 |
البارت الثاني عشر من الجزء الثاني
خادمتي ولكن
💗💗💗💗💗💗💗💗💗💗
ومروان مره واحده وقع فى الارض
الدكتور : ابعدو عنه .. وبيكلم شريف ومازن ومؤمن الا واقفين متنحين .. ومش بيعملو أى رد فعل طول حياتهم بيشوفو مروان جااامد مش بينهار بسهوله .. لو سمحت حد يشيله معايا .. وشاله ودخلو بيه الاوضه ... ونيمه على السرير .. وبدء يفوق فيه
روان بعياط وانهيار تام : مروان الحقونى .. مروان ماله واحمد ماله
نور : اهدى يا روان تعالى ادخلى خليكى جمب جوزك لحد ما يسمحو ليكم تدخلووو للاولاد
هدى : قاعده عماله تعيط جااامد .. ومش قادره تقف ... ومش مستوعبه كل الا بيحصل .. مش ها تقدر تتحمل لو ابنها جراله حاجه
مازن : بيعيط وماسك ايد مروان.. مالك يا اخويا .. قوم طول عمرنا بنستمد قوتنا منك الدكتور بيقول كويسين يا حبيبى
شريف : دموعه بتنزل لوحدها .. ومش قادر يسيطر على مشاعره .. مروان .. قوم يا صاحبى .. خلينا نشوف العيال رفضو يدخلونا ليهم قوم عشان ندخل سوا .. اجمد عمرك ما كنت ضعيف ..
مروان : بصوت ضعيف وماسك دماغه .. قومونى .. خلونى أطمن عليهم
الدكتور : لا انت ارتاح .. ضغطك واطى جدا لازم تنام وترفع رجلك هنا ..
مروان : مش قبل ما أطمن على الولادك .. وقام وهما ساندوه .. ودخلووو عندهم كل واحد على سرير . أحمد وشه كله كدمات بدراعه .. وشكله يخض .. وكريم كذلك بس دراعه مكسور .. وطارق بقى دراعه ورجله مكسورين غير الكدمات ... البنات جريت عليهم وبيعيطووو جااامد .. وروكا كمان إلا اول ما عرفت سابت شغلها وراحت لهم جرى والدكتور بيطمنهم .. وبيقول الموضوع كله كدمات .. وبتروح ومش بتسيب أثر والكسور بسيطه .. عائلاتهم عرفووو وبدئو كلهم يجيو جرى عليهم وبيشاركوهم اللحظات الصعبه الا كلهم عايشينها ... وبعد وقت كبير ادراة المستشفى .. طلبت ان الكل يمشى ويفضل معاهم واحد بس .. بس مروان وشريف ومازن رفضو تماما يمشووو .. والباقى كله روح بعد ما اطمنو على الولاد وعلى مروان
****************************
بهاء : امال فين الولاد يا فاطمه
فاطمه بتعب : يابابا .. طلعو نامووو وطارق صمم انه يفضل مع أحمد وكريم ..
بهاء : اول مره شريف وهدى يطلعو ينامووو قبل ما يعدو عليا
محمود : معلش يا عمى .. مهددوين وجاين نعسانين خالص وانا قولتلهم اطلعو على فوق نامو انت بخير الحمد لله
بهاء : الحمد لله .. يعنى طارق مش ها يبات فى حضنى
فاطمه : معلش بقى يا يا بابا
**********************
عدى اليوم بسلام بعد ما كلهم عاشووو يوم صعب بمعنى الكلمه .. ومر يومين
**********
أصدقاء الاولاد فى المدرسه عرفو با إلا حصل ... والبنات كلها صممت انهم بعد المدرسه كل واحد تروح تغير ويتجمعو و يزروهم .. والولاد اتفقو انهم يروحو فى يوم تانى ... عشان ما يعملوش زحمه
........................
كريم : اه يا بابا .. انت نايم فوقى .. انا عيان ..
مازن : انت تعبان حنش كبير عايز تموتنى يالا .. وفيها ايه لما انام جمبك وخبطتك غصب عنى يا اخى .. غصب عنى مش اعمل كل مصيبه والتانيه بمزاجى وضميرى نايم فى البلاله
كريم : انت طول الليل تدينى برجلك مره وبأيدك مره هرتنى ناقص تدينى بالروسيه وانت نايم
مازن : زعلان يا كرمله .. زعلان يا كرملتى يا حبيبة امك وماسكه من خده وبيشده جاامد ..
كريم : اه .. يا بابا .. حرام عليك .. انا عامل حادثه
مازن : وانا عامل من بنها 😂😂😂.. واتخمد وأسكت بقى نفسى اديك قلم يسمع فى مرسى مطروح ..
طارق : بيبص لشريف .. الا قاعد وباصصله قوووى ... انا مش ها أستحمل خبطه واحده .. انا متخرشم لوحدى
شريف : انت مخرشم ... انت خرشمتنا كلنا .. ياخى نفسى اديك بالرجل اوقعك من فوق السرير واخلص منك .. 😂😂😂
طارق : وأهون عليك دا انا طقطق يا شرشر
شريف : طربقتها وارتحت يا طقطق وبيقولها بتريقه .. جبت عاليها واطيها يا طقطوقة عمرى الا ضاااع .. انت حد مسلطك عليا يالا .. ها اقول ايه لجدك .. عربيتك طقطق .. طربقهالك وجبهالك على الارض .. ونيم الاتنين جمبه وبيشاور على كريم واحمد
طارق : أخر مره
شريف : انت ليك أخر يالا .. قولى ليك اخر وبيهز راسه مالكش ... كل مصيبه والتانيه بتدخل عليا بيها .. بتعملى انشكاح فى حياتى .. انا ناقص انشكاح 😂😂😂
طارق بخوف وبيرفع ايد واحده على وشه : لا مش ناقص انشكاح
شريف : ليه بقى كتر الانشكاح خصوصا منك .. وحش وحش يابابا ما تعملوووش ما ايه وماسك ودنه موجهه عند طارق
طارق : اوش ..
شريف : ما ايه يا اخويا
طارق : اوش
شريف : مفيش اوش .. فى ما تعملوووش .. انت تخف بس وها اكسرلك ايدك ورجلك التانين ..
أحمد : بابا .. انت ها تفضل ما بتكلمنيش كدا كتير
مروان : إحمد ربنا انى ساكت .. عشان لو اتكلمت ها ازعلك قوووى .. وانا اساسا مش قادر اتكلم
أحمد : طيب انا اسف
مروان : مفيش انا أسف تانى .. ادام مش مسئول عن تصرفاتك .. يبقى لازم تتحاسب عليها ..ومش لوحدك وبيبص لطارق وكريم .. كلكم .. احنا بنفوت اى غلط بمزاجنا . بس انتو زوتوها قوووى على فكره احنا التلاته ممكن نتحبس بسببكم فى ثانيه ها ندخل فى قضية اهمال وغرامه عشان ترتاحو وتعملو الا فى مزاكو فيه انا مشيت الشرطه امبارح بالمحايله
أحمد بخوف وعياط : انا اسف والله ما ها اعمل حاجه تزعلك منى تانى وها اروح اقول لهم انا الا عملت كدا عشان محدش يحبسك
مروان هز راسه وسكت محبش يتعاطف معاه او يبين انه مسامحه
مازن بيبص لكريم : طبعا انت جاحد وها تسلمنى بايدك للشرطه
كريم : ما اقدرش .. ادفع الغرامه ومش ها اعمل كدا تانى
مازن بيهز راسه وبينطر ايده : اه ادفع ادخل فى الحيطه وانا فى ضهرك
كريم : لا والله وعد مش ها اعمل اى حاجه تدايقك او ها احاول
شريف : وربنا ما انت قايلاها انا ها اسلم نفسى من قصيرها عشان لا ها اخد حق معاك ولا مع عمى بهاء
طارق ضحك : وربنا دا انا اكسر القسم على الا فيه واطلعك
شريف بيبص لمروان ومازن وبيضحك وبيشاور على طارق بفخر : ابنى البلطجى الا ها يودينى فى داهيه وسكتو لما كلهم وصلوو وقاعدين معاهم ونور ومؤمن قامو بشغل الشركه .. والوقت عدى بسرعه جدا وما فضلش فى المستشفى غير البنات والشباب ومروان اصر ان الباقين يروحو وماندو مارديش ابدا يمشى ...
