 |
البارت الثاني والأربعون ( الاخيره )
خادمتي ولكن
💙💙💙💙💙💙💙💙💙💚💚💚💚💚💚
💜💜💜💜💜💜💜💜💜💛💛💛💛💛💛
مازن وماندو ... وصلو وراحو على الفيلا ... وكانت دقنهم طويله جدا .... ومروان وشريف وهدى وروان فى الفيلا ... قاعدين مع بعض بيفكرو ها يعملووو ايه ... تانى او ممكن يكون فين ... دخل عليهم ... ومنظرهم صدم الكل ...
مروان : قام من مكانه جرى على اخوووه ... وحضنه جااامد .... وبيضربه ... وسمح لنفسه ينهار بعد اسبوعين معاناااه حقيقيه وكأبه ... ودموعه نزلت ...
مروان : ماسك اخوه .. انت فيك حاجه ... ليه غاوى تتعبنى معاااك ...
مازن : عيط على عياط اخوه ... انا أسف والله كنت عايز أبعد تعبت من نفسى ومن كل حاجه حقك عليا ... شريف كمان انضم ليهم ... وضرب مااازن ...
شريف : ها اقول ايه غير انك بااارد ... انا اتخيلت ان السمك بيتسلى على جثتك ... والا الارض اتشقت وبلعتك ... والا اتخطفت ... منك لله ... يا أخى ...
روان : بصاله وقاعده ما بتتحركش وهدى مركزه معاها حاسه ان ها يجرا لها حاجه ...
مازن : سابهم ... وبيبص لروان ... الغاليه والعزيزه على قلبه ... ومش قادر ينسى منظرها وهى واقفه بينه وبين مروان وخوفها عليه ... ورايح عندها ... قرب وقعد قدامها ... مد ايده ومسك ايديها ... رورو ... انتى زعلانه منى ... مالك ... ساكته ليه ...
روان : عيونها إحمرت جدا .... ووشها إحمر كأنها بتتخنق ... وبتاخد نفسها بالعافيه .... كلهم اتلمو حواليها ... ومروان مسكها ... وعمال يضغط عل صدرها ويهوى لها ... وبيقول لها اتنفسى براحه ... روان سامعنى .. اعملى اى ااشاره طيب ... وفقدت الوعى تماما ...
هدى : بتعيط جااامد ... وشريف .. واخدها فى حضنه واتخنق ... هو كمان ... وعيونه دمعت ... على حال أصحابه ... وحبايبه ايه الا بيحصل لهم دا ... وليه ..... طلعو روان فوق ... وطلبو الدكتور ... جه كشف عليها ... ورفض يكتب لها اى علاج ... لانها ممكن تكون حااامل ... والحمل مش ها يبان دلوقتى ... فوقها وعلق لها محاليل لانها طول الفتره الا فاتت ماكنتش بتاكل ... وفضلو كلهم حواليها ... حتى ماندو ... وصل الدكتور ... ورجع لهم تانى ...
شريف قاااعد على الكنبه وهدى جمبه .. ومروان جمب روان على السرير محاوطها بايديه ... ومازن قاعد على كرسى قدام السرير ... وكلهم سلمو على ماندو .. وبهدلو فى نفس الوقت ... وقالو له ... هو مجنون ... يبقى انت كمان اجن منه وتطاوعه ... ومروان طلب منه يروح لهيثم لانه كان ها يتجنن عليه ... وفعلا ماندو مشى .....
مروان : بيبص لروان ... ها تفضلى زعلانه كدا كتير ... لا بتكلمينا ولا بتاكلى ... وبيقول بهزار ... صاحبك فى الملاعب رجع اهووو وزى القرد ...
روان : وجهت نظرها ... لمازن ... وبصوت ضعيف ... ايه الا انت عامله فى نفسك دا ....
مازن : كنت معكتف وبتوب عن صنف الستات بماندو الله يسامحه ... 😂😂😂
كلهم ضحكووو ... ماعدا روان ... خلاص يارورو ... بقى عشان خاطرى فوكيها ... اخر مره ... انا ماعرفش انكو بتحبونى قوى كدا ...
روان : قوم ... غير هدومك دى واحلق دقنك وعايزاك ترجع مازن ... الا نعرفه ...
مازن : مابلاش يا بنت الناس ... ها اغلبكم انا عارف نفسى ...
شريف : قام ومسكه ... قوم معايا ... دا انا ها أطلع على جتتك العفاريت الزرق ... الا شوفناهم بسببك ...
مازن : بيضحك ... كله الا عفاريتى ... ملكش دعوه بيهم لو سمحت . ومشى معاااه ...
ومروان : قام جاب طقم من عنده ووداه ليهم ... لانه ما طلعش الشنط من العربيه ...
