مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت السابع والثامن من الجزء الثاني 

خادمتي ولكن 

يوميات عائليه جدا

💙💙💙💙💙💙💙💙💙💙💙💙💙💙

مؤمن : نونه نبتدى من بكرا 

نور : لا .. وألف لا .. انت دايما بتقولى الراجل بيتربط من ايه 

مؤمن : بنرفزه .. من الزفت لسانه  انا لازم ادبس نفسى انا 

نور : لمت الغدا .. معااااك ربنا يا قلبى ثوانى والسفره ها تفضى وافردلك عليها كل ما تشتهى نفسك 

مؤمن : جاب  حزام الروب بتاعها ورابط بيه دماغه .. وقاعد حاطت ايده على خده .. 

نور : بتضحك بصوت عالى هى والاولاد .. ايه الا انت عامله دا 

مؤمن مكشر وشه  بيرفع ايد واحده لفوق وضامم صوابعه : عشان راسى ما تضربش يا نونه .. 

نور : فكره بردو .. وحطت الكتب قدامه وقعدت هانى وهيدى ... أسمعو كلام بابا وركزو معاه .. 

الاولاد : حاضر يا ماما ..

هانى : دا قلمى مش قلمك .. هاتى بقى 

هيدى: والله بتاعى وبتشده  ... سيب وبطل رخامه 

هانى : اعاااا والله بتاعى وبصوت عالى يابابا خليها تدهولى .. مليش دعوه 

مؤمن : ورينى كدا يا هيدى ..

هيدى: اتفضل يا بابا .. دا قلمه 

مؤمن : هات شنتطك 

هانى : جاب الشنطه ومؤمن بيدور فيها ولقى القلم .. ورافعه عند وشه دا ايه .. هاااه 

هانى : دا قلمها هى 😂😂😂  وبيشاور على التانى ودا قلمى 

مؤمن : يا صبر ايوب .. هو مش دا قلم ودا قلم .. يعنى دا عليه سكر ودا عليه ملح 

هانى : انا برتاح مع دا 

مؤمن بصوت عالى ؛ واخده على حب ...ما دا زى دا ايه الفرق وبعصبيه مفيش مفيش يا حبيبى اتفضل .. اهووو  ... ورينى كدا خدتى ايه انهارده فى العربى 

هيدى  : انهارده المس بتاعت العربى غابت .. وخدنا الحصتين بتوعها العاب .. 

مؤمن : طيب خدتى ايه ماث 

هيدى  : بردو المستر كان غايب .. 

مؤمن : من الاخر كدا بما ان المدرسه كلها كانت غايبه عليكى ايه انهارده 

هيدى : طلعت اسكتش الرسم .. عليا رسم ولازم تساعدنى عشان صعب عليا 

مؤمن :  يارب .. اللطف والصبر من عندك ..  يعنى انا قاعد عشان نذاكر رسم دا أسمه كلام  هاتى نراجع اى حاجه طيب 

هيدى : يابابا نخلص الرسمه وبعدين نراجع .. دى عليها درجات ..

مؤمن : خلصى وانت بقى وراك ايه 

هانى : بابا هو ليه اصحابى بيبقى معاهم فلوس كتير قوى 

مؤمن : عادى كل واحد مامته وبابه .. بيوفرو ليه المصروف الا يقدرو عليه .. بس غلط حتى لو انا مقتدر ومعايا فلوس كتير انى ابالغ فى الفلوس الا بديها لأبنى او بنتى دا يخليهم يعملو حاجات غلط .. والمفروض احنا مش نبص لحد معاه او لا دى حاجه تخصه .. هات بقى واجباتك 

هانى : بابا هو ممكن اروح الحمام 

مؤمن : بيحط ايده الاتنين على وشه بنفاذ صبر .. وبعصبيه روح .. 

هانى : فى الحمام .. عمال يغنى ويخبط ويرزع 

مؤمن : بصوت عالى .. انت بتعمل حمام والا بتحضر عفاريت جوا ما تخلص يالا 

هانى :  خارج من الحمام وراح قعد جمب مؤمن  تانى 

مؤمن : خلاص مفيش حمام تانى  ولا عايز أشرب 

هانى : لا خلاص .. ياله نذاكر   ومره واحده  اه يابابا بطنى .. خلى ماما تعملى ينسون 

مؤمن : بصوته كله هانى احنا بنلعب ما تزهقنيش 

هانى : خلاص يابابا المغص راح وكل شويه حجه شكل لدرجة ان مؤمن وصل لأخر مراحل الغضب معاهم وجاب المقشه وطار وراهم الاتنين ونور عماله تتنطط بينهم وتحوش مؤمن بالعافيه 😂😂😂 

نور : خلاص يا حج هدى اعصابك مش كدا 

مؤمن : ايه الكائنات دى .. دى مش بنى ادمين .. وبيكلم هانى أستخبى أستخبى أهلك علموك كدا 

نور : 😂😂😂😂 ما انت أهله 

مؤمن : بيقولها ورا بعض لالالالا ... وقعد على الكرسى وبيربط راسه قوى .. أعمللى اتنين تلاته قهوه وتقلى البن ... حسبى الله 

نور : حضنته من ضهره جااامد وبتبوسه فى خده .. وبتضحك .. عشان تشوف المرار الطافح انا قربت اتبرى منهم وهما يتبرو منى فى ساعة المذاكره .. تقريبا كدا الجيران بتبقى قاعده معايا من صويتى ... 😂😂😂 بحسهم ها يطردونى من العماره 

مؤمن : لا يا نونه .. انتى يتعملك تمثال ياماما 

نور : قعدت فى الارض قدامه وفارده ايديها الاتنين وماسكه الشبشب فى ايد وفاتحه بوئها ومبرقه .. وبتقوله دا ها يبقى شكلى .. تمثال المذاكره والامومه .. وبتغنى 

انا أذاكراله .. لاء لاء 

ادينى برايه لاء لاء

ادينى استيكه لاء لاء 

طب الحمام .. طب ممكن انام 

طب ينفع كدا .. طب يرضيكو كدا .. 

صوتى منبوح إلا لاء لاء 

انا ممكن اروح لاء لاء

وبتلف ايديها على بعض كأنها بترقص وبتقول لاء لاء ... 

مؤمن : من منظرها المضحك وكلامها  .. ابتسم وبعدين ضحك بصوته كله لما أفتكر وهو بيجرى ورا عياله ... والاولاد جايه تضحك معاهم ..

نور : بعد ما خففت التوتر الا حصل شويه  دا الا انتو فالحين فيه .. عايزين أكل وفرجه على التلفزيون ولعب وضحك .. اقعدو هنا على ما أعمل لبابا القهوه .. وها اذاكر لكم معاه ... 

**********************

فتحى : بتعملى ايه يا منيره 

منيره :  بجهز شنطه هدوم لينا عشان ها نروح لروان نقعد معاها كام يوم .. مش كلمتك قالتلك 

فتحى : ايوا قالتلى .. بس دا لسا ها نسافر بكرا  ها ناخد حاجه لهم عشان شم النسيم 

منيره : لا يا فتحى انت عارف ان مروان بيزعل ..كل سنه بيعزمنا على المناسبات كلها ولا يمكن يخلى حد يجيب حاجه 

فتحى : عندك حق .. بس هى قالت لأختها 

منيره : ايوا يا حبيبى وانا كلمت محمد عشان ما يعترضش 

فتحى : محمد دماغه صعبه قوى 

منيره : ادام مريح بنتك مش مهم  اى حاجه كل واحد بيعيش بالطريقه الا بتريحه 

فتحى : ربنا يهدى سرهم ويحببهم فى بعض 

منيره : يارب 

***************

ريم : منه خلصتى يا حبيبتى كل الا وراكى 

منه : ايوا ياماما 

ريم : شاطره يا قلب ماما ... تعالى ساعدى ماما ممكن 

منه بفرحه : ايوا ها اعمل ايه أغسل الخضار 

ريم : ايوا ... وعايزين نخلص بسرعه عشان نحضر شنطتنا 

منه : انا مبسوطه قوى انى ها اروح عند خالتو روان والعب هناك 

ريم : واحنا كمان مبسوطين يا حبيبتى ياله بنوتى الشطوره ها تخلص الاول والا انا 

منه : بترفع ايديها بكل حماس  انا 

***************

مروان نزل ومعاه روان بعد ما فاقت وكمان روكا ومازن .. البنات دخلت تسخن الاكل الا محضراه ويطلعو على السفره ومازن ومروان  وقفو يتكلمو براحه قبل ما يخرجو لأحمد وكريم ... 

مروان : فى ايه كانو بيشربو سجاير تانى 

مازن : لا احنا تخطينا المرحله دى وداخلين على منحدر يودى فى داهيه .. اتفضل الفلاشه دى عليها بلاوى .. وقص له كل ماحدث بسرعه 

مروان : بفهم .. معقول .. عملوها فين احنا مشفرين اى شئ ممكن يوصل لهم .. 

مازن : ايه يا مروان .. أكيد عيل من الا ملمومين عليه هو الاعاملاها لانى متاكد انهم فعلا ماكنش عندهم اى فكره عن الحاجات دى .. ها تعمل معاهم ايه 

مروان : أكيد طارق مشترك معاهم .

مازن : أكيد طبعا .. ولازم شريف هو كمان يعرف 

مروان : حاليا مش ها يروحو المدرسه .. وكمان مرنا بنتك فتح عينك عليها وابعدها عنهم 

مازن : مش بتبالغ 

مروان : لا طبعا .. انت عارف مدى تأثير الارف دا عليهم ايه والا بيشوفو الحاجات دى من أمتى .. حافظ على بنتك حتى لو من ابنى او انا نفسى .. وما تقارنش الا عشته انت لان ماكنش ليك اخوات بنات  وكنت مقأضيها عك وقرف 

مازن : عندك حق  طيب والفلاشه وإظاهر كدا ربنا بيعاقبنى على كل الا عملته .. فى ابنى . ربنا يسامحنى 

مروان : ربنا بيسامح ومش ها ياخد ابنك بذنبك .. انت توبت عن كل دا وربنا ارحم بيك من نفسك .. ابنى بيمر بنفس الا بيمر بيه ابنك وابن شريف ودا ولاد فى سنهم كتير بيمرو بيه انا مش ها اقولك يعنى .. هات الفلاشه ها أمسح الا عليها وانت ارميها فى الاوضه تانى وكأنك ما شوفتهاش .. تعالى نطلع لهم مش عايزهم يطلعو اوضتهم انهارده السهره للصبح شتت فكرهم 

مازن : مش ها تكلم شريف 

مروان : ها اكلمه طبعا فى حاجه كدا لازم نعملها مع بعض احنا اهملنا فى تربية العيال دى ومشغولين عنهم وابتدت بالسجاير وانتهت بإيه والله أعلم فى ايه تانى ..  

