مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت الخامس عشر من الجزء الثاني 

خادمتي ولكن 

💗💗💗💗💙💙💙💙💙💙💚💚💚💚 

فى مشهد أخر مختلف تماما ... كلهم واقفين فى قلق .. برغم كل الا عملته .. إلا ان المرض وضعف الانسان ساعات بيكون حاجز لتحجر بعض القلوب ... متمدده على سرير  فى غرفة العنايه بين الحياه والموت ... لا تريد العوده .. أكتفت من افعالها ومن المرض الذى يهاجمها بشراسه ... لا تسمع  ولا ترى تسامح وحب من حواليها ... 

يارا : فى حضن حكمت .. بتعيط بحرقه مامى يا تيتا ... يوم ما ارجع لها  ها تموت وتسبنى تانى يا تيتا .. 

حكمت : بضعف وحب ... ربنا يشفيها ياحبيتى  وما يحرمك منها .. 

يارا : ياسر السبب يا تيتا ... ياسر هو السبب هو شايفها وعارف انها تعبانه ليه يعمل فيها كدا .. انا محتاجها جمبى 

حكمت : ها تقوم يا حبيبتى وها تبقى جمبك ان شاء الله .. أخوكى اندفع فى رد فعله اعذريه غصب عنه .. 

سامح : باصص عليها من قزاز الغرفه .. وبيفتكر كل الا كان بينهم فى يوم من الايام ... اد ايه كانت جميله ومليانه طاقه وحيوايه ... كانت بتتباهى بكل حاجه .. دلوقتى نايمه ضعيفه مستسلمه تماما لضعفها وللمرض .. شكلها جسمها كله كله اتغير ... الحاجه الوحيده الا اتمنى يشوفها فيها هو بيشوفها دلوقت وهى كدا بس بعد ايه ... بقت حنينه وبتحبهم كلهم وفهمت واتعلمت الدرس متأخر ... اتعلمت ان النعمه لما تبقى فى ايدى وماعرفش قيمتها بتروح منى ... اتعلمت ان ولادها أغلى ما فى حياتها وزى ما رماتهم فى يوم من الايام بيجى وقت نار الجفا والفراق بتحرقها وبتقتلها بالبطئ   ... حاجات كتير مش بنعرفها غير فى المحنه .. سرحان تماما .. وهادى وساكت عكس ماكان ... 

الدكتور : استاذ سامح 

سامح : أسف يا دكتور .. كنت سرحان شويه ... هى ها تفوق أمتى 

الدكتور : حالتها سيئه جدا ومن الواضح انها بتهمل فى علاج نفسها عن قصد ... لانها مستسلمه تماما للموت 

سامح : اول ما سمع أخر كلمه قلبه وجعه عليها قووووى ... بص لياسر ابنه .. وكانه بيقوله ليه عملت كدا ... طيب يا دكتور انا ممكن أسفرها برا  

الدكتور : احنا عملنا الا ها يعملوه برا وأكتر .. المريض عمتا محتاج طاقه ايجابيه فى حياته من الا حواليه ويبقى دايما عنده استعداد يواجه مرضه بشجاعه ويتقبله فى نفس الوقت ... دا بيساعد فى الشفاء بنسبه كبيره ... وحط ايده على كتف سامح .. ادعولها .. 

سامح : بجمود عكس الا جواه شكرا يا دكتور ... واستأذن من الدكتور وخد ياسر ودخل لها .. قرب ياسر منها قوى وسابه وطلع برا ... 

ياسر : بيمشى ايديه على راسها ودموعه بتنزل ... وطى باسها فى خدها وقرب من ودنها جاااامد ... مسامحك يا أمى ... عشان انتى أمى .. تعرفى كان نفسى أعيش فى حضنك واحس بحنانك ودفى الامومه الا بيقولو عليه ... سبتينى واتنازلتى عنى وعن أختى ... واحنا فى أمس الحاجه ليكى .. كنا دايما بنشوف الامومه فى تيتا حكمت دايما كانت بتحاول تعوضنا عنك ... ودموعه نزلت أكتر .. بس  محدش بيعرف يعوض  عن الأم ابدا ... بنشتاق ونحن ليكى ولحضنك ... وبيقول اااااااااه .. طلعه بوجع من جواه ... حضنك الوحيد إلا ستات الدنيا كلها ماتعوضوش ... ليه حرمتينا منه ... نام على صدرها وبيعيط بحرقه ومسك ايديها باسها وحاضنها وضاممها لصدره ... ماتزعليش منى  وقومى عشان عايز أشبع منك يا حبيبتى ... عايز أجيب هديه واقدمها ليكى بمناسبة عيد الام .. ودموعه بتنزل أكتر وأكتر مش أنتى أمى ... 

سامح : لما شافه منهار عليها دخل وخده فى حضنه وطلعه برا ... وساب راندا يمكن تكون حست وسمعت كل كلمه خرجت من ابنها تديها دافع تقوم ليهم وتقاوم بدال استسلامها  

وبعد وقت وصل عادل ونجلا وأولادهم للمستشفى عشان يقفو جمبهم مش يسيبوهم فى محنتهم  

مر يومان وهى نوعا ما بدئت الحاله تستقر وتسترد وعيها ومروان وروان اول ما عرفو راحو لهم ووقفو جمبهم ... فاقت راندا .. ولقت ناس و قلوبها صافيه وجميله وولادها وجوزها رجعو لها .. بقى عندها دافع قوووى وكبير انها تقوم وتكمل حياتها تتوب لربنا عن ذنبها وتعوضهم عن كل الا فات  

  

حكمت أطمنت واتبسطت ان ولادها بقو مستقرين فى حياتهم وبارين بيها جدا ... لان بر الوالدين عمره ابدا ما يكون عائق للزواج  بالعكس لما يبقى مبنى على التفاهم والحب ... والوالدين بياخدو مكانهم الصحيح وبيتعاملو بالنصيحه واللين ... أكيد بيوتنا كلها ها تبقى هاديه من الطرفين وأكيد ها نلاقى الحب فى كل بيت ...

********************* 

مروان قاعد ومتجمعين حواليه كل الكبار والاولاد برا فى الجنينه كلهم حته من قلبه وبيدعى ربنا يديم لمتهم الحلوه .. باصص لهم وسرحان وفارد ايده على روان وضاممها لصدره  خد نفس طويل .. وقربها أكتر وباسها من راسها .. ومن خدها ... وروان بادلته شعوره بكل حب ... 

شريف : عم الاشواق والحنين  أنت وهى 

هدى : بتضربه فى كتفه ما بقتش عاطفى يا شريف

مازن : بتريقه .. ليه يا شرشر خليك عاتفى يا راجل 

مروان : مش عارف انا ناقصكو ايد والا رجل .. عشان تعيشو مع الا ربنا رزقكم بيهم حب ومشاعر  مش حرام ولا عيب على فكره لو ضميت مراتى 

شريف : بيشد هدى عليه .. حبيبتى وربنا .. هو انا ليا غيرها 

روكا : شدت مازن .. وانت مش ها تشدنى 

مازن : اوعى كدا .. دا انتى سحبتينى كانك بتسحبى ابنك ... اعيش مشاعر ايه دلوقت الامومه والطفوله 😂😂

مروان : بتريقه يامزاميزو خليك عاتفى  

روان : وهى بتغمض عنيها .. وبتقول بنوم مزاميزو وحححششش 

شريف : رورو .. وبيبص لمروان ... انت بتستهبل .. ليه سايبها كدا خدها غصب عنها وأكشف عليها 

مروان :  بكرا ان شاء الله  مش ها اسيبها تانى عشان كدا موضوع النوم دا بقى غريب وبيزيد قوى .. 