هدى : راحت جمب روان ... خلاص بقى مش كدا اطمنتى اهووو ... الحمد لله طلع بخيررر ...
روان : بضعف ... الحمد لله ...
.......................
مروان وشريف ... ماسكين مازن ... وبيضربو فيه بهزار ... ومازن بيضحك بصوته كله ....
مازن : بقولك ايه يامروان
مروان : قول ...
مازن : هو انا ينفع أحلق دقنى ... وتفضل زى ما هى وابروزها ... 😂😂😂😂 أصلها ها توحشنى .. اول مره فى حياتى أعملها
شريف : اه واكتب تحتها ... دقن مازن السمرى والله لاوريكووو
كلهم : 😂😂😂😂😂😂
مروان : انت حصلك حاجه فى مخك ...
مازن : اه روكا بهتت عليا بس والنبى شكلى بالدقن أحلى ... وحشتنى روكا بنت اللذينه هى فين دلوقتى ...
شريف : سافرت قاعده عند مامتها ... .
مروان : ها تعمل ايه معاها ...
مازن : بمكر .. ها اجبها بطريقتى ...
شريف : يا خوفى يا بدران ....
وخلصو وخرج مازن ... احلى من الاول بكتيررر ... ودخلو لروان ... بعد ما طلبو أكل ... وبياكلوها بالعافيه ... وبيتكلمو على روكا ... وبيعاتبوه براحه ...
مازن : انتو فاكرين هى سابتنى ... فى حالى ... دى كانت بتعمل فيا كل عمله والتانيه .. جننتنى وربنا ... وبدء يحكى لهم ... عن كل الا عملته ...
شريف ... واقع فى الارض من الضحك .... وهدى ماسكه بطنها وبتضحك بصوتها كله ... ومروان هو وروان ساندين على بعض ... وبيضحكو من قلبهم ....
مازن : تخيلو ... السيرك الا انا كنت قاااعد فيه ... والا دولابى ... اهئ اهئ ... ادمر ... جاتله حاله نفسيه ومابقاش يقبل هدومى فيه ... بعد كدا ها اقدم للدولاب تظلم ... عشان يرقف بحالى ... 😂😂😂😂😂
كلهم : مش قااادرين ... ومش متخيلين المنظر ... والحياااه الا كان مازن عايشها ...
مروان : والله جدعه ..
شريف : شابووو لها ...
مازن : ناااس حقوووده ... لا وتقولوش مركبه فى رجلها صاروخ ... بتطيرر بنت اللذينه على الاوضه ... تيك تريك .. تلاقوها جوا وقفلت على نفسها ...
كلهم : 😂😂😂😂😂😂
مازن : والنبى انا عسل ... شوفتو ما ساعة ما جيت ... ما بطلطوش ضحك ازاى .... بقولك ايه يا مروان ... احنا لازم ندبح عجل ... ونعوص ايدين فى دمه ... ونعمل على عربيتنا ... خمسه امووواه ... وخمسه هوان يوووه ... وخمسه اوعى بقى وخش كدا ...
شريف : 😂😂😂😂 خش فين
مازن : خش العربيه .... يا ابو نيه زى وشك 😂😂😂😂
كلهم : 😂😂😂😂😂😂
مروان : انا فعلا ها ادبح ان شاء الله زى ما ابويا كان معودنا من يوم وفاته معملنهاش احنا التلاته فاكرين
مازن وشريف : طبعا هى دى ايام تتنسى
مروان : بيبص لروان... وبيتكلم بضحك مش ها تصالحينى بقى ...
مازن : بيكلم روان ... صالحيه يا بنت أسمعى منى ... مفيش رجاله بتصالح مراتاته اليومين دول ... ها يطير منك ... ويروح لغيرك ...
شريف : خالتى ام مازن ... 😂😂😂
مازن : نعم يا شرشر ... اطلع منها لو سمحت دلوقت ...
روان : بتضحك ... خلاص ... ادام كلنا اتجمعنا ... مفيش زعل ولا خصام ... وانت من الصبح تروح تجيب روكا وتيجو تقعدو معانا هنا ... مفيش قعده تانى لوحدكم ...
مروان : هو دا الكلام ... وفضلو سهرانين طول الليل مع بعض ... بعد ما مروان اتصل على كل معارفه ... طمنهم ... حتى اسلام اول ماعرف ... جه وسهر معاهم ...
*********************
هيثم : راكب فوووق ماندو ... وبيضرب وبس ... انا ها اقتلك وأشرب من دمك ... حلووو حرق الدم والاعصاب الا كنت فيها دى ...
