 |
مقدمه الجزء الثاني من خادمتي ولكن
أصبحنا أصحاب وعائلات .. مليئه بالقصص والروايات .. نربى أطفلا واجيلا .. نواجه ونعانى من كثيرا من المشاكل .. فا منها الطريف ومنها المقلق ومنها المضحك .. تكبر أطفلانا يوميا بعد يوم وتزداد المسؤليه كثيرا على عاتقنا ... سانعيش معهم وبهم أجواء عائليه طريفه وجميله .. ❤❤❤
للمتابعه اترك تعليق
البارت الاول من الجزء الثاني
خادمتي ولكن
💙💙💙💙💙💚💚💚💚💚💚
مر 15 سنه على جميع ابطالنا .. وحياتهم لا تخلو من المشاكسات اليوميه .. وكل شئ تغير ... سارا كل شئ بالنسبه لهم فيه مسئوليه كبيره .. مع ابنائهم وحياه مشتركه تماما فى كل شئ ...
روكا أصبحت مهندسه كبيره ومعروفه لإجتهادها ... وروان من أهم مسؤولى الشركه مع مروان أصبحت جزء كبير فى عملهم واصدقائها نور وهدى فى حسابات الشركه مع مؤمن ولهم شأن وكلمه مسموعه .. أصبحو ملحمه كبيره لاتهاون ولا استهتار بأعمالهم ولا تخلو مواقفهم من الفكاهه
محمد وريم : رزقهم الله بمنه بنوته جميله عمرها 10 سنوات بعد معاناه ولف كتير على الدكاتره دام ل5 سنوات
نور ومؤمن : رزقهم الله بهدير وعمرها 13 سنه.. و هانى 10سنوات
مازن بقى عايش جنونه ودور الاب مع كريم ابنه15 سنه ومرنا بنته 12 سنه وروكا .. وروان الا دايما حليف قوى ليه ...
مروان : الرجل ذات الطبع الهادئ الذى يأخذ الامور بحكمه مع روان وأحمد الا عمره 15 سنه ولكن فى الغط او العصبيه ... بوم وانفجرت فى وشهم 😂😂😂
شرشر وما ادراكم ما شرشر جنن هدى وطارق ابنه ايضا 15 سنه وبهاء يا عينى الا بان عليه السن جدا بس بيعتنو بيه الى ابعد الحدود .. فاطمه وهدى وشريف ومحمود
*********************
روكا : واقفه فى الموقع وبتابع شغلها ... ولابسه نضاره وبتتكلم مع المشرف ...
المشرف : يا بشمهندسه انا الا اديت للعمال راحه ..
روكا : يعنى ايه تديهم راحه .. هما جاين يشتغلو والا يرتاحو .. اتقى ربنا فى الفلوس الا بتاخدوها من الناس مش عطله وخلاص ...
المشرف : فيها ايه يعنى لما ياخدو راحه .. هى جريمه والا جريمه
روكا : انت بتعلى صوتك عليا ومش عاجبك كمان .. انتو جاين من بيتكو تريحو هنا والا ايه .. ومسكت خشبه .. وطارت ورا المشرف والعمال كلها بتضحك عليهم ...
مازن : نزل من عربيته فى موقع شغل روكا عشان يطمن عليها وتروح معاه ... ولابس نضاره شمس وأخر شياكه وبيدور بعينه عليها . .. يا وحش
العامل : نعم ياباشا ...
مازن : هى المهندسه ايات فين لو سمحت ..
العامل : بيضحك بتجرى ورا المشرف العام على الموقع بخشبه عايزا تضربو .. انت تعرفها ياباشا ..
مازن : بيضحك وبيلف وشه . لا ماعرفهاش
العامل : ربنا رحمك دى هربانه منها .. امال انت عايز منها ايه
مازن : عايز اروحها على البيت أصلها مراتى 😂😂😂
العامل : رافع ايده انا أسف يا باشا .. وطار من قدام مازن
مازن : بيضرب كف على كف .. وبيضحك هى هربانه وبس ولقى روكا جايه عليه من بعيد وفى ايديها خشبه كبيره ... رمت الخشبه .. وبتكلمه
روكا : اتاخرت ليه يا مازن انا قولت أنت مش جاى
مازن : بيبص فى ساعة ايده ولا اتاخرت ولا حاجه .. وبخبث هى الخشبه الا كانت فى ايدك دى بتاعت ايه يا حبيبتى
روكا بمكر : بصفى حساب قديم مع واحد رزل
مازن : 😂😂😂 طالعه تجرى ورا الناس الا شغاله معاكى بخشبه يا روكا .. بعد كدا ها اجيبك من القسم
روكا : والله يامازن فى ناس لو انت اتعاملت معاها .. مش ها تجرى وراهم بخشبه ها تجرى ببلدوزر تشلهم تهبدهم فى الارض
مازن : روق يا قمر .. وحط ايده على كتفها تعالى عشان ماندو ما يفضلش واقف كتير وركبو واتحركو بالعرببه فى اتجاه البيت ..
*******************
روان : قعده على المكتب قدام مروان الا مشغول جدا ... ياله بقى يا حبيبى اتاخرنا ...
مروان : انا ورايا شغل كتير جدا يا رورو ... ولازم أقعد روحى انتى عشان أحمد أكيد روح هو وكريم ..
روان : نزلت وقعدت على رجله وخلته ساب الورق الا فى ايده ومسكت وشه بين ايديها ... انت بقيت بتنسى نفسك فى الشغل كدا ليه ... مش على طول شغل يا مروان لازم يبقى فى وقت لينا بتروح مهدود وتعبان ومش بنشبع منك
مروان : مبتسم ... وقرب عليها باسها من خدودها .. انتى اكتر واحده عارفه الا احنا فيه فى الشغل .. فا لازم تقدرى دا ...
روان : حضنته جااامد كفايه كدا انهارده وقامت وبتشده تقومه وهو خد الورق فى ايده ونزل معاها ركب مع هيثم هو وهى وراحو على الفيلا ...
*****************
هدى بعد ما روحت هى وشريف .. جدو حبيبى عامل ايه دلوقتى
بهاء : بخير الحمد لله ... فين طارق
طارق : انا أهووو يا جدو وحشتنى
بهاء : تعالى هنا جمبى ..
هدى : انت نفسك تقعده جمبك على طول يا جدو ودا ولد شقى مابيسمعش الكلام
طارق : انا يا مامى .. دا انا غلبان
شريف : انت قتال قتله ... انت والتوهمتين التانين .. انا عمرى ما عملت الا بتعملوه دا ابدا
هدى : ابدا .. ابوك شرشر
طارق : ابويا شرشر ماله
بهاء : 😂😂😂😂
هدى : طول عمره مؤدب وكيوت انت طالع لمين بقى
طارق : يا مامى بذمتك بابى اسمه شرشر ازاى مؤدب وكيوت
شريف : أنت بتشكك فى كلام أمك .. مش عجبك انا يالا عاملى فيها كبير وكدا لا دا أنت ماتعرفنيش
بهاء : خلاص يا شريف سيبه فى حاله
شريف : والله دلعك ياعمى فيه هو الا مقويه علينا .. اتفضل قوم غير هدومك عشان رايحين عند عمك مروان
طارق : نط من مكانه ومسك ابوه باسه أحبك أنا يا شرشر .. وطلع بسرعه يغير ..
بهاء : براحه على الولد ما انت كنت مجننا ... دلوقتى شاطر وحلو وعايز تربى
شريف : انا دا هو الا بيربينى من اول وجديد ... دى عيال ملهاش حل احنا جمبهم كنا ملايكه
هدى : مسكاه من خده .. انت ها تقولى يا شرشر .. انت كان ناقصك جناحين وتطير فى السما ...
شريف : بعد اذنك يا عمى .. ها نروح نسهر مع مران انهارده .. تحب تيجى معانا
بهاء : لا يا حبيبى .. سلملى عليهم كلهم .. ياله روحو شوفو انتو رايحين فين .. وشريف خد هدى وراحو يجهزو نفسهم
*******************
حكمت : أستقرت برا مصر مع ولادها واحفادها ونجلا اتحسنت وخرجت من المستشفى ورافضه اى علاقه او زواج هى وسامح وحكمت دايما بتكلم روان ومروان ومازن وروكا .. وبتتطمن عليهم وطلبت منهم انها تشوفهم ومروان قال لها اول ما الظروف وضغط الشغل يخف شويه ها يروح لها هو وروان ..