ماندو : قاعد قدام كريم ... كرمله .. الف سلامه يا حب
كريم : تسلم أماندو ... يا غالى ..
روكا : بتعيط وبتأكل كريم فى بوقه .. وبتحط حتة فرخه فى بوئه .
مازن : وهو لسا نايم جمب كريم .. وايد روكا عند بوئه وفى ايديها الاكل .. بيدعك الاكل بأيده فى وش كريم .. يوووه يا روكا بطلى عياط يا حبيبتى .. ما هو زى الفل قدامك اهووو .. 😂😂😂
كريم : بيكح وميل راسه .. يابابا ارحمنى
ماندو : شرقت كرمله .. براحه عليه
مازن : مسكه من دنه وبيشده ... اتعدل يا حبيبى مالك شرقت يا كرمله 😂😂😂
روكا : بتشد كريم من ودنه التانيه .. ليه يا مازن سيب الولد حرام عليك .. دا احنا كنا ها نموت امبارح من الصدمه بسببه
ماندو : بيضرب على وشه .. سيبو الواد .. سيبوه 😂😂😂
هدى : كدا يا طقطق .. حلووو منظرك كدا وخضتنا عليك
طارق : خلاص يا هدهود بقى .. عرفت غلطى
شريف : ايوا عرف غلطه وبيفكر فى مصيبه أكبر .. أطمنى سعتك .. احنا بقينا تبع المافيا وبيشاور عليهم التلاته ..
روان : لسا ها تتكلم ... لقت الباب بيخبط .. بنات كتير قوى داخله على الاولاد .. وجايبن ورد وهدايا معاهم ...
مازن : العب .. كل دا يا ولاد المفتريه دا انتو تعملو موسوعه لوحدكم 😂😂😂😂
شريف قرب على طارق وبيبوسه 😂😂😂 قلب امه طقطق .. كل دى مزز يخربيتك 😂😂
مروان : كاتم الضحك بالعافيه عليهم كلهم .. وروان الا واقفه متنحه مكانها ...
ماندو : بيضحك .. تعالووو يا بنات .. بالدور وواقف قدامهم .. الا جايه لكرمله .. تيجى كدا والا جايا لحمودى كدا والا جايه لطقطق كدا ...
روان : بتبص لأحمد ومروان .. كل دول لحمودى مودى مودى ...
مروان : 😂😂😂 حمودك جايله سرب قطط
بنوته قربت عليه والباقى وراها .. الف سلامه يا احمد .. انا زعلت قوووى وبتقرب بدلع عليه وبتديلو الورد .. وبتقوله بهمس .. قوم بسرعه عشان وحشتنى ..
روان : بتعدلها .. الا بعده يا حبيبتى اصله بيتعب بسرعه .. وبتشد أحمد من شعره براحه ومن غير ما حد ياخد باله
أحمد : اه
روان : شوفتى الواد تعب 😂😂😂
مروان : قام طلع برا مش قادر يمسك نفسه من الضحك من المهزله الا جوا ...
مازن : اتعدل .. وبيضحك
بنوته : عمووو هو عامل ايه دلوقت
مازن : عمووو ايه .. دا انتى الا عموووو
روكا : ضربته فى كتفه وبتضحك .. الحمد لله يا حبيبتى كويس
البنت : بتقرب على كريم عايزا تبوسه 😂😂😂
روكا : شدتها .. جااامد
مازن : كهربااا .. السلوك ها تلمس وتعمل قفله وها تقلب ضلمه 😂😂😂
البنت : ايه يا طنط ..
روكا : عيب يا ماما .. عيب وبتزقها تبعدها
كريم : بيوطى صوته وبيقرب على ابوه .. امى ها تطفشهم ومش ها يعرفونى تانى
مازن : دا أسمه كلام .. دا انت طلعت خبره يالا .. ركنتنى على الرف وشرخت انت 😂😂😂😂
شريف : هدى .. بلاش حركاتك
هدى : بتحط ايديها على عين طارق .. ياشرشر .. مش شايف البنت لابسه ايه 😂😂😂
شريف : أطفال ياماما .. أطفال ..
البنت : قربت هو ماله يا طنط .. حاطه ايدك على عيونه ليه
هدى : نورك يا حبيبتى ضرب فى عينه تعبه .. وبتاخد منها البوكيه والهديه
طارق : ايه يا ماما .. اوعى
شريف : ايوا اوعى .. دى لحظه صعبه قوووى يفوتها ..
طارق : بيضحك شكرا يا مايا ..
مايا : الف سلامه يا طارق .. وبحنيه ودلع مش تاخد بالك على نفسك .. احنا ما نقدرس نستغنى عنك انت عارف
هدى : بتقلب راسها مع الكلام ..و متنحه .. هااااه ..
شريف : بيلف وشه وبيضحك ..
طارق : ان شاء الله ها اخد بالى المره الجايه
شريف : بيهز راسه .. انا قولت ... لسا فيها مره جايه .. ها يشلنى يارب استرها انا استويت
والبنات فضلو يسلمو عليهم كتيرر .. ويعبرو عن شعورهم بجراءه .. وبعدين مشيووو
مروان : دخل لهم ... خلصتو يا روميووو انت وهووو
مازن : بيسقف ... الله اكبر .. التلميذ اتفوق على الاستاذ 😂😂😂 وبيشاور على نفسه ... شوفتى خلفتك يا ست روكا .. قلبووو المستشفى فى ثانيه كوفى شوب العشاق ..
شريف : بيمد ايده ويسقف ... اننين لمونتا بالقرطااااس لو سمحت وكتر القرطيااااس ..
كلهم : 😂😂😂😂😂
ماندو : طلعت .. وحش يا كرمله
روان : كرمله لوحده ... وحمودى مودى مودى .. بتبصله وقافله عين وفاتحه التانيه .. طلع نمس كبير
هدى : وانا فاكرك قطه مغمضه يا طارق
شريف : طول عمرى اقولك ايه طقطق سوهن يا هدهود تقولى لاء .. اهووو طلع فلانتينوووو عصره واوانه وعلم علينا كلنا ....
الاولاد اتكتب لهم خروج من المستشفى .. وخرجو وراحو البيت ..
بهاء : بخضه .. يا حبيبى .. وبيزعق فيهم كلهم .. انا قلبى حاسس اخص عليكووو بتخبو عنى .. هاتوه جمبى ..
نيمو طارق الا بيتوجع جااامد جمبه ..