هدى : قامت وقعدت جمب روان .. وبتصحى فيها .. رورو حبيبتى رورو فوقى كدا وكلمينى 

روان : بنوم هاااه نعم 

هدى : مالك انتى ايه الا عامل فيكى كدا 

روان : بتبتسم ودماغها تقيله جدا .. وبترفع ايديها براحه .. وبتقول بوم مفاجأه 

شريف : بيبص على ايده وبيقول بوم مفاجأه ... يادى النيله لتكون ها تفجر نفسها 😂😂 

مازن :  حتى وانتى نايمه بتئلشى . 

مروان : بيقوم روان عشان يطلعها فوق وينيمها ... وخدها وطلع وشريف قاله خليك معاها عشان احنا ها نمشى  ... دخلو اوضتهم وهو بيكلمها وبيهزر معاها عشان تفوق ...

وروان دخلت خدت شاور .. وبتقول لمران خد يا حبيبى وبتديه الفوطه وبنطلون وتيشرت .. وبتزقه على الحمام .. ادخل ياله بسرعه .. ومروان دخل الحمام ياخد شاور  وطالع وبينشف راسه بالفوطه جااامد .. اتفاجئ بروان .. مجنونته وحبيبته... لابسه قميص زى الفراشه .. ومسيبه شعرها ..  ومشغله موسيقى لأغنيه كلمات ... ما ادتوش فرصه انه يفكر .. مسكت الفوطه منه ورمتها .. وبكل خفه وحب بتشده عليها وبترقص وتلف معاه كانها طايره فى الهوا ... وبما ان سمح لنفسه يكون هو المستمع الخاص والوحيد لها .. بدئت تغنى مع الموسيقى ..  بصوت جميل ونقى وفى قوه ... ومروان مستمتع جدا وفى نفس الوقت مستغرب من تقلب احوالها بسرعه جدا... قدرت ترسم البسمه على وشه .. وتنسيه همومه واعباء الحياه فى لحظه 

روان وهى بتغنى ... يسمعنى حين يراقصنى كلمات ليست كا الكلمات ... 

يأخذنى من تحت ذراعى يزرعنى بإحدى الغيمات ... والمطر الاسود فى عينى وبتقولها وبتهز راسها جااامد وبتطلع بأيديها وايد مروان لفوق وتنزل تحت ومروان بيضحك جااامد ....  يتسقاط زخات زخات ... يحملنى معه يحملنى .. لمساء وردى الشروفات وبتغنى ومندمجه مع مروانها جدا .. وبتلف معاه وتتمايل فى حضنه الدافى أمنها وسكانها ...  

روكا ومازن طالعين اوضتهم ... ومعدين على اوضة مروان وسامعين الموسيقى وصوت روان الا يجنن .. وفضلو قدام بابا الاوضه .. ومازن مسك روكا وبيقول لها هشششش وبيضحك من غير صوت .. وبدء يشد روكا ويرقص معاها قدام اوضة مروان  😂😂😂 ومندمجين اوى هما الاتنين مع بعض ..  

روان بتغنى بقوه وكأنها بتهمس لمروان برسائل تحمل من الحب ما يكفيه لسنوات ..وبيحضنها وبيرفعها وهى بين ايديه ... وبيلف بيها وبيضحك وبتكمل غنى 

وأنا كالطّفلة في يدهي

كالرّيشة تحملها النسمات

وأنا كالطّفلة في يدهى ااه اه يدهي

كالرّيشة تحملها النسمات

يهديني شمساً

يهديني صيفاً 

فجأه مروان سمع صوت خطوات قدام الباب .. وبيقول لها تكمل وبيشاور تسكت وناولها الرواب الطويل بتاعتها تلبسه .. وراح فتح الباب فجاءه 

مازن : كان شايل روكا وبيلف بيها ومندمج معاها اول ما مروان فتح الباب .. ساب روكا فجأه ووقعت فى الارض 😂😂😂😂 

مازن : يووواه يا روكا .. عليكى عاميل .. كل ما تمشى خطوه تقعى زى العيال وبيشد فيها قومى يا ماما .. قومى 😂😂😂 

روكا : بصوتها كله .. اه يا مازن انت بترمين 

مازن : مسك بوئها .. أخرسى يخربيتك ها تودينا فى داهيه 😂😂😂 

مروان : واقف بيضحك هو وروان .. وبيقول لمازن .. اه وبعدين .. 

مازن : ولا قبلين .. قومى قدامى على الاوضه يا إلا جايبلنا الكلام .. 😂😂 وبيبص لروان .. وبهزار وانتى يأختى  عامله حفله جوا من غير معازيم .. ليه هاااه .. ليه .. 

روان :  زيمو زيمو ... معازيمووو  No

مازن : زيمو معازيمووو   ... وبيغمز لمروان .. انت زيموو معازيووو لوحدك يا قط  وبصوته كله ... لا البيت دا طاهر وطول عمره طاهر .. 

روكا : بتلف وبتقول يا أم المطاهر رشى الملح سبع مرات 😂😂😂😂 

روان : بترد على روكا سبع مرات وبتلف معاها  .. 😂😂😂

مروان : بيبص لروان  ايه الا انتى بتعمليه دا 

روان : مش انا هووو ودخلت جرى .. 

مازن : لسا مروان ها يكلمه .. وبيشاور على روكا .  مش انا هى .. وشدها وجرى على اوضته .. 

مروان : وربنا كلهم مجانين .. انا عايش فى مورستان ودخل لروان .. انتى مش ها تبطلى عمايلك دى انتى وهو انا بقيت عايش فى سيرك مش عارف الحقها منين والا منين 

روان : طالعه على السرير  .. رانى مروانى .. 

مروان : بيحط ايد على ايد ايوه اتفضلى اتحفينى .. 

روان : انا عملالك  سبرايز ... 

مروان : بيضحك سبرايز أكتر من الا انا فيه .. يبقى كتير عليا .. كتير يارب الا بيعملوه 

روان : نزلت ودخلت فى حضن مروان وبتناغشه فى وشه بمناخيرها  .. ومبتسمه .. مروانى انا حامل وها أجيب بانبينو نلعب بيه 😂😂😂 

مروان : بعدم فهم او عدم إستعاب .. بانبينو ايه وتلعبى بمين .. انتى سخنه .. والا انا الا سخن وبيحط ايده على راسه .. 

روان : 😂😂 انا بتكلم بجد يا مروان ..  انا حامل 

مروان : بفرحه وبعدم تصديق وكل حاجه وعكسها .. بجد يا روان .. بجد ها أخلف تانى 

روان : بتهز راسها .. اه 

مروان : وعماله ترقصى وتتنططى .  مجنونه انتى يا روان مجنونه .. وعمال يتكلم ورا بعض ورا بعض .. الحمد لله يارب 

روان : اهدى يا حبيبى .. الحمد لله ربنا ها يرزقنا تانى بالطفل الا كان نفسك فيه .. 

مروان : حضنهاااا جااامد .. ونفسه يدخلها جوا قلبه ... يسمعها قلبه بيرقص من فرحته بيزقطط ويتنطط .. وخدها واتوضى وصلى شكر لله أولا .. على رزقه الواسع ليهم فضل يدعى كتير ان ربنا ما يحرمش حد من فرحة رزق الاطفال والبركه فيهم

***************************

فاطمه : خلاص يا محمود بابا بيدايق .. 

