مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#فيروزة_الفهد

#الفصل_التاسع_والعشرين

"في موقع الحادثة"

ليلى كانت بتبكي وحاضنه عاشق: رنا ماتت 

عاشق كان واقف بقلة حيلة وفهد مصدوم وبيمسح على شعره 

ضياع: قومي أنتِ لسه بتحبني أنا معاكِ قومي 

شالها وسط النار كان بيجري ويبكي جت عربية الاسعاف طلع جمبها وفهد فتح العربية وكلهم طلعوا عربياتهم ومشيوا 

فهد فتح تيلفونه شاف فخرية بترن: الو

فخرية: إحنا في المستشفى يا ولدي قمر مش بخير 

فهد: ليه مالها في ايه 

فخرية: لما توصل هنحكيبك 

فهد: وفيروزة فين هي بخير  

فخرية:  ما هي سبب المصيبة دي 

وقفلت

فهد: إيه اللي بيحصل 

فهد فصل وكان سايق ومن ورا عاشق وليلى 

عاشق: في إيه يا فهد

فهد: قمر مش بخير لما نوصل نعرف 

عاشق انتبه لـ ليلى اللي شارده بين افكارها: أنتِ بخير

ليلى بدموع هزت راسها برفض

عاشق مسك ايدها وباس راسها: اوعدك هجيب حقك يا ليلى 

ليلى بدموع كانت رابطه ايدها 

عاشق فك الرباط كانت مضروبه برصاصه

عاشق بحزن وقال بقهرة عليها: عملوا فيكِ ايه 

ليلى: المهم أنت بخير مش أنا 

عاشق ربط ليها الشاش وكانت سانده راسها في حضنه

"عند رنا ضياع "

ضياع:  قومي يا رنا بلاش تعذبيني قومي لو لسه بتحبيني كانت الممرضة حاطه ليها اسلاك وجهاز التنفس 

هو قاعد بدون أمل 

مكنش بيبكي حابس دموعه واتكلم: قومي كده أنا عارف إنك هتبقي بخير صح 

مكانتش بترد ونبضات قلبها ضعيفه 

وصلت العربية للمستشفى وهو نزل يجري ووقف فهد وكلهم نزلوا هو كان ماسك في السرير بتاع رنا ومتبت فيها وبيجري معاهم 

فهد كان حزين عليه ودخلوها اوضة العمليات 

فهد ربت على كتفه: متخفش هتبقى بخير 

عاشق: قومي يا ليلى معايا 

ليلى:  فين

عاشق:  تعالي 

كان ساندها ودخلها اوضة خاصة في المستشفى قعدت على السرير وهي محساش بنفسها الممرضة كشفت عليها وركبت ليها محلول وعاشق قاعد جمبها وماسك إيدها وهي نايمه: أنا من وقت ما شُفتك قُلت دي هتبقى نصيبي رغم خناقاتنا وأنا حبيتك آه بحبك يا ليلى بضعفك بقوتك بكلامك بعصبيتك بحبك لما خطفوكِ أنا منمتش الليل من كُتر التفكير فيكِ ملامحك كانت جوا قلبي محفورة وصورة وشك قدامي كنت حاسس إني هخسرك للأبد وأنا روحي بتتسحب من جوايا قلبي كان بيقول كلام تاني إني هنقذك لكن والله هدفعهم التمن غالي أوي يا ليلى كُل نقطة دم نزلت منك هتنزل منهم أضعاف 

قام من مكانه وباس على راسها: اشوف وشك بخير

طلع من الاوضة وشاف ضياع قدامه واقف وماسك سلاح: جه وقت الانتقام 

عاشق هز راسه وسلحوا الاسلحه وكانوا ماشيين في المستشفى  بهيبة 

فهد راح عند جدته وامه:  أمي 

عزيزه قامت بقلة حيل

فهد:  في ايه مالها قمر وفيروزة فين

فخرية بغضب:  ما هي مراتك سبب الحادثة دي كلها 

فهد بص لـ عزيزه وهي اتكلمت:  فيروزة شدت مع قمر نزلنا على صراخ قمر كانت فيروزة كابه المياه السخنه في رجلها 

فخرية:  لحد امتى هتفضل وراها واهي ركبت ودلدلت رجليها وصلت لانها تحرق بنت عمك وأنت واقف 

فهد فك زرار البدله بخنقه ودخل اوضة قمر فعلا شاف رجلها محروقة وهي فاقده الوعي ومركبين ليها محلول فتحت عينيها وقالت بدموع:  فهد

فهد قفل الباب:  قمر 

قرب منها وشد كرسي:  رجلك بخير 

قمر:  رجلي؟! 

