مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت♥️بقلم سولييه نصار♥️

-اتجوز عليها يا ابني ...ميك*سرش الست الا الست زيها ...

قالتها منيرة بخب*ث لابنها وهي ماسكة ايد ابنها ....بصلها صلاح بتوتر وقال:

-بس غزل ممكن تطلب الط...

-مش هتقدر يا ابني ...مش هتخ*رب بيتها بالعكس انت هتك*سر مناخيرها وساعتها هتكون زي الخاتم في اصباعنا عمرها ما تقدر تت*مرد علينا تاني ....

سكت صلاح وهو بيفكر ...ابتسمت أمه بخبث ...ابنها بدأ يلين اتكلمت أمه تاني وقالت:

-يا بني مراتك مت*مردة وخب*يثة يا بني 

..علطول بتتحجج بالحمل وأنها تعبانة ومبتعملش شغل البيت ...

-بس يا امي غزل فعلا تعبانة وانتي بعينيكي شوفتي أنها كانت بتخدمك كويس قبل ما تحمل وبعدين ما منار موجودة وتساعد ...

-عايز اختك اللي في ثانوي عام تشتغل في البيت وانا بحلم اني اطلعها دكتورة ومراتك ترتاح ...دي آخرة تربيتي فيك يا صلاح ...

اتنهد صلاح وقال:

-عايزة ايه دلوقتي يا امي ..

-عايزة مصلحتك يا ولدي ...لو معملتش كده مراتك هتد*وس عليك ومش هتعملك حساب ...اتجوز عليها ...وانا عندي العروسة ....

-طيب يا امي ..طيب ...

قالها صلاح وبعدين طلع عشان يروح شغله ... صلاح اتجوز غزل من تلات سنين جواز حب ...كان بيحبها اووي وكانت حياتهم هادية لكن تعامل غزل مع أمه مؤخرا مبقاش عاجبه ...أمه بدأت تشت*كي منها وغزل حتي مبتبررش بتقوله هتصلح الوضع وبتكبر دماغها ...بدأ يفكر في كلام أمه عن الجواز التاني ..لو ده هيخلي غزل تعقل يبقي مفيش مشكلة ....

........

خلصت صلاة وغيرت هدومي وانا بستعد انزل لحماتي عشان أشوف هي عايزة ايه للاسف النهاردة راحت عليا نومة مرة تانية ...أنا لسه في أول حملي والدكتورة قالت طبيعي احس بتعب في أول تلات شهور ونصحتني ارتاح بس للاسف لو ارتاحت يوم مبخلصش من كلام حماتي ...بتقوم صلاح عليا وانا مبرضاش اتكلم وبحترم أنها ست كبيرة وبسكت وبحاول اعمل الحاجة من سكات ...ساعات بتعب ومبقدرش اكمل وبعد منهادات هي اللي بتكمل الشغل طبعا بعد ما تديني كلمتين تس*م بدني بيهم ...اتنهدت وانا بفتكر ازاي حياتي كانت حلوة مع صلاح لما كنا بعيد ...كنا مبسوطين بس بسبب ظروف صلاح المادية اللي فجأة اتدهورت اضطرينا نيجي نعيش هنا مع أهله في الشقة اللي فوقيهم ...من اول ما جيت هنا وانا مش حاسة أن ليا خصوصية ابدا ...حتي علاقتي بجوزي باظت بسبب كلام حماتي ورغم اني حامل وتعبانة الا اني بحاول اراضي الكل ...

.  ....

نزلت تحت وانا مبتسمة وقولت:

-صباح الخير يا حماتي.   

بصتلي بتريقة وقالت:

-قولي مساء الخير يا اختي الضهر اذن...

اتوترت وقولت:

-اسفة يا حماتي انتي عارفة الحمل وال....

ضحكت بتريقة وقالت:

-ما كلنا حملنا وولدنا يا اختي انتي بس اللي فرفورة وبتدلعي ...أنا فطرت وفطرت عيالي ...انتي روحي شيلي السجاد واكنسي واعملي الغدا ورتبي اوضة منار عشان تعرف تذاكر كويس 

-حاضر ..

قولتها وبدأت اتحرك بتعب ...

.....

بعد ساعات كنت خلصت كل حاجة عليا ...كنت حاسة بألم فظيع في ضهري ...روحت الحمام واتصدمت لما لقيت نفسي بنز*ف ...طلعت بسرعة وانا بصرخ واغمي عليا وسطهم ...

......

في المستشفي ...

طلع الدكتور من اوضة الكشف ..قرب منه صلاح وقال:

-خير يا دكتور مالها ؟!

بصله بحزن وقال:

-للاسف فق*دنا الجنين شد حيلك !