بهاء : انتو فاكرين انا  بدلعه .. بيتهئ لكم .. انا ما بحبش احاسبه قدامكم .. دا راجل وما ينفعش يحس انه  متهان او قاعدين له على الوحده 

محمود : يا عمى راجل .. لازم يفهم انه الغلط غلط ... ولازم يتعاقب على الا بيعمله .. الحمد لله المره دى جت سليمه بس بتهوره دا ممكن يروح مننا فى لحظه او يأزى حد ياما ناس راحت بسبب دلع عيال 

بهاء : بعصبيه ..بعد الشر .. بطل يا محمود دا انت جده وأعز الولد ولد الولد ... ايه عايز تحاسبه وخلاص ... محدش له دعوه بطارق  كفايه الا جراله ولما أموت أعملو الا انتو عايزينه .. ومش ها اسامحكم لو عملتو فيه اى حاجه  

فاطمه : قعدت جمبه وحضنته .. اهدى يا حبيبى عشان صحتك .. 

محمود : بأستسلام ... الا تشوفه يا عمى 

شريف : داخل وشايل طارق وبينهج جااامد .. وسعلى يا عمى .. ورزعه على السرير جمب بهاء ... وبيزقه فى راسه بأيده .. يأخى خس وخلى عندك دم .. شايل بلوه مصيبه .. وبياخد نفسه .. وبيوطى وبينهج جااامد قطعت نفسى .. 

طارق : دا انا رشيق .. والا ايه يا جد الجدود يا عسل 

بهاء : الله أكبر ... هو الا صحته راحت يا حبيبى خسع وكبر  .. وبيبص لشريف .. يخس ايه يا ولا .. يا ولا 

فاطمه : حطت ايديها على بوئها وبتضحك جااامد .. ومحمود بيبص لها وبيضحك على ضحكها هو وهدى .. 

شريف :  😂😂😂 وربنا الواد دا قعدته معاك خطر 

طارق : دا أنا غلبان . بقولك يا جدو 

بهاء : نعم يا قلب جدك ... 

طارق : تفتكر  ها ينفع ادخل شرطه .. 

بهاء : يالهوووى ... شرطة ايه يا واد والحرميه تجرى وراك .. والعصابه تضربك .. خطر عليك يا حبيبى .. خطر 

هدى : خطر يا كتوموتو خطر ... انت لو دخلت شرطه ها يحاكومنا احنا عسكريا .. وها يضربونا بالرصاص

شريف : 😂😂😂 الحق يا عمى عايز يدخل شرطه عشان تكمل  

محمود : ماشى حلو تبقى ظابط اد الدنيا ملو هدومك ... بس بطريقتك دى والا بتعمله ها تعمل مصايب وها تسئ للمكان الا انت فيه .. إلا لو اتغيرت للاحسن 

طارق :  بيبعت لمحمود بوسه فى الهوا .. حاضر يا جدو حودا يا عسل 

شريف : بيغمز لطارق ... تموت فى البوس هااااه .. 

طارق : فاهمنى أنت ... ما انت ابويا بردو 

شريف : اه هما بيقولو كدا ماتاخدش فى بالك انت بس  ... ركز يا حبيبى ركز . ... فى احلامك وطموحك الورديه 

💗💗💗💙💙💙💚💚💚 

للمتابعه اترك تعليق

البارت السادس عشر من الجزء الثاني 

خادمتي ولكن 

💗💗💗💗💙💙💙💙💙💙💙💚💚💚💚💚

مرت   السنين وكأنها شهور ... يتساقط اليوم  وراء اليوم .. والشهر وراء الشهر ... تغيرت ملامحهم قليلا ولكن بقى أبطالنا بخفة دمهم وحبهم الذى يجمعهم دائما  ... ولكن رحل منهم  القلوب التى أحبتهم بصدق وعاشو معاهم ازماتهم وحبهم عن قرب  ... رحل بهاء وحكمت عن عالمهم ودنياهم منذ 4 سنوات و ظلو وسا يظلو بقلوبهم .... 

...............................

اولاد حكمت هاجرو الى لندن مره أخرى  بعد وافاة حكمت فى مصر  ودفنت بجوار من تحبهم ... 

.............................. 

أما ريم .. بعد سفر محمد بسنه واحده  ايطاليا .. بعت خدها هى ومنه بنته ... وفضلو العيشه والاستقرار هناك ... 

........................... 

مروان بقى عايش تجربته من الاطفال من جديد ... مر خمس أعوام .. منهم 9 شهور حمل روان الا جننته فيه وما بطلتش أكل ونوم .. وجابت بنوته شقيه ولمضه .. وبتموت فى مازن .. الدنيا عندها فى كفه ومازن فى كفه تاااانيه خالص وسماها على اسم مامته سميحه وروان رحبت بالاسم جدا وما اعترضتش عشان دى رغبة مروان والكل فرح خصوصا مازن  وبيدلعوها بسمسمه و عندها اربع سنوات ... 

................................... 

أما اولاهم ... أحمد وكريم وطارق مصممين يكملو مع بعض .. وحلفو ما تفرقهم لا ظروف ولا كليه حتى .. دخلو التلاته كليه الشرطه  وبدئت تبان عليهم ملامح الشباب نوعا ما ... بس يا ترى بطلو جنان والا مستمرين زى ما هما ... 

مرنا بقى .. بقت انسه  وفى ثانويه عامه 

............................. 

محمود وفاطمه وعز ومنى الا بقو بيقلدوهم ... مش مبطلين سفر من البلد دى لدى ... ومش مضيعين وقت خالص مالص 

................. ............. 

اما منيره وفتحى رغم الحاح روان ومروان انهم يعيشو معاهم فى الفيلا ... الا انهم رافضو تماما .. بس زياراتهم كترت ليهم .. بيفرحو لما بيقعدو مع سمسمه قوووى 

............................... 

نور ومؤمن  بيعانو مع اولادهم كل ما يكبرو بيتعبوهم أكتر وعندهم بيزيد مش بيقل ..  بيحاولو يوصلو لنقطه يقدرو يتفاهمو من خلالها ويعيشو حياه هاديه 

............................

حنان وعبدالله  جوزو حمودى .. واستقر فى شقه بعيد عنهم ..بس بيزورهم على طول 

......................................................

مازن وروكا وروان ومروان ومرنا قاعدين بيتغدو مع بعض  .. 

مروان : مقعد روان من ناحيه وسمسمه من ناحيه  

سمسمه : زامن .. يا زامن ..  

مازن : عايزا ايه من زامن .. انتى مش ناويه تقوليلى يا عمو يابت انتى  

سمسه : لا مس ناوى يا زامن 

مازن : 😂😂😂 شكيت فى امرك يا بنت اخويا 

سمسمه : بترفع ايديها وتنزلها لا يا زامن الله انا عايز خيرار  

مروان : بيضحك ... أسمه خيار يا سمستى 

سمسمه : خيرار يابابى ..خيرار 

مازن : طيب اتفضلى .. خدى الخيرار بتاعك 

سمسه :  أكلووو توله توله يا زامن 

مازن : 😂😂😂 ممكن أكله معاكى 

سمسمه : دا تاعى وحدى .. وخدت الطبق قدامها وبتاكل فيه .. 