فهد:  رجلك يا قمر 

قمر بدموع:  بس أنا مش حاسه بيهم 

قام من صدمته:  ازاي 

قمر بصوت عالي وهزت راسها برفض:  رجليا مش حاسه بيهم مش حاسه خالص 

فهد طلع يجري:  دكتور دكتور 

دخلوا عزيزه وفخرية وهي كانت بتصرخ:  لاااااااااا 

فخرية:  في ايه مالك يا قمر قمر 

الدكتور دخل 

فهد:  بتقول مش حاسه برجلها يا دكتور 

قمر بدموع:  أنا اتشليت 

الدكتور قرب منها ومسك ابره كانت بيتكتك رجلها وهي بتشد وتضغط على ايدها 

الدكتور:  حاسه بيهم 

قمر:  لا 

(دوروا على جروب حكاوي الكاتبة الصعيدية على الفيس ادعموه لأجلي)

عزيزه غمضت عينيها وقالت:  لا حول ولا قوة إلا بالله

فهد بصدمه: ازاي حرق بسيط يسبب شلل يا دكتور

قمر مسكت ايده وكانت بتصرخ وتبكي:  حرق بسيط ازاي أنا رجليا اتشوهت اااااه  أنا بقيت معاقة انا معاقة بسبب فيروزة يا فهد أنا معاقة محدش هيقبلني زوجة حتى ااااااه بسبب مراتك حياتي اتدمرت

كانت بتبكي على ايده وتصرخ 

فهد فقد السيطرة وطلع من باب الاوضة بوهج الاسد 

قمر حضنت فخرية وكانت بتبكي بألم 

نزل من المستشفى بغضب وطلع عربيته 

............................

عاشق وضياع وصلوا عند بيت نيكولا 

وقفوا قدام البوابه ودخلوا في الكُل قتلوهم 

نيكولا اتخض فوق كان بيجمع الفلوس دخل واحد من العصابه: يفندم حاصروا البيت لازم نتحرك فورًا من الباب الخلفي 

جري ضياع تجاه الباب الخلفى وقتل كل اللي محاوطين العربية وهو دخل فيها من جوه وكان معاه قنبلة 💣 وماسك السلاح : جه وقت نهايتك يا و**** 

عاشق كان بيجري وقتل كُل اللى في الڤيلا طلع فوق شاف نيكولا بيضرب عليه نار نزل لتحت عاشق وردله الضرب 

هرب نيكولا 

عاشق كان بيجرى بكل قوته نط من على السلم وراه 

ونيكولا بيجري وصلوا لخلف الڤيلا 

نيكولا: هيا ايها الح....

قبل ما يكمل شاف رجالته كلهم ميتين على الارض 

وضياع بإبتسامة طلع هو وماسك المسدس وعاشق جه من وراهم قتل اللي فاضل من عصابة نيكولا 

نيكولا نزل السلاح بإستسلام وكان بيضحك بصوت عالي 

ضياع: يعجيني إنك بتضحك على غبائك يا****

 وضرب طلقه في رجله 

نيكولا وقع على الأرض والسلاح اترمى منه على الارض عاشق برجله رماه السلاح وعفص على الرصاصة اللي في رجل نيكولا 

نيكولا: اااااه 

عاشق: مين هو الهيكل؟

نيكولا بضحك: ألم تعلم هو من؟!

عاشق: ميييييين الهيكل رد 

وضرب وشه في الأرض 

كان مراقبهم الهيكل كان مُلثم كالعادة من ورا الشجرة 

وكان ماسك القناصة مصوبها على رأس نيكولا 

ضياع جه ورا ضهره والهيكل مسح على القناع بغضب 

ضياع: قتلت الجنين قبل يا يولد مراتيييييي دلوقتي بين الحيا والموت أنت  كده كده ميت 

جره من ياقة القميص والهيكل ضرب بالقناصة لكن عاشق شافه وقتها زق نيكولا على الارض وكانوا بيضربوا على الهيكل نار 

(دوروا على جروب حكاوي الكاتبة الصعيدية  على الفيس ادعموه لأجلي)