******************
مروان واقف جوا الفيلا وحاضن روان .. من ناحيه وأحمد من الناحيه التانيه .. عملت ايه يا باشا انهارده
روان : عمل ملوخيه با الأرانب ها يعمل ايه يعنى يا مروان دا مجرم
مروان : 😂😂😂 بيبص لأحمد كلت الملوخيه بالأرانب والا لسا
أحمد : دا أسمه كلام يا صاحبى أكل من غيرك بردو ..
روان : اه يا خوفى منك ومن صاحبك
أحمد : إطلعى منها يا رورو .. مش لازم حقنه الصباح والمساء بتاعتك
مروان : اتكلم مع ماما بأدب
أحمد : بذمتك هى بترتاح غير لما تديك التقرير المفصل عنى
مروان : لاء .. دى بتفضل ماسكه ودنى طول الليل
أحمد : أهووو قولتش حاجه
روان : طيب ياله أطلع غير هدومك دى عشان عمو شريف وطنط هدى جاين ..
أحمد : أحبك انا يا رورو كدا
مروان : محسسنى انك بتفارق طارق يا عينى .. ما انت وهو وكريم لازقين لبعض يوميا ...
أحمد : يا صاحبى كل ما الود يزيد كل ما الحب يزيد ..
مروان : ضربه على راسه .. روح يا أخى كل حاجه عندك لها جواب وبيبص لروان تفتكرى طالع لمض لمين
روان ببراءه مصطنعه : بتشاور على نفسها مش انا يا مروان أكيد طالع لابوه يا حبيبى
مروان : ابتسم انتى خليتى فيها ابوه تعكيها وتقولى ابوه ... وأحمد طلع ومرنا بنت مازن نازله من فوق بتجرى على مروان وروان ... حبيبى حبيبى .. تعالى يا حبيب عمووو
مرنا : بتبوس عمها .. انا بحبك قوى يا عمو .. وبتوحشنى كل ما تخرج وترجع تانى ..
مروان : مبتسم وبيضمها جااامد .. وانتى كمان يا قمر العيله كلها بتوحشينى قوى ..
روان : بتاخد مرنا فى حضنها من مروان .. سيبلى شويه للجميل الا عايز يتاكل دا
مرنا : رورو .. انا بحبك زى عمو مروان بالظبط ... أكتر من بابا وماما
مازن : داخل ومعاه روكا ... يالهوووى بنتى عمللوك غسيل ونشروه ..
روان : 😂😂😂 ملكش دعوه يا مازن احنا ثوار احرار مع بعضينا
مازن : اه يا حارقه دمى انتى وأمك 😂😂😂 طلعتى ما بتحبنيش يابنت روكا ...
مرنا : بحبك يا بابى .. وبتشاور على قلبها زى ما مازن بيعمل .. انت الحته الشمال دى
كلهم : 😂😂😂😂😂
مروان : نصابه زى ابوكى
روكا : بتسايس أمورها .. مش عايزا تخسر حد
مازن : رورو ... رورتى ... قمر الليالى ..
مروان : ياخى اتلم بقى
مازن : ما تبطل حقد واطلع من بينا هفوه او سهوه
روان : مبتسمه ..عايز ايه يا مزاميزو ..
مروان : بيلف ويبصلها .. مزاميزو ما تاخديه بالحضن 😂😂😂
روكا : 😂😂😂 وفيها ايه يا مروان ... دا اخوها والله
مازن : حط ايده على كتف روكا وبيبوسها فى خدها .. أحلى حاجه انك فاهمنى .. ومرياحنى لدرجه انى ها يجيلى صرع بسببك قريب ...
كلهم : ضحكو ومرنا بتضحك بطريقه جميله وبتضرب كف على كف .. وكلهم بيضحكو أكتر ..
مازن : رورو .. انا عايز شوب فرواله محترم من بتاعنا
روان : نطلع نعيش حياتنا بعد الغدا ها اعملك الا أنت عايزه اوكى
مازن : اوكهين تلاته اربع اوكيهات وبيبص لروكا .. تاخدى
روكا : أخد ايه
مازن : اوكيهن والا حاجه 😂😂😂😂 ومسكها من ايدها وطلع على فوق ووراه مروان الا شايل مرنا ومش عايز يسيبها وروان ....
********************
ريم : بجد يا محمد .. يعنى ها نسافر برا وكدا
محمد : ايوا .. أشتغل ونحسن مستوى عيشتنا وانتى معايا وجمبى يا حبيبتى
ريم : بتضم ايديها على بعض بفرحه ياااه اخيرا الحمد لله ها نسافر ونعيش حياتنا ...
محمد : اوعدك يا قلبى كل الا اقدر عليه ها اعمله احنا وبنتنا ... نفسى مخليش حد فيكو محتاج لحاجه
ريم : انا عارفه يا محمد ان موضوع الخلفه اثر على حالتنا الماديه كتير ... سامحنى يا حبيبى ... بس والله يا محمد ماكنتش ها أقدر أستحمل اعيش بعيد عنك او تختار واحده غيرى ... انا عارفه ان دى انانيه منى .. بس بحبك وماقدرتش اتخيل حاجه زى دى ابدا ..
محمد : بطلى هبل ... انا ربنا راضانى بيكى الحمد لله .. اتاخرت الخلفه شويه بس الحمد لله ربنا كرمنا بمنه ... صرفنا تانى كتير عشان تخلفى بس ربنا مش رايد ... ولو أراد ربنا ها يكون منك انتى .. وبيضمها لصدره ويبوسها من جيبنها ..
ريم : بادلته الحضن ياله عشان منتاخرش على ماما مستنيانا على الغدا
محمد : ماشى يا حبيبتى ... تعالى يا منمونه عامله ايه
منه : الحمد لله يابابا ... ها نروح عند عند تيتا منيره وجدو فتحى وتيتا سعاد
محمد : ايوا يا حبيبتى .. جاهزه
منه : ايوا بص يابابا ... الفستان الا انت جبتهولى
محمد : جميل يا احلى عروسه
****،************
منيره : حلو قوى كدا
فتحى : عامله وليمه يا منيره ...
منيره : ايوا طبعا .. منه حبيبة تيتا وقلبى من جوا وريم ومحمد وعزمت سعاد كمان
فتحى : ليه يا منيره احنا وراثين يا حبيبتى .. أمسكى على ايدك .. اخلاقك باظت وبقيتى مصرفه من ساعة ما اتساهلت معاكى .. انتى والبنات ..
منيره : بتضحك ربنا يخليك لينا يا فتحى
فتحى : بالطريقه دى ها تموتينى وتجيبى أجلى .. وبيلم أكل من على السفره
منيره : ماسكه الاكل منه بتعمل ايه يا راجل ... سيب عيب كدا
فتحى : بعياط مصطنع .. عيب عليكى انتى .. سبينى أخبى دول ناكلهم يوم تانى
منيره : سيب يا فتحى بطل شغل العيال بتاعك دا ..
فتحى : سبت .. كلى واشبعى انتى وهما .. هه بقى وخد طبق كفته ودخل الاوضه ومنيره واقفه بتضحك ...
******************
مؤمن : دخل الشقه ومعاااه فاكهه .. وأكل جاااهز ... نونه
نور : طالعه من المطبخ جرى ولابسه كاش مايوه ورافعه شعرها لفوق .. ووشها كله دقيق .. نعم يا حبيبى
مؤمن : 😂😂😂 انتى بتعملى ايه ... نزلتى فى شوال الدقيق والا ايه يا حبيبتى
نور : اه يا مؤمن .. بحاول انجز أى أكله بسرعه قبل ما تيجى .. وماسكه كيس الدقيق بفتحه وكأنه مستنينى وانفجر فى وشى بهدلنى وبعياط مصطنع و بهدل المطبخ ...
مؤمن : طيب ادخلى خدى شاور وانا ها أعمل المطبخ واطلعى عشان جايب أكل جاااهز ...
نور : ربنا ما يحرمنى منك .. دايما بتساعدنى فى كل حاجه ..
مؤمن : يعنى شغاله معايا وشايله مسؤليتى ومسؤليت العيال والبيت ومش عايزانى اساعدك .. هو انا بعمل حاجه ..