روان : براحه يا جميله حبيبه أمه ياناس 

سمسمه : بتضحك وبتمد شافيفها قوى انا  ناس يازامن 

مازن : هو زامن ها يأكل من لماضتك ... وبيبعت لها بوسه فى الهوا .. حبيبتى يا سمسمتى 

مروان : هو انتى فى ايه بينك وبين مازن 

سمسمه : انا حبه زامن  اد اوعه 

كلهم ضحكووو جااامد 

روكا : يعنى طلعتى بتحبيه اد الكلبه فى الاخر 

سمسه : اه حبه اد اوعه كب    

مازن :  انا حظى كدا ... يوم ما تحبينى وبيقلدها يبقى اد اوعه الدبانه بتاعت شفشق  

سمسمه : رافعه ايديها .. ثلنى يا زامن اوبا أندك

مروان : انتى بايعه القضيه معانا كدا على طول 

مازن : بيضحك ... عشان تعرف قيمتى .. تعالى ياقلب زامن وقعدها على رجله وسمسه بتوسه فى خده 

مرنا : بتلاعب سمسمه وخدتها من مازن .. على رجلها وبتأكلها هى .... 

**************************

شريف : مالك يا هدى .. مش ها تقومى عشان نروح للمضه الصغيره 

هدى : طارق وحشنى قوووى يا شريف .. من ساعة من دخل الكليه دى وهو على طول مش معانا .. 

شريف : دى طبيعية الحياه العسكريه .. من ساعة ما يدخلو الكليه وهما بينتقلو حياه تانيه وبيت تانى .. كله دراسه وتدريبات وانتى عارفه كدا كويس ودى كانت رغبته هو العصابه 

هدى : 😂😂😂 والله وحشونى كلهم .. هما فعلا عصابه بس دمهم خفيف كدا ومالين عالينا حياتنا 

شريف : اهووو راحو لل ها يعلموهم الادب من اول جديد  

هدى : قامت وبتلبس  وشريف بيبص لها بنظرات خوف مره واحده بقت وحيده لا جدها معاها ولا مامتها وبابها ولا ابنها .. بيحاول هو يعوضها عن دا كله هو عارف اد ايه هدى حنينه وحساسه جدا .. وتعب معاها قوى لحد ما قدر يخرجها من حزنها على جدها بهاء  وطارق كمان الا كان بيعانى جدا ما اتخيلش ابدا الصدمه الا دهل فيها طارق بسبب موت جده بهاء تعبهم جامد .. 

********************* 

نور : نايمه على السرير .. اه يا دماغى .. اه يا رجلى .. اهئ اهئ .. اه يا دراعى .. 

مؤمن : بيزوقها .. خدينى جمبك وبطلى نونوه .خلينى اريح ساعه .. انا فيا الا مكفينى .. اه يا جسمى 

نور : أشمعنى انت تقول اه .. انا تعبانه يا مؤمن .. تعبانه 

مؤمن : خخخخخخ ... تش .. خخخخخخ .. تش 

نور : بتعدل راسها وبتبصله ... نفسى أعرف بتسافر فى ثانيه كدا ازاى .. ايه يا مؤمن للدرجه دى ضميرك مرتاح .. وبتزقه فى كتفه وبتعيط عياط مصطنع .. وانا يا جدع مش محسوبه على ضميرك .. 

مؤمن : خخخخخخخخخخخ ... تششششش 

نور : بتشاور بصباعها ... عليه ايوه ضميره مرتااااح ..نفسى انام زيك واعمل خخخخ تش براحتى 

هانى : ماما .. يا ماما 

نور : نعم .. عايز ايه .. اتحفنى 

هانى : عايز أكل .. جعان 

نور : بتزق فى مؤمن وبتعيط عياط مصطنع .. ابنك جاع يا مؤمن .. انت يا عم ابنك جاااع واحنا لسا كنا وربنا على السفره من نص ساعه لحق هضم الاكل   .. الواد دا معدوته مخرومه ايوا هى مخرومه ...

هانى : من على الباب برا ... ايه ياماما .. اطلعى  أكلينى 

نور : بتعدى من فوق مؤمن عشان تنزل من على السرير .. ووقعت اندبت فى الارض .. 😂😂 

مؤمن : قام بخضه .. بيبص بتوهان .. ايه فى ايه 

نور : قاعده فى الارض وحاطه ايديها الاتنين على رجلها .. ابدا يا حبيبى ... شوال رز وقع من جمبك  نام يا بابا نام عشان تلحق تاكل الحمام .. ياله أعمل خخخخخ تششس بسرعه 

😂😂😂

مؤمن : بنوم .. وبيغمض عينه وبيتكلم كلام مفهوم شويه  .. بطلى يا نونه تحطى رز جمبى يتبعتر يا نونه يتبعتر .. 

نور :  هو لسا ها يتبعتر ... ماهو مفروش على الارض اهو قدامك ... يابختك يأخى .. وبصوت عالى نام ولمه روزايه روزايه ... 😂😂😂وقامت طلعت برا وقفلت على مؤمن .. وبتحط لأبنها يأكل تانى ... وقعدت مع هيدى ترغى معاها بعد ما النوم راح من عنيها .... 

***************************

أحمد : وحشونى ولاد اللذينه... ياااه الواحد حاسس انه فى غربه بعيد عنهم ... 

طارق : بيفرد ايده لورا .. هدهود وشرشر وبطوط وحودا دول أغلى ما فى حياتى يا جدع ... الواحد عرف قيمتهم لما جربنا  المعامله الميرى ..

كريم : بيسقف وميرى ميرى .. 

كل الا فى الاتوبيس معاهم .. ميرى ميرى .. 

أحمد : وبقينا ميرى  

كلهم : ميرى ميرى 

طارق : بيبص فى ساعته .. نصايه ان شاء الله ونوصل لهم على السريع ..  وبعد وقت .. وصلو الفيلا عدو على الفيلا بتاعت طارق مالقوش حد راحووو على الفيلا بتاعت مروان ... طبعا حالقين شعرهم تماما .. ولابسين لبس ميرى ومعاهم كل واحد شنطه ... دخلو وسلمو على الحرس وكل الا موجدين .. 

سمسمه : طالعه وجمبها طقطوقه ماشيه  ورايحين  على الجنينه .. 

أحمد : جرى عليها وشالها وبصوت عالى سمسمه .. وبيرفعها لفوق وينزلها .. ويرفعها لفوق وينزلها 

سمسمه : بتضحك جااامد .. مودى بيبى .. وبتمد شافيفها تبوسه ... بيبى مودى .. 

طارق : سمسمتى  الجميله .. تعالى فى حضنى .. 

أحمد : بيديلو بالرجل ... قوليلو لاء .. انا محدش يشنلى ولا ياخدنى فى حضنه غير مودى 

سمسمه : ضربته .. مودى  وش ... طق حو ميل 

طارق وكريم : 😂😂😂😂 .. 

طارق : شوفت يا حقود انا حلو وجميل وانت وحش .. 

كريم : وانا يا سمسمه حبيبك صح ...  

سمسمه : مرله ادب وش  

طارق : بفخر .. عشان تعرفو انى فى القمه  وسع ياد وسابو  سمسمه مع طقطوقه  ودخلو جوا ... واول ما البنات شافوهم طلعو يجرو عليهم واستقبالهم بأحضان حاره ... وكمان الشباب ..  

مرنا :  كيمووو وحشتنى 

كريم : حاضن أخته وبيبوسها من راسها حبيبتى يا مرنا ... وانتى كمان ... وقعدو معاهم .. 