جرى عاشق وراه وكانوا بيضرب عليه لكن ملحقهوش 

ضياع ربط ايده وشده على عربيته اللي كان هيهرب بيها: هتموت يا ندل وحياتك أخر وش هتشوفه أنا 

دخل العربية وربط ليه بؤه 

عاشق جري قصادهم ومسك ايد ضياع قبل ما يرمي القنبلة في العربية ونيكولا بيصرخ 

عاشق: ميننننن الهيكل

وحط المسدس على راسه 

شال ليه الشريط 

نيكولا بدأ يلهث وقال بخوف: ا... ايوب...ايوب هو الهيكل 

عاشق ملامح الصدمه اتجمعت في وجهه 

ضياع سنده بإيده وهو رجع لورا 

ضياع هو وبيحط المسدس على راسه وصرخ بهستريا: قتلت ارواح يا و*** لمستتتتتت شريكة حياتي وأنا وعايش وبتبص في عيني وأنا شايفها بتنزف كفاية و***** كفاية قتل 

رمى القنبلة في العربية ومشى انفجرت العربية وراه وكانوا ماشيين بهيبة قدام العربية وكانت بتنفجر وهما ماسكين الاسلحه وضياع علامات الغضب متجمعه في وجهه وعاشق كانت عروقه باينه من قبضة ايده من العصبية ومشيوا

..............................

فيروزة كانت قاعده في اوضتها وجمبيها جوري وأسد 

نبيلة بإرتباك:  يا سِت فيروزة أنتِ بخير 

فيروزة: بخير يا نبيلة اطلعي يا نبيلة أنتِ وسعاد 

سعلد: بس فهد بيه امر ان...

فيروزة بمقاطعه: اطلعوا يا نبيلة لو بتحبوني اطلعوا

فتحت ليهم الباب فجأة شافت فهد قدامها 

فهد بهدوء تام وهو بيدوس على ايده: نبيلة خدي جوري وأسد 

فيروزة هي وماسكه اولادها: ليه خليهم معايا 

شالتهم هما الاتنين 

فهد: هاتي العيال يا فيروزة

جوري كانت بتبكي واسد بيبكي 

فيروزة بدموع: خليهم يا فهد

نبيلة شالتهم 

وسعاد وفهد رزع الباب بقوة و وقفله بالمفتاح

فيروزة: أنت بتعمل ايه 

فجأة بصت ليه بدموع وفهمت: أنت صدقتهم 

فهد هو وبيقرب منها: شُفت الحرق بعنيا متخيلتش ان غيرتك منها تعملي فيها كده 

وكان بيقرب اكتر 

فيروزة بغضب هي وبتتقدم في وجهه وشاورت بأصبعها على نفسها : انت مصدق إني عملتها!

فهد هز راسه: اه مصدق هتعملي ايه يعني 

فيروزة: ثقتك فيا 0% يا فهد الجوارحي  انا مش هبرر لك طول مأنت مصدقها صدقها 

(دوروا على جروب حكاوي الكاتبة الصعيدية على الفيس ادعموه لأجلي)

فهد هو وبيشدها لحضنه وصرخ في وجهها: قمر اتشلت افهميها بسببك اتشلت

فيروزة هي وبتصرخ في وجهه: أنا معملتش حاجه افهمني مصدقها هي ليه رد

فهد هو ومشاور ليها : وصلتي لدرجة إنك تقتلي إنسان بسبب الحُب ده دأنا كنت امشي من جمبك وقلبي سايبه معاكِ أنتِ أنانية ليه  لو على الحُب بتاعك ده نتأسف مش عايزه

 

كلماته كانت زي السيف على قلبها غمضت عينيها ودموعها نزلت قربت منه وبصت في عينيه:  فعلا يا ريتني ما حبيتك ولا عرفت أسمك حتى يا ريتني يا فهد، أنا فيروزة اللي فضلت معاك مرحلة طفولتك سندتك لما وقعت اكتر منها من اهلك أنا كنت سندك كنت بخلي قلبي يلين تجاهك علشان متحسش بفراق ابوك ولا امك أنا فعلا غلطانه اني حبيتك

فهد كان باصصلها وقرب منها وهي بترجع وضرب ايده في الحيط 

فيروزة:  أنا عايزه امشي افتح الباب 

فهد:  نعم؟! 