نور : ياريت الرجاله كلها زيك ... ماكنش ها يبقى فى واحده تعيسه ...
مؤمن : يعنى بذمتك اسمع الكلام الحلو دا وانتى كدا بالدقيق ... روحى يا بت عايزك بتبرقى ياله وضربها على ضهرها بهزار وبيقول لها اجرى ...
هانى : بابا .. انت جايب ايه
مؤمن : سلم يا أخى ... وبعدين اجرى على الحاجات
هانى : راح على ابوه وبيسلم عليه ومؤمن لسا بيوطى يبوسه هانى سابه وجرى على الحاجه الا جابها ..
مؤمن : ولا ... الواد قلشنى .. 😂😂😂 اهلا بنوتى الحلوه
هدير : بابا عامل ايه هو انت جايب ايه وراحه عند اخوها تشوف الا جابه
مؤمن : ايه العيال دى ... الواحد لو بيربى كلب ها يجرى عليه وياخده فى حضنه ... عيال اخر زمن ..
*******************
اتجمع مروان ومازن وشريف بعيالهم وزوجاتهم وكمان ماندو وهيثم الا يعتبرو جزء من العيله .. حاليا ... وقاعدين كلهم على سفره واحده .. بيتغدو ..
مروان : امال فين محمود مش باين هو ومامتك يا هدى
هدى : بابا يا مروان لازم كل سنه يا خد ماما ويسافر ويك إند بيقول بنجدد شبابنا وبيعوض ماما ... بتبص لشريف مش زى ناس ...
شريف : مابقتش شرشر وبقيت ناااس دلوقت .. اه من الستات عايشين مع قطط
هدى : انت زعلت يا شرسر .. بهزر معاك
شريف : لا وربنا زعلان يا هدى ... الدنيا غيرتك يا حبيبتى
طارق : ايه ياشرشر .. انت على طول زعلان كدا دى هدهود بردو ...
روكا : هدهود ابو قلب صغتوت حد يزعل منها .. ماعندكش حق يا شرشر ...
شريف : الله دا العيله كلها طلعت قطط مش هدى بس .. يخربيتكم محدش بيقول كلمه حلوه فى حقى
كلهم ضحكو ...
مازن : قاعد وجمبه ماندو من ناحيه وروكا من ناحيه ... وبياكل
ماندو بيزق مازن فى رجله
مازن : ايه هريت رجلى عايز ايه يا قدرى
ماندو : ناولنى طبق الكتشم دا
مازن : كتشم ... ومين الا كتشمه دا .. وكلهم بيضحكو على الاتنين .. وبيمد ايده هاتى يا روكا الكتشم دا
روكا : جابت الطبق وبتكلم روان وبتديه لمازن وهى مش بصاله ... الطبق لبس فى وش مازن ونزل كله على هدومه
مازن : يادى النيله ... وقام وقف يا شيخه نفسى أقوم من على السفره من غير بهدلتلك فيا .. حسبى الله .. وبيص لماندو .. حلو الكتشم ادينى لبسته فى وشى
ماندو : ولا تزعل يا باشا .. وماسك لقمه وبيغمس بيها من على وش مازن
😂😂😂😂
مازن : ايه يا ماندو ... ما تلحسنى بالمره وبيزق ايده اوعى كدا 😂😂😂 وطلع ووراه روكا عشان ياخد شاور ويغير هدومه
وخلصو الاكل كلهم والرجاله طلعت على الجنينه ومعاهم الولاد والبنات بتشيل الاكل وبتعمل العصير مع بعض
مروان جاب الكوره وبيلعب هو وشريف وماندو وهيثم والولاد سحبت نفسهم وطلعو على اوضة كريم فوق ...
💙💙💙💙💚💚💚💚💚
للمتابعه اترك تعليق
البارت الثاني من الجزء الثاني
خادمتي ولكن
💙💙💙💙💙💚💚💚💚💚💚💚💚
روكا : خلاص بقى يا مازن مش قصدى
مازن : مش قصدك .. انا بقيت باخد شاور بسببك أكتر ما بقعد معاكو .. انتى حد مسلطك عليا
روكا بتذمر : مين ها يسلطنى انا قولتك مش قصدى
مازن : انا قربت ابوش من كتر ما باخد شاور يا روكا .. ارحمى ياحبيبتى .. يخربيت لواحك الا انتى معيشانى فيه ... كل ما تشوفى وشى ترسمى لوحتك المفضله انسر بقى اتجوزتك خلاص
روكا : 😂😂😂😂 ارسم براحتى يا مزاميزو
مازن : بيضحك صبرنى يارب ... اوعى خلينى اخش ابوش جوا .. بعد كدا ها أغير جلدى زى التعابين بسببك ...
روكا : اخاف انا بقى كدا ومسكاه من خدوده حبيبى بقى تعبان وها يغير جلده
مازن : دا انتى تخوفى بلد انتى مش محتاجه تعبان يخوفك انتى محتاجه كوبرا تشفطك يا روكا .. ومش بعيد يجلها تسمم وتموت مقهوره ياعينى عليك يامازن وعلى الا جرالك
روكا : بتضحك ... ها اهون عليك يا مزموز وبتمد شافيفها لقدام
مازن : مسك شافيفها بأيده ... بلاش بوز البطه أصله بيخنوقنى وبيمد شافيفه ... جو احبوووش .. شفتوش .. كرهتوش .. نكشتوش ... وبيمد شافيفه أكتر ما تعمليهوووووش ..
روكا : بتضحك كل ما يعمل حاجه وكل كلمه بتطلع منه بتفرحها حتى لو نقد وبتقلبها هزار .. خلاص يا مزاميزو مفيش لا بوز البطه ولا بوز الكلبه حتى ... 😂😂😂
مازن : احبك انا كدا يا روكا قلبى يا ناس ...عشان خاطر سمعتى الكلام .. انا ممكن اسمحلك بشوية سلطه تكبيهم عليا وبيضحك وبهمس .. وكمان لو عايزا بتنجان ونعمل خلطبيته بالصلصه
روكا : بدلع جد يا مزاميزو .. انت عايزنى اعملك خلطبيته
مازن : ولو تحبى تعملينى ارنبيطه وبعدين اتعدل قدامى على جوا حضرى الحمام وطلعيلى هدوم ...ستات غاويه سهوكه وارنبيط
................
مروان بيجرى بالكوره .. وشريف بيحاول ياخدها منه .. وماندو كل الا يجى فى وشه يزوقه يوقعه 😂😂
هيثم بيجرى وماندو طاير وراه ...
هيثم : يالهوووى .. يا اهبل هو انا الكوره يخربيت الا يشركك فى لعبه ...
ماندو : مسك هيثم من كتافوه وبيهزه منها جااامد ما أنت مش ها تكسبنى ... وفى الاخر زقه ووقعه .. وشاف شريف وطاير وراه ... وشريف مش فاهم حاجه وبيجرى من خوفه😂😂 ومروان واقف بيضحك بعلو صوته وماسك الكوره فى ايده .. وهدى وروان واقفين بيضحكو عليهم ...
شريف : بيزعق لمروان انت واقف تضحك أعمل حاجه قبل ما يدوسنى ... دا ما بيتفاهمش عربيه نقل ... محدش بيسيطر عليه غير سى زفت هو فين ...
ماندو : ما تقولش عليه زفت ... انا بلعب ليا ولمازن باشا ومحدش ها يكسبنا ... ومسكه وقعه 😂😂😂 وشريف قاعد فى الارض وساند بايده ورا ضهره
مروان : بيبص لقى ماندو جاااى عليه ... وربنا لو فكرت ومديت ايدك عليا ما ها تشوف مازن تانى .. وليلتك مش ها تعدى
ماندو : بصوته التخين .. الباشا وعمنا سعتك تتقطع ايدى قبل ما مدها عليك ... بس هات دى وخطف من ايد مروان الكوره ومروان واقف متنح من تحول ماندو وروان واقفه مش قادره تسيطر على نفسها هى وهدى من كتر الضحك عليهم واللعب الا اتقلب لكوميديا بسبب ماندو ...
*********************
مرنا : طالعه وهى راحه على اوضة بابها ومامتها .. لقت دخانه خارجه من اوضة كريم فتحت الباب سنه صغيره لقتهم قاعدين بيشربو سجاير جريت على مازن وروكا وقالت لهم ..