هدى : واخده طارق فى حضنها .. وعماله تبوس فيه .. وحشتنى يا طقطق ... عامل ايه فى الكليه 

طارق : الحمد لله ياماما .. انتى عامله ايه .. واخبار تيتا ايه 

شريف : مسيطر على الحريم انت .. وبيضربه على راسه .. ما تتعدل وكفايه أحضان وبوووس .. 

طارق : 😂😂😂 غيران من ابنك يا شرشر .. ليه طيب 

هدى : سيبه يا شريف .. واحشنى .. وبتضمه عليها قوووى 

مروان : بيخبط على رجل أحمد .. عامل ايه فى الكليه .. 

أحمد : اه يا صاحبى ... اليوم مش بيخلص .. نخلص حاجه ونخش فى غيرها .. بس اتعودنا الحمد لله وبنحبها كمان 

روان : اوعى تتهور يا أحمد اعمل التدريبات براحه 

أحمد : براحه 😂😂😂 هو انا فى الجيم يا ماما  دا أهم حاجه عندنا السرعه  

روكا : وبتنطو وبتعملو شقلبظات زى ما كنتم بتعملو هنا .. 

كريم : لالالا ... احنا كنا فاهمين الشقلبظات غلط .. وهما بيفهومنا الصح دلوقت 

مازن :  لا والله الناس دى بتفهم  ياله خليكم تتربو من اول وجديد 

الاولاد طلعو خدو شاور وغيرو .. وطارق كمان ولبس من هدومه الا فى الشنطه .. ونزلو اتغدو لوحدهم .. وقعدو مع عيلتهم وبيتكلمو مع بعض .. 

مروان : ايه رايكم 

روان : جميل جدا يا مروان .. بس ها يحتاج تمويل كبير 

مازن : طيب ما ندخل رجال الاعمال الا نعرفهم  الفكره دى  وبدال ما تعمل نادى ولا اتنين ها تعمل عشره وعشرين  

شريف : فكره بردو وانا عن نفسى مشترك معاك طبعا 

هدى : وانا كمان وها أقول لبابا وماما 

روكا : وانا مش ها اتاخر عليكم بحكم شغلى اعرف مهندسين كبار جدا .. أكيد ها يشتركو فى العمل الانسانى الضخم دا ... انت بتحقق حلم ناس بسيطه وشباب كتيرر 

طارق : فعلا لو كل بلد او قريه فيها نادى بأجر رمزى .. مش ها نلاقى شباب بتضيع حياتها على القهاوى وها نحقق بطولات على مستوى العالم فى كل الالعاب الرياضيه  

كريم : والاطفال كمان إلا فى مراحل عمريه مختلفه بدال الشارع ها يبقى فى نادى معتمد وبيقدم خدمه ليهم وها يعرفو قيمة الرياضه 

أحمد : انا من رأى يا بابا .. عشان الفكره تعمل صدى صوت والدوله تقدم المساعده على الاقل بالارض فى كل بلد او قريه هاتعملو فيها نادى للشباب ... تعمل حفله كبيره تعزم فيها أكبر رجال الاعمال حيتان البلد يعنى .. وكل الوزرا الا أنت تعرفهم .. وتتصور الحفله وتعرض عليهم الفكره .. وأكيد مفيش حد فيهم ها يتأخر 

مروان : طيب تمام .. يعنى مبدئيا .. كلكم موافقين ... وطبعا اقتراحتكو كلها ها أعمل بيها ... لان لازم كل رجل أعمال فى البلد دى والدوله يبقى فى دايما بينهم اتفاقات انهم يعملو مشاريع ونوادى واصلاحات تخدم الشعب الا بيكسبو من وراه والبلد ... ودا مش ها يأثر عليهم بالعكس ها يعمل لهم شعبيه كبيره والناس ها تقدرهم وبلدنا تظهر بصوره مشرفه وها يعود على شغلهم فى الاخر كا نوع من الدعايه بدال ما يصرف على الاعلانات ملاين يصرفها على الناس والناس بتسمع اكبر 

روان : عندك حق ... المفروض يبقى فى تنسيق بينكم وبين الدوله فى حاجه زى دى ..  وبردو بدال مانلم تبرعات ونجيب بيها بطاطين ... نعمل مصنع واتنين فى نفس القرى الا بتعانى من الفقر والجوع ...او حتى ورشتين تلاته بلاش مصنع  .. يبقى الناس استفادت وبدال ما  يدخل بيتهم بطنيه ... ها يدخل بيتهم قوت يومى والف بطنيه بس بكرامه ومن فلوسهم ونفس الحكايه للأكل ... بدال ما تدينى كرتونة أكل منها واستنى غيرها ...  علمنى  ازاى أجبها لنفسى من غير ما أمد ايدى ووفر فى بلدى المكان الا اقدر اشتغل فيه 

روكا : كل كلامك صح ايه فايدة انى أجيب أكل بملاين او مليارات وبطاطين .. واوزعهم وانزل ادور على تبرع تانى وتالت وكل سنه وشهر ويوم .. لا الاكل ها يكفى ولا البطاطي  ها تدفى .. 

مازن : حكم يا نااااس  ... لا الاكل ها يكفى ولا البطاطين ها تدفى ... 

روان : مروان انا ها اتبرع بكل حسابى الا فى البنك ... بس مش للنوادى .. لورش صغيره فى كل قريه بتعانى من الفقر و البطاله ... نوايه تسند الزير يعنى 

مروان : ابتسم وبيبص لها ... كله كله مش ها يتبقى ليكى حاجه 

روان : كله كله ... بلدى والغلابه الا انا كنت منهم وبعانى زيهم اولى

مازن وشريف والشباب بيسقفووو وبيصفرو جااامد 

مرنا : وانا كمان يا طنط ها أعمل زيك ... وها اتبرع بكل الا انا محوشاااه ... 

روان : حضنت مرنا جااامد يا حبيبتى ... ان شاء الله تبقى أغنى واحده فى العالم كله .. 

مازن : بيبص لروكا .. مش ناويه تتبرعى يا مصه دمى ... طلعى فلوووسى الا بتخنسريها 

روكا :  انت ظالمنى يا مزاميزو ...بس عمتا انا ها اتبرع بنص  إلا فى حسابى فى البنك والشغل فى المشاريع دى ان شاء الله .... 

مازن : كيمو كونووو .. ها تتبرع بكام 

كريم : عارف يابابى

مازن : بابى وبيمسكه من خدوده من أمتى الادب دا يالا 

كريم : بيضحك وسع بس خلينى أفضفض عشان الواحد جاب اخره 

مازن : فضفض يا عين أمك 

كريم :  ولا ليك عليا حلفان ... انت شايف التلاته الا قدامك دول وبيشاور على نفسه وعلى طارق وأحمد  .. شحاتين اه وربنا .. شحاتين ... احنا يجوز علينا الصدقه 😂😂😂 

طارق : والذكاه .. وبيمد ايده فى جيب شريف معاك ذكاه  عايز تطلعها .. 😂😂😂   

شريف : انا معايا حزام البنطلون تجربه بيضرب حلو قوى  😂😂😂 

طارق : بيبوسه .. لا وربنا ولا تتعب نفسك 

أحمد : وانتى يا رورو .. يعنى غلبانه ودوقتى الفقر ها تسيبى ابنك يتسول ... بصى حولى نص الحساب ليا والباقى لمشاريعك ..  وانت يا صاحبى .. ياباشا ابنك محتاج فلوووس ادينى أنت  وانا أعمل النادى فى الحته الا تريحنى  وبيشاور بأيده على الكنبه .. أعمله هنا أعمله هنا .. انا حر 😂😂😂 

مروان : انا ها اديك فى سنانك ... انت بتبطل تاخد فلوس بتودى فلوسكم دى كلها فين  

مازن : بتريقه  داخل على جواز ياعينى شاب ومحتاج يستقر 

أحمد : بيبعت بوسه لعمه فى الهوا .. ايوا محتاح أستقر .. أمتى تحسووو بيا .. 