فيروزة بدموع:  افتح الباب 

فتح الباب ليها وهي نزلت تجري على السلم ودموعها كانت بتنزل 

طلعت برا القصر وهو وراها:  فيروزة 

كانت ماشية بدموع:  متلحقنيش متحاولش تلحقني 

طلعت تاكسي في الشارع 

وهو كان بيجري ورا العربية طلع عربيته وكان وراها 

فيروزة هي وقاعده في العربية وبتهز رجلها ودموعها شلال بينزل:  متحاوليش تبصي وراكي متبصيش متبصيش 

كانت مغمضة عينيها وبتبكي:  اشربي دموعك احبسيهم علشان تبقي قوية بس كفاية 

السواق استغرب هو وباصص ليها وهي بتبكي 

مسحت دموعها وكانت باصة في الارض بتوهان 

السواق:  يا مدام في عربية بتلحقنا 

بصت وراها شافته فهد وراها 

فيروزة:  ضيعه منك 

السواق:  تحت امرك 

كان سايق على اخر سرعته 

فهد كان بيرن عليها وبيضرب على الدريكسون:  ردي ردي بتحاولي تهربي مني يا فيروزة لييييييييه 

كانت الدموع متجمعة في عيونه 

وهي كانت ماسكه التيلفون 

فتحت الشباك وبصت للتيلفون رمته من شباك التاكسي 

فهد وقف عربيته وبص للتيلفون اللي اتكسر:  كالعاده مجنونه 

التاكسي دخل وسط عربيات ودخل يمين 

فهد كان سايق مشفهمش وضرب على الدريكسون: ااااااه 

ضيعها 

فيروزة:  عند المقابر شارع ***** 

السواق هز راسه وكان سايق وهي كانت باصه للشوارع وبصت وراها وكانت دمعتها هتنزل رفعت راسها بقوة وحبست دموعها اول ما وصلت عند المقابر نزلت ادت للسواق 100 جنيه 

وكانت ماشيه 

السواق:  يا مدام باقي الميه يا مدام استني 

 فيروزة: ادعيلي بس ان ربنا يفك كربي 

كانت ماشيه ودخلت المقابر وقعدت قدام ما بين قبر امها وابوها رفعت ايدها وقرأت ليهم الفاتحه ونامت ما بين القبرين وراسها على التراب:

 أنا وحيدة فعلا ملييش حد اتقرب منه واحكيله عن همي اتحرمت منكم في الدنيا ويا عالم امتى الآخرة دِلوني على الطريق الصح فهد بيظلمني مش مصدقني  اولادي قطعه مني هما اللي مصبريني على الدنيا فهد قطع قلبي بسكينه انهارده قطعه، ولما اتكسر قلبي سحب حُبه معاه ليه بيعاملني وكأني ملييش كرامه يزعقلي ويشك فيا وفي الآخر يطبطب، يطبطب جامد ويقولي سامحيني وأنا اسامحه قلبي ميهونش عليه زعله مبحبش اشوفه زعلان وهو بيكسر فيا وأنا حديد استحمل، طيب ليه الكُل باصص ليا ليه فيروزة بالأخص ليه 

نامت وسط المقابر وقالت بدموع قبل ما عينيها تغفى:  سيبوني انام وسطيكم ممكن احس بيكم زي مانتوا حاسين بيا ممكن اغمض عيني مأفتحش تاني 

قفلت عينيها ونامت فعلا وسط القبرين 

...................................

"في المساء"

رجع ضياع المستشفى هو وعاشق بعد ما دفنوا نيكولا  وكان قاعد قدام باب رنا طلع الدكتور

ضياع:  طمني يا دكتور 

كانوا كلهم متجمعين حوليه عاشق وليلى وضياع  وعمتهم وفهد كان واقف بعيد عنهم جه تجاههم 

الدكتور:  للأسف خسرنا جنين من الإتنين 

اتكلمت عمة ضياع ببكاء: يعني ايه ورنا بنتي رنا 

الدكتور:  المريضة كانت حامل في توأم جنين اتوفى والتاني عايش الحمد لله  لكن... 

ضياع بغضب:  رنا رنا المهم هيا بتتكلم بألغاز ليييييه رد 

الدكتور بخوف:  المريضة دخلت في غيبوبة يا عالم هتفوق امتى؟!