بهاء : حضنه جاااامد ... يا قلب جدك .. الف سلامه عليك
محمود : عمى .. طارق خد عربيتك وعمل بيها الحادثه هو وأحمد وكريم والعربيه اتبهدلت مش نافعه تانى
بهاء : فى داهيه .. وبيحط ايده على وش طارق بحنيه أهم حاجه حبيبى .. العربيه بتروح ويجى غيرها .. اهم حاجه هووو
طارق : بيعيط .. ما تزعلش منى يا جدو انا غلطان
بهاء : بيمسح دموعه .. لا حبيبى فداك مليون عربيه .. فداك .. اوعى تعيط ..
فاطمه : اهدى يا بابا ها تتعب كدا ... بس طارق كدا بيغلط فى حق نفسه وحق الا حواليه لقدر الله كان ممكن نخسرهم كلهم .. بسبب تهوره
بهاء : هو الولد فى ايه والا ايه ... أخص عليكووو زعلتونى قوى كل دا فى الواد ومخبين عليا
هدى : مش عايزين نتعبك يا جدو با الا عمله
شريف : احنا عارفين انك ما بتقبلش عليه الهوا .. بس ياعمى مش كل حاجه نعديها له كدا
بهاء : ضامم راس طارق على صدره ولو .. المهم انه الحمد لله بخير .. مش هو بخير
هدى : راحت جمبه وحضنته جاااامد ... بخير يا جدو ما تقلقش .. وبهاء بادلها الحضن ... وعشان يغيرو الضغط الا مالى الجووو شويه .. وعارفين ان بهاء مرتبط بطارق جدا ولا يمكن يعاقبه على أى شئ بيعمله .. فا فضلو السكوت وان أى كلام لطارق ما يبقاش قدامه .. و شريف وهدى بدئو يحكو الا حصل ولما البنات جت زارتهم وكمان اصحابهم الولاد .. وبدئو كلهم يضحووو
*******************
منيره : مرتاح كدا يا احمد
أحمد : الحمد لله يا تيتا ..
فتحى : مش تبطل تهور يابنى ..
مروان : بيبص له .. بمزاجه او غصب عنه ها يبطل كفايه كدا مش ها توصل اننا نعرض حياتنا للخطر
محمد : الحمد لله انها جت على قد كدا .. وانت يا كريم عامل ايه دلوقت
كريم : الحمد لله يا عمووو
عبدالله : الف سلامه عليك يابنى
كريم : الله يسلمك
حنان : حاضنه كريم قوووى ..يا قلب تيتا .. الف سلامه وبتبوس راسه
مازن : العيال دى ضربت اليوم .. الا بنجهزه من أسبوع .. بقى شم النسيم .. ها نشمه جمبكم هنا ..
روان : ملناش نصيب يا مزاميزو ..
ميرنا : كريم مش كنت تاخدنى معاااك فى العربيه
مازن : عشان تكمل .. عايزا تروحى معاااه ليه
ميرنا : عشان كلكم بتحضنوهم وتبوسهم .. وملمومين حوالهم وسايبنى
روكا : قلبها وجعها .. مهما كان طفله .. ودا تفكيرها . فعلا من كتر أخطاء الولاد .. بقى الاهتمام الاكبر ليهم .. حضنتها .. بعد الشر يا قلبى ..
مازن : قعد قدامها ... وبيبوس راسها ويحضنهاااا .. انتى الحته الشمال دى يا مرونا .. ويوم ما يفكرو بس يتهورو ويعملو كدا معاكى انا أكسرهم عشانك ..
ميرنا : بأبتسامه .. بجد يا بابى .. انتو بتحبونى زيهم
مازن : انتى عندك شك فى دا
ميرنا : بتهز راسها ... لا انتووو بتحبونى .. وانا كمان بحبكم ..
مازن : حضنها جاامد والكل حاضنها وباسها ... وطلعت جمب كريم ..
ميرنا : كريم .. انت جالك هدايا كتيررر قوووى .. ممكن تدينى نصهم ..
كريم : داخله على طمع على طول كدا ..
ميرنا : مش انا أختك .. يبقى لازم تقسم الهدايا معايا
مازن : بينزلها من على السرير .. روحى خوديهم كلهم
كريم : لا .. دى من البنات مش ها ينفع
روان : بتضحك .. مش المفروض نفتح الهدايااا عشان نعرف جايبين ايه ..
أحمد : ليه كدا يا رورو .. دى حاجه خاصه .. .
مازن : خاصه .. وبيتريق يا حمودى مودى مودى ..و الا كرملة حبنا الا وجعا قلبنا وقام جاب الهدايا كلها .. وقعد هو وروان وروكا .. وأحمد وكريم ها يطقووو وميرنا قاعده معاهم والباقى قاعد بيتفرج ويضحك
مازن : الله أكبر ... ايه دا يا كرمله .. ايه دا يلا .. مكتسح بسلامتك ..
روان : بتضحك جااامد .. ورينى يا مازن ..
مازن : خدى يا رورو خدى .. جيباله دبدوب وكله شافيف ... ناوى على ايه يا كرملة 😂😂😂
روان : بتضحك وكلهم بيضحكووو .. لا والشفايف واخده وضع البوووس .. وبتمد شافيفها لقدام
مازن : ما بيضيعش وقت بسلامته .. وبيبصله .. انت طالع لمين يالا ...
روكا : طالع لخالته .. تصدق
حنان : ماسكه كريم .. يا ختى جماله حلووو .. كبرتى يا بيضه والبنات جيبالك دباديب
مازن : دباديبووو بنى يا حماتى ... البيضه فقست وطلعت ديناصور .. وماسك هديه تانيه بيفتحها .. لقى قلب وبينور نور أحمر وعليه كارت مكتوب جووواه ... الف سلامه يا قلبى .. وحشتنى يا كيموووو ...
مازن رفع ايده لفوق وبيلف يمين وشمال ... كيمووو كونووو ياناس قلب ابوووه 😂😂😂 دا انت طلعت عيل جبروت وبيقول ورا بعض ... لالالالالالا ... انا عايز درس خصوصى 😂😂😂
ومروان وكلهم بيضحكووو بعلو صوتهم ..
روان : ماسكه هدايا احمد وبتفتح اول هديه .. لقت انواع شيكولاته كتيرر وكارت كبير مكتوب جوووواه .. اول يوم انهارده أكل الشيكولاته لوحدى وبأيدى .. ما قدرتش من غيرك يا حبى .. الف سلامه يا حمودى
مروان : بيبص لأحمد ويضحك .. بتأكلها الشيكولاته .. وانا بقول فلوسى بتروح فين
مازن : بعلووو صوته على كرشها ... على كرشها يا حمودى مودى مودى .. اه أملى كرشها تكسب حبها 😂😂 رايحين المدرسه تشهيصووو وتوجعو قلبنا هنا ..
روان : بتفتح الشيكولاته وبتأكل فيها 😂😂😂
مازن : ما تهدى يا رورو .. اهدى .. وشد البوكس الا فيه الشيكولاته وبياكل معاها 😂😂😂
روكا : هات حته يا مازن هى طعمها حلووو
مازن : لا 😂😂😂
روكا : بتأكلها ليه لما هو لا
مازن : يعنى مودى يأكل شيكولاته وانا لاء وبيفرق عليهم كلهم .. ماعدا أحمد وكريم ... 😂😂😂
روان : بتفتح هديه تانيه .. وبتضرب على صدرها بأيديها .. ايه البنات دى .. الكلام دا بجد ..
روكا : بتاخد الهديه ورينى كدا .. يا نهار ابيض ..