روان : مروانى جوزه .. عشان يتلم 

مروان : 😂😂😂 هو اتخرج حتى عشان نجوزه ... ايه ها يتجوزها ويقول لها انا رايح الكليه ... جاااى منين جاااى من الكليه 

أحمد : سبنى لحد ما أعنس منك والاقى سمسمه متجوزه قبلى ... حتى طرقوعه الهبله اتجوزت .. دبانة الفيلا اتجوزت ... سوئت سمعة الكلاب ههههه

كريم : لا يا أم فخرى ما تعمليش فى نفسك كدا .. 

أحمد : سبينى ياختى ابويا مش عايز يستر عليااا 

طارق : وقف وبيسقف .. وهما وقفو جمبه وبيقولو أستر عليا أستر عليااا  .... 

كلهم : 😂😂😂😂 

💗💗💗💗💙💙💙💚💚💚 

للمتابعه اترك تعليق

البارت السابع عشر 

خادمتي ولكن 

💗💗💗💙💙💙💙💙💙💚💚💚💚💚💚💚 

منيره : قدامنا اد ايه يا هيثم 

هيثم : كل دا ولسا ما حفظتيش الطريق يا حجه 

منيره : مابعرفش أحفظ يابنى 

فتحى : هى ربع ساعه ونوصل ان شاء الله .. 

هيثم : الحج فتحى بيحفظ أكتر منك  ... وبعد وقت دخل الفيلا بيهم 

************************ 

مؤمن : بعد من صحى من النوم ولامم اولاده ومراته حواليه .. واخد نور تحت دراعه والاولاد تحت الدراع التانى ... 

هيدى : بابا .. هو ليه كل ما نروح عند جدو محمد يزعل لو روحنا عند جدو نبيل الاول ..... وبردو جدو نبيل بيزعل لو روحنا عند جدو محمد الاول .. 

هانى : عشان ما بيحبوش بعض 

مؤمن : مين قالك انهم ما بيحبوش بعض 

هانى : محدش .. بس بيتكلمو على بعض وحش 

مؤمن : لا هما بيحبو بعض بس فى سوء تفاهم كدا هو الا مخليهم زعلانين شويه 

هيدى : ايه هو بقى 

مؤمن : ميراث .. بدال ما يجمعهم وكل واحد يرضى با إلا قسمه ربنا .. زعلووو  ومفيش اى حلول بترضيهم 

نور : بزعل وقهر ... ومفيش حد بيحاول يهدى الامور كله بيشعللها 

هانى : ازاى يا ماما 

نور : يعنى يا هانى .. انت داخل وسيط بين حد عشان تصلح الامور بين الناس الا زعلانه من بعض .. بدال ما تهدى بتولعها ... وتروح تقول لدا قال عليك وتقول لدا قال عليك والزعل يزيد 

مؤمن : ربنا نهى عن الفتنه .. ووصفها بأنها أشد من القتل 

هيدى : ازاى يابابا اشد من القتل 

مؤمن : ممكن بكلمه واحده يا هايدى نوقع بلدين فى بعض وتموت ناااس كتير مش واحد والا اتنين ... انما القتل .. بيقتل واحد ودى مهمته وخلصت ... الفتنه ممكن تقتل شعوب وتشرد بلاد مش تفرق بين عيلتين وبس 

هانى : يااااه كل دا يابابا .. خلاص انا مش ها أفتن على هيدى تانى عشان مش تقتلوها 

هيدى : وانا كمان مش ها أفتن عليك عشان مش يقتلوك 

نور ومؤمن : 😂😂😂😂 

هيدى : طيب ما نروح لجدو محمد بابك وقوله كدا وانتى يا ماما قولى  لجدو نبيل .. عشان مايسمعوش كلام الناس  الوحشه 

نور : المشكله مش فيهم وبس يا حبيبتى .. ساعات المشكله بتكون أقرب الناس لينا .. الا دايما عايزين مشاكل وحروب بين العائلات .. 

مؤمن : ودول بقى صعب نقنعهم وصعب كمان نخرجهم من حياتنا .. 

هانى : انت وماما بتحبو بعض .. خليهم يحبو بعض زيكم 

مؤمن : قول يارب ياهانى ... انا ربنا بعتلى عمو مروان نجده عشان ابعد بماما عن المشاكل ودا قال ودا عاد ..  والا كانت حياتنا انا وهى جحيم  وبدال ما نحب بعض من كتر المشاكل ها نكره بعض ... فا قول الحمد لله 

هانى : الحمد لله .. انكو هنا بعيد عن الناس الفتانه  ...  دول  بيقتلو يا هيدى  ... ممكن يقتلونا .. احنا مش ها نروح عندهم تااانى 

نور : 😂😂😂 جيت تكحلها عمتها ... هما دول ها يفهمو معنى كلامك .. 

مؤمن : 😂😂😂 لا ولو راحو قالو لابوكى وابويا كدا ها يولعو فينا ... ويخلونا عبره .. وبيبص لولاده .. انا مش قصدى طبعا على جدو محمد وجدو نبيل .. انا قصدى على الناس الوحشه الا بتوقع بينهم 

هانى : اه يعنى قصدك على تيتا زينب وتيتا  ايمان ... هما الا بيفتنو  احنا بنسمعهم 

هيدى : يا أهبل انت كدا فتنت ... هاتروح النار 

هانى : بشهقه .. وحط ايده على بوقه ... سامحنى يارب .. وبيقوم يجرى 

مؤمن : رايح فين يا بطل .. خرابها على ايدك 😂😂😂 

هانى : ها أغسل بوئى عشان الفتنه تمشى منه .. 

نور : طهر ذنوبك طهر .. اغسل دماغك يمكن تنضف 😂😂😂 

مؤمن : نونه .. انا خايف من العيال دى .. 

نور : ضمت صوابعها على بعض .. أصبر  عليا .. واول ما هانى جه قعد جمبهم .. نور بتبرق لهم ..  عارفين الا ها يقول الكلام دا قدام حد بيحصل فيه ايه 

هيدى :  ايه 

نور : مش ها أكلمه تانى 

مؤمن : ياسلام ياختى .. بعد فيلم الرعب الا عملتيه من شويا دا .. مش ها أكلمه تااانى .. وربنا الواد دا طالعلك 

نور : ههههههه ها اعمل فيهم ايه طيب .. هما بيخافو على زعلى صح ..  

هيدى : باست ابوها وأمها ..  على فكره انتو بتعاملونى على انى طفله ومش فاهمه زى هانى ... انما انا كبرت وفهمت وعارفه كل حاجه ... وبتبص لهانى .. بص ياهن .. جدو محمد زعلان من جدو نبيل .. والمشكله دى مش ها تتحل غير لما الاخوات تحب بعض زينا كدا  وتعمل الا ربنا أمرنا بيه زى ما بابا وماما بيعلمونا  والناس تبطل تتدخل بالشر فى حيات غيرها ... ساعتها بس جدو محمد ها يحب جدو نبيل .. لان كل البيوت فيها جدو محمد وجدو نبيل ... 

