 |
#البارت4✨
بعد خناقة رحمة وأحمد و إن أحمد عايز رحمة تنزل الـ ٣ بنات.....
طبعاً رحمة محتارة تعمل ايه تضحي بعيالها ولا حبيبها
♡♡♡♡♡♡♡♡
أحمد دخل اوضة الأطفال عايز يقعد لوحده مش عارف يواجه الحقيقة ازاي.....
و يواجه والده ازاي......
وافتكر اللي حصل مع مامته زمان
FLASH BACK✨
أحمد في الفترة دي كان "طفل عنده أربع سنين"..... والد أحمد اسمه" محمود"...... والدته اسمها "زينب"
في يوم زينب كانت راجعة من عند الدكتورة
وفي اليوم ده كانت المفروض تعرف هي حامل في ولد ولا بنت رجعت البيت وهي الخوف والرعب ماسكها ومش عارفه تعمل ايه وهتقول لِـ محمود ازاي وايه هيكون رد فعله......... وحياتها هي والبنات هتكون عامله ازاي
قاعدة في الاوضه سرحانة وبتفكر هتواجه محمود ازاي
دخل عليها أحمد🙈
أحمد / مالت يا ماما "مالك"
الام / مفيش يا حبيبي ، مفيش حاجه.... بتحبني يا أحمد أحمد / أتيد يا ماما "أكيد"
بحبت خالص خالص "بحبك"❤
الأم / احضني يا أحمد احضني أوي 💞💞
أحمد / حاضى يا لوحي "حاضر يا روحي"
~~~~ بعد مرور الوقت الساعه تسعه بالليل
وكان معاد رجوع محمود والد أحمد من الشغل
رجع البيت كان أحمد قاعد بيشاهد التي ڤي و والدته
كانت في البلكونة بتلم الغسيل
محمود / ازيك يا أحمد
أحمد / تويس يا بابي "كويس"
محمود / فين ماما يا أحمد
أحمد / توه فكونة "جوه في البلكونة"
خرجت زينب من البلكونة وكانت قلقانة
زينب / محمود حمدالله على السلامة
محمود / الله يسلمك ايه الأخبار
زينب (بتوتر) / تمام
محمود / ايوه عملتي ايه
زينب (بتهرب) / هجيب الأكل أنتَ أكيد جعان
محمود (بصرامه)/ أنا بقول عملتي ايه عند الدكتورة مش عاوز اكل....
زينب (بارتباك) / أ..... أصل
محمود (بزعيق) / اخلصي ولد ولا بنت
زينب /........
محمود (بصوت عالي) / أنا بكلمك ردي عليا
زينب (بدموع و خوف) / بـ.... بنـ.... بنت
محمود / نعععم يا رو*ح ام*ك بنت... يعني ايه بنت
أنتِ اتجنن*تي
زينب / محمود أنا جبت الولد اللي نفسك فيه ودلوقتي أنا حامل في بنتين توأم
محمود / كمان اثنين يعني مش بحب البنات... ولا بطيق أسمع اسمهم..... تقومي تجيبي بنتين
زينب (ودموع على وجها) / أنتَ عندك أحمد كان نفسك في ولد وجبته ايه المشكلة انو يكون في بنت هي البنات حرام دا الرسول صلى الله عليه وسلم قال «واسْتَوْصُوا بالنِّساءِ خَيْرًا»..
محمود /أنا ماليش دعوة مش هكرر الغلط تاني مش هخلي الماضي يعيد نفسه أنتِ فاهمة ولا لأ
والبنات هتنزل يا زينب
زينب / مـ..... مستحيل دول بناتي
محمود / زي ما سمعتي أنا قُلت مش عايز بنات في البيت ده تاني....
زينب / أنا ماليش دعوة بالماضي بتاعك أنسى خلاص اللي حصل من زمان..... حصل وانتهى ليه تعمل كده في بناتك محمود / بلاش تقولي بناتي تاني واللي عندي قُلته
البنات هتنزل.....