مازن :  خلاص ماشى ياله نطلع .. وطلعو قعدو مع أحمد وكريم واتعاملو بطبيعتهم جدا .. وقعدو بيتغدو .. 

أحمد : ماما .. مالك 

روان : بنوم هااه مفيش وتحط الاكل فى بوئها وعينيها تغمض زى الاطفال .. 

مروان : مسكها روان .. حبيبى فوقى شويه انتى ما نمتيش والا ايه .. 

روان : بتبصله وتضحك وعينيها مفتوحه نص فاتحه وتغمض عنيها تانى 

مازن : رورو  راسك ها تنزل فى الطبق الا قدامك .. فوقى شويه 

روكا : راحه عندها وبتقومها ومروان كمان 

مروان : سبيها يا روكا .. وشالها بين ايديه وطلع بيها على فوق من غير ما يكمل أكله .. نيمها على السرير وفضل جمبها بيبص عليها بقلق وخوف افعالها غريبه بقالها اسبوع وموضوع النوم زاد جدا ...  وبيفكر فى أحمد وكريم وطارق الا زعلان جدا ماكنش حابب انهم يمشو فى الطريق دا من صغرهم بدون وعى ولا فهم والا ها يجرهم لغلط كبير الله اعلم ها يعرفو يتجاوزوه والا لاء ... طلع تليفونه وكلم شريف وفهمه الوضع كله  

*************

ماندو : ها اروح انا مع هيثم 

مازن : لاء انت ها تبات هنا انهارده هيثم ها يروح عشان مراته وعياله عاملين ايه معاك يا هيثم 

هيثم : الحمد لله فى نعمه يا مازن بيه 

مازن : مبسوط فى الجواز 

هيثم : بيضحك .. انا من كتر الانبساط قربت أكلم نفسى 

مازن : بيكلم ماندو .. خلعتى انتى يا ضينايااا يا أروبه عايش حياتك ولا همك 

ماندو : بيضحك جامد وفاتح بوئه قوى .. 

مازن : بيوطى ويبص فى بوئه انت شيلت  اللوز يالا .. دا مش زور دا نفق صلاح سالم جوا .. 

هيثم : بيضحك جاامد .. انت ما بتشوفش الرغيف بالنسبه له لقمه 

ماندو : انا بشتغل وأكل من عرق جبينى 

مازن بصوت عالى :  كداب .. انت بتاكل فى لحمى  انا قربت أفلس بسببك

ماندو : هو الاكل يحلى الا بيك .. دا اللقمه ما تتبلعش 

مازن : انت ها تقولى .. انا بدء يطلعلى كرش بسببك ياخى الطفاصه معاك ليها طعم تانى بردو سيبك انت 

هيثم : أستاذ فى الاكل .. تحس انه مولود جوا مطعم 

مازن :  هات يا هيثم عشان متتاخرش .. محتاج أى حاجه 

هيثم : لا يا مازن بيه .. ياله مع السلامه .. وادى لمازن مفاتيح ماندو الا معاه بتاعت عربية مازن ومشى .. ومروان نزل لهم ..  وقعد معاهم 

أحمد : صاحبى ممكن نطلع فوق 

مروان : لاء انت وحشتنى وعايز أقعد معاك 

أحمد : وحشتك منا كل يوم قدامك 

مروان : قدامى بس مش بنتكلم ولا بنقعد مع بعض 

كريم : نقعد بكرا .. 

مازن : ما انت ها تقعد لبكرا 😂😂😂

كريم : ليه مش ها انام 

مازن : ها تنام وانت واقف زى الحصنه .. 

ماندو : 😂😂😂 

مازن : عجبتك يا ماندو 

ماندو : بيضحك اه 

مازن : خلاص ها تنام جمبه 

ماندو : وشه كرمش وبعصبيه انا مالى انا 

مازن : ولد هشش ما اسمعش لا صوتك ولا صوته 

مروان : انتو يا بهوات مش ها تعملو اى نشاط رياضى 

أحمد : ما احنا بنروح النادى وبنلعب كوره 

مروان : الكوره كلنا بنلعبها .. اشتركو فى السباحه ها تحققو فيها نجاح كبير  

مازن : اه يمكن تتهدو شويه

مروان : ايه رايكم .. 

كريم : ماشى يا عمو موافقين 

أحمد : بس مش ها نسيب الكوره 

مروان : لا مفيش مشكله كمل فى الكوره وضم السباحه لأولوياتك ... 

روكا : طالعه وجايبه ليهم فاكهه .. وراحه تحطها على الترابيزه من ناحية كريم وخبطته فى دماغه بالطبق .. 

كريم : اه ياماما حاسبى 

روكا : حطت الطبق ومسكت راس كريم بايديها معلش يا حبيبى .. بتوجعك .. 

كريم : ايوا 

روكا : وهى ماسكه دماغه قربت عليه وادته براسها 😂😂😂😂 .. ونزلت فيه ضرب ..

مازن : كل ما يحاول يحوش روكا تزقه وتديلو بالكوع فى صدره  😂😂😂😂 

مروان : قاعد بيضحك ويلف وشه .. 

أحمد : خلاص يا طنط سبيه 

روكا : تضربه مع كريم .. وبدئت تجرى وراهم الاتنين .. 

مازن : قعد يخربيتك يا روكا .. امتى تتهدى وتعقلى .. 

مروان : بيضحك على منظر أحمد وكريم وروكا بتضربه وتجرى وراهم وطقطوقه بتهوهو جامد وواقفه على رجليها الا ورا وبتضرب على وشها بايدها الا قدام .. قوم يابنى أمسك مراتك 

مازن : الكلبه لطمت من عميلاها انا أعمل ايه 😂😂😂دى عايزا قورداتى زى ابنها عشان يعرف يحصلها 

ماندو : بتشد كرمله من شعره .. وبيضرب على دماغه قوم الحقها كرمله ها يزعل 😂😂😂

مازن : بخوف مصطنع  يادى النيله عليك وعلى كرمله وعلى روكا .. حاضر يا ماندو .. ها اقوم اهوو .. وقام طار وراكا  مسكها جااامد بين ايديه .. فى ايه ياروكا طايحه فى العيال البريئه دى ليه 

روكا بشر  : دول عيال بريئه 

كريم : عملنا ايه احنا بتعضينى فى وشى ياماما .. مش ها أعرف اخرج من البيت كدا

أحمد : كتفى يا طنط وجعنى 

روكا : دا انا ها أقطعكوو  أصبرو عليااا .. 

مازن : بيضحك وبيقرب منها وبهمس جمب ودنها .. يخربيتك اتهدى مش عايزينهم يعرفو حاجه 

روكا : مبرقه وبتجز على سنانها .. وبصوت واطى لمازن مش قادره لما بشوفهم بيهيجوو أعصابى .. 

كريم : عملنا ايه أحنا 

مازن : ماما مدايقه شويه .. مش نستحملها 

كريم وأحمد مشيو من قدامهم وهما متغاظين من العلقه التمام الا خدوها .. 

وروكا بتبص لمازن الا بيضحك بصوته كله .. مفترسه 

روكا : ضحكت ..انا عارفه انهم صغيرين وأكيد حد بيضحك عليهم .. بس اتغاظت منهم .. كنت فاكراهم أعقل من كدا 

مازن : حط ايده على كتفها ... ربنا يهديهم  وكملو قعدتهم وسهرتهم مع بعض ... بس شريف ماعرفش يسيب عمه .. وفضل انه يفضل جمبه .. ومروان طلع فضل جمب روان الا نايمه تماما .. ومش عايزا تقوم ... والاولاد كلها فضلت مع ماندو وروكا ومازن .. لحد ما النوم اتمكن منهم وسمح لهم مازن يطلعو ينامو .. وقبل ما يطلعو راح جاب الفلاشه من مروان بعد ما مسحها ومازن داس عليها جااامد بحيس انهم ما يعرفوش يشغلوها اصلا وما يعرفوش انها اتمسحت وحطها مكانها كأن حد داس عليها بوظها وخلاص ... 

💙💙💙💙💙💙💙 

خادمتى ولكن ! 8 

💙💙💙💙💙💙💙💙💙💙💙💙 

أحمد : انا عايز أعرف ايه الا عمل فى الفلاشه كدا 

كريم : أكيد بابا لما جه قعد ... داس عليها 

أحمد : ياااه الواحد كان ها يروح فى داهيه .. دا لو شافونا ممكن يشربو من دمنا 

كريم : بيحط ايده على خده .. انت بتقول فيها .. دا كفايه أمى لوحدها .. حلوه حلوه ولما بتقلب ما بتشوفش قدامها 

أحمد : انا دراعى واقف من ضربها والعض الا عضته ليا ياريتنى ما حوشت عنك .. 

كريم : 😂😂😂😂 يابختك برورو .. ملهاش فى العض 

أحمد : رورو .. بتدى بالرجل .. تجيب من الشعر بالنسبه لامك نعمه كبيره 😂😂😂 دا كان ناقص تجيب ناس تعض معاها .. بس بحبها والله هى وعمى الرايق .. تحس انه معانا على الخط 

كريم : مزاميزو دا كل حياتى .. وماندو هو حياااتى 

أحمد : وميرنا راحت فين هى و روكا 

كريم : دول يابنى السكر الا بيحلى حياتى .. تعرف انى ندمت اننا مشينا ورا الواد دا تانى وخدنا منه الفلاشه 

أحمد : انا كمان الحمد لله ملحقناش نتفرج عليها 

كريم : خوفت  قوى وحسيت ان كل دا غلط وربنا ها يعاقبنا عليه 

أحمد : ايوا صح .. الحمد لله انها جت على قد كدا وكمان ماعرفوش ماكناش ها نعرف نرفع عنينا ولا راسنا  قدامهم .. 

*****************

مازن : خلصتى 

روكا : ايوا ها تيجى معايا 

مازن : انا ها أقف بعيد وانتى تشاورى على العامل الا كان بيساعد الراجل دا 

روكا : حاضر وطلعو  

مروان : طلع ولابس بجامته .. مازن 

مازن : انت مالبستش ليه 

مروان : مش ها اروح انهارده الشركه انا ها أفضل مع روان قلقان عليها وكمان مع أحمد وكريم .. 

