 |
البارت الثاني والعشرون + الثالث والعشرون من الجزء الثاني
خادمتي ولكن
💗💗💗💗💗💙💙💙💙💚💚💚💚💚
فى مشهد أخر مختلف تماما .. تظهر فيه غرفه العمليات الخاصه بضباط الداخليه .. وترابيزه كبيره .. وبعض القاده .. ومجتمعون بأكفاء ضباط عندهم .. قلوبهم ميته .. على قد هزارهم وضحكهم .. بس فى شغلهم اثبتووو انهم قد المسئوليه قولا وفعلا .. يوجد بين الثلاثى تفاهم الى حد كبير وحب وأخوه حقيقيه .. وبطوله تجسد دائما فى النجاح لهم فى اى عمليه يكلفون بها ..
.....................................
اللوا : فوزى المنصورى ... والعقيد حاتم مهران .. قاده لكريم وأحمد وطارق ..
فوزى : بيبص بعيونه الحاده والجريئه والتى دائما يظهر فيها مدى قساوته فى الشغل والغلطه عنده لا تغتفر .. طبعا انا ها أكلفكم بالعمليه دى لانى ماعنديش اى استعداد انى اسيب شوية عيال يهددو أمن واستقرار بلدنا .. واستهداف صريح لولادنا وشبابنا ... صحيح كل يوم الداخليه بتقبض على عدد كبير من تجار المخدرات .. بس المره دى مش حاجه سهله .. تفكيريهم فيه تحدى واضح وصريح للدوله وللحكومه .. لما يفكرو يدخلو البلد طن من الهروين مره واحده .. وكأنهم بيقولو لنا أعلى ما فى خيلكو اركبوه يبقى لازم يتعلمو الادب ويتلمو كلهم
حاتم : مش ها اقول اننا فى تحدى كبير .. بس ها أقول لكم فعلا المره دى الدوله بتثبت انها قادره تحمى نفسها قدام العالم كله .. او لاء وفرد قدامهم خريطه .. وبدء يشرح لهم اخر ما توصلو له فى العمليه دى .. وازاى ممكن يقبضو على الولاد دى وكمية الهروين الا ها تدخل عن طريق البحر .. وطبعا ها يتم التنسيق من القوات البحريه المصريه ..
أحمد : يا فندم عشان نقدر نسيطر على الوضع كله لازم طبعا يتم القبض عليهم قبل دخولهم المينا وهما لسا فى البحر .. وبالتالى .. ها نحتاح تدخل من القوات البحريه .. والقوات الجويه .. ولازم يتم التنسيق فى اسرع وقت .. مجرد دخول الشحنه البلد والقبض عليهم جوا البلد فى حد ذاته كارثه .. وممكن العمليه كلها تفشل
كريم : طبعا التعامل وسط المدنين صعب جدا .. وممكن هما يستغلو نقطه زى دى بكل الطرق والوسائل الخاصه بيهم .. ورد الفعل ها يكون قووى جدا .. الا يدخل طن هروين اكيد مستبيع .. وممكن يقتل لأخر نفس معندوش مانع للخساير
كريم : احنا ننسق مع البحريه زى ما أحمد قااال .. وبيشاور على الخريطه .. طبعا السفينه عشان نقدر نسيطر عليها لازم تكون هنا .. وبيحدد مكانها فى البحر .. اول ما توصل هنا .. القوات البحريه ها تشتتهم .. وقوات من الداخليه ها ننزل من الهليكوبتر على السفينه مباشرا.. ها يبقى فى تعامل من كل جهه .. ودا ها يشل حركتهم وتفكيرهم الهجوم المفاجئ ..
حاتم : فى عناصر خطيره ومعروف بإجرامهم موجودين على نفس السفينه واحنا اتاكدنا من مصادرنا الخاصه . .
أحمد : ان شاء الله يا فندم ها نسيطر على الوضع كله فى وقت قياسى جدا .. ما تقلقش ..
فوزى : انا لو ها أقلق يبقى ملكوش مكان هنا .. الفشل عندى مرفوض .. وبيبص لهم التلاته فى نظرات سريعه .. لو انتو مش قدها قولو من دلوقت
أحمد : قداها يا فندم ان شاء ..
فوزر : تمام .. ياله من دلوقتى عايزكم تدرسو العمليه دى كويس قوووى .. اتفضلوو ..
التلاته : أدو التحيه وخرجووو ..
*************************
مرنا : قاعده وبتفتكر وبيمر قدام عنيها رفض أحمد لعلاقه حب بينهم تماما .. ومقهوره انه شايفها أخت له وبس . وكل يوم بيمر بترفض عرسان كتيرر جدا على أمل انه يوافق او يحس بحبها ليه . بس للاسف . مفيش اى نتيجه .. لسا متخرجه من كلية الطب ... وبقت دكتورة عيون .. وفتحو لها عياده على طول
نادره : دخلت عليها يا دكتوره ها تفضلى قاعده كدا .. بردو ومفيش كشوفات ..
مرنا : فاقت من شرودها .. وابتسمت .. مش مشكله .. بكرا يبقى فى ان شاء الله
نادره : احنا كل يوم بنقول بكرا .. هو بكرا دا مش ناااوى يجى ..
مرنا : ها يجى ان شاء الله .. ابتسمى انتى وافرديها يا نادره .. افرديها وبطلى كأبه ..
نادره : حاضر .. وطلعت برا .. لقت واحد داخل العياده وبيتلفت حواليه .. اتفضل يا استاذ .. ومسكت الدفتر .. كشف ..
الشاب : ايوا ..
نادره : اسم حضرتك ..
الشاب : سامر .. الكشف كام
نادره : ب.........
سامر : انا مش معايا غير دول ... .. ينفع وان شاء الله ها أجيب باقية الكشف بعدين
نادره : بعصبيه .. اصبر وبتبرطم وهى قايمه يوم ما يدخل لنا حد يكشف يبقى مش لاقى حق الكشف ودخلت لمرنا .. ومرنا قالت لها دخليه .. ودخلته ..
سامر : دخل .. وحس براحه شديده لمرنا .. انا أسف يا دكتوره .. انا ها اكمل حق الكشف فى الاعاده ان شاء الله ..
مرنا : بأبتسامه .. ولا يهمك .. مش مهم حق الكشف .. المهم نطمن على عنيك بشتكى من ايه
سامر : ابتسم .. ايوا المهم أطمن على ععنيا .. وقامت وبدأت تمارس مهنتها بحب وفرحه .. خلصت الكشف .. ورجعت لمكتبها تااانى .
وبتكتب فى الروشته .. بص يا استاذ سامر .. القطره دى 3 مرات فى اليوم .. وقبل كل مره شويه ميه فتره وتغسل عينك كويس ..
سامر : حاضر .. بس هى فيها ايه اصلى ما اشتكتش منها قبل كدا
مرنا : ما تقلقش حاجه بسيطه التهابات وان شاء الله مع العلاج دا والاهتام بيها ها تروح
سامر : قام وخد الروشته .. الف شكر يا دكتوره .. ومشى
******************
نور : مؤمن يا حبيبى غير يا بابا كل مره مرسى مطروح .. فى الغردقه فى شرم .. فى الساحل . فى كتير يا بابا كتير
هانى : هو الزمن وقف عند بابا فى مرسى مطروح
مؤمن : يأخى عشان خاطرك انت مش رايح غيرها
نور : بتضرب هانى .. وبتكلم مؤمن .. انا ذنبى ايه .. بنتك حبيبتك ذنبها ايه .
مؤمن : خلاص الواد دا ما يجيش معانا وها نروح الغردقه
هانى : بيشاور على نفسه هو الواد دا خانقك فى ايه .. لاقينى على باب زويله .. وإلا نسيونى الهكسوس فى مصر قبل ما يمشو
مؤمن : بص يابنى .. انت من طريق وانا من طريق . انا اصلا مش ابوك حتى اسأل أمك .. ها تقولك انى اتبنيتك 😂😂😂
هانى : نط على مؤمن وبيضحك وبيبوسه .. انت حبيبى .. حتى لو اتبنتنى حبيبى
مؤمن : لا لا لا مش ها ينضحك عليا تانى .. انا لازم أئمن نفسى من رزلاتك
هانى : اعمل ايه طيب أكتب على نفسى شيك على بياض .. والا أكتب تعهد
مؤمن : لا هات المصحف وأحلف انك ها تبعد عنى طول الرحله .. انت بتفور دمى ..
نور : هههههه ... هو مفور دمنا كلنا
هيدى : ها البس مايوه يا بابا ... بقى
مؤمن : لا طبعا .. زى ما بتلبسو كل مره ومفيش اى نقاش فى الموضوع دا .. انتى ونونه خط أحمر فاهمه من غير زعل
نور : انا عمرى ما ازعل منك .. وكمان نونه ها تلبس ازاى مايوه وهى محجبه حضرتك ..
هانى : قوليلها المنحرفه دى
مؤمن : زقه وقعه فى الارض ياخى عمرك ما تكمل قعدتك فى هدوء ... فكر فى كلامك يالا.. حد يقول لاخته منحرفه
هانى : 😂😂😂 مش قصدى وربنا ..
هيدى : اعمل مصايب وقول مش قصدى ..
نور : ياله انت وهى .. ياله كل واحد على اوضته عايزا أقعد مع بابا اتفضلو
هانى : حلووو كدا .. اهى طمعت فى الراجل لوحدها وها تتردنا ستات ما بتصدق 😂😂 وطلعو على برا ونور قفلت الباب
مؤمن : يا ساتر ايه العيال دى .. الواد دا تعبنى يا نور
نور : قعدت جمبه وحطت راسها على صدره .. تعبهم راحه يا قلبى .. انا بحب لمتهم خصوصا معاك .. بحس انهم بيتكلمو من قلبهم قدامك
مؤمن : بيبوس راسها وشد ايديها لفها حواليه وهى بتبص له .. وحشتينى يا قلبى .. انا عارف انى بقالى فتره مشغول عنكم ..
نور : اه يا مؤمن .. كنت حاسه انك مسافر ولسا راجع لينا .. احنا وولادك مش عايزينك طول الوقت مشغول .. كفايه شغل الشركه ليه تزود العبئ عليك وتراجع وتضم باقى الفروع ليك
مؤمن ؛ عشان مصاريفنا كل يوم بتكتر .. والولاد طول الوقت محتاجين لدا ولدا .. فعلا عبئ علينا . والحمد لله ربنا بيمشيها ..
*************************
روكا ؛ قوم يا مازن ما شبعتش نوم من ساعة ما رجعت وانت نايم
مازن : سبينى مش قادر اقوم احنا ما بطلناش لف على الفروع وشغل انهارده
روكا : بتهز فيه جااامد .. قوم مليش دعوه قوم بقى قوم
مازن : شدها وقعها جمبه على السرير واتعدل ومكتف ايديها .. عامللى زى فرقع لوز ليه .. ما تتهدى وتفصلى
روكا : عايزا اقعد معاك .. وحشتنى وكرمله وحشنى .. ومرنا بقت مشغوله يا فى العياده يا فى اوضتها .. ورورو زيكو بقت شبهكم فى الشغل مفيش غير سمسمه .. هى الا ماليه عليا حياتى
مازن : هو فى احلى من سمسمه .. وبيوطى على وشها بيعضها براحه وبهزار .. وبدء يزغزغ فيها ..
روكا : 😂😂 لا يا مازن لا .. بطل بقى
مازن : انتى تنكوشينى وتقوليلى بطل .. دا انا ها اطلع القديم والجديد
روكا : بتضحك جاامد وفلتت منه وطلعت تجرى .. ونازله جرى .. ومازن وراها .
سمسمه : شافتهم بتجرى معاهم ..
مازن : شالها .. تعالى هنا وبيبوسها فى خدها انتى بتجرى ليه ..
سمسمه : بلعب معاكووو يا عمو مازن
مازن : قلبى يا ناس على حبيب عمووو .. ونزلها وبيجرى وراها ووركا روكا ..
روكا : دخلت ورا شجره .. ومازن دخل وراها .. مسكها وباسها .. خليكى هنا ها اجرى ورا سمسمه وارجع اخد كمان بوسه
روكا : 😂😂 كدا مش لعب .. دا قلة ادب ..
مازن : انا قليل ادب ملكيش دعوه عارفه لو اتحركتى ها اعلقك على الشجره لحد ما كرمله ابنك يرجع من شغله وينزلك هووو وجرى ورا سمسمه .. وطقطوقه وبتجرى جمبها هى وشقشق .. ويسبهم ويروح لروكا .. يبوسها .. ويرجع لهم تااانى ..
سمسمه : طنط فين يا عمووو
مازن : شغلت دماغى وخلصت منها بطريقتى خليها بقى ورا الشجره 😂😂😂😂
********************
منيره : ايه يابنتى مش اهلك احنا .. عايزين نشوفك ونشوف منه اخص عليكى يا ريم
ريم : ان شاء الله الاجازه الجايه ها ننزل يا ماما ما تزعليش منى ..
منيره : ما اقدرش يا حبيبتى ازعل منك وانتى فى غربه كمان .. كل دقيقه بدعيلك فيها .. خلى بالك على نفسك وبنتك وجوزك .. ربنا يحميكو يا بنتى ..
ريم : يارب يا ماما .. ادينى بابا اسلم عليه وأقفل
فتحى : عامله ايه يا حبيبتى
ريم : الحمد لله بخير يا بابا . مالك يا حبيبى
فتحى : تعبان قوى ياريم ونفسى اشوفكم كلكم حواليا ..
ريم : ما تقلقنيش عليك .. طول عمرك جااامد
فتحى : مين بيفضل على حاله .. الحمد لله يا بنتى .. ما تحرمنيش منك يا بنتى .. ومن منه .. وحشتونى قوى يلعن ابو الغربه الا بتفرق الحبايب
ريم : عيطت .. خلاص يا بابا عشان خاطرى انتو كمان وحشتونى قوى ..
فتحى : يارب الحق اشوفك انتى ومنه ادهالى اشوفها وأملى عينى منها ..
منه : الف سلامه عليك يا جدو
فتحى الله يسلمك يا قلبى .. خلى بالك على نفسك يا منه وأفتكرينى بالخير وادعيلى على طول
منه : عيطت على عياط ريم .. يا جدو احنا بنحبك وعلى طول بنفتكرك بالخير ..
فتحى : ما تعيطيش ولا تزعلينى دموعك انتى وأمك غاليه عندى .. أغلى من الدنيا بحالها .. لو جيتى وملحتيش تشوفينى .. انا جايبلك انتى وأمك حاجات كدا على قدى .. خلوها دايما معاكو اوعو تفرطو فيها دى الحاجه الا ها تفكركو بيا ..
ريم : قربت من الكاميرا وبعياط هيستيرى .. ليه يا بابا .. كدا .. ربنا يديك الصحه والعمر الطويل ..
فتحى : ها اعمل ايه بالعمر وانتى بعيده عنى انتى واختك .. عايشين انا وامك بطولنا .. محدش بياخد بحسنا .. لو أعرف ان غربتكم عنى ها تعمل فيا كدا ماكنتش خليتكو تبعدو عنى ابدا .. انزلى وكفايه غربه
ريم : هى روان مش بتسئل عليكو يا بابا
فتحى : بتسئل وبتيجى .. وياما اتحايلت عليا اقعد معاهم .. بس عيب يا بنتى اروح اتقل على الراجل فى بيته واخوه كمان معاااه . مش لو كنتو جمبى .. كان زمان منه بتدخل علينا هى وأحمد وسمسمه .
ريم : عشان خاطرى يا حبيبى ما تزعلش ولو قدرنا ناخد اجازه .. ها ناخد ونجيلك يا حبيبى .. وبعد كلام كتيرر قفلت ..
منيره : بتمسح دموعها .. كفايه يا فتحى .. منا جمبك وهما كل يوم بيتصلو ويتكلمو ..
فتحى : لو يعرفو بعدهم عننا مأثر علينا قد ايه كانو كل يوم يبقو عندنا . وبيبص لمنيره .. خلى بالك على نفسك وعلى بناتك
منيره : بعياط .. كفايه يا فتحى كفايه .. كلنا ها نموت .. ماحدش عارف مين ها يسبق مين يا فتحى
فتحى : ربنا يجعل يومى قبل يومكم .. مش ها اتحمل اعيش من غيركم .. ربنا يحسن ختامنا يا منيره ..
منيره : باسته من راسه .. وبتطبطب عليه .. ولقت الباب بيخبط .. وفتحت ..
روان تنحت ووقف مكانها : مالك يا ماما بتعيطى ليه .. وفى لحظه قلبها وقع .. لما أمها اترمت فى حضنها وعياطها زاد ..
مروان : دخل على جوا على طول يشوف فتحى .. خد نفس وطلعه .. وبيبص له .. مالها حماتى زعلتها والا ايه يا جبار .. وبهزار احنا كدا ها نرفع قضيه
فتحى : ضحك .. تعالى يا حبيبى .. ومروان قرب عليه وحضنه وباسه .. وروان وراه .. اترمت فى حضنه .. وبتقوم فيه ..
فتحى : سبينى يا روان .. انا عايز أفضل هنا
روان : والله ما ها أسيبك .. رجلى على رجلكم .. ياله ياماما وبتشيل فى هدومهم .. تحطها فى شنطه ..
مروان : ما تحاولش .. دى قالتلى لو ابويا ما جاااش معايا ها أخلعك واروح أقعد معاااه وبيضحك منيره .. اخرتها ها ابقى مروان المخلوع على ايد بنتك
منيره ضحكت وسط دموعها .. ربنا ما يحرمكم من بعض .. وبعد مناهدات كتير خدو فتحى ومنيره .. وسافرو ..
💗💗💗💙💙💙💚💚💚
خادمتى ولكن ! 23
*******************
فى صباح اليوم الثانى .. وتبدو الامور هادئه عند البعض ومتوتره للغايه عند البعض ..
احمد : كريم المسافه كبيره اصبر شويه
كريم : لازم اتحرك دلوقتى عشان ما يشكوش فى حاجه .. اول ما اطلع السفينه .. واديكو الاشاره تهجمو على طول ..
طارق : بيضربه على كتفه .. ربنا معاااك وكريم نزل الميه .. وبيعوم باحترافيه شديده وبيحاول ميكنش ظاهر .. بيطلع ياخد نفسه كل فتره وينزل تحت الميه تانى ... وصل عند السفينه .. واتسلقها وطلع بهدوء تام من الخلف .. دخل الاوضه الا تخص قبطان السفينه .. وبحركه منه وخبطه معينه وقع القبطان أغمى عليه كلبش ايده ورا ضهره .. وربط بوقه كويس جدا .. وقبل ما يكلبش ايده كان مقلعه هدومه ولابسها هووو وواقف خد مكانه بعد ما أخفى قبطان السفينه .. طلع بيبص عليهم وعلى امكانهم جوا السفينه ولو فى اسلحه والا لاء .. وبدء يرصدهم جميعااا .. طلع جهاز صغير جدا من جيبه .. وكلم فيه طارق .. وبلغه . بكل امكانهم على السفينه .. والعناصر الخطيره الا ها تدخل مع الشحنه بدئو يدخلوهم صناديق .. ووصف لهم اماكن الصناديق .. فين بالظبط .. وواقف سكت مره واحده ..
واحد من افراد السفينه : قدامنا اد ايه وندخل المينا ..
كريم : ساعه ونص ونبقى على رصيف المينا
احد افراد السفينه : مال صوتك كدا ..
كريم : موطى راسه ومداري وشه بالكاب الا عليه .. ابدا شوية برد ..
احد افراد السفينه : طيب ها تكلم ال... عشان يكون فى استقبالنا ويتم التفتيش زى ما اتفقنا ..
كريم : طبعا طبعا .. بس تليفونى مش لاقيه .. معاك نمرته ..
احد افراد السفينه : طبعا معايا النمره .. بس ازاى تليفونك مش لاقيه .. وفتح التليفون .. واتصل على احد مسئولى التفتيش فى المينا .. وكلمه .. وكريم عرف اسمه والافراد الا معاه كلهم واماكنهم ..
كريم : ادى الاشاره لطارق واحمد .. وبدئت القوات كلها تحاصر السفينه ملحمه حقيقيه من القوات البحريه .. والشرطه وهجمو على السفينه .. وتم التعامل مع كل افراد السفينه .. وظهرت اسلحه وتبادل لاطلاق النار .. بين العناصر الاجراميه والارهابيه .. والشرطه المصريه والبحريه
طارق : بيضرب بالنار .. وضهره للبحر .. وواحد من المجرمين جاااى من ورا طارق .. ولسا ها يضربه .. جرى كريم عليه وزق طارق جااامد وملحقش يضربه .. و احد القوات البحريه ضربه .. والرصاصه جت فى كريم ..
طارق : شاله على كته . ودخل فى حته امان شويه .. ولا كريم .. رد عليا .. وبيفتش فين الرصاصه الا اتصاب بيها ..
كريم : اتعدل .. وبيضحك .. وماسك طارق من وشه قلقتى عليا يا بيضه ..
طارق : ضربه بضهر المسدس فى صدره ووقعه .. عيل رزل .. وقامو مع بعض ووقفو فى ضهر أحمد ..الا مش مدى فرصه لحد من المجرمين وبيضرب وبيصيب بإحتراف والحمد لله العمليه تمت بنجاح باهر يشهد لها الجميع وتم القبض على جميع العناصر الا موجوده على السفينه .. وحرزت المضبوطات . وهى طن هروين خام .. وبعض من المبالغ الماليه والاسلحه والقبض على العناصر الاجراميه ..
فرحه متملكه من الجميع .. وتهانى بين قوات الشرطه المصريه والبحريه المصريه .. وتم القبض ايضا على بعض المسئولين والمتورطين فى المينا مع هذه العناصر ..
(((( واقعه حقيقيه بالفعل وحدثت ملحمه واشتراك بين قوات من الشرطه وقوات من البحريه المصريه .. والقبض على العناصر الاجراميه وطن هروين خام كان داخل البلد .. انهم يستحقو التحيه جميعا ربنا يحمى مصر واهلها وجيشها وشرطتها .... ولكن الحوار من وحى الخيال )))
****************
روان : حكايتك ايه يا فتحى قولى .. كل ما تتعب شويه تقلقنا ..
فتحى : ابتسم غصب عنى .. نفسى اشوفكم جمبى . كلكم ..
مروان : احنا جمبك يا راجل يا طيب .. مش ها نسيبك ..
سمسمه : جدو فتحى .. انت مش بترضى تيجى عندنا ليه بقى
فتحى : مش عايز اتقل عليكم يا حبيبتى ..
سمسمه : خلاص يا جدو خس شويه وانت مش ها تبقى تقيل .. صح يا بابى ..
كلهم : 😂😂😂
منيره : انا قولتله كتير خس مش راضى يا سمسمه
سمسمه : بتبص لمازن .. انت وعمو اللذيذ .. اعملو تمارين وخسسو الكرش بتاعكم
مازن : اخرسى انا عندى كرش .. دا زتونه صغيره .. مادخلتش فى مرحلة الكرش ..
روكا : الزتونه بتكبر وها تبقى بطيخه كبيره ..
منيره : ربنا يديم عليكم العز يابنتى ..
مازن : شوفتى الناس الا بتفهم .. ما اسموش كرش اسمه عز متربى على الغالى ..
وقاعدين حوالين منيره وفتحى .. بيتكلمو معاهم .. اما مرنا دايما مفضله العزله التامه ..
*******************
طارق واحمد وكريم راكبين عربيه واحده ومروحين بيها ومشغلين الكاست عالى جدا .. كريم وطارق طالعين من الشبابيك .وبيصفرو وبيضحكو جاامد .. واحمد طاير بالعربيه . وبيضحك وبيرقص بالعربيه يمين وشمال واول ما دخل فى منطقه سكنيه هدى خالص العربيه حفاظا على حيات الناس ... وهو ماشى لمح صيدليه وبنوته جميله لفتت نظره جوا الصيدليه .. ركن على جمب ..
كريم : خير يا حبى رايح فين ..
اأحمد : مشوار صغنون كدا ها اتاكد من حاجه وجاى على طول ..
طارق : حبيب هارتى .. اوعى تتهور
احمد : بيضحك .. اوعى انت تتهور وتيجى ورايا .. وبيعمل علامة السكينه على رقبته .. ها اخلص عليك .. ودخل الصيدليه وواقف مش بيطلب اى حاجه وساكت
البنت : ايه عايز حاجه
أحمد بيشاور على نفسه انا .. لا مش عايز انتى عايزا حاجه 😂😂
البنت : ودا أسمه ايه ... امال واقف قدامى ليه دلوقت
أحمد : انا واقف فى ارض الحكومه 😂😂
البنت : بتحط ايديها فى جمبها .. يا سلام .. وصوت عالى أنت دخلت الصيدليه وأممتنى كمان و خلتنى ملك الحكومه
أحمد : بيلف حوالين نفسه .. احمممم اه نسيت أصلى مصدع وكنت عايز حاجه للصداع ومسك دماغه
البنت ؛ سحبت علبة برشام من الرف الا جمبها اتفضل وبتريقه كل ما تحس انك مصدع خد منه وبتديلو علبة البرشام أحمد خدها ومسك ايديها وهو بياخدها .. بتبرق له لا دا انت زوتها قوى ولسا بتزعق وطالعه له .. كان هو طلع ومعاه البرشام وطار بالعربيه من غير ما يحاسب ..
كريم : انت طالع من الصيدليه ولا كأنك عامل عامله اعترف عملت ايه
طارق : بيبص لاحمد الا عمال يضحك .. ماتنطق يالا .. شكلك كدا ما يطمنش ..
احمد : بقولكم ايه .. انا عازمكم على حسابى فى الكوفى شوب دا .. ايه رايكم ..
طارق وكريم : بصوتهم كله احنا جعانين ..
احمد : يا ساتر .. ها ناكل وبعدين ونروح الكوفى شوب .. وسابهم فى الكوفى شوب وخد العربيه كان عدا ساعتين و رجع لها تانى ... ودخل الصيدليه .. وبيكلمها انتى تانى
البنت ؛ يخربيتك انت ايه يابنى أنت راجع ليه ولسا ها تتكلم
أحمد : بيشاور لها هشششش .. أسكتى .. انا جاى عشان ماحاسيبتش على البرشام بكام
البنت : بعصبيه ب20 جنيه
أحمد : طيب اتفضلى
البنت تنحت : ايه دا ان شاء الله
أحمد : دا البرشام مش عايزه ... أصلا انا ماعنديش صداع ليه أخده بتفولى عليا حضرتك 😂😂😂
الينت : بتلف وشها وبعصبيه شديده .. بتمد ايديها طب هات انت شكلك مش طبيعى
أحمد : بيمد ايده ومسك ايديها لتانى مره .. والبنت طلعت من الباب الا بينهم وبتنادى على حد برا وبتجرى ورا أحمد .. وهو بردو خد عربيته وطار 😂😂😂😂
البنت : دخلت الصيدليه تانى .. بتكلم نفسها .. أستغفر الله العظيم .. ايه دا .. ودخلت عليها بنوته صغيره ..
البنوته : لو سمحتى ماما بتقولك عايزا برشمتين من الا لونهم أخضر بتاع المغص ..
البنت : لونهم أخضر .. يارب صبرنى .. اتفضلى وخدت منها الفلوس .. ودخل عليها ولد .
الولد : عايز اتنين بامبز لو سمحت يا ابله ..
البنت : ابله اجبلك لبان بالمره😂😂
الولد : هاااه
البنت : ولا حاجه مقاس ايه
الولد : مقاس كبير مقلبظ او مدور
البنت : 😂😂😂 هو يوم المجانين انهارده ودا اعملهولك عموله .. يارب رحمتك .. وجابت طلبه .. وبعد ما خرج .. انا فاتحه محل بقاله .. يا خوفى يدخلو يقولولى عايزين ربع جبنه قديمه يا دكتوره ريم .. تبقى كملت
💗💗💗💙💙💙💚💚💚
للمتابعه اترك تعليق
البارت الرابع والعشرون + الخامس والعشرون
خادمتي ولكن
💗💗💗💗💗💙💙💙💙💙💚💚💚💚
الشباب روحو بعد وقت كبير جدا .. وكل واحد فيهم داخل على عليلته بحاجه تخصه ..
فى الا داخل وقلبه دق ومشاعره متلخبطه .. وفى الا ها يجنن ابوه زى عادته .. وفى الا بيمارس جنونه وهوايته ...
****************
مازن : ايه الدوشه الا برا دى
روكا قامت ومعاها روان وطالعين ومعاهم مازن
مازن : ايه دا يا كريم
كريم : دا كلب جوردى
روكا : جبته منين دا يا حبيبى والا بتاع مين حد من صحابك فى الشرطه
كريم : ليه ياماما حد قالك ان الشرطه بتفرق كلاب بتاعنا اشتريته من ال..... ب ...... وبفرحه دا رخيص قوى
مازن شهق : وحياة أمك دا انا مدفعتش الا انت دفعته دا فى دهلز .. دهلز علم من اعلام الفيلا الا يوم ما مات فحرناله 10 متر تحت الارض عشان تاخد جدته دهلز الا هو ادهلز واجرى وجاب لنا شفشق ابو شفتوره مش مالى عينك شفشق
😂😂😂
روان بتشوح بايديها : دهلز ايه وشفشق مين يا مازن وبتعلى فى صوتها ابنك جايب لنا مجانص .. مجانص يا كيمو كونو دا ناقص يقولى عوووو
مازن بيبص لروان : ها يقولك ايه
روان : بتمد شافيفهاا لقدام وبتحول عوووو يا مازن عوووو
😂😂😂😂😂😂
روكا ؛ 😂😂 دا كله مجانص .. وبتقرب عليه ومسكته من وشه من غير خوف .. ادى مجنص وادى مجنص
مازن : جايبلى كلب بعضلات يا كرملة أمك وعصرك وأوانك بتخوفنا يالا انا عارف دماغك ... لا ياحبيبى ها تبقى ظابط على الدنيا كلها الا انا لو انت بتتحامى فى الداخليه فا انا بتحامى فى الحكومه وبيشاور على روكا أمك .. حكومه دى والا مش حكومه 😂😂😂 دفعت منين كل الفلوس دى يالا
كريم عمال يضحك هو عارف ان ابوه ها يتجنن من سعر الكلب وبيكمل عليه : منك يا حبيبى 😂😂😂
مازن : بيشاور على نفسه ومتنح منك يا حبيبى انا .. الواد بيسرقنى .. وبيعلى صوته ويهز راسه الواد بيسرقنى 😂😂😂😂
كريم : اسرقك ايه بس يا بابا .. انا عمرى ما عملتها
روكا : تربيتى انا ها اتبنى مجانص عشان خاطرك يا كرمله
كريم : بيضحك ميرسى يا روكا هو دا الكلام .. خلاص كدا بقى أسمه مجانص
مازن رافع ايده : منك لله انت وأمك 😂😂
روان : ايوا يعنى دفعت الفلوس ازاى
كريم : 10 دقايق والفاتوره تيجى لبابا يدفعها 😂😂
مازن : طار ورا كريم وكريم ساب مجانص الا طار على شقشق وبيهجم عليه
روان : راحت جرى على مجانص .. سيب شقشق يا متوحش وركبت فوقه وبتشده من ودنه وطقطوقه واقفه تهوهو جااامد على مجانص وبتعضه فى رجله ... 😂😂😂 روكا شاركتها اللحظه وركبت وراها وبتشد معاها 😂😂 امسكى يا رورو يخربيته كان بيلعب مصارعه دا والا ايه
روان : انا عارفه أمسك فيه حاجه كلب معضل او مجنص سيب شقشق بقولك وبتضربه فى راسه وبتزعق شقشوقى ها يموت ياناس الحقونى يالهوووتى 😂😂😋 .. كريم لقى أمه وروكا راكبين فوق الكلب ونازلين فيه ضرب هو ومازن سابو بعض وبيضحكو على منظرهم وجرى عليهم وكريم سيطر على مجانص وخده
مروان : ماسك سمسمه فى ايده .. وخرج برا على صوت دوشتهم
سمسمه : بشهقه وبتحط ايديها على بوئها وبتبص لمران . كل دا كلب يا بابى .. دا كبير قووى وعنده عضلات
مروان : ايوا كبير حلووو .. وحش
سمسمه : مفيش احلى من طرقوعه يابابى
مروان : هى طرقوعه دى قريبتك 😂😂 مبتحبيش غيرها مفيش حيوانات تانيه بتأثر معاكى
سمسمه : بتضحك ما هى صغنونه يا بابى مش بتكبر زى دول ومش بتخوف
مروان : ورينى كدا يا كريم ووطى مسك الكلب وبيشده عليه .. حلو الكلب دا جااامد .. جوردى
كريم : بيبص لمازن شوفت .. عارفه اهووو وبيقولك جاامد .. ايوا يا عمو جوردى
مروان : بكام
كريم : ب ......
مروان : سعره كويس
مازن : بيضرب كريم على راسه .. قولتك الكلب يستاهل .. وانت تقول غالى وعاملى بلووو من ساعة ما جيت جاتك القرف 😂😂😂
كريم : بيضرب كف على كف .. وانا الا كنت بجرى وراك من شويه
مازن : ايوووا ...
مروان : ها تحطه فين هنا بردو
كريم : ايوا يا عمووو .. بس ها ابعده عن شقشق لحد ما ياخدو على بعض ..
مروان : دا خليه حراسه للفيلا من ورا لانه كلب شديد مش ها ياخد على شقشق بسرعه
مرنا : واقفه فى البلكونه من فوووق ومش واخده بالها من اى حاجه اول ما سمعت صوت عربيه أحمد بتخرج من وحدتها بسرعه .. وبتبص على احمد الا برا الفيلا وداخل بالعربيه بالهفه بتخطف نظرات بشوق وحب هو مش حاسه ولا شايفه .. قررت انها تفضل فى عالمها الخاص .. وتبعد وتكتفى بالنظرات وبس .
احمد : لابس نضارة الشمس ونازل من العربيه .. وبيبص لقى ميرنا واقفه بتبص له .. شاور لها وبيسلم عليها .. وتجاهل تماما احساسها بيه .. مجرد مرحله وها تعدى .. بيحبها بس زى اخته مش اكتر من كدا .. ومش قادر يحس بأكتر من كدا وخايف يظلمها هى تستاهل تتحب
الشباب سلمو عل اهاليهم .. وخدوهم بالاحضان .. واحمد فرح جدا لما عرف ان جده وجدته ها يقعدو معاهم .. وهما كمان فرحو جدا .. انهم شافوه وها يقضو وقت معاه ..
********************
طارق : داخل بموتوسكل جديد .. وحديث جدا الفيلا وبسبب صوته .. خرجت هدى من جوا
هدى : الله يا طارق جميل قووى
طارق : اركبى ياهدهود ورايا .
هدى : بخاف لأقع من عليه
طارق : عيب يا هدهود .. ها تقعى وانتى معايا . وركبها ولفت ايديها على وسطه .. وبيلف بيها فى جنينة الفيلا .. والكل خرج على صوت هدى الا بتصرخ .. وطارق الا بيضحك ..
شريف اول ما شافه : طاير ورا طارق .. ولا امك يالا .. مليش غيره ها تموتها يخربيت جنانك
محمود : بيضحك جااامد ..
فاطمه : هدى يا محمود ها تقع من المجنون دا
محمود : ما تخافيش يا فطوم .. مش ها تقع .. بصى شريف بيلف ورا طارق ازاى .. والله بيحبها قوووى ساعات بيصعب عليا
طارق : بيضحك .. وبيبص لشريف وفى اللحظه الا بص له فيها .. دخل فى السور ووقع هو وهدى ..
هدى بصوت العياط : اه يا شريف اه
شريف : بيضرب طارق .. ياخى أعمل فيك ايه .. انت مجنون يالا .. وبيقوم هدى وبيزعق فيها وانتى راحه تركبى وراه
هدى : نفسى اركبه يا شريف من زمان
شريف : ركبتى ياختى .. ركبتى وارتحتى
طارق : بيبوس شريف .. وبيضحك خلاص يا شرشر .. انت السبب حد قالك تجرى ورانا
شريف : بيزقه اوعى ياخى .. امك يالا خط احمر ياغبى بلاش جنان معاها مش حملك هى
طارق : ماشى وبيكلم هدى انتى خط احمر ابعدى عنى عشان انا بجبله حساسيه 😂😂😂
هدى : ماشى يا طقطق .. وقربت وبتحضنه وبتوسه وماسكين فى بعض الاتنين
شريف : بيشده .. وبيبعده عن هدى .. كفايه بقى غور ما بتصدق تمسك فى حد وتنزل بووس
طارق : امى .. وربنا أمى
محمود : بيضحك جاامد .. وقرب على طارق وبيحضنه ويبوسه .. هو وفاطمه . ومسك المتوسكل .. جايبه منين دا
طارق : من معرض ال..... ب ......
محمود : حلووو يا طارق .. جديد ولسا نازل حديث
شريف : شكلك كدا قبضت .. قبض حلوو وبيضحك اعترف انا ابوك بردو 😂😂
طارق : لسا ما قبضتش وهو القبض ها يجيب دا ازاى .. انت يا جميل الا ها تدفع .. احنا لسا مظبطين البلد .. وبنعرض نفسنا للمخاطر عشانكو ..
شريف : ليه حد قالك انى انا البلد . وبيشاور بطرف صباعه .. انا حته اد كدا من البلد مش ظاهره فى الخريطه
طارق : انت يا حبيبى بالبلد كلها وبيبوسه تانى .
محمود : دا هديتى ليك يا باشا .. انا الاصل سيبك من ابوك
طارق : حبيبى وربنا يا جدى .. وبيبص لشريف
شريف : بيهز راسه ايه .. هو الاصل سيبك من ابوك انت فعلا بقيت بتجيبلى حساسيه
طارق : لا وربنا انت بقى فى عربيه ها تطلع من عينى .. لازم اجبها
شريف بيشاور بايده ناحية الجراج : وبالنسبه للجوا ..
طارق : بص بقى منا ها ادبسك يعنى ها ادبسك .. و زيادة الخير خيرين انت عارف انى غاوى وبيبص لهم كلهم لمووو من بعض وهاتولى العربيه مليش فيه وياله على جوا عشان انا جعان نووووم وسابهم ودخل على جوا
شريف : ايه الواد دا .. دا عشره فى بعض ها الاحق عليه منين انا
محمود : انت ليك غيره هاتلو الا هو عايزه ما هو كله له فى الاخر يعنى كدل دا ملكه
شريف : انت كمان موتنى وها تخليه يورثنى وبيرفع ايده الله يرحمك يا عمى بهاء انت السبب ودخلو على جوا
*************************
مر اسبوعين .. وريم قررت تنزل من كتر قلقاها على والدها وفعلا حجزو .. ونزلو مفاجأه للكل .. قضو وقت كبير معاهم وخدو منيره وفتحى الا صحته اتحسنت شويه ..
ومروان ومازن وشريف ومؤمن بيظبطو الشغل عشان كل واحد فيهم عايز يقضى اجازه خاصه بيه ..
احمد : ما بيبطلش تفكير فى ريم عرف اسمها وكل حاجه عنها .. وسايبها للظروف وزى ما تيجى وبيلعب معاها وطول الوقت بيختبرها بطريقته هووو .. وعايش جنونه مع سمسمه الا بيلعب معاها كتيررر .. واصحابه واخواته الا ما بيبطلوش خروجاتهم مع بعض .
***************
الشباب كانو بين الشغل والبيت .. وتم استدعائهم لقضيه جديده وكبيره تم البلاغ عنها .. عن عصابات خطف الاطفال والاتجار بيهم .. قضيه مهمه تعانى منها البلد فى وقت صعب جدا .. وعملو من الاطفال والبشر تجاره . وبدئت الشباب بهمه ونشاط كبير
اتنكر احمد وطارق عشان يدخلو مخزن يخص هؤلاء المجرمين .. احمد بيامن دخول طارق ..واتفقو ان بعد خروجه من المخزن ووضع اجهزه للتسنط فيه كل واحد يهرب من طريق واول ما طارق خرج واحمد اتاكد بنفسه ان صاحبه واخوه قدر يخرج بسلام مشى بسرعه جدا وصل عند العربيه الا ركانها على بعد .. وهو متنكر فى لبس متشردين ومركب دقن .. ولابس شبشب فى رجله .. وداهن وشه اسود .. بعد ما خلص مهمته .. قبل ما يروح راح على ريم فى الصيدليه
ريم اول ما شافته : دخلت جرى جابت فلوس من المكتب وبتديها لاحمد ... وبتمد ايديها له اتفضل
أحمد ابتسم بمكر وقرر يكمل : مسك ايديها .. وبيقلد صوت الناس الكبيره .. ابوس ايدك يابنتى يا أم قلب كبير 😂😂😂
ريم : بتشد ايديها ... لا لا يا عم الله يسهلك ..
أحمد : ماهو مسهلها على الاخر يابنتى .. هو فى تساهيل أكتر من كدا .. وبيرفع ايده حكمتك يارب ..
😂😂😂😂😂
ريم : هو انت عايز حاجه تانى .. تاكل انا معايا سندوتشات ..
أحمد : كمان ها تاكلينى يا أم قلب كبير .. وبيرفع ايده تانى حكمتك يارب 😂😂😂
ريم : جابت الساندوتش .. اتفضل
أحمد : والله انا جعان .. بس لايمكن أخد أكلك يا بنتى يا عسل ياقمر شكلك على لحم بطنك حكمتك يارب
ريم : لا لا اتفضل كله كله .. لما احتاج أكل ها ابعت اجيب
أحمد : طيب انتى قطمه .. وانا قطمه حكمتك يارب 😂😂😂😂
ريم تنحت و بصوت عالى نوعا ما : نعم ؟!
أحمد : مش قصدى .. يعنى لازم تاكلى معايا .. ان شاالله تاخدى قطمه واحده منه وبزعل والا انتى ها تقرفى منى عشان انا غلبان وعلى قدى وخلاص ها يمثل انه ها يعيط .. حكمتك يارب
ريم : لا ياعم كلنا ولاد تسعه ومدت ايدها هات ..كلت من الساندوتش حته صغيره .. كدا حلووو .. اتفضل
أحمد ابتسم بمكر : حلو وطعمه جميل ايوا الله جميل ... ايوا الله
ريم : يعنى مقولتش حكمتك يارب
أحمد : معلش يابنتى الواحد بينسى .. حكمتك يارب
ريم : ممكن تتفضل بقى عشان اشوف شغلى والا انت عايز حاجه تانى
أحمد : مسك ايديها جاامد تشكرى يا بنتى وبيعلى صوته يا أم كبير اد كدا 😂😂😂😂
ريم : بتشد ايديها لا العفو اتفضل وهى بتشد ايدها جامد دقنه اتهزت من مكانها
💗💗💗💙💙💙💚💚💚
خادمتى ولكن 25
💗💗💗💗💙💙💙💙💚💚💚💚💚
ريم : استنى كدا وبتشده .. ومسكت دقنه شدتها .. وبعصبيه افهم ايه دا
احمد : حكمتك يارب .. كل حاجه ولها وقتها وبتقع يابنتى .. حتى شوفى وشال الشنب .. ومسح وشه .. وبيضحك 😂😂😂😂
ريم : حكمتك يارب هو انت ومسكت فى ايده .. مش ها اسيبك وبتنادى .. يا مسعد .. يا مسعد .. الحقنى يا مسعد .
أحمد : لو هو مسعد انا أسعد منه فى اللحظه دى وشد نفسه منها وخرج بسرعه .. ركب العربيه .. ومشى وطول الطريق بيضحك بهستريه افتكر السندوتشات الا كانو معاه وحطهم على الكرسى جمبه وبياكلهم وهو مستمتع قووى واتبسط انه اكتشف فيها جانب انسانى ومش متكبره وغير كدا بقف بجراءه ترد وتواجه اى حد بيدايقها
ريم : بعصبيه .. انت فين يا مسعد قولتلك مليون مره ما تسيبش باب العماره وتمشى عشان لما احتاجلك
مسعد : ياست ريم .. بجيب طلبات لسكان العماره .. تأمرينى بإيه حضرتك
ريم : بتخبط على رجلها بأيديها الاتنين بعصبيه .. حكمتك يارب . جاى بعد خراب ملطه تقولى عايزا ايه روح يا مسعد اصلى اسعد واحده لما شوفتك دلوقت 😂😂😂.. وفضلت تضحك على نفسها .. ومن احمد الا مجننها بقاله فتره .. بدء فضولها .. ودماغها تشتغل مين دا وليه بيعمل كدا شكله ابن ناس اول مره شافته فيها شياكه وعسل كدا فى نفسه
*****************
احمد وصل البيت وخد شاور ولبس وبقى اخر شياكه .. ونزل عشان يرجع شغله وهو نازل .. قابل ميرنا ..
ميرنا : تجاهلته وطالعه على فوق
أحمد : ميرنا
ميرنا : وقفت وما بصتش له . نعم
أحمد : فى ايه بقالك فتره متجاهلنى وما بتقعديش معانا خالص
ميرنا : بوجع جوا قلبها نفسها تعيط وتترمى فى حضنه وتقوله حرام عليك .. اصلى مشغوله شويه
احمد : مرنا بصيلى ... انا احمد مش عدوك
ميرنا : لفت وعيونها مليانه دموع .. عشان انت أحمد مش عايزا ابصلك انت وجعت قلبى قوى يا أحمد و انت طلبت منى انى ابعد عنك وبعدت .. عايز ايه تانى
أحمد : لا انا ما طلبتش تبعدى .. انا قولتلك احنا اخوات وشيلى الكلام دا من دماغك .. طبعا زعلتى منى لانى اخر مره كنت عنيف معاكى شويه .. بس مش عايزك تتعلقى بيا وانا فعلا مش أكتر من اخوكى انا واثق ان فى يوم من الايام ربنا ها يكرمك با الا يقدرك ويحبك وها يكون أحسن منى .. انما انا حرام اعلقك وانا فعلا مشاعرى مش معاكى عشان كدا قولتلك طلعى الكلام دا من دماغك
ميرنا : حاضر انا بنفذ كلامك بطريقتى .. من فضلك يا احمد سبنى براحتى .. بعد اذنك وسابته وطلعت على فوق .. دخلت اوضتها وقفلت الباب وقعدت وراه وفضلت تعيط كتير قوووى .. حاسه انها مقسومه نصين .. نص مع احمد ورافض يعيش من غيره عنده هوس اسمه أحمد بيتخطف من الدنيا والناس وما بيشوفش غيره ونص معاها بيقنعها تسيبه وما تفكرش فيه تانى وقامت بتقل راحت على سريرها .. روكا دخلت عليها ..
ميرنا : بتمسح دموعها .. وبتدارى وشها ..
روكا : قعدت جمبها وقربتها منها .. مرنا اترمت فى حضنها .. وكملت عياط .. مالك يا قلبى مين الا زعلك ودموعها نزلت هى كمان لحد ولادها والوجع بيبقى الضعف عليها
ميرنا : تعبانه يا ماما .. تعبانه قوووى قلبى حاسه انه مخنوق وبيموووت
روكا ضمتها قوى وعياطها زاد و بتبوسها من راسها : ليه يا قلب ماما .. ايه الا تعابك يا مرنا .. نفسى تقوليلى كل الا جواكى وتصارحينى .. لو فيكى حاجه تعالى نكشف
ميرنا : بدموع بتقتل روكا .. تعبانه وبس .. حاسه انى مجروحه وحد ماسك سكينه تلمه بيقتلنى بيها مش محتاجه لدكتور .. محتاجاكى قوووى محتاجه كلكو تبقو معايا وجمبى
روكا : بعد الشر عنك يا قلبى .. اوعى تقولى كدا يا حبيبى .. احنا جمبك ومش ها نسيبك ابدا وفضلت جمبها تقرا عليها قرأن لحد ما نامت .. وروكا خدتها فى حضنها ونامت جمبها وهى ها تموت من الخوف عليها
*********************
طارق بعد ما خرج من المخزن اتنين لمحوه .. وطلعو وراه .. وهو بيهرب بالموتوسكل .. وبيدخل فى شوارع هو نفسه ما يعرفهاش كتير جدا عشان ما يقدروش يوصلوله
************
فى جيم متجمعه البنات .. ومدربتهم .. بعد ما خلصو التمرين بتعاهم ..
المدربه : انتى ليه دايما يا حور بتلبسى عبايات كبيره جدا وبتضخمك ولها كتافات ولا كأن عندك 70 سنه رغم انك صغيره ..
حور : عشان دى عبايات ماما الله يرحمها .. الحاجه الوحيده الا بحس براحه وانا لابسها .. وكمان مش على طول بلبسهم .ما انتى عارفه
المدربه : بصى انتى بالبس التدريب .. صغيره وعسل قوى .. انتى مكبره نفسك ليه .. ودا أكيد الا خلى محمد بعد كتب كتابه عليكى طلقك وسابك يابنتى الرجاله بتحب الاهتمام والوحده الا طول الوقت واخده بالها من نفسها
حور كتمت غيظها وجرحها : مش مبرر انه يسبنى على فكره لو باقى عليا وحبنى زى ما حبيته او كنت فاكره انى بحبه لان الا زى دا ما يتحبش عمره ما كان سابنى لو فيا ايه .. انا الحمد لله كويسه وما يهمنيش اى حد يشوفنى ازاى ... انا لازم أمشى عشان اخلص تصحيح الكراسات .. اشوفك بكرا ان شاء الله ها اجيلك فى نفس المعاد
المدربه : ان شاء الله يا حبيبتى ..
حور : طالعه وماشيه بسرعه جدا مش شايفه قدامها وبتعيط بعد ما المواجع كلها اتقلبت عليها و افتكرت كل حاجه .
طارق : راكب المتوسكل وبيلف براسه يبص وراه يشوف حد ومازال على سرعته واتفاجئ بحور الا طارت فى الهوا من قوة المتوسكل وصرختها الا هزت قلبه من الصدمه ونزلت على الارض .. وقف بسرعه ونزل لها .. بيبص حواليه المكان فاضى مفيش اى حد .. خدها وركب وهى فاقده للوعى وكمل قبل ما يوصلو له ...
************************
مروان واقف فى الجنينه وبيرشها ومزاجه حلووو جدا ومبتسم مش عارف ليه .. لقى روان وسمسمه طالعين مع بعض وجاين عليه .. وهو قرب بالخرطوم وبيجرى وراهم
سمسمه : بتضحك وتجرى جمب روان .. بابى عامل مطره يا مامى ..
روان : 😂😂😂حاطه ايديها على وشها .. خلاص يا مروان كفايه
مروان : بعملك مطر زى سمسمه ما بتقول .. ورمى الخرطوم وطلع يجرى وراهم .. لفو فى الفيلا من ورا .. جمب حمام السباحه الكبير وزق روان وسمسمه فيه ونط وراهم ..
سمسمه : اتشعلقت على كتف مروان .. ولفه ايديها حوالين راقبته .. بحبك يا بابى قوووى
مروان : وانا كمان يا حبيبة قلبى بابى ..
روان : وانا يا مروانى انا كمان .. والا ناس تتحب وناس تشرب من مية البسين
مروان : 😂😂😂طيب انتى لسا ما شربتيش استنى .. ولسا ها يمسكها ويغطسها ..
مازن : الله الله .. على الانحراف الاخوى .. بتعيش مراهقه متأخره حضرتك ناططلى فى البسين بهدومك انت والست هانم والهانم التانيه الا بقالى ساعه بدور عليها .. ارحمو نفسكم يا بشررى
سمسمه : عمووو اللذيذ انت عايزنى
مازن : بيبعت لها بوسه فى الهوا .. تعالى عشان جايبلك بيتزا زى ما طلبتى الدليفرى وصل
سمسمه : طلعت من البسين جرى .. ومازن مسكها وراحو على الفيلا
مروان : بيضحك .. مسيطر عليها بكل حاجه مش مديها فرصه تفكر ها يطلعها بكرش زيه وها تبقى كارثه ويارب تطلع زيك انتى وركا تاكلو وما يبنش عليكو 😂😂😂
روان كانها بتتذوق الاكل : لا وايه بيتزا . ولسا ها تخرج من البسين مسكها سبنى يا مروان .. اخوك بيبعنى وها ياكل البيتزا كلها لوحده هو وسمسمه بقت نسخه منه 😂😂😂
مروان : شدها وسحبها لنص البسين .. تعالى هنا تبقى مع جوزك حبيبك .. وبيغمز لها .. ومراهقه متأخره وكدا وتجرى ورا الاكل .. مفيش احساس
روان : نووو فيش فى بيتزا دلوقتى 😂😂😂
مروان : مفيش دم طيب
روان : وبتعيط عياط مصطنع .. فيش بردو .. طيب اروح اجرى الدم فى عروقى بخرطتتين تالته بيتزا واجيلك .. ها تلاقينى اخطبوط جوا الميه ..
مروان : قربها أكتر وحضنها جااامد .. وبهمس جمب ودنها تسافرى برا نقضى شهر عسل
روان : بصتله بجد يا مروان .. طبعا أسافر .. انت لسا بتسئل
مروان : تحبى تروحى فين ..
روان : الاقصر .. نفسى الفها حته حته ..
مروان : ضحك بصوته كله .. مجنونه كل ما تكبرى بتتجننى أكتر .. بقولك برا مش جوا
روان : عارفه على فكره .. ومسكت ايده و قربت أكتر .. حابه اشوفك وانت فى بلدك بتلففنى فيها كأنك عايش برا ومستمتع بكل حاجه فيها وحاببها
مروان : شالها بين ايديه فى الميه .. انا مستمتع بيكى انتى ومعاكى .. وحابب اى مكان تكونى انتى فيه ها تخلى له طعم تانى .. بس برا ببقى براحتى معاكى بنجرى بنلعب ونركب عجل كل حاجه معاكى بحس فيها بالجنون
روان : خدت نفس .. انت بتسحرنى بكلامك .. مش مهم الدنيا عندى كلها فى حضنك .. انا كل يوم بيعدى عليا وانت معايا وجمبى شهر عسل لوحده ربنا يباركلى فيك وما يحرمنى منك
مروان : وفيكى يا قلبى انا بحمد ربنا طول الوقت وبفكر لو كنت ارتبطت بواحده غيرك يا ترى حياتى كانت ها تبقى كدا وضمها .. وطلعها من البسين وراحو غيرو هدومهم ولقى مازن جايب بيتزا لهم لهم وقعدو وشاركوهم الاكل بعد ما نزلو روكا وميرنا الا هديت شويه
**********************
طارق وصل المستسفى ... وشايل حور بين ايديه .. منير الحقنى شوف الست دى مالها مش عايزا تفوق ..
منير : نادى على ممرضه ودخل بيها اوضة الكشف وكشف عليها وطارق صمم يفضل معاهم ..
منير : هى مين دى يا طارق ومين الاعمل فيها كدا
طارق : انا خبطها بالمتوسكل معرفش طلعت منين وأمتى قدامى . وماعرفش عنها اى حاجه ولا معاها شنطه ولا شئ يدل على شخصيتها ..
منير : ما بشوفكش ولا بتسئل غير وانت جايبلى مصيبه
طارق : وقتك يا منير .. ما تشوف الست دى بدال ما تفرفر والبسها انا
منير : لازم اشاعه .. لان شكلها كدا دخلت فى غيبوبه .. وعملو لها اشاعات وتحاليل وكل المطلوب وهى مكانها ما بتتحركش
💗💗💗💙💙💙💚💚
💗💗💙💙💚💚
أحمد مسئول وازاى يعمل كدا ؟!
أحمد شاب زى الشباب ومن حقه يعمل الا هو عايزه ادام دا مش بيضر شغله او اهله .. عمل ليه كدا بردو مع الحلقات ها نوضح اصبرو شويه انتو عايزين الحلقه تنزل فيها الروايه كلها .. كل واحد بيبقى له وجة انظر او اتحط فى موقف معين وساعات بيبقى تصرفه ملوش علاقه بطبيعته
للمتابعه اترك تعليق
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
ممكن باقى روايه
ردحذف