك انهارده ... وفى فرصه تقرب من حضنها بدفئه الجميل .... وتحس بالحنان الا عمرك ما ها تحسه من غيرها .. ممكن بكرا مش ها تلاقيه .... وها تندم وتعيط بدال الدموع دم .. ان دا كله كان بين ايديك وضيعته ..... مفيش أحسن من الأم والاب فى الدنياااا حتى لو كلهم مسواء ... هما وبس الا بيحبونا بجد من غير أى مقابل .... ومدت ايديها وبتسلم عليه .... أشوف وشك على خير وبلاغ سلامى لها ...
سامح مد ايده بتردد وفى النهايه سلم عليها .... وقاله لها ... ها اوصل سلامك .... وشكرا يا ستى على النصيحه ... ومشى من قدامها بسرعه .... دخل وهو فعلا كل كلمه قالتها صح ولمست قلبه .... قاعد بيراجع حسابته .... وها يعمل ايه مع راندا مراته .... فى ثانيه ها يبقى فى الشارع لو وقف قدامها .... زهق من كتر التفكير .. وقام روح على بيته .......
وهى سافرت ... تهرب من كل حاجه ... عايز تستعيد نفسها الا بدئت تضيع وبتروح منها لواحد هو مش شايفها زى ما هى شايفه وحساااه ....
******************
مر الاسبوعين على ابطالنا .... روان بتتعب وتنهار أكتررر والدموع مش بتفارق عنيها .... مش متخيله انه خلاص مش ها تقدر تشوفه ولا تهتم بيه من تااانى .... حتى مازن الا اعتبرته أخوها بجد ... والمشاكس لها .... هو وشريف ....
**********
مروان : احنا كل يوم ها نقوم با مصايبك يا اخى ارحمنى ....
مازن : انا مش عارف انت ازاى توافق ان قمر تاخد اجازه أسبوعين ... هانم وسيد .... جننونى وبوظو هدومى كلها .... بص القميص الجديد .... الا لبسته مره واحده .... دا منظر قميص مغسول ... والا خارج من بوق كلب ...
مروان : 😂😂😂😂 الصراحه ... هى هدومنها كلها خارجه من بوق كلب ...... وانا نفسى زهقت
شريف : يعنى ها نفضل كدا .... انا اول مره أحس انى يتيم بجد لما قمر خلعت مننا . . البت عامله زى أمك عارفه كل حاجه وبتهتم بكل حاجه ... حتى نرفزتها ومدايقتها ... بس شكلها ... هو الا لاء والف لاء ....
مروان : اعمل ايه ... تليفونها مقفول ... على طول وماعرفش من بلد ايه ولا قاعده فين
مازن : هو أنت قافل اوضتها من يوم ما مشيت ليه .... المفروض كانت رجعت من امباح وما رجعتش ... أفتح الاوضه ... شوف يمكن نلاقى حاجه لها
مروان : راح فتح الاوضه ودخل فتح الدولاب لقاااه فاااضى خالص .... شكلها مش راجعه ...
مازن : انت ادتها الفلوس الا قولت عليها ...
مروان : ايوا
مازن : ها ترجع ليه .... يا اخويا .... لما يخلصووو نكون احنا عفنا هنا ....
مروان بيفتح درج الكمود .. لقى الفلوس كلها وورقتين ....
مازين ايه دا ....
مروان فتح الورقه الكبيره ولقى حساب كل حاجه كانت بتجبها للبيت .... بالتفصيل الممل .... قفلها وفتح التانيه . . واتصدم انها فعلا مش ناويه ترجع تانى ... واتصدم أكتر ان كان قدامها 10الاف جنيه و4 باقين من مصاريف البيت ... ومتاخدش غيررر الف ونص ... بس ... رمى الورق على السرير والفلوس وقام ... ومازن وشريف فتحوه وقراه الاتنين ..... واتصدمو من الشخصيه والتركيبه الغريبه دى كل يوم بتثبت لهم عكس تصورهم .. .. وكل يوم بيحبوها أكتر وأكترررر ....
مروان : تعالى يا سيد انت وهانم
سيد : نعم يا مروان بيه
مروان : انا ناسى خالص ان انت الا جبت قمرررر ليا هنا ...
هانم : هى عملت حاجه يا بيه ...