مازن : خارج من الاوضه بيلبس التيشرت وروكا خارجه وراه جرى .. فتح الاوضه بتاعت ابنه لقى طارق واحمد وكريم بيشربو سجاير .. قرب على ابنه عشان هو الا فى ايده السجاره بعد ما خدها من طارق ونتش من ايده السجاره أنتو بتعملو ايه
كريم : بخوف بابا .. انا
مازن : أنت خليت فيها بابا .. ولسا بيهجم عليهم. العيال التلاته طلعو جرى من الاوضه ورا بعض تحت نظرات روكا الا واقفه مصدومه .... ومازن بيجرى وراهم .. عشان يلحقهم
كريم : مسك ترابزين السلم وطلع فوقيه ونط لتحت
مازن : ولا يخربيتك مخلف قرد
وطارق : عمل زي كريم ونط وراه وأحمد خد السلم فى نطتتين
مازن : بيسقف بأيده وماسك السيجاره بين صوابعه ..الله على جبالية القرود إلا فى البيت ...وبعلو صوته لو انتو قرود انا ترزان انت وهو .... ولسا بيقلد العيال وبيطلع على السور علشان ينط روكا مسكت فيه وبتصرخ
روكا : بخوف ها تعمل ايه ها تقع تتكسر رقبتك
مازن : تتكسر يمكن ترتاحى انتى وابنك الا جابلى الضغط ... مخلفه بلوه مسيحه ... بيزق ايديها .. وبيشرب السجاره الا فى ايده بتاعت الولاد ...
روكا : انت بتعمل ايه
مازن : بشرب السجاره ... حرقو دمى واعصابى البعده ..
روكا : بتزوقه تصدق مافى حد حارق دمى غيرك وعمايلك وسابته ونزلت تحت ومازن واقف بيكمل السجاره عادى لقى مرنا واقفه فى جمب وبتعيط راح عندها بعد ما طفى السجاره ... مالك يا حبيبتى
مرنا : خايفه يابابا ... انا فتنت كدا والا بيفتن بيروح النار ..
مازن : فتنتى على ايه
مرنا : على احمد وطارق وكريم انهم بيشربو سجاير ..
مازن : افتكر .. اه صيحيح فكرتينى ونزل بسرعه من قدامها على تحت .. وطلع على الجنينه ...
مروان : وقف الاولاد التلاته بكل صرامه .. فى ايه فهمونى وطالعين تجرو ورا بعض ليه ..
روان : ما تنطق انت وهو وروكا واقفه تعيط ومش بتقول حاجه ...
شريف : عملتو ايه يا طارق ما تنطق
طارق : والله يابابا ما ها أعمل كدا تانى
مازن : اول ما قرب ليهم .. البهوات بيشربو سجاير فوق
روان : بتضرب على صدرها بايدها يا لهوى ابنى
مازن : بيبص لروان ايه الريئكشن دا هو انا بقولك قرصه تعبان ما تهدى يا روان 😂😂😂
هدى : انت يا طقطق تعمل كدا ...
مازن : طقطق ها يفرقع فى وشنا ان ماكنش دول يعملو كدا مين الا ها يعمل دى مش بنى ادمين زينا ..
شريف : بيضرب مازن فى رجله ما تتهد بقى بدال ما مروان يطيح فينا كلنا بسببك اخرس شويه ..
مروان : بيشاور لهم كلهم ... انتو تفضلو زى ما انتو هنا ... وبيكلم طارق وكريم وأحمد .. تعالو ورايا ... والولاد مشيت وراه وهما مش قادرين يتكلمو ...
مروان : قعد فى جنينة الفيلا من ورا وقعدهم قدامه ... مبدئيا كدا انا عارف ومتاكد ان الموضوع دا مش ها يتكرر تانى ... عشان لو اتكرر انا ها أقطع رقابتكم بأيدى ..عايز أعرف بتشربو سجاير من أمتى وليه وبيبص لأحمد أبنه
أحمد : والله يابابا هو اسبوع واحد بس وكريم هو الا خلانى أشربها ..
مروان بصرامه : غصبك عليها
أحمد : لاء انا شوفته بيشرب سجاير وشربت زيه
مروان : يعنى لو شوفت كريم بيرمى نفسه فى النار ها ترمى نفسك زيه ... والا تنصحه كا صديق وكا أخ ليك والمفروض ان دا وجبك تجاهه والا تبقى خاين للصداقه وللاخوه الا بينكم ...
أحمد : انا أسف يا بابا ..
مروان : ايه يا طارق ... دايما أقول عليك عاقل وبتوزن الامور .. بقيت بتقلد وخلاص زيهم أحمد وكريم اخواتك والا لاء
طارق : اخواتى يا عمو وبحبهم والله
مروان : وانا عارف ... عشان ابوك مش صديق لينا دا أكتر من أخ .. من واحنا فى سنكم كدا ما بعدناش عن بعض غير لما قرر يسافر .. ورجع تانى ومن ساعتها وهو فى حضننا .. ولو مديت ايدى عليك عمره ما ها يتكلم ابدا ... فكر قبل ما تعمل الا يضرك ويضر غيرك .. عشان لو جرالك حاجه انت الوحيد الا ها تتعب فى حياتك غير تعب ابوك وأمك .. وبيبص لهم التلاته .. الصحه عمرها ما تتعوض .. ممكن الظروف تجبرنا اننا نعيش من غير فلوس وفى لحظه منبقاش مقتدرين .. الحاجه الوحيده الا ها تنفعك صحتك ودراعك من غيرهم ها تعيش مذلول بتتمنى الا يساعدك ودى أكتر حاجه بتقتل اى راجل ... مفهوم
كلهم مفهوم ...
مروان : قومو انتو وسبونى مع كريم شويه ... وقامو الاتنين ... انت بقى ايه حكايتك غلطك بيكتر وشاقوتك ... مفيش مانع تبقى شقى وتعيش سنك بس الشقاوه بغلط وتضر نفسك وغيرك دى تبقى قلة ادب ... مش شقاوه
كريم : بيعيط .. والله ياعمو ماقصدى ..
مروان : يعنى انت شربت سجاير من غير قصد وخليت طارق واحمد شربوها من غير قصد
كريم : ما بابا بيشرب سجاير ومحدش بيقوله حاجه .. ولا انت بتزعل منه ..
مروان : ابوك كان مبطل السجاير وانا زعلت منه واتكلمت معاه بس طبعا مش ها اتكلم مع ابوك قدامكم يعنى .. وهو وعدنى انه ها يحاول ومش ها يرجع لها تانى ... عشان اتقرص منها ومن ضررها ... انت سنك صغير ولسا الدنيا واسعه قدامك عاوز تلعب رياضه تعمل حاجه مفيده .. مش هاتقدر لو دمرت نفسك من دلوقتى وها تندم وطول الوقت ها تحس انك ضيعت صحتك بأيدك وأجمل ايام حياتك وخسرت حاجه عمرها ما بتتعوض سواء بقى بالسجاير او غيرها
كريم : حاضر يا عمو مش ها أعمل كدا تانى
مروان : وعد يا كريم
كريم : وعد يا عمو
مروان : ابتسم .. تعالى فى حضنى .. وخده فى حضنه يطمنه من الرهبه الا هو فيها ... وحط ايده على كتفه وخرج بيه على برا ...
ماندو : ماسك كريم ... تعالى يا حبى عملو فيك ايه
كريم : حبيبى يا ماندو وربنا عمو مروان دا مفيش زيه
ماندو : أكيد مفيش زيه ما تكررهاش تانى
كريم : بيغنى الكلمه ... عوووونيه
ماندو : بيضحك شا الله يخليك ليا انت وابوك
روكا : كدا يا كريم ... دى اخرتها بتشرب سجاير يا كرمله
مازن : كرمله .. امال لو عامل حاجه كويسه ها تقوليله ايه وبصوته كله ها تشلينى يا شيخه ها تشلينى
روان : قاعده على جمب مش بتتكلم .. ومروان راح عندها وقعد جمبها ... باااس خدودها .. مالك يا حبيبى
روان : زعلانه قوى من الولاد يا مروان .. دول صغيرين قوى على الكلام دا
مروان : عادى يا روان ... هو السن دا بيبقى عندهم حب استطلاع مش أكتر ... والولد بيبقى عايز يجرب كل حاجه وممكن يسمع من اى حد
. بس احنا عنينا تكون عليهم .. ونبقى اصحاب عشان يبقى فى ثقه يوم ما يفكر يعمل حاجه يعملها قدامى ولو ها تزعلنى مش ها يعملها ...