مازن : بيتعدل لا كدا بدات اتوغوش الموضوع شكله كبير .. ورينى كدا ... نهارك بابمبى ... بالألوان الطبيعيه ايه دا يالا ... شيكولاته تانى ... انت مدمن .. مش تغير الصنف
أحمد بيضحك جااامد : ماهما الا بيحبوها .. دا هارونى شيكولاته ..
مازن : بيبص لمروان وبعلو صوته خلفتك .. طالع لمين قولى .. ابوك كان قطه مغمضه .. هو مش قوووى بس مغمضه
روان : عماله تفتح فى الشيكولاته وتاكل .. لدرجه ان بوئها بقى حواليه شيكولاته كتيرر مروان نزل جمبها وماسك ايديها .. وبيضحك اهدى يا رورو ما تعمليش فى نفسك كدا
روان : سبنى يا مروان لازم أئدبه ... وبتشاور بأيديها على الشيكولاته وأخلص على كل دول ..
مازن : بيبص لأحمد ها تضيع امك يخربيتك 😂😂😂😂
*************************
حكمت : نزلت على ارض الوطن هى وأولادها وأحفادها .. بفرحه ماليه وشوشهم .. مش مصدقين ان بعد السنين الطويله دى رجعووو تانى .. أخيرااا .. راحو على العماره ..
سيد : ست حكمت .. يا الف حمدالله على السلامه اخيرا نورتينا بت يا هانم ... يا هانم
هانم : بفرحه .. ست حكمت .. وحشتينا يا ست وبتعيط .. نهون عليكى كل السنين دى .. العماره من غيرك ومن غير الست روان ومروان ومازن بيه وحشه .. والله وحشه ..
حكمت : حضنت هانم جااامد وحشينى يا هانم وسلمت على سيد وكلهم سلمو عليه .. وطلعو بسرعه معاهم
هانم : مروان بيه مدينا مفتاح لشقته ولشقتك .. وبيبعت ناس تروق الشقه كل أسبوع وكل حاجه زى الفل يا ست مش ناقصه غير وجودكم
حكمت : تسلمى يا هانم .. ويسلم مروان حبيبى هو ورور ومازن وشريف كلكم وحشتونى الحمد لله ان ربنا طول فى عمرى ورجعت بلدى من تانى ... وطلعووو بيريحو من المشوار .. وبيفتكرو كل حاجه قديمه مع بعض ... والاولاد واقفين فى البلكونه بيتفرجوو على الشارع والناس ...
***********************
شريف : دخل الاوضه بتاعته هو و هدى ... انا ها ادخل أخد شاور سخن جسمى كله واجعنى
هدى : حطا ايديها ورا ضهرها .. وبترجع لورا جااامد اه وانا كمان يا شرشر .. ضهرى واجعنى
شريف : قام ووشه فى وشها .. وحضنها ولف ايده ورا ضهرها وبيرفعها من على الارض وبيضغط على ضهرها جااامد ..
هدى : اه .. براحه يا شريف .. ضهرى واجعنى قوى
شريف : يعنى ما ارتاحتيش شويه بعد ما طرقعته
هدى : ابتسمت .. كدا حلووو قوى كفايه عليا
شريف : وهو لسا حاضنها .. قرب من شافيها ومبتسم وبيبوسها بوسات خاطفه .. حبيبى الف سلامه .. وحشتينى يا هدهود ..
هدى : بتلعب فى صدره بأيديها .. وانت كمان يا شرشر .. ها نعمل ايه مع طارق بقى متهور جدا ..
شريف : يااااه لازم سيرة هادم اللذات دلوقت .. هو حد فينا بيعرف يكلمه طول ما هو جمب عمى ... ممنوع الاقتراب او التصوير ... دا ممكن عمى يطردنا من الفيلا بسببه
هدى : 😂😂😂 ايوا فظيع ... ايه دا صحيح .. مش ها نفتح الهدايا نشوفها
شريف : ساب هدى وجرى على الهدايا ... نفسى اعرف ولاد اللذينه دول عاملين ايه للبنات دى كلها .. والفضول ها يجننى واعرف ايه الا البنات جايبينه تعالى ناخد اتنين والا تلاته نفتحهم ونرجعهم تانى ولا من شاف ولا من درى
هدى : ها نعرف نرجعهم تانى ..عمو ممكن يقفشنا
شريف : يقفشنا بقى ما احنا زى ابوه وأمه 😂😂😂 اهو نعمل أى منظر ... وجاب الهدايا وبيفتح اول واحده
لقى ميداليه معموله بصورة البنت هى وطارق ... وصوره تانيه للبنت لوحدها .. وعليها من ورا شافيف بالروج ومكتوب عليها .. طلبت منى البوسه بس انا بتكسف ياروئه .. فا عملت الميداليه دى وكان نفسى لما نتقابل اديهالك فى ظروف أحسن والصوره بتاعتى إلا طلبتها .. مالقتش انسب من الوقت دا عشان أفضل معاك وجمبك وانت بعيد عنى الف سلامه يا حبيبى
شريف بيهز ايده يمين وشمال .. يالهووووى .. ابنك داخل على البوس ها يهدى ... على البوس وهو فى الثانوى .. امال لما يبقى فى الجامعه ها يتجوز الاربعه المفترى 😂😂
هدى : بتضحك جااامد وبتخبط على رجلها ... الواد دا قليل الأدب
شريف : جبتى التايهه يأختى 😂😂😂 .. انا بحمد ربنا اننا ما خلفناش تانى .. واحد يارب قرب شعرى يشيب بسبب عمايله .. امال لو اتنين .. ها اعيش حياتى فى مقالب .
هدى : فاتحه هديه تانيه : لقاتها روايه أسمها العشق الأعمى .. الحق يا شرشر .. جيباله روايه ..
شريف : العشق الأعمى .. هو ايه الا أعمى أمال لو مفتح ها تعملو فينا ايه 😂😂😂 ومسك الروايه فى ايد والصوره بتاعت البنت فى ايد تانيه .. اه عشان تكمل .. يقرى كلمتين ويبوس فى الصوره .. يقرى كلمتين ويبوس فى الصوره😂😂😂😂 وبيكلم الصوره .. شبعتى بوس يا إلا تتشكى على راى مازن .. الهى تتشكوو كلكو .. هى البنات دى اهاليهم طالقهم كدا
هدى : بتقرب على شريف وهى بتضحك .. ومسكت خده .. ما انت كنت شقى يا شرشر ... وبتجرى ورا البنات ..
شريف : انا بجرى وراهم ... ابنك شقلبها .. وهما الا بيجرو وراه ... وانا متغاظ الصراحه ... الواد دا علم عليا وابتدى الشقاوه بدرى قوى
هدى : كان نفسى يطلع مؤدب ...ويعرف ان كل دا غلط وعيب .. يعنى هو لو عنده أخت .. كان ها يقبل بالتصرفات دى مع اخته
شريف : بصى يا هدى .. مفيش ولد أى ولد بيقبل بأى تصرف من دا سواء من أخته او اى حد يخصه ... ويوم ما يفكر تفكير حقيقى فى الارتباط كل الا انتى شايفهم دول بيتركنووو على جمب مالهمش اى لازمه ولا يعنو ليه أى شئ ولو ارتبط بواحده هو داخل خارج معاها مبيبقاش فى ثقه .. انا حبيتك وبعدت عن اى واحده ورميت كل قذوراتى فى الزباله لان دا مكانها الحقيقى .. عارفه ليه عشان لو انتى زيهم عمرك ما كنتى تخلينى الف حوالين نفسى أهم حاجه فى اى بنت ان يكون عندها حياء وكرامه .. ودايما تبقى غاليه مش ترخص نفسها
هدى : طيب ليه انت توعدها وتقول انك بتحبها وتمشى معاها وانت شايفها كدا
شريف : عشان انتى الا ادتينى الفرصه لكدا .. وفتحتى الباب على اخره .. وقولتى اتفضل انا معاك فى اى حاجه انت عايزها .. والشباب والاولاد عندهم الممنوع مرغوب وبيقلدو تقليد أعمى وبحر الغلط عندهم كبير .. بأيدك بقى تساعديه على انه يكمل غلط .. وبأيدك بردو تفوقيه وتعرفيه ان لكل شئ له حدود لو كان مغيب زى حالاتى ..