مازن : بقلق مالها روان فيها حاجه والا ايه 

مروان : لا مفيش .. ما تقلقش بس شكلها مرهق 

روكا : فعلا باين عليها .. انا ها انزل أجهز الفطار لكم وأمشى انا ومازن 

مروان : لا روحو انتو .. انا ها اتصرف .. مرنا راحت مدرستها 

روكا : ايوا الباص عدى وخدها .. 

مروان : تمام ياله انتو بقى وافطرو برا عشان ما تتأخروش.  ومشيوو  ومروان دخل لروان 

روان : طالعه من الحمام .. ايه مش ها نروح الشغل .. 

مروان : قرب عليها وخدها فى حضنه لاء اجازه انهارده .. 

روان : بتبصله ومبتسمه .. ليه يا مروانى اجازه 

مروان : شالها بين ايديه .. عشان استفرد بيكى 

روان :  دا انا بعلوو صوتى واقول الحقونى بيستفسر بيا 

مروان : بيضحك .. وضامم صوبعين على بعض ورافع ايده قدام  وشها هو استفسار بسيط .. 

روان : ايه يا مروانى 

مروان : ليه بتشقلبى الكلام .. ليه 

روان : هو الا بيتشقلب شقلوب لوحده .. تيجى تتشقلب معانا 

مروان : 😂😂😂😂 بيضربها على راسها بخفه يا شيخه اتكلمى جد مره .. 

روان : مش أنا  دا هووو  

مروان : هووو مين .. مين هووو  ها تجننينى .. قدامى على تحت عشان البهوات تفطر 

روان : بهزار  بتخبط على صدرها مش ها تستفسر بيا 

مروان :  😂😂😂 مش لما نفطر ونعمل طاقه 

روان : بتمد شفايفها قدام .. طيب .  هما بهوات مين بقى الا موجودين .. وبدلع الله مش كنت توزعهم يا مروانى 

مروان : 😂😂 ها نوزعهم ما تقلقيش .. مفيش غير أحمد وكريم 

روان : ليه ماراحوش المدرسه 

مروان : لاء .. واحشنى وعايزهم يقعدو معايا انهارده .. 

روان : ما بكرا الجمعه يا مروان وبعده السبت وها يكونو قاعدين 

مروان : عديها انهارده كمان .  

روان : جابت شنطه صغيره  ومسكتها 

مروان : ايه دى 

روان : بفرحه دا طقم لطقطوقه بص يا مروان  وبتطلع الطقم بين ايديها بفرحه كبيره 

مروان : ضحك بصوته كله ايه دا .. انتى ها تلبسى الكلبه الحاجات دى 

روان : ايوا .. عشان اتعلمت تقف على رجلين وتمشى عليهم وبتسمع كلامى الجميله 

مروان : ياله يا مجنونه قدامى  ... ونزلو مع بعض .. وكريم وأحمد نزلو معاااه .. 

*********************

هدى : وصلت هى وشريف الشركه .. وقامو بشغل الشركه مع نور ومؤمن .. على ما مازن يوصل بعد ما مروان بلغهم انه مش جاااى الشغل هو وروان ... 

************

مازن : هو دا يا روكا .. 

روكا : ايوا هو .. انت ها تعمل ايه يا مازن .. اوعى تعرض نفسك للخطر عشانى 

مازن : يعنى لو مش ها اعرض نفسى للخطر عشانك ها اعرضه عشان مين ... وبيهزر ياله اهووو تبقى انتى فى سجن النسا وانا فى سجن الرجاال .. ونعيد حب فى الزنزانه 

روكا : 😂😂😂 انا مش ها اشاور لك بالمنديل 

مازن : انتى ها تحدفى طوووب .. وها تنشرى مرض الصرع فى السجن .. وبيزقها روحى يا روكا الله يسهلك 

روكا : بتزق ايده ماتزقش 

مازن : بيزقها تااانى .. ياله ياماما من هنا 

روكا : بتخبطه فى صدره قولتلك ما تزقش 

ماندو : بيشد فى شعره ... ما تخلصونا بقى  جننتو أمى انتو كل شويه بحااال 

روكا : خلاص يا ماندو ما تتعصبش .. وقربت على مازن .. باااى يا حبيبى وبتضحك .. 

مازن : سند على العربيه.... وبيضحك وبيشاور لها باااى يا قلبى .. هبله بس بحبها .. 

ماندو : زق مازن وبصوته التخين .. يارب صبرنى .. 

مازن : اتنفض من مكانه .. ايه ياماندو اهدى يا راجل مش كدا ... 

ماندو : تعبتنى انت وهى والضحيه كرمله 

مازن : والله انا الا ضحيتكو كلكو .. كرمله دا مافيا لوحده انا مش عارف بتحبه حب أعمى ليه كدا .. انا ليا غير مرونا حبيبتى .. بنتى ضينايا .. 

ماندو : انت جاااى تفتكر عيالك هنا ها نعمل ايه 

مازن : اه صح وبيضرب ماندو ياخى رغى رغى  أفصل شويه نستنى .. روح هااات الواد دا وانا ها استناك بالعربيه هناااك فى الحته المقطوعه دى .. 

ماندو : مشى راح يجيب العامل .. ومازن راح المكان وفى ظرف 5 دقايق كان ماندو وصل عند العربيه بالعامل .. وبيقوله اركب كلم الباشا ... وركب وماندو ركب جمبه ومازن طلع بالعربيه بسرعه ... 

**********************

روان : قاعده فى الجنينه قدام طقطوقه بعد ما مروان صمم  هو وأحمد وكريم يعملو الفطار ... البسى يا طقطوتى الجميله .. اتألقى ياهبله وخليكى نجمه فى سماء الكلاب 😂😂😂😂 

طقطوقه : بتصدر أصوات مش مفهومه وبتحرك ديلها جااامد  تعبير عن فرحتها ... 

شقشق : كل شويه يشد طقطوقه من الهدوم الا روان ملبسها لها .. 

روان : بس يا ولد .. سيب البنت .. انت غيران يا شقشق  منها ها اجبلك طقم بس لما تسمع الكلام زى طقطوقه .. بس أنت لو وقفت على رجلين اتنين ..  ها تعملى كارثه  ليه طالع لأبوك دهلووز .. ليه مطلعتش لأمك مدهلزه هانم الا كانت دايما تتمختارى على السلالم .. وبتزعق فيه ابوك وامك كانو وراثين الفيلا 😂😂😂

شقشق : بيلعب وبينط عليها ويبعد ويرجع ينط عليها .. وماسكه منديل قماش صغير الوان .. كل ما تيجى تلبسه لطقطوقه .. شقشق يخطفه ويجرى .. وروان تجرى وراه تشده من ودنه وتركب عليه  😂😂😂 وتاخد المنديل وترجع .. لبسته لطقطوقه على راسها .. وحطت فى رجلها الا قدام سله .. وقالت لها تعالى ورايا  .. وطقطوقه ماشيه ورا روان زى البنى ادمين وفى ايديها السله ... وداخله الفيلا ... 

أحمد : اول ما شاف الكلبه فضل يضحك جامد  ايه دا .. دى بقت انتيكه  وبيكلم الكلبه هى أمى بتعمل فيكى كدا ليه 

كريم : بيضحك جااامد .. لا يا طنط انتى حولتيها كدا ليه دا ناقص تقعد وتحط رجل على رجل .. المفروض كنتى جبتلها بروكه .. 

أحمد : بروكه وشنطه وجزمه مقاس عرسى 

روان : واقفه تضحك .. لقت مروان فى وشها خارج من المطبخ .. 

مروان : اول ما عينه وقعت على طقطوقه .. بقى يضحك بهستريه .. وهما يضحكو على ضحكه .. والكلبه عماله تلف حواليهم ... 

أحمد : هااات يا كريم ناخد سلفى مع طرقوعه هااانم .. 

كريم : جاب التليفون وبيتصورو معاها .. 

مروان : طب ايه الا شيلاه دا 

روان : منا قررت تعتمد على نفسها .. هى تجيب السله بتاعتها وتيجى تاخد فيها الاكل بتاعها ..وقعدت قدامها .. صح يا طقطقوتى الجميله كل ما تجوعى تدخلى تاخدى أكلك  والكلبه متجاوبه معاها جدا .. ودخلت جابت الاكل وحطته فى السله .. وقالت لها ياله على مكانك .. وطقطوقه مشيت على برا .. زى روان طلبت .. 

مروان بيضحك وبيسقف لها هو وكريم وأحمد 

روان ؛ حطت رجل عكس رجل .. وبتقول لهم ميرسى .. ميرسى ..

***************

مازن وماندو دخلو مخزن من بتاعهم .. والعامل معاهم .  

مازن : بيبص للولد .. من الاخر كدا .. الا عملته فى المهندسه ايات انت والزفت المشرف عذب   مش ها يعدى بالساهل . ولو ما نطقتش انسى انك تلمح النور فى حياتك 

الولد : بخوف .. مش انا والله انا مليش دعوه 

مازن : مين الا نقل ونفذ مش انت 

الولد : مش انا لوحدى .. انت عايز ايه سعتك وبيبص لماندو برعب 

مازن : ها تقولى مكان كل الا سرقتوه من موقع الشغل وها تعترف على زفت الطين بكل البلاوى الا بيعملها .. وازاى كان عايز يأزى المهندسه ايات 

الولد : انا غلبان يا باشا ... ها اروح فى الرجلين معاهم  مين الا ها يصرف على اهلى 

ماندو : وانت ما بتفكرش فى اهلك ليه قبل ما تعمل الغلط  

الولد : ها نعيش بالفتافيت ازاى .. انتو مش حاسين عشان مش محتاجين 

مازن : لو كل واحد مش عاجبه الا فى ايده  ومد ايده على تعب وشقى غيره .. يبقى كلنا ها نتحول لحراميه وفلوسنا حرام .. وانا وغيرى .. ما وصلناش من الهوا .. تعبنا وشقينا وابويا كان فى يوم من الايام زيك بس عمره ما سرق كان بيرضى بالقليل وربنا كرمه والحلال الا مش عجبك كل يوم بيكبر لحد ما عمل أكبر مصنع اجهزه فى الشرق الاوسط .. 