روان : ربنا ما يحرمنا منك يا حبيبى ... بس عملت معاهم ايه
مروان : سيبك من الا عملته عايزين نوجهم توجيه ايجابى رياضه .. سباحه .. وانا عملت اسطبل كبير عشان كلنا نستمتع بالخيل .. وفعلا الشغل بعدنى ولهانى عنكم كتير .. واحنا قصرنا فى حق الاولاد ... كلنا بنشتغل ومش فاضين لهم
روان : عندك حق ...وبتضحك وبتشاور على قلبها ... وبتقول اه وحشتنى موجهة قلبى من جوا
مروان : ضحك بصوت عالى موهجة قلبك من جوا ... وادهلز واجرى ... وطقطوقه الشطوره .. وشقشق ابنهم ... انا افتحلك جنينه وضمى فيها انجازاتك .... 😂😂😂😂
روان : نسيت يا مروان راهوان السريع المطيع جوزتو لموهجه ...
مروان : كله الا جوزتو يا اسماعيل بيه .. والنبى انا متجوز حتت جوزتو بالهند وعليها مكسرات ..
روان : 😂😂😂 ميرسى بالكووم يا مروانى
مروان : هو الكوم دا مش بيخلص يا قلب مروانك
روان : توء توء ... مش بيخلص حبك بيزوده يامروانى وبتقوم سبنى يا مروانى اقرص ودن أحمد عشان يخاف يعمل كدا تانى
مروان : 😂😂😂 بعاميلك دى انا الا ها اشرب سجاير ماتقعدى ياروان هو انتى لازم تحطى بصمتك زى مازن
روان : بثبت وجودى يا مروان ايه ما اثبتش
مروان : اثبتى على وضعك دا واسكتى
...........
هدى : اوعى بقى يا شريف ... انا زعلانه
شريف : انا مالى .. هو انا الا كنت بشربها عندك حول ياهدى ... طقطق حبيبك الا كان بيشربها .. وبيديق عنيه بقيتى شريره معايا يا هدى
هدى : انا يا شرشر ...
شريف : ايوا انتى .. من أمتى بتعلى صوتك عليا ..
هدى : انا اسفه يا شرشر .. ماتزعلش
شريف : ها نعمل ايه مع الواد دا .. انتو بتدلعوه قوى ومش ها نعرف نلمه بعد كدا ..
هدى : الولد صغير يا شريف
شريف : لا مش صغير يا هدى ... فى ولاد اده متحملين مسؤولية اهاليهم ... ها نبرر له كل حاجه ... صدقينى مش ها نعرف نربيه والغلط عنده ها يبقى مباح
هدى : أعمل ايه انا
شريف : تبطلى كل ما اجى اكلمه تقفى فى صفه .. لازم تبقى معايا حتى لو انا غلطان على الاقل قدامه .. لو انا بكلمه وانتى عكسى .. ابننا ها يستغل دا لصالحه دايما .. عشان عارف اننا اصلا مش متفقين ...
هدى : حاضر يا حبيبى اى حاجه لمصلحة ابنى انا موافقه عليها ..
شريف : ربنا يكملك بعقلك يا حبيبى ...
...............
مازن : بطلى زن يا روكا افصلى
روكا : ما انت بتزعقلى .. وكل ما ابننا يعمل حاجه ... تجبها فيا
مازن : بهزار يرضيكى تيجى فيا .. منظرى قدام نفسى يبقى ازاى .. والا قدام ماندو اقوله ايه هاااه 😂😂😂 الواد حلو وجميل حبيب ابوه وكفاءه ... الواد بيعمل الغلط وشانبنزى ابن أمه الا مبوظه اخلاقه
روكا : يا سلام ... الحلو ليك والوحش ليا
مازن : اصماله عليكى بتفهميها وهى طايره
روكا : وليه ما تقولش ان ابنك بيقلدك .. هو شايفك كدا .. انت مرايته وقدوته ..
مازن : بصى يا روكا عندك حق الصراحه فى كل كلمه .. بس انا حاولت كذا مره وانتى عارفه .. وانا مش بعمل جريمه يا روكا ...
روكا : حسيت بإيه لما شوفت ابنك بيشرب سجاير
مازن : ادايقت
روكا : معنى انك ادايقت تبقى حاجه غلط والا بالنسبه ليك مش جريمه .. و جريمه فى حق ابنك للاسف دى بدايه لأى حاجه تانيه وانت عارف .. عشان خاطرى بطلها وقرب من كريم شويه ..
مازن : حاضر يا حبيبتى .. هى مرنا فين
روكا : مش عارفه ..
مازن : ماندو شوف مرنا كدا جوا الفيلا ... ماندو دخل بيدور عليها مش لاقيها .. وكلهم قامو وبيدورو عليها
مروان : كلم الحرس الا برا .. وقالو ماشفوهاااش .. وطلعو برا الفيلا كلهم بقلق ... ورا بعض يدورو عليها
*****************
سامح : دخل لحكمت الاوضه ايه يا حبيبتى مش عايزا تطلعى من اوضتك ليه
حكمت : مش قادره يا سامح السن له احكامه يابنى ..
سامح : بيبوس ايديها .. ربنا ما يحرمنا منك يا حبيبتى مش عارف من غيرك انتى ونجلا كنت ربيت عيالى ازاى
نجلا : ولادك زى ولادى بالظبط يا موحا..
حكمت : ربنا يخليكو يا ولاد لبعض دايما ويعوض عليكم خير ... وبتبص لسامح نفسى انزل مصر أموت فيها يا سامح
نجلا : بعد الشر يا ماما .. ربنا ما يحرمنا منك ويبارك فى عمرك
سامح : ليه ياماما كل شويه تقولى كدا
حكمت : دى سنة الحياه يا حبايبى ... ربنا يحسن ختامنا ... خلى بالكم على بعض
سامح : انتى عايزا تدايقينا ... على العموم انا قررت انزل عشان الولاد يشوفو بلدهم كفايه 15 سنه بعيد عنها وولاد نجلا عمرهم ما نزلو مصر .. وكمان يا قمر عشان تشوفى روان ومروان الا وحشوكى
حكمت : قوى .. حساها زيكو بالظبط بنتى الا مخلفتهاش
نجلا : بتضحك أغير انا دلوقت
حكمت : ابدا .. دى ها تبقى أخت ليكى وسندك .. دى يابنتى الا عمر الايام ما تغيرها
نجلا : عارفه يا حبيبتى .. الا تعمل معاكى ومع سامح ومعايا هى ومروان .... ومروان يحبها قوى كدا .. أكيد تبقى أكتر من كدا
سامح : ربنا يبارك لمروان يستاهل كل خير
********************
محمد : تسلم ايدك ياحماتى
سعاد : تسلم ايدك يا منيره الاكل كان جميل يا حبيبتى
منيره : بألف هنا
فتحى : بيبرطم اه يا أختى جميل .. ونازلين فيه حتتك باتتك ..
محمد : بتقول حاجه يا عمى
فتحى : بيضحك .. لا يا حبيبى وبيلف ايده .. مستغرب أكلتكو ضعيفه قوى كدا ليه ومسك طبق محمد شوفت ضعيفه
محمد : بيضحك .. عشان عارف حماه اتغير كتير اه بس لسا فيه سنة بخل وهما متقبلنها وبياخدوها بضحك .. اه يا عمى ضعفت قوى مش عارف نفسى مسدوده قوى ليه
فتحى : اه لو مفتوحه ها تاكل الطبق يابنى ... ما تعملش فى نفسك كدا حرام عليك
ريم : 😂😂😂 ايه يابابا ... ياكل زى ما هو عايز .. البيت بيته
فتحى : هو انا قولت غير كدا ...
منه : جدو انا بحبك انت وتيتا عشان بتحبنا وبتعمل لنا أكل جميل ...