هدى : رغم انك بتبرر لنفسكم الغلط .. ومش متقبله من اى بنت بس انا معاااك لازم أى بنت تحافظ على نفسها من عالم الرجال
شريف : انا مش ببرر غلطى ... هو اه انانيه منى انى أغلط وعايز كله يغفرلى غلطى .. بس صعب قوووى عليا لما الاقى البنت اخلاقها كدا .. وأفكر انها ها تحافظ عليا وعلى بيتى وولادى .. ممكن حد تانى يغفر ويتقبلها زى ما انتى اتقبلتينى وحبتينى .. بس الا عاش معاها نفس التجربه عمره ما يقدر ابدا ...
هدى : هزت راسها .. ممكن طبعا .. سيب بقى الهدايا دى وتعالى ناخد شاور عشان ننزل ...
💙💙💙💙💙💙💙💙
للمتابعه اترك تعليق
البارت الثالث عشر + الرابع عشر من الجزء الثاني
خادمتي ولكن
💙💙💙💙💙💙💙💙💙💙
مر يوم أخر فى حيات أبطالنا وابتدى يوم جديد
**********************
حكمت : قاعده فى البلكونه وبتملى صدرها بالهوا الا اتحرمت منه سنين وريحة وشكل كل حاجه حتى وشوش الناس وحواليها أحفدها
باسل : تيتا .. قاعده وسرحانه فى ايه ..
حكمت : مبتسمه فى كل حاجه يا حبيبى .. وحشتنى بلدى وكل حاجه فيها كنت خايفه أموت هناك .. بس دلوقتى أطمنت وارتحت الحمدلله
سيف : تيتا ليه على طول بتقولى كدا ... احنا بنحبك وعايزينك معانا ..
حكمت : وانا كمان بحبكم بس الموت علينا حق ... ها نروح فين يعنى فى الاخر ...
يارا : بعد الشر عليكى يا تيتا
ياسر : انتى بتختبرينا عايزا تعرفى بنحبك اد ايه .. واتلمو حواليها وحضنوها جااامد ...
نجلا : دخلت عليهم يا سيدى على الحب شكلنا مش ها ننزل .. وبتبص لحكمت نلغى مشوار روان
حكمت : لا .. قومو ياله بطلو دلع .. وقوموها ونزلو بيها ومعاهم سامح وعادل ... وصلو كلهم الفيلا ... وبلغو مروان الا سمح لهم بالدخول فورا ونزلو كلهم فى استقبالهم
روان : جريت على حكمت وحضنتها جاااامد .. وحشتينى وحشتينى ياماما حكمت ... كل دى غيبه
حكمت : يا حبيبتى يا روان .. يا حته من قلبى .. وبتشدها تانى تحضنها بشوق فظيع كلهم واقفين مصدومين من رد فعل الاتنين ما تخيلوش كمية الحب والشوق دا ... فضلو فى سلامات كتير .. ودخلو وقعدو كلهم قدام بعض تحت أستغراب مروان لوجود عادل هو وروان ...
نجلا : رورو .. ممكن أخطف مروان لحظات منكم انا وعادل
روان : طبعا يا نجلا اتفضلى ...
مروان : خدهم وطلع على الجنينه برا وقعدو وبيقول لهم انا شايف الحمد لله الأمور بخير
نجلا : جدا الحمد لله ... طبعا انا طلبت نقعد مع بعض عشان تاخد دا لانه حقك ..
مروان : مسك الشيك وفتحه .. وبيبص لعادل
عادل : انا عارف انى فى نظرك أبشع راجل فى الدنيا .. بعد ما اتكلمت معاك ولقيتك انت بتشترى عيالى وانا ببعهم زعلت من الحال الا وصلت له ... خصوصا لما العيال بدئت تكبر قدامى وأشوف اد ايه هما بارين بيا وانا ندل معاهم ومع أمهم ... كل ما احاول أصرف الفلوس حاجه تمنعى وضميرى يأنبنى ... روحت لنجلا ادتها الشيك وأعترفت لها بكل حاجه هى وولادى .. وبيضحك ويا دوب لسا راضيه عنى اليومين دول
مروان : كويس انك رجعت لعقلك ... وبيبص لنجلا وكويس انك دوختيه ... أما دا بقى .. خلاص دا خرج من ذمتى لولادك يبقى لولادك .. خليهم يمكن يفكرو يعملو اى حاجه مستقله لهم ..
نجلا : لا طبعا .. انا لا يمكن أمد ايدى واخد فلوس اندفعت تمن لولادى كفايه الا انت وروان عملتوه عشانى وعشان ماما وسامح ... وكمان انا عارفه اننا بنتقل عليك
مروان : ما تقوليش كدا يا نجلا احنا طول عمرنا أخوات
عادل : كنا عايزين نرجع الشقه بأسم ماما حكمت تانى هى والله ما طلبت مننا بس هى مصممه تكمل هنا والاولاد مش عايزين يكملو بقيت حياتهم هنا خلاص خدو على وضع وعيشة هناك .. فا على الاقل نأمن لها مكان
مروان : بيضحك .. على فكره هى لسا بأسم ماما حكمت ومفيش أى حاجه اتغيرت .. خالص ..
نجلا بصدمه : ازاى مش انت اشترتها واتنازلت عنها ليك
مروان : كل دا تم بعقد ابتدائى عشان اريحها ومسجلانش فى الشهر العقارى .. وكل المستندات والعقود معايا الا اتدهلى وزى ما هى مفيش اى حاجه اتغيرت ..
عادل : هو انت ليه بتعمل دا كله
مروان : عشان ابويا ربانى على كدا ... طول ما فى ايدى اساعد ما اتاخرش خصوصا لو حد عزيز علينا .. وقيمة الفلوس مش كترها لا قيمتها فى بسمة وحب الا حواليك
نجلا : ماشاء الله عليك يا مروان .. لسا زى ما انت ما اتغيرتش ... طيب انت ها تاخد حق الشقه الا دفعته ويبقى كدا انت فعلا عملت معانا أكبر واجب
مروان : الشقه دى بتاعت ماما حكمت ومش ها أخد مليم الا يخصكم انا ها اخدته تمام .. أما الا يخصها فا دا بقى بينى وبينها .. وقومو ياله عشان نتغدى ونعمل لكم أكل مصرى معتبر ... ياله كفايه رغى ..