مروان : لا ... بس كانت واخده اجازه وطولت .... والا عرفته انها مش راجعه تانى .... فا انا عايز عنوان بيتها ...
هانم : الصراحه يا بيه احنا كمان ما نعرفش عنها حاجه .....
مروان : ازاى ؟!
هانم : هى جاتلى واترجتنى اشوف لها شغلانه ... فا قولنا لسعتك عشان كنت طالب واحده تشتغل عندك ....
مروان : يعنى اى واحده تجيلك تشغلها من غير ما تعرفى عنها حاجه ... ايه يا سيد التهريج دا ...
سيد : والله يا بيه هى صعبت علينا .... وحسناها طيبه .....
مروان : اه ... غورو من وشى ... ياله ... أستنى تعالى ...
سيد : نعم يا بيه
مروان : طبعا عارف طنط ... حكمت وأصدقائها ...
سيد : ايوا ياسى مروان ....
مروان : فى واحده أسمها روان تبقى بنت واحده من صحابها ... عارفينها والا دى كمان ما تعرفوش عنها حاجه
سيد وهانم بيبصو لبعض بخوف ....
سيد : بيبلع ريقه ... هو حضرتك شوفت الست روان امتى
مروان : حلو قوووى عارفنها يعنى ...
سيد : شوفتها مرتين هنا عند الست حكمت ... بس ماعرفش هى بنت مين من صحابها ....
مروان : بتقفلها يا سيد
هانم : لو نعرف حاجه ها نقولك يا بيه صدقنى ......
مروان بنرفزه وصوته كله : غورو من قدامى .....
شريف : انا بقول ننفد بجلدنا احنا عشان اخوك ممكن يعمل جنايه وهو كدا
مازن : طير أنت .....
شريف ومازن : نزلو على تحت جرى ... لانهم عارفين مروان وطبعه .....
مروان : قاعد ومتاكد ان فى حاجه مش طبيعيه وشكوكه كلها اتاكدت لما سيد وهانم .... انكرو معرفتهم بقمر وروان ...والخوف الا بان عليهم .... حاسس ان فى حاجه بتربط الاتنين دول ببعض ومتاكد ان سيد وهانم على علم بكل حاجه ....... وفى نفس الوقت مش قادر يبطل تفكيررر فى روان الا شاغله باله من يوم ما شافها ... ولا قمررر الا خد على وجودها ولماستها فى كل حاجه فى البيت .....
***********
رضا : عرفتى ها تعملى ايه ... والا ها تعكيها ...
شاهى : أكيد بعد الا ها يعرفه عن قمر او روان ها يثق فياااا جدااا ... يا بنت ال.... بس انت متاكد انه ما يعرفش حقيقتها
رضا : ذكريا أكدلى انه ما يعرفش اى حاجه عنها .... ..
شاهى : ها اروح له انهارده وابينلو انى عرفت بالصدفه لما سمعتك بتتكلم معاها ....
رضا : كدا تمام قوووى ... الصفقه الجايه عايزها تبقى على مكتبى .. فا انجزى ... عشان رأفت الزفت أتكشف ....
شاهى : وعرف ان انت والا ورا رأفت ...
رضا : لا طبعااا لسا ... رافت اقرى عليه الفاتحه ... ال عايزنى ارجع له الفلوس وعمال يلف حوالينا ... ها يكشفنا الغبى . .... دا احنا بنغرف .... ومش مأثر فيه .... طماع قوى ابن السمرى زى ابوووه
شاهى : انا نفسى اعرف بفلوسه دى كلها ... قاعد فى شقه زى دى ليه .... وسايب الفيلا بتاعتهم
رضا : انا كمان عايز اعرف .... وانتى الا ها تعرفينى لما يبقى لعبه فى ايدك ... ياله يا حلوه هزى طولك وورينى جمال خطوتك ....
*******************
هدى : ها نعمل ايه مع روان ... الا سابت الدراسه وكل حاجه وقعده فى بيتهم .... شكل كلامك أثر فيها قوى
نور : ها نروح لها بكرا .... انا اتصلت على ريم أختها .... وطمنتى عليها ..... بس مش عايزا تكلم حد
هدى : تفتكرى مروان عرف وعشان كدا سافرت
نور : ماعتقدش .... لان على كلام ريم هى مسافره من يوم ما كنا مع بعض أخر مره .....
