 |
#البارت7✨
«« يوم جديد بأحداث جديدة»»
غاده نزلت بدري عشان عندها انترفيو في الشركة الجديدة وهي في الطريق تتصل عليها ريم وترد....
غادة / ازيك يا ريم.. عامله ايه
ريم / الحمد لله أنتِ عامله ايه
غادة / تمام
ريم / أنتِ روحتي الشغل ولا لسه
غادة / اهو في الطريق
«غاده وريم أصحاب رحمه»
ادعيلي خايفة اوي
ريم / ربنا معاكي
غادة / يا رب أنتِ مش عارفة الشغل مهم جداً بالنسبالي قد ايه
ريم / عارفة والله يا حبيبتى ربنا معاكى
اه صحيح كلمتي رحمه
غادة / لأ بقالي فترة مش بتصل بيها... وهي كمان مش بتتصل... هو في حاجة
غادة / اه في حاجات كتيره أوي
غادة / طب احكيلي
ريم / رحمه طلعت حامل في ثلاث بنات
غادة (بفرحه) / بجد
دا أحلى خبر سمعته .... لأ أنا لازم اتصل بيها.. واطمن عليها.. وبارك لها بنفسي
ريم (بضيق) / بس أحمد عاوزها تنزل البنات
غادة(بصدمة) / نعم..... أنتِ بتقولي ايه
ريم / زي ما سمعتي كده... عاوزها تنزل البنات
غادة / أكيد دا مجنو*ن.... دا مش ط*بيعي... ياما قُلتلها انه مش طب*يعي وهي كانت مصممة عليه
ريم / لأ وكمان في صدمة تانيه
غادة /خير تاني
ريم / لو البنات مش هتنزل يبقى يتجوز وهي تفضل مع البنات
غادة / نعم
♡♡♡♡♡♡♡♡♡♡♡♡
....../ خير يا دكتورة
الدكتورة / خير أنتِ حامل في ولد مبروك يا مدام
....../ الله يبارك في حضرتك
الدكتورة / طبعاً لازم الإهتمام بصحة البيبي و الراحة وهنكون على متابعة إن شاء الله.. عقبال ما البيبي يجي الدنيا بالسلامة
....../ تمام يا دكتورة
♡♡♡♡♡♡بقلمي شيماء هاني شحاته ♡♡♡♡♡♡
«نرجع تاني لِـ غادة وريم»
غادة / و مافيش حل تاني هو كده بيحطها في مقارنة
ريم / طبعاً
غادة / بُصي أنا قدام الشركة دلوقتي هعدي الطريق.. بس خليكي معايا... وأنا لما أخلص هبقى اكلمك
ريم / هتعدي الطريق لوحدك ولا اجي اساعدك كالعاده
غادة / بطلي رخامه
أكيد هعرف اعدي لوحدي
ريم / لما نشوف
هااا كل ده..
غادة / بصراحة خايفة
ريم/ ههههههههه
غادة / بطلي بقاا
أعمل أنا ايه دلوقتي.... مش هعرف لوحدي..... أنا خايفة ريم / طب شوفي اي حد يعدي وعدي معاه
غادة / مافيش..... بصي لأ ثانيه كده في واحد واقف هناك ريم / هتعملي ايه
غادة / هروح واطلب منه يساعدني أعرف اعدي الطريق ريم / أكيد لأ بطلي هزار
غادة / لأ هو ده اللي هيحصل
غادة / لو سمحت
الشخص / افندم
غادة / ممكن تيجي تعديني الطريق
الشخص / ليه!!
حضرتك صغيرة ولا لسه بيبي
غادة / لو سمحت من غير تريقة
يا اه...... يا لأ....... ولا اقولك مش عاوزه منك حاجة أنتَ شكلك بني آدم ر*خم
الشخص / نعم
غادة /خلاص
و غادة قررت تتخطى خوفها وتعدي الطريق لكن فجأه
يتبع....