عادل : بيبص لنجلا مبهور بالشخصيه وجمالها مش مصدق ان فى كدا أصلا خصوصا فى عالم المال والسلطه ... الا احيانا بيتحول لعالم مخيف
****************************
بهاء : جمب طارق على السرير ... انا ماردتش أكلمك قدامهم أمبارح ... بس انت عارف انت عملت ايه
طارق : بيوطى راسه .. انا عارف ان العربيه غاليه عليك
بهاء : لو فاكر ان العربيه أغلى منك يبقى عمرك ما قدرت حبى ليك ... العربيه فى داهيه انما أنت لاء ... يا حبيبى ربنا ها يحاسبك على نفسك وعلى الا أنت كنت مسئول عنهم ... كنت ها تضيع وتضيع اخواتك معاك .. بتحبنى يا طارق
طارق : قووى يا جدو قوووى .. أكتر من أى حد فى الدنيا
بهاء : مسك وشه بين ايديه ... يبقى ما تتكررش الا انت عملته تانى وأحمد ربنا انها عدت على خير ... اوعدنى
طارق : اوعدك ياجدو بس لحد ما أكبر واطلع رخصه بعد كدا ما اوعدكش
بهاء : بيضحك ... لا اوعدنى انك تحافظ على نفسك وتقلل من غلطك .. حبيبى راجل وها تبقى حاجه كبيره انت عارف كدا
طارق : الصراحه ... لاء
بهاء : ضحك جااامد ... طب خلى عندك طموح ...على طول ضايع كدا ..
طارق : يا جدو عيش وروشها
بهاء : ياواد بتجيب الكلام دا منين
طارق : يا جدو ... انت قديم احنا بقى الشباب الروش
بهاء : انا قديم وانت روش ... هو دا الا بتتعلموه فى مدارسكم ..
طارق : بيلف ايده يعنى يا جدو .. بقولك ايه عشان البشوات مش ها يعدولى الموضوع كدا بالساهل اوعى تسيبنى انا حبيبك
بهاء : المره دى محدش ها يكلمك .. انما لو اتكررت ها أسيبهم يعملو الا هما عايزينه معاااك
فاطمه : دخلت اه منك يا طارق ... عارف مدخل جدك يا وحش
طارق : تيتا دا انتى حبيبتى ... سيبك منهم وخليكى معايا
محمود : بطل ياد مش مضيع وقت وراح نام جمب طارق من الناحيه التانيه .. أعقل انا أجن من ابوك شريف .. وصابر عليك عشان عمى .. .
بهاء : فين هدى وشريف
فاطمه : قاعدين برا يا بابا مش عايزين يدخلو عشان زعلانين من طارق ومش عايزين يزعلوك
بهاء : ناديهم يا فاطمه .. ونادتهم
شريف واقف وهدى جمبه : نعم يا عمى
بهاء : تعالى يا حبيبى جمبى من هنا .. السرير كبير .. ما تخفش
شريف : رايح زى الأطفال بيجرى وبينط على السرير جمب عمه ... أخيرا أفتكرت ان ليك ابن أخ يتيم محتاج لعطفك وحنانك
بهاء : يخربيت جنانك بيخبطه على راسه .. انت جاااى تشحت وبتلوم على ابنك
شريف : بيوطى صوته مش قدام الناس يا عمى
كلهم : 😂😂😂😂
فاطمه : مسكت هدى .. شوفتى يا هدهود كلهم باعونا حتى جدك
هدى : شوفت يا مامتى شوفت
شريف : ماهو السرير لو حد نام عليه تانى ها ياخدنا وينزل تحت الارض .. فا أهدو كدا الله يخليكم
بهاء : ايه رايكم ناكل كلنا مع بعض هنا
فاطمه : كمان .. لا كدا كتير يا بابا ..
شريف : ليه يا فطوم بتقطعى برزقنا ليه ياله يا حلوووين فى الانجاااز
محمود : انا تعبان وجسمى مكسر وعمى بيتكلم صح...
**********************
نور بعد ما رجعت من شغلها .. وجهزت الغدا ومؤمن رجع بعدها بفتره كبيره ..
مؤمن : هانى انا دماغى مصدعه .. ابعد عنى
نور : هانى اسمع الكلام
هانى : طيب مين ها يذاكر معايا
نور : انا بعد الغدا اتفضل ياله على اوضتك أختك قاعده من نفسها بتذاكر ... اتعلم
هانى بتذمر : حاضر ودخل الاوضه
مؤمن : ماسك دماغه ... انا تعبان قوووى الشغل كتير عليا انا وانتى
نور : معلش يا حبيبى .. ربنا يشفى اولادهم .. ويهونها
مؤمن : يارب ... عامله اكل ايه
نور : حذر فذر
مؤمن : عمتا هو سمك
نور : صح وقعدت على رجله وبتناغشه بمناخيرها فى وشه ... وبتبوسه .. سمك وطاجن جمبرى .. ورز وسلطه
مؤمن : بيضحك ... العب .. خربتيها يا نور
نور : يا سيدى اهووو يوم من نفسنا ... دا انا كان نفسى أملى السفره كلها ونعيش بقى
مؤمن : حاوطها بأيده .. ما احنا عايشين وزى الفل الحمد لله .. وبيرفع شعرها من على عنيها .. ومسك وشها بأيد وبيبوس خدودها .. وحشتينى يا نونه ايه يابت ناسيه ان ليكى جوووز
نور : انا وبتشاور على نفسها .. والله ابدا دا نت الا ناسى ... وبتغنى .. وإن كنت ناسى أفكرك ..
مؤمن : بهمس .. تفكرينى بإيه يا شقاوه ..
نور : أفكرك باليل وشجونه ..
مؤمن : بهمس أكتر وبيقرب من شافيفها .. وايه تانى .. واندمح معاها
هانى : بعلو صوته .. انتو بتعملو ايه .. 😂😂 الحقى يا هيدى
مؤمن : قام بسرعه مسكه .. تلحق ايه يالا .. ماسك حراميه .. مامتك كانت ها تقع فا مسكتها جااامد
هانى : انت كنت بتبوسها ... وبيشاور على دماغه ازاى بقى كانت ها تقع .. .
مؤمن : منا بصالح ماما عشان كانت ها تقع .. وبيزعق فيه انت مالك أنت .. دا انت عيل رخم
نور : مسكت هانى انت غلبوى ليه هاااه .. وبتديلو بالرجل .. ادخل ذاكر بقى
هانى : انا جعان
نور : الاكل ها يجهز واناديلك اتفضل بقى
*************************
بعد الغدا حكمت واولادها طلعو عند الاولاد فوق يطمنو عليهم
سيف : ازاى تسوقو عربيه وانتو فى السن دا
باسل : ممنوع عندنا
مازن : وممنوع هنا كمان بس الاستاذه متهورين
أحمد : ازاى ممنوع وكتير فى سنى وأقل منى كمان بيسوقو عربيات
مروان : دى تجاوزات من الا فى سنك والا بيتمسك بيتحاسب على طول
حكمت : ربنا يحميكو يارب ويهديكو
سامح : وانت طالع شقى لمين لا أمك ولا ابوك فيهم طبع الشقاوه
أحمد : بيبص لمازن
مازن : ما تبصليش أحسن اقوملك ... انا مش شقى
كريم : امال انا طالع لمين يا ماما
روكا : ليا يا حبيبى ... كل الا بتعمله انا عملته
مازن : اه يا جباره ... وبيشاور عليها وبيكلم روان شوفتى يا رورو .. عرفتى انى مظلوم
روان : يا مظلو يا أنت ... وبتشاور على روكا يا جباره يا انتى .. كدا تظلمى مسعودى .. .
مازن : ايوا كدا تظلمى مسعودك .. ومره واحده مسعود مين ...