ماندو : خلاص يا هيثم بقى ...بقلم : لبنى طارق .. والنبى سمااااح
هيثم : سماااح ... على ايه والا ايه ... انت عارف يعنى ايه اسبوعين ما شوفش وشك ولا نعرف عنك حاجه انت ومازن .... ياخى خلى عندك دم
ماندو : بعنى انت عايزنى أسيبه يعنى .... هو الا خد التليفون منى ... عشان ما أكلمش حد ..
هيثم : طب حاول تكلمنى ... تتطمنى .... انت كدا مع مازن بتنسى نفسك ....
ماندو : حبيبى يا جدع خلاص بقى فوكها ... وبيضحك
هيثم : ضحك .... جاتك القرف تعالى ... ومسكه من رقبته وطالع بيه على البيت ....
*****************
محمد : مالك يا ريم ...
ريم : اتصل على مروان اطمن كدا يمكن يكون عرف اخبار عن اخوه ....
محمد : حاااضر ... واتصل على مروان ... وفرح جدا لما عرف انه رجع ...... وقفل اطمنتى با ستى
ريم : الحمد لله ... روان كانت بتكلمنى وحالتها صعبه ....
محمد : ربنا يهديه ..... وبيبص لها .... مبسوطه معااايااا ...
ريم : الحمد لله يا حبيبى ..... ايه ممكن يبسطنى اكتر من اننا مع بعص .... وبقيت انا الا بهتم بيك ....
محمد : أستنى ... وقام جاب البوم الصور ... بتاع فرحهم ... الا لسا مستلمه .... وكمان سى دى عليه الفرح كله ... وقعدو يتفرجو مع بعض ... وشغلو السى دى كمان ... وقاعدين مستمتعين .....
******************
انتهى اليوم ... وابتدى يوم جديد بشمس مشرقه ذهبيه اللون واشاعه تحاوط وتحتضن الكون
*****************
مروان : نايم جمب روان .. وحاضنها جااامد وبيبص لها بنظرات عتاب وهى بتبادله نفس النظرات ... انا زعلان منك قوى ... بدال ما تقفى جمبى بتبعدى وكمان قاطعه الاكل والشرب ومخصمانى ...
روان : دموعها نزلت ... كان غصب عنى انا عشت عمرى كله انا وأختى ... مانعرفش يعنى ايه أخ ... يعنى ايه يبقى ضهرك وسندك موجود ليك فى اى مكان تكون فيه وقريب منك ... كنا دايما بنحس اننا قايمين بالدورين فى حياتنا .. بنت وولد .. لحد ماعرفتكم يامروان ...حطت ايديها على وشه .. شوفت فيك أنت الحبيب والزوج واب لاولادى ... وشوفت فى مازن وشريف أخوات وسند ومش بس كدا فعلا احساس ان انتو مسؤولين منى بيكبر جوايا حتى بعد جوازكم ... ودموعها بتنزل أكتر ... انا ما أقدرش أستغنى عنكم كلكم ..لما شوفتكم بتتخانقو والامور كبرت بينكم حسيت بكل أم قلبها بيتشق نصين وبيصرخ وبيقول لاء مش انتو الا تعملو فى بعض كدا... ولما مازن أختفى مجرد انى مش ها أشوفه تانى كنت بموت بالبطئ .بقلم : لبنى طارق. خصوصا انه مشى بسببك أنت يا حبيبى بدال ما انت الا تقف جمبه وتفهمه وتوعيه ... جرحته أكتر وحسسته انه مش مرغوب فيه ...عمرك ما كنت ها تسامح نفسك لو اخوك كان جراله حاجه ... كنت ها أعيش عمرى الا فاااضل وانا بتعذب من تعذبيك انت .....
مروان : يااااه ياروان ... كل دا جواكى انتى مليانه حاجات حلووه قوى ...مفيش ست دلوقتى بتزعل على زعل اخوات جوزها ... للاسف هما الا بقو بيزود الكراهيه دلوقتى والفرقه والتشتيت فى كل بيت ... انتى ازاى كدا ... وقرب وحضنها أكتر ودفن راسه فى راقبتها ... بحبك يا أحلى رورو فى الدنيا انا حاسس انك كتيرر قوى عليا وماكنتش أستحقك أبدا ....
روان : بتبادله الحضن ازاى كتيره عليك وانت أحلى وأحسن حاجه حصلت فى عمرى كله ... ربنا ما يحرمنى منكم كلكم ... والبيت دا يتملى بينا وبحبنا لبعض ...