زينب / أنا قُلت لأ
محمود / كلامك هيمشي عليا ولا ايه يا زينب
زينب (بزعيق) /ايوة وهعمل اللي أنا عاوزاه
محمود / يبقى أنتِ ناويه على موتك
زينب / ياريت على الأقل هرتاح من اللي أنا فيه بسببك خوف ورعب على مفيش....
ليه!!!!!
البنات مش هتنزل هخدهم وهاخد منك أحمد واربيهم واعلمهم وهخليهم أحسن منك ومش هخليهم زيك... أنتَ ايه.......
محمود / أنا هقتلك فاهمة هقتلك قبل ما تخدي ابني مني
وقبل ما زينب ترد علي محمود كانت ايد محمود حوالين رقبة زينب
وفعلاً زينب ماتت هي واللي في بطنها
ومحمود كان مصدوم انو قتل مراته
وطبعاً مش واخد باله من اللي وشه غرقان دموع وبيعيط في صمت على والدته اللي توفت أمام عينيه.. 😥😭
يتبع.....
#البارت5✨
⚡شكراً جداً ي قمرات على التفاعل الجميل 😘⚡
وقفنا البارت اللي فات لما أحمد كان بيفتكر اللي حصل زمان وازاي والدته توفت بسبب والده...
♡♡♡♡♡♡♡♡♡♡♡
« اليوم خلص بدون اي أحداث ما بين الطرفين كل واحد في اوضه لوحده أحمد بيفكر هيعمل ايه وهل هيتجوز ولا لأ وهيقول لوالده ازاي وهيعمل ايه في الـ ٣ بنات لما يجوا»
" ورحمه بتفكر هتعمل ايه في حياتها وحياه بناتها لو أحمد طلقها أو اتجوز عليها "
♡♡♡♡♡♡♡♡♡♡♡
أحمد نزل الشغل من غير ما يتكلم مع رحمه في اي حاجه كل واحد كان في حالة محدش حاول يكلم الثاني
أحمد في الطريق اتصل على مراد
«مراد بيكون صاحب أحمد في الشغل ومع بعض من أيام الجامعة»
أحمد / مراد ازيك
مراد / كويس يا صاحبي أنتَ عامل ايه
أحمد (بخنقه) / مش تمام خالص يا مراد
"و حكاله اللي حصل عند الدكتورة وكلامه مع رحمه"
مراد (عصبيه)/ نعععم يا أحمد
أنتَ بتقول ايه
يعني ايه مش عايز الـ ٣ بنات دول بناتك...... أنتَ ايه مش بني آدم........ وايه دخل رحمه وأولادك بالماضي بتاعك أنتَ اتجن*نت أنتَ متعلم وفاهم كويس أوي انو الموضوع ده ولا أنتَ ولا رحمه ليكم دخل فيه...... أنتَ ايه دول نعمه من عند ربنا بدل ما تحمد ربنا انك هيكون عندك بدل العيل ثلاثة هتعمل كده......😞😞
ايه عايز تقتل ثلاث ارواح أنتَ ايه
بناتك دول بكره كل واحدة هتشيلك من على الارض شيل
لو أنتَ عايز ولد عشان يشيل اسمك البنت برده تقدر تشيل اسمك ويمكن أحسن من الولد كمان.... 😞😢
ودول ثلاثة يعني هيكونوا في ظهر بعض ايدهم في ايد بعض...... 🤝
الولد هيشيل اسمك اه بس البنت هتشيلك أنتَ
بنتك يعني القلب الطيب والحنين اللي موجود في البيت كفاية بس أنك ترجع من الشغل تعبان وتشوف ضحكتها هتنسى هم الدنيا واللي فيها.... 🙈
البنت هي اللي بتدي روح وحياه في البيت
لما تبقي عاوز حاجه مين هيشيلك غير بنتك هي اللي هتسأل عليك... 😍
وأنتَ هيكون عندك بدل الحضن ثلاثه..
وبدل الحنيه والكلمه الطيبه ثلاثه..
وبدل الروح الحلوة ثلاثه..
وبدل الضحكةالحلوة ثلاثه..
وبدل السؤال عنك ثلاثه..