يتبع

الجزء التاني♥️شكرا علي تفاعلكم السكر ♥️بقلم سولييه نصار ♥️

-الجنين ما*ت يا غزل ...

قالها صلاح...اتجمدت للحظة وحسيت الدنيا بتلف بيا .... فضلت دقيقتين ساكتة ومصدومة وبعدين بصيت لصلاح وقولت:

-انت بتك*دب صح ... قول انك بتك*دب ابوس ايديك ....قول أن ابني عايش ....

-غزل...

-لا لا...حرام ابني عايش أنت ليه بتكد*ب حرام عليك ...

حاول صلاح يحضنني بس زقيته وانا ببكي بع*نف وبصرخ وبقول:

-عايزة ابني ....عايزة ابني !!!

جروا الممرضين عليا لما شافوا اني دخلت في نوبة هي*ستيرية وادوني مهدئ ....جسمي ارتخي بس فضلت اقول :

-ابني ...عايزة ابني ..حرام عليكم ودتوه فين ...

قلبي كان مك*سور مكنتش مستوعبة اني خ*سرت ابني خلاص .....

.....

مرت الايام وانا كنت حابسة نفسي في اوضتي مبخرجش منها ابدا ...طول النهار ببكي ...رافضة اكل ولا اشرب ...كنت بتمني أن ده يكون حلم بش*ع ويكون ابني عايش ...جم اهلي وحاولوا يهونوا عليا واخدوني معاهم البيت بس رغم كده فضلت في حالتي دي ...مكنتش قادرة أتجاوز مو*ت ابني ...كنت حاسة بالذنب انا معرفتش احافظ عليه ...عشان ارضي حماتي خسر*ت ابني ....

بعد اسبوعين جه جوزي واخدني ....دخلت البيت بتعب وطلعت بيتي علطول ...

مسكت ام صلاح أيده وقالت:

-هي مراتك دي مش هتتعدل ؟!

بصلها صلاح وقال بتوتر:

-دي خس*رت ابنها يا ماما ....

ضحكت أمه بسخرية وقالت؛

-يعني هي أول واحدة تجهض عادي وبعدين ده حتي مكملش اربع شهور في بطنها ده دلع حريم ... ربنا هيعوضكم بكرة المهم خليها تنزل بكرة تروق البيت اللي عامل زي الزر*يبة ده اختك يا حبة عيني سايبة مذكراتها وبتحاول ترتب على قد ما تقدر ...

-بس يا امي هي لسه تعبانة

اتعصبت أمه وقالت،:

-تعبانة ايه يا واد ما خلاص خفت وبقت زي الج*ن ..أيوة انت افضل دلعها كده لحد ما تدوس عليك وتت*مرد علينا ...يعني ايه عايز البيت يكون زري*بة بالشكل ده ..

اتنهد صلاح بقلة حيلة وقال:

-حاضر يا امي ...حاضر ...

......

تاني يوم صحاني صلاح من النوم وقال:

-انزلي يا غزل امي عايزاكي وراكي شغل كتير تحت ....

قمت بغض*ب وقولت:

-مش نازلة تحت أنا مش خد*امة عند حد ...بسبب امك أنا خ*سرت ابني عشان كده من النهاردة أنا مليش الا أرتب البيت ده لاما كده لاما نعيش برة بعيد عنهم ..لكن امك دي دم*رت حياتي 

ضربني صلاح وقال:

-اتكلمي كويس عن امي يا غزل ....أنا همشي دلوقتي لو عرفت انك منزلتيش يا ويلك ...

وبعدين مشي وسابني ...

......

جه صلاح من شغله وفضلت تشتكي أمه من مراته وانها منزلتش وكمان زودت حاجات من عندها محصلتش ....وقتها صلاح قرر يعمل اللي في دماغه ويربيها كويس...كلام أمه كان زي البنز*ين اللي وقع علي النا*ر خلاه يتعصب اوووي من غزل وبدأ يكر*هها ...

مرت الايام وانا رافضة انزل أو اساعد يدوب بقضي شغل بيتي ....صلاح بقا بياكل تحت وبعد عني وانا مهتمتش ... أنا كنت متحط*مة ...حاسة بالذ*نب وبالغض*ب لحد ما في يوم  سمعت صوت زغاريد ...

نزلت تحت اشوف فيه ايه لقيت حماتي بتزغرد بفرحة بصتلي بشما*تة وقالت:

-مش تباركي لجوزك..كتب كتابه علي نجلاء  ...

بهت وانا ببص لصلاح اللي ماسك ايد نجلاء جارته ...وانا مش مصدقة قال هو ببرود:

-انتي اللي اضطرتيني اعمل كده ...فرحي أنا ونجلاء بعد بكرة وهي اللي هتعيش في الشقة اللي فوق وانتي هتنزلي تعيشي مع امي تحت!!!