مروان : بيبتسم .... ها تجوزى دهلز أمتى ... ما احنا نملى البيت دا من كله ... والمجنون اخويا هو ومراته الا طلعت زيه ... لو مقدرش يرجعها ... نرجعها احنا ونتلم مع بعض بقى
روان : بأبتسامه .. كله االا دهلز مش عارفه يا مروان دا لوخلف ممكن مانعرفش نطلع من باب الفيلا يابابا .... دا ها يبقى عايز فيلا هو وولاده لوحده
مروان : ضحك ... ايوا كدا عايزك على طول بتضحكى وتهزرى ... وقرب من شافيفها الا واحشاااه وغرق فيهم وفى حبها الا كل يوم بيتمكن منه أكتر وأكتر وبهمس جمب ودنها .. شكلك كدا ها تجيبى زئرد صغنون مفترى زى ابوه يا حبيبه ابوه وبهمس أكتر بعشقك وبيبوس فى رقبتها برقه وحشتينى وغرق معاها وبيها فى دنيتهم الخاصه والمميزه الا حللها ربنا لهم وجعل بينهم موده ورحمه وسكن
**********************
مازن بقى جنانه ... ملوش حل والا ماشى على الخط ومطاوعه ماندو الا يتشك 😂 راح ملى العربيه ورد أحمر وبلالين بغاز الهليم عشان تطير ... وجاب طبنجه 😂😂😂
ووصل بلد روكا وواقف تحت البلكونه عندهم فى الشارع
......................
روكا : اعااااا اهئ .. اهئ .. اعاااا .. انا عايزا مازن ياماما ... مليش دعوه
حنان : انا تعبت منك وبصوتها كله ... مش قولتى مسافر اجبهولك منين انا يخربيت كدا ... يا بلوة عمرى ... قولت لما تتجوزى ها تتهدى وتهدى دا انتى اتجننتى أكتر ...
روكا : ايه حينان يا أونسا العنكبوت أنتى .. ياجبروت امرأه .. هو انا بنتك من لحمك ودمك والا لقيانى فى الشارع ..
حنان : بتشهق شهقه كبيره وبتضرب على صدرها بأيديها ... انا اونسا العنكبوت
روكا : وربنا ياحينان ما أقصد ... حقك على الا جابونى اهدى يا حينان ... دى حاجه حلوه ها تبقى قريبة اسبيدر مان 😂😂😂
حنان : قامت تجرى وراها بالشبشب 😂😂 وعبدالله قام جرى يحوش بينهم ... والله لاوريكى يابنت عبدالله
عبدالله : خلاص ياحنان كل يوم ضرب فى بنتك ... هى صغيره على الكلام دا
روكا : بتشاور على أمها ... قولها ياعبدالله قولها ...
حنان : يقول ايه يا أم لسان متبرى منك ... والله تلاقيكى طفشتى الواد من وشك ومن لسانك ...
عبدالله : بعصبيه حنان كفايه كدا وفجأه سمعو صوت عالى بينادى على روكا من تحت 😂😂😂 وطلعو كلهم البلكونه ... بيبصو لقى مازن واقف وماسك بالالين كتير قوى والعربيه مليانه ورد أحمر وماندو ماسك ورد فى ايده وواقف ورا مازن ....
مازن : بحبك يا روكا .... والله مظلوم وماقدرش أستغتى عنك ...وبعلو صوته وبيكلم الجيران الا طالعه تتفرج عليه وبتضحك... قوللها ترجعلى .... وعرفوها انى بحبها ....
حنان : يادى النيله ... جننتى الواد زيك .... وبتبص لها وبتضربها على كتفها ...حلو الفضايح الا احنا فيها دى ...
عبدالله : فضايح دا جوزها يا وليه ...
حنان : ما انت جوزى وعمرك ما حبتلى ربطة نعناع حتى فى ايدك تصالحنى بيها ...
روكا : ارحمينى يا حينان بدال ما ارمى نفسى من البلكونه وارتاح منكم كلكم
عبدالله : انتى زعلانه انتى وهو ...
روكا : بتوطى راسها ... اه
حنان : اتاريكى فاتحه الجعوره ليل ونهار ... طب انزلى
روكا : مش نازله .. وبتبص لمازن وتعيط ... وبعلو صوتها ... مش نازله ... مش عايزاك
حنان : دا انتى فلقتينى بجعورتك وبتخن صوتها ...اعاااا. انا عايزا مااازن ... هاتولى مازن ولما جه تقولى لاء انتى مجنونه يا بت انتى ....
مازن : بيتكلم ... وماندو بيقطع الورد وبيحدفه عليه 😂😂😂😂 يا أهبل .. بتحدف الورد عليا ... قولتلك لما تنزل
ماندو : 😂😂😂 بشجعها عشان تنزل تحت المطر 😂😂😂😂
مازن : بيكلم روكا يعنى مش ها ترجعيلى ... يبقى الموت من غيرك أحسن ... وطلع الطبنجه وحطها فى راسه ...