كلهم : 😂😂😂
قضو وقت كبير مع بعض ... وحكمت كانت مبسوطه جدا بوجودها وسطيهم كلهم مع بعض ... وبعد وقت خدت ولادها وزارت شريف هو كمان وأطمنت على طارق وبعدين روحو
💗💗💗💙💙💙💚💚💚
خادمتى ولكن ! 14
💗💗💗💗💙💙💙💙💙💙💚💚💚💚💚💚
مر اسبوعين ... وحالة الاولاد اتحسنت جدا ... والكدمات بدء اثارها يروح تماما .. والشاب كلهم رجعو شغلهم تانى ... والامور مستقره وهاديه نوعا ما ....
************************
سامح : لقتها فين
مجهول : فى الزمالك نازله من شقه هناك ..
سامح : ودى شقة مين
مجهول : يا باشا شقتها واتاكدت بنفسى و العنوان أكتب عندك . ش ال.... رقم ...
سامح : طيب كدا تمام ... بقيت حسابك ها ابعتهولك
مجهول : احنا فى الخدمه دايما يا باشا مع السلامه وقفل
عادل : لقيت راندا ..
سامح : ايوا .. عايشه فى شقه فى الزمالك .. .
يارا : ها نروح لها أمتى ..
سامح : ها اروح لها انا الاول وبعدين انتو روحو زى ما انتو عايزين
ياسر : ليه بقى
حكمت : يا حبيبى ابوك بيعمل الصح .. سيبه عشان يصفى خلافاته معاها الاول ويعاتبها بعيد عنكو
نجلا : هى عايشه فى شقه ليه يا سامح ..
سامح : ابوها مات .. وهى صرفت الا قدامها والا وراها على السهر والخروج واالمصنع والفيلا أتحجز عليهم بسبب الديون
نجلا : ضيعت كل حاجه بسهوله كدا
حكمت : ما نعرفش ظروفها ايه واسكتو بقى
ياسر ويارا خدو جمب وقعدو فيه .. وباسل وسيف مقاضينها خروج وفسح بيلفو مصر حته حته ...
****************************
سامح نزل وراح لراند ومتوتر من اللقاء خايف تكون اتجوزت ... ومليون حوار وحوار بيجو فى دماغه ... وصل عند البيت وطلع الشقه .. وبيستجمع قوته وبيرن الجرس
راندا بتعب شديد : فتحت الباب واول ما لقت سامح قدامها ... اتصدمت .. وتقريبا كدا مش قادره تقف على رجلها
سامح : مسك ايديها .. ودخلها وقعدها ... وبيبص لها وساكت ..
راندا : بتبص بعنيها على الباب وكأنها منتظره حد تانى يدخل
سامح : محدش منهم معايا
راندا : بالهفه ليه ماجوش معاك
سامح : انا الا طلبت منهم
راندا : بتنام على الكنبه .. ليه مش عايزهم يشوفونى وجاى تشمت فيا وترد الا عملته فيك زمان
سامح : بزعل على منظرها .. لا .. جاى أشوفك واعرف اذا كان انتى الا عايزا تشوفينا والا لاء
راندا : تعرف من سنه واحده ماكنتوش فى بالى .. بس دلوقتى بقى عندى أستعداد أدفع عمرى كله وأشوفكم
سامح : وايه الا غيرك وخلاكى عايزا تشوفينا ..
راندا : المرض يا سامح .. فوقنى بعد العمر دا كله هدنى وخد منى كل حاجه شبابى وجمالى وصحتى ولقيت نفسى لوحدى مفيش أى حد جمبى .. أفتكرتكم وأفتكرت كل الا عملته فيكووو ..عايزا أقول لولادى يسامحونى وأشوفهم مره واحده بس .. ومامتك
سامح : مسك ايديها .. هما كمان عايزين يشفوكى وأمى برغم الا عملتيه كله ما عرفتش تكره بالعكس كانت دايما بتقول لولادى انهم لازم يسألو عليكى .
راندا : دموعها نزلت وبتدارى وشها جامد فى المخده ... والبروكه وقعت من على راسها ..
سامح : بصدمه .. انتى .. انتى عندك
راندا : عياطها زاد وبتجيب البروكه ... وبتدارى راسها .. وقع من الكيماوى يا سامح .. سامحنى
سامح : بدون أى تردد خدها فى حضنه وبيضمها لصدره جااامد ... ودموعه نزلت .. الف سلامه عليكى يا راندا
راندا : بادلته الحضن .. سامحنى وخلى ولادك يسامحونى وماما حكمت .. انا دلوقتى حاسه انى مرتاحه انى شوفتك حتى لو شمتان فيا
سامح : عدلها ومسح دموعها .. بس يا راندا .. مش فى طبعى الشماته خصوصا للقلبى حبها وانتى عارفه انا حبيتك اد ايه
راندا : عارفه ومقدرتوش ولا استاهل تسامحنى بالسهوله دى انت كدا بتقتلنى أكتر وبتعرفنى قيمتى ..
سامح : ممكن تهدى عشان ما تتعبيش .. مش عايزك تقابلى ولادك وانتى كدا
راندا : بتنام تانى على الكنبه مش قادره .. سبنى وأمشى من فضلك
سامح : لا يمكن ها أسيبك وأمشى .. قومى معايا وبيقومها وراح غسل لها وشها .. وجهز أكل وقاعد بيأكلها بكل الحنيه الا فى قلبه وبحب حقيقى ... وبتسامح أكتسبه من أمه حبيبته ...
******************************
ماندو : كدا كفايه يا كرمله
كريم : لا يا ماندو اهرشلى كمان فى الحته ... دخل العصايه لجوا ..
أحمد : 😂😂😂 طيب ما نهرشلك من فوق الجبس ..
طارق : وانا يا ماندو .. الله يخليك .. تعالى أهرشلى فى الحته دى .. .
ماندو : ساب كريم وجاب عصايه تانيه وبيدخلها من الجبس وبيهرش لطارق ...
مروان : الجرب مسك فيكووو
مازن : تحس ان ماندو اتحول لمهرشه عامه ... ومسك خد أحمد مش عايز حد يهرشلك يا بيضه ..
أحمد : لا الحمد لله بهرش لنفسى ..
شريف : بيتريق ماندو ما تيجى تهرشلى فى ضهرى 😂😂😂
طارق : يابابا .. سيبه بقى ها اتجنن واهرش فى رجلى المتجبسه
روان : ايه دا يا طقوقه .. ايه الا انتى عملتيه دا .. احنا بنعمل ايئئح على نفسنا .. مش كدا عيب وقرف
هدى وروكا ضحكوو جااامد
مازن : لا احنا ما بنئئحش على نفسنا .. احنا بنئئح جوا .. 😂😂😂😂 وبيشد ماندو وبيلفه .. اوعى ياضينايا تكون وبيجز على شافيفه ولاد عيب الئئح جوا
ماندو : بصوته كله وربنا منا دى الكلبه
مازن : بيتخن صوته .. مين يا معلم
ماندو : بيوطى صوته ومقرب على مازن .. دى الكلبه عيب عليك ..
كلهم : 😂😂😂😂😂
مرنا : بابى كدا عيب
مازن : مش انا دى الكلبه ..
كلهم : 😂😂😂😂
مروان : مسك روان وقرب منها بطلى جنانك بقى انتى ايه الا جرالك ..
روان بجديه : تعبت من البنت دى وأفعالها يا مروان انا لسا مغيره لها البنطلون .. شقشق برقبتها الكلبه دى
روكا : بضحك شفشق بيلبس بامبرز
مازن : الله أكبر ... لبسو الديناصور بامبرز 😂😂😂
روان : بتوطى عليها .. ومين الا لابسه بامبرز
روكا : بضحك انا عشان ما يقلدش طرقوعه .