#البارت8✨
غادة قررت تتخطى خوفها وتعدي الطريق لوحدها وهي بتعدي وفي عربية جاية بسرعة كبيرة كانت هتخبطها لكن مراد لحقها وقعت فو*قة
غادة بعد ما أدركت انها فوق مراد
غادة / اوعى كده أنتَ ازاي تمسكني كده
مراد / والله و هو مين فينا نايم على التاني
«غادة بتقوم بسرعه»
مراد / والله أنا غلطان المفروض كنت سبتك لحد ما العربية تخبطك وتموتي...
غادة / ما تحترم نفسك يا عم أنتَ
غادة / طبعاً بتفكر كده هتعدي ازاي
ومراد مركز اوي مع غادة وسرحان فيها.... في لون بشرتها البيضاء ولون عيونها البني ولبسها الواسع والخمار وحس انها مختلفه.... وقطع تفكيره رنه الموبايل بتاعه وكان أحمد فقفل عليه
... وبيبص لِـ غادة اللي لسه بتفكر هتعمل ايه 🤷♀️
مراد / أنتِ..... يا
غادة / ايه..... في ايه
مراد / هتعدي... ولا لأ
غادة / وأنتَ مالك.... يخصك في حاجة اني عدي ولا أفضل واقفه
مراد (بخبث)/ لأ.... بس لو أنتِ مش هتعدي معايا... هتعدي مع مين... واللي يشوفك وأنتِ بتتكلمي كده.. يجي يشوفك من شوية وأنتِ كنتي بتترجيني اجي اعديكي..
غادة (بغضب) / خلاص ايه.... ماشي هعدي
مراد / تمام... يلا بينا
«غادة بعد ما عدت الطريق مع مراد»
غادة / شكراً
مراد / العفو... ولسه هتمشي أنتِ اسمك ايه
غادة / وأنتَ مالك
مراد / بس خلاص أنا غلطان اني بتكلم معاكي
.... وسابها ومشي....
«بقلمي شيماء هاني شحاته»
ندى أول ما روحت من عند الدكتورة ودخلت البيت
ندى(بتكبر) / أنتِ... هو مصطفى فين
المساعدة/ جوه فى المكتب
ندى / تمام روحى شوفى هتعملى ايه
ولا اقولك روحى اعمليلى كوباية عصير
المساعدة / حاضر يا مدام
ندى/ اسمى ندى هانم فاهمة
المساعدة / حاضر يا ندى هانم
وتروح تعمل العصير
«اه اسمها مساعدة مش خدامة ولا شغالة عشان نبقا متفقين»
ندى دخلت عند زوجها المكتب وكان بيتكلم فى الفون بتاعه واول ما ندى دخلت عمل نفسه بيكلم واحد
مصطفى/ تمام.....تمام....خلاص... نبقا نتقابل بكره
فى المكتب سلام.......سلام
ندى/ كنت بتكلم مين
مصطفى/ واحد..
ندى/ أكيد واحد مش حد تانى
مصطفى(بعصبية)/ في ايه يا ندي مكالمة شغل ... أنتِ كل شوية...... بتكلم مين....بتعمل ايه....مع مين
.... خلاص قولت....شغل
ندى/ تمام.... هعتبرها شغل
المهم
مصطفى/ خير .... اه صح أنتِ كنتى فين
ندى/ كنت عند الدكتورة
مصطفى/ آه وبعدين.... عملتى ايه
ندى/ أبداً.. عرفت انى حامل فى ولد
مصطفى/ مبروك
ندى / هو ده اللى ربنا قدرك عليه
مصطفى/ امُال اعمل ايه يعنى
ندى/ يعنى أقل حاجه خاتم الماس أو عربية اخر موديل
مصطفى/آه..... بعدين.. بعدين
ندى(بغيظ) / ماشى
.. سابته ومشيت وهى خارجة خبطت المساعدة فالعصير وقع على ملابس ندى
ندى(بزعيق وغضب)/ أنتِ اتجننتى ...ازاى تعملى كده
المساعده( بخوف منها) / والله حضرتك.....