يتبع

الجزء التالت ♥️شكرا علي تفاعلكم السكر♥️بقلم سولييه نصار♥️

-اتجوزت عليا 

قولتها بصدمة ودموعي بتنزل ...اتنهد صلاح وقال:

-انتي محترمتيش امي فجبت اللي يحترمها ويقدرها ...قربت منه وقولت :

-,أنا محترمتهاش !!!ده انا خس*رت ابني بسببها ...انت سامع نفسك بتقول ايه ....ابني راح لاني كنت بخ*دم امك ليل نهار في الوقت اللي اختك وامك مرتاحين انا الحامل كنت بخ*دمهم وغير كده كنت بسمع كلام يس*م البدن منها ومكنتش برضي اقولك ...ده جزاتي يعني ...تتجوز عليا ...

بصلي ببرود ...أنا كنت من*هارة وهو كان بارد ...قالي بمنتهي البرود:

-هو ده اللي عندي ...يالا جهزي شنطك من دلوقتي وحاجتك عشان تنزلي تحت ....النهاردة هيجوا أهل نجلاء عشان يحطوا حاجتها ....

وبعدين سابني ومشي نزلت دموعي وبدأت ابكي ...قربت  حماتي مني وبصتلي بشم*اتة وقالت:

-شوفتي بقا اخر قلة ادبك معايا عملتلك ايه ...اشربي يا حلوة لما جوزك يجيب ضرتك هنا ...وصدقيني يا غزل دي البداية 

...سبتها ومشيت ومردتش ارد عليها 

...

طلعت بسرعة بيتي  ولمت هدومي وقررت اروح بيت اهلي ...خلاص هتطلق ...مش هعيش معاه ...أنا مش مجبورة اعيش معاه ....

.....

-ايه تطلقي ؟!!

زعق ابويا فيا بعد ما قولتلهم كل حاجة ...

مسحت دموعي فقال:

-لا لا يا بنتي طلاق لا انتي عارفة المجتمع هيقول عليكي ايه هيقول انك فاش*لة ...انتي عارفة نظرات المجتمع للمطلقة ايه ..عارفة قد ايه هتت*عذبي لما تتطلقي ...هتعيشي في جح*يم 

-وانا كده عايشة يا بابا 

صر*خت وانا بب*كي وكملت :

-انا بم*وت معاهم ...دوول دم*روا حياتي. ..

مسك بابا أيدي وقال:

-وانتي متسكتيش ليهم ...متسيبيش حقك وته*ربي...دم*ري حياتهم بس متطلعيش خس*رانة  ....انتي ليكي حقوقك متتنازليش عنها خديها من عينيهم وبالعكس انتي ارم*يه مش هو ...فاهماني يا بنتي

-وتفتكر كده نظرة المجتمع هتتغير ..

-للاسف لا بس علي الاقل طلعتي كسبانة حاجة ...

....

رجعت بيتي للاسف ...مقتنعتش باللي قاله بابا وفهمت أنه مش هيستحمل مسؤولية اني ابقي مطلقة ...طلعت بيتي وفضيت شنطي وعلي سريري ونمت ...

......

بعد شوية حسيت بحد بيصحيني بصيت لقيتها عيلة نجلاء كانوا بيصحوني عشان اقوم ويفرشوا هما البيت ...بصتلهم ببرود وقولت:

-ده بيتي مش هطلع ...

كلهم فضلوا يبصوا لبعض بس محدش كلمني وبعتوا يجيبوا حماتي ...

طلعت حماتي وقالت:

-يالا يا اختي اطلعي من هنا مش ناقصين ه*م..

بصتلها ببرود وقولت:

تؤ ده بيتي ومش هطلع خلي مرات ابنك تعيش معاكم تحت وانتوا الاتنين من سلالة السحالي  وهتنسجموا مع بعض ...

اتعصبت حماتي وهج*مت عليا تض*ربني  .....

بعد ساعة تقريبا ...كنا في قسم الشر*طة ...وشي متبهد*ل وكلي كد*مات بس كنت مبتسمة أن خطتي مشيت زي ما أنا عايزة ...حماتي البو*ليس كان متحفظ عليها كانت بتترجاني معملش مح*ضر بس انا بصيتلها ببرود ...

بصلي الضا*بط وقال:

-يالا يا ست خلصيني هتعملي مح*ضر ولا تتصالحوا ...

ابتسمت وانا ببص لحماتي وطلعت بطاقتي وقولت:

-لا يا باشا عايزة اعمل محضر اعت*داء واظنك جيت وشوفت وهي بتض*ربني وعايزة تطر*دني من بيتي!!!

يتبع

#قلوب_مظلمة

#سولييه_نصار

تكملة الروايه من هنااااااا