ضياع غمض عينيه وضرب بكفة ايده على الحيطه بغضب وكان واقف بقلة حيله واتكلم:  والجنين هيعيش معاها 

الدكتور:  هيعيش يا ضياع بيه والف سلامه عليها وأنا اوعدك هعمل كل اللي في ايدي وهجيب ليها اشطر الدكاترة والدعاء ليكم ادعولها 

ضياع بعد عنه ودخل الاوضة 

بتاعتها وقفل الباب ليلى ربتت على كتف عمة ضياع اللي كانت بتبكي 

كان ماسك ايدها وبيبكي وهو شايفها فاقده الوعي تماما شبه الاموات 

_أنا جبتلك حقك يا نور عيني جبتلك حقك قومي يلا أنتِ هتبقي ام يا رنا عارفه 

مسح دموعه زي الطفل الصُغير:  وانا هبقى اب بس فوقي يا رنا يا نور عيني مقدرش والله مقدر انام من غيرك ولا اتنفس من غيرك هفضل جمبك يا سِت الحُسن 

مسح دموعه وضحك:  بتكرهيه الاسم ده لكن سِت الحُسن خاص بيكِ يا بؤبؤ عيني 

كان بيمسح على شعرها وباس راسها بدموع 

_برا الاوضة _

(دوروا على جروب حكاوي الكاتبة الصعيدية على الفيس ادعموه لأجلي)

عاشق:  هي فيروزة فين ليه مش جمبك؟!

فخرية من وراهم:  لان مرات اخوك حاولت تقتل بنت عمكم حرقت رجلها ودمرت مستقبلها 

عاشق:  نعم؟! 

فخرية: اوضتها هناك روح إتأكد بنفسك

عاشق كان ماشي بين الطرقات ودخل اوضة قمر شافها ممددة وجمبها عزيزه:  أمي 

عزيزه:  عاشق 

باس راسها وقرب من قمر:  سلامتك يا قمر 

قمر:  الله يسلمك يا عاشق 

عاشق هز راسه:  هو فعلا فيروزة اللي عملت كده؟! 

ليلى كانت واقفه وراه 

قمر:  ومين غيرها كل ده علشان غيرانه على فهد مني 

ليلى بصوت واطي: وقحه 

عاشق داس على ايد ليلى من وراه 

عاشق: الف سلامه عليكِ مرة تانية 

شد ليلى من ايدها وطلعوا: صدقتها 

عاشق: مين قمر؟!

ليلى: اه 

عاشق: دي افعى يبنتي اصدق مين

فهد كان ساند ضهره على الحيطه وعاشق وقف قدامه: اخر من تشك فيه هي فيروزة يا فهد روح دور على مراتك وشريكة عمرك وأم اولادك  وارجع لجوري وأسد ويستحسن تسيب القصر انت وهيا وعيشوا لوحدكم 

عاشق حضنه 

فهد بخنقه: أنا ضايع يا عاشق 

عاشق ربت على كتفه: فيروزة حورية ملاك يا فهد 

فهد: انا حاسس إني ظلمتها 

عاشق: روح لها دور عليها هتلاقي مكانها في قلبك فيروزة مستحيل تإذي نمله هتحاول تحرق بني آدم 

فهد فتح زرار بدلته وطلع بخنقه من المستشفى طلع عربيته: اه فيروزة اه 😔

كان سايق بضياع وبيضرب على الدريكسون  : غبي، غبي، غبي 

كان متجه تجاه المقابر ورن على نبيلة:  نعم يا فهد بيه 

فهد:  نبيلة جهزي هدومي أنا وفيروزة وهدوم أسد وجوري 

نبيلة: امرك يا فهد بيه 

فهد: قولي للبواب يوصلهم عند الڤيلا الجديده جمب ڤيلا عاشق وسط الحاره واطلعي معاه انتِ وسعاد جهزيها 

نبيلة: امرك يا فهد بيه، هي السِت فيروزة بخير؟

فهد: بخير يا نبيلة بخير 

وقفل 

 ونزل من العربية شافها نايمه بين قبر امها وابوها: فيروزة، فيروزة

هذها وهي فاقت: فهد 

بعدت عنه وهو مسح وشها من التراب وهي زقته 

فهد: خايفه مني 

قامت ونفضت لبسها: مبخفش من حد انا 

مشيت قدامه ووقفت على الطريق 

فهد: فيروزة اطلعي العربية 

كانت باصه ليه ومتردده 

فهد: فيروزة اطلعي بلاش عناد اطلعي 

فيروزة طلعت العربية بتاعته من ورا 

فهد: انزلي اطلعي من قدام 

فيروزة بغضب: انا لو نزلت مش هطلع تاني 

رفع ايده بإستسلام: تمام تمام 

طلع هو من قدام وكان سايق: زعلانه مني يا سلطانه 

فيروزة مكانتش بترد وباصه تجاه الشباك 

فهد: سلطانه 

فيروزة: اسمي فيروزة

فهد: أم عيالي 

فيروزة:لا واضح اوي 

فهد: وحشني حُضنك 

فيروزة: ده مش طريق القصر على فين

فهد:...................