والله كفاية بس أنك تيجي من الشغل و تشوف عيالك كفاية بس تسمع صوتهم وأنتَ في الشغل و بيطمنوا عليك بيسألوا عليك ويدعو لك إني ربنا يرزقك 💞💞
هتبقى عايز تروح بأي طريقة و بأي شكل عشان تشوفهم.. هتبقى عايز تشتغل كمان وكمان حتى لو تعبان هتنسي كل ده عشان أنتَ عايز تشوف فرحتهم اللي أنتَ السبب فيها حرام يا أحمد..
حرام عليك دا حتى رسول الله صلى الله عليه وسلم قال: ” لا تَكْرَهوا البَناتِ ، فإنَّهنَّ المُؤْنِساتُ الغالياتُ ”
يتبع...
#البارت6✨
أحمد / خلاص كده قُلت اللي عندك
مراد / أنتَ ايه يا أخي
أنتَ بارد كده ليه
أحمد / عشان خلاص أنا قررت ودا قراري لو رحمه اختارت البنات.. أنا هتجوز واجيب الولد اللي نفسي فيه
مراد / أنتَ بنى آدم معند*كش دم
أحمد (بغضب) / مراد بلاش تغلط أحسنلك
مراد (بغضب أكبر) / لأ هغ*لط و هغل*ط كتير كمان
ومحدش هيقدر يتكلم وأنتَ كمان مش هتعرف تعمل حاجه..... لانك مري*ض فاهم يعني ايه مر*يض
أحمد اتعصب جداً من مراد لدرجه انو قفل الس*كة في وشه
«بقلمي شيماء هاني شحاته»
بعد ما أحمد قفل السكة في و*ش مراد وهو متع*صب ومخن*وق منه لانه عارف إن كلام مراد صح بس هو مش مُقتنع ولا والده هيقتنع بكده.....
فاق من تفكيره على اتصال والده..
سعيد (والد أحمد) / ازيك يا ابني
عامل ايه
أحمد / بخير يا بابا
أنتَ عامل ايه
سعيد / بخير طول ما أنتَ بخير وإن شاء الله تفرحني كده وتقولي مراتك حامل في ولد
أحمد / إن شاء الله يا بابا
سعيد / ايوة مش فاهم هي حامل في ايه
أوعى تكون في بنت أوعى أنتَ سامع
أحمد / حاضر يا بابا.... بس معلش هقفل دلوقتي عشان عندي شغل مهم.....سلام👋
🖤🖤🖤🖤🖤🖤
رحمه قاعدة في البيت سرحانة هتعمل ايه هو كده كده مش هيوافق على وجود الـ ٣ بنات لو عرفت أقنعه اني اخليهم يجوا على الدنيا دي وأنا هصرف عليهم وهو مش هيتحمل اي مصاريف ليهم وأنا هكون معاهم لحد ما يعتمدوا على نفسهم.......
ولو كده يفضلوا موجودين في الاوضه لحد ما ينام مش هيكونوا معاه حتى على الأكل.... ولا أعمل ايه يا ربي أنا تعبت أنا مش هينفع ارجع البيت عندنا بعد ما اط*لق.. ماما مش هتكون حمل مسئوليه أنا واخواتي وعيالي.. يعني الحمل هيكون الضعف عليها... اه لو بابا موجود اكيد مش هكون في البه*دله دي...
يا رب خايفة يوافق باباه يعترض ويقف في طريقي ويخليني انز*لهم غص*ب كده هخ*سرهم.... ولا اسمع كلام أحمد وان*زلهم فعلاً.. بس لأ حرام.. بس لو فضلوا موجودين أحمد وباباه مش هيسيبوا حد فينا في حالة.... وممكن كمان يقنع أحمد انو يعمل حاجه في البنات.... وكده كده هيكونوا ميتين....
(يارب الحل من عندك يارب)
رحمه حاولت تهدا من التفكير و أكيد هيكون في حل لو لهم نصيب يجوا على الدنيا أكيد هيجوا (يا رب الحل من عندك يا رب)
يتبع....
#جحيم_البنات
#بقلمي_شيماء_هاني_شحاته
🖤🖤🖤🖤🖤🖤🖤🖤
تعليقات
إرسال تعليق