 |
البارت الرابع من الجزء الثاني
خادمتي ولكن
💙💙💙💙💙💙💚💚💚💚💚💚
مؤمن نازل الصبح ومعاه اولاده ونور .. عشان يوصلهم على المدرسه ويروح شغله ...
نور : حبيبتى الجميله خلى بالك على نفسك .. انت كمان يا هانى .. محدش يحط ايده على جسمكم
هانى وهايدى : عارفين ... محدش يحط ايده على جسمنا ما نروحش مع حد فى مكان مقفول ما نطلعش برا المدرسه .. ما نصاحبش إلا أكبر مننا .. مانسمعش كلام حد يقول لنا انا صاحب بابا تعالو كلموه انا صاحبة ماما .. قبل اى حاجه نتصل عليكم
مؤمن : وهو سايق عربيته .. ايه الحلاوه دى .. لا تستاهلو مكافأه ... لو عندكم معلومات اضافيه قولو
هيدى : ماما .. قربت تعمل لنا كتاب كيف تمشى وتتصرف وتتجنب الاخرين
مؤمن : ماما صح .. انتى عارفه يا حبيبتى .. ان ناس كتير بقت مش كويسه صح
هايدى : صح
مؤمن : انتو بقى طول ما انتو بعيد عننا لازم تسمعو كلام ماما وتنفذوه .. وقبل أى حاجه .. اول ما ننزل من البيت او العربيه بنقول ايه
هيدى وهانى : بسم الله توكلنا على الله
نور : ربنا يحفظكم يا حبايبى
مؤمن : طلع فلوس .. وزود مصروفهم ... ودا بقى عشان طلعتو بتسمعو الكلام ...
هيدى وهانى : بيقولو هيييييه ... وبيسقفو وخدو الفلوس .. ونور ومؤمن مبتسمين ووصلو المدرسه .. ونزلو الاولاد وراحو على الشغل
*********
أحمد وكريم نازين ينطو ورا بعض على السلم ... ورايحين على السفره ومرنا نازله وراهم وكل واحد لابس اليونى فورم بتاع المدرسه وشنطته على ضهره ...
مروان قاعد وجمبه روان
ومازن قاعد وجمبه روكا
أحمد : بيبوس مروان صباح الخير يا صاحبى ..
مروان : صباح الخير يا حبيبى
و راح عند مازن باسه من خده صباح الخير يا عمهم وحارق دمهم
مازن : بيضحك الواد دا فاهمنى .. صباح الخير يا استاذ قرد
😂😂😂😂 و راح لروكا وباسها وصبح عليها و فارد ايده وبيحضن روان .. صباح الخيررر يا أحلى رورو
روان : صباح الخير يا قلب رورو .. اقعد ياله عشان تفطر
كريم : صباح الخير عليكم جميعا وقعد وبياكل ..
مازن : يا أخى نفسى فى مره أفتخر بيك واقول بقلب جامد دا ابنى ...
كريم : ايه دا هو انا مش ابنك .. ولما انا مش ابنك .. بتبهدلو ولاد الناس معاكو ليه ..
روان : عالم مفتريه سعتك .. كل يا كريم احنا اتاخرنا بسببكو ..
مرنا : صباح الخير يا عمو وبتوطى على ايد مروان تبوسها
مروان : صباح الجمال والرقه .. وحضنها وباسها وراحت لروان صباح الخير يا رورو .. وبتبوسها فى خدها ..
روان : حبيبتى بنتى الا مخلفتهاااش وراحت لروكا حضنتها وباستها وراحه لمازن وبتوطى على ايده تبوسها ..
مازن : قعدها جمبه من الناحيه التانيه وبيكلم كريم شايف ادى الخلفه والتربيه مش قرود افرقيا الا قاعده قدامى ..
كريم : عيش قرد واتنطط عليهم ولا تعيش بنى ادم ويتنططو هما عليك يا باشا
روان : 😂😂😂 طب ما تعيش أسد وأكسر عينهم ...
مازن : ما يعيش ويسكت هو ها يوجع دماغنا ليه ..
روكا : يعيش عصفوره ويرفرف فوق النافوره 😂😂😂
مروان : مانعيش فى جنينة الحيوانات ونريحكو كلكو ياله قومو كفايه أكل ورغى انتو بقيتو عالم غريبه .. وقامو كلهم
*******************
أحمد وطارق وكريم وصلو مدرستهم .. ومعاهم مرنا .. وكل واحد راح على فصله ... بعد ما انتهى نص الوقت وجرس الفسحه ضرب طلعو كلهم ورا بعض ...
أحمد : فى ايه يا أشرف
أشرف : تعالى يالا جايبلكم حاجه انما ايه ... فين كريم وطارق ..
أحمد : طلعو وواقفين هناك مستنينى
أشرف : طيب تعالى نروح لهم ... وراحو ...
طارق : أشرف تانى انت ما بتحرموش
أشرف : فى ايه يا طارق ... ما تهدى يا عم
طارق : فى انك علمت كريم شرب السجاير و احنا مشينا وراه بغباء ... واهالينا زعلو مننا .. بسببك عشان صحتنا
أشرف : يا سيدى ولا تزعل .. انا ها أظبطكم .. وان كان على صحتكم .. الا جايبه دا ها يفرفشكم على الاخر ومحدش ها يعرف ... أصلكم خام قوى
كريم : ايه بقى .. شكلك ها تودينا فى داهيه
اشرف : ما تخافش اسمع منى
أحمد : ما تقول وتخلص معاك ايه
أشرف : تعالو بس نقعد فى جمب بعيد عن الانظار وطلع التابلت بتاعه .. الا عليه صور خليعه جدا جدا ومقززه.. وقعدو يتفرجو عليها مع بعض ... والاولاد مصدومين ومركزين معاه قوى
أشرف : بيضحك مش قولتكم .. انتو ماعندكوش نت فى بيتكم والا ايه ...
كلهم : عندنا
أشرف : طيب ايه مش تتثقفو دا انتو كبرتو ولازم تعرفو كل حاجه ...
كريم : احنا عمرنا ما شوفنا الكلام دا على النت انت جايبه منين يالا
أشرف : أكيد أهاليكو مشفرينها ... خدو الفلاشه دى ها تمتعكم ...
طارق : دا لو شافو معانا الفلاشه دى ها يقطعو رقبتنا
اشرف : انت خواف كدا ليه ... دى ثقافه يابنى
أحمد : ولما هى ثقافه .. مدارى ليه وانت بتورينا البلاوى دى
أشرف : ما لازم كدا ... دى حاجه تخصك لوحدك ومحدش يعرف انك بتشوفها عشان تبقو عيال كدا مخلصه بتلعب بالسمكه وديلها ... مش ها أهبل وما تعرفش حاجه ... وفعلا كلام الولد المنحرف أثر عليهم جدا .. وخدو الفلاشه بعد ما خد منهم فلوس وقامو ...
*********************
روكا : ماشيه فى موقع الشغل .. وبتدور بعنيها على المشرف ... راح فين الزفت دا .. الراجل دا انا مش مرتحاله أصلا وبتنادى شوقى ..
شوقى أحد العمال : نعم يا بشمهنديه
روكا : فين عذب
شوقى : فى اخر العمار من الناحيه التانيه ..
روكا : شكرا يا شوقى
..............
عذب : انت يا زفت خلص قبل ما تيجى تتنطط زى الكوره فى الموقع .. ربنا يخلصنا منها ..
العامل : ياباشا ... ها أعمل ايه تانى .. انا نقلت أكتر من ربع الأسمنت كدا كفايه .. العماره مش ها تستحمل أسبوع ..
عذب : ما تستحملش خليها تشربها وتروح هى فى داهيه .. عامله فيها بتفهم ومفتحه قوى
العامل : انت بتكرها ليه كدا
عذب : على قلبها هى وجوزها اد كدا مايسبونا نقلب عيشنا زيهم ...
العامل : هو انت تعرف جوزها
عذب : جوزها مازن السمرى يا اخويا .. صاحب أكبر شريكات اجهزه فى الشرق الاوسط هو واخوه .. وعندم ملاين ملهاش أول من أخر .. واحنا بنعمل البدع عشان ملاليم
العامل : وايه الا يمرمطها كدا وسطنا طالما غنيه
عذب : بيكوشو على البلد .. أصل مفيش غيرهم ... حمل اد الاسمنت الا أنت حملته .. واسياخ الحديد بدلنها امبارح ... كلها
العامل : ايوا بس سبنا حبه كدا عشان لو بصت عليهم
عذب : تمام ...
وروكا : واقفه قريبه جدا منهم ... وسامعه الحوار كله .. وانسحبت فى هدوء
******************
مروان : انا ها انزل اروح المصنع .. أشوف العمال خلصو اد ايه من طلبيه الاجهزه الجديده ... وانت راجع كل الملفات دى انت وشريف ...
شريف : يا أخى ارحمنا أنت نازل فينا فحت وردم ولا كأننا بنى ادمين ..
مازن : عدو الانسانيه .. لحد الشغل ما تعرفش اخوك
مروان : هو انتو بتسمو شغلكم دا شغل .. وبيبص لمازن .. كنت فين امبارح الساعه 10 .. وما تكدبش عشان عارف
مازن : بيغمض عين ومفتح التانيه انت بتراقبنى
مروان : دبة النمله فى الشركه انا عارفها .. انا مش نايم على ودانى ...
شريف : بيشيل الملفات .. طيب أمشى انا بقى عشان الحق اذاكر .. قصدى اراجع 😂😂😂
مازن : شرشر خدنى معاك الله يخليك .. أصل تحس ان الاكسيجين قل مره واحده من المكان وها يغمن عليا .. وطالعين ورا بعض ومروان واقف ومربع ايده
مروان : اخر مره انت وهو اعرف انكو روحتو فى وقت الشغل تلعبو بليستشين ... اكبرو بقى عيب
مازن : انت سامع حاجه يا شرشر .. 😂😂
شريف : ولا حاجه يا أخويا .. مش عارف ايه الهدوء الا حصل فجأه دا
مازن : بيضحك وبيشد شريف على برا .. دا هدوء ما قبل العاصفه الا ها تهب فى وشنا قول ان شاء الله
شريف : ان شاء الله يا مزمز وبيضحك .. وطارو ورا بعض على برا ..
مروان : بلوتين عمرهم ما ها يكبرو ولا يعقلو ...
روان : داخله عليه .. ايه يا حبيبى مازن وشريف خلوك بتكلم نفسك ...
مروان : اه والله ... ربنا يصبرنى عليهم وعلى عيلاهم .. وابنى
روان : بتبصله وتضحك وبتقوله ربنا يصبرك عليا انا كمان ..
مروان : انتبه لها .. ايوا وبيشاور بأيده .. ادخلى عليا انتى كمان عملتى ايه سعتك ..
روان : بزعل مصطنع مش انا يا مروانى ... دا هما
مروان : مسك ايدها الا فاردهم له ... اه وبيشاور على ايدها .. هما بقى عملو ايه ..
روان : انت لازم تأدبهم يا مروان ... بس براحه الله يخليك 😂😂😂
مروان : بيضحك ضحكه مصطنعه .. انا عارف انى ها أقطعهم قريب يا روان انجزى هببتى ايه
روان : والله هما الا دلقو كوبايه الشاى على كل الحسابات الا عملناها سوا وملحقتش اسجلهم على الكمبيوتر وحطت ايدها على وشها وبتوطى راسها وبتبص له بنص عين ...
مروان : واقف مش بيعمل اى رد فعل ... وبيبص لها وبس .. وبعدين اتكلم .. اه المفروض أعمل ايه انا بقى بعد ما بوظتى حسابات شغالين فيها بقالنا اسبوع .. اختارى انتى العقاب ..
روان : أخصم نص مرتبى .
مروان : لا دا انا ها أخصم مرتبك كله
روان : بصوت عالى نوعا ما .. ليه دا ظلم وربنا
مروان : هشششش .. انا عارف انكو ها تقضو عليا ... وراح عند مكتبه وفتح درج المكتب .. وطلع نسخه تانيه .. اتفضلى عشان انا قلبى حاسس .. صورتهم قبل ما تاخديهم عندك
روان : جريت عليه وحضنته وباسته .. ونتشت الملف وطلعه على برا بالخطوه السريعه .. مش مهم أخصم المرتب ها أخنصر من مصروف البيت .. 😂😂😂😂
مروان : ضحك بصوت عالى على مجنونته وخد مفاتيحه وحاجته وطلع راح على المصنع ...
روان : هدهود نونه ... ممكن تساعدونى نخلص الملف دا مع بعض
نور : ورينى يا موزه .. ايه دا انتى لسا مخلصتهوش يا روان
روان ؛ أعمل ايه يعنى يا نونه .. حاسا كدا بكلام موريب بيحصلى ..
هدى : موريب مره واحده ... ايه داخله بيت الاشباح
روان : انتى بتقولى فيها ..
نور ؛ سابت الا فى ايدها .. لا دا أنتى تقعدى وتحكى بالتفصيل يا بنت
روان : بتضحك ومسكت دقن نور .. اه تموتى انتى فى التفاصيل
نور : طبعا .. الا أحلى من المضمون تفصيله ... فصلى ياله ..
هدى : اه وياريت المقاس يطلع مظبوط
روان : تحبيه ديق من على الوسط والا مبحيح حبتين
نور : لا يا رورو .. وبعياط مصطنع .. مؤمن قرب يلبسنى هدومى وسطها ولا وسط البلد يا أختى
هدى : امال انا .. احمدى ربنا انتى وسط البلد .. انا شريف ملبسنى البلد كلها ... عيب يا هدهدو حد يشوف جسمك ...
روان : 😂😂 احمدو ربنا انا مروان خلص بلدنا وطلع على اوربا وضواحيها ... بعد كدا ها نلبس الملايه اللف فوق الهدوم .. ونغنى .. يا ام ملايه لف اصماله
فى داخله شريف ومازن ومؤمن كمان معاهم
مازن : مروان ها يقتل ميه والف
روان : ايوا الله 😂
مؤمن : والله عنده حق .. انتو الصراحه جننتوه
شريف : بقولكو ايه يابنات يا حلوين يا مجتهدين انتو
هدى : كدا فيها إنا
مازن : هى مش إنا قوى يعنى .. ورامو الملفات الا مروان ادهالهم خدو راجعو دول ...
هدى : ليه يعنى .. كل واحد يراجع الا يخصه
روان بتبص لمازن : ايوا انت تخصه
مازن : بيشاور على نفسه .. انا أخصه ازاى يعنى
روان : يعنى انت تخصه فى حاجه وإلا نخصو كلنا فى ليليتكو دى 😂😂😂😂
شريف : لا احنا ما نخصوش فى حاجه ... ما جوزك الا مخصخصنا كلنا فى الا نخصو احنا مالنا وبعصبيه احنا مالنا
روان بخوف مصطنع : خلاص ياشريف وربنا ما تزعل نفسك
مؤمن : ماسك ملف هو كمان خدى يا نور الا يخصك .. 😂😂😂
نور : ايه البلطجه دى ..
هدى : لا دا انتو تاخدو الليله دى وتنصرفو من هنا .. احنا ناقصين ...
شريف : هدهود ربع مرتبى هديه ليكى يا قمر والنبى قبل الهديه ..
هدى بتدور بايدها فى الملفات : ايه دا فين يا بنات الملف بتاع شريف الا كان هنا ... يا حبيبى بيتعب
مازن : 😂😂😂 حبيبى يا شرشر ... عارف المدخل منين .. وبيبص لروان
روان : ولا ها أعبرك
مازن : بذمتك لو اديتك الربع ها تعبرينى
روان : النص ودا أخر كلام ... ما هو مرتبى كله مخصوم الشهر دا ...مش ها أقعد اتفرج عليكو انا ..
مازن : دا استغلال .. والله انتو ستات
روان : بتخن صوتها وبتبرق ايه
مازن : ستات عسليه يا رورو .. خدى وبيديها الملف الا كان ها يراجعه حسبى الله ونعمه الوكيل ما انتو على قلبكو اد كدا طمعانين فى المرتب
نور : بتبص لمؤمن اديك عرفت الا فيها ارمى بياضك
مؤمن : الربع كتير .. خليها التمن
نور : وجاى على نفسك ليه انا مستعده اتنازل عنه كله بس بشرط
مؤمن : اوعى تقوليها ..
نور : لازم اقولها ... دى واقفه فى زورى سنين وسنين .. وكلهم بيتفرجو عليهم ومنتبهين قوى عايزين يعرفو هو ايه .... ها تذاكر للعيال طول الشهر دا .. وكفى الله المؤمنين شر القتال ..
مؤمن : اه يا مفتريه يا ام قلب حجر .. دا انتى جبتى خنجر ودابتيه جوا قلبى ..
مازن : مسكه أعملك تنفس صناعى وبيدوس على صدره جااامد 😂😂😂
شريف : لا يا بنى ... شوية بن نكتم النزيف بسرعه
البنات : 😂😂😂😂
مؤمن : بعياط مصطنع انتو عارفين انا قعدت معاهم يوم ... وبيرفع ايده عند عنيه .. يوم .. خلصت عليهم كل شباشب الشقه .. والضغط بقى بيرفرف فوق .. المفتريه ...
نور : 😂😂😂 دى فرصتى .. موافق والا مووو
مازن : لا مفيش مووو ... فى نيها ما تخلص خلينا ننزل قبل ما مروان يرجع
مؤمن : امرى لله موافق .. وحسبى الله
روان : استنو كدا رايحين فين بربطة المعلم
مازن : نسيتى يا رورو ... مش اتفقت معاكى امبارح
روان : قول وربنا
مازن : وربنا
روان : ايوا كدا ... انتو كفاءه .. طيرررو انتو بس ما تطولوش ومشيو الشباب مع بعض
هدى ونور مسكو روان من هدومها ... انتى تعرفى ايه احنا ما نعرفوش انطقى
روان : بتضحك ... بعينكم مفاجأه .. ياله بقى نخلص فى الانجاز ياله..
*****************
عز : ايه يا محمود .. كل دى غيبه .. يا راجل أعقل وأكبر
محمود : انت عايزنى أكبر وخلاص يا عز ...
عز : ايوا كل سنه تسافر .. وعايشلى جوا الشباب ..والنبى ولادك يقولو عليك ايه .. انا اقول عليك ايه .. منى زهقتنى يا محمود بسببك انت وفاطمه كل ما تكلمنى .. اتعلم من محمود اعمل زيه ..
محمود : 😂😂😂 قول كدا بقى .. ما تعمل ناقصك ايه انت مراتك ها تتهنى أمتى يا راجل
عز : مراتى بقت جده عيب يا راجل نعيش مع الولاد شويه ونفرح بيهم
محمود : ايه المانع يعنى نعيش مع الولاد ونفرح بيهم وبنفسنا نجدد حياتنا وطاقتنا ادام عندنا الاستطاعه لكدا .. بطل عقدك يا عز ... وفكها
عز : ها ترجع أمتى
محمود : بكرا ان شاء
عز : سلام يا اخويا يا إلا جايب لنا الكلام ..
محمود : سلام يا زيزو .. وقفل
منى : خلصت التليفون
عز : ايوا
منى : عايزين نروح لعمى انهارده قبل ما الولاد يجو بكرا يقضو عندنا اليوم
عز : طيب جهزى نفسك وننزل على طول
منى : حاضر ... ودخلت الاوضه تجهز نفسها وعز قاعد على اللاب بيخلص شغل
****************
سيف وباسل ولاد نجلا
سيف : بابا احنا ها نمشى
عادل : خليكو معايا شويه كمان انتو شايفين طول الوقت قاعد لوحدى
باسل : لازم نمشى نجهز نفسنا ... عشان اندرو ما يزعلش مننا فرح كريستينا اخته انهارده ... واحنا وعدناه اننا ها نحضر
عادل : ها يعملوه فين
سيف : ها نروح كنيسة ........ وبعدين قاعة ال..... الا ها يكون فيها الفرح ..
عادل : ماشى يا حبايبى اتبسطو بوقتكم وما تتأخروش عليا
سيف : ما تيجى معانا البيت نتغدى سوا وتحضر معانا الفرح
عادل : انا ماخلتش فرصه واحده تخلى أمكم تقبل وجودى وسطكم مش عايز اروح وادايقها كفايه الا شافته منى
باسل : حاول معاها تانى واحنا مش ها نسيبك عشان بجد احساس وحش قوى واحنا مشتتين بينكو نفسنا يجمعنا بيت مع بعض
عادل : ياريت يا بنى .. والله انا نفسى تعبت من الوحده ومن كتر المحايله عليها
سيف : طيب قوم البس .. تيتا حكمت ها تفرح قوى لما تتغدى معانا
عادل : تصدقو انا اتمنيت ان تيتا حكمت دى تبقى أمى ست جميله فى كل حاجه ... يا بخت سامح ونجلا بيها ربنا عوضهم عن غياب ابوهم و عنى وعن مرات سامح بتيتا حكمت لوحدها .. ست بتستحمل لأبعد الحدود وأم للكل بمعنى الكلمه
باسل : فعلا يابابا عندك حق .. عمرى ما حسيت انها أم لماما دايما احسها أمى انا ياله بقى قوم وفرحها بوجودك .وحاول مع ماما
عادل : تفتكرو ها ينفع كان نفع طول السنين الا فاتت
باسل : قوم بس واثرو عليه وخدوه ووصلو عند البيت واول ما سامح فتح اتفاجئ
💙💙💙💙💙💙💙💚💚💚💚💚
للمتابعه اترك تعليق
البارت الخامس والسادس من الجزء الثاني
خادمتي ولكن
💙💛💚💛💙💚💛💙💚💛💙💚💛💙
روكا : وصلت الفيلا ... وقاعده قلقانه ومش عارفه ها تتصرف ازاى فى الموضوع دا ... اتصلت على حنان أطمنت عليها وكلمت بابها وحماده اخوها .. وقفلت .. كان نفسها تتصل على فاطمه تقولها بس ما حبتش تقلقها وفضلت انها تستنى جوزها ... هى بتشاركه فى كل حاجه ومش بتخبى عليه اى حاجه كل كبيره وصغيره ...
طلعت برا تقعد مع الكلب ابن دهلز شقشق والكلبه الصغيره الا جابوها معاه .. واسمها طقطوقه الشطوره زى ما روان سمتها ..
طقطوقه بتجرى حوالين روكا ... وبتهوهو .. وتجرى
روكا : وطت ومسكتها من رجلها الا قدام ووقفتها على رجلها الا ورا ... وطقطوقه بتهز ديلها جامد ودا تعبيرا انها مبسوطه وبتهوهو ..
روكا : انتى بتهوهوى والا بتسرسعى .. كلك على بعضك غريبه ... وقعدتها قدامها .. وعماله تتكلم معاها .. ها تفتكرى أعمل ايه دلوقت .. بما انك شطوره و رورو علمتك تمشى رجلين اتنين مش الاربعه
والكلبه بتبص لها ومميله راسها ...
روكا : انتى اصلا ما بتفهميش انا ايه الا يخلينى أقعد معاكى وأضيع وقتى .. تعالى يا شقشق وبتنادى عليه .. والكلب جه جرى عليها .. انت ايه رايك فى الموضوع الا اتكلمت فيه مع طقطوقه .. اعمل ايه مع عذب النصاب .. والا معاه .. ابلغ البوليس ..
وشقشق بيمد ايده لها وبيميل براسه وجسمه ويقلب نفسه ..
روكا : قوم يا شقشق .. دا انت طلعت هايف زى طقطوقه جاى تلعب انا ناقصه جنان
مازن : وصل الفيلا كان داخل ياخد حاجات منها ... ولقى روكا قاعده مع الكلاب راح عندها وسمع أخر كلام بينها وبين شقشق ... وبعلو صوته .. روكا انتى بتعملى ايه هنا
روكا : اعاااا . اه قلبى خضتنى حرام عليك .. انت ايه يا أخى
مازن : قعد جمب روكا فى الارض وحط ايده على كتفها وضمها ليه قوى وروكا حضنته بأيديها مالك وايه الا رجعك بدرى كدا ...
شقشق طلع على رجل مازن وبيزق روكا وبيضربها
مازن : شفشق مش وقتك حتى الغيره وصلت لحد عندكو ..
روكا : 😂😂😂 نفسى أعرف انت بتقوله يا شفشق ليه ..
مازن : دهلز قبل ما يموت كان بيقوله يا شفشق يا ابنى ... الدنيا زى الدورق الكبير .. كل ما تفضى تتملى تانى وبسرعه عيش شفشق ولا تعيش شقشق
روكا بتهز راسها انت اتعديت من روان .. امثال وحكم .. ودهلز بيقول يا شفشق يا بنى
مازن : ايوا .. انتى ما سمعتيش مروان وهو بيقول ان روان دهلز كان بينادى عليها .. ويقولها يا روان انزلى عايزك .. دا إثبات انه بيتكلم صح يا طقطوقه.. انتى جيتى فى اخر ايامه .. وبيزقها بأيده كلبه اد البزقه ... الواحد خايف يتكعبل فيكى يطلع روحك
روكا : حطت راسها على كتف مازن .. انا بحبك قوى يا مازن ... انت ازاى بتاخد كل الامور بالبساطه دى ..
مازن : ها نعقدها ليه يا روكا ... مالك يا حبيبتى ..
روكا : فاكر عذب الا حكتلك عليه
مازن : الا كنتى بتجرى وراه بالخشبه .. عملك حاجه وبيعدلها بايده
روكا : بدئت تعيط وحكتلو على كل حاجه .. شوفت يا مازن الغل والحقد وصل بالناس لإيه ..
مازن : بيمسح دموع روكا بأيده وبيبوس خدها .. والله يا روكا ليبات هو فى السجن وها اندمه انه بس فكر يأزيكى ...
روكا : طيب والاساسات الا اتصبت أكيد غاشش فيها ..
مازن : مش انتى كنتى بتشرفى عليهم
روكا : مش طول الوقت قاعدلهم انا يا مازن .. فى التزامات تانيه كنت بخلصها ...
مازن : أكيد انتو بتختبرو الحاجات دى وبتعرفو اذا كانت اتغشت والا لاء .. لو فعلا فيها حاجه هديها وابتدى من جديد ..
روكا : والتكلفه
مازن : تتكلف زى ما تتكلف ما تفكريش فى حاجه دلوقت
روكا : بتحضنه أكتر .. ربنا ما يحرمنى منك .. انت جاى بدرى تعمل ايه ..
مازن : قام وقوامها .. تعالى ها اقولك .. ودخل الفيلا يجيب الا محتاجه ..
********************
عادل : السلام عليكم
حكمت وسامح : وعليكم السلام ورحمة الله وبركاته
نجلا اول ما شافته دخلت على اوضتها على طول والاولاد دخلو وراها ...
عادل ؛ واقف محرج .. انا أسف الاولاد الا أثرو عليا انى اجى معاهم ..
حكمت : تعالى يابنى جمبى هنا ...
عادل : راح جمب حكمت ... وهو مخنوق والدنيا بالنسبه له اد خرم الابره .. مش عايز يهين نفسه أكتر من كدا مع نجلا أكتفى 10 سنين من ساعة ما فاق لنفسه وهو بيحاول معاها ... على اد ما هو اهانها .. هى بتتجاهله وكلامها اللازع أحيانا .. اهانته وقتلته الف مره ..
حكمت : بتمسد على ضهره .. عامل ايه يا حبيبى مابقتش بتيجى ليه يا عادل .. احنا اهلك يا بنى .. مهما حصل بينا ..
عادل : بيتكلم والكلام طالع بالعافيه .. مش عايز ادايقكم وخصوصا نجلا ..
سامح : ولا ها تدايقنا ولا حاجه بدال ما أنت قاعد لوحدك تعالى اتغدى معانا وقضى وقتك وابقى روح يا سيدى ..
عادل : ونجلا تفضل محبوسه فى اوضتها بسببى ..
حكمت : ها تاخد على الوضع يابنى وها تتغير مع الايام
عادل : انا عايزها يا ماما حكمت .. عشان خاطرى .. انا بقيت انسان جديد غير الا كنتو تعرفوه .. وولادى غيرونى كتير بقو رجاله كبيره وكلامهم كل يوم بيأثر فيا .. لحد دلوقتى مش متقبلين فكره انفصلنا انا وأمهم .. هى جابت القسوه دى كلها منين .. نجلا عمرها ما كانت كدا .. دا كانت بأقل كلمه بتلين معايا وبتصدقنى ..
حكمت : لازم تفهم انك السبب يا عادل انها اتغيرت .. هى دلوقتى فاهمه انها فاقت لنفسها .. بتبنى شخصيتها من جديد ومش اى كلمه ممكن تأثر فيها يا ابنى .. زمان كانو بيقولو... مش طول الوقت تشد الحبل تقطعه .. ولا طول الوقت ترخيه يفلت منك... انت شديت بعزم ما فيك لحد ما حبلك اتقطع وابنى رخاه لحد ما فلت منه ... عشان توصل من جديد لازم تعالج القديم مش ترجع وتترجا وخلاص ..
عادل : بيوطى على ايد حكمت يبوسها .. قوليلى يا أمى ودموعه نازله .. أعمل ايه انا ممكن اتجوز وانساها واسيبها براحتها .. بس مش ها أفضل أفكر بأنانيه طول عمرى .. ولادى محتاجنا احنا الاتنين .. ها تتنازل زى ما انا اتنازلت ونتلم ونرجع عيله من جديد ..
حكمت : قوم خش لها يا بنى ربنا يهديها .. وحاول معاها ولادك جوا يمكن يأثرو عليها ..
سامح : ما تبصليش معاك ربنا
عادل : خبط على الباب وسيف فتح .. لقى نجلا قاعده وبتعيط ... ولسا ها تتعصب ولادها قعدوها ..
سيف : ارجوكى .. كفايه ها تستفيدى ايه من حرق اعصابك طول الوقت
باسل : ايوا ياماما .. بابا اتغير وعايزك واحنا عايزنكو انتو الاتنين .. ايه مش ممكن تتنازلى شويه عشانا
عادل : طيب ايه الا يرضيكى ونرجع لبعض من تانى ... فلوس مروان رجعتهالك وانا الا قولتك مش هو ... كل فلوسى الا كانت تخص شغل والدى رجعتهالو وملوش عليا غير طاعته ومحبته وودى له مهما كان ابويا ربنا يهديه وبس .. والحمد لله اتطهرت من كله زى ما كنتى عايزا تشوفنى ..
نجلا : بتبص لاولادها اخرجو برا وخرجو .. انت ازاى تقول الكلام دا قدام ولادك
عادل : ولادى عارفين كل حاجه .. ماعنديش استعداد يعرفو حاجه من برا ..
نجلا : انت عامل عليا حصار مش عارفه أخلص منه .. قولتك مش عايزاك ومش عايزا أشوف وشك تانى ..
عادل : قرب عليها وقعد على روكبه قدامها وهى قاعده على السرير رفع دقنها بأيده .. بصيلى يا نجلا ومركز فى عيونها مش عايزا تشوفينى تانى .. خلاص افقد الأمل وانساكى انا كمان ... اروح أشوف غيرك دا الا ها يرضيكى .. ها ترتاحى لما أكون لغيرك مش ليكى انتى وتستسلمى لضعفك وتعبك معايا سنين وسنين عشان اتغير .. ومسك ايديها بين ايديه وباسهم .. سامحينى يا نجلا عشان خاطر ربنا ثم اولادك ولأول مره دموعه تنزل من غير قيود قدامها انا بقيت وحيد وبيتى فاضى عليا .. بعد وفاة أمى الا فضلت تعيش معايا وتسيب ابويا .. ها تسبينى أموت وانا لوحدى وبيرفع راسه لها بإنكسار .. لقائها بتعيط بس مش زعل على نفسها لاء ... عليه .. مهما كان ضعف الرجل بيألم ويقهر أى ست ومهما حصل عمرها ما تحب تشوفه منكسر لا قدامها ولا قدام غيرها .. وبدون وعى بتمسح دموعه الا نزلت .. وبتضحك وسط دموعها .. وبتقوله .. كبرت يا عادل وشعرك ابيض ..
عادل : بفرحه ولسا ها يقرب ويحضنها ...
نجلا : حطت ايديها تمنعه .. مش قبل ما تجيب المأذون .. بس خليك عارف وفاهم كويس انسى نجلا القديمه خلاص
عادل : ها انساها وانتى كمان انسى عادل القديم .. وقام يجرى من قدامها .. وبصوته كله .. هاتو المأذون بسرعه قبل ما ترجع فى كلامها .. وبيزق ابنه سيف الا واقف يضحك لأول مره من قلبه ..
سيف : لا دا احنا نعملكو فرح مع كريستينا .. مأذون ايه هنا ... انت فاكر نفسك فى مصر ... انتو ها تيجو السفاره تردها
حكمت و سامح وباسل وولاد سامح كلهم بيضحكو .. ونجلا واقفه على باب الاوضه مبتسمه وفرحانه على فرحهم هما
***********************
نور : مالك يا رورو .. ما قولتيش
روان : بصى يا نونه .. حاسه كدا انى بحب مروان أكتر من الاول .. وبتتضحك اه وربنا وحاسه كمان انى بقيت شمامه 😂😂😂 اى حاجه بشمها من على بعد .. وخصوصا مروانى بيبقى نايم جمبى واقعد اتأمل ملامحه كتير قوى كأنى اول مره أشوفه محلووو كدا وقمر وعسل .. أمسك هدومه أشمها .. تقولوش مخدر .. انا تعبتى
نور : بتحط ايديها على جبهتها .. انتى ازاى ساكته على نفسك ..
روان : بتحول بعنيها ايه الحاله خطر
نور : هى خطر وبس
هدى : 😂😂 ها نحجزوها فى مستشفى العاقلين قريب
نور : حرام عليكى هى ناقصه عقل من كتر عقلها اثرت على العيله كلها
روان : لا انتو قلقتونى على نفسى .. وزقت نور اوعى يا بت انتى وهى .. انا بتكلم بجد على فكره .. اعمل ايه انا دلوقتى انا وصلت لمرحله انى عايزا أشوف مروان طول الوقت قدامى ومكسوفه مش قادره أقوله كل دا ها يضحك عليا ... لا وايه يا بنات نفسى مفتوحه على الاكل بطريقه عجيبه موريبه ..
نور : دى مشاعرك المكبوته يا حبيبتى بتطلعيها فى الاكل يا عينى .. هو مروان ما بقاش يهتم بيكى زى الاول يا رورو
روان : مروان بنشوفه بالصدفه بسبب الشغل وبيرجع تعبان ومهدود ..
هدى : عشان كدا .. كلميه وقوليلو
روان : اقوله ايه على المهزله الا انا حاسه بيها هو ناقص دا كفايه عليه أحمد وكريم وطارق وشريف ومازن .. وروكا وبفضل الله انا 😂😂😂
هدى : 😂😂😂 والله بجد مش ملاحق عليهم تحسى انه ابوهم الا خلفهم ونسيهم كلهم
نور : هو شخصيته طاغيه على الا حواليه عشان كدا الكل بيلجئ ليه
روان : لا دا انا اروح ابخره .. الله أكبر .. يا ساتر يا ساتر ..
نور : خلصنا تهريج .. ياله نخلص بقى الا ورانا بسرعه .. وبدئو يشتغلو ويراجعو كل الملفات وخلصو ورجع الشباب قبل وصول مروان على طول ... وكملو شغلهم كلهم وروحو وهما ماشين .. انت رايح على فين
شريف : ها اروح انا وهدى الطبيعى يعنى
مروان : لا تعالى معانا انت وهى عشان نتغدى مع بعض ..
شريف : لا مش انهارده عمى تعبان وعايز ابقى جمبه
هدى : اه جدو حبيبى .. صعبان عليا قوى ومبقاش يطلع من اوضته
روان : ربنا يشفيه خلى بالكم عليه
هدى : هو مش عايز غير طارق كلنا اتركنا على الرف
شريف : لو جيت جمبه كأنى عملت جريمه فى حقه .. ياله نشوفكم بكرا يا شباب .. ومشيو كلهم
💙💙💙💙💙💙💙💚💚💚💚💚
بقلم : لبنى طارق
💙💙💙💙💙💚💚💚💚
خادمتى ولكن ! 6
يوميات عائليه جدا
💙💙💙💙💙💙💙💙💙💙💙💙💙💙💙
أحمد وكريم وصولو الفيلا وطلعو على اوضتهم على طول شغلو الفلاشه على اللاب .. وقاعدين يتفرجو على الا فيها قبل ما حد يجى من برا ... ومندمجين معاها قوى وفى نفس الوقت مشغلين فديو على اليويتوب وعاملين توقيف مؤقت عشان لو حد جه يشغلو الفديو بسرعه ويشيلو الفلاشه ..
مازن : داخل بسرعه يشوف روكا وصلت بعد ما اقنعها ترجع شغلها وتخلى الأمر طبيعى جدا .. ملقاش غير مرنا بنته ..
مرنا : بابى
مازن : حمدالله على السلامه يا حبيبة بابى .. امال فين كريم وأحمد
روان : ادام مش هنا يبقى أكيد فى اوضتهم
مروان : العيال دى لازم نفتح عنينا عليهم شويه
مرنا : كنت عايزاهم يقعدو فى الجنينه برا معايا .. وقالو لاء واوعى تطلعى عندنا فوق .. وانا قاعده هنا لوحدى
روان : لسا ها تطلع لهم
مروان : حضنها جامد بأيده .. تعالى انتى هنا .. وبيبص لمازن روح انت بخفه كدا .. شوفهم بيعملو ايه .
مازن : انا ورايا غيرهم .. وطلع وفتح الباب عليهم فجأه .. كريم شد الفلاشه بسرعه ورامها تحت الترابيزه الا هما قاعدين عليها .. وشكلهم مش طبيعى خالص .. شغلو الفديو الا مجهزينو على اليوتيوب .. وكل دا خلال ثوانى
مازن : خد باله من دا كله حتى الفلاشه .. ومعملش اى رد فعل راح قعد مكان كريم وحط رجله على الفلاشه الا معاهم ... انتو بتتفرجو على ايه
أحمد : دى بنت صينيه بتحب الاكل وبتاكل كميات كبيره
مازن : دى مش صينيه دى حلة فته متحركه .. هى ها تلهف دا كله
كريم : 😂 دا أقل واجب بتعمله ..
مازن : بيشاور بأيده كمان ... وبيعلى صوته دا وقتك هى رجلى بتاكلنى ليه وبيوطى يجيب الفلاشه وحطها فى جزمته وعمل نفسه بيهرش فى رجله وبينه وبين نفسه عاملين فيها مفتاحين وربنا لاوريكو .. واتعدل تانى .. يا بنت المفجوعه دا بتشفط الاكل ونازل على المزلقان جوا ..وبيضحك لا وكمان مش جايبه كاس جايبه برطوشه مقاس 50 تشرب فيها الحاجه الساقعه ..
أحمد : 😂😂😂 انا اول مره أشوف كاس على شكل جزمه
كريم : والا الاخطبوط جايبه حجم كبير ونازله فيه حتتك بتتك
مازن : حتتك ايه يا أخويا
كريم : بيضحك بتتك
مازن : ودا من ايه عين أمك حتتك بتتك ..
كريم : مش عارف ليا زميل فى المدرسه عنده كيف يبص على كل الا بيأكل .. ويقول شايف نازلين حتتك بتتك على الأكل ...
مازن : بيضحك حلوه دى يا لهوى ايه البت دى .. والله انا جوعت يخربيتك .. انا ممكن أقوم أكل الاكل كله دلوقتى حالا بالسفره .. قومو انجرو قدامى على تحت اتاريكو عاملين زى المفاجيع على الاكل .. طول ما انتو قاعدين بتضربو أى حاجه
كريم : بس يابابا .. شويه وها ننزل
مازن : بقولك قدامى انت وهو .. ونزلو كلهم لقو روكا وصلت هى كمان ..
روكا : تعالى يا مرمر .. عملتى ايه فى المدرسه
مرنا : قاعده بتحكى لمامتها على يومها كله .. وبس يا مامى
روكا : طيب يا حبيبتى .. بما انك خدتى الشاور بتاعك اقعدى خلصى الهوم ورك على ما نجهز الاكل ... اتفقنا
مرنا ؛ حاضر يا مامى .. وقامت راحت على اوضتها
مازن : بيبص لمروان .. ومروان فهم ان فى حاجه وهو مش عايز يتكلم فيها قدامهم ..
روكا : انا ها اطلع أغير
مازن : حط ايده على كتفها .. خدينى معاكى يا مزه
روكا : 😂😂😂 مزه مره واحده خلاص راحت علينا
مازن : دا بدال ما تعملى فرح ان جوزك بيقولك يا مزه .. وراحت عليكى ايه انتى عندك 35 سنه الا فى سنك ما اتجوزش أصلا لسا بنات كدا ايه
روكا : قبل ما يكمل كلامه يا بختهم عملو الصح
روان : سبحان الله محدش عاجبه حاله لا المتجوز عاجبه حاله ولا الا مش متجوز .. اهدى وقولى هديت يا روكا يا بنت حينان .. وبتنزل راسها وتطلعها اهدى بدال ما أهديكى انا
مازن : وتهدى ليه بنت حينان قدامى انا لازم أشوف معاكى حل وشايلاها زى الاطفال تحت دراعه وطالع وكلهم بيضحكو عليهم ... دخلو الاوضه ومازن نازلها قدامه قفل الباب بأيده ومحاوطها وبالايد التانيه وبيبوس فى وشها .. أعمل فيكى انا ايه احتارت فى جمالك وحبك وحشتينى
روكا : مبتسمه بجد يا مزاميزو وأنت أكتر ..
مازن : عملتى زى ما قولتلك
روكا : طبعا .. انا أقدر أكسر كلامك يا مزاميزو ..
مازن : مزاميزو جعان وممكن ياكلك .. وبيحضنها جااامد ودفن راسه فى شعرعها وبيبوس راقبتها .. وبهمس ادخلى خدى شاور عشان ننزل تحت وبعدين نطلع نتفاهم على رواقه
روكا : بشوق بتبتدله الحضن .. بحبك يا مازن . وخايفه اتحبس ويبعدونى عنك ويتمحرشو بيا جوا القطبان
مازن : 😂😂😂😂 انتى ها تتفرمى جوا القطبان مش تتحبسى .. دا انا ها أحبسه هو والمقاول أكيد متورط معاه .. وها يدفع هو كل الخساير
روكا : طيب ها تعمل ايه ..
مازن : انتى اصلا بمجرد ما تبلغى ها يروحو فى داهيه وقعد وقعدها على رجله .. بس انا مش عايز ابلغ غير لما نعرف مكان الحاجه الا خدوها واخلى العيال الا ساعدتهم تعترف عليهم
روكا : طيب انا ها أقوم أخد شاور ..
مازن : ماشى .. ناولينى بقى اللاب دا وانتى ماشيه .. وادته اللاب وهى دخلت الحمام .. وشغل الفلاشه واتفاجئ بكل الا عليها وقاعد مصدوم ..
روكا : خارجه من الحمام ولابسه البرنس وبتنشف شعرها ولمحت الا مازن مشغله .. يالهووووى .. ايه دا يا مازن .. وبتضربه على ضهره يا مراهق يا بلوة النساء اهئ اهئ
مازن : مسكها أسكتى مش انا
روكا : دا قرينك يا مازن.. قرينك الا قاعد بيتفرج على السفاله والانحطاط والرزيله دى
مازن : 😂😂😂 لضماهم .. يابت أفهمى وبعدين ادخلى شمال ..
روكا : أفهم ايه هاااه قولى .. انا لازم أقول لأخوك .. طيب ها أقوله ايه انا اتكسف وربنا .. ونطت على مازن وبتعضه ..
مازن : اه .. يخربيتك يا روكا .. انتى مش عندك مخ انتى عندك طبق مهلبيه جوا .. انتى بتعوضى الا حينان عملته فيكى فيا .. ما تتهدى بقى
روكا : مسكاه من خدوده الاتنين وبتهزهم جامد قولى بتعمل كدا ليه ناقصك ايه انت 😂😂😂
مازن : اوعى يا شيخه بقى اوعى انتى مديانى فرصه اقولك حاجه مش بتاعتى الحاجات دى .. بتاعت البلوه المسيحه شامبنزى الغابات ابنك كرملتك الله يخربيت كرملتك 😂😂😂😂
روكا : مبرقه ومصدومه يالهوى كرمله وصل للمرحله دى انت مش قولتلى انك انت ومروان مشفرين كل المواقع دى من على النت جايب الحاجات دى منين
مازن : جايبنها منين مش جايب الثلاثى دا بقى خطر علينا الفلاشه من برا حد عاملهلهم
روكا : دا انا ها أطلع اديلة حتة علقه قليل الادب
مازن : عارفه ولا كأنك تعرفى حاجه سامعه
روكا : ازاى يعنى ها تسيب أبنك بيهبب البلاوى دى والله أعلم بيعمل ايه تانى من ورانا
مازن : ها نتصرف معاهم انا ومروان وشريف .. بطريقه غير مباشره عشان يبطلو الكلام دا من نفسهم الحمد لله انها جت على قد الصور دى ... عشان مجرد تدخلنا .. ها يعملو الا اكتر من كدا بس بعيد عننا ومن ورانا والولد لو حس انه صغير او وحش فى نظر الا حواليه بيتعامل بعند وغباء لازم تحسسيه انه راجل وتوصلى اى رساله ليه بطريق غير مباشر فهمتى
روكا : اه ما انت خبره
مازن : 😂😂😂 بتبالغى يا روكا انا مربى فاضل
روكا : فاضل منين ساعتك .. الواد طالع منحرف لأبوه وبتمد ايدها فى وش مازن وبصوت عالى لابوه ها يعمل فينا ايه تانى بكرا نجيبه من وسط شلة الاونس البايظ 😂😂😂
مازن : بايظ طيب تعالى بقى امك والله كانت بتقول حكم ومسكها عضها بغل 😂😂 انتى مش ها تسكتى غير كدا .. وقام بسرعه من جمبها ... دخل الحمام وقفل على نفسه خد شاور سريع ولبس ونزل
********************
روان : مالك يا أحمد وشك أحمر كدا ليه يا حبيبى
أحمد : لا يا ماما أبدا .. مفيش
مروان : واضح انه مفيش .. انت بقت افعالك غريبه ليه تعالى انت كمان ..
كريم : والله يا عمو ما عملت حاجه
مروان : على فكره انا مسئلتكش .. وحس ان وراهم حاجه الاتنين .. طيب أقعدو فى الجنينه برا على ما أغير وانزل انا وروان .. ما تطلعوش اواضكم
أحمد : حاضر يابابا ومسك كريم وخرجو برا فى الجنينه .. وطلع هو وروان .. دخل وقفل باب الاوضه .. وراح على السرير رمى نفسه بإهمال وفارد جسمه عليه ..
روان : راحت نامت على دراعه الا فارده وبتقرب أكتر وحطت راسها على صدره ومغمضه عنيها .. وبتشم فى ريحته جااامد وبتحضنه
مروان : خد باله انها كل شويه تاخد نفس طويل .. وبادلها الحضن .. مالك يا رورو بتتنفسى بصوت عالى ليه ..
روان : وهى مغيبه بشمك 😂😂😂
مروان : 😂😂😂 ليه ريحتى وحشه وإلا فى حاجه
روان : هاااه
مروان : هاااه ايه بتشمينى ليه
روان : بتحول بعنيها انا بشمك ليه شمامه حضرتك
مروان : قرب من شافيفها .. أحلى شمامه وبيبوسها .. قوليلى فى ايه ..
روان : فى انى بحبك .. أنت جوز والا لوز والا عنب اليمن 😂😂😂😂
مروان : بيضحك انا بلاح الشام يا مجنونه .... انتى طالبه معاكى شم وأكل
روان : بصاله بهيام وبتهز راسها براحه .. ايون طالبه معايا أكل جعانه ونفسى أكل خروف
مروان : خروف بحاله
روان : اه بحاله .. ومشوى وبتحرك شافيفها بطريقه الأكل ويا سلام لو جمبه طحينه وسلطه وبابا غنوجووو
مروان : بيضحك بصوته كله .. ولفها وبقت هى تحت وهو فوق وقرب من شافيفها يلتهمها .. جننته بكلامها وأفعالها ووحشته .. وبعد شويه وبهمس وبيبوس فى خدها .. حبيبى المفجوع ..
روان : بهمس وتوهان معاه .. نعم
مروان : احنا ها نقوم والا مش ها ننزل انهارده
روان : انا مش عايزا انزل .. عايزا أفضل نايمه فى حضنه
مروان : والخروف
روان : ها أكله وانا فى حضنك .. ابعت هاتلى خروف
مروان : 😂😂😂 انتى بتتكلمى بجد .. رورو .. رورو .. انتى يابت ..
روان : اخخخخخخ ... تش ... اخخخخخ تش
مروان : اخخخخ تش دا بجد الا بيحصل دا روان وبيهز فيها جامد فعلا نامت وهى بتتكلم .. شالها زى ما هى ودخل بيها الحمام تحت الدش ...
روان : اعاااا .. وبتنهج جااامد
مروان : انتى مش بتمثلى انتى نايمه بجد
روان : وهى تحت الدش وبهدومها هى ومروان بتحضنه جااامد .. مروان انا محتجالك انا حاسه انى مش طبيعيه.
مروان : ضمها بكل قوته .. مالك يا قلبى فيكى ايه ..
روان : مفيش .. بس محتجالك
مروان : طيب تعالى نغير ياله وننزل نتغدى وبعدين نشوف فى ايه على رواقه ..
*******************
هدى : عامل ايه يا جدو
بهاء : الحمد لله فى نعمه يا اميرتى .. انت رايح فين خليك جمبى
طارق : ها اروح اذاكر وارجع تانى جمبك
بهاء : لاء هات حاجتك وتعالى ذاكر جمبى
شريف : طيب ما تاخدنى انا جمبك .. وسيبك من البلطجى دا بهاء : طارق راجل وجدع مش بلطجى ..
طارق : دا انا ها انام جمبك للصبح يا جد الجدود أنت ..
شريف : اه يا مرارى الطافح ... انت عامل لعمى عمل يالا
بهاء : 😂😂😂 عمل .. روح يا شريف انت وأميرتى غيرو وانزلو بسرعه انا جعان ومش عايز أكل من غيركم ومجوع الواد معايا ..
شريف : خد هدى وطلع يغير هدومه ... عمى متعلق بطارق قوووى ..
هدى : جدا .. تحس انه روحه .. ربنا ما يحرمنا منه وبتحضن شريف انا بحبه قوى يا شريف .. مش متخيله حياتى من غيره
شريف : انا معرفتش قيمته غير لما عشت معاااه حسيت بوجود ابويا فى حياتى .. فعلا وجود الناس الكبيره دى نعمه حتى لو كانت دماغهم صعبه .. عندهم خبره فى كل حاجه .. وحبهم بيبقى حقيقى مش مزيف
هدى : فعلا ... شرشر .. عايزين نسافر نغير جو
شريف : ما احنا ها نغير دلوقتى حالا .. وها ننزل تحت نغير جوا الاوضه .. انتى تأمرى
هدى : بتضربه على صدره .. انت بقيت نصاب
شريف : بيبرق .. انا يا هدى .. لسانك طول يا هدى
هدى : انا أسفه يا شرشر
شريف : ولا شرشر ولا مرمر .. خلاص
هدى : بتزعق ما قولتلك خلاص يا شرشر الله
شريف : بيوطى صوته . هو انا قولت حاجه والا فتحت بوئى
هدى : تعالى ورايا
شريف : بيشاور بأيده لقدام .. فى ديلك سعتك 😂😂😂 انتى تؤمرى
هدى : ضحكت على شريف ورد فعله .. وباسته وكملو ضحك سوا وغيرو ونزلو .. يتغدو
💙💙💙💙💙💙💙💙
للمتابعه اترك تعليق
تعليقات
إرسال تعليق