حنان : يالهوووى ... ها تموتى الواد غورى انزلى
عبدالله : بيضحك عليهم الاتنين ... وروكا طارت على تحت وروكبها بتخبط فى بعض ...
مازن : جرى على بير السلم من جوا ... وماسك الطبنجه
روكا : انت بتعمل ايه يا مجنون هات الزفت دا من ايدك ...
مازن : متصنع الجديه لازم أقتلك وأقتل نفسى ووجه المسدس عليها ...
وماندو : واقف وراه وبيحدف عليهم ورد 😂😂😂😂
روكا : انت عايز تقتلنى
مازن : اه ... عشان ما تفكريش تتجوزى بعدى وبيدوس على زنات المسدس وموجهه فى وشها ... وهى غمضت عنيها ورافعه ايدها لفوق وبتتشاهد لقت وشها مليان ميه ... 😂😂😂😂
مازن : ضحك بصوته كله هو وماندو وعبدالله وحنان الا نزلو على اخر لقطه ....
روكا : فتحت عنيها ... ومتنحه ... ومره واحده اعاااااا .... اعااااااا ... وبتضربه على صدره جيبلى مسدس ميه تموت بيه نفسك ...ياخاين
مازن : قرب عليها والله مظلوم ،خلاص عشان خاطرى
حنان : طلعت جابت شنطتها ... وبتديها لمازن ... خد يا بنى ربنا معاااك 😂😂😂😂
روكا : سابت مازن وماسكه فى حنان ... انتى عايزا تخلصى منى ...
حنان : انا ابدا ... مش انتى الا كل شويه تقوليلى عايزا مازن هاتولى مازن ... واهو قدامك
مازن : خدها فى حضنه وبيبوس راسها وروكا من شوقها ليه بادلته الحضن ... وعبدالله أصر انه يطلع هو وماندو ... عشان يتغدو مع بعض ... وروكا رفضت تتكلم قدام اهلها فى الا حصل واعتذرت لأمها وصالحتها واخوها الصغير هايص هو وماندو ونزلو بيطير البلالين هو وعيال الحته كلهم ... حتى الورد ... خدوه 😂😂😂😂
مازن : من شوقه لروكا فى بعده عنها بعد ما غسل ايديه مكان الاكل وهى معاه فى الحمام قفل الباب براحه .. وحضنها ومسك وشها بين ايديه وبهمس بين شفايفها وحشتينى واندمج معاها فى لحظه وهى كمان بادلته شوقه وحبه مازن بعد عنهاا وبياخد نفسه وروكا ساندا على باب الحمام ومغمضه عنيها ومش بتعمل أى رد فعل حط ايده على خدها وبيملس عليها وبيبوسها فى خدها وجمب ودنها وهو بيرجع شعرها بأيده حبيبى ياله نخرج عشان ما أعكهاااش وتبقى ليلتنا فل وانا اصلا عكاك 😂😂😂
روكا : بتبصله ومبتسمه وبتحفر ملامحه جواها حطت ايده على خده وحشتنى يا مازن ... بحبك وحبك مجننى
مازن : وضربات قلبه كأنها بتتسابق مع بعض وبيغنى لها بصوت واطى ومحاوط وسطها بأيده
بحبك وحبى ليكى مجننى ... ياروكا مين الا يقدر ياخدك منى ....حبيبتى ودنيتى أنتى .....
وبهمس بيقول لها وبيشاور على قلبه ...قلبى ملهوف بعشقك وروحى وبيشاور على قلبها ساكنه جوا قلبك ..... وبيبوسها بوسات خاطفه بحبك . .بحبك .. بحبك ...
روكا : طايره من الفرح ...تانى ..تانى
مازن : 😂😂😂 خلاص مش ها اعرف اقولهم تانى انا بألف مره واحده وزى ما تيجى تيجى ... ومسك ايدها وفتح الباب وخرج قعدو شويه وسلمو على حنان وعبدالله وحماده ورجعو بالسلامه ومعاه روكا .. بس على الفيلا ومروان وروان فرحو قوى لما رجعت
*********************
مر أسبوع على الجميع ... ومروان جاب 4 بهائم يدبحها كبيره ... وحاطتهم فى جنينه الفيلا عشان يدبح فيها ... وكلم بهاء ومحمود وعز وادم وكلهم حتى فتحى ومحمد وريم ومنيره وعبدالله وحنان وحماده بعت جابهم ...ومؤمن ونور ... يحضرو الدبح ... والمفاجأه للبنات ... ان مازن ومروان وشريف هما الا ها يدبحو زى ما كانو متعودين مع ابوهم وشريف اتعلم منهم بحكم انه كان معاهم على طول وانضم ليهم ماندو وهيثم ومحمود وعز ومؤمن ومحمد وادم وفتحى وعبدالله .... 😂😂😂 الرجاله كلها اتجمت وجابت عدة الدبح ولابسين زى الجزارين ... ومازن عشان يكمل الشياكه .. جاب لكل واحد شامله بيضه يلفها على راسه زى الجزارين تمام ....