شريف : 😂😂😂😂 مش قادر ... انتو بجد
مروان : أنت شوفت حاجه ... وبيبص لروان .. انتى بقى عارفه طقطوقه بتغرق نفسها فين
روان : هى بتغرق نفسها .. ومش عامله ايئئح
مروان : بيضحك على كلمتها ... لا مش بتئئح هى بتروح على حنفية الحنينه وبتغرق نفسها .. انا نفسى أعرف الا ها يوصل الئئح عند صدرها فوووق
هدى : 😂😂😂 روان فصلت ... مالك يابنتى ايه الا جرالك
روان : انا عايزا فروله ..
هدى : روان مالك انتى بجد والا تقليد
أحمد قام : وجاب طبق فروله وبيديه لمامته ..
مازن : راح قعد جمبها .. وبياكل معاها .. تفتكرى يا رورو .. الفروله دى عشانى والا عشانك
روان : عشانى يا مزاميزو سيب الطبق لو سمحت
مازن : وربنا ابدا احنا على الحلوه سوا والمره سوا .. وبياكل ويشد الطبق عليه وهى تاكل وتشد الطبق عليها لحد ما خلص وباقى واحده .. روان خدتها بسرعه حطتها فى بوئها .. وبتقوله وبوئها مليان فروله .. كفايه عليك كدا يا مزاميزو 😂😂😂 ونامت وهى قاعده
مازن : بصوته كله .. روان انتى بتاكلى وتسافرى فى ثانيه
مرنا : قعده جمبها .. طنط .. قومى يا طنط مالك ..
هدى : انت ماكشفتش عليها يا مروان
مروان : رافضه ... وكل ما أكلمها تقولى انا كويسه
أحمد ؛ كويسه ايه يابابا .. انا لاقتها بتتزحلق على ترابزين السلم أمبارح
شريف : بيبص لروان الا فتحت عنيها .. وصلتى للترابزين يا روان
روان : 😂😂😂 لقيته أسهل لسا ها أنزل السلم وأتعب نفسى
هدى : ودى تيجى .. اتزحلقى يا حبيبتى .. وبتبص لروكا وانتى كنتى فين وهى بتعمل كدا
كريم : 😂😂😂 شافتها بتتزحلق نزلت تتزحلق وراها ..
كلهم : 😂😂😂😂
مروان بيضحك وبيلف وشه .. وفعلا شايف ان روان تصرفاتها كلها غريبه اليومين دول لا وبتعامل الكلبه على انها طفله
**************************
ريم : محمد .. ممكن تناولنى الفوطه
محمد بمشاكسه : اناولك الفوطه بس
ريم : بتضحك .. ايوا بس ..
محمد : خدى .. فقريه
ريم : طالعه من الحمام وملفوفه بالفوطه .. ومحمد بيحضنها من ضهرها .. بقولك ايه بما ان منه مش من هنا ايه رأيك نستغل الفرصه
ريم : بتكشر وشها .. انت مستغل أساسا .. اوعى كدا خلينى البس
محمد : بيزقها .. روحى ولو الواحد مدلعكوووش تقولو شوفو ما بندلعش
ريم : يا سلام .. تدلعنى ... اعنى فاهم
محمد : بيضحك لا مش فاهم .. ها توحشينى لحد ما أبعتلك ايه دا خلاص انا قربت أمشى واسيبك .. ها أسيب قلبى معاكى
ريم : بعد ما لبست .. قربت منه وحاوطت رقبته بأيديها .. وانت كمان ها توحشنى قوووى اتخانق انا مع مين
محمد : اتخانقى مع أمى لحد ما أجيبك 😂😂😂 همك على الخناق .. طب والدلع والحب وسهر اليالى وانتى ولا فى دماغك
ريم : الله بقى يا محمد .. قولتلك ها توحشنى
محمد : قولى وربنا
ريم : وربنا ... اوعى تبص لبنات
محمد : ابدا ... احنا بنمشى مغمضين من غيركووو
ريم : يا سلام .. ياعينى على البراءه
محمد : شالها مره واحده .. ورامها على السرير ونام جمبها .. وبيمشى ايده على وشها .. وبيبوسها بجد ها توحشينى ..
ريم : انت بتضحك عليا ..
محمد : ايوا .. وبيقرب أكتر ياخدها فى حضنه بشوق واندمج معاها وبيها حبيبته وأم بنته
***********************
سامح : خد راندا وهدومها ورايح بيها على شقة مامته بعد ما بلغها فى التليفون بكل حاجه .. وطلب منها تقنع ياسر انه ما يهاجمش أمه ... وصل قدام العماره وراندا خايفه تطلع وبتعيط بشده
راندا : سبنى عشان خاطرى يا سامح سبنى أمشى
سامح : تعالى والله ما تخافى .. انا معاكى ومش ها أسيبك وخدها وطلع على فوووق .. لقى حكمت قاعده فى انتظاره واولادها .. والباقين فضلو انهم يخرجوو ..
حكمت : فارده ايديها .. تعالى يا بنتى فى حضنى .. تعالى يا راندا
راندا : جريت ووطت عل ايديها تبوسها وحكمت خدتها فى حضنها وبتمسد على ضهرها بحنيه ..سامحينى يا ماما حكمت .. سامحينى
حكمت : مسماحكى يا حبيبتى .. قومى خودى ولادك فى حضنك .. وبتلف تشوف ولادها الا كبرو يارا بقت عروسه .. وياسر عريس .. فاتها كتير فى حيات ولادها خسررت انها تعيش الامومه وتشبع منهم وهما يشبعو منها .. يارا جريت عليها .. وحشتينى يا مامى .. وحشتينى قوى
راندا : وانتى كمان يا حبيبتى .. وبتعيط ببحور من الدموع الا رافضه تقف لحظه واحده ... وبتبوس بنتها وبتشم ريحتها بجنون ... ووقفت مره واحده لما لقت ياسر واقف بعيد مش بيقرب وحتى مش بيبص لها ... قربت منه ولسا بتمسك ايديه زقها جامد بعيد عنه ...
ياسر : لو هما سامحوكى انا مش قادر أسامحك ومش عارف
راندا : واقفه ورافعه ايديها وبتعيط وبتقوله انا .. انا . والكلام اتجحر فى زورها مش قادره تكمله .. ها تقوله ايه
سامح : راح عليه ومسكه جااامد انت اتجننت .. بأى حق بتزق أمك كدا
حكمت : ليه كدا يا ياسر .. دى تربيتى وكلامى معاااك
ياسر : بتهجم فى الكلام .. هى يا تيتا السبب .. عايشه بقالها كام سنه من غيرنا .. دلوقتى بقينا حلوين لما بقت مريضه .. واحنا الا نجرى عليها ونسامح .. الا زى دى مش أم
راندا : فقدت التوازن .. ووقعت واول ما وقعت بروكتها كمان وقعت ودا الا سكت او صدم ياسر لما شافها بالضعف دا .. وصل بيه الحال يعاير أمه او يشمت فى أمه بمرضها ... عيط ونزل على روكبه جمب يارا وسامح .. الا وطى شالها بسرعه .. وبعت جاب دكتور .. الا طلب نقلها للمستشفى فورا .. خدوها وكلهم نزلو معاها .. وصلو المشتشفى اتعمل لها اللازم واتحجزت فى العنايه .. وعادل ونجلا واولادهم راحو على المستشفى هما كمان اول ما عرفووو ...
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
💗💗💗💙💙💙💚💚💚
للمتابعه اترك تعليق
جميله
ردحذف