نور : البت حلت المشكله فى كلمتين .. واحنا بنغنى بقالنا ساعه مش عارفين نفهمه حاجه 

مؤمن : بيضحك فهمت يا هانى .. 

هانى : ايوا فهمت ..  مش انتو صدعتونى وقتلتو البلد كلها 

مؤمن : بيضربه على راسه .. وحيات أمك .. انت لمض ليه يالا .. ليه قولى 

هانى : انا مش لمض انا صريح والا جوايا بطلعه .. 

مؤمن : بتطلعه فين 

هانى : بيطلع لسانه برا ... وبعدين قال .. بطلعه على لسانى وهو بيقولهلكم .. 

نور ومؤمن وهيدى .. فضلو يضحكو كتير   

هيدى : بابا ها تجيب لنا فانوووس زى كل سنه 

مؤمن : اه حتى لو مش معايا فلوس ها اجيب لكم يا حبايبى ... بس انتو بقى ها تصومو والا زى كل سنه 

هانى : زى كل سنه ... عشان ماتعرفش احنا بنصوم والا بنفطر 

نور : انت بتفطر وبتستغفلنى وبتضربه فى صدره 

مؤمن : اهدى يا نونه .. اعصابك يا ماما .. دا طفل .. وبيشده من ودنه .. بتفطر يالا .. 

هانى : دى حاجه بينى وبين ربنا .. مش انت على طول تقولى ما نحاسبش حد على علاقته بربنا عشان دى حاجه بينه وبين ربنا 

مؤمن : ايوا 

هانى : انت بقى بتتدخل بينى وبين ربنا ليه  

نور : وقفت على الكنبه .. لا سبنى عليه .. الواد دا ها يجيب أجلى .. 

مؤمن : مسك راسه .. اه يا راسى .. وبصوت عالى ... اه ... انت يابنى  عايز تشلنى 

هانى : بجراءه ... لاء .. وأشلك ليه شايفنى سوبر مان 

نور : نطت على هانى ... انا بقى سوبر مان .. وبتمسك فيه .. ومؤمنه بيشدها من عليه .. وشالها على كتفه وهى عماله تزعق فى هانى ... 😂😂😂 

مؤمن : فرهدتينى  انتى و ابنك .. ما تهدى بقى خلينا نشوف أخرتها مع طفل الغابات دا ايه .. 

هانى : ليه بأكل موز وبنط على الشجر ... انا بمشى على الارض عادى زيكو 

مؤمن : رمى نور على الكنبه ... وبيكلم هانى .. وانا بقى بمشى على الحيطه .. ولسا ها يروح على هانى ..

نور : مسكت فيه ... اهدى يا وحش 😂😂😂 

مؤمن : قلبها هزار عشان هانى ما يفتكرش انهم بيعادوه او بيكرهو انه بيتكلم بجراءه وفعلا بيطلع الا جواه بتلقائيه  

********************

مرنا : كيمووو .. انت كل شويه تسافر وتتاخر علينا كدا .. 

كريم : هو دا النظام يا مرنا .. عشان بنتدرب كتير .. وبندرس ولازم نبقى موجودين على طول من الاخر بيعلمونا حياه مختلفه فى كل حاجه 

مرنا : الله .. نفسى ابقى زيكو كدا .. وابقى جااامده .. 

طارق : مرنا كلى عيش واسكتى ياختى .. احنا طالع عنينا .. اهدى كدا وخليكى بنت 

مرنا : ليه هو انا لما ادخل الشرطه ها ابقى قرد

أحمد : 😂😂😂 انتى ها تتجننى .. بصى بقى انتى فكرى كدا فى كليه  زى الطب او الهندسه زى روكا انتى ذكيه وبتحبى المذاكره و بتدحى من صغرك .. ركزى فى دول 

مرنا : انتو عقد شكلكم كدا عنصرين  وما بتحبوش البنات معاكووو ... 

كريم : اتكلى يا مرنا ... قومى ياماما ...روحى ساعدى ماما وطنط رورو  ومرنا مشيت .. 

أحمد :  قام جرى تيتا وجدو .. وبيحضنهم وبيسلم عليهم .. 

منيره : ياحبيبى حمدالله على السلامه .. اخيرا نزلت ياقلب تيتا وحشتنى يا أحمد 

احمد : وانتى كمان يا تيتا ..عامل ايه ياجدو 

فتحى : بخير طول ما انتو بخير ... سمسمتى الجميله وشالها ... حبيبتى وحشتينى 

سمسمه : تدو ... بيبى ... دبلى .. ايمو يا أسل .. 

منيره : 😂😂😂 ايوا جبلك سماسيمو يا عسل .. وطلعت لها عسليه سمسميه من شنتطها .. 

كريم : بيسلم عليهم .. هى دى للصغيرين بس 

احمد : يابنى بطل طفاصه 

طارق : ليه يبطل وتقطع برزقنا ..  وسلم عليهم .. 

فتحى : خدو يا ولاد .. وبيديهم عسليه .. وبيبص لأحمد .. انت بقى كبرت ومش عايز .. 

أحمد : حبيبى يا فتحى .. هات ياراجل كبرت ايه وكلام فارغ ايه ونتش العسليه منه .. ادخل يا جدى .. بقيت العيله جوا مستنيه العسليه .. 

منيره وفتحى دخلووو جوا .. ومعاهم سمسمه     

روان : بتبوس ايد ابوها وامها .. وبترحب بيهم ومروان ومازن وشريف وروكا وهدى سلمو عليهم .. 

فتحى : تعالى يا جميله ..  شايل سمسمه مش عايز يسيبها  

سمسمه : تدو تانى 

مروان : لا يا حبيبتى كفايه عشان سنانك 

سمسمه : تانى  بابى .. انا إيبه 

مروان : قولت كفايه .. هى مره .. وبكرا تاخدى تانى خلاص 

سمسمه : بتمد شفافيفها قوووى لاص بابى 

روان : شطوره يا جميله .. تعالى نغسل اسننا بالفرشه وخدتها .. 

مروان : عامل ايه يا عمى 

فتحى :  بخير الحمد لله 

مروان : ليه بقى مش ها تقضى معانا رمضان  كله مسافر السنادى   

فتحى : انت عارف انا بحب اقضى معاكو كل المناسبات .. بس اخويا تعبان وطالبنى ولازم اسافر له .. مهما كان اخويا حتى لو زعلان منه 

مازن : عين العقل يا عمى ... ربنا يهديه 

فتحى : يارب يابنى 

شريف : بس بعد العمر دا كله لسا فاكر يبعت لك 

فتحى : بعتلى كتير بس انا الا كنت برفض اروح له .. هو واخواتى ..  ومنيره صعبان عليها قطع صلة الرحم وكلمتنى كتير .. وانا قولت مبقاش فى العمر اد الا راح .. والا عملوه فى ابوهم ربنا هو الا يحاسبهم عليه .. 

هدى : ربنا يسامحهم  ... 

منيره : يارب .. 

روان : فى حضن مامتها ... وحشتينى قوووى ياماما .. وريم كمان رغم انى بكلمها تقريبا كل يوم بس هى ومنه وحشونى 

منيره : ومين سمعك يا بنتى  كبرتو يا روان انتى واختك وابنك ماشاء الله على وش جواز 

روان : عايزا تكبرينى ولا خلاص ياماما .. انا لسا صغيره 

مروان : الشباب شباب القلب يا حماتى .. 

مازن : صلو على النبى 

كلهم : عليه أفضل الصلاة والسلام 

مازن :  احنا ها نفضل شباب لحد سن ال60 .. وبعدين نفكر نكبر ونعقل .. ان شاء الله 

روكا : ايوا احنا نعقل بعد ال60 

مازن : انتى تعقلى انهارده قبل بكرا  

روكا : ماشى يا ميزو ... طنط هى بلدكم بعيده 

منيره : ايوا .. يا حبيبتى .. 

روان : يعنى يا ماما .. تيجى انهارده وتسافرى بكرا 

هدى : طيب خليكو لحد اول يوم رمضان وسافرو 

منيره : مش ها ينفع .. احنا بلغناهم خلاص .. وهما ها يستنونا  بكرا ... قولنا نعدى نطمن عليكو ونسافر من هنا نقرب المسافه 

روان : تروحو وترجعو بالسلامه يا حبيبتى  

***************************

اليوم خلص قووووام .. وكله راح ينام .. 

******************** 

مازن :  تعالى فى حضن حبيبك يا ولا 

روكا : تعبانه يا ميزو .. سبنى انام 

مازن : لا وربنا .. دا انا عاملك مفاجأه يمكن تتهدى 

روكا : اتعدلت .. وماسكه مازن وبتشد فيه .. فين .. فين .. انقطق 

مازن : زقها نيمها .. وساند بأيده عليها .. وبيبص لها .. انتى مجنونه يا روكا .. مش كنتى بتطلعى فى الروح من شويه ..  

روكا : اصل المفاجأه بتعمل انتعااااش 

مازن : بيغمز لها ... عااااش يا وحش .. انتعشتى يعنى 

روكا : بتضحك .. ايووون .. انتعشتى .. 

مازن : طب تعالى بقى ... وبيقرب من وشها .. وبيبوسها برقه وكل بوسه .. بحبك يا روكا .. وكل يوم حبك بيتجدد فى قلبى ... .

روكا : بتحبنى من قلبك .. والا مجرد انك اتعودت على وجودى فى حياتك 

مازن : سند بأيده على المخده وموجه نظره لها ... اخويا مروان دايما يقولى ارضى بنصيبك وحبه عشان ما تملش منه .. وكل يوم ها تشوف مراتك كانك بتشوفها اول مره ... وفعلا .. كل يوم بشوفك فيه كأنى اول مره بشوفك فيها .. بهتم بكل تفاصيلك وكأنى عايش قصة حب  من اول وجديد ... بناغشك من بعيد لبعيد .. عشان وبيقرب من شافيفها .. انكوشك واطلع كل المحبه الا جواكى ...  بصى انا عايز أحبك وبس  حبينى زى ما انا وسبينى أحبك زى ما انتى ..  

روكا :  عارف .. كل ما أفكر ازعل منك .. أفتكر كل حاجه حلوه عملتها ليا .. و لسا ها تكمل 

مازن : بضحك .. اه وتلمى هدومى وتمشى 😂😂 

روكا : اتشعلقت فى رقبته ... توء .. هدومك دى حجه ... بعرفك بيها انى شاريك أنت .. بقولك يوم ما ها أمشى ها أمشى وانت معايا .. انا بقى بحبك بجنونك وبقلبك الا أطيب قلب فى الدنيااا ..  

مازن : لو كل الستات عاقلين زيك ... كنا روحنا فى داهيه  

روكا : 😂😂😂 ها اروح معاااك بردو  

مازن : ضمها ليه جااامد ... بيدخلها جووا قلبه .. كلامهم البسيط والجميل بيجدد حبهم .. وبيعيشو كل يوم وكل ساعه وكل دقيقه بقلب بينبض واحساس جميل .. 

************************** 

مروان : بعد ما صلى العشا هو وروان .. قعد بيقرى فى كتاب ومندمج معاااه .. قووى .. .

روان : شغلت موسيقى هاديه .. وكالعاده بتخطف  لحظات خاصه مع زوجها وحبيبها .. قربت عليه وقعدت على رجله .. وهو حاوطها بأيده  سمسمه نامت مع مامتك 

روان : باعتنى .. 

مروان : هى بايعه القضيه معانا 

روان : قااامت وبتشد مروان .. وحضنته وبيرقصو سلووو مع بعض .. مع أضواء هاديه وجو جميل .. سندت براسها على صدره .. ورفعت ايد واحده لفتها حوالين رقبته 

مروان : وهو بيرقص معاها رفع وشها له .. وبيوسها من جبهتها بوسه طويله ..  ونزل بشافيفه على وشها .. وبيبوس رقبتها  بلهفه وحب .. وبهمس قدام شافيفها .. مش ها تبطلى شقاوه .. 

روان : بهيام  وبنفس الهمس .. توء .. عشان بحبك 

مروان : وانا كمان ... بعشقك .. خطفتى قلبى وحياتى كلها .. بشقاوتك وبحب أكتر بيعيش اللحظه معاها هى وبس قلبه وحياته ومراته ... حلاله بلاله ... الا جيباله عياله 😂😂 

**********************

شريف : أم العروبه ... انسى العروبه وعبايات العرب وانتى معايا .. .

هدى : بحبهم يا شرشر .. دا انا بجبهم عشانك 

شريف : انتى جايا تتوبى فى اوضة النوم يا هدى .. مش كدا يا حبيبتى .. 

هدى : طيب أستنى ... دخلت لبست جلبيه قصيره زى الكاش مايوه .. وكلها  ترتر ... ترتر ... وطالعه لشريف من الحمام .. 

شريف : قعد على السرير .. وبيحط ايده على وشه .. يالهووووى ... احبك انا والا أعد فى البرايز الا فى الجلبيه الا ربع الا انتى لابساها دى .. 

هدى : نعدهم مع بعض يا شرشر ... وبتذمر دى كمان مش عجباك ..

شريف : طيب ايه رأيك .. انا ها اجبلك حاجه على ذوقى 

هدى ؛ اتفضل 

شريف : راح على الدولاب .. وطلع قميص .. هاااادى جدا وقصير 

هدى : خدته ودخلت لبسته وطلعت .. هاااه ايه رايك 

شريف : ايوا كدا ... مش لابسلى حفله بالمعازيم .. وطالعه تشخللى .. عيب يا ماما .. 

هدى : 😂😂😂 ماشى ياشرشر ..  نفسى تحب العرابوى 

شريف : قرب منها .. وبيهز راسه ومبتسم .. حالا ها أحب العرابوى .. وابوه .. واخوه .. والا بيلبسوه .. وشدها لحضنه تعالى قربى انتى بعيده ليه .. .

هدى : بدلع .. شرشورى .. ايه رايك أجرى وتجرى ورايا .. 

شريف : ايه رايك أمشى وتيجى معايا .. 😂😂😂  تجرى فين انتى . .. بطل شقاوه يا واد انت احنا كبرنا خلاص ... وسبنى أحبك .. وبيغنى لها ما تيجى وانا أحبك 

هدى : توء 

شريف : طب تعالى وانا أحبك 

هدى : توء توء .. 

شريف : شالها .. وهو شايلاها .. بيناغشها بوشه .. ونيمها على السرير ..جمبه ... وعمل نفسه نايم .. 

هدى : شريف ... شرشر ... وبصوتها كله شريف ايه مستنى توصل للسرير 

شريف : بيضحك جااامد .. وشدها عليه .. وبطلووو تطفل خناقتونى 😜😜😜 

ياله تصبحو على خير 🤗🤗

اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط

💗💗💙💙💚💚 

للمتابعه اترك تعليق

تكملة الروايه اضغط هناااااااا