****************
روكا وروان ونور وهدى وريم اتجننو على الاخر ... وبيحمو البهايم قبل ما الرجاله ما تيجى من برا .... وروكا ... بتعمل فيونكات بالقماش كبيره ... والبنات بتحطها حوالين رقبة البهايم ... 😂😂😂 وتجيب ورد وتحطو فى ودنهم ... وواقفين بيتصور سيلفى معاهم ....
وفاطمه ومنيره ومنى ويسرا مرات ادم وحنان بيضحكوووو من قلبهم عليهم ... وعلى منظرهم وبهاء قاعد مستمتع جداااا معاهم مبسوط بالجو واللمه وكل حاجه .. والطاقه الاجابيه الا متملكه منهم كلهم .......
الشباب كلهم داخلين مع بعض واول ما البنات شافتهم ... جريو عليهم ويسقفووو ...بقلم : لبنى طارق ... وبيتصورو مع بعض ... والشباب عايشه اللحظه بكل معانيها من فرح وجمال ... واول ما شافو البهايم ... قعدو يضحكو كتيررر ....
قسمووو بعض كل مجموعه تمسك عجل تدبحه ...
مازن طبعا اختار ماندو وعبدالله
ومروان مع محمود وفتحى
وشريف مع عز ومؤمن
ومحمد هو وادم وهيثم
................
مازن : وقف وبدء يتحكم فى العجل وماسك السكينه وماندو فى ضهره وعبدالله قصاده مسيطر معاااه ... وبعلو صوته ... حلال الله أكبر واتشاهد ودبحه
روكا بتسقف وتصفر... وبتقول مازن ... مازن ... وكلهم بيضحكو ......
...................
محمود : ركز يا مروان ليخلص علينا هوووو
فتحى : دا شكله شرانى ولو ادنا بالرجل ها يطيرنا احنا التلاته
مروان : 😂😂😂 ما تقلقوش ... دى لعبتى من زمان وقرب على العجل هو ومحمود وفتحى واتمكنو منه ودبحوه بعد ما اتشاهدو عليه .......
........................
عز : الله يخربيتك يا شريف ها تضيعنا ... امسك حلووو يالا
مؤمن : والله شكله ها يرفصنى وها أطير عند الستات هناك
شريف : دا بيغظنى ... منا ها ادبحك يعنى ها ادبحك ... دى عمرها ما خيبت معايا .... وفعلا دبحوه بعد معاااناه 😂😂
....................
محمد وادام بقى دول مشكله .... الاتنين خايفين وهيثم ماعرفش يسيطر لوحده ... والعجل فلت منهم ... وطلع يجرى .. والرجاله كلها بتجرى وراه والستات بتطير ورا بعض 😂😂😂😂
مازن : بيكلم ماندو كعبله ... كعبله يا ماندو يخربيتك ... 😂😂😂😂
ماندو : أكعبل مين يا باشا بقلم لبنى طارق دا ممكن يعملنى فرشه تحت رجله ...
مروان بيجرى من ناحيه وشريف من نايحيه تانيه وبيضحكووو بصوتهم كله ....
عز : يا محمود العيال دى ها تضيعنا ...
محمود : اخرتى ... مات وهو بيدبح عجل متهور 😂😂 وسيطرو عليه كلهم ... ودبحووه ... وروكا صورت الليله من اولها لأخرها هى وروان وهما هايصين ...
الشباب والرجاله كلهم خلصووو ... وبهاء من فرحته قام وبيساعدهم وبيقطع معاهم ...
مازن : صمم انه ياخد لحمه ... ويعمل بيها حفلة شواء ليهم كلهم ويكأفئو بعض على تعبهم ....
مازن : تعالى ورايا يا روكا ...
روكا : حاضر يا معلمى ... 😂😂😂😂 اجبلك حته من الخروف كمان ...
مازن وكلهم ضحكو من قلبهم حتى روكا ...
مازن : كل دا خروف ...يخربيتك شايفاه ازاى انتى
روكا : بضحك عشان تجنن مازن ... يالهوى هو مطلعش خروف .... اوعى تقول انها معزه ...ها ازعل قوى بحبهم يامازن
مازن : دا كلب يا ماما ... اقولك احنا دبحنا دهلز وبيضحك وبيضرب كف عل كف وكلهم بيضحكو معاااه ....
مروان : الستات الامامير الحلوين دى تقوم عشان لازم ناخد شاور فى التو واللحظه وكل واحده تساعد جوزها ...
