 |
#البارت_الأول
#جحيم_البنات
ـ حبيبي اوعى تنسى النهارده هنروح عند الدكتورة عشان نعرف جنس الجنين ولد ولا بنت
= أكيد طبعاً ي حبيبتي هيكون ولد مش بنت صح
- كل اللي يجيبه ربنا خير ❤
= لأ أنا عايز ولد مش بنت لو طلعت بنت هرميكي أنتِ وهيا في الشارع فاهمة
-......
= أنا بكلمك فاهمه ولا لأ
- فـ.... فاهمة حاضر
= مش عايز اسمع بنت دي تاني
«طبعاً موضوع كل يوم بسبب الخلفة وبسبب انو عايز ولد مش بنت الكل حذرني منه بس أنا قُلت لأ قالو كثير انو مش كويس وأنا قُلت مفيش أحسن منه..
في قرارات بناخدها في حياتنا بتكون غلط وغلط كبير كمان ومش بنسمع لأي حد مهما قال عنها كلام وحش...
حتى لو فيها عيوب بتكون في نظرنا مميزات»
بعد ما نزل دخلت زي كل يوم الاوضه وقعدت اعيط وافتكرت أول مره شوفت فيها أحمد فين
Flash Back 🙈
- ماما أنا هخرج مع اصحابي شوية
• ماشي يا حبيبتي بلاش تأخير
- تمام يا ماما
- عاوزه حاجة
• عاوزه سلامتك يا بنت بطني
-سلام يا ماما😘
• سلام يا حبيبتي😍
ونزلت المفروض اني هخرج مع غادة وريم وقمر
هستناهم عند أول الشارع خرجت وفضلت واقفه مستنياهم لحد ما في واحد حم*ر جاء مره واحده بالعربيه بتاعته تقريباً كده أم*ك اللي جيب*هالك وكان في ميه ع الأرض و الكوتشي الأبيض الجديد باظ خالص
(محدش بيقبل إني الكوتشي الأبيض يحصل في حاجه😥🙅♀️).... طبعاً يومه أسود كله إلا الكوتشي الأبيض..
رحمه / بغضب أنتَ اعم*ي
أحمد( بعد ما نزل من العربيه) / اهو أنتِ في حد يقف في نصف الشارع كده طب اقفي على جنب
رحمه / وأنتِ مالك كان الشارع بتاع ابو*ك
أحمد / بت أنتِ احترمي نفسك أنا مش عايز امد ايدي عليكي....
رحمه / نععععععععععم
أنتَ عبيط ياض
غور من هنا أحسنلك
أحمد / أنا همشي مش هقف اتكلم مع واحده مجنونه زيك
طبعاً أحمد مشي ورحمة محتارة تروح تبدل الكوتشي ولا لأ
(معلش يا بنتي تتعوض المرة الجاية🙈)
بعد شوية وقت كان صحابي وصلوا
رحمه / حمد لله على السلامة
ريم / مالك يا بنتي
رحمه / بني ادم حي*وان
غاده / طب احكي في ايه
رحمه حكت اللي حصل وانها زعلانة😒 جداً على الكوتشي الجديد
«طبعاً الصحاب...... صحاب قمر وغادة وريم كانوا هيموتوا من الضحك على رحمه ومنظرها»
ودي كانت أول مرة رحمه تقابل فيها أحمد 😍
أحمد : شاب طويل عنده عضلات و قمحاوي بس مش بيحب البنات ليه هنعرف مع الاحداث خريج هندسه وشغال في شركه
رحمه : فتاة محجبه ومتوسطه الطول وبشرتها بيضاء و خريجه تربيه
بعد ما رحمه رجعت للواقع مسكت الفون بتاعها واتصلت وبعد فتره جاء الرد.....
يتبع...
#البارت2✨
ريم / الو
رحمه / أيوة يا ريم
الحقيني أنا في مُصيبة ومش عارفه أعمل ايه
ريم / خير ي بنتي مالك فيكي ايه
رحمه / هموت يا ريم خلاص ع ايد أحمد
ريم / أحمد.... أحمد ي بنتي بيحبك
رحمه / مش عارفه
أحمد انهارده قالي لو اللي في بطنك طلعت بنت هرميكي أنتِ وهيا في الشارع تخيلي جوزي و حبيبي هيرميني في الشارع..... وكمان هو عصبي جداً
ريم / رحمه كلنا كنا بنقول لك أني أحمد صعب في كل حاجه أنتِ كنتِ شايفة غير كده
وأنتِ خايفة ليه هو الموضوع ده ليكي يد فيه ما فيش حد في الدنيا دي كلها ليه يد في موضوع الخلفة
رحمه / مش عارفه يا ريم بس هموت من الخوف
ريم / اطمني وإن شاء الله خير
رحمه / يارب
🖤🖤🖤🖤🖤🖤🖤🖤
أحمد / يلا عشان نروح عند الدكتوره
رحمه / حاضر... هجهز ونروح
بعد ١٠ دقائق كانت رحمه جهزت طبعاً وهيا متوترة جداً و خايفه انها تكون حامل في بنت
بعد نصف ساعة كانوا وصلوا و شوية و دخلوا عند الدكتوره
الدكتوره / مدام رحمه ايه الاخبار
رحمه / تمام ي دكتورة
الدكتوره / جاهزين نعرف جنس الجنين
أحمد / ياريت ي دكتورة يعني لأني مُتشوق جداً أني أعرف جنس الجنين وإن شاء الله هيكون ولد
الدكتوره (بتفهم) / طب يلا معايا ي مدام رحمه
رحمه / تمام
بعد ما الدكتوره كشفت ع رحمه
الدكتوره / ألف مبروك
أحمد / خير ي دكتورة ولد صح
الدكتوره / لأ
مدام رحمه حامل في ٣ بنات
يتبع...
#البارت3✨
أحمد (بغضب) / يعني ايه حامل في ٣ بنات
ليه!!!
أنتِ مش عارفة أني مش بحب البنات
تكوني حامل في ٣ بنات طب ازاي
أنا هموتك فيها لازم البنات دي تنزل أنتِ فاهمة
رحمه /-----
أحمد / أنا مش بكلم نفسي ردي عليا
رحمه / أنا مش هنزل حاجه دول عيالي
أنتَ ايه... مش دول عيالك
أنتَ عارف دول جم ازاي
بعد معاناه كبيرة أنا ماليش دعوة بالماضي بتاعك أنتَ وباباك
دول روح وبدل الروح ثلاثه في ناس غيرك مش لاقيه ظفر عيل
وأنتَ ربنا رزقك بدل العيل ثلاثه.....
أحمد / بس دول بنات
رحمه / يعني أنا مش بنت يعني.....
حاجه مش في إيدي ولا في إيدك
أحمد / الكلام خلاص انتهى العيال لازم تنزل
يا اما في حل ثاني
رحمه / ايه هو
أحمد / إني اتجوز عليكي وكده هجيب الولد اللي نفسي فيه
رحمه / ايه أنتَ بتقول ايه
يعني ايه تتجوز
طب وأنا أنتَ عارف اني حب حياتك ليه
ليه بتعمل فيا كده
أحمد / خلاص أنا قُلت اللي عندي والحل ليكي
يتبع.....
🖤🖤🖤🖤🖤🖤🖤
هل رحمه ممكن تضحي بـ ٣ بنات
وهل ممكن أحمد يتجوز ثاني على رحمه
وايه هو الماضي بتاع أحمد وباباه
🖤🖤🖤🖤🖤🖤🖤
#جحيم_البنات
#شيماء_هاني_شحاته
تعليقات
إرسال تعليق