هدى : دبش طول عمرك ..... قولتلك ها تزعل ....
نور : ها تزعل دلوقتى شويه .... بس بعد كدا عادى .....
*********************
شاهى : ممكن ادخل لمروان
ايمن : مروان بيه لسا واصل حالا ومانع حد يدخلووو ...
شاهى : طيب قوله ... انى جيباله اخبار عن قمرر....
ايمن دخل لمروان بلغه .... ومروان قاله دخلها ....
شاهى : هى مهمه للدرجه دى
مروان : اخلصى ... ايه علاقتك بيها ....
شاهى : لما جتلك فى البيت .... وقولتلك ان رضا البنهاوى باعت بنت تتجسس عليك ... ما صدقتنيش ....
امبارح لقيته بيكلم البنت دى وبيقول لها أقولك برافو عليكى يا قمر والا اقول روان هانم ...
مروان بصدمه : نعم ...
شاهى : عشان تعرف ان بحبك ومخلصه ليك أنت .... البنت أسمها الحقيقى روان وفى اخر سنه تجاره أنجلش وقاعده فى سكن مع بنتين زميلاها واحده أسمها هدى والتانيه نور .... وكمان سكانه فى .......... استاهل ثقتك فيا والا ايه بقى
مروان : قفل المكتب ومنع حد يدخله .... وقرب من شاهى .... تحت نظارتها وتلذذها بالا هى عملته ..... وبعد شويه خرجت وهى مرعوبه وباين على وشها الخوف ...... وطلعت تجرى ......
مازن هو وشريف راحو لمروان بعد ما ايمن بلغهم ان فى حاجه غريبه بتحصل ....
شريف قرب من مروان .... فى ايه يا مروان ... مالك
مازن بخوف على اخوه : هى بنت ال.... كانت بتعمل ايه عندك ....
مروان رفع وشه وعيونه الا حمرا بلون الدم .... انتو الاتنين ... روحو هاتولى البنتين دول وتعالووى على الشقه .... قدامكم نص ساعه ... لو اتاخرتو ها تبقى وقعتكم سودا معايا فاهمين .....
مازن : خد الورقه ومشى هو وشريف من سكات .... وحاسين ان فى مصيبه هما مش فاهمنها ..... ووصلو الكليه وسئلو على هدى ونور ..... وبعت أمن الكليه يجبهم
هدى ونور خرجو مع الامن الا باعته مازن وخرجو برا الكليه ... واتفجائو بمازن وشريف الا عرفوهم ... اول ما شافوهم ....
مازن وشريف قربو منهم ....
مازن : مين هدى ومين نور
نور : انا نور ودى هدى أفندم فى حاجه ....
مازن : ممكن بس تيجو معانا خمسه ....
هدى : ها نيجى فين وعايزنا ليه .... احنا مش ها نروح فى حته ....
تليفون مازن رن وبيرد ..... وشريف بيحاول معاهم .... ايوا يا مروان واقفين معاهم .... مش موافقين ... ها نخطفهم يعنى ... طيب أستنى .... اتفضلى كلمى
نور : الووو مين
مروان : انتى بتحبى روان
نور : ايوا بحبها بس دا يخصك فى ايه ....
مروان : لو بتحبيها وخايفه عليها ان يحصل لها حاجه ... هاتى صاحبتك الا واقفه جمبك وتعالى ومش ها أخركو ودا وعد منى .....
نور بقلق : انت مروان
مروان : ايوا انا .... ياله سلام وقفل
نور مسكت هدى ... ها نركب فين ... شريف تعالى العربيه اهه
هدى بتبص لنور برعب وهما قاعدين فى العربيه من ورا ....
نور : قولتلكم ما سمعتوش كلامى انتى وهى ...
هدى : انهارات فى العياط ونور حاوطتها بايديها وبدئت تطمنها وشريف متابع فى صمت وفى قلق هو ومازن ..... لحد ما وصلو البيت ... ومازن واخدهم وطالع الشقه .... وهدى مرعوبه هى ونور .......
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💙💙💙💚💚💚💚
للمتابعه اترك تعليق
تعليقات
إرسال تعليق