فتحى : يا حبيبة جدك وشالها قعدها على رجله ... انت يا قمر تاكل زى ما أنت عايز
سعاد : اشمعنا هى ... اه أعز الولد ولد الولد
منيره : دى نور عنينا هى وأحمد ابن روان ... الدنيا كلها تيجى تحت رجلهم وتبقى رخيصه ...
محمد : يا سيدى على الدلع ... كراماتك يا ست منه ...
منه : بتحضن فتحى انت ها توحشنى قوى يا جدو لما نسافر .. ها تيجى تشوفنا
فتحى : بيبص لريم ومحمد والابتسامه أختفت من وشه .. تسافرو فين
محمد : جايلى شغل فى ايطاليا ... وقررت اسافر ارتب أمورى وابعت لريم ومنه ونعيش هناك ..
منيره بزعل : ليه يابنى ها تحرمنا منكم ليه
سعاد : عيطت : قوليله عايز يسبنى ويمشى هو وحبيبة قلبى ونور عينى
محمد : انتو عاجبكو اننا نمد ايدينا لحد هنا ... ربنا كرمنا بشغل أحسن ليه ما اسافرش
فتحى : انت الحمد لله عايش زى الفل مش محتاج حاجه
محمد : عمى شغلى فى ثانيه لو تعبت ها اترمى برا المصنع لا ها أخد حقوقى ولا اتعالج .. ولا فى معاش مراتى وبنتى يعيشو منه ... القطاع الخاص حلووو وكل حاجه بس فى نفس الوقت بيمصو دمك وبيسحبو صحتك ومجهودك وفى ثانيه ممكن تلاقى نفسك فى الشارع ... والا عملته كله الاقى نفسى بصرفه علاج ومستفشى ودكاتره ....
فتحى : يابنى الناس كلها على دا الحال ... ربنا ما يحوجك
ريم : يابابا ادام ها نبقى معاه خلاص مفيش مشكله وكدا كدا ها نشوفكو وننزل اجازات ... بنتنا تتعلم كويس ونعيش حياه أفضل
منيره : طيب ما مروان عرض عليك تشتغل معاه
محمد : انا راجل حر يا طنط ... مروان محترم واشيله فى دماغى اه بس ما اشتغلش عنده ولا أحس انه بيعمل دا من باب المساعده ... او يفكر انى بستغله
فتحى : مروان عمره مابيفكر فى الناس كدا انت ليه حساس قوى كدا
محمد : معلش يا عمى انا ليا دماغى مرياحنى كدا ... ممكن يتعامل معايا تحت اى ظرف انا مش عايز افسره بطريقه تدايقه او تدايقنى ... احنا كدا نسايب وحلوين مع بعض وأحلى أخوات كمان ...
منيره : الا يريحك يا محمد ياحبيبى بندور على مصلحتك وراحتكم ... كمان مش عايزينكم تبعدو عننا
محمد : عارف يا ست الكل ... وكان نفسى والله .. وبيبص لريم .. انا عايز ربنا يكرمنا بحتت عيل وهناك الدكاتره ها تساعدنا كتير وكمان بنتى خلت نظرتى للحياه أختلفت كل تفكيرى ما تحسش انها أقل من أى حد والا نفسها فيه اجيبه واقدر اوفره
سعاد : ربنا يوسعها عليك يا ابنى
كلهم : أمين يارب
💗💗💗💙💙💙💚💚💚💚💚
للمتابعه اترك تعليق
البارت الثالث من الجزء الثاني
خادمتي ولكن
💗💗💗💗💗💙💙💙💙💙💚💚💚💚
ماندو بفرحه مرنا اهى يا جماعه ... وكلهم اتجهو ناحية مرنا
مرنا ماسكه طفل وجايه من بعيد فى اتجاه الفيلا وكلهم بيجرو عليها ...
روكا : انتى كنتى فين ومين دا
مازن : طلعتى ازاى والحرس ماشافوكيش وانتى خارجه
مرنا : كنت بلعب ولما لقيت الحرس جوا خرجت بسرعه من الباب الصغير
روكا : ازاى تعملى كدا
روان : اهدو شويه خوفتو البنت ... تعالى يا حبيبتى ... مين الا معاكى دا يا مرنا
مرنا : مش عارفه يا طنط انا لقيته فى الشارع بيعيط ...
روان : شالته يا حبيبى ... شكله تايه من اهله ...
هدى : ها تلاقى اهله دايخين عليه دلوقتى
شريف : ادخلو جوا ياله كلكم.. ومروان قال للحرس لو حد سأل على الطفل يدخله ... ونبه عليهم بعد كدا ياخدو بالهم ودا كان تحذير لهم
أحمد : ابن مروان ماسك مرنا من ايديها وطارق من الناحيه التانيه وكريم معاهم .. وداخلين مع بعض ... والكبار ماسكين الطفل .. ودخلو قعدو وبيحاول يطلعو منه بأى معلومه .....
مروان : أسمك ايه يا حبيبى
الولد : تالد بيب بوه
مازن : يا صلاة النبى ... ودا من ايه ورايح على فين كدا سعتك
الولد : تلوح فلح .. وبيبص للبنات تلوحى فلح .. واتملجح على العفصوره وبيتهز تدا تدا .. ولايح الض ديده
مازن : ولا جاى ولا رايح كفايانا كدا فضايح وانت يا ابن الناس من طريق وانا من طريق 😂😂😂
روان : اوعى كدا بطل رخامه على الولد ... كنت بتعمل ايه فى الشارع يا حبيبى ...
الولد : لوح العب مع كبه شالع .. انا تعور لجلى وبيرفع رجله لروان .. بصى بصى لجلى .. كبه نايم شوفتى ... حومال أوئع الض انا اضلبه ... مشى شالع فوق تدو لاته حبه
شريف وكلهم متنحين ونفسهم يفهمو كلمه واحده
شريف : بيبص له ومتنح ..الواد سف
مازن : رجه .. رجه وعيد الشريط من الاول ... احنا ممكن نطلع منه بمعلومه لما يبقى فى الابتدائى لو فضلنا قاعدين قدامه كدا .. 😂😂😂
هدى : خلاثى على الصغنتوت.. الا كلامه زى العسل وبتضحك
الولد : بيضحك وبيمد شافيفه يبوسها ... وهى باسته
مازن : دا واد مخلص داخل على طمع
مروان : 😂😂😂 ما بيضيعش وقت
الولد : ماما بوسنى
مازن : انا كا مازن ها استفاد ايه لما ماما تبوسك المفروض تبوسنى انا 😂😂😂
روكا : انت ها تطلع الا بتعمله فينا فى الولد .. وبتضحك للطفل
الولد : بيضحك لها ... وبيقرب يبوسها .. وهى باسته
مازن : ولا اطلع من دول اوعى تكون متخفى وداخل تشتغلنا ... انت ها تعمل فتنه فى البيت ودول وبيشاور على الستات ما بيصدقو ...
الولد : بيضحك تات .. حبه انا ماما تات ...
واحد من الحرس دخل ومعاه واحده ست جميله جدا و لبسه ...لبس مثير جدا جيبه فوق الركبه وعليها بدى حماله وشعرها كيرلى اسود ... وشريف ومازن وماندو وهيثم واقفين متنحين ... ماعدا مروان الا عااادى جدا ...
الولد اول ماشافها ... وبيفرد ايده لها وبيقول ماما وهى شالته
سوزنا : خالد حبيبى ياقلبى .. وبتبوسه
مازن : اه يارتنى انا خالد 😂😂😂
روكا : واقفه جمبه وسمعته وداست على رجله جامد
مازن : اه ...
سوزنا : مالك فى حاجه
مازن : لا اصل مشاعر الغياب واللؤى دى حاجه صعبه قوى
سوزنا : اه انا كنت ها اتجنن ... وبلف فى الشارع زى المجنونه عليه وبتحضن فيه حبيب ماما
مازن : بهيام اه حبيب ماما انا كمان 😂😂😂😂
مروان : احممم ... شرفتينا يا مدام
سوزنا : سوزنا وبتمد ايديها تسلم على مروان ... روان هى الا مدت ايديها سلمت عليها ... معلش أصلو متوضى وكان رايح يصلى ... 😂😂😂😂 ومروان مبتسم من رد فعل روان الا بيعشقه منها
سوزنا : مبتسمه .. طيب تشرفنا
مازن : انا مازن ومش متوضى ينفع اسلم ... 😂😂😂
سوزنا : طبعا وبتمد ايديها روكا بردو الا مدت ايديها ...
روكا : والله ما ينفع تسلم عليها وانا موجوده دا اسمه كلام
هدى : بقى واقفه ومسكت ايد شريف وقارصه عليها قوى وبتبصله بصاات تحذيريه
ماندو : قرب عليها وشد ايديها وبيضحك أسلم انا ...
سوزنا : سيب ايدى يا متوحش
ماندو : اشمعنا هما .. وانا ومازن بيه واحد
مازم : ببرطمه يا بختك يا ابن المحظوظه كان نفسى نبقى واحد فى اللحظه التاريخيه دى
مروان : ماندو عيب ... اتفضلى يا مدام
سوزنا : ميرسى .. انا لازم أمشى عشان أطمن زومى وخدت الولد ومشيت
مازن : بعد ما هى ما مشيت وهو بيفرك فى راسه من ورا زومى مين انا أحسن من زومى ....
..................................
( معنى حوار الولد )
(خالد حبيب ابوه )
(تروح فرح ... تروحى فرح ... اتمرجح على العصفوه كدا كدا ... رايح ارض جديده )
(اروح العب مع كلبه شارع ... انا اتعور رجلى بصى بصى رجلى ... كلبه نايمه شارع ... حمار وقع الارض وانا اضربه ... مشى الشارع . فوق جدو شكولاته) (بحب ستات .. انا بحب ماما ستات )
**********************
نور : قاعده على الكنبه ومؤمن جمبها وولادهم الاتنين جمبها .... حبيبى .. عايزين نسافر احنا قصرنا مع اهلنا قوى
مؤمن : عندك حق ... ضغط الشغل علينا كان كبير قوى ... على فكره يا نور انا كنت عايزك تقعدى من الشغل
نور : ليه يا مؤمن انا مبسوطه كدا ومش مقصره معاكو .. عايز تقعدنى ليه
مؤمن : يا حبيبتى الحمد لله انا قبضى من الشركه كويس قوى ومش محتاجين حاجه تانيه .. تتعبى ليه ...
نور : المسئله مش مسئله فلوس يا مؤمن وانت عارف دا كويس ... دا كيانى انا ودراستى الا انا دارستها وبحقق فيها نجاح ... ودا لازم يبسطك زى ما انا بدعمك فى كل حاجه .. وكمان مروان سامح للستات كلها الا وراها التزمات وبيت واولاد يروحو بدرى عنكو عشان نقدر نوازن بين البيت والشغل
مؤمن : انا شايف ان بيتك وولادك اولى بمجهودك وعامل على تعبك بتصعبى عليا يا نونه
نور : يا قلب نونه والله ما تعبانه ... وعشان خاطرى سبنى براحتى فى الموضوع دا وكمان انت فى البيت دايما بتبقى معايا فى كل حاجه ودا كفايه عندى ...
مؤمن : براحتك يا نونه بس فكرى
نور : حاضر بس ما اوعدكش
مؤمن : بيقلد تامر حسنى ... وبيلف صوباعه عند ودنه فكرى
هيدى بتبصله : وبتهز راسها ... فكرت
مؤمن : بص لابنه افتكرى انى قولتلك فكرى
هانى : بيضحك وبيقول فكرت
نور : بتضحك معاهم ... فكرت يا ميموووو
مؤمن : حط راسه فى راسها وبيبوسها فكرتى والا تفكرى تانى
نور : ههههههههههه كفايه تفكير الله يسترك
**************************
روكا : بصوت عالى انت عمرك ما ها تتغير ... ما بتصدق
مازن : ما بصدق هو انا عملت حاجه البنيه مشيت من غير ما اسلم عليها ولا اواسيها ولا حتى أعرف مين زومى ... يرضيكو كدا زومى يزعل 😂😂😂
كلهم : لا
مازن : بضحك وبيدايقها اروح طيب اعرف مين زومى يا روكا خلى عندك اداميه ...
روكا : زقته جااامد اوعى من وشى وطلعت على فوق
مازن : يخربيت غيرتك المدمره ... لحد الستات وبتقلبى زومبى
روان وهدى : بطل بقى وروح صالحها انت عارف انها بتموت من الغيره عليك
مازن : خامسيه بس عشان لو طلعت لها دلوقتى ممكن تنزلنى مع هدومى من بلكونة الدور التانى
كلهم : 😂😂😋😂😂
روكا : طلعت ولمت هدوم مازن كلها فى شنطه كبيره ومسكاها ولسا بتنزل لقت مازن فى وشها
مازن : راحه فين بالشنطه دى يا روكا انتى مش ها تعقلى ابدا
روكا : ابعد عنى وبتضربه على صدره ابعد عنى لحد الستات وبتفقد عقلك ....
مازن : بمكر أعمل ايه طيب ما هى حلوه بنت اللذينه
روكا : اعااااااا .. اهئ اهئ ... اوعى مش عايزا اشوف وشك تانى وبتشد الشنطه جااامد ونازله على السلم أختل توازنها ووقعت على الشنطه وتنزل دحرجه على السلم بيها ... روكا اعاااا .. اهئ اهئ اعاااا
مازن : نزل وراها جرى يلحقها ولسا بيمد ايده لها مسكتها عضتها .... اه يخربيتك ...أحسن ياروكا .. الهى تتكسرى يا بعيده .. يا ظالمنى ومدوخانى
روكا : قامت وشدت الشنطه بغل وفتحتها ورمت هدوم مازن فى كل حته فى الفيلا بتنطر بأيديها وبس
مازن : هدومى يا مجننانى كبرتى و عمرك ما ها تعقلى وبيحاول يمسك منها حاجه .. مش عارف .. بتجرى منه ... وانا بقول الشنبانزى الا مخلفه طالع لمين .. لأمه ... غوريلا هانم 😂😂😂
روكا : انا غوريلا وابنى شانبنزى ... طب تعالى بقى يا جوز الغوريلا ومسكته عضته بغل .. 😂😂
مازن : اه يا مفتريه ... ياعضاضه دراعى يا مفتريه .. عملتى ختم النسر اه وماسك دراعه بيشوفه
روكا : قاعده وبتضرب على رجليها بأيديها الاتنين .. انا يامازن .. بعد العمر دا كله .. بتلاغى واحده ووانا واقفه .. يا بجاحتك .. ابنك بقى طولك وبنت بقت عروسه أتكسف على شعرك الا شاب ..
مازن : عروسه مين يا غلطة عمرى دا فى خامسه ابتدائى .. وابنك فى الاعدادى .. وانا شباب غصب عنك .. وبيدايقها أكتر والشرع بيقول مثنى وثلاث ورباع ..
روكا : اه قول كدا ما انت ما بتصدق تشوف واحده ست .. ومبتعرفش الشرع غير فى مثنى وثلاث ورباع ... بتعمل ايه انت من الشرع غير كدا هاااه .. قولى .. تعرف ايه عن معاملة المرأه .. تعرف ايه عن حقوقنا ... تعرف ايه عن وصايا الرسول عليه أفضل الصلاة والسلام بينا ... تعرف ايه عن شروط الزواج بأخرى عندك علم بالشروط عشان تعرف تتجوز غيرى .. روح اتجوز .. مع الف سلامه .. وطلقنى انا غلطانه انى حبيتك .. وسايبه وطالعه على برا
مازن : جرى وراها .. ومسكها تعالى هنا راحه فين .. انتى اتجننتى على الاخر وقلبتى الهزار جد كدا ليه ... ياروكا هو انا فى قلبى غيرك ... الهبله الا كتبت على جنانى مش عارف أخلص من حبك على رأى ماندو عامل زى الجراده ونازل قرص وعض فى قلبى وجسمى كله حتى هدومى غلبت معاكى ومنك 😂😂😂 الناس كلها عرفت عندى هدوم ايه يخربيت شيطانك
روكا : بتمسح دموعها ... يعنى مش ها تتجوز عليا
مازن : بذمتك يا شيخه ... بعد الا شوفته معاكى ها ينفع اتجوز تانى ... والا اجرؤ هو انا ناقص جنان يا روكا
روكا : لاء مجنون يا انت جوز الاتنين
مازن : بعياط مصطنع وبيشاور على نفسه متخلف يا انا جوز روكا .... وحضنها بايده وبيبوس راسها ... بحبك يا روكا والله ما اقدر استغنى عنك
كريم : يا سلام على الحب وغسيلك الا مالى البيت نفسى أقعد فى البيت دا من غير ما أشوف هدومك برا اوضتك 😂😂😂😂😂
مازن : طب لم يا اخرة صبرى
كريم : راح عند مازن وحضنه حبيبى وربنا ... ما تزعلش منى يا مزاميزو
مازن : انا اقدر ازعل منكم ... ربنا رزقنى بيكم ومليش غيركم ..ولا انت عملتها ازاى النطه دى يا ابن اللاعيبه ... انت لازم تعلمهالى
كريم : انت كبرت يا باشا ودى عايزا تدريب وليونه
مازن : كبرت فى عينك انا شباب ... بس ليونه دى ما اوعدكش امك جبتلى خشونه فى كل حياتى حتى مشاعرى
روكا : 😂😂😂😂 ايوا صح
مازن بيبص لها بطرف عينه : مبسوطه انم جبتلى خشونه وبيزق راسها .. اعمل ايه معاكى
مرنا : وانا كمان يا بابا بتحبنى زيهم
مازن : انتى بالذات يا فاكهة البيت الحب كله ... تعالى وحضنها ما تكرريش خروجك تانى من البيت من غير اذن نعمل ايه من غيرك احنا وبهزار اصله بيجى على دماغى يا حبيبتى
مرنا : حاضر يا بابا ...
**********************
خلص اليوم بسلام ... واشرقت شمس يوم جديد عليهم
*******************
سامح : هاااه ايه رايكم انا قررت ننزل الاجازه الا جايه
يارا : ياريت يا بابى انا نفسى اسافر من زمان ... بس ها نشوف مامى ..
سامح : انا معنديش اى مانع انك تشوفيها انتى وأخوكى .. مهما كان الخلاف الا بينى وبينها انتو ملكوش دعوه بيه
ياسر : يعنى هى فكرت تشوفنا او تعرف عايشين ازاى من يوم ما سيبناها ... مش عايز اشوفها ولا اعرفها تانى
حكمت : أخص عليك يا ياسر دا الا ربيتك عليه .. عمرك يا بنى ما تقارن نفسك بأمك وأبوك وتحط راسك براسهم ... انت ما تعرفش ظروفها ايه
ياسر : تيتا انا عمرى ما نسيت معاملتها لينا ولا كلامها حتى عليكى ... تعرفى نفسى اسمعك مره تقولى كلمه وحشه عليها زى ما كانت بتقول عليكى ... ليه هى كدا نفسى أفهم ..
حكمت : يمكن يا حبيبى غلطت فى حقها بدون قصد وهى فسرت دا على مزاجها .. احنا مش عايشين فى الدنيا عشان ناكل فى بعض يا ياسر ... وامك مهما عملت هى أمك وحقها عليك وعلى أختك السؤال يا حبيبى والإحسان لها ... ياما اتحايلت عليكم تكلموها عشان حتى تحس انكو ما نستوهاش
ياسر : واحنا يا تيتا حقوقنا فين عندها قوليلى ... مفيش حد بيتعامل بالمثاليه الا انتى فيها ... واحده ست غنيه مش محتاجه حاجه ... ايه الا يمنعها حتى من مكالمة تليفون
سامح : ياسر .. انت ها تتعب تيتا ليه ... انا عارف انكو زعلانين منها طبعا ودا حقك مفيش خلاف عليه ... بس الحق دا سيبه لربنا هو الا يعاقبها على دا مش أنتم .. اعملو الا عليكو زى ما تيتا قالت .. انت بقيت راجل وأختك عروسه على وش جواز واكيد ها تحبو ان مامتك تبقى جمبكم ادوها انتو الفرصه دى يمكن تعقل وترجع لعقلها ... اتفضل خد أختك وسبنى مع تيتا شويه وعمتك
ياسر : حاضر .. وقام هو ويارا ..
نجلا : انتو بتتضغطو عل الاولاد كدا ليه هو انت لسا بتحبها يا سامح بعد الا عملته ... دا كله
سامح : بأسف .. ايوا يا نجلا عمرى ما كرهتها ودايما كنت عايش على أمل انها تفوق من الا هى فيه ... ما أنكرش انى زى ما شوفت معاها ايام وحشه ... بس عشت معاها أجمل ايام حياتى ... معرفش ايه الا غيرها كدا من ناحيتى ... وليه معاملتها اتملت جفا فظيع كدا ...
نجلا : عارف ليه عشان الطمع يا سامح ... عشان يوم ما اختارت اختارت الا أعلى منك ومش عيب ولا حرام وبدال ما تعيشها فى ظروفك أنت وانت الا تبقى الراجل وليك الكلمه ... لاء بقت هى ولية نعمتك ... الا مره فى مره بدأت تحس انها الافضل وانك من غيرها ولا حاجه والكلمه والقرار الا يخصك فى ايديها هى .. وتسمع من دى ومن دى وكل يوم بتصغر فى عنيها .... فا مهما عملت خلاص انت مش ها تملى عنيها ابدا ... كان لازم يبقى ليكى شخصيتك وحياتك المستقله عنها وتبقى فى نظرها سيد نفسك وسيد بيتك
حكمت : عندك حق يا بنتى
سامح : بيهزر مع نجلا .. ايه يا بت الفلسفه والتحليل النفسى الدقيق بتاعك دا .. انتى شردتى اخوكى
نحلا : 😂😂😂 احنا الاتنين مشردين يا ابنى عشان انا غلطت نفس غلطك .. لما اعرف عن عادل كل التجاوزات الا كان بيعملها هو واهله وحبى ليه كان دايما يقنعنى ان أكيد ها يتغير علشانى .. ودا كان قمة الغباء منى .. لانى لو كنت عايزاه يتغير المفروض كان قبل ما اتجوزه مش بعد الجواز واخليه مستمر فى شغل والده الا دمره ودمر بيتى وحياتى واحط فى نفسى وأستحمل على أمل التغير .. لحد ما اتحولت لمريضه نفسيا منه ومن معملته ليا
سامح : ربنا خلصلك حقك... الواد طلع عينه واتئدب سنين وعرف ان الله حق وفعلا بعيد عن كل الا ممكن يشبهه وبيحاول يصلح الا عمله مع ولاده ويعوضهم .. وكمان ها يموت ويرجعلك انتى كفايه انه جه اعترف ليكى انه خد فلوس من مروان فى مقابل التنازل عن ولاده وادهالك انتى
نجلا : بعد ايه .. قولى انا اتصدمت على قد ما صغر فى نظرى على قد ما مروان كبر وبقى عالى فوق قوى .. ليه نبيع الغالى بالرخيص يا سامح ... وبعد كدا نقول معلش أصل ندمنا .. ليه الا بيحبنا مش شايفينه ولا سامعينه ..ولما يضيع مننا نجرى وراه .... اما فلوس مروان .. معايا فى الحفظ والصون واقسمت انى لازم اديهالو بنفسى واقوله اد ايه هو انسان وعارف يعنى ايه معنى وقيمة البشر ...
حكمت : عشان تتعلمو ... لو مفيش حاجه أسمها شر عمرنا ما كنا سمعنا عن حاجه اسمها خير ... ولو مفيش كره بردو عمرك ما ها تعرفو يعنى ايه حب ... أكتر حاجه بتاخد وقتها ودايما متقلبه فى حياتنا هى المشاعر يا حبايبى ... بتاخد وقتها ودايما فى صراع بينها وبين الا بتحبه فى مشاكسات عمركم ما تفهموها غير ما تعيشو فيها وتتعلمو منها يا تطلعو كسبانين حبكم ودا يرجع ليكم ولشخصيتكم .. يا خسارنين كل حاجه ... وعشان تستجمع نفسك وتفهم دا .. أكيد ها تاخد وقت ....قومونى يالا .. زمان ولادك راجعين من عند ابوهم خلينا نعمل أكل وناكل مع بعض ...
سامح : ايوا كدا يا حوحو .. نورينا كدا على السفرا
نجلا : دا السفره ها تغنى أشتجنا لك والله قومى يا حبيبتى وقومو حكمت وخرجو برا الاوضه بتاعتها
للمتابعه اترك تعليق
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق