 |
البارت الثامن عشر + التاسع عشر من الجزء الثاني
خادمتي ولكن
💗💗💗💙💙💙💙💚💚💚💚💚
توهج النور وملئ الكون .. بصباح جديد وشمس مضيئه
**********************
الاولاد قامووو بكل همه ونشاط فى الصباح ... نزلو يفطرو بس لسا محدش صحى أصلا لانهم اتعودو على كدا .. أحمد تليفونه رن .. وكان طارق .. رد بسرعه عليه ..
أحمد : ادخل احنا صاحين
طارق : تمام قوى اوعو تكونو اطفاصتو من غيرى انا على لحم بطنى ..
أحمد : لا ما تقلقش لسا ما عملناش الجريمه احنا مستنين سعتك ..
كريم : عمال يتنطط وكل ما يقابل كرسى يعديه بنطه بهلونيه من بتاعته .. وطارق دخل وبينط وراه هو وأحمد دخلو المطبخ وهما بيضحكو التلاته ..
كريم : استنى نشوف كدا مجهزين حاجه
أحمد : اوباااا وبيطلع الاكل مع كريم بتاع الغدا الا مجهزاه البنات على التسخين .. وطارق شغل الفرن الكهربائى وحطو الاكل فيه ..
قعدو على ترابيزه المطبخ وحاطين الاكل قدامهم وبيكلوو بنفس مفتوحه جدا ..
كريم : مسك حتة لحمه .. ولا أفتح بوئك وطارق بيفتح بوئه وبيحدف فيه الاكل ..
طارق : حبيبى يا كرملة حياااتى .. وبيتكا على ال تى قوووى
أحمد : وانا يا جاااحد مش ناوى تحدفلى حاجه من الطشت الا قدامك ..
كريم : 😂😂 طشتى وانا حر فيه ..
مازن : نازل تحت وشامم ريحة الاكل .. وماشى على الريحه ... سمع صوتهم .. ووقف وبيكلم نفسه .. هى العصابه ملمومه على بعض ربنا يستر .. ودخل لهم المطبخ ولسا كريم بيحدف لأحمد .. مازن نزل بوشه وأكل هو اللحمه الا بيحدفها كريم ...
كريم : بيقطع فى الكلمه ب بب بابا ...
مازن : يا ولاد المفاجيع .. حد بيفطر لحمه .. طلعتو الاكل وضربتوه .. وشد الاكل من ايد أحمد وزقه وقاعد يأكل هووو ..
طارق : غمز لهم .. عشان ينسحبووو بهدوء اول ما حس ان بقية العيله نازلين .. وانسحبوو وسابو مازن لوحده وطلعو الجنينه .. وواقفين يضحكو جااامد ...
روان : بصدمه .. انت بتعمل ايه يا مازن .. كل دا أكل قاعد بتاكله .. وكمان بتفطر بالغدا بتاعنا كله .
مازن : والاكل فى بوئه .. مش انا هما وبيبص حواليه ملقاش حد .. وبيشاور بأيده خلعووو ودبسونى
مروان : بيضحك على مازن جااامد ... يأخى نفسى تبطل طفاصه
روان : بتخبط على كتف مازن بأيديها ..
مازن بيرد : مين
روان : انت الا ها تغدينا .. على حسابك انهارده
مازن : وهو بياكل .. قولتلك مش انا الا باكل هما والله هما ..
روان : وبالنسبه لخدوك الا ها تنفجر من بعض دى بردو هما ..
مازن : بيشاور بأيده .. لا دول فتوشوب
مروان : 😂😂😂 ضربه على راسه .. وكرشك الا بدء يظهر دا بردو فتوشوب ..
مازن : لا دا سكلنس ممبار
روان : محشى رز والا لحمه ..
مازن : محشى ومعبى من روكا وعميلاها فياا هى وكرملة حبنا ... .
ماندو : داخل جوا الفيلا بسرعه بعد ما الاولاد قالوله ان مازن مستنيه فى المطبخ عشان ياكل معاااه ... ما اداش فرصه لحد يتكلم .. راح على مازن زقه من على الكرسى وقعه فى الارض وقعد مكانه وبيشيل الاكل وبياكل وبوقه مليان أكل .. معلش اتاخرت عليك .. انا قولت لا يمكن تاكل من غيرى .. 😂😂
مروان : بيضحك هو وروان ... وبيكلم ماندو .. اتنين متخلفين زى بعض .. .
مازن : واقع على الارض .. يخربيت معرفتك الا تودى فى داهيه .. ما الكراسى قدامك يالا كتيرر.. داخل زى القطر ما بتتفاهمش
ماندو : ما انت حاطت الاكل كله قدامك .. اقعد انا اتفرج عليك يعنى جاى اقعد جمبك انت الا وقعت
مازن : ودى تيجى .. ارمينى فى الشارع واقعد مكانى ..
ماندو : انا أقدر يا باشا ارميك دا انت حبيبى .. قوم ياباشا قوم ..
مازن : قام وزق ماندو وقعه .. وطلع على برا بعد ما غسل ايده .. وسايب ماندو يكمل على باقية الاكل
..................................
طارق : احنا لازم نروح انهارده
أحمد : أكيد يابنى .. الواحد عايز يغير جو العربيات دا
كريم : بقولكم ايه .. انا عندى ميول اخرى
احمد : اه يا منحرف ... كنت عارف انك مش تمام
كريم : 😂😂😂لا فهمتنى غلط
طارق : بيضرب على رجله .. يا خساره كان نفسى يبقى صح ..
أحمد : 😂😂😂 دا انت حالتك صاعبه .. وبيبص لكريم انجز ها تهبب ايه وبلاش حاجه كدا والا كدا من مصايب الباشا فاكر الحادثه المهببه والا ابويا عمله فينا
كريم : هى دى ايام تتنسى عمى حكم علينا شهر نقعد فى البيت لا فلوس ولا صاحب ونذاكر وبس حتى المدرسه مفيش وكله كوم ودروس الاخلاق الا خدانها على البنات كوم تانى .. واهمهم بقى الا عايز يعمل الغلط منكم ويمشى مع دى ودى يفتكر ان له أم وأخت بيترد فيهم دا كله فا اعملو الا انتو عايزينه يترد فى اهاليكم
طارق : 😂😂😂 وشريف وهدى يشحنونى يوميا عندكم ويرجعونى على النوم لما اتهريت معاكو وبيبص لاحمد ابوك ربانا بالأدب
هيثم : صباح الخير يا شباب ..
كلهم : صباح النور
هيثم : عاملين ايه فى الكليه ..
أحمد : كله تمام الحمد لله .. مش شايف التغير
هيثم : ماشاء الله .. تغير كلى .. عقبال التخرج كدا ونبارك لكم وانتم فى مكاتبكم .. بين القضااايا
كريم : ان شاء الله هااانت وفضل هيثم يتكلم معاهم لحد ما خرجو ... و منيره وفتحى الا سلمو عليهم ومشيو مع هيثم يوصلهم بلدهم الا فيها عيلتهم ..
**************************
روكا : مش ها تروحى ليه يا ميرنا انهارده ..
ميرنا : يامامى كريم وحشنى وعايزا أقعد معاه وأحمد كمان وطارق ..
روكا : قعدت جمبها ومسكتها من كتفها .. يا حبيبتى انتى عارفه هما لا يمكن ها يقعدو فى البيت .. وها يخرجو مع بعض .. وكمان دلوقتى اخوكى مش زى ما كنتو صغيرين روحى مدرستك .. لازم السنه دى تجيبى مجموع عالى .. وتدخلى الكليه الا نفسك فيها .. بعد الغدا لما نرجع ها نقعد معاهم
ميرنا : حاضر يا مامى الا تشوفيه .. ها توصلينى بعربيتك
روكا : بس كدا أكيد يا قلبى .. وقامو نزلو الاتنين .. وروكا خدت ميرنا توصلها بالعربيه .. ومفيش غير روان الا قاعده عشان رفضت ترجع الشغل عشان تاخد بالها من سمسمه .. وبتعمل شغلها كله فى البيت ومروان اتبسط وفرح انها خدت القرار دا .. لان الطفل بيحتاج لأمه وحضنها مش مربيه .. الله أعلم فى غيابهم ممكن تعمل فيها ايه ...
*********************
محمود : فطومه الاولاد وحشونى قوى
فاطمه : منا بتحايل عليك ننزل مصر قبل رمضان انت مش موافق
محمود : يا حبيبتى .. شعل وغصب عنى .. انتى عارفه انى بحب أقضى رمضان فى مصر مش هنا ..
فاطمه : اه يا محمود اه .. امال لو قضينا رمضان فى منطقه شعبيه .. وشوارعها متزينه .. ونقعد مع بعض كلنا كبير وصغير بنقص الزينه والاولاد يعلقوها .. وننضف الشارع . والا بعد الفطار .. كلنا بنخرج جررى بنتسابق مين ها يوصل الجامع الاول ..فى صلاة التروايح .. اه فكرتنى بأجمل 20 سنه عشتهم بباسطه وأقل تكلفه .. وليك عيله او لاء الشارع كله عيلتك ..
محمود : ضمها ليه .. يا حبيبتى شوقتينى .. ها تخلينى انزل اروح شقتك القديمه واشوف بقى كلامك صح والا بتشوقينى وخلاص
فاطمه : ياريت يا محمود .. ياريت ..
محمود : بصى هو صعب قوووى رمضان دا ننزل أصلا .. ان شاء الله .. لو عشنا وكان لينا عمر رمضان الجاى
فاطمه : ان شاء الله يا حبيبى .
****************
مؤمن : مالك يا نونه
نور : تعبانه يا مؤمن جسمى كله واجعنى مش قادره اروح انهارده الشغل
مؤمن : قعد جمبها وحضنها بأيده وبيبوس راسها .. الف سلامه يا نونه قومى أكشف عليكى
نور : لا يا حبيبى روح شغلك عشان ما تتأخرش هما شوية برد فى العضم .. لو تعبت أكتر من كدا .. ها اروح أكشف ..
مؤمن : قومى نتطمن وبعدين اعملى الا انتى عايزاه .. مش عايز اهمال فى صحتك .. هى اغلى شئ انتى بتملوكيه ..
نور : بحب .. انت اغلى شئ عندى ربنا ما يحرمنى منكم يا رب .. روح يا حبيبى انا مش قادره دلوقتى ولما ترجع ان شاء الله .. ها اروح للدكتور .. سبنى انام
مؤمن : باس راسها وخدها وقام خد هانى يوديه المدرسه وقعد هيدى مع نور عشان حد يكون جمبها ..
********************
انتهى اليوم سريعا .. واتى اخر النهار وكله روح على بيته بعد يوم طويل من الشغل
************
مروان : بيسلم على روان وبيبوسها .. وهى بتسلم عليه وتبوسه .. فين سمسمه والشباب
روان : الشباب خرجت وسمسمه فوووق .. نايمه فى اوضتنا .. ادخل براحه اوعى تصحيها لحد ما أخلص الغدا
مروان : حاضر يا حبيبتى وطلع فوق مروان : دخل اوضة النوم واتصدم او ما شافها .. ولقى كل حاجه مرميه فى الارض والدنيا متبهدله جدا ... هى الاوضه اتفجرت والا ايه .. وبيبص بعنيه مش فاهم بيحصل ايه .. لقى سمسمه قاعده فى الارض ولابسه تيشرت بالشقلوب من بتاعته وشورت فى راسها وبتطلع فى شرابته وبتلبس فى رجلها .... راح شالها .. وبيضحك جااامد .. انتى بتعمل ايه
سمسمه .. أبس عسان اتفسخ يا بابى
مروان : 😂😂😂😂😂 ها تتفسخى مره واحده .. وها تروحى فين
سمسمه : لوح اتوز زامن
مروان : ملكيش دعوه بمازن انتى صغيره مش ها ينفع تتجوزيه .. انتى عايزا تتجوزيه وخلاص يا سمسمتى وبابى حبيبك ..
سمسمه : انا بيره اتوزه إيبوه انا يا بابى .. واتوز بابى تمان انا إيبك
مروان : بضحك مش قادر يسيطر عليه ها تتجوزى عمك وابوكى كمان ... ومين تانى
سمسمه : بتضحك وبتسقف .. وتطق ومودى واوعه ومرله
مروان : لا لا كدا انتى ها تعملى كارثه مش ها تتجوزى خليكى زى ما انتى ونزل ينادى روان بسرعه ..
سمسمه راحت نزلت المكياج بتاع روان .. وقاعده مندمجه مع نفسها
مروان : روان اطلعى شوفى الكارثه الا بنتك عملتها فوق
روان : ايه عملت ايه تانى انا مش ملاحقه عليها وطلعت
روان : بصدمه وبتضرب على صدرها .. ايه دا ينفع كدا نكشتى كل حاجه
سمسمه : ما كنشتوش وبتشاور على روان ايتى كنشتيه
روان : انا نكشته ازاى هو انا كنت هنا
سمسمه : ايتى كنشتيه اندك
روان : ايوا صح نكشته عندى ياغلبويه .. وانا بردو الا مسكت الروج ودهنتكلك وشك الجميل دا والارض
سمسمه : لوج بوئى اوطه ... ايتى اوطى لوج بوئك اوطى اينك اوطى تلوه تلوه ..
روان : انا بحطه فى بوئى وعينى وكله كله ... فين دا بابا مروان مش بيرضى احط حاجه فين بقى
راحت جابت صوره روان وهى فى كتب كتابها اوطى لوج تلوه تلوه
روان : عرفيتى منين ان دى صورتى وكمان عرفتى مكانها
سمسمه : زامن .. ساف توره .. قولى مامى .. اوط لوج تلوه تلوه .. مامى ريت .. انتى ريت .. انا ريت ..
روان : بصدمه وبتضحك انا عفريت .. ماشى يا مازن اصبر عليا بتشوه صورتى قدام بنتى ..وبتبص فى الصوره .. ايوا عفريت .. بس بردو ها اوريك .. وانتى عايزا تبقى عفريت ليه مش كفايه أمك .. اصبر عليا يا مازن
سمسمه : اوبر أليا يا زامن وبتشاور على نفسها زى روان .. انا ريت
روان : 😂😂😂 ياله تعالى اما أشوف ها انضف المهزله دى ازاى ..وبتضربها براحه على ايديها .. ياله يا وحشه .. انزلى لبابى
سمسمه : باشى يامامى ياريت وبتمد شافيفها ايتى اوووو
روان : انا عفريت وعووو كمان ياله ما هو مازن عملك مسح ذرى روحى ..و واقفه وحاطه ايديها على راسها وبتبص على الاوضه .. هى البنت دى بتعمل فيا كدا ليه بنتقم منى .. مفيش حاجه مش فى مكانها وبتفكر فى أحمد وطارق وكريم الا خرجو من الصبح ولسا ما رجعوووش
💗💗💗💙💙💙💚💚💚
خادمتى ولكم ! 19
أعوذ بكلمات الله التامات من شر ما خلق .
لا حول ولا قوة إلا بالله العلى العظيم
سبحان الله وبحمده عدد خلقه ورضا نفسه وزنة عرشه ومداد كلماته
💗💗💗💗💗💗 💗💙💙💙💙💚💚💚💚💚
شريف : على فكره طارق اتاخر قوووى .. من ساعه قالى ها أكون عندك فى خلال 10 دقايق
هدى : بينسى نفسه .. مع كريم واحمد هو الولد ها يعترف بوجودنا أمتى
شريف : انسى ياهدى .. انسى .. خلاص كدا . ابنك بقى شاب وكمان كلها سنه ويبقى مسؤل عن قضايا ومشاكل وبيطلع مهمات .. يعنى احمدى ربنا اننا بنشوفه وبنقعد معاه
هدى : لو وراه الدنيا كلها احنا لينا حق عليه انت ابوه وانا أمه .. لازم يبرنا ويسأل علينا ويهتم بينا
شريف : المفروض .. عارفه ياهدهود وحط راسه على رجلها وهو بيكلمها وهى قاعده زى ما هى على الكنبه .. وبتلعب فى شعره بأيديها ...
هدى : عيون هدهود كلى اذان صاغيه يا سندى فى الدنيا كلها .. .
شريف : ابتسم .. ايوا كدا كلامك دا بيرفعلى روحى المعنويه وبيخلينى كدا عايز اجيب الدنيا كلها ارميها تحت رجلك
هدى : انت فى عيونى الدنيا كلها ..
شريف : مسك ايديها باسها .. ربنا ما يحرمنى منك ويبارك فيكى .. ونرجع بقى لموضوعنا .. أمى وابويا لو عايشين .. ماكنتش ضيعيت ثانيه واحده فى البعد عنهم ..
هدى : ربنا يرحمهم يا حبيبى .. وتعيش وتفتكرهم
شريف : يارب ارحمهم واعفو عنهم هما وعمى وحشنى فينه يشوف طقطق دخل الشرطه زى ما كان بيتمنى .. تعرفى لو عايش كان لا يمكن ها يوافق
هدى : بتحط ايديها على صدرها وبتاخد نفس طويل ببطئ .. جدو حبيبى وحشنى قوووى .. بس تعرف عشان دى رغبة طارق كان ها يوافق .. لايمكن يرفض لطارق طلب .. دا كان روحه .. قوم ياله أطلع غير هدومك وانا ها اسخن الاكل على ما طارق يجى ..
*************************
أحمد دخل الفيلا ومعاه كريم ..
أحمد : سمسمتى .. تعالى يا قطه .. ومنيمها وبيزغزغ فيها جااامد وسمسمه بتضحك ضحكه جميه ماليه الفيلا كلها .. ويرفعها وينزلها بأيده ..
كريم : بيضحك على ضحك سمسمه .. وقاعد مع ميرنا .. عملتى ايه
ميرنا : تمام الحمد لله .. اختك جامده يابنى
أحمد : عارف انك قدها ان شاء الله .. ماما فين
ميرنا : فوق بتثبت بابا .. أكيد ها تاخد منه مبلغ
كريم : ياعينى الناس كلها فاكراكى رقيقه وكيوت الا انا واحنا مش ها نثبته يا معلم .. إشمعنا هى ..عارفه بحب ابوكى وأمك ليه
ميرنا : ليه
كريم : عشان مش عقد .. فاكين كدا هى تزعق تزعل او يدايقها بعد دقيقتين ... تلاقيهم زى البهوات بيحبو فى بعض وكأن ما حصلش حاجه .. وبيقلد روكا . بحبك يا مزاميزو .. ويقلد مازن .. اه روكا قلبى من جوا .. ونخش بقى على سهوكة البهبهات والمهمهات ... امتى أعيش السهوكه دى يارب ...
ميرنا : 😂😂😂 دا انت رادار ياكيمو .. ايه دا .. شقط لقط
كريم : مسكها من قفاها .. اتعلمتى اللغه دى فين انطقى
ميرنا : ما تفهمنيش غلط .. دا من التلفزيون
كريم : ضيعنا
ميرنا : مين
كريم : المفسديون ... ضيع اجيال ومن ضمنهم انا .. انا مش عارفنى انا توهت منى انا مش انا ..
ميرنا : ياعينى يابنى
كريم : بيشاور على نفسه لا دى ملامحى ولا شكل شكلى ولا دا انا ..
ميرنا : ضانا أمك يا اخويا ..
كريم : ببص لروحى فجأه ..وبيعط عياط مصطنع . لقتنى كبرت فجأه .. تعبت من المفاجأه ونزلت دمعتى
ميرنا : بصوتها كله وبتزق كريم .. ما خلاص يا كريم الله هى ناقصاك مش كفايه الهم الا بذاكره ..وسابته وقامت .
كريم : احممم وبيبص حواليه واحمد بيضحك جااامد .. ميرنا .. وبيوطى صوته ميرنا مينفعش كدا
أحمد : يأخى لازم نحرجك عشان تفصل .. ما تتلم
كريم : وانا اتلم ليه انا وحشه والا ايه
أحمد : يوووووه وسابه ودخل
كريم : احممم ولا .. عيب احنا واكلاين تلاته طن لحمه مع بعض .. انت يابنى ادم .. وبيبص لسمسمه .. سمسمتى .. تعالى انتى حبيبتى
سمسمه : مرله ادب ... وسابته ومشيت ..
كريم : حتى انتى يا زتونه الفيلا بتعلمى عليا خدى يابت طب ها أسلط عليكى طرقوعه كل ما تمشى جمبها تزوقك توقعك 😂😂😂
****************
مروان : خلصتى يا رورو
روان : ايوا كله تمام .. وبتلف كدا محترم وحلوو
مروان : لف ايده على وسطها وشدها لحضنه .. وبيضمها جااامد .. بيرجع شعرها لورا بأيده .. وبيمشى ايده على خدها . وطبع بوسه طويله على خدودها الاتنين . انتى حلووه كدا ليه كل ما تكبرى بتحلووى .
روان : مبتسمه .. واتشعلقت فى راقبته ..انا لو بقيت اوحش واحده فى الدنيا انت ها تقولى انتى حلوووه . عشان انت قنوع دايما با الا فى ايدك وعمرك ما بصيت على غيرك .
مروان : بيلعب فى شعرها .. عارفه لو مش ها نتاخر . ومش عيب كنت لغيت الزياره .
روان : بتضمه جااامد قلبها الا بينبض طول ما هى عايشه .. وباسته هى كمان طب ياله .
مروان : ياله واتجمع هو وشريف ومازن وزوجاتهم .. وراحو لنور يطمنو عليها ..
********************
مؤمن : ماسك هااانى مش عايز لماضه
هانى : حاضر
مؤمن : ولا تتخانق مع اختك
هانى : حاضر
مؤمن : ولا تخلى الضيوف قاعدين وكأنك يعينى ما بتشوفش الاكل من سنين .. وكل اصناف الاكل تفتكرها وتجوع وتجوع الدنيا كلها معاااك .. يقولو محروم يا عينى ما بياكلش
هانى : حاضر يا بابا ..
مؤمن : مش مرتحلك يالا .. دا بجد الطاعه العمياء الا انت فيها دى ..
هانى : اعملك ايه طيب أكتب اقرار على نفسى عشان تصدق انى ها أقعد مؤدب ...
مؤمن : عارف نفسك يعنى
هانى : انت الا عارفنى كدا ... كل واحد وسواد قلبه بقى 😂😂😂
مؤمن : بعياط مصطنع .. ايوا انت صح .. اكيد لما نويت الخلفه دى كانت نيتى سودا .. انت صح .. غور يالا ..
هانى : ماشى من قدامه مش عارف انا بعمل ايه فيه .. دا هو اللى بيدايقنى .. المفروض بابا يريحنى
مؤمن : حسبنا الله .. الواد فاهم ان هو الا ابويا مش انا اللى ابواه .. الاستقبال عنده مقلوب ..
****************************
أحمد : طالع فوق وساب كريم تحت ودخل اوضته .. وميرنا دخلت وراه بسرعه وقفلت الباب وراها
💗💗💗💙💙💙💚💚💚
للمتابعه اترك تعليق
البارت العشرون + البارت الواحد والعشرون من الجزء الثاني
خادمتي ولكن
💗💗💗💗💗💙💙💙💙💙💙💚💚💚💚💚
هانى : راح يفتح باب الشقه .. وبيسلم على البنات وشاور لهم على جوا عند نور و دخلهم الرجاله جوا فى اوضة الانتريه وبيسلم على مازن ازيك يا عمو
مازن : هووون كبرت ياد اهووو وبيحط ايده على وشه اوعى تكون لسا بتتشاقى
هانى : ها اتشاقى ازاى وابويا بيعاملنى على انى لسا طفل وبيقولى اوعى تاكل حاجه قدام الضيوف ليقولو عليك محروم 😂😂😂 مش عارف ها ياخد باله أمتى انى عندى 15 سنه
مازن : الله يكون فى عون ابوك دا احنا شوفنا المرار من عيالنا وهما فى سنك عايزين الواحد يمشى وراكم ويلم البلاوى بتاعتكم
هانى بيقرب على مازن وبيشاور بايده : حتى انت يا عمو مازن انا قولت انت الا ها تنصفنى و تخليه يعتقنى
وبيبص لشريف
شريف بيضحك : ما تحاولش يا هانى عمك شريف لايمكن ها يقول كلمه كويسه فى حق اى ولد تانى خلاص
هانى : مفيش أمل اطلع بأى مصلحه من التجمع دا عمو مروان
مروان : عمك مروان عايز الا يقنعه انكو بتكبرو مش بتصغرو .. اسمع كلام ابوك وريحه وانت ترتاح
مؤمن دخل عليهم : اكيد قلب دماغكم .. وسلم عليهم بعد ما رحب بالبنات ودخلهم جوا لنور
روان : نونه الف سلامه يا حبيبتى
نور : الله يسلمك يا رورو تعبتكم انا
هدى : بس يا بت ما تقوليش كدا .. لو الاصحاب مش ها تبقى لبعض .. يبقى ملهمش لازمه
روكا : ايوا .. مش ها يبقى أصحاب بالأسم .. مالك وايه الا نيمك مره واحده كدا ..
نور : الحمد لله على كل حال ... الدكتور بيقول ارهاااق شديد .. ولازم ارتاح اسبوع فى البيت .. وانميا ..
روان : مؤمن بياكل أكلك يا نور اعترفى
نور : هههههه لا والله دا مظلوم معانا
روكا : الف سلامه .. خلى بالك على نفسك .. فى حاجه نعملهالك ..
نور : ربنا يخليكى .. مفيش اى حاجه الحمد لله هيدى بتعمل كل حاجه
هدى : كلتى والا لسا
نور : مليش نفس والله يا هدى
روان : خلاص انا ها اقوم اجبلك الاكل وأكلك .. وخرجت برا نادت على هيدى ودخلت المطبخ غرفت لها صنيه أكل عشان تأكلها ..
البنات عدلوها .. وبدئو يأكلوها كل واحده لقمه ... ويهزرو معاها
.............................
مؤمن : مش عارف أقولكم ايه .. انا حاسس اننا لينا هنا عيله حقيقيه والله ..
مازن : يعنى الواجب بنعمله مع الغريب .. ما بالك بقى بالناس الا بتحبنا وأصحابنا .. عشرة عمر .. بطل كلامك دا .. احنا اخواتك ..
مؤمن : عارف والله ..
شريف : ماشاء الله يا مؤمن ابنك مؤدب قوى قولتلو اطلع برا طلع وقالك حاضر يا بابا كمان ..
مؤمن : 😂😂😂 والله انا قبل ما تيجوو اديتو مليون تحذير .. بس انا شخصيا مش مرتحالووو ولا مرتاح لأدبه
مروان : هو الصراحه العيال كلها موقلقه ودايما يعملو حاجات مش بتتوقعها ابدا .. وبيبص لسمسمه الا قاعده على رجله .. صح يا سمسمه ..
سمسمه : تح يا بابى
مؤمن : احلى حاجه فى سمسمه بتعترف بالغلط على طول
سمسمه : طول ألط .. تف
مازن : بصى يا أم نص لسان .. عيب تتفى على حد
مروان : 😂😂 .. مش عارف انا بتحبك على ايه وانت فاهمها غلط هى بتردد كلام مؤمن .. بتقولك طول غلط .. اعترف
شريف : هيروعليفى يعنى
مؤمن : ربنا يباركلك فيها يا مروان
كلهم : يارب
********************
أحمد : فى حاجه يا ميرنا .. داخله ليه هنا وقفلتى الباب
ميرنا : بتوتر .. عايزا اتكلم معاك
أحمد : طيب انزلى تحت وانا ها انزلك
ميرنا : لا لوحدنا ..
أحمد : راح فتح الباب .. وقعد على كنبة الانتريه الا فى الاوضه .. وهى قعدت جمبه .. خير يا ستى فى ايه ..
كريم : طلع .. وسمع ميرنا وأحمد وفضوله خلاه واقف جمب الباب يسمع الكلام بتاعهم مع بعض ..
ميرنا : بتفرك فى ايديها جااامد .. أحمد .. انا . انا .. بحبك .
أحمد : بدون تردد ولا تفكير .. منا كمان بحبك .. وكلنا بنحبك
ميرنا : لا يا أحمد انا بحبك مش زى الاخوات .. انا بحبك ومش ببطل تفكير فيك .. حتى نفسى ادخل الشرطه عشان ابقى جمبك .. بتغيب كتير عن البيت ... وبتوحشنى .
أحمد : بهدوء تام .. بصى يا ميرنا .. انتى عارفه طبعا اننا مش مجرد ولاد عم .. بالعكس احنا اتربينا هنا على اننا اخوات وبنحب بعض بجد مش كلام .. حتى طارق عمرى ما حسيت ولا ابويا وأمى حسسونى انه مجرد ابن صديق وصديقه لهم .. بالعكس .. دايما احس انه من لحمى ودمى والا بيمشى عليا انا وكريم بيمشى عليه هو كمان اتربينا على كدا كلنا ودا احسسنا تجاه بعض .. انتى صغيره ومتشغليش بالك بإحساس بيروح مع الوقت وبيتغير ..
ميرنا : لا يا أحمد انا بحبك من زمان .. واحساسى مش بيتغير كل يوم حبك بيزيد عندى ..
أحمد : انتى بتحبينا كلنا ومع الوقت ها تفهمى انى زيى زى كريم .. لانك عندى ما تفرقيش عن سمسمه .. انتى أختى وبس ومش ها أقبل انك تفكرى فى الكلام الفارغ دا وانتى صغيره كدا .. كل يوم فيه بيعدى مشاعرنا بتختلف وتتغير مع الوقت .. اوعدينى انك تطلعى الكلام دا من دماغك وتفكرى فى مستقبلك الا هو أهم حاجه فى حياتك
ميرنا : ليه بتعمل معايا كدا وبتعيط والله انا بحبك .. افهمنى بقى ..
أحمد : وانا بحبك بس مش أكتر من أخت .. وطلع منديل .. خدى يا مرنا أمسحى دموعك وبطلى عياط .. وبكرا تفهمى اننا اخوات وبيتكلم عادى .. جهزتى لرمضان والا ايه نظامك انتى
ميرنا بصت له وما ردتش عليه و قامت جرى .. وكريم أستخبى بسرعه ونزل تحت مكانه .. مبسوط ان أحمد بيثبت له ان ابن عمه وأخوه فعلا .. مش بيستغل الوضوع . او عدم وجود الاهل فى البيت .. او استغل كلام ميرنا وبيجاريها فى مشاعرها فى سن المراهقه .. محبته زادت أكتر وأكتر .. اما مرنا محبش يجرحها او يدايقها برد فعله عليها .. وسكت وبيفكر ممكن يقرب منها ويتعامل معاها ازاى ..
**********************
مرت الايام سريعا ..واتت نسائم مختلفه و وقت تعيش فيه البلاد اجواء أشبه بالعيد اليومى🤗🤗 .. والزينه فى كل مكان 💝💝 كما تعودنا نقص ونملئ الحيطان والشوارع التسامح يسود والحب ...تتلاشى النزاعات والكراهيه .. تمتنع الشهوات بكل انواعها .. نعلم فيه ونتعلم تمتلئ المساجد بالكبير والصغير والرجال والنساء .. يأتى شهرا واحدا فى السنه ويأتى معه كل خيرات الأرض للفقير والغنى .. وتتوالى افراحه بأعياده .. وتعلووو التكبيرات والتهليلات ... انه لشهر كريم والله أكرم .. فيه الأجر عظيم والله أعظم .. ترفع فيه الاعمال وتنزل فيه البركات ... اوله رحمه وأوسطه مغفره وأخره عتق من النار ... شهر رمضان الذى أنزا فيه القرأن ....
💙💙💙💙
الزينه تتمايل مع نسائم الهواء والانوار فى كل مكان تضئ البهجه فى قلوب الصغار والكبار .. وتعلووو أصوات الاغانى الرمضانيه والابتهالات والتراحيب برمضان ...
..............
فى ليلة رمضان الاولى ... بعد الفطار .. مازن وروان ومروان وروكا وشريف وهدى .. جامعين اولادهم .. وزى عادتهم .. بيحتفلو بأول يوم ... قبل ما يروحو صلاة التروايح مع بعض ...وماندو الا دايما معاهم وبيشاركهم لحظاتهم كلها
أحمد وطارق وكريم قاعدين وبيبصووو لبعض وبيضحكووو ومروان بيقول لهم اتلمووو
أحمد : يابابا المفروض انها كدا مفاجأه ... ما احنا كل سنه على كدا مفيش جديد
كريم : هو احنا مش كبرنا على كدا وبيزق طارق والا ايه نظامك أنت
طارق : انا مع التياااار وفانوووس رمضان وحلو يا حلووو وجبنا الفسدق والقطايف وها نحلو
مروان : اه كبرتو يعنى ومش عاجبكو دلوقتى الا بنعمله كل سنه
أحمد : حاشا وماشا ... يا باشا
كريم : استنى يالا مزاميزو بدء يزعق .. وشكله ها يطلع يجرى ورا ماندو 😂😂😂
......................
شريف : هاتها كدا يا مازن ...
مازن : أجبها كدا تجيلى كدا .. أجبها كدا تجيلى كدا .. ما تهدى وتتهد انت والترابيزه 😂😂😂 جننتونى ..
ماندو : اوعى انت على طول عامل من الحبه قبه ..
شريف : اه يا ماندو .. تاعبنا وواجع قلبنا .. الواد دا حد مسلطله علينا ... ارفع معايا انت يا ماندو .. وعدلو الترابيزه الا مليانه فوانيس لكل افراد العيله .... كبير وصغير ... .. وفتحو الباب .. الكل دخل .
مازن : وقفهم صف ورا بعضه .. من الصغير للكبير ... والستات قاعده وكل واحد جمبه جوزو يا اسماعيل بيه ...
مازن : بيدى كل واحد فانوسه .... ستات ورجاله وأطفال
ماندو : بتذمر .. وانا فين .. وبصوته كله قولتلك ها تنسانى قولتلك وبيبرق له جااامد
كلهم ضحكو عليهم
مازن : هو انا أقدر أنساك .. دا كلام يا ضينايا وراح ورا الكنبه وطلع فانوس كبير ..
ماندو : بيضحك .. دا كله عشانى .. بحبك يا مزاميزو
مازن : طلع فانوس ميداليه من جيبه .. لا دا الا عشانك .. 😂😂😂😂
ماندو : بصوته كله .. ما تعصبنيش .. وكله ميت على نفسه من الضحك .. بيحبو مشاكسات ماندو ومازن مع بعض
مازن : 😂😂😂 لا والله ما تتعصب .. خد هو دا فانوسك على قدك .. تعالى فى النص ...
ماندو بفرحه واقف فى النص .. وكلهم عاملين دايره حواليه وطفووو النور... ونورو الفوانيس هى الا مفتوح نورها بس ..
مازن : واحواى يا واحواى
كلهم : ايوحااا ...
ماندو : وكمان ناحوووى 😂😂
كلهم ضحكووو .. وهو بيضحك معاهم . زى الاطفال ببرائتهم
روان : جيت يا رمضان
كلهم : ايواحا ..
مروان : شهر القرأن
كلهم : ايواحا
شريف : ملى علينا الدار
كلهم : ايواحا
هدى : بركه وغفران
كلهم : ايواحا ..
مازن : بفرحه كبيره وبيتنطط .. رمضان جانا قولو معانا ..
كلهم : ها نقول ايه
مازن : ها نقول ونعيد .. دا بعده العيد ولبس جديد .. فرحه وعديه .. لحد ال100
كلهم : يا سلام يا سلام .. دا أحلى كلام ..
مازن : دا عيدنا سعيد .. بركاته بتزيد .. وتعدى ايام وبتيجى أيام بنعشها تمام .. ها نقول ونعيد بعده العيد ولبس جديد .. فرحه وعديه لحد ال100 ..
كلهم : رافعووو ايدهم لفوووق .. هيييييه ... وماندو فتح النور ..
سمسمه : بابى .. زامن ادينى نوووس نور
( مازن بيدينى فانوس بينور )
مروان : 😂😂😂 عشان انتى حبيبة مازن ..
سمسمه : انا بيبة زامن اتوزه وبتضم شافيفها قوووى وبتمدها لقدام
( انا حبيبة مازن اتجوزه )
روكا : بتضحك وكلهم وشالت سمسمه وبتبوسها .. ها تتجوزى مازن .. وانا اروح فين
سمسمه : لوحى اعبى مع اوعه بله
( روحى العبى مع طرقوعه برا )
مازن : 😂😂😂 ما تهوينا والعبى مع طرقوعه برا .. وبيشيل سمسمه منها .. انا ها اتجوز العسل دا .. وبيكشر لها .. بس ما ينفعش حرام
سمسمه : لام زامن .. وبتفرد ايديها .. اتوز انا ببلى نوووس
( حرام يا مازن .. انجوز انا الا جابلى فانوس )
مازن : بيضحك بصوته كله .. ها اجبلك الفانوووس من غير جووواز .. ايه رايك تتجوزى كرمله ابنى .. وربنا يصبرك على دى بلوه .. 😂😂
كريم : بيسقف أشطا .. هو دا الكلام ..
سمسمه : مرله لاء يا زامن .. مرله ادب
( كرمله لاء يا مازن .. كرمله ادب )
مازن : فاضحنا حتى مع الطفوله ... وبيمد ايده وبيضحك مرله أدب .. يا قليل الادب
شريف : نأدبه ... خلاص اتجوزى طارق ..
سمسمه : طق ايبه انا .. هو حووو ميل
( طارق بحبه هو حلو وجميل )
روان : 😂😂😂 بنتك بتنقى وبتفرز
مروان : 😂😂😂 لا وبتقولك طارق حلووو وجميل يا مصيبتى
هدى : بتضرب روان .. كدا عايزين نبقى ناسيب ..
مروان : ناسيب مع مين سعتك .. إلا سمسمه .. دول 3 نصايب خلينا كدا حلوين
طارق : لا ياعمو مروان هى الا أختارت .. الا تقول عليه سمسمه يمشى وبيبص لها صح يا سماسيمووو يا اعسل
سمسمه : بتضحك تح يا طق
(صح يا طارق )
أحمد : الواد دا مش ها يدخل بيتنا تااانى .. عينه من اختى يا رورو .. .
ميرنا : سمسمه .. ابعدى عنهم .. كلهم .. وتعالى نلعب مع بعض
مازن : سامسيموو يا أعسل .. بحبك يا ... ولا
سمسمه : بتمد شافيفها وبتبوسه .. انا أئبك زامن ولا
( انا بحبك مازن ولا )
كلهم : 😂😂😂😂
مازن : ياله يا مشردانى روحى مع مرنا وانتو ياله بسرعه تجهزو نفسكو عشان نلحق صلاة التروايح ..
💗💗💗💙💙💙💚💚
خادمتى ولكن ! 21
💗💗💗💗💗💙💙💙💙💙💚💚💚💚
هانى : واحاوى يا واحاوى .. ايواحه وكمان واحواى .. ايواحا .. جيت يا رمضان .. وبعلو صوته بابا ..بابا ..
مؤمن : عايز ايه ياهانى
هانى : ها ارمى صاروخ على السلم ..
مؤمن : لا طبعا .. مينفعش نرمى على السلم بطل عادتك المنيله دى وشغل العيال .. بعد ما نخرج من صلاة التروايح نبقى نفرقع كام صاروخ واحنا ماشين
هانى : سبنى بقى .. انت جايبها ليه .. عايز افرقع واحد بس على السلم ..
مؤمن : أسمع الكلام وبطل غلبه .. ودخل يلبس ..
نور : بتظبط الحجاب وطالعه ووراها هيدى الا جميله جدا بالاسدال هى ونور ..
هانى : مسك الصاروخ ولعه ومسكه .. وبيفتح باب الشقه مش عايز يفتح .. ولسا ماسك الصاروخ فى ايده .. اعااااا .. الحقونى . هوووف .. هوووف .. الصاروخ .. بووووم ..
نور وهايدى : ضحكو عليه ... تستاهل
مؤمن : خرج جرى .. فى ايه ..
نور : وهى بتضحك جااامد .. ابنك ولع الصاروخ وفرقع وهو فى ايده .. الباب عملها معااه . وراحت مسكت هانى من وشه .. ياختى أصفر وبقى زى اللمونه يا ناس ..
مؤمن : انت مبتسمعش كلامى ابدا ايه الحكمه تفرقعه على السلم
هانى : بفوق العماره الا كل سكانها قتله دى بقول لهم رمضان جه
مؤمن زقه : ربنا يصبرنى عليك .. ونزلو كلهم مع بعض يلحقو صلاة التروايح
***************************
عز : منى شريف عازمنا على الفطار بكرا ..
منى : احنا لسا جاين من السفر وعايزين نشوف ولادنا وحشونى يا عز
عز : نأجلها لبعد بكرا عشان شريف ما يزعلش .. ونعزم الولاد كلهم عندنا وشريف و ادم .. ايه رايك
منى : انا مش قادره أعمل عزومات .. ها تجيب دليفرى
عز : اتصرفى وهاتى واحده تعمل الاكل قدامك .. دليفرى ايه بس ..
منى : ان شاء الله .. بس خلي العزومه بتاعتنا اخر الاسبوع .. احسن مش تانى يوم عزومة شريف
عز : خلاص اتفقنا .. ها اتصل اعزمهم على يوم الجمعه
منى : تمام كدا .. انت ها تعمل ايه فى شغل الشركه .
عز : مش عارف .. فاطمه ولا فى دماغها .. عايز اشترى منها الفرعين بتاعها وبتاع هدى
منى : مش ها توافق .. انت عارف فاطمه مرطبته اد ايه بكل حاجه تخص عمى الله يرحمه
عز : عارف .. بس هى أهملت قوووى وسايبه العبئ عليا كله هى وهدى مش اولى مالهم يكبروه ..
منى : كلمها .. وشوف ها تقولك ايه
*************************
كريم واحمد وطارق خارجين من الصلاه ومعاهم مروان وشريف ومازن ..
كريم : بابا انت ليه بتلبسنا جلاليب فى الصلاه
مازن : عشان ترحرح .. والاكل ما يكبسش على نفسكم .. وانتو بتصلوو ..
مروان : تحس انهم مش بياكلوو بينتقمو من نفسهم ومننا
شريف : بيخبط على بطن مازن طالعين لمين .. الباشا بدء يكرش .. ووقعته ها تبقى بكرش ..
مازن : 😂😂😂 اصمالله عليك يالا .. دا الطفاصه تشهدلك .. وتقولك كمان
شريف : بضحك كمان ايه
مازن : حبهان
أحمد : على فكره بقى العيله كلها من اولها لأخرها بتحب الاكل .. هو فى حد ما بيحبش الاكل دا متعه ..
طارق : اه يابنى .. ويا سلام لو مشوى .. وخش بقى على البحر وسيرته ..
كريم : بيقسم فى الكلام .. تيرارار .. جمبرى والا منه ..
أحمد وطارق : ااااااا هااااه ..
كريم : بربونى .. والناس قالولى . يا سلام .. على شوربة السى فود يا سلام .. اهوو دا ياااناس أحلى كلام ..
مازن : ضرب كريم جااامد على ضهره .. يأخى جوعتنى .. انت ايه يالا .. بتقسم وانت لسا طالع من الصلاه ... عيب عليك والله عيب عليك .. اجيب منين انا دلوقت جمبرى أكله .. والا بربونك دا .. ابربنه ازاى انا دلوقت .. والا حلة الشوربه الا سعتك نازل تعوم فيها .. ما تهدى يا جدع . اهدى
شريف : 😂😂😂.. والله ساعات بتصعب علياا .. انت بقيت بتجوع على الريحه . .
مازن : اه .. يابنى والله
كريم : ماما وكلهم واقفين على الناصيه هناااك ... وقربو كلهم وماشين مع بعض
مروان : والله شكلهم حلوو ووقار كدا بالحجاب .. منورين
مازن : فولت كمان .. وها ينورو .. و بيشيل سمسمه .. خلاثى على الشبر الا ربع بتاعنا وهو عامل فيها كبير .. ولابس اسدال وطرحه .. عسل يا سمسمتى .. عسل ..
سمسمه : انا قول اكبر دوا يا زامن اكب مامى .. اوئع
( انا بقول اكبر جوا يا مازن واركب على مامى واقع )
مازن : انتى بتصلى أكبر .. طب ينفع تركبى على مامى وانتى بتصلى وتقعى كمان .. ليه كدا يا شقاوه .
شريف : تعاليلى هنا وخدها من مازن .. انتى أصغر محجبه عندنا .. ممكن صوره .
سمسمه : أمو ليف
( عمو شريف )
مروان : ليف بلدى والا مستورد .. 😂😂😂 .. سمسمه ها تشردكم كلكم
شريف ؛ ليف ايه بس يا سمسم .. قولى شرررررريف
سمسمه : ليييييف .. أمووو ..
روان : بتبص لهدى ولروكا وبينهم وبين بعض .. نعتبر دا تلقيح بالكلام وكدا
روكا : دا ناقص يقولولنا خلو عندكم دم .. واتحجبوو
هدى : انا شريف طلبها منى صريحه .. وبجد نفسى .. بس عارفين الا هو فى تردد ..
روان : انا كمان ناويه ان شاء الله .. بس تيجى الفرصه .. احنا بنلبس واسع . ومحتشم .. صح يا بنات .
هدى وروكا : صح يا رورو ..
روان : احنا نفاجئهم فى يوم من الايام ... يوم غير معلوم ووقت وساعه غير محددين .. وربنا يهدينا جميعا يابنات
هدى وروكا : يارب ..
***********************************
مر اسبوع من شهر رمضان بسرعة جدا ايامه حلوه وجميله وقصيره ....
حنان : كلمها يا عبدالله .. ما تقولهاش عزومه .. قول لها انى تعبانه عشان تيجى جرى هى ومازن انت عارفهم بيطلعو بمليون حجه
عبدالله : وليه وجع القلب .. ها نكدب فى رمضان
حنان : انت مش بتكدب يا عبده هو انا مش تعبانه من امبارح وعندى الضغط ... خلص يا راجل
عبدالله : أستغفر الله العظيم .. واتصل على روكا .. ايوا يا حبيبتى عامله ايه
روكا : بخير وفى نعمه الحمد لله يابابا ... ماما وحمودى عاملين ايه
عبدالله ؛ اخوكى كويس الحمد لله انما أمك تعبانه شويه من امبارح وعايزاكى تيجى
روكا : ليه يا بابا ما كلمتنيش امبارح .. الف سلامه عليها ها اجيب مازن وكريم ومرنا وأجى حاضر ... وقفلت ..
مازن : بينشف راسه .. اه مصدع وحاسس ان نار خارجه من دماغى
روكا : بتشد الفوطه .. ياله البس بسرعه
مازن : فى ايه يابنتى مالك كدا ... وها اروح فين انا دلوقت
روكا : ها نروح لماما ... تعبانه .. وبعصبيه بسرعه يا مازن
مازن : حاضر .. حاضر .. رغم انى مش قادر والله بس لازم اروح أطمن على مامتك .. هى فى منزلة أمى بردو
روكا : ربنا ما يحرمنى منك يارب ولا من ذوقك ... وخلصو وخدو كريم ومرنا وسافرو بالعربيه من غير ماندو ... وبعد وقت ... دخلو اول البلد ..
كريم : حاسب يا بابا ... انت مش شايف الطريق ها تنزل بينا فى الترعه قولتك سبنى انا أسوق
مرنا : بابا هى الترعه دى فيها سمك
مازن : لا ضفادع ... سمك ايه بس يا مرونا .. انا جااامد يابنى ما تقلقش
روكا : الله يخليك بص قدامك الطريق مش حلووو أصلا ..
مازن : يوووه وقتك ... دورى بقى .. وبيخبط الدريكسيون بأيده ..
كريم : يابابا لازم تعطل .. دا انت طلعت عنيها .. وعاملى فيها جاااى من المسابقات الدوليه
مازن : انزل يا ابو لسانين هو حد بيعرف يسوق زيى .. ونزلو كلهم من العربيه لقو ولد صغير راكب توكتوك
مرنا : الله تكتوك يا بابى نفسى أركبه
مازن : ودا ها يخدنا ازاى كلنا ووقف الولد .. هو دا ممكن يخدنا كلنا
الولد : طبعا يا باشا .. هما يركبو مع بعض ورا وانت جمبى هنا
مازن : بيضحك .. حلوووه جمبى دى ادخلوو يالا
كريم بقلق : انت ناوى على ايه يا وحش ما تتهورش
مازن : رفع حاجبه .. ملكش فيه .. ليكوو توصلو لحد البيت
روكا : انا قلبى واكلنى ومش مرتاحه وشكلها ها تيجى فوق دماغى انا والعيال
مرنا : ياله يامامى بقى .. ومبسوطه قووى
كريم : انتى مبسوطه كدا ليه أركبى .. اركبى وادعى ربنا فى سرك ابوكى ما يعملش الا بفكر فيه وركبووو
مازن : طلع 200 جنيه .. بقولك ايه انا بحب اسوقه ادينى فرصتى وانت جمبى
روكا : بعلو صوتها لا .. مازن لا
الولد : ماتخفيش يا ابله انا جمبه .. هات ياباشا حد يقول للرزق لاء ..
مازن : بيزق الولد .. ادخل بقى والتوكتوك شغال .. مازن داس بنزين والتوكتوك طار .. ويجى يمين ويجى شمال
روكا : اعااااا ... كفايه يا مازن الله يخليك كفايه
مازن : بيضحك .. دا طلع لذيذ ابن اللذينه انا ها أجيب واحد اتمشى بيه جوا البيت
كريم : يالهوووى ها نقع فى الترعه ... وبيزق الواد فى كتفه يابنى سوق انت
الولد : كفايه يا باشا احنا كدا ها نوصل المريخ هات بقى
مازن : بيتهز جااامد ويمين شمال يمين شمال ومش عارف يوقفه ... مش عارف مش عارف 😂😂😂
كريم : يالهوووى ... ما بيعرفش يوجفها ... ما بيعرفش يوجفها ... ها نموت منفجرين ... لا لا هانموت متكتكين
والا ها يجى يعزى ها يقول يالا على الترعه حود على مازن
مازن : بأعلى صوت يادى النيله يأختى ... ونزل بيهم فى الترعه 😂😂😂
روكا : بعد ما الناس ما طلعوهم وطلعو التوكوك كمان .. اعااااا اهئ اهئ .. اعااااا .. والله لاقول لأمى
مازن : بينفض نفسه من الطينه ومش عارف يقول ايه ...بس انا كدا ارتحت 😂😂
روكا : جمب ودن مازن : اعاااااااااا ارتحت لما وقعتنا فى الترعه يا جبروتك راجل
مازن اتنفض من مكانه ومسك ودنه : ايه يا روكا .. فى ودنى يا حبيبتى جعرى بعيد شويه ... الواحد حران وصايم قولت انزل أخد غطس يرطب انتو فاكرينى مش عارف أسوق البذئه دا .... كيمووو كونو فى حاجه هنا ..
كريم : بلهارسيه بتلعب فى وشك كله ... ها نطعم ضد البلهارسيه والا نفطر بمنظرنا دا .
مازن : وقت خفة دمك .. وبيبص للواد بتاع التوكتوك .. حلو الا عمله التوكتوك بتاعك فينا شايف الشيكولاته .. بتعوم على وش الترعه بسببك ازاى
الولد : انت ها تتبلى عليه كمان .. وبيعيط اعمل ايه انا دلوقت
مازن : طلع المحفظه من جيبه ..وجاب منها 500 جنيه .. خد روح نشرهم فى البيت على حبل الغسيل .. ولما ينشفووو اعمل بيهم التوكتوك هههههه .. او أكويهم ... واعرف انك صغير غلط عليك يا بابا تسوق توكتوك .. كنت ها تضيع عيله كامله 😂😂
الولد : بعصبيه هات ياعم ... انا الا كنت ها أضيعكووو وبصوته كله والا انت الا ضيعتنى
مرنا : الحقينى يا مامى حاجه بتلعب فى ضهرى
روكا : بعياط مصطنع .. وانا حاجه بتلعب فى شعرى .. اعمل ايه فى ابوكى ومشيووو لحد البيت وطول ما هما ماشين
الناس تديهم بلح وميه وعصير وأكل ومحدش بيديهم فرصه يرفضووو طلعووو ورنووو الجرس
حنان فتحت : ياساتر يارب ... انتو مالكو كدا
مازن : ازيك يا حماتى .. خدى وبيديها الحاجات الا الناس ادتهالووو .. انا قولت عيب ندخل بأيدينا فاضيه 😂😂😂
حنان : بتبص للحاجات وبتبص لهم .. كلك واجب يا جوز بنتى 😂😂😂
روكا : اعااااا اهئ اهئ ... اعاااا اهئ اهئ
حنان : ربنا يكملك بعقلك يا بنتى لا صغيره عقله ولا كبيره ... ايه الا عمل فيكو كدا
كريم : ابويا .. قال بدال ما نشرب من مية البحر .. نشرب من الترعه اوفر ... وركب التوكتوك وشرخ
حنان : يا مصيبتى شرخ .. على فين
مرنا : على الترعه يا تيتا ... بابا رامنا كلنا فى الترعه .😂😂😂
حنان : بترميهم فى الترعه يا مازن
مازن : بيضحك ... هما اترمو لوحدهم يا حماتى .. منا قدامك اهووو ... ياله يا حماتى هاتيلى جلبيه مش عارف بلدكم دى لازم اغير فيها هدومى اجبارى وشوفى للبهوات لبس ..
عبدالله : طلع سلم عليهم وكلهم بدئو يدخلو الحمام ورا بعض ... وقضو وقتهم بعد ما حنان طمنت روكا انها كويسه .. وفطرو مع بعض
وبعتو واحد يصلح العربيه ويجبهالهم خلصو قعدتهم وروحو ... قضو بقيت الايام زى عادتهم والامور هاديه نوعا ما ومر5 سنوات .. على كل ابطالنا .. اصبحو الاولاد شباب يعتمد عليه .. ضباط على كفائه عاليه فى القوات الخاصه ... وحيات ابطالنا لا تخلو من الحب ولا الضحك ولا الخوف ايضا .. على اولادهم وحياتهم وفى يوم وهما متجمعين زى عادتهم الاولاد اتنفضت من مكانها بعد الاستداعى وسابوهم وجهزو نفسهم وسلمو على اهلهم الا كل مره بيدعو ربنا يحميهم ويرجعهم بالسلامه
💗💗💗💙💙💙💙💚💚💚💚
💗💗💗💙💙💙💚💚💚
انا وضحت معنى كلام سمسمه للمش فاهم الكلام والا قالت انى مأفوره فى كلام سمسمه عندها اربع سنين المفروض تتكلم كلام واضح ... الاطفال الا بتعامل معاها بتتكلم بنفس الطريقه ...واكتر الكلام كاتبه عن طريقه كلامهم وافعالهم ومش ها أعمم طبعا لان فى اولاد ماشاء الله عليهم بيتكلمو كويس جدا فا مش شرط يكون كل الا فى السن دا بيتكلم
كويس
تعليقات
إرسال تعليق