وقطعتها ندى/ حضرتك ايه ... وز*فت ايه...أنتِ كمان هتردى عليا طب تعالي ومسكتها من شعرها
يتبع...
#البارت9✨
«مصطفى خرج عشان هو عارف إن ندى مش هترحم المساعدة أبداً... وطبعاً المساعدة مش هتقدر تعمل حاجه»
«مصطفى خلص المساعدة من ايد ندى.. وندى كانت هتفرقع بمعنى الكلمة.. فقررت تخرج تتمشى بالعربيه»
عند غادة
بعد ما سابت مراد وراحت الشركة واتقبلت في الوظيفة الجديدة فقررت تكلم ريم و تحكلها على اللي حصلها...
ريم / ايه يا بنتي... عملتي ايه طمنيني
غادة / كان يوم أسود بس حلو
ريم / نعم... ازاي أسود بس حلو
غادة / بُصي أنا هحكيلك لك ايه اللي حصل...
... وحكتلها الأول طبعاً كل اللي حصل مع مراد
ريم(وهي هتموت من الضحك) / بجد... بتهزري صح
غادة / لأ مش بهزر... اعمل ايه يعني مش هو اللي لحقني حد قاله يرميني عليه... طب أنا ذنبي ايه
ريم (بضحك) / يا بت.... بس أحسن والله فرحت فيكي قولتلك من الأول اجي اعديكي قولتي لأ
غادة (بغضب) / خلاص بقاا يا ريم
ريم / خلاص... خلاص مش هتكلم في الموضوع تاني عملتي ايه بقى في الشركة
غادة / أبداً دخلت عند المدير و خلصت الانترفيو.. و قالي اني اتقبلت و هبدأ الشغل من بكره
ريم / على طول كده
غادة / ايوة.... لأ و كمان المفروض لسه هقابل شخص كده مش فاكره اسمه أصلاً... هيعرفني كل حاجه
ريم / لسه الشغل مبدأش ونسيتي اسم الراجل.. لما تدخلي في الجد هتعملي ايه
غادة / ما خلاص بقى بكرة ابقى أعرف اسمه مش حوار يعني..
ريم / خلاص يسطاا ولا تزعل نفسك
غادة/ ايوة كده.... لازم يكون صوتي عالي عشان تسمعوا الكلام
ريم / ايوة... أكيد طبعاً... بقولك كلمتي رحمه
غادة / لأ لسه هكلمها بعدين لما اروح كده
ريم / خلاص ماشي لما تكلميها ابقي كلميني بعد كده
غادة / خلاص ماشي.. سلام بقى عشان أنا خلاص وصلت.. سلام 👋
ريم /سلام 👋
«بقلمي شيماء هاني شحاته»
أحمد دخل البيت ودخل على اوضه الأطفال...
لأنه من ساعة لما عرف انها حامل في ٣ بنات
وهو متجاهل رحمه تماماً..
ورحمه تعبت من التجاهل ده فقررت تروح تبدأ معاه وتكلمه هي الأول...... فدخلت وراه الاوضه
أحمد (من غير ما يبص لرحمه) / خير في حاجه
رحمه / احضرلك الأكل
أحمد / لأ شكراً مش عاوز منك حاجه يا ام البنات
رحمه (بحزن) / ليه بس أنا عملت الأكل اللي بتحبه.. يلا بس ونقعد بعد كده نتكلم مع بعض واحنا في البلكونه زي الأول..
أحمد (بغضب) / مافيش حاجه اسمها زي الأول.. خلاص كده.. عمر ما في حاجة هترجع زي الأول غير بشرط واحد رحمه / ايه هو
أحمد / اني البنات تن*زل
يتبع....
#جحيم_البنات
#بقلمي_شيماء_هاني_شحاته
🖤🖤🖤🖤🖤🖤🖤🖤
تعليقات
إرسال تعليق