روان : حتى انا ها اساعد جوزو يا أسماعيل بيه ...
مروان : 😂😂😂 انتى اولهم يا أسماعيل بيه قدامى ...
روان : انتو مش ها ينفعكووو شاور ...
شريف : احنا عايزين حمام السباحه دا يتملى ميه بأريل وكلووو وتاخدونا فومين .... 😂😂😂
مازن : وانت الصادق جاااز ... 😂😂😂
روكا : قربت على مازن وبتقوله ونولع 😂😂😂
مازن : دا انا الا ها اولع فيكى لو مسكتيش
حنان : يابنى دى لازم تعضها عشان تسكت
بهاء : بيضحك لا و روكا ها تعمل ليكو أحلى واجب ... لكل واحد فوينكه على رقبته وورده فى ودنه
كلهم بيضحكو ويتصورو مع بعض وخلصو وجهزو اللحمه الا ها يشوها ... والرجاله كلها بتحط التاتش بتاعها والبنات هايصين فى النص
...............................
.... مروان بعت جاب ناس تنضف الجنينه وطباخين كبار .... ووزعو نص اللحمه .... والباقى ها يعملو بيه أكل ووجبات تكفى العمال بتوع الشركه .... وعزم عمامه فى اليوم التالى ... وقاعدو كلهم على مائده واحده ... جمعتهم بكل حب ومشاعر مختلفه كلهم بيعشوها لأول مره
..........
وبعد أمتحانات البنات بكام شهر أصبحت الثلاث اميرات حوامل فى الشهر التاسع 😂😂😂 ...و حان وقت زفاف نور ومؤمن 👰💂... فى أجواء مفرحه وجميله للغايه وكالعاده مروان ما نسيش ابدا انه يفرحهم زى ما فرح كل الا حواليه وحجز لهم القاعه والفندق و فرح جامعهم كلهم
دخل مؤمن ونور وتحاوطهم الاطفال بالشموع الكثيره والطبول تدق وتتراقص الفرحه فى قلوبهم قبل عيونهم
مؤمن : مركز مع مع نور قوى وماسك ايديها والابتسامه تشرق وجهه وتلمع الفرحه بعيونه البنيه .... قرب عليها أخيرا يا بنت عمى ها تجمعنا شقه واحده بحبك يا نونه
نور : مبتسمه و مش قادره ترد مش خايفه ولكن فرحتها طغت على كل مشاعرها بعد معاناه مع الاهل ومع ظروف الحياه الا اخرت جوازهم حبيبها خلاص بقى ملكيه خاصه لقلبها وحضنها وحياتها كلها الكلمه الاولى والاخيره ليهم وبس
وصلو العروسين للكوشه وبدئت التهنئه من الجميع ليهم
..................
مروان : قاعد وروان جمبه الا شكلها اتغير تماما بعد الحمل وخصوصا فى شهرها التاسع ... حبيبتى تعبانه والا حاجه نقوم نروح
روان : لا انا كويسه الحمد لله خلينا قاعدين نفرح بنونه عارف يا مروان نفسى أقوم أرقص وأغنيلها ...
مروان : نعم ... الحمل مأثر عليكى شكلك وبغيره واضحه عليها ألا ارقص واغنيلها ... بذمتك ها ترقصى بكرشك دا ازاى
روان : بزعل مصطنع انا بكرش يا مروان ... دا ابنك والا نسيت حضرتك وبتربع ايديها قدامها هاااه
مروان : قرب عليها ومبتسم .... ومسك ايديها وبيقول لها ها اصالحك لما نروح يارورو ....
روان : ابتسمت وبتقول بدلع لاء أنت بتضحك عليا
مروان : بذمتك مين الا بيضحك على مين
روان : بتضحك بصوتها كله ... انت الا بتضحك عليا وسبنى اركز بقى مع البنيه طب أغنى اغنيه واحده
مروان : هشششش بنت أسكتى
مازن : روكا انا طالع اشرب سجاره برا
روكا : قاعده وحاطه ايديها على بطنها ... بعد ما وصلت لشهرها التاسع هى الاخرى .. ما ببلاش يا مازن بقى وبطلها انت رجعت تانى لها ليه
مازن : بغلب لازم ارجع لها مين ها يصبرنى على مقالبك السودا فيا 😂😂😂 وقام خرج يشرب سيجاره وروكا خرجت وراه من غير ما تقوله ...
روكا : كابتن يا صغنون أنت
الولد : نعم يا طنط
روكا : هى علبه الصاوريخ الا فى ايدك دى جايبها منين
الولد : مش جايبها من هنا يا طنط ... وكان نفسى افرقعها وقالولى ممنوع ....
روكا : طيب هاتها وخد
الولد : 100 جنيه دا انتى لقطه
روكا : بتضحك منا عارفه مازن بيقولى كدا خد يالا هات الكبريت ... وخدته وطلعت بتبص على مازن ... وجت من وراه براحه وولعت علبه الصاوريخ كلها ورمتها تحت رجله وبدئت تفرقع جااامد
مازن : بيتنطط مكانه اعااااا ... ووشه جاب الوان وروكا واقفه بعيد وبتضحك بصوتها كله راح جرى عليها ... يخرببتك انتى عايزا تعملى فيا ايه بعد كدا ها البس شوال وأمشى أكلم نفسى فى الشارع بسببك
روكا : بتضحك بصوتها كله ومره واحده مسكت بطنها وبتصرخ اعااااا ... اه وسابت بطنها ومسكت مازن من رقبته .... اه الحقنى يا مازن ...
مازن : الحقك والا الحق نفسى سيبى رقبتى يا غلطة عمرى 😂😂😂😂
روكا : اه ... يا انسان الغابات ... يا متوحش
مازن : يابت هو انا ماسك الكرباج بضربك ... 😂😂😂 بتخنوقينى يا هبله سيبى رقبتى خلينى اوديكى المستشفى واتصل عليهم وطلع شريف وهدى ومروان وروان وطلعو بروكا على المستشفى كلهم ... ودخلوها العمليات لانها ولاده
هدى : ماسكه فى شريف ... شرشر انا خايفه روكا صعبت عليا هو انا ها اعمل كدا ...
شريف : يارب تطلعى عقله 😂😂 روكا كانت ها تحدف مازن بالطوب 😂😂😂
هدى : 😂😂😂 حرام دا بتعمل كدا من تعبها
روان : بصريخ اه الحقنى يا مروان
مروان ساب مازن وجرى عليها حتى مازن وشريف وهدى والدكتوره وصلت عندها وواخدها تكشف عليها وبعدان حوالتها العمليات لانها بتولد هى كمان وكلهم واقفين متوترين ...
شريف بيبص لهدى الا بدئت تتوجع ومروان ومازن
مازن : هو فى ايه ... هى روكا وعميلاها السودا لازم تفتح علينا فتحه ... الناس تقول علينا ايه دلوقتى 😂😂😂😂
ودخلت هدى هى كمان ... وكل عائلاتهم لما عرفت حضرت قامت البنات بالسلامه ... وكل واحده اتنقلت فى اوضه خاصه والكل فرحان ومبسوط بالتلاته الا انضمو لعائلاتهم
مروان و روان : ربنا رزقهم بأحمد
مازن وروكا : ربنا رزقهم بكريم
وشريف وهدى : ربنا رزقهم بطارق
........................
ومؤمن ونور بيعيشو عسلهم الخاص بيهم ... بيخرجو ويلعبو ويجرو وبيخرجو كل طاقتهم لحبهم وقربهم من بعض 😍😍
وكلهم عاااشو ... حياااه مليئه بالحب ... والجنون وأعباء الحياه الا كانو دايما بيتحاوزها بالبسمه ومواقفهم الليذيذه
...........
وتوتا توتا .... خلصت الحدوته .... يارب أكون أسعدكم .... وقدرت ارسم البسمه ووأوصل مشاعرى وكل الا بحلم بيه انى أشوفه فى مجتمعنا تانى أشوف الأهل واللمه والعيله ...أشوف مشاعر حلوه وجميله من أى زوج لزوجته وبس هى اولى ومن حقها تعيش الحب والجنون والضحك والحزن معاك أنت ....بتمنى أشوف الاخوات صحاب والصحاب أخوات ..... بتمنى الفرحه دايما تجمعنا والشده تقوينا ببعض مش تفرقنا ....بتمنى اشوف الغنى حاسس با إلا أقل منه وبيعطيه من غير ما يجرحه او يقلل من شخصه بتمنى الكلام الطيب والحلو والقفشات والضحك يرجع بيوتنا من تانى ❤❤... مش ها اتنازل المره دى عن انى أسمع كلمه ورأى كل واحده تابعت الروايه وعاشت اجوائها معااااياااا بحبكم كلكم فى الله 😍😘😘 ها توحشونى قوووى يا احلى ناس عرفتها وحسيت بجو العيله الحقيقى معاهم ❤❤❤
ولمتابعه الجزء الثاني اترك تعليق
وعمل متابعه من هناااااا
 خادمتي ولكن 💙💙💙💙💙💙💙💙💙💚💚💚💚💚💚 💜💜💜💜💜💜💜💜💜💛💛💛💛💛💛 مازن وماندو ... وصلو وراحو …){kind=link}
تعليقات
إرسال تعليق