فيروزة بمقاطعه وصوت عالي:  مش عايزه اعرف خلاص اسكت كده 

فهد بتحذير:  فيروزة 

فيروزة كانت باصه بغضب هو عدل المراية وكان باصص ليها:  ملامحك حلوه وأنتِ شريره وقوية كده 

فيروزة تجاهلته وهو كان سايق طول الطريق وكان المكان بعيد نزل وسط الطريق وفتح الباب ليها 

نزلت هي: المكان ضلمه احنا وسط صحره و...

حضنها وهي كانت بتقاوم وتزقه وهو حاضنها بعد عنها وقبلها قبله عميقة على شفايفها بحنان 

فيروزة زقته بقوة: انت اتجننت 

مسحت شفايفها بغضب وطلعت العربية من قدام 

دخل جمبيها وهي حطت حزام الامان بغضب 

هو ضحك وكمل سواقه 

 اول ما وصلوا نزلوا 

فيروزة في نفسها:  دي جمب ڤيلا عاشق 

فجأة شافت عاشق نازل من عربيته هو وليلى 

فيروزة: ليلى 

ليلى راحت عندها وحضنتها فيروزة كانت بتتنفس براحه: أنتِ بخير 

ليلى هزت راسها 

فيروزة لمست على وشها وباست راسها مسكت ايدها: عملوا فيكِ ايه يا روحي 

ليلى بدموع: أنا بخير بوجودكم 

عاشق بهمس: أنت لو زعلت سلطانتنا يا ويلك 

فهد: حرمت يا عم 

فهد: تعالي معايا 

شدها من ايدها 

فيروزة: هو ده بيتنا الجديد يعني 

فهد: اه 

نبيلة وسعاد كانوا وافقين على باب الڤيلا بإبتسامة

واحده شايلة اسد والتانية شايله جوري 

فهد باس راسها ووقفها وسط الكُل 

عزيزه جابها الشوفير وكانت منزله راسها في الأرض:  فيروزة

فيروزة بصت ليها هي ومنزله راسها في الأرض: أنا شكيت فيكِ فعلا مش أنتِ اللي عملتيها عاشق فهمني أنك مش انتِ من غير ما نشوف مصدقينك  قمر كانت أنانية يبنتي هي اللي جابته لنفسها 

فيروزة بصت ليهم وعاشق ابتسملها وهز راسه 

فهد: أنا اسف يا سلطانه 

شدها لحضنه وباس على راسها: أوقات مبحسش بكلامي أو أنا بقول إيه عايزك تعرفي إن كُل اللي قلتهولك بدري كان ذلة لسان ووسوسة شيطان يا سلطانة عمري في يوم كرهتك والله كل الاتهامات كانت ضدك وأنا مكنتش قادر أمسك نفسي طلعت كُل غِلي عليكِ من غير ما أفهم ايه اللي حصل من الطرفين ربنا يديمك يا سلطانه أنا بحبك مقدرش استغنى عنك في يوم لإنك حته مني بنتي ومراتي ونن عيني اللي بشوف بيها وعكازي اللي بتحمل عليه وقت ما الدنيا بتديني ضهرها 

فيروزة بدموع حضنته وسط كل الموجودين 

نبيلة وسعاد كانوا بيبكوا 

نبيلة: هاتي منديل الكُحل بتاعي هيبوظ يبت يسعاد

ضحكت سعاد رغم دموعها 

عزيزه حضنتها وفيروزة تبتت فيها وباست عزيزه على راسها: سامحيني يا فيروزة متزعليش مني 

فيروزة باست على راس عزيزه وقالت وهي وماسك إيدها: مسمحاكِ يا أمي مزعلتش ويامَا دقت على الرأس طبول. 

لايك وعشر كومنتات ليصلك الفصل الثلاثون.

_اهو فصل كبير تعويضًا عن تأخيري للرواية تفاعلوا تفاعلكم قل ليه .

#يتبع

#فيروزة_الفهد

#الكاتبة_الصعيدية_سلمى_محمود.

تكملة الروايه من هناااااااا