الولد : بيعيط .. مش الناس كلها حظها زى ابوك 

مازن : بنفاذ صبر فعلا .. ودخل الشرطه .. خدت الولد 

ماندو : انت ها تحبسه .. انا فى يوم من الايام كنت زيه  .. سيبك من الغلابه دول هات الا فوقيهم 

مازن : بيخبط على صدر ماندو .. ها يخرج .. بس نقرص ودنه لانه مقتنع انه صح  مش ها أسيبه ما تقلقش 

ماندو : حبيبى يا باشا 

مازن : يأخى هيئتك ما تقولش ان قلبك صغنون و بيرفرف جوا 

ماندو : يرفرف جوا .. يرفرف برا المهم انى معاك ومع كرمله 

مازن : بدئت أشك واتوغوش 

ماندو : فى ايه 

مازن : فيك يا ضنايا .. معملوك عمل على رجله نمله  عاميه .. بحب كرمله .. 

ماندو : انا بحس لو مأخدذه يا باشا انه ابنى الا مخلفتوش ... وانت الاخ والسند 

مازن بغمز بعينه وبيضحك :  واخد بالى انك واخد العيله مقاوله  ياله يا ماندو .. عشان نروح ناخد روكا ونروح 

ماندو : بدرى كدا 

مازن : ايوا .. لحد ما نشوف الشرطه ها تعمل ايه وبيعلى صوته عشان اطمن على كرملتك وبلاوى كرملتك 

💗💗💙💙💚💚💚 

للمتابعه اترك تعليق

البارت التاسع + البارت العاشر 

خادمتي ولكن 

💗💗💗💗💙💙💙💙💚💚💚💚💚💚💚

مازن : رجع لروكا طمنها وخدها معاه .. وراجعين الفيلا .. 

سوزنا : بتشاور لمازن وهو راكب عربيته  هاااى 

ماندو وقف بالعربيه .. ومازن وروكا نزلو يسلمو عليها 

سوزنا : تعالى يا زومى أعرفك على الا كان خالد عندهم ... 

خالد : اول ما شافهم بيضحك وبيسقف 

مازن : بيمد ايده يسلم أهلا سوزنا 

سوزنا : أهلا بيك أعرفك حازم جوزى 

حازم : تشرفنا يا اا 

مازن : مازن 

حازم : أهلا يا مازن 

سوزنا : بتضحك وبدلع بتحط ايديها على كتف حازم وبتلعب فى خده شوفت يازومى .. ناس لطيفه اد ايه  . وبدلع اكتر ... مازن على وزن حازم ماروحناش بعيد يا قلبى  

روكا : هى مالها دى يا أستاذ زومبا 😂😂😂😂 

حازم : هى سوزنا رقيقه جدا 

روكا : طب حاسب لتتكسر منك مش هاتلاقى قطع غيار فى السوق المصرى  😂😂😂 

مازن : احممم .. روكا ما تقصدوش بتهزر 

سوزنا : بدلع أسمك  روكا  

روكا : بتريقه  اه حبتيه  

سوزنا : بتمد شافيفها قووى موووش بطال 

مازن : متنح لها .. وساكت وخايف من روكا 

روكا : بتبص لخالد الصغير .. ما تلم أمك أصل زومى وبتمد شافيفها .. موووش مسيطر .. وشدت مازن وركبت العربيه .. 

مازن : انتى موووش طبيعيه ..😂😂

روكا : بعصبيه انا .. والا إلا كل حته فيها مش راكبه على التانيه .. قاااال موووش بطال .. بقيت بتحب بوز الكلبه دلوقت يا سى مازن 

مازن : بيضحك وبيقلد سوزنا موووش انا .. دا زومى يا بخته هو وأبنه .. 

روكا : والله .. طيب ماشى 

مازن : بيدايق روكا أكتر بيحب يشوف غيرتها .. موووش عايز تهور احنا فى العربيه يا بنت حينان

روكا :  بتمد شافيها أكتر وبتهز راسها موووش عايزا أسمع صوتك  

مازن : ماندو معلش ارجع بالعربيه تانى فى حاجه مهمه لازم أجيبها .. ها تنزلى 

روكا : لا مش ها انزل رجلى على رجلك وبتخبط رجله جااامد برجلها .. 

مازن : بوجع وماسك رجله ليه الأفترى ليه عملتك حاجه دى حقد غريب عندك يا روكا 

ماندو : أنتو كرهتونى فى الجواز انا ما اتجوزتش بسببكم .. نفسى أشوفكم حلوين مع بعض ساعه واحده وبيلف بعصبيه ويرجع تااانى .. 

مازن ضحك جااامد : العانس ها يجبها فيها جبتلك انا كام عروسه وانت الا ما وافقتش 

ماندو : جايبلى عروسه اسمها حسنات 

مازن : مالها حسنات كانت وحشه 

ماندو : مش عايز لا وحشه ولا حلوه انا بروح لهيثم كرهنى فى ام الجواز اشوفك تعبت نفسيا 

روكا بعصبيه : ما هو الا مستفز 

مازن : اسكتى احسلك يا روكا والا 

ماندو بجنون وهو سايق : كفايه ... كفايه الله يخربيت الجواز على الا على يتجوز 

مازن بيبص لروكا : ماله دا 

روكا : انا عارفه سيبك منه 

😂😂😂😂

********************

مروان : خلصنا تهريج وضحك .. ياله اتفضلو اقعدو راجعو الا وراكو عايز مذاكره .. 

أحمد : احنا زهقنا من كتر المذاكره يا صاحبى 

مروان : انت ها تقولى انتو بتذاكرو ليل ونهار لحد عنيكو  دخلت جوووا 

روان : بتبص فى عنيهم .. دخلت فين يا مروان  ماهى زى ما هى اهه حتى بص 

مروان : بهزار .. بيبص مع روان داخله اهه يا رورو 

روان : لا ركز يا حبيبى .. زى ما هما .. 

أحمد بيبص لكريم انت فاهم حاجه 

كريم : احنا لو قعدنا فى الفيلا دى أكتر من كدا ها نخرج بشهادات معاملة الاطفال .. 

مروان : بيخبط على كتفهم الاتنين .. طيب يا أستاذ مجنون أنت هو .. ما تسئوش فيها واسمعووو الكلام ياله على المذاكره وها تلاقونى فوق دماغكم فى أى وقت وكل شويه 

أحمد ياله يا بنى مفيش مفر وطلع هو وكريم يذاكرو 

مروان : شال روان تعالى انتى بقى نفهم مالك وأستفسر بيكى شويه 

روان : بتبص بعنيها يمين وشمال بسرعه .. اتكسف يا مروانى 

مروان : تتكسفى بعد 16 سنه جواز  تعالى يا شيخه .. وطلعو أوضتهم .. مروان بينزلها على الارض بشويش وقفل الباب برجله وسند على الحيطه .. شال ايديها باسها بهيام .. مالك يارورو وما تخبيش عليا حاجه 

روان : اتشعلقت فى راقبته .. وبتبص فى عيونه أنا أقدر أخبى على نصى التانى وروحى حاجه 

مروان : حضنها جااامد ... وحشتينى يا رورو .. حاسس انى بقالى سنين بعيد عن حضنك .. انا عارف انى كنت مشغول عنكم بسبب الشغل 

روان : اتعدلت وحطت صوبعها على شافيفه .. ما تكملش .. انت بتعمل دا كله عشانا كلنا .. انا كمان أهملتك .. لما سيبتك تشيل كل حاجه لوحدك 

مروان : بيقرب من شافيفها وبهمس انتى عمرك ما سبتينى .. ومحمله نفسك فوق طاقتك .. وبيبوسها .. فى لحظه حب وعتاب بيزود محبتهم لبعض .. اد ايه مفتقدها ومفتقد الشوق واللهفه الا بقت شئ شبه عااادى وروتينى .. وحبووو يخطفوو اللحظه الحلوه الا بتعيد لهم كل الذكريات القديمه .. والجميله  ❤❤ 

************************

حنان : أعملو ايه يا عبد الله مش موافق يجى معانا وانت عارف لو ما روحناش مازن وروكا ها يزعلووو 

عبد الله . احنا ها نقعد انهارده والسبت والحد والاتنين وها نرجع التلات ها تسيبى ابنك يقعد لوحده دا كله 

حنان : انت عارف ابنك ومخه .. ما بيحبش يروح عند أى حد  حتى لو روكا  ... العربيه مازن ها يبعتها كمان ساعه سبنى أجهز حاجتنا .  

عبدالله : انتى حره وسابها وطلع برا الاوضه 

*****************

ريم : داخله هى ومحمد عند مامتها سلمو على بعض وقعدو .. فى حاجه ياماما أجهزها معاكى 

منيره : لا يا حبيبتى ... جهزت كل حاجه .. 

محمد : مروان ما بينساش ابدا يجمعنا فى كل مناسبه 

منيره : ايوا يا حبيبى دايما يقول كلكو عيلتى الا انا اتحرمت منها انا واخويا 

فتحى : ولد جدع ربنا يزيده .. ربنا كرمنى بوالدين .. وبنتين والاتنين أجدع من بعض 

محمد بفرحه : تسلم يا عمى ربنا ما بحرمنا منك 

( الكلمه الطيبه صدقه )

******************

فاطمه داخله هى ومحمود الفيلا : بابا يا حبيبى وحشتنى وحاضنه جااامد وبتبوس فيه 

بهاء : وانتى أكتر يا أميرتى أخيرا .. 

محمود : ازيك يا عمى وسلم عليه 

بهاء : انت واد اونطجى ..  ضحكت عليا وعلى طول مخلى اميرتى بعيده عنى 

محمود : خلاص ها نقعد معاك اسبوع بس أستحملنا بقى 

طارق : بجد يا جدو وجرى عليه حضنه 

محمود : بيبادله الحضن بحراه وحشتنى يا طارق .. عامل ايه يا حبيبى 

طارق : انا زى الفل الحمد لله واترمى فى حضن  فاطمه ااالا بيفتقدها جدا وبتوحشه كل ما تبعد وهى كمان 

فاطمه : حبيبى الشقى عامل ايه 

طارق : احنا بفضل الله جااامدين قوووى 

فاطمه : انا عارفه .. انك جاامد قوى ربنا يحفظك .. وقعدو مع بعض يستنو شريف وهدى على ما يرجعو من الشغل

وبعد وقت هدى وشريف داخلين مع بعض .. 

هدى : جريت على فاطمه وحشتينى يا حبيبتى 

فاطمه : وانتى أكتر يا حبيبتى 

محمود : اه لحد فطوم بتنسينى 

هدى : انا أقدر يا بابا  ..وشريف سلم عليهم  وقعدو يقضو وقتهم مع بعض وأول ما عز ومنى عرفو راحو يقضو معاهم اليوم .. 

**********************

نور : انا ها ادخل أجهز الغدا .. على ما تذاكر للبهوات 

مؤمن : بيشاور عليهم ايه الا يمنع البهوات تذاكر لوحدها قوليلى 

هانى : هو ايه كله ورا بعضه ورا بعضه 

هيدى : مش عارفه انا احنا زهقنا عايزين اجازه انتو مش حاسين بينا 

مؤمن : مش حاسين بيكو ليه بتفحتو فى الارض 

هانى : بعصبيه .. نقوم الصبح بالعافيه ونلبس ونجهز نفسنا ونجرى على المدرسه .. وبيمد ايده ندرس دروس اد كدا ونطلع نجرى ونتشقلط شلاقيط  ونقوم و ونتمرمط

مؤمن : متنح تتشقلط شلاقيط  ازاى 

هانى : بيقع على الارض نتشقلط كدا ونتعب فى الجرى ولعب الكوره .. ونرجع البيت ندرس ونروح دروس ايه حسووو بينا ... هو الاب والأم دول بيعملو ايه الست فى البيت ما بتعملش حاجه ايه يعنى بتعمل أكل وتروح انت وهى الشغل تمضو ورق .. هو دا تعبكم  نفسى أمضى ورق وأخلص بقى .. 

مؤمن : عامل بأيده حركه كأنه بيمضى ورق وضامم حواجبه على بعضها وبالأيد التانيه بيهرش فى دماغه .. انا كل الا بعمله بمضى ورق .. ازاى يا جدع .  😂😂😂

نور : جت من ورا هانى وادته بالرجل .. انا قاعده ست وابوك بيمضى ورق وبتشاور على بطنه وكرشك دا مين الا بيملاه اكل وبتخن فى صوتها .. ماما جعان .. ماما جعان  ...  احنا بنلعب يالا .. دا انتو مضيتو على جننا ..ومسكاه من ودنه أنت لمض ليه يالا .. ليه هاااه 

مؤمن : بيشد هااانى من ايد نور  وبيقرص على ايده قووى  توء براحه عليه يا نونه مش كدا يا ماما وبيشاور بأيده قدام وش هانى هو فاهم غلط نفهمه ... لازم نفهمه ... وبيبص له مين يالا الا بيمضى ورق 😂😂😂

هانى : هيدى  الا قالتلى انتو بتروحو الشغل تمضو ورق وترجعو وتشغلونا وبيزعق تانى .. تبقو قاعدين هات دا ودى دى أعمل كدا ايه احنا بشر 

مؤمن : بيضربه على راسه حد قالك انت بقر .. ما تتلم وتتكلم عدل 

هانى : انا خرجت عن شعورى دلوقت 

مؤمن : أسفين لسعتك أتفضل يا باشا .. ولا يهمك اجبلك شوية ورق تمضيه بدالى .. والا اعملك لمون يهدى اعصابك 

هانى : لا لما أكبر  ها اروح بدالك الشغل أمضى ورق وارجع البيت ازهق عيالى طلبات 

مؤمن : بيبص لهيدى ... الكلام دا حقيقى 

هيدى: ايوا يا بابا .. وبترفع ايديها وتنزلها أمتى نرتاح بقى ونكبر ونتجوز 

نور : متنحه من الحديث .. وواقفه مبتتحركش 

مؤمن : راح عند نور طيب انا ها أخد ماما افوقها من الصدمه الكبرى دى جوا وأجيلكم 😂😂😂 .. ودخلو الاوضه مع بعض وانفجرو فى الضحك ..

نور : العيال بتضيع يا وديع 

مؤمن : ها نعمل ايه دلوقت 

نور : العمل عمل ربنا العيال دى جابتلى الضغط .. بيفكرو فى كل حاجه .. وعايزين كل حاجه وفاكرنها سهله .. ياله نطلع لهم ... 

*********************

حكمت : عملت ايه يا حبيبى 

سامح : كله جاااهز يا حبيبتى .. ان شاء الله يوم الاتنين نكون فى القاهره 

نجلا : دا يوم شم النسيم 

سامح :  ايوا  دا أقرب حجز 

عادل : بيبص لولاده ... اهو الولاد تروح وتشوف بلدها والاحتفال باليوم دا  

سامح : يارب ياخدو على البلد ويحبوها 

حكمت : احنا ناس أصيله حتى لو بعيد عنها حبها بيجرى فى دمنا ما ينكرش حب بلده غير جاااحد يا ولادى والا معندش أنتماء و ماعندوش كرامه 

نجلا : لا دا أحنا ها نعجبك قوووى يا حوحو بس ها نقعد فين 

حكمت : مروان أشترى الشقه وماخدش المفتاح وقالى يوم ما تفكرى تنزلى انزلى فى شقتك معززه مكرمه 

سامح : الواحد مش عارف يرد له ايه والا ايه 

عادل : ربنا يباركله .. بجد انسان محترم 

حكمت : يارب 

💗💗💗💙💙💙💚💚💚 

خادمتى ولكن ! 10 

💗💗💗💗💙💙💙💙💚💚💚💚💚💚

مازن دخل المول هو وروكا وماندو ... 

روكا : انا ها اجيب حاجه على ما انت تخلص وتجيب إلا انت عايزه 

مازن : طيب خلى بالك على نفسك 

روكا : بتضحك ضحكه صفرا .. حاااضر وماشيه بينها وبين نفسها .. والله لأعرفك يا مازن يا ابو عين زايغه .. انا ها اتوبك مش ها أسيبك غير لما تربى دقنك وتبقى الشيخ مازن   ... وراحت تجيب طقم لها ... 

مازن : ماندو اهدى عليا 

ماندو : شوفلى مقاسى الاول 

مازن : مفيش هنا مقاس ديناصورات ولا تنانين .. 😂😂😂 

ماندو :  انا عايز سبحه كمان .. بس لحد هنا 

مازن : ايه ها اخليهم يعملو سبحه لحد ركبتك انا ناقص جنان ابعد عنى مش انت وروكا والدنيا عليا .. 

ماندو : خلاص ما تتعصبش 

مازن : يأخى تضرب الدم فى نفوخى وتقولى ما تتعصبش 

ماندو : ماسك مازن جااامد وبيبوس راسه .. ادى نفوخك اهووو .. خلاص بقى 

مازن :  😂😂😂 خلاص يالا فرجت علينا المول 

ماندو : ركز انا عايزها مبحبحه 

مازن : 😂😂 كمان مبحبحه .. وخلصو كلهم وراجعين الفيلا .. ماندو شايل الشنط الا روكا ها تتجن وتعرف فيها ايه ومازن مش راضى يعرفها .. وداخلين من الباب لقو طقطوقه لابسه اللبس الا روان جابته وماسكه السله وداخله قدامهم .. 

ماندو وروكا بيضحكووو جااامد .. 

مازن : بيضحك راحه فين يا يا طرقوعه هانم 

طقطوقه : بتبصله وبتهوهو ... 

مازن : ايه يا شفشق .. سايب الدبانه بتاعتك كدا يا راجل .. دى انحرفت 😂😂😂 

روكا : أكيد دى عاملة رورو .. 

مازن : هو فى غيرها .. بعد كدا ها نلاقى طرقوعه معانا على السفره بتاكل وتتكلم .. ودخلوو وطقطوقه قدامهم 

مروان : حمدالله على السلامه 

مازن : افهم انا بقى الفيلا اسيبها كام ساعه ارجع الاقى طرقوعه عامله فيها ست هانم 

مروان : 😂😂😂 رورو وما ادراك ما رورو .. انا خايف على شقشق ارجع من برا الاقيه شفشق بيه .. ولابس بدله وحاطت رجل على رجل وبيفكر يروح الشغل بدالنا 

روكا : طب ايه دا .. 

مروان : دى سله بتاخد فيها اكلها .. 

ماندو : 😂😂😂 وبتعرف تشيله 

مروان : دى قرده .. ومن ساعة ما شالت السله وهى داخله طلعه .. داخله طالعه .. 

مازن : تلاقيها افتكرت السله كنز على بابا ..ميرنا  رجعت من مدرستها 

مروان : ايوا .. اهى نازله اهه 

ميرنا : سلمت على مازن وروكا وماندو ..  وبفرحه بص يا بابى ..

مازن : ايه دا يا حبيبتى 

ميرنا : زميلى فى المدرسه جايبلى الورده دى وكاتبلى الجواب  دا  وحطهم فى شنتطى 

روكا : ورده وجواب فى خامسه ابتدائى 

مازن : وشه جاااب الوان .. يالهوووى .. جواب ونتشه ورينى 

ميرنا خافت : وراحت عند عمها مروان .  

مازن : بيقرا .. مرنا انا بحبك .. وقررت نتجوز ونهرب من هنا عشان بابا مش موافق نتجوز .. لازم تلمى هدومك ونهرب .  😂😂😂😂😂  تلمى هدومك يخربيتك .. امال لما تدخل الجامعه ها تعمل ايه سطووو مسلح علينا .. مين الواد دا 

ميرنا بخوف : دا زاهر يا بابا 

مازن : رافع ايده زاهر من يومه .. هاتى الورده دى ها ادفنها واجيلك ... 

ماندو : نتش الورده .. هاتها انا بحبهم  

مازن : شد ميرنا وقعد على الكنبه وروكا قعدت من الناحيه التانيه ... الواد اداكى ايه تانى 

روكا : بتكلميه والا لاء 

مازن : اوعى تكونى بتقعدى معاااه 

روان : نازله وشافتهم  .. وبتجرى على روكا ومازن .. وبتاخد ميرنا ايه يا عصابة على بابا .. ومالكم ومال ميرنا يخربيت جنانكم 

مروان : بيبص لروان مفيش يا رورو  بيهزرو مع ميرنا 

مازن : بيضحك اه بنهزر .. 

روان خدتها وقعدت معاها والبنت بتعيط .. وروكا راحت لها .. 

ميرنا : انا زهقت يا يارورو .. كل ما اقول لهم حاجه يزعقولى .. انا مش بخبى حاجه يا مامى بعد كدا مش ها اقول حاجه بيخوفونى 

روكا : اوعى ها تقدرى تخبى حاجه على مامى حبيبتك وكمان عارفه يا قلبى انك حبيبة ماما وبابا ولا يمكن ها تعملى كدا .. احنا بنهزر  بس ما ينفعش نقرا الكلام دا  ولا نتكلم مع ولاد وناخد منهم جوابات وورد 

روان : مرونا لا يمكن تعمل كدا ..  عشان احنا مؤدبين وبنحافظ على نفسنا صح 

ميرنا : ايوا ... بس هو الا حط الحاجات دى فى شنطتى .. وانا مش برضى اكلمه .. 

روكا : شطوره يا حبيبتى .. حافظى على نفسك عشان ربنا يحبك .. وتبقى غاليه فى عيون الكل 

ميرنا : بعفويه غاليه ازاى يا مامى انتو ها تبعونى 

روان : 😂😂 لا يا قلبى .. غاليه يعنى الا يشوفك يحبك ويعرف انك مؤدبه ويشوفك حاجه كبيره .  

مرنا : كل دا 

روان : ايوا طبعا واكتر احنا لازم نتكلم كلام كتيررر جدا ونفهم كل حاجه ماشى يا قمر 

ميرنا بابتسامه : حاضر يا رورو وضمتها وضمت مامتها انا بحبكم قوووى 

************************

عدى وقت كبير ... وماندو راح يجيب أهل روكا وهيثم  راح يجيب أهل روان .. ووصلو للفيلا بسلام .. وقعدو كلهم مع بعض وقت كبير وبعدين طلعووو يريحووو ... و خلص اليوم بسلام ..

******************

روكا : دخلت الحمام الا فى الاوضه وطولت جوووا ... ومازن نايم على السرير ومولع سجاره وبيشربها بمزاج .. وحاطت الطفايه جمبه ... ومره واحده اتعدل  .. العب يا جااامد انت 

روكا : بعد ما طلعت لابسه جيبه قصيره جدا .. وعامله شعرها كيرلى  ولابسه بدى شفاف جدا وعلى صدره شفايف ... 

مازن : بيغمز لها ..  ايه سوزنا بهتت عليك يا قمر وعامله فيها مزه كدا 

روكا : انا مزه غصب عنك 

مازن : بيضحك وغصب عن شفشق والدبانه بتاعته طرقوعه هااانم كمان .. تعالى يا قمر .. 

روكا : حطت ايديها على شعرها .. وقعدت على الكرسى وبتمد شافيفها قوووى .. نوووو .. انا عايزا أقعد هنا 

مازن : انتى ها تنونوى لسا يا روكا .. تعالى يا بت هنا 

روكا : تووووء موووووش جايه 

مازن : مديق عنينه .. قلبى مش مرتحلك يا بنت حينان .. بس ها اقوملك انا ..  وقام .. ويجرى ورا روكا وهى تجرى ... وتطلع فوق السرير وتنزل من الناحيه التانيه .. وتجرى لحد ما قطعت نفسه ... حط ايده على وصدره وبينهج جااامد .. ليه يا  روكا ليه تعملى كدا ليه تعالى ربنا يهديكى .. 

روكا : واقفه فى أخر الاوضه مش جايه يا ابو عين زايغه .. يا بتاع سوزنا ... 

مازن :  يابت أعقلى .. ما بتصدقى وبيقرب عليها ومسكها جاامد قبل ما تجرى .. تعالى دا انتى قطعتى نفسى .. قوليلى بذمتك .. سوزنا دى تيجى حاجه فى جمالك 

روكا : هى نفخ انا طبيعى وبتقولها بطريقه مضحكه  حتى شوف 

مازن : بيضحك ويغمز لها ما انا شايف  والطبيعى يكسب .. شالها بين ايديه ونيمها على السرير وهو ساند جبينه على جبينها .. وبيبوسها برقه .. حبيبتى المجنونه .. 

روكا : نعم 

مازن : خليكى واثقه فى نفسك وفيااا .. مش كل ما ابص لوحده تعملى قصه احنا كدا عنينا زايغه وربنا  .. صدقينى  انا بحبك انتى وغاليه عندى .. وعامله زى الجوهره الا ليا لوحدى .. ماحدش له حق فيكى غيرى الباقين لاء 

روكا : بهيام ايه 

مازن : مبتسم .. وعيونه بتلمع  لف ايده على رقبتها وحضنها بقوته .. واندمجوو  مع بعض فى دنيتهم الخاصه .. وبعد وقت مازن حاضن روكا ونايمه على صدره .. والنوم غلبهم وتقريبا كدا الكل نااام واشرقت شمسهم من جديد ..  يوم مختلف وجميل .. ها يقرب الكل فى جو عائلى جميل ولذيد 

*********************

الكل قام من نومه .. وشريف خد عمه ومحمود وفاطمه وهدى وطارق وراحو عند مروان الا مأكد عليه انهم ها يقضو اليوم سوا ويصلوو الجمعه مع بعض فى الجامع 

مازن : جاااب الشنط وبيدى كل واحد شنطه حتى هيثم والحرس الا برا .. وكله دخل يغيررر ويلبس الا مازن جايبه .. 

ماندو : لابس الجلبيه والطقيه وماسك السبحه .. ومبتسم قوووى وهيثم كمان 

هيثم : يا بنى أقفل بوئك شويه هو حد بيقولك نكته 

ماندو : مبسوط يا جدع .. بس الجلبيه بتاعتى زى بتاعت مازن بيه بيجبلى كل حاجه زيه 

هيثم : طيب ما هى نفس الجلبيه الا انا لابسها ..

ماندو : بيكشر وشه انا ومازن مفيش زينا 

هيثم : بأستسلام رافع ايده طبعا طبعا .. وكلهم نزلووو ورا بعض .. مروان ومازن وشريف والاولاد وفتحى ومحمد  وعبدالله .. ومحمود وبهاء ... 

مروان : ايه الحلاوه دى .. الفيلا اتقلبت كلها ابيض فى ابيض 

كريم : فاضل لنا جناحين ونطيررر ونعمل سرب حمام السلام  😂😂 

فتحى : انتو بتبهرونى كل ما اجيلكم والله ربنا يديم اللمه بمحبه حواليكم بتفكرو فى كل الا معاكم كانكم بتفكرو فى نفسكم ربنا يزود لمتكم ومحبتكم 

كلهم : أمين  

مازن : بيسقف .. الله الله .. الله أكبر عشت وشوفتكم محتشمات فرصتى وربنا بعتهالى اخد ثواب فيكو واحجبكم 

روان : احنا محتشمات يا مزاميزو دا انتو ناقص تلبسونا خيمه .. 

شريف : لا بس هدهود بالحجاب منوره اه والله منوره 

هدى : انا منوره على طول يا شرشر 

محمود : انا مش ها أقول حاجه عشان فطومه فى كل حالاتها حلوووه ... 

طارق : بيسقف العب يا جدو يا وحش الوحش انت وربنا انت مسيطر  😂😂😂 

كلهم ضحكووو عليه 

مروان : لا كدا  مش ها نلحق خطبة الجمعه ... ياله الجمعه ماهى الا خطبه  .. قدامى ..والرجاله كلهم خااارجين بما فيهم حرس الفيلا .. وقفلوها ..  الرجاله كلها بالجلبيه البيضه .. والستات لابسه اسدالات .. 

مينا جارهم نازل هو و مريم مراته .. اول ما شافوهم بيضحكووو .. 

مينا : ايه يا شيخ مازن ... كدا ها اطمن على المنطقه واقول مازن اتهد الحمد لله 

مازن : بيضحكلووو ما تطمنش قوووى يا مينا .. الغدا عندنا انهارده يالا 

مينا : ما اوعدكش يا حبى حماتى ممكن تشتكينى لابويا 

مريم : اه انتو بتضيعو غدانا كل جمعه عند ماما .. جمعه ليكووو وجمعه لينا .. ياله عشان ما تتأخروش على الصلاه ..

ومشيوو كلهم .. 

قعدو سمعووو الخطبه من إمام   الجامع من اولها والاولاد انتبهووو لكلام الخطبه جدا لانه كان بيتكلم عن مدى  تأثير المواقع والصور المخله والاباحيه  واد ايه دا ذنب عظيم لازم نتوب منه ونحافظ على الفتره الا ربنا خلقنا بيها عشان ما نتحولش لناس شاذه ومنبوذه ... غير غضب ربنا الا بيأثر على حياتك ورزقنا وعيشتنا كلها الخطبه كانت جميله جدا وفيها كلام كتيرر بيوعى الشباب والكبار وفعلا أثرت فى الاولاد جدا لان الجانب الدينى لمس فيهم روح الفتره وخوفهم من ربنا ومن عذابه  والكبار .. وخرجووو وهما حالفين بينهم وبين نفسهم مش ها يعملووو كدا تانى ... 

مروان : بعد ما خرجو من الجامع راح لأمام الجامع وشكره 

الامام : ما تشكرنيش على واجبى المفروض خطبة الجمعه يبقى فيها نوع من التوعيه على طول من ناحية التأثيرات السلبيه الا بقت بتواجه مجتمعنا المفتوح دلوقتى وايه عقاب ربنا ومدى رحمته واد ايه ربنا غفور رحيم وممكن يديلك أكتر من فرصه .. 

مروان : طبعا .. عشان كدا فضلت ان توعية الاولاد الا فى سن المراهقه يبقى منكم أنتم  وجيت لحضرتك فهمتك الموضوع كله  انا شايف ان الجانب الدينى والاخلاقى بدء يختفى من حياتنا من ناحية التوعيه كان نفسى يبقى ليكو دور اكبر من دا مع الشباب والاولاد سواء ندوات مستمره فى المدارس والنوادى او حتى الشوارع رجعو روحو الدين والاخلاق بينا تانى الا قضى عليها مواقع كتير وتشكيك كتير عل  النت 

الامام هز راسه :  للاسف عندك حق وانا معاك مش كفايه نبقى على السوشل ميديا لا لازم يحسو بينا معانا ووسطهم وننزل لهم فى كل مكان ... ربنا يباركلكم فيهم ويحفظهم يابنى كلنا بقينا بنخاف على ولادنا .. الخطر بقى محاوطهم فى كل مكان ... حافظ على الصلاه دايما معاهم   ومروان سلم عليه ومشى معاهم 

*********

... وصلوو الفيلا .. وكلهم قاعدين مع بعض والبنات كلها قامت تحضر الاكل لانه ها يبقى كتيرر وفى تعاون حقيقى من الكل ..  

الرجاله قاعدين 

مروان : ليه يا محمد قررت القرار دا يابنى قولتلك تعالى اشتغل معايا 

محمد : معلش يا مروان انا عايز اسافر عشان ريم نفسها تخلف تانى يمكن تتعالج برا أفضل من هنا 

مروان : انت مكبر الموضوع انت وريم زى ما ربنا رزقكم بمنه هو قادر يرزقكم بغيرها .. انا وروان نفس مشكلتكم 15 سنه ومش عارفين نخلف تانى  .. وسايبنها على الله وهو الا رزقنا بأحمد وهو بردو الا قادر يرزقنا بغيره احنا عملنا الا علينا 

محمد : انا مرتاح كدا وعشان مبقاش مقصر فى حقها وتزعل منى فى يوم من الايام 

فتحى : سيبه براحته يا مروان الاتنين مقتنعين جدا بالقرار الا خدوه 

مروان : مبتسم له ربنا يوفقك يا محمد بس فى اى وقت ها تلاقينا فوووق دماغك هناك 

محمد : ضحك انتو تنورونا والله  

عبدالله : انتو جيل متعب .. حتى ابنى كل الا فى دماغه السفر .. السفر 

محمد : انا من رأى لو مفيش حاجه تمنع سفره خليه يسافر ويأمن مستقبله ..

بهاء : ما احنا بدئنا من الصفر جوا بلدنا وكبرنا فيها انتو مستعجلين بس 

مازن : الصراحه .. هما عندهم حق يا عمو  صحيح ربنا كرمنا الحمد لله بس فعلا كل حاجه مش زى الاول الامور والعيشه عمتا بقت أصعب .. وخصوصا على الطبقات المتوسطه والفقيره 

محمود : فى كل وقت وكل مرحله بنمر بيها فى بلدنا بيتقال نفس الكلام ..  الشباب مش قادره تعيش والعيشه  صعبه .. ما بيتغيرش الكلام ارجعو لزمان جدا ها تلاقو نفس الشكاوى 

عبدالله : فعلا .. مشكله بتتناقش من القديم .. على الظروف تعبانه ومش مناسبه .. احنا محتاجين طموح ووقت من الكل حتى الحكومه لازم تقدر طموح الشباب وتساعدهم وما توهمهمش  على تحقيق كل الا بيتمنوه ..وأكيد دا ها يعود على البلد قبل ما يعود علي الباب نفسها  

مروان : أكيد طبعااا ... برغم أختلاف رايكم ونظرتكم لكل الامور بس كل واحد عنده حق  لانه شايف المشكله من وجهة نظره هوو و ومن الا عايشه هووو .. عمتا بقى قبل الكلام ما يقلب لخناقه وانا ما بحبش الامور توصل لكدا لان اختلفنا ابداع مش خناق وياريت ما نجادلش كتير كلمتين ونص والموضوع ينتهى    بينا نقوم نتغدى كلنا ... عشان تجهزو نفسكووو لماتش الكوره وطلعووو فيه كل طموحكم ياله  

💗💗💗💗💙💙💙💙💙💚💚💚💚 

للمتابعه اترك تعليق

البارت الحادي عشر من الجزء الثاني 

خادمتي ولكن 

❤❤❤❤❤❤❤❤❤❤❤❤❤❤

عادل : نجلا ممكن تجيبلى  كوباية ميه 

نجلا : حاضر .. وجابت الميه وادتهلو .. وشرب .. وبعد ما شرب مسك ايديها باسها .. بتبص بأستغراب .. فعلا عادل اتغير قووى بقى حنين ...  مبقاش عصبى ... بيحبها والا عشان لسا راجعالوو طب ها يفضل كدا والا ها يتغير ..

عادل : مسك ايديها وقعدها جمبه ومحاوطها بأيده .. بتبصيلى وسرحانه فى ايه 

نجلا : فى كل حاجه خايفه انى أكون عايشه حلم 

عادل : ضمها ليه جااامد  .. كتير بحس انى غبى لما ربنا يدينى السعاده والهدوء والاطفال .. وانا أقابل دا كله بإنكار وأفضل أعيش حياتى تحت ضغط وأضخم الامور الهايفه الاستقرار شئ مريح جدا وخصوصا لو بتفاهم و مشاعر مليانه حب 

نجلا : من قلبك الكلام دا 

عادل : بيرفع راسه وينزلها من كل قلبى  صدقينى الا بيتعاقب على غلطه ويفضل سنين يدفع التمن صعب او مستحيل يكرره طمنى قلبك وعيشى حياتك من غير خوف  .. خلينا على الحلوه والمره سوا

نجلا : ابتسمت له .. أكيد يا حبيبى .. 

عادل : قولتى ايه 

نجلا : حبيبى  

عادل : بيرفع ايده وبيضحك يا فرج الله ابو الهول نطق 

نحلا : ضحكت وضربته على كتفه  بطل بقى انا ابو الهول 

عادل : بيهز راسه يمين وشمال .. انتى ابوه وامه واخوه وأخته وإلا عمته يا عسل  ..وبيركبها الهوا .. عيش حياتك يا ولا وجنونك بقى  عايز نجلا الشقيه 

نجلا : 😂😂😂 شقيه مره واحده كدا حلوو قوى يا اخويااا 

عادل : اخوكى ايه يا شيخه  انا شبعت اخوووه ..  كفايه  تعالى يا قطه .. 

نجلا : 😂😂😂 شكلك كدا هربت منك .. 

عادل : هى هربانه من زمان وانتى الا مش واخده بالك .  وحضنها وبيخبطها براسه خبطات خفيفه .. لما أقولك تعالى تنطى تفطى الاقيكى قدامى 

نجلا : بتضحك جاامد كأنها اول مره فى حياتها تضحك وحاسه بأمل وحياه مختلفه سعيده وجديده 

**********************

البنات  خلصووو الاكل وكلهم كلوو واستنو عز ومنى بس اعتذرو عن الغدا وعز قال لهم ممكن الحقكو على ماتش الكوره هوووس الرجااال عمتا كبير وصغيرر ... شربو المشروبات المفضله لكل واحد .. وقعدو وقت عشان الأكل .. وبعدين غيرررو كل الشباب والاولاد الا ها تلعب .. والكبار والبنات والستات ها يتفرجوو ويشجعووو ..... 

عز : داخل جرى . انا جاى جااهز يا شباب . ولابس الا على الحبل كله 

منى : 😂😂😂  لبس .. لبس الكوره ونزل جرى .. وسلمو عليهم كلهم .. 

مروان : منور يا زيزو اتفضل كنا لسا ها نبتدى 

عز : دى غلطه لا تغتفر  ... ماشى يا حودا ما طمرش فيك حاجه خالص يا  راجل 

محمود : بيضحك الله زيزو جه يا ولاد .. تعالى يا راجل ..وبدئو يظبطو نفسهم ..  

مروان : عمى انت حكم المباره 

فتحى : ماشى 

مروان  : وانت يا عمى عبدالله  حكم بس فى الجزء التانى للمباره .. 

عبدالله : حلووو قوى حققت لى حلمى بسرعه كدا 

مروان : بيضحك .. وبيبص لمازن وماندو ايه رايح فين انت وهو 

مازن : نعم سعتك احنا فينا من غدر الاخوات

مروان : وحش الشاشه الا جمبك دا ها يبوظ الماتش 

ماندو : انا مش ها ابوظ الماشط انا واد حريف 

مازن : اقفل بوئك يا ماندو بدئتها بالماشط ها تقفلها با إيه .. انت مالك ومال ماندو .. 

مروان : لا ما هو مش ها يلعب من غيرك .. مخه قفل على سعتك مابيتفاهمش 

مازن : بيبص لماندو ... انا ها العب .. وانت اتفرج 

ماندو : مسك مازن وبعصبيه بتبعنى .. رجلى على رجلك .. مش ها أسيبهم يكسبوك 😂😂😂

مازن : يا حبيبى ياضنايا الا مضيعنى احنا داخلين الحرب .. وبعياط مصطنع ماتش واحد يا ماندو ارجوك 😂😂😂

ماندو : قولت مفيش لعب من غيرى 

هيثم وكلهم واقفين يضحكو عليهم 

مروان : طيب ايه رايكم تكونو المعلقين على المباراه 

مازن : اخرتها اقعد على الدكه وأعلق .. تعالى يا مضيعنى .. وراحو قعدو على كرسين وترابيزه قدامهم وماندو راح جاب لمازن كبشه 😂😂😂 

مازن : ماسك الكبشه .. وبيتكلم على طريقه مدحت شلبى ومعلى صوته بحماس .. يا مساء الانوار .. الله الله .. الملعب ملغم يا جدعان .. والمباراه شكلها كدا ها تبقى دمار شامل اه والله يا بنى .. ويدخل فريق القرود المصريه .. بيتنططو زى الشمبنزى على الشجر الله الله .. ادخل يا عين امك برجلك اليمين 😂😂😂

ماندو شد الكبشه وبصوته التخين يا كريم يا سكره .. يا شمعه حلوه منوره هيااه .. 

مازن : شد الكبشه .. دا بلوه مسيحه اه والله يابنى ... ويدخل فريق الابطال .. فريق انا واخويا على ابنى وانا وابنى على أمه وبيبص لروكا .. حتت سكره ياروكا دا انتى الا منوره .. 

روان :  وانا يا مازن 

مازن قام نص قومه وفارد ايده : وحش المباره .. مسكن الجروح .. ويا حبيبى العب وروح  ما هى واقفالك من بعيد رورو بتعيد وتزيد يا مروان يا بلاش اللعب من غيره ما يحلاش 

هدى : اشمعنا انا 

مازن بيهز راسه وفرد ايده على الاخر  : شرشر وما ادراكم ما شرشر .. فى الشده شديد وفى القوه قوى .. وبيحط ايده على قلبه وبيتهز جامد  قوى قوى  بيلعب ومسيطر  وبيبص علي إلا  بيشاورلو من بعيد طلعت هدى جايله من غير مواعيد   واقفالك يا شرشر بكل حماس بتشجع يا قلبى أغلى الناس 

روكا : مليش دعوه انا كمان زيهم 

مازن بيهز راسه بنفى : اه ياروكا يا عمهم ازاى يا قلبى تبقى زيهم .. جوزك ياعنى عليه مطرود وماندو ورفع ايده قدره ونصيبه  معلم عليه...شجعى يا حبيبتى من بعيد  مش ها اقول تانى وازيد روكا يا عمهم الشمبانزى حارق دمهم 😂😂😂 

نور : دى عنصريه 

مازن : لا تقولى فول ولا طعميه .. دا الواد مؤمن ميه الميه  ... بيلعب يا اخويا وشايفه جوا عنيه  بيدور عليها نونه يكفيها شر الا حواليها  إطمن يا مؤمن وارتاح نونه وقفالك ومسكالك المفتاح .. تاح تاح 😂😂😂😂😂 

ريم : بترفع ايديها وانا كمان 

مازن : سامعها وبتعلى الصوت محمد محمد يا بلاش الفرجه على الكوره من غيره  ما تسواش  .. العب يا خويا وسدد  ريم وقفالك وبتكتك  

وبيبص لباقى الستات .. سبونى اعلق بقى على المباراه ها الله ها الله .. 

