 |
البارت 23_24
سجينته
موسوعة_القصص_والروايات
طلقني
بصلي ب كبرياء وهو بيشاور علي معتز وبيقولي :_ عشان ده
رديت ببرود وقولتله :_ مش شغلك ، أظن اني من حقي
اتطلق
اتصدم من كلامي وقالي :_ ااه من حقك تطلقي
سيبتها ومشيت وانا مش عارف استوعب اللي بيحصل ،
طلعت شكلهم ، كل همها الفلوس ، لو كنت اعرف كده كنت تمنتها من زمان ..
عدي شهر كامل وانا ف شغلي معرفش عنها حاجه ، ولا
دخلت البيت عشان مافتكرهاش ولسه بفتكرها
شمس :_ مکنش باين عليها ي نور ، كان باين عليها بتحبك
جدا ، اكيد في حاجه غلط
نور :_ كنت بقول كده لحد م شوفتها وواجهتني بالحقيقه
شمس : هبعتلها سيف يفهم اي اللي بيحصل منها ..
رد.نور بصدمه :_ سييف ! انتي بتشوفيه
نبرة صوت شمس كانت متوتره ف التليفون :_ ها ، لا ، اه ..
بص اتقابلنا بعد ما خرجنا من المطار ..
فلاش باك *
( ساعدوني) aide-moi
جري وراه وجابلي شنطتي وادهالي
(شكرا) Merci
مكنتش اعرف ان هو وأول م شوفته قولتله ب صدمه ، هو
انت
مدلي ايده بالشنطه وهو بيقولي بأدب : إتفضلي
شد شنطته ومشي كام خطوه فحسيت اني قليلة الذوق
وكلمته :_ س ، س سیف ، سيييف
لف بنص رقبته وقالي :_ أفندم !
احممم ، شكرا
أومأ براسه وقالي :_ لا شكر علي واجب ، قالها وسابني
ومشي ف جريت وراه :_ احم ، انت ساكن فين بقي
وقف وبصلي وسكت ف ضحكت ف وشه وقولتله :_ طب
رايح فين طيب
مردش عليا وسابني والله ومشي فانا اضايقت ، ازاي يعني
میردش علیا ، فروحت وراه وانا بزعقله :_ انت ازاي تسيني
وتمشي كده
مردش برده ف فضلت ازن عليه ، وانت عارفني بقي لما ازن
علي حد :_ ها ، مش بترد لي ، ها ، قولي بقي مش بترد لي ، ها ، مش بترد عليا لي
وقف مره وحده ف خبطت فيه ف اتحججت وزعقتله بقي
:_ انت اييي ، يعني ، مش تفتح يجدع انت
اتنهد وقالي بفراغ صبر :_ انتي عاوزه اي ..
نبقي صحاب
رفع حاجبه وقالي :_ ضميرك بينقح عليكي عشان كنت
معاكي ، بس فكك دا مجرد تصرف (محترم ) Respectable
طبيعي من واحد ل بنت بلده ف الغربه ، ف شوفي طريقك وانا أمشوف طريقي وياريت منتقابلش تاني
كنت بسمعه لحد م طقيت من جنابي وقولتله بنبره صوت
عاليه :_ انت فاكر نفسك ميييين عشان تكلمني كده انت ..
مردش وسابني ومشي ، وقف قدام عربيه ولسه هيفتح
الباب جريت عليه ، كان السواق بيدخل شنطه ف شنطة العربيه ف
قولتله Mets mon sac dans la voiture(دخل شنطي
العربيه) ، ف بصلي وقالي (Quel) ف شاورت علي سيف وقولتله ( أنا مراته) je suis sa femme
وسيبت الشنطه ولفيت قعدت ف العربيه تحت زهول سيف
اللي ركب بعدي وقالي :_ انتي اتجننتي ، مرات مين
لا مهو بص بقي انا بحاول اعتزر ف متقرفنيش وسيبني
اجمع كلامي
ضحك وقالي :_ يشيخه انا اول مره أشوف وحده زيك :
حتي وانتي بتعتزري لسانك عاوز قطعه
_ بس اي رأيك ، عسل انا صح
سکت ومردش عليا بينما السواق ركب العربيه واتحرك بينا
ف قالي سيف :_ أوصلك فين
_ بصيتله ب برائه وقولتله :_ لا منا هاجبي معاك
بصلي ب استغراب وقالي :_ معايا ! معايا فين
_ مكان م هتروح
انا عايش لوحدي مش هينفع ..
رديت عليه بتريقه :_ On est en France, sois un
( احنا في فرنسا خلينك متفتح ) peu plus ouvert
رد عليا ب عقلانيه :_ شمس انا راجل شرقي مش غربي ،
ومهم أهتم بعاداتي وتقاليدي ، مش علشان ف بلد أوروبيه ننسي
أصلنا و
رديت عليه بملل :_ وصلني حي****
ف قال للسواق ، وصلنا قدام بيتي بعد م قولت العنوان
للسواق ، نزل معايا هو والسواق اللي خرجلي الشنطه من العربيه ،
خدتها وانا زعلانه وكنت لسه هطلع البيت ، وقفني بكلامه وهو بينادي عليا :_ شمس ..
بصيتله ف مدلي ايده ب كارت وقالي :_ دا عنواني وتليفوناتي ، لو احتاجتي حاجه اتصلي بيا ...
خدت منه الكارت وانا مبتسمه وطلعت
*باك*
بس ومن وقتها بنشوف بعض من الوقت التاني .
اتنهد نور وقالها :_ اوعي يكون بينكم حاجه ومخبيه عليا
شمس :_ لا والله ي نور ، هو ده كل اللي حصل
نور :_ أي حكاية خليك اوبن دي يبت ما تتلمي معاه شويه
ضحكت شمس وهي بتقوله :_ انت بتغيييير
نور :_ اه طبعا ، مش اختي
شمس بتبرير :_ عامتا يعم انا كنت بجس نبض کده
اتنفس بعمق وقالها :_ تمام ، انا أصلا واثق فيكي
طب اي أقوله يسافرلكم !؟ قالتها شمس فرد عليها سيف :_ ...
البارت الثالث و عشرن من رواية
#سجينته
طب اي أقوله يسافرلكم !؟ قالتها شمس فرد عليها نور :۔
لا إبعتيلي رقمه في مسدج بس وانا هكلمه
شمس :- بس هو هییجی بعد تلت أيام عشان مسافر
نور بتريقه :- وعرفتي كمان انه مسافر ، دنتي سوسه
شمس بغضب : نووور
ضحك وقالها : هقفل دلوقتي عشان هروح أرازي في مرات
أخوكي .
شمس بحزن وترجي : براحه عليها ي نور عشان خاطري
المهم الشغل ف الشرکه عامل اي !؟
عامل حواجبه ، أهاها أهاها أهاها ، هييي كانت شمس
بتضحك بغباوه ف قفل الخط ف وشها واستعد انه يخرج من مكتبه
***
عند حور
الناس اللي نسياااني : قالها معتز وهو داخل من باب مكتبي
في ضحكت عليه وقولتله : يبني انت كنت معايا ل اتنين الصبح ، دنت فاضل تبات معايا
حط ايده على صدره وهو بيحركها و بيضيق عينه :_ یا اریت
ضحكت بصوت عالي وقولتله : اتلم ..
المهم ، في عميل جاي النهارده ، جاهزه تقابليه !
رديت عليه وانا بتنفس بتوتر : مش عارفه
قرب مني وقالي وهو بيقعد علي الكرسي اللي قدام المكتب
الا انتى مش بتدربی من شهر عشان ممتوتريش کده
_ طب متقابله انت وخليني انا الخلفيه
=حور ، انتي نقلتي الشركه خلال شهر لمستوي عالي جدا ، لدرجة اننا إطلبنا في اكتر من شركه أوروبيه ، العميل اللي جاي النهارده ده من شركه فرنسيه تعتبر أكبر وأهم شركه في فرنسا، أنا واثق إنك هتقدري ..
رديت عليه ب ترجي : بلاش أنا المرادي ، رجاء ، خايفه
أبوظ الدنيا والصفقه تضيع مننا
مد ایده ومسك إيدي وقالي :_ إطمني ، هبقي معاكي ، واثق انك هتنجحي
زفرت ب توتر وهزيت دماغي ب موافقه وقولتله :_ المقابله امتا !؟
بعد نص ساعه ، هروح انا بقي اشوف شغلي ونبقي نتقابل
بعد نص ساعه
سابني ومشي ، فضلت أشتغل لحد ما جه وقت المقابله
السكرتيره جت بلغتني بوصول العميل :_ مدام حور ، مستر هاشم بيقول لحضرتك العميل وصل واستقبله واحنا في إنتظارك مع مستر معتز
هزيت راسي وقولتلها :- روحي انتي ...
مشيت من قدامي وانا قومت خرجت من المكتب لقيت معتز جايبلي ف قولتله : متوتره
- رفع قبضته وقالي : قدها وقدود
ضحكت وكنا بتتكلم ونتسایر لحد م دخلنا غرفة الميتنج
إتصدمت لما شوفته :_ نوور ، قطبت وشي وقولتله :- حضرتك بتعمل أي هنا !
رد عليا ببرود :- حضرتي جاي يشوف شغله .. في اي
قولتله ب استغراب : هو انت العميل
ردت البنت اللي كانت قاعده جمبه : ايواي فندم ولو تحبي
ممكن نبدأ الميتج بسرعه لان عندنا شغل تاني فلازم نمشي
بصيتلها بزهق ودخلت قعدت علي الكرسي وجمبي معتز اللي قال للسكرتيره :- وزعي الخطه
***
عدي وقت مش قليل وانا بتكلم مع نور عن عقد الشرکه
وبحاول ، وهو كان بيتعامل كعایا ببرود ، کنت بوقف كلامي لما بلاقي البنت اللي معاه بتميل عليه ، لاحظ خنقتي فكان بيزود من قربه ليها ....
****"**
كنت عاوز أفهمها انه صعب أوافق على شراكتهم بالرغم من اني جاي مخصوص عشان نكون شركاء عمل
كنت بضايق لما بلاقي اللي معاها ده بيقرب ويهمسلها بس
ملامحي كانت بارده مما أداها شعور انها لا شيء وبعد حديث طويل أخيرا الشراكه إكتملت
مدت إيديها تسلم عليا بمناسبة الشراكه فطولت النظر ليها
وقبل م تشد ایدیها سلمت عليها في قالت لي: مبروك الشغل الجديد ، كنت فاكره أن شغلانة الظابط عجباك
ضحكت ب كبرياء وقولتلها : الواحد لازم يغير ميوله كل
فتره وإلا هيزهق ، رفعت حاجبي وكملت : وانتي خير العارفین بالموضوع ده ..
شدت ايديها من ايدي ف سلمت علي اللي معاها وانا بشد
على ايده وبقوله : مبروك
كانت سيرین قاعده ماسكه القلم ف قالت وهي بتقف :-
مبروك الشراکه ، توقيع العقد هيبقي ف شركتنا
طبعا ، قالها هاشم وهو بيسلم عليها في بصت سيرين لحور
وقالتلها وهي بتمدلها ایدیها : مبروك مره تانيه ي مدام حور
بصت لإيديها وسألتها : منفصله
حور بصتلي وبعدين نقلت نظرها لسيرين وقالتلها : أي
عرفك !؟
ردت سيرين بإبتسامه صغيره : أثار الخاتم علي إيدك
إبتسمت حور وشدت ايديها من اید سیرین ف استأذنا
وخرج الكل وفضلت انا للآخر وحور ومعتز اللي قالي : شكلها بتحبك اوي
وقع نظري على حور وقولتله : هي مين دي
رد عليا بخبث :_ آنسه سیرین
ضحكت ورديت عليه : وشكلك بتحبها أوي
رد معتز عليا : هي مين دي !؟
رديت وانا ببص لحور ب قرف : مداامي ، مدام حور ..
البارت الرابع والعشرون من رواية
#سجينته
تعليقات
إرسال تعليق