ماندو : مسك ايد مازن وشد الكبشه عليه .... ويأختى إصمالله 

مازن : الكوره فين .. وقولولى مين مع مين ..  

انا شايفك يابنى .. فريق القرود داخل بقوته .. كرمله بيجرى بالكوره يمين .. بيجرى دا طاير يا أخوانا .. ومحدش قادر عليه كوبرى انما ايه عالمى يا اخونا . وبطريقه جمعه الشوالى .. 

مازن بعلوو صوته جوااااااااال .. يا إلهيييييييي .. لقد فعلها قرد القرود ... كرمله حبنا يا إلهييييى .. 

كريم : بيتنطط وطارق نط فوقه وأحمد ومحمد  

والستات هايصه وبتسقف على اى حاجه وخلاص .. وهما مش فاهمين حاجه اصلا 

مازن : ونرجع للمباراه التاريخيه والحماسيه بجداره .. فريق قرود  الغابه سيطرت يا جدعان ... ومروان يا حبيبى  بيجرى بالكوره يمين وشمال ..وبيجرى ولسا بيجرى .. فريق القرود هجم  هجم هجم  .. اوبااا .. حمودى مودى مودى وطقطق وكرمله وقعوو أسد الاسود  على الارض .. المباره هجمت عليها  الجماهير ووقعه ابو جلبيه بتتكرر تانى  ومش ها تمر مرورو الكرام يا اخونا .. 

روان : دخلت هى وروكا وهدى .. 

روان : مسكت أحمد شدته من شعره وادته بالرجل 😂😂 بتوقع ابوك ... وبصوت عالى ابوووك يا قليل الادب 

أحمد : مش قصدى يا رورو انتى داخله المباره تضربينى وبتقوم مروان من الارض ومروان بيضحك على هجوم الستات وبيقول لروان انتو بتعملو ايه  .. والرجاله كلها بتضحك 😂😂😂

روكا : نطت فوووق كريم وبتعضه فى كتفه .. بتوقع عمك يا قليل الأدب . 😂😂😂

كريم : اه يا ماما .. انتى عايزا تعضى وخلاص مش انا اوعى هرتينى عض ... 😂😂😂

هدى : واقفه بتضرب طارق برجلها وبتقروصه من خدوده ..  كدا يا طقطق دى اخرة تربيتى فيك 

طارق : بينط قدامها احنا بنلعب يا جدعان حد يفهمهم  حاجه .. انتى بتضربينى وتدلعينى 😂😂

مروان : قاعد وموطى راسه وبيضحك بصوته كله .. وروان واقفه قدامه وبتضحك على ضحكه .. 

عز ماسك محمود وساند عليه وبيضحكو بهستريه الاتنين .. وشريف وهيثم ومحمد ومؤمن .. محدش عارف يسيطر على نفسه من الا بيحصل 

مازن : قام وبيكلم البنات .. ياله هششش على برا كدا عيب يا بنات ... وبيجرى ورا طارق وكريم وأحمد .. وكل ما يمسك واحد فيهم يضربه ويوقعه .. 😂😂😂 

أحمد : دا ظلم .. كلكم علينا وإلا إيه 

طارق : دا ناقص يضربونا با لأربيجيه دا لعب 

كريم :  بيغنى ها اردهالكم .. مش ها أنسهالكم  الصبر من عندك يارب ... على ام دى عيله 

بهاء بيزعق  :  يابنى سيب طارق بدال ما أقوملك .. 

شريف : بيشاور بأيده لا وعلى ايه وبيزق طارق روح يابنى الله يسهلك 😂😂 

هدى : طقطق بقى وحش وعنيف يا جدووو .. 

بهاء : دانتو اتلميتووو على العيال كلكو والله أقوملكم 

هدى : لا يا جدو خلاص ما تزعلش نفسك 

فتحى : بيصفر لهم .. وكلهم بيتستعدو من اول وجديد ... 

مازن : بيشد الكبشه هات ياماندو انت بتهبب ايه ... وعلى طريقة مازن وبيغير فى صوته كل شويه  .. وابتدت المباراه من جديد  ومش عارف اوصف التلاحم الا حصل دا بأيه حقا فريق يعشق بعضه انتقمو جميعا من فرقة القرود  ... انا شايف الكوره بتتنطط مش بتجرى ... رايحه على فين وجايه منين ايتها الساحره الشريره  وماندو بيشد الكبشه من مازن ومازن بيشدها  ومش عايز يسيبها .. سيب يا ماندو 

ماندو : سبنى اعلق مليش دعوووه  ادينى فرصتى 

مازن : وبصوته كله .. كنت سبنى العب .. العب لازق فيا بغرا   

ماندو : بيزق ايده بالكابشه علق ..

شريف :  جاب علبه صغيره وحدفها فى وش مازن 

مازن مسك وشه  : اه ..... وإليكم يعود البث المباشر للمباره  بعد السلام والتحيه 😂😂😂 

ماندو : بتتحول انت .. 

مازن :  دا انا ها اتحول زومبى بعد المباره .. وبيطلع ايده وينزلها أصبر عليا  ... الكوره مع محمد .. وبيباصيها لقرد القرود احمد ... الواد داخل على الشبكه مش همه ... وبيجرى ومحدش قادر يلمه ... جووووووووووال ..  يا إلهى .. حقا فريق القرود يكتسح المباره بإمتياز ... تعالووو شوفو الفرحه .. تعالووو شوفو الرقصه للثلاثى افريقيا  .. رقصه القرد الحيران اه والله يابنى .. شرشر خطف الكوره وبيحاول .. ويحاول .. ويرجع تانى لخط الوسط  يباصيها لعز .. عز بيجرى ويجرى .. وداخل  على محمود خدها محمود بقلم : لبنى طارق .. سلمها لمروان .. ياله يا مروان .. ياله يااخويا .. يا ابن أمى وابويا  اعملها وادينا الأمل فى جيلنا الا ضاعت هبته على ايد شوية عيال  ... وبيقطع وهو بيقولها  جوه جوه جوه جوه جووووول .. واخيرا وليس اخرا .. عملها الأسد 

روان : مروان يا اوبها ... ايه العظمه دى كلها هيه  

مؤمن بينط على مروان ويبوسه وعز ومحمود 

وفضلت الاجواء حماسيه جدا بينهم وفى حاله فرحه كبيره وقضو يومهم كله بعد ما فريق الاولاد هو الا كسب والكبار فضلو  يشاكسووو فيهم طول الوقت والعنصريه الكروايه ظاهره جدا عليهم 😂😂😂

*************

مر اليوم على الجميع .. بعد يوم طويل .. وجو عائلى مرح جدا وكريم واحمد وطارق .. الا حلفوو يردو الا عملوه فيهم بس بطريقتهم الجنونيه .. وكل واحد  خد نصه التانى . وطار على اوضته .. ينام ويصبح على يوم جديد 

******************

شقشق الصباح .. وانتشر نوره .. يا ترى ها يجى بسروره .. والا ها نقول يا ريت الا جرا ماكان ... 

الشباب كلها بزوجاتهم .. راحو اشغالهم  والاولاد بتهورهم .. وجنونهم .. مش عايزين يجبوها البر .. كل يوم افتاكسه جديده ... 

طارق : راح على جراج العربيات بتاعتهم .. وركب عربية جده من غير ما يقول لحد واتصل على أحمد وكريم .. الا اتحججو   وخرجو بسرعه لطارق .. وركبووو معاه العربيه ..و الكاسيت  عالى على الاخر .. وطارق بيسوق بسرعه جنونيه 

وكلهم بيغنو مع المهرجان بصوت على وبيهزو راسهم ويتمايلو بجسمهم 

إرفع إيدك فوق لو مضايق هتروق 

القمه جت هتذيع واوعاك في العكسي تسوق 

فرتكة فرتكة ع الطبلة وع السكسكة 

فرتكة فرتكة تخطيط ومع التكتكة 

فرتكة فرتكة راجعين نعمل دربكة راجعين

غرقني في شبر الميه صحيني فتحلي عنية 

هديك هديك وهكارك وارجع تاني اقول ده شوية 

ماهو مش واحد هيشارك ويشيلك من تحت اديا 

وطارق بيبص قدامه .. لقى عربيه نقل كبيره .. وبقوته كلها بيلف الدريكسيون ليمينه .. وكلهم بدئو يصرخووو جااامد والعربيه اتقلبت بيهم .. 

سواق العربيه النقل وقف .. ونزل منها بسرعه بعد ما العربيه الملاكى الا فيها الاولاد اتدمرت تماما ومفيش فرصه للنجاه  والناس اتلمت ..وبدئو يطلعو فيهم التلاته ... 

*********************  

مروان : فى اجتماع .. بيهم كلهم .. وتليفونه رن .. طلعه من جيبه وبص فيه لقى رقم  غريب 

طوارئ المستشفى : مروان بيه معانا 

مروان : ايوا 

طوارئ المستفشى :  احنا مستشفى ال..... ووصل من 10 دقايق ابن حضرتك .. ومعاه اتنين كمان 

مروان : بتلعثم فى الكلام  مالهم .. فيهم ايه 

طورئ المستفشى : حادثه يافندم .. ولسا هما  فى الكشف فوق  ماعرفش ايه حالتهم  وقفل .. 

روان : فى ايه يا مروان .. 

مازن وشريف : ما تنطق يا مروان فى ايه 

مروان : وعيونه مليانه دموعه وتقريبا كدا مش حاسس برجله بيقولو الولاد عملو حادثه وفى المستشفى 

كلهم اتنفضو من مكانهم حتى نور ومؤمن .. والبنات بشهقات وعياط .. وبدئو كلهم يخرجو ورا بعض ومازن وشريف ماسكين مروان الا مش قادر يدوس على رجله  ووصلو المستشفى .. وعرفو  مكان غرفتهم وطلعو ورا بعض  

الدكتور : طالع من الاوضه  والباب اتفتح على الاخر وعيون مروان جت على الاولاد ووقع مغمى عليه قى ساعتها 

💗💗💗💙💙💚💚💚 

للمتابعه اترك تعليق

اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط

تكملة